Home  
Breaking NEWS

రాజీనామా దిశగా ధర్మాన

సిబీఐ నాంపల్లి కోర్టులో దాఖలు చేసిన నాలుగవ ఛార్జిషీటులో ఎ5 ముద్దాయిగా ఉన్న మంత్రి ధర్మాన ప్రస్తుతం న్యూ ఢిల్లీలో వున్నారు. నేడు ధర్మాన ప్రసాదరావు రక్షణమంత్రి పల్లంరాజు తో భేటీ అయ్యారు. చర్చలు ముగిసిన తరువాత ధర్మాన రాష్ట్ర వ్యవహారాల ఇన్ ఛార్జి గులాంనబీ ఆజాద్ ను కూడా భేటీ కానున్నారు. ధర్మాన రాష్ట్ర గవర్నర్ నరసింహన్ అపాయింట్ మెంట్ కోరినట్లు తెలిసింది. ధర్మాన మధ్యాహ్నం 3.30 నిముషాలకు హైదరాబాద్ చేరుకొని నేరుగా ముఖ్యమంత్రికి తన రాజీనామా లేఖను అందజేయనున్నట్లు తెలిసింది. 

మళ్ళీ మొదటికొచ్చిన ఫీజు రీ ఎంబర్స్ మెంట్ సమస్య

ఇంజనీరింగ్ ఫీజును 35 వేలకు ప్రభుత్వం ఖరారు చేసింది. నిన్న జరిగిన సబ్ కమిటీ మీటింగ్ లో ఇంజనీరింగ్ కళాశాల యాజమాన్యాలు కూడా ఒప్పుకున్నాయి. కానీ ఇరవైనాలుగు గంటలు పూర్తికాక మునుపే రీ ఎంబర్స్ మెంట్ మళ్ళీ మొదటికొచ్చింది. ప్రభుత్వం కళాశాల యాజమాన్యాలకు తమ అంగీకారాన్ని పత్రాలపై సంతకాలు చేసి ఎ.ఎఫ్.ఆర్.సి ముందు సమర్పించాలని కోరింది. యాజమాన్య కోటా, కన్వీనర్ కోటాను కూడా 35వేల రూపాయలుగా అందులో పేర్కొనడం, రెండేళ్ళ పాటు ఇదే విధంగా జరగాలని ఉండడంతో యాజమాన్యాలు ఇది చూసి ఇలాంటి నిబంధనలను తాము అంగీకరించమని తేల్చి చెప్పాయి.

హిందూపురం నుంచి బాలయ్య పోటీ

తెలుగుదేశం పార్టీ వ్యవస్థాపకుడు ఎన్టీఆర్ అనంతపురం జిల్లాలోని హిందూపురం నుంచి 1994 ఎన్నికల్లో పోటీచేసి విజయం  సాధించారు. తండ్రి బాటలోనే బాలయ్య హిందూపురం నుంచి వచ్చే ఎన్నికల్లో పోటీ చేసే అవకాశాలున్నాయని తెలిసింది. బాలయ్య తమ స్వంత వూరిన గుడివాడ నుండి పోటీ చేయాలని అనుకున్నారు కానీ గుడివాడ మాజీ ఎమ్మెల్యే రావి వెంకటేశ్వరరావు నిన్న బాలయ్యతో మంతనాలు జరిపారు. గత ఎన్నికల్లో రావి వెంకటేశ్వరరావును పక్కన పెట్టి జూనియర్ ఎన్టీఆర్ ఒత్తిడివల్ల కొడాలి నాని (వెంకటేశ్వరరావు)కు టిక్కెట్ ఇచ్చారు. దీంతో మనస్తాపం చెందిన రావి వెంకటేశ్వరరావు పార్టీకి దూరంగా ఉంటూ వచ్చారు. కొడాలి నాని ని తెలుగుదేశం పార్టీ బహిష్కరించటంతో మళ్ళీ రావి వెంకటేశ్వరరావు తన ప్రయత్నాలను ముమ్మరం చేశారు. నిన్న బాలయ్యతో కలిసిన పిదప బాలయ్య రావి వెంకటేశ్వరరావును పార్టీలోకి ఆహ్వానించారు. దీంతో మెత్తబడ్డ రావి వెంకటేశ్వరరావు తాను తిరిగి పార్టీలో చేరే విషయంపై తన నియోజకవర్గ కార్యకర్తలతో చర్చించి త్వరలో తన నిర్ణయాన్ని తెలుపుతానని బాలయ్యకు మాట ఇచ్చినట్లు తెలిసింది. ఒకవేళ రావి వెంకటేశ్వరరావు గనుక పార్టీలో చేరితే గుడివాడ టిక్కెట్ ఆయనకు వదలాలి కాబట్టి బాలయ్య కు గుడివాడ నుండి కాక హిందూపురం నుంచి పోటీ చేసే అవకాశాలు బలంగా వున్నాయి. 

దీక్ష విరమించనున్న బాబా రామ్ దేవ్

గత ఐదు రోజులుగా అవినీతికి వ్యతిరేకంగా దీక్ష చేస్తున్న బాబా రామ్ దేవ్ నిన్న పార్లమెంట్ ఎదుట మౌన దీక్ష చేపట్టడానికి వెళ్ళిన బాబా రామ్ దేవ్ ను పోలీసులు అరెస్ట్ చేసి అంబేద్కర్ స్టేడియంలో నిర్భందించారు. తాను ఈ రోజు ఉదయం 11.00 గంటలకు దీక్ష విరమిచ్చి అంబేద్కర్ స్టేడియాన్ని ఖాళీ చేస్తానని పోలీసులకు తెలియజేశారని సమాచారం. ఒకవేళ బాబా స్టేడియాన్ని ఖాళీ చయకపోతే పోలీసులు బలవంతంగానైనా ఖాళీ చేయించే యోచనలో ఉన్నట్లు తెలిసింది. పోలీసులు బాబా రామ్ దేవ్ ను ఆగస్టు 15 స్వాతంత్ర్యదినం రోజు కంటే ముందే స్టేడియాన్ని ఖాళీ చేయాలని కోరినట్లు తెలిసింది.

గవర్నర్ ను కలవనున్న టిడిపి

వాన్ పిక్ భూ కేటాయింపుల్లో ఎ-5 నిందితుడిగా సిబీఐ ధర్మాన ప్రసాదరావు పేరును చేర్చటంతో రాష్ట్రమంత్రులలో మరొక పేరు చేరింది. టిడిపి నేతలు రాష్ట్ర గవర్నర్ నరసింహన్ ను ఈ రోజు ఉదయం 11.30 గంటలకు కలిసి రాష్ట్ర అభివృద్ధి కుంటుపడిందని కాంగ్రెస్ ప్రభుత్వం ప్రజల సమస్యలపై దృష్టి సారించే సమయం చిక్కటం లేదని  ఫిర్యాదు చేయనున్నారు.

రాజీనామా యోచనలో ధర్మాన

వాన్ పిక్ భూ కేటాయింపుల్లో నిన్న సిబీఐ 14 మందిపై నాంపల్లి కోర్టులో ఛార్జిషీటు దాఖలు చేసింది. రాష్ట్ర రోడ్లు భవనాల శాఖా మంత్రి ధర్మాన ప్రసాదరావును A-5వ ముద్దాయిగా ఛార్జిషీటులో పేర్కొంది. ధర్మాన ప్రసాదరావు వాన్ పిక్ కు భూములు కేటాయించినప్పుడు రెవెన్యూ మంత్రిగా ఉన్నారు. ఆయన హయాంలోనే భూకేటాయింపులు జరిగాయని సిబీఐ విచారణలో తేలింది. దీంతో మంత్రి ధర్మాన ఈరోజు ముఖ్యమంత్రి, గవర్నర్ లను కలిసి తన రాజీనామా లేఖను సర్పించనున్నారని విశ్వసనీయ వర్గాల ద్వారా తెలిసింది.

సిఎం పై మండిపడ్డ తెలంగాణా ఎంపి వివేక్

సిఎం కిరణ్ కుమార్ రెడ్డి సీమాంధ్ర ఎంపీగా వ్యవహరిస్తున్నారని తెలంగాణా ఎంపి వివేక్ ఆరోపించారు. కేంద్రమంత్రి జైపాల్ పై కుట్రమోపేందుకు కిరణ్ కుట్ర పన్నుతున్నారని గతంలోనే మేము చెప్పాం. రాజకీయ లభ్దికోసమే కిరణ్ కేంద్రమంత్రి జైపాల్ పై ఆరోపణలు చేస్తున్నారు. తెలంగాణా ఎంపీలు కేంద్రమంత్రి జైపాల్ కు వ్యతిరేకంగా వ్యవహరించాలని కుట్ర జరుగుతుంది. నెదునూరు, శంకర్ పల్లి ప్రాజెక్టులపై మంత్రి జైపాల్ పాత్ర ఉండదు. ప్రైవేట్ ప్రాజెక్టుల ప్రయోజనాలకోసమే సిఎం ఈ విధంగా కుట్ర పన్నుతున్నారు.

ధర్మాన విస్మయం

నాంపల్లి కోర్టులో వాన్ పిక్ భూ కేటాయింపుల్లో నిందుతుడిగా తన పేరును చేర్చటంపై మంత్రి ధర్మాన విస్మయం వ్యక్తం చేశారు. సిబీఐ కథనాల ప్రకారం అప్పటి రెవెన్యూ మంత్రిగా ఉన్న ధర్మాన కూడా ఈ కేసులో నిందుతుడిగా సిబీఐ పేర్కొంది. మొత్తం 14 మందిని నిందుతులుగా  చార్జిషీట్ దాఖలు చేసింది. ధర్మాన 5వ నిందుతుడిగా చార్జిషీట్ లో పేర్కొంది. ఈ విషయం తనకు ఇంతవరకు తెలియదని అప్పటి నిర్ణయాలు మంత్రివర్గ  నిర్ణయాలే తప్ప తన స్వంత నిర్ణయాలు లేవని ఆయన అన్నారు.

ఏలూరు సమీపంలో త్రివేండ్రం ఎక్స్ ప్రెస్ భోగీల్లో మంటలు

జులై 30న గుంటూరు సమీపంలో న్యూఢిల్లీ-చెన్నై ఎక్స్ ప్రెస్ రైలు భోగీల్లో మంటలు చెలరేగి సుమారు 28 మంది మరణించారు. నేడు ఏలూరు సి.ఆర్. రెడ్డి కళాశాల వంతెన సమీపంలో త్రివేండ్రం ఎక్స్ ప్రెస్ రైలు బోగీల్లో మంటలు చెలరేగాయి. దీనిపై వెంటనే రైల్వే సిబ్బంది స్పందించి మంటలను అదుపులోకి తీసుకువచ్చిన సిబ్బంది. ఎలాంటి ప్రాణ నష్టం లేదని తెలిపిన అధికారులు. తమ్మిలేరు కాలువలోకి దూకిన వందమంది ప్రయాణీకులు, పదిమందికి తీవ్ర గాయాలు, స్థానికుల సహాయంతో సహాయక చర్యలు చేపట్టిన రైల్వేశాఖ. కొనసాగుతున్న సహాయక చర్యలు

వాన్ పిక్ వ్యవహారంలో సిబీఐ చార్జిషీటు దాఖలు

వాన్ పిక్ వ్యవహారంలో సిబీఐ కొత్తగా మంత్రి ధర్మాన ప్రసాదరావును కూడా చేర్చింది. అప్పటి రెవెన్యూ మంత్రి ధర్మాన ప్రసాదరావును కూడా ముద్దాయిగా తేల్చింది. సిబీఐ ప్రధానంగా వాన్ పిక్ భూముల కేటాయింపుల విషయంలో నాంపల్లి కోర్టులో 14మందిని నిందుతులుగా, 177 పేజీల ఛార్జిషీటును దాఖలు చేసింది. ముద్దాయిలుగా 1-జగన్, 2-విజయసాయి రెడ్డి 3-నిమ్మగడ్డ ప్రసాద్, 4-మోపిదేవి వెంకటరమణ 5-ధర్మాన ప్రసాదరావు, 6-బ్రహ్మానంద రెడ్డి 7-మన్మోహన్ సింగ్ 8-శ్యామ్యూల్ 9- నిమ్మగడ్డ ప్రకాష్  10-వాన్ పిక్ ప్రాజెక్ట్ 11-జగన్ పబ్లికేషన్స్ 12-రఘురాం సిమెంట్స్, భారతి సిమెంట్స్ 13-కార్మెల్ ఏషియా 14-సిలికాన్ బిల్డర్స్ పై సెక్షన్ 120 బి, 409, 419, 420, 468, 471 మరియు ఐ.పి.సి.9 11 12 12 (2) 13 రెడ్ విత్ సెక్షన్ల కింద కేసు నమోదు.

విజయమ్మ దీక్షపై మంత్రి సారయ్య విసుర్లు

వై.ఎస్.ఆర్.సి. కాంగ్రెస్ పార్టీకి అసలు జెండా కాని ఎజెండా గాని లేవు, ఫీజు రీ ఎంబర్స్ మెంట్ పై ఏలూరులో వై.ఎస్.ఆర్. కాంగ్రెస్ గౌరవాధ్యక్షురాలు విజయమ్మ చేస్తున్న దీక్ష పై మంత్రి బసవరాజు సారయ్య విరుచుకుపడ్డారు. అనవసరంగా విద్యార్థులను రాజకీయాలలోకి లాగుతున్నారు. ఫీజు రీ ఎంబర్స్ మెంట్ పై ప్రభుత్వం చిత్తశుద్ధితో వుంది. విజయమ్మ రాజకీయ లబ్దికోసం నిరసన దీక్షలు చేస్తున్నారు. 2014 వరకు కిరణ్ కుమార్ రెడ్డే సిఎం గా కొనసాగుతారు. జైపాల్ రెడ్డి రాష్ట్రానికి నిథులు తేలేదని అనడం శుద్ధ అబద్ధమని సారయ్య అన్నారు.

మాజీ మంత్రి శంకర్ రావు ప్రధానికి అభినందనలు

రాహుల్ ను కేంద్రమంత్రివర్గంలోకి తీసుకుంటానన్న ప్రధానికి మాజీ మంత్రి శంకర రావు ధన్యవాదాలు తెలిపారు. కేంద్రమంత్రి జైపాల్ రెడ్డి, కిరణ్ కుమార్ రెడ్డిల మధ్య విభేదాలు అటు ప్రభుత్వానికి,  ఇటు పార్టీకి తీవ్ర నష్టం కలిగిస్తుంది అన్నారు. సోనియా గాంధీ వీరిద్దరినీ పిలిచి సమావేశం ఏర్పాటు చేయాలి. వీరి విభేదాలను సోనియా గాంధీనే పరిష్కరించాలి సూచించారు.

రాందేవ్ బాబా అరెస్ట్

పార్లమెంట్ వైపు ర్యాలీగా వెళ్తున్న  బాబా రామ్ దేవ్ రంజిత్ సింగ్, అనుచరులను ఫ్లైఓవర్ వద్ద అరెస్ట్ చేసిన పోలీసులు. అవినీతికి వ్యతిరేకంగా పోరాడుతూ నాలుగు రోజులుగా రామ్ లీలా మైదాన్ లో దీక్ష చేస్తున్న యోగా గురు బాబా రామ్ దేవ్ ను పోలీసులు అరెస్ట్ చేశారు.

దీక్ష ప్రారంభించిన విజయమ్మ

పశ్చిమ గోదావరి జిల్లా ముఖ్య పట్టణమైన ఏలూరులో వై.ఎస్.ఆర్. కాంగ్రెస్ పార్టీ గౌరవాధ్యక్షురాలు వై.ఎస్. విజయమ్మ ఫీజు రీ ఎంబర్స్ మెంట్ ప్రభుత్వమే భరించాలని దీక్షను చేపట్టారు. రైతులకు మద్దతుగా విజయవాడలో దీక్ష, చేనేత కార్మికులకు మద్దతుగా సిరిసిల్లలో ధర్నాలు నిర్వహించిన వై.ఎస్. విజయమ్మ ఈనాడు విద్యార్థులు ఎదుర్కొంటున్న ఫీజు రీ ఎంబర్స్ మెంట్ కు మద్దతుగా ఏలూరులో దీక్ష ప్రారంభించారు. వై.ఎస్.ఆర్. కాంగ్రెస్ పార్టీకి విద్యార్థి సంఘాలు లేవు కనుక విజయమ్మ విద్యార్థులను ఆకర్షించేందుకు దీక్షలు చేపట్టారని కొందరు నాయకులు గుసగుసలాడుతున్నారు.

దిల్ షుక్ నగర్ సాయిబాబా ఆలయం వద్ద ఉద్రిక్తత

దిల్ షుక్ నగర సాయి సంస్థాన్ లో ఉద్రిక్తత ఆలయ ట్రస్ట్ చైర్మన్, మాజీ చైర్మన్ వర్గీయుల మధ్య ఘర్షణ. ఆలయ ట్రస్ట్ సభ్యుల మధ్య వివాదం. పరస్పరం దాడులము దిగిన ఇరువర్గాలు.  ఆలయ నిథుల గోల్ మాల్ పై విచారణ వాయిదా. దేవాదాయ శాఖ విచారణను నిలిపివేయాలంటూ కమీషనర్ తో వాగ్వాదం, విచారణ ఆరు వారాలపాటు వాయిదా 

ఉద్రిక్తంగా మారిన రామ్ లీలా మైదానం

యోగా గురు బాబా రామ్ దేవ్ పార్లమెంట్ ఎదురుగా ధర్నా నిర్వహించాలని పిలిపునందుకుని భారీ ఎత్తున కార్యకర్తలు రామ్ లీలా మైదానానికి చేరుకున్నారు. నితిన్ గడ్కారీ సభాస్థలికి చేరుకొని నిరసనకు తమ మద్దతు తెలిపారు. అలాగే జేడీయూ అధినేత శరద్ యాదవ్, టిడిపి ఎంపీలు తమ మద్దతు ప్రకటించాయి. అయితే ఢిల్లీ పోలీసులు పార్లమెంట్ పరిసరాల్లో నిరసనలు తెలపడానికి అనుమతి లేదని స్పష్టం చేశారు. మైదానం చుట్టూ CISF, రాపిడ్ యాక్షన్ ఫోర్స్ మరియు ఢిల్లీ పోలీసులు దిగ్భంధం చేశారు.

శ్రీలక్ష్మీ బెయిల్ పిటీషన్ రద్దు చేసిన హైకోర్టు

మాజీ ఐఎఎస్ అధికారి అయిన శ్రీలక్ష్మి ప్రస్తుతం చంచల్ గూడ జైలులో ఉన్నారు. సిబీఐ ఆమెను ఓఎంసి కేసులో నిందితురాలిగా పేర్కొంటూ నవంబర్ 27, 2011న అరెస్ట్ చేసింది. గాలి జనార్థన రెడ్డి అక్రమ గనుల త్రవ్వకాల కేసులో ఆమెను నిన్డుతురాలిగా పేర్కొంటూ సిబీఐ కోర్టులో దాఖలు చేసిన పిట్టేషన్ పై స్పందిస్తూ హైకోర్టు ఆమెకు రిమాండ్ విధించింది. తాజాగా శ్రీలక్ష్మి తనకు బెయిల్ మంజూరు చేయవలసిందిగా హైకోర్టులో పిటీషన్ దాఖలు చేసుకున్నారు. నేడు హైకోర్టు బెయిల్ పిటీషన్ పై విచారణలు జరిపి బెయిల్ పిటీషన్ ను తిరస్కరించింది.

జి.హెచ్.ఎం.సి. కి తాళాలు వేసిన టిడిపి

ప్రజాసమస్యలపై పోరాటాలు చేయాలని నిర్ణయించుకున్న తెలుగుదేశం పార్టీ కార్పొరేటర్లు నేడు గ్రేటర్ హైదరాబాద్ మున్సిపల్ కార్పోరేషన్ కు తాళాలు వేసి జి.హెచ్.ఎం.సి. అసలు ప్రజా సమస్యలు పట్టించుకోవడం లేదంటూ కార్యాలయం ఎదుట ధర్నా నిర్వహిస్తున్నారు.

వాన్ పిక్ కేసులో ఇవాళ సిబీఐ ఛార్జిషీటు

సిబీఐ జగన్ అక్రమాస్తుల కేసులో నమోదు చేసిన చార్జిషీటును ఇవాళ సాయంత్రం నాలుగు గంటలకు దాఖలు చేయనుంది. వాన్ పిక్ భూ కేటాయింపుల ద్వారా లబ్దిపొందిన వారు జగన్ కంపెనీల్లో పెట్టుబడులు పెట్టాయని ఇదివరకే పలువురిని సిబీఐ అరెస్టు చేసింది. నిందుతులు బెయిల్ పిటీషన్ దాఖలు చేశారు. వీరిని బెయిల్ పిటీషన్ లను అడ్డుకునేందుకు సిబీఐ ఈ నిర్ణయం తీసుకుందని భోగట్టా.