Home  
Breaking NEWS

తెలంగాణ ఎన్నికల్లో కేరళ స్టోరి ప్రచారాస్త్రం

ఇటీవలె కర్ణాటకలో బిజెపి ఘోర పరాజయం చెందిన తర్వాత  కూడా వాళ్ల వైఖరిలో మార్పు రాలేదు అని వెల్లడౌతుంది.  కాంగ్రెస్ మేనిఫెస్టోలో తాము మళ్లీ అధికారంలో వస్తే భజరంగ్ దళ్ పై ఉన్న నిషేధం అమలు చేస్తామని పేర్కొనడంతో కర్ణాటక ఫలితాలను ప్రభావితం చేసింది. ఒక దశలో కాంగ్రెస్ మేనిఫెస్టో ను బిజెపి కార్యాలయంలో ప్రెస్ మీట్ పెట్టి చించివేశారు బిజెపి నేతలు. భజరంగ్ దళ్ ను నిషేధిస్తే భజరంగ్ దళ్ పల్లెత్తు మాట అనలేదు కానీ బిజెపి నేతలు మాత్రం చొక్కాలు చింపుకున్నంత పని చేశారు.  తెలంగాణా రాష్ట్రంలో కూడా బిజెపి మతోన్మాదాన్ని రెచ్చగొట్టే ఫార్ములా అమలు చేయబోతుందా అనే అనుమానాలు వ్యక్తమవుతున్నాయి.  వచ్చే అసెంబ్లీ ఎన్నికల నేపథ్యంలో యువ ఓటర్లను ఆకర్షించడానికి వివాదాస్పద ‘‘ ది కేరళ స్టోరి’’ సినిమా స్క్రీన్స్ వేయాలని యోచిస్తోంది. ఇటీవలె ఆదిలాబాద్ జిల్లా బిజెపి ఈ సినిమా ప్రత్యేక షో వేసారు. తెలంగాణలో హిందూ ఓటర్లను ఆకర్షించడానికి బిజెపి పన్నాగాల్లో ఈ సినిమా ఒక ప్రచారాస్త్రంగా నిలిచింది. ఆదిలాబాద్ జిల్లాలోని మారుమూల గ్రామాల్లో స్క్రీన్లు వేసి లవ్ జిహాద్ అంశాన్ని ప్రజలకు తెలియజేస్తామని బిజెపి నేతలు చెబుతున్నారు. హిందూ యువతులు లవ్ జిహాద్లో పడకూడదన్న ఉద్దేశ్యంతో ఈ సినిమాను గ్రామ గ్రామాన ప్రదర్శిస్తామని ఆదిలాబాద్ జిల్లా బిజెపి అధ్యక్షులు పాయల్ శంకర్ తెలిపారు. కేరళ స్టోరీలో 32,000 హిందూ అమ్మాయిలు కనిపించకుండాపోయి టెర్రరిస్ట్ గ్రూప్ అయిన ఐసిస్ లో  చేరతారు. తెలంగాణలో 119 నియోజకవర్గాల్లో ఎన్నికలు జరగనున్నాయి. బిఆర్ఎస్, బిజెపి, కాంగ్రెస్, ఎంఐఎం పార్టీలు అభ్యర్థులను నిలబెట్టనున్నాయి. 

బిజెపిలోనే ఉంటాను: కోమటిరెడ్డి రాజగోపాల్ రెడ్డి

మునుగోడు అసెంబ్లీ నియోజకవర్గం నుంచే వచ్చే ఎన్నికలలో పోటీ చేస్తానని బీజేపీ నాయకుడు కోమటిరెడ్డి రాజగోపాల్ రెడ్డి స్పష్టం చేశారు.  తాను పార్టీ మారబోతున్నానంటూ సామాజిక  మాధ్యమంలో వస్తున్న వార్తలను ఆయన ఖండించారు. బీజేపీలోనే ఉన్నాననీ, ఉంటాననీ పేర్కొన్న ఆయన   క్యాడర్ లో అయోమయం సృష్టించాలని కొందరు ఉద్దేశపూర్వకంగా ఇటువంటి ప్రచారం చేస్తున్నారని అన్నారు.

ఎమ్మెల్యే రాజాసింగ్‌కు ఊరట

గోషామహల్ ఎమ్మెల్యే రాజాసింగ్‌పై బీజేపీ సస్పెన్షన్ నుఎత్తివేయనుంది.  ఈ విషయాన్ని ఆ పార్టీ నాయకుడు, కేంద్ర మంత్రి కిషన్ రెడ్డి తెలిపారు.  రాజాసింగ్ పై పార్టీ సస్పెన్షన్ ఎత్తివేతపై చర్చ జరగుతోందనీ, త్వరలోనే నిర్ణయం తీసుకుంటుందని అన్నారు.  సస్పెన్షన్‌ ఉపసంహరణ సభలో తాను కూడా పాల్గొంటానని కిషన్ రెడ్డి అన్నారు.  గత ఏడాది ఆగస్టులో మహ్మద్ ప్రవక్తపై రాజాసింగ్ చేసిన వ్యాఖ్యలు దేశవ్యాప్తంగా దుమారం రే పిన సంగతి తెలిసిందే. ఆ వ్యాఖ్యలపై ఆగ్రహం వ్యక్తం చేసిన బీజేపీ హై కమాండ్ రాజాసింగ్ ను బీజేపీ నుంచి సస్పెండ్ చేసింది.    

క్యాసినో నిర్వహించే ఆలోచన లేదు: చీకోటి ప్రవీణ్

ఇప్పట్లో క్యాసినో నిర్వహించే ఆలోచన లేదని చీకోటి ప్రవీణ్ కుమార్ అన్నారు.   ఈడీ అధికారులు చీకోటి ప్రవీణ్ కుమార్ ను నిన్న దాదాపు ఏడు గంటల పాటు విచారించారు. ఈడీ విచారణ అనంతరం మీడియాతో మాట్లాడిన చీకోటి,  థాయ్‌లాండ్‌కు ఆటగాడిగానే వెళ్లాననీ, ఆర్గనైజర్ గా కాదని పేర్కొన్నారు.  తనపై అసత్య ఆరోపణలు చేస్తున్నారని అన్నా  ఎప్పుడు పిలిచినా ఈడీ విచారణకు వెళతానని స్పష్టం చేశారు.    

న్యూ మెక్సికో లో కాల్పుల కలకలం

. పలువురు గాయపడ్డారు. కాల్పులకు తెగబడిన వ్యక్తిని పోలీసులు  సంఘటనా స్థలంలోనే కాల్చి చంపారు. కాగా దుండగురి కాల్పులలో పోలీసులు సహా పలువురు గాయపడ్డారు.   క్షతగాత్రులను సమీపంలోని ఆసుపత్రులకు తరలించారు. వారి ఆరోగ్యం నిలకడగా ఉందని చెబుతున్నారు. 

పెట్టు బడులే ధ్యేయంగా కేటీఆర్ అమెరికా పర్యటన

పెట్టుబడుల ఆకర్షణే ధ్యేయంగ  తెలంగాణ ఐటీ, పరిశ్రమల శాఖ మంత్రి కేటీఆర్‌  నేటి నుంచి  రెండు వారాల పాటు అమెరికాలో పర్యటించనున్నారు.  ఈ పర్యటనలో ఆయన అక్కడి ప్రముఖ కంపెనీల ఛైర్మన్లు, సీఈఓలు, ప్రతినిధులతో  సమావేశమవుతారు. తెలంగాణలో పెట్టుబడులకు ఉన్న అనుకూల వాతావరణం, పరిశ్రమల అభివృద్ధికి రాష్ట్ర ప్రభుత్వం తీసుకుంటున్న నిర్ణయాలు, అమలుచేస్తున్న విధానాలను కంపెనీల ప్రతినిధులకు వివరిస్తారు.  

తెలుగు రాష్ట్రాల్లో మండుతున్న ఎండలు

 తెలుగు రాష్ట్రాలలో ఎండలు మండిపోతున్నాయి. గత రెండు రోజలుగా పలు ప్రాంతాలలో 40 డిగ్రీలకు మించి ఉష్ణోగ్రతలు నమోదౌతున్నాయి. ముఖ్యంగా ఏపీలో భానుడు నిప్పులు  చెరుగుతున్నాడు. ఈ  హీట్ వేవ్  మరో రెండు రోజులు ఉంటుందని వాతావరణ శాఖ పేర్కొంది.  ఏపీలో వడదెబ్బకు నిన్న ఒక్క రోజే నలుగురు మరణించారు. నెల్లూరు జిల్లాలో నిన్న అత్యధికంగా 46.4  డిగ్రీల ఉష్ణోగ్రత నమోదైంది.    

ఒంగోలును వదిలే ప్రసక్తి లేదు

 తనకు రాజకీయ జీవితాన్నిఇచ్చిన ఒంగోలును వదిలే ప్రసక్తే లేదని మాజీ మంత్రి బాలినేని కుండబద్దలు కొట్టేశారు. తనకు వ్యతిరేకంగా పార్టీలో అయిన వాళ్లే కుట్రలు పన్నుతున్నారని ఆవేదన వ్యక్తం చేశారు. ఈ ఉదయం విలేకరులతో మాట్లాడిన ఆయన వచ్చే ఎన్నికలలో ఒంగోలు నుంచే పోటీ చేస్తానని స్పష్టం చేశారు. తనపై విమర్శలు చేస్తున్న వారిని పట్టించుకోవలసిన అవసరం లేదనీ, ఐదు సార్లు ఎమ్మెల్యేగా గెలిపించిన ఒంగోలు వాసులకే  తాను జవాబుదారిగా ఉంటానని అన్నారు.   

రోడ్డు ప్రమాదంలో మార్కాపురం మాజీ ఎమ్మెల్యేకు గాయాలు

రోడ్డు ప్రమాదంలో తెలుగుదేశం నాయకుడు ఒకరు తీవ్రంగా గాయపడ్డారు.  మార్కాపురం తెలుగుదేశం ఇన్‌చార్జ్, మాజీ ఎమ్మెల్యే కందుల నారాయణ రెడ్డి ప్రయాణిస్తున్న కారు యర్రగొండపాలెం సమీపంలోని గురిజేపల్లి మూలమలుపు వద్ద బోల్తా పడింది. ఈ సంఘటనతో తీవ్రంగా గాయపడిన కందుల నారాయణ రెడ్డిని యర్రగొండపాలెంలోని ఓ ఆసుపత్రిలో ప్రాథమిక చికిత్స అనంతరం మెరుగైన వైద్యం కోసం హైదరాబాద్ తరలించారు. 

కర్ణాటక సిఎం కోసం ఢిల్లీలో కసరత్తు

 కర్ణాటకలో  సీఎం ఎవరన్న విషయంపై కాంగ్రెస్ హైకమాండ్ సీరియస్ గా కసరత్తు చేస్తోంది. ఈ విషయంపై చర్చించేందుకు అధిష్ఠానం పిలుపు మేరకు మాజీ ముఖ్యమంత్రి సిద్దరామయ్య నిన్ననే హస్తిన చేరుకోగా.. కర్నాటక కాంగ్రెస్ అధ్యక్షుడు డీకే శివకుమార్ బుధవారం ఉదయం ఢిల్లీకి బయలుదేరి వెళ్లారు. కర్నాటక ముఖ్యమంత్రి పదవిని చెరో రెండేళ్లు పంచుకోవాలన్న ప్రతిపాదనను తాను తిరస్కరించినట్ల చెప్పిన డీకే శివకుమార్ ఇదేమీ ఆస్తుల పంపకం లాంటిది కాదన్నారు.  తాను సీఎం రేసులో ఉన్నానని స్పష్టం చేశారు.  

కాన్పూర్ లో భారీ అగ్నిప్రమాదం

ఉత్తర ప్రదేశ్ లోని  కాన్ఫూర్ లో భారీ అగ్నిప్రమాదం సంభవించింది. ఈ ప్రమాదంలో దాదాపు 500 బట్టల దుకాణాలు అగ్నికి ఆహుతయ్యాయి.   భారీ ఆస్తినష్టం సంభవించింది.షార్ట్ సర్క్యట్ కారణంగా ఈ ప్రమాదం జరిగిందని ప్రాథమికంగా నిర్ధారించారు. 

మెడికో ఆత్మహత్య

తెలంగాణలో వైద్య విద్యార్థి బలవన్మరణానికి పాల్పడ్డారు. నిజామాబాద్‌ ప్రభుత్వ మెడికల్ కాలేజీలో మూడో సంవత్సరం చదువుతున్న సనత్ తన హాస్టల్ గదిలో ఉరి వేసుకుని ఆత్మహత్యకు చేసుకున్నాడు.  గత నెల 25న ఇదే హాస్టల్‌లో హర్ష అనే విద్యార్థి ఆత్మహత్య చేసుకున్న సంగతి విదితమే.  నెల రోజుల వ్యవధిలో ఇద్దరు మెడికోలు బలవన్మరణానికి పాల్పడటం విషాదం.

ఎమ్మెల్యే మేకపాటి చంద్రశేఖరరెడ్డికి తీవ్ర అస్వస్థత

నెల్లూరు జిల్లా ఉదయగిరి ఎమ్మెల్యే మేకపాటి చంద్రశేఖర్ రెడ్డి  తీవ్ర అస్వస్థతకు గురయ్యారు. మర్రిపాడులోని తన నివాసంలో ఉండగా ఆయనకు గుండెనొప్పి వచ్చింది.   మెరుగైన వైద్యం కోసం ఎమ్మెల్యేను చెన్నై తరలించేందుకు ఏర్పాట్లు చేస్తున్నారు.

గుండె పోటుతో బాలిక మృతి

 గుండె పోటుతో 13ఏళ్ళ బాలిక మరణించింది.    మహబూబాబాద్ జిల్లా  అబ్బాయిపాలెం బోడ తండాలో బోడ స్రవంతి (13)అనే విద్యార్థిని శుక్రవారం ఉదయం గుండెపోటుకు గురై కన్నుమూసింది. 

కరోనా వ్యాప్తి విజృంభణ.. 24 గంటల్లో 3వేల పాజిటివ్ కేసులు

దేశంలో కరోనా వ్యాప్తి తీవ్రత పెరిగింది. గత 24 గంటల్లో దేశంలో కొత్తగా 3095 కరోనా పాజిటివ్ కేసులు నమోదయ్యాయి.  దేశంలో ఇలా మూడు వేలకు పైగా పాజిటివ్ కేసులు నమోదు కావడం ఇది వరుసగా రెండో రోజు. కరోనా కట్టడికి మాస్కులు ధరించడం, భౌతిక దూరం పాటించడం తప్పని సరి అని కేంద్రం పేర్కొంది.  

దేనికైనా రెడీ పై మోహన్ బాబు సారీ చెప్పాలి: ఎమ్మెల్యేలు

బ్రాహ్మణులపై నటుడు మోహన్‌బాబు అనుచరులు చేసిన దాడికి నిరసన తెలుపుతూ గురువారం   బ్రాహ్మణ సంఘాలు రాష్ట్ర వ్యాప్తంగా ఆందోళనలు చేపట్టాయి. 'దేనికైనా రెడీ' చిత్రంలో బ్రాహ్మణులపై అభ్యంతరకర సన్నివేశాలు ఉన్నాయని, వాటిని తొలగించాలని డిమాండ్ చేస్తూ బుధవారం సాయంత్రం మోహన్‌బాబు ఇంటిముందు నిరసన తెలపగా వారిపై సెక్యూరిటీ సిబ్బంది దాడి చేశారు.  అంతకు ముందు బ్రాహ్మణులే ఇంటిపై దాడి చేశారని విష్ణువర్థన్‌బాబు పేర్కొన్నారు. కృష్ణా జిల్లా ఎమ్మెల్యేలు మల్లాది విష్ణు, వెల్లంపల్లి శ్రీనివాస్‌లు మోహన్ బాబు పైన మండిపడ్డారు. శాంతియుతంగా నిరసన తెలుపుతున్న బ్రాహ్మణులపై మోహన్ బాబు గార్డ్సు రౌడీయిజం చేయడం దురదృష్టకరమన్నారు. సినిమాలో ఉన్న అభ్యంతరకర సీన్లను వెంటనే తొలగించాలని డిమాండ్ చేశారు. బ్రాహ్మణులపై దాడి చేసినందుకు మోహన్ బాబు వెంటనే క్షమాపణ చెప్పాలని డిమాండ్ చేశారు.

కాకతీయ నిధులపై చిరు తొలి సంతకం

  మెగాస్టార్ చిరంజీవి కేంద్ర టూరిజం శాఖ మంత్రిగా పదవీ బాధ్యతలు స్వీకరించారు. కాకతీయ ఉత్సవాలకు రూ.25 లక్షలు మంజూరు చేస్తూ చిరు తొలి సంతకం చేశారు. పర్యాటక శాఖ తనకు ఎంతో ఇష్టమైన శాఖ అన్నారు. భారత దేశం విభిన్న సంస్కృతులకు ప్రత్యేకమైనదన్నారు. దేశంలో పర్యాటక రంగ అభివృద్ధికి కృషి చేస్తానని చెప్పారు.   తనకు ప్రధానమంత్రి మన్మోహన్ సింగ్ అప్పగించిన బాధ్యతను సమర్థవంతంగా నిర్వహిస్తానని చెప్పారు చిరంజీవి. విదేశీ పర్యాటకులను ఆకర్షించేందుకు చర్యలు చేపడతానని చెప్పారు. బాధ్యతలు సక్రమంగా నిర్వహిస్తానన్నారు. ఈ కార్యక్రమానికి అల్లుఅరవింద్, మంత్రులు గంటా శ్రీనివాస్‌రావు, పితాని సత్యనారాయణ, రామచంద్రయ్య తదితరులు హాజరై చిరంజీవికి అభినందనలు తెలిపారు.

కోదండరా౦ హౌస్ అరెస్ట్

రాష్ట్ర అవతరణ దినోత్సవం సందర్భంగా తెలంగాణ రాజకీయ జేఏసీ చైర్మన్ ప్రొఫెసర్ కోదండరాంను గురువారం ఉదయం పోలీసులు హౌస్ అరెస్ట్ చేశారు. దీనిని ఉద్యోగ సంఘాల నేతలు దేవీప్రసాద్, స్వామిగౌడ్,శ్రీనివాస్ గౌడ్ తీవ్రంగా ఖండించారు. కోదండరాం అరెస్ట్ అప్రజాస్వామికమని, నిరసన తెలిపే హక్కును కాలరాయడం అన్యాయమని దేవీప్రసాద్ మండిపడ్డారు. కోదండరాం అరెస్ట్‌ను నాగం జనార్దన్‌రెడ్డి తీవ్రంగా ఖండించారు. నిరసన తెలిపే హక్కు తమకుందని పేర్కొన్నారు. కోదండరాం అరెస్ట్ అక్రమమని, వెంటనే విడుదల చేయాలని డిమాండ్ చేశారు.

చైనా ఓపెన్ కు సైనా దూరం

  బ్యాడ్మింటన్ స్టార్ సైనా నెహ్వాల్ చైనా ఓపెన్‌కు దూరం కానుంది. నవంబర్ రెండో వారంలో ప్రా రంభం కానున్న ఈ టోర్నీలో తాను ఆడబోవడంలేదని సై నా ప్రకటించింది. కుడి మోకాలి నొ ప్పితో కొంత అసౌకర్యంగా ఉన్నందున విశ్రాంతి తీసుకోనున్నట్టు తెలిపింది. 'మోకాలు కొంత అసౌకర్యంగా ఉం ది. అంటే అది డాక్టర్ దగ్గరకు పరిగెత్తాల్సినంత సీరియ స్ విషయమేమీ కాదు. కొద్దిగా ఫిజియోథెరపీ చేస్తే చాలు డెన్మార్క్ ఓపెన్‌లో విజయం సాధించడం, ఆ త ర్వాత ఫ్రెంచ్ ఓపెన్ ఫైనల్‌కు చేరడం ఎంతో సంతోషాన్నిచ్చింది. ఒలింపిక్స్‌లో పతకం గెల్చినప్పటినుంచీ నాలో ఆత్మవిశ్వాసం ఎంతో పెరిగిందని సైనా చెప్పింది.