జీన్స్ తో పోటీ పడుతున్న ధోతీ  రోజులు ఏలా మారుతున్నాయో దానికి తగ్గట్టు ఫ్యాషన్ పోకడలు కూడా రోజురోజుకూ మారిపోతున్నాయి. నిన్న చూసిన మోడల్ ఈ రోజు ఉండదు.. ఈరోజు చూసిన మోడల్ రేపు ఉంటుందన్న గ్యారెంటీ లేదు. ఈ ఫ్యాషన్ రంగంలో రోజుకో రకం వస్తూనే ఉంటుంది. ముఖ్యంగా డ్రెస్సింగ్.. యూత్ ని ఆకట్టుకోవడానికి ఎన్నో రకాల మోడల్స్ వస్తున్నాయి. ఇప్పటి వరకూ జీన్స్ ప్యాంట్ల్లు వాటిలోనే వేరే మోడల్స్ వచ్చాయి.. అయితే ఇప్పుడు వాటికి చెక్ పెట్టి వాటితో పోటీపడే ధోతి ప్యాంట్లు వచ్చేశాయి. రకరకాల డిజైన్లలో ఈ ధోతి ప్యాంట్లు మార్కెట్ల్ హడావుడి చేస్తున్నాయి. సెలబ్రిటీల దగ్గర నుండి కాలేజ్ గాళ్స్ వరకూ వీటికి అందరూ ఇష్టపడుతున్నారు. మీరూ ఒకసారి ట్రైచేయండి.. ఫ్యాషన్ పోకడను అనుసరించండి..    

  కాబోయే తల్లి ఈ పరీక్షలు పాసవ్వాలి...   బిడ్డకు జన్మనివ్వడమంటే ఆడది మరో జన్మ ఎత్తడమే. బిడ్డ కడుపున పడిన నాటి నుండి కడుపు చీల్చుకుని ఈ భూమి మీద పడే వరకూ తల్లి పడే ఆరాటం అంతా ఇంతా కాదు. బిడ్డ ఆరోగ్యంగా ఎదగాలని, ఆరోగ్యంగా పుట్టాలని ఎన్నెన్నో జాగ్రత్తలు తీసుకుంటుంది. అయితే కేవలం జాగ్రత్తలు తీసుకుంటే చాలదు. బిడ్డ కడుపులో ఉన్నప్పుడు కొన్ని పరీక్షలు కూడా చేయించుకోవాలి. ఇవే అవి... - గర్భంతో ఉన్నప్పుడు బీపీ ఎక్కువ ఉంటే బిడ్డపై ప్రభావం పడుతుంది. తల్లికి కూడా ఫిట్స్ వచ్చే ప్రమాదం ఉంది. అందుకే ఎప్పటికప్పుడు బీపీ చెక్ చేసుకోవాలి. - అలాగే షుగర్ టెస్ట్. చక్కెర పాళ్లు ఎక్కువైతే ఉమ్మనీరు పెరుగుతుంది. బిడ్డ పరిమాణం కూడా పరిమితిని మించి పెరుగుతుంది. దానివల్ల నెలలు నిండకముందే పుట్టే అవకాశం ఉంటుంది. కొన్నిసార్లు బిడ్డ కడుపులోనే చనిపోయే ప్రమాదమూ ఉంది. కాబట్టి ఎప్పటికప్పుడు షుగర్ టెస్ట్ చేయించుకోవాలి. - బ్లడ్ గ్రూప్ టెస్టు కూడా చేయించాలి. ఎందుకంటే తల్లిది నెగటివ్, తండ్రిది పాజిటివ్ అయ్యి... బిడ్డది కూడా నెగిటివ్ అయితే సమస్య ఉండదు. లేదా తల్లిదండ్రులది ఏ గ్రూప్ అయినా బిడ్డది పాజిటివ్ రీసస్ ఫ్యాక్టర్ అయినా ఫర్వాలేదు. కానీ తల్లిది నెగటివ్ అయ్యి, తండ్రిది పాజిటివ్ అయ్యి, బిడ్డది కూడా పాజిటివ్ అయితే మాత్రం పుట్టుకతోనే ఆరోగ్య సమస్యలు వస్తుంటాయి. కాబట్టి ముందే బ్లడ్ గ్రూప్ ని పరీక్షిస్తే డాక్టర్లు ఒక ప్రత్యేక ఇంజెక్షన్ ఇవ్వడం ద్వారా సమస్యలు రాకుండా చూస్తారు. - బిడ్డ ఆరోగ్యంగా ఎదగాలంటే తల్లిలో థైరాయిడ్ హార్మోన్ సక్రమంగా విడుదలవ్వాలి. కాబట్టి థైరాయిడ్ టెస్ట్ తప్పనిసరి. - హెచ్ఐవీ పరీక్ష కూడా తప్పకుండా చేయించాలి. అలాగే హెపటైటిస్ టెస్ట్ కూడా. - అలాగే సిఫిలిస్ టెస్ట్ కూడా చేయాలని డాక్టర్లు సూచిస్తుంటారు. ఇది కూడా తప్పనిసరి. - తల్లికి యూటీఐ ఉందేమో అన్నది కూడా పరీక్షించాలి. ఎందుకంటే యూరినరీ ఇన్ఫెక్షన్ల వల్ల బిడ్డ బరువు పెరగకపోవచ్చు. ముందుగానే డెలివరీ అయ్యే అవకాశాలు కూడా ఉంటాయి. - తల్లిలో రక్తహీనత ఉన్నా బిడ్డ సరిగ్గా ఎదగదు. కాబట్టి రక్తహీనత నిర్థారిత పరీక్ష తప్పదు. ఇవి కాక బిడ్డలో జన్యుపరమైన సమస్యలేమైనా ఉన్నాయేమో తెలుసుకోడానికి ఫీటల్ అనామలీ స్క్రీనింగ్ టెస్ట్ అనీ, న్యూకల్ ట్రాన్స్ ల్యుయెన్సీ టెస్ట్ అనీ... ఇలా కొన్ని రకాల వైద్య పరీక్షలు ఉన్నాయి. అవి కూడా చేయించుకోవడం మంచిది. బిడ్డ ఆరోగ్యంగా ఉంటేనే కదా అమ్మతనంలోని కమ్మదనం రెట్టింపయ్యేది. దానికోసం ఈ మాత్రం కేర్ తీసుకోక తప్పదు మరి. - Sameera

వడదెబ్బ తగలకుండ ఉండాలంటే తీసుకోవాల్సిన జాగ్రతలు..   How to avoid heat stroke ? What kind of food we should take during summer ? What kind of precautions we should take in the season ? Dr P Janaki Srinath garu gives answers to all the answers. Watch the video here.. https://www.youtube.com/watch?v=fGXKe9ZYu3w  

Aracheta Gorinta / Mehendi / Gorinta Designs / Mehndi / Learn Simple & Easy Mehendi Designs / Learn Gorintaku Designs / Learn Tattoo Designs / Henna Designs

మరకలు పోగొట్టేద్దాం... మెరిపించేద్దాం...! మనం నచ్చిన బట్టల పైన కానీ, ఏదైనా వస్తువుల పైన కానీ మరకలు పడిన లేదా జిడ్డుగా మారి దుర్వాసన వచ్చేలా అయితే మనకు చాలా బాధగా ఉంటుంది కదా! మరి అలాంటపుడు ఆ మరకల నుండి, దుర్వాసనల నుండి మన వస్తువులను ఎలా కాపాడుకోవాలో ఒకసారి చూద్దామా...!   చెమట మరకలు :- చెమట మూలంగా షర్టులు, బ్లౌజులు మరకలతో దారుణంగా తయారవుతాయి. చూడడానికి కూడా ఎంతో అసహ్యంగా ఉంటాయి. అందువల్ల ముందుగా ఆ మరకల వద్ద లిక్విడ్ డిటర్జెంట్ సబ్బుతో రుద్ది, ఆ తర్వాతే సబ్బుతో ఉతికి చూడండి. మరీ మొండి చెమట మరకలైతే మాత్రం వెనిగర్ తో కేవలం ఆ ప్రాంతాన్నిమాత్రమే రుద్ది, ఆ తర్వాత మాములుగా సబ్బుతో కడిగేయవచ్చు. వెనిగర్ లేకుండా గోరువెచ్చని నీటిలో నాలుగు ఆస్పరిన్ బిళ్ళలు వేసి, ఆ నీటిలో దుస్తులు నానబెట్టి ఉతికేయండి. మరకలు మాయమైతాయి. తెల్లని దుస్తులైతే మాత్రం కాస్త హైడ్రోజెన్ పెరాక్సైడ్ ను మరకలపై కొద్దిగా రాసి అయిదు నిముషాల తర్వాత ఉతకండి.   లిప్ స్టిక్ బాల్ పెన్ మార్క్స్ :- ముందుగా మరకపడిన బట్టను ఓ పాత టవల్ పై ఉంచండి. మరకపైకి వచ్చేలా ఉంచి ఓ చిన్న పాత గుడ్డను ఆల్కాహాలులో ముంచి దాన్ని మరకపై తట్టినట్టుగా పదేపదే చేయండి. ఆ తర్వాత వాష్ చేయండి. మరకలు మరీ జిడ్డుగా అంటుకున్నట్లుగా అనిపిస్తే కిరోసిన్ తీసుకుని మరకపై పూసి అయిదు నిముషాల తర్వాత శెనగపిండితో గట్టిగా రుద్ది కడిగేయండి.   కార్పెట్ పై క్యాండిల్ చుక్కలు :- అందమైన, ఖరీదైన కార్పెట్ పై క్యాండిల్ చుక్కలు పడితే... అందుకే ఓ స్టీలు గిన్నెలో ఐసుముక్కలు వేసి దాన్ని ఈ క్యాండిల్ చుక్కలపై కాసేపు ఉంచండి. చల్లదనానికి ఈ క్యాండిల్ వ్యాక్స్ మరింతగా గట్టిగా మారుతుంది. అప్పుడు ఏదైనా స్పూన్ మొనతో దానిని చెక్కేసి బ్రష్ తో శుభ్రంగా తొలగిస్తే సరిపోతుంది.   డిన్నర్ ప్లేట్ లపై పసుపు రంగు :- ప్లాస్టిక్ ప్లేట్లపై పసుపు మరకలు తొలగించాలంటే ప్లేట్లను గోధుమ పిండితో గట్టిగా రుద్ది కడిగేయండి చాలు. నిత్యం వాడే బకెట్లు మగ్ లపై ఉండే జిడ్డు మరకలు పోవాలంటే ముందుగా వాటిని కిరోసిన్ లో తడిపిన గుడ్డతో గట్టిగ తుడిచి, ఆ తర్వాత సబ్బుతో కడగాలి.   ప్లాస్కు దుర్వాసన:- ప్లాస్కు లో దుర్వాసన పోవాలంటే నాలుగైదు కోడిగుడ్డు పెంకులను చిన్న చిన్న ముక్కలుగా చేసుకుని వాటిని ప్లాస్కులో వెయ్యాలి. దానిపై వేడినీటిని పోసి మూతపెట్టాలి. మధ్యమధ్యలో బాగా కదిలిస్తూ ఓ గంటన్నర పాటు ఉంచండి. ఆ తర్వాత సబ్బుతో కడిగేయండి. ఇక పొడిగా ఉండేలా తుడుచుకున్న తర్వాత ఓ చెంచాడు పంచదార అందులో వేసి మూతపెట్టి దాచుకోండి. దుర్వాసన రాకుండా తాజాగా ఉంటుంది.