Top Stories

మళ్లీ మొదటికి ఇరాన్.. ఇజ్రాయెల్ యుద్ధం

మళ్లీ మొదటికి ఇరాన్.. ఇజ్రాయెల్ యుద్ధం

    ఇరాన్‌ - ఇజ్రాయెల్‌ మధ్య యుద్దం మళ్లీ మొదటికి వచ్చింది. రెండు దేశాల మధ్య కాల్పుల విరమణ అమల్లోకి వచ్చిందని అమెరికా అధ్యక్షుడు డొనాల్డ్ ట్రంప్ ప్రకటన చేసిన గంటలలోపే సీన్ రివర్స్ అయింది. ఇరాన్‌ - ఇజ్రాయెల్‌ ఇరు దేశాలు కాల్పుల విరమణకు అంగీకరించిన కాసేటికే మళ్లీ.. కాల్పులకు సై అంటూ దిగడం.. ఆ రకంగా ప్రకటనలు చేయడం కలకలం రేపుతోంది.. కాల్పుల విరమణ ఒప్పందం అనంతరం ఇరాన్‌ దాడులకు దిగింది. ఇజ్రాయెల్‌ లోని పలు నగరాలపై ఇరాన్‌ క్షిపణి దాడులకు పాల్పడిందని ఇజ్రాయెల్‌ ఆరోపించింది. ఇరాన్‌ కాల్పుల విరమణ ఉల్లంఘనకు పాల్పడిందని ఇజ్రాయెల్‌ ప్రభుత్వం ఆరోపించింది. దీంతో ఇరాన్‌పై మరిన్ని భీకరదాడులు చేస్తామని ఇజ్రాయెల్‌ రక్షణశాఖ ప్రకటించింది.  బీర్‌షెవాలోని ఓ బిల్డింగ్‌ మిస్సైల్‌ దాడిలో కుప్పకూలింది. 9 మంది ఇజ్రాయెల్‌ పౌరులు చనిపోయారు. దీనికి ప్రతీకారం తీర్చుకుంటామని ఇజ్రాయెల్ ప్రకటించింది. ఇరాన్‌ దాడిలో బీర్‌షెవాలో మూడు భవనాలు ధ్వంసమయ్యాయయని ప్రకటించింది. దీంతో ఇజ్రాయెల్‌లో హైఅలర్ట్‌ ప్రకటించారు. ప్రజలు బంకర్లలోకి వెళ్లాలని సూచించారు. ఇరాన్‌లో అధికార మార్పిడి జరిగే వరకు దాడులు చేస్తామని ప్రకటించారు. ఇరాన్‌ కాల్పుల విరమణ ఉల్లంఘించిందన్న ఇజ్రాయెల్.. ఇరాన్‌పై భీకరదాడులు చేయాలని IDFకు ఆదేశాలివ్వడం సంచలనంగా మారింది. అయితే ఇజ్రాయెల్‌ ఆరోపణలను ఇరాన్‌ తీవ్రంగా ఖండిచింది. తాము కాల్పుల విరమణ ఉల్లంఘనకు పాల్పడలేదని స్పష్టం చేసింది.  కాల్పుల విరమణ అమల్లోకి వచ్చిన తరువాత ఎలాంటి దాడులు చేయలేదని వివరణ ఇచ్చింది. ఇజ్రాయెల్‌పై తమకు నమ్మకం లేదని ఇరాన్‌ సెక్యూరిటీ కౌన్సిల్‌ ప్రకటించింది. అయితే.. కాల్పుల విరమణను ఆమోదిస్తున్నామని.. శత్రువుపై తమకు అస్సలు నమ్మకం లేదని ఇరాన్ చెప్పింది. తమ వేళ్లు ఇప్పటికీ ట్రిగ్గర్‌పైనే ఉన్నాయని.. చూస్తూ ఊరుకోమంటూ హెచ్చరించింది. ఇజ్రాయెల్ రక్షణ మంత్రి ‘కాల్పుల విరమణ ఉల్లంఘనలకు’ ప్రతిస్పందనగా.. ఇరాన్ పై దాడులు చేయాలని ఆదేశించిన తర్వాత ఇరాన్ ఈ ప్రకటన చేసింది.  
మళ్లీ మొదటికి ఇరాన్.. ఇజ్రాయెల్ యుద్ధం Publish Date: Jun 24, 2025 5:29PM
2033 వరకు కాంగ్రెస్ పార్టీదే అధికారం : సీఎం రేవంత్ రెడ్డి

2033 వరకు కాంగ్రెస్ పార్టీదే అధికారం : సీఎం రేవంత్ రెడ్డి

    మంత్రుల పనితీరుపై ముఖ్యమంత్రి రేవంత్ రెడ్డి పీఏసీ సమావేశంలో అసంతృప్తి వ్యక్తం చేశారు. జిల్లాలను ఇన్‌ఛార్జ్ మంత్రులు పట్టించుకోవడం లేదన్నారు. రాష్ట్రంలో కాంగ్రెస్ పార్టీ బలోపేతానికి, ప్రభుత్వ కార్యక్రమాలను ప్రజల్లోకి సమర్థంగా తీసుకెళ్లేందుకు తీసుకోవాల్సిన చర్యలపై ఈ సమావేశంలో ప్రధానంగా చర్చించారు. త్వరలోనే మార్కెట్ కమిటీలు, దేవాలయ కమిటీలలో నామినేటెడ్ పోస్టుల భర్తీ ప్రక్రియను పూర్తి చేస్తామని సీఎం రేవంత్ రెడ్డి స్పష్టం చేశారు. అదేవిధంగా, జూబ్లీహిల్స్ అసెంబ్లీ నియోజకవర్గానికి జరగనున్న ఉప ఎన్నికకు పార్టీ శ్రేణులను ఇప్పటి నుంచే సమాయత్తం చేయాలని కాంగ్రెస్ నేతలకు ఆయన సూచించారు. టీపీసీసీ చీఫ్ మహేశ్ కుమార్ గౌడ్ రచించిన ‘విధ్వంసం నుంచి వికాసం వైపు’ పుస్తకన్ని సీఎం రేవంత్ ఏఐసీసీ ఇన్‌ఛార్జ్‌ మీనాక్షి నటరాజన్, డిప్యూటీ సీఎం భట్టి విక్రమార్క ఆవిష్కరించారు. పదేళ్ల బీఆర్ఎస్ పాలనలో జరిగిన విధ్వంసాన్ని చక్కదిద్దుతూ రాష్ట్రాన్ని వికాసం వైపు కాంగ్రెస్ నడిపిస్తోందని.. సబ్బండ వర్గాలకు ఇచ్చిన అభయహస్తం హామీలను నెరవేరుస్తూ ఇంటింటా సౌభాగ్యం నిలిచేలా ఇందిరమ్మ రాజ్యాన్ని అందిస్తోందని తెలుపుతూ పుస్తకన్ని మహేశ్ కుమార్ గౌడ్  రచించారు. ఈ సందర్భంగా పీసీసీ నూతన ఉపాధ్యక్షులు, ప్రధాన కార్యదర్శులకు నియామక పత్రాలు అందజేశారు.  ఈ దేశంలో అధికారంలోకి వచ్చిన మొదటి ఏడాదిలోనే 60 వేల ప్రభుత్వ ఉద్యోగాలు కల్పించిన రాష్ట్రం ఏదైనా ఉందంటే అది కాంగ్రెస్ ప్రభుత్వం వల్లే సాధ్యమైందన్నారు.  ఉమ్మడి రాష్ట్రంలో 1994 నుంచి 2004 వరకు తెలుగు దేశం పార్టీ, 2004 నుంచి 2014 వరకు కాంగ్రెస్ పార్టీ అధికారంలో ఉందని సీఎం చెప్పారు. ఆ తర్వాత తెలంగాణ రాష్ట్రం ఏర్పడ్డాక 2014 నుంచి 2023 వరకు బీఆర్ఎస్ రెండు సార్లు అధికారంలో ఉందని 2023 నుంచి 2033 వరకు పదేళ్లు కాంగ్రెస్ పార్టీ తప్పకుండా అధికారంలో ఉండబోతున్నదన్నారు. ఈ పదేళ్లు పార్టీ కోసం పని చేసే వారిని కాపాడుకునే బాధ్యత పార్టీ తీసుకుంటుందన్నారు. పదేళ్లు అధికారం నడిపించే వరకు నేను బాధ్యత తీసుకుంటా. ఆ తర్వాత పార్టీని అధికారంలోకి తీసుకువచ్చి నడిపించాల్సిన బాధ్యత పార్టీలోని యువతరం తీసుకోవాలని చెప్పారు.  ఎస్సీ వర్గీకరణలో దేశానికి తెలంగాణ ఆదర్శంగా నిలుస్తోంది. తెలంగాణ రైజింగ్ 2047 విజన్ డాక్యమెంట్ తీసుకువస్తున్నాం. త్వరలో డీలిమిటేషన్ జరగబోతున్నదని సీట్లు పెరగబోతున్నాయన్నారు. మహిళా రిజర్వేషన్లు రాబోతున్నాయి సీఎం రేవంత్‌రెడ్డి తెలిపారు.
2033 వరకు కాంగ్రెస్ పార్టీదే అధికారం : సీఎం రేవంత్ రెడ్డి Publish Date: Jun 24, 2025 5:04PM
ప్రయాణికులకు షాక్..రైల్వే టికెట్‌ ఛార్జీల పెంపు

ప్రయాణికులకు షాక్..రైల్వే టికెట్‌ ఛార్జీల పెంపు

    ప్రయాణికులపై ఇండియన్ రైల్వే ఛార్జీల భారం మోపడానికి సిద్ధమైంది. గత  కొన్నేళ్లుగా స్థిరంగా ట్రైన్ టికెట్ ఛార్జీలను స్వల్పంగా పెంచుతున్నట్లు ప్రకటించింది. ఈ పెరిగిన ఛార్జీలు జూలై1 నుంచి అమల్లోకి రానున్నాయి. ఇకపై తత్కాల్ టికెట్ల బుకింగ్‌కు ఆధార్ ప్రామాణీకరణ తప్పనిసరి కానుంది. ఎక్స్‌ప్రెస్ రైళ్లలో ప్రయాణ ఛార్జీ కిలోమీటర్‌కు ఒక పైసా చొప్పున పెరగనుంది.  ఏసీ తరగతుల్లో ప్రయాణానికి కిలోమీటర్‌కు రెండు పైసల చొప్పున ఛార్జీలు పెంచనున్నారు. అయితే, సబర్బన్ టికెట్ల ధరల్లో ఎలాంటి మార్పు ఉండదని రైల్వే శాఖ స్పష్టం చేసింది. అలాగే, 500 కిలోమీటర్ల వరకు ప్రయాణించే సెకండ్ క్లాస్ టికెట్ల ధరల్లో కూడా ఎటువంటి పెంపు ఉండదు. 500 కిలోమీటర్లకు మించిన దూరాలకు మాత్రం సెకండ్ క్లాస్ ప్రయాణంలో కిలోమీటర్‌కు అర పైసా చొప్పున ఛార్జీ పెరగనుంది.  
ప్రయాణికులకు షాక్..రైల్వే టికెట్‌ ఛార్జీల పెంపు Publish Date: Jun 24, 2025 4:28PM
గజం మిథ్య.. పలాయనం మిథ్య!

గజం మిథ్య.. పలాయనం మిథ్య!

ఉభయ తెలుగు రాష్ట్రాలలో సంచలనం సృష్టిస్తున్న... ఫోన్   ట్యాపింగ్ కేసు విచారణ ఏ రోజుకారోజు కొత్త మలుపులు తిరుగుతోంది. కొత్త చిత్రాలను చూపిస్తోంది. ఈ వ్యవహారంలో  విచారణ జరుపుతున్న  సిట్   ఈ కేసులో ప్రధాన నిందితునిగా అనుమానిస్తున్న స్‌ఐబీ మాజీ చీఫ్ ప్రభాకర్ రావును దఫదఫాలుగా విచారిస్తోంది. అదే సమయంలో గుర్తించిన ఫోన్ ట్యాపింగ్ బాధితులు, రాజకీయ నాయకులను విచారించి వారి నుంచి వాంగ్మూలానను సేకరిస్తోంది. ఇదంతా ఏదో టీవీ డైలీ సీరియల్ వ్యవహారంలా నడుస్తోంది. కానీ..  అవుట్కమ్  ఏమిటన్నది  మాత్రం  భేతాళ ప్రశ్నగానే మిగిలిపోతోంది. అదలా  ఉంచితే..  ఎవరో పెద్దాయన అన్నట్లుగా..  ఈ కేసుకు సంబంధించి అందుతున్న సమాచారం మొత్తం నిజమే అయితే..  ఇది స్వాతంత్ర భారత చరిత్రలో ఏనాడు జరగని మెగా కాదు, మహా మెగా, మహామహా మెగా  ఫోన్ ట్యాపింగ్ కుంబకోణంగా చరిత్రలో మిగిలిపోతుంది. ఈ కుంభకోణంలో కేవలం   రాజకీయ కోణం మాత్రమే కాదు.. ఇంకా అనేక కోణాలు ఉన్నాయి అంటున్నారు. అవును.. సమస్త సామాజిక, ఆర్థిక నేరాలకు  ఫోన్ ట్యాపింగ్ సాధనమైందని అంటునారు. ఎవరు ఎందుకు మొదలు పెట్టినా..  ఆ తర్వాత  అయినవారు, కాని వారు, ఎవరికి వారు  నువ్వొకందుకు పోస్తే నేనొకందుకు తాగుతున్నాను అన్నట్లు..  ఫోన్ ట్యాపింగ్ ను  సాధనంగా చేసుకుని రాజకీయ ప్రయోజనాలకు మించిన ప్రయోజనాలు పొందారని అంటున్నారు. అనుమానిస్తున్నారు.     అందుకే..  ఇంతటి మెగా కుంభకోణంలో ఎస్‌ఐబీ  మాజీ చీఫ్ ప్రభాకర రావు పాత్రే కీలకమా?  ఆ ఒక్కడే అన్నీ చేశారా?  పోనీ చేశారే అనుకున్నా.. మిగిలిన ప్రభుత్వ యంత్రాంగం ఏమి చేస్తున్నట్లు? చెక్స్ అండ్ బ్యాలెన్సెస్  వ్యవస్థ ఏమి చేస్తునట్లు? ముఖ్యంగా..  ఇలాంటి నేరాలు ఘోరాలు జరగకుండా ఉండేందుకే ఉన్నతాధికారులతో  ఏర్పాటు చేసిన రివ్యూ కమిటీ  ఏమి చేసినట్లు, ఏమి చేస్తున్నట్లు?  నిజానికి..  సిట్‌ విచారణకు హాజరైన ప్రతి సందర్భంలోనూ ప్రభాకర్‌రావు ట్యాపింగ్ జరగలేదని ఒక్కసారి కూడా చెప్పలేదు. ట్యాపింగ్  జరిగింది. కానీ, రివ్యూ కమిటీ అనుమతి, ఆమోదంతోనే ట్యాపింగ్‌లు చేసినట్లు స్పష్టంగా చెప్పిట్లు చెపుతున్నారు. అంటే, రివ్యూ కమిటీ ఆమోదతోనే..  ఫోన్ అక్రమ ట్యాపింగ్ జరిగిందని ఎవరైనా అనుకుంటే  కాదనే పరిస్థతి లేదని అంటున్నారు. నిజానికి ప్రభాకరరావు చెప్పక పోయినా.. రివ్యూ కమిటీ  బాధ్యత నుంచి తప్పించుకోలేదు  అంటున్నారు.  మరోవంక రివ్యూ కమిటీ చైర్మన్‌గా ఉన్న అప్పటి సీఎస్‌ శాంతికుమారి, సభ్యులుగా ఉన్న జీఏడీ పొలిటికల్‌ కార్యదర్శి రఘునందన్‌రావు,  అప్పటి హోం శాఖ కార్యదర్శి జితేందర్‌, అప్పటి ఇంటెలిజెన్స్‌ చీఫ్‌ అనిల్‌కుమార్‌లు సిట్ కు ఇచ్చినట్లు చెపుతున్న వాంగ్మూలంలో ఎస్‌ఐబీ నుంచి ట్యాపింగ్‌ జాబితా రావడంతో నమ్మకం తో రివ్యూ కమిటీ పూర్తిగా పరిశీలించకుండానే కేంద్ర టెలికం శాఖకు ఫైల్‌ పంపినట్లు తేలిందని అంటున్నారు. అదే నిజం అయితే..  జరిగిన  భారీ  అనర్ధాలకు రివ్యూ కంమిటీనే బాధ్యత వహించవలసి ఉంటుంది కదా  అని నిపుణులు  ప్రశ్నిస్తున్నారు. అంతే కాదు..   ఇంత పెద్ద ఎత్తున, వారు వీరని లేకుండా..  వందల వేల మంది  ఫోన్లు ట్యాప్  చేసిన మెగా  కేసును,విచారించేందుకు రాష్ట్ర ప్రభుత్వం ఏర్పాటు చేసిన  ప్రత్యేక విచారణ బృందం(సిట్) సరి పోతుందా?  సిట్ విచారణతో  ఒకరిపై ఒకరు రాజకీయ బురద చల్లుకోవడం, తుడుచుకోవడం కాకుండా.. ఇంకా ఏమైనా జరుగుతుందా? అంటే..  ఆ అవకాశమే  లేదంటున్నారు. కేసు పరిధి, పరిమాణంతో పాటు గా.. కేంద్ర ప్రభుత్వ చట్టాలతోనూ ముడిపడిన ఈ  కేసు విచారణ కేంద్ర దర్యాప్తు సంస్థ సిబిఐకి అప్పగించడం ఒక్కటే మార్గమని న్యాయ నిపుణులు అభిప్రాయ పడుతున్నారు.అయితే..  రాష్ట్ర ప్రభుత్వం మాత్రం అందుకు అంగీకరించేలా లేదు. చివరకు..  ఇప్పటికే చాల చాలా కేసుల్లో జరిగిన  విధంబుగానే .. ఫోన్ ట్యాపింగ్ కేసు కూడా,‘గజం మిథ్య పలాయనం మిథ్య’ అన్నట్లు తేలిపోతుందని  అంటున్నారు.
గజం మిథ్య.. పలాయనం మిథ్య! Publish Date: Jun 24, 2025 4:03PM
ముగిసిన ఏపీ మంత్రి వర్గ సమావేశం..పలు కీలక నిర్ణయాలివే

ముగిసిన ఏపీ మంత్రి వర్గ సమావేశం..పలు కీలక నిర్ణయాలివే

  పోలవరం -బసకచర్ల అనుసంధాన ప్రాజెక్టుతో  తెలంగాణకు ఎటువంటి నష్టం లేదని ఏపీ ముఖ్యమంత్రి చంద్రబాబు తెలిపారు. రాజకీయాల కోసమే తెలంగాణలో కొందరు అభ్యంతరాలు చెబుతున్నారన్నారు. ప్రజలకు వాస్తవాలు వివరించాల్సిన అవసరం మంత్రులపై ఉందని చంద్రబాబు తెలిపారు. సచివాలయంలో రాష్ట్రమంత్రివర్గ సమావేశం ముగిసింది. మొత్తం 42 అజెండా అంశాలకు కేబినేట్ ఆమోదం తెలిపింది. అనంతరం రాజకీయ అంశాలపై చర్చించారు. అమరావతిలో మలివిడత భూసేకరణపై మంత్రివర్గంలో చర్చ జరిగింది. తొలివిడత నిబంధనలే మలివిడతకూ వర్తింపజేయాలని నిర్ణయించారు. సుపరిపాలనలో తొలిఅడుగు కార్యక్రమాలను ఇన్‌ఛార్జి మంత్రి నేతృత్వంలో జిల్లాస్థాయిలో నిర్వహించాలని మంత్రి వర్గం నిర్ణయించింది. రాజధానిలో మరో 44వేల ఎకరాల సేకరణకు మంత్రి మండలి నిర్ణయం తీసుకుంది. స్వర్ణాంధ్ర P4పై త్వరలో కమిటీలు ఏర్పాటు చేయడానికి కేబినేట్ గ్రీన్ సిగ్నల్ ఇచ్చింది.అన్న క్యాంటీన్ ప్రతి నియోజకవర్గం కేంద్రంలో ఏర్పాటు చేయాలని ముఖ్యమంత్రి ఆదేశించారు. అన్న క్యాంటీన్లు మానిటర్ చేయడానికి, ఎవరైనా విరాళాలు ఇస్తే తీసుకవడానికి ఒక కమిటీని వేయాలని సీఎం సూచించారు. టెన్నిస్ ప్లేయర్ సాకేత్‌కు గ్రూప్- 1 ఉద్యోగం ఇవ్వాలని మంత్రి వర్గం నిర్ణయం తీసుకుంది. అనకాపల్లిలో ఆర్సెల్ మిట్టల్ స్టీల్‌కు సెప్టెంబర్‌లో శంకుస్థాపన చేసే విధంగా చూడాలని సీఎంచంద్రబాబు తెలిపారు. పంటలకు గిట్టుబాటు ధరలు కల్పిస్తున్నామని చెప్పుకొచ్చారు. జాతీయ స్థాయిలో కొన్ని పంటలకు డిమాండ్ లేకపోవడంతో మనం మార్కెట్‌లోనే ప్రవేశించి కొంటున్నామని స్పష్ట చేశారు. పొగాకుకు మార్కెట్‌లో ధర తక్కువగా ఉండటంతో రూ. 250 కోట్లు మనం మార్కెట్‌లో ప్రవేశించి మార్క్ ఫెడ్ ద్వారా కొనుగోలు చేస్తున్నామని తెలిపారు. భవిష్యత్‌లో వాణిజ్య పంటలకు డిమాండ్ ఎక్కువ ఉన్న పంటలు వేసే విధంగా రైతులను మోటివేట్ చేయాలని సీఎం చంద్రబాబు సూచించారు. అందుకు అనుగుణంగా వ్యవసాయ శాఖ రైతుల్లో అవగాహన తీసుకురావాలని సీఎం చంద్రబాబు పేర్కొన్నారు
ముగిసిన ఏపీ మంత్రి వర్గ సమావేశం..పలు కీలక నిర్ణయాలివే Publish Date: Jun 24, 2025 3:58PM
నేను నా భార్య మాట్లాడుకునేది విన్నారు.. ఈటల సంచలన వాఖ్యలు

నేను నా భార్య మాట్లాడుకునేది విన్నారు.. ఈటల సంచలన వాఖ్యలు

  ఫోన్ ట్యాపింగ్ కేసులో మల్కాజిగిరి బీజేపీ ఎంపీ  ఈటల రాజేందర్ సిట్ అధికారుల ముందు హాజరయ్యారు. విచారణ అనంతరం ఈటల మీడియాతో మాట్లాడుతు ఫోన్ ట్యాపింగ్ విచారణ ఇంకా ఎంతకాలం చేస్తారని ఎంపీ   ప్రశ్నించారు. హుజురాబాద్ బై ఎలక్షన్ సమయంలో తన ఫోన్ అనేక సార్లు ట్యాప్ చేశారని అన్నారు. నేను, నా భార్య మాట్లాడుకునే సంభాషణలు కూడా విన్నారని నాయకుల ఫోన్లను మాత్రమే కాకుండా వారి గన్ మెన్‌ల ఫోన్‌లను కూడా ట్యాప్ చేశారన్నారు. 2018లో తాను ప్రభుత్వంలో ఉన్నప్పుడే తనను ఓడించే ప్రయత్నం జరిగిందన్నారు. గత బీఆర్‌ఎస్ హయాంలో మాజీ సీఎం కేసీఆర్ తనకు అనుకులంగా పనిచేసే వారిని ఉన్నత స్థాయిలో నియమించుకున్నారని తెలిపారు.  ట్యాపింగ్ కేసులో ఎవరు ఉన్న ప్రభుత్వం కఠిన చర్యలు తీసుకోవాలని ఈటల  డిమాండ్ చేశారు. 2023లో గజ్వెల్‌లో, హుజురాబాద్‌లో పోటీ చేసినప్పుడు తమ ఫోన్లు ట్యాప్ చేశారన్నారు. ఎస్ఐబీ చీఫ్‌గా ప్రభాకర్ రావు నియామకం అక్రమం అని చెప్పారు. గత బీఆర్‌ఎస్ హయాంలో  జరిగిన అక్రమాలపై కమిటీలు వేస్తున్న ప్రభుత్వం ఎందుకు చర్యలు తీసుకోవడం లేదని ఈటల రాజేందర్  ప్రశ్నించారు. ఎందుకు నివేధికలను బయటపెట్టడంలేదని అడిగారు.  రాజ్యాంగం కల్పించిన స్వేచ్ఛ హక్కును ఆటంకం కలిగించే హక్కు ఎవరికీ లేదని అన్నారు.  సంఘవిద్రోహ శక్తులు కాకుండా నాయకులు ఫోన్లు ట్యాపింగ్ చేయడం దారుణమని చెప్పారు. ఎన్నికల్లో గెలిచే దమ్ములేకే ఫోన్ ట్యాపింగ్ చేశారని ఆయన ఆగ్రహం వ్యక్తం చేశారు. ఫోన్ ట్యాపింగ్, కాళేశ్వరంలో విచారణ కమిటీ వేశారు కానీ దర్యాప్తు వేగంగా జరగడం లేదని ఎంపీ ఈటల పేర్కొన్నారు.
నేను నా భార్య మాట్లాడుకునేది విన్నారు.. ఈటల సంచలన వాఖ్యలు Publish Date: Jun 24, 2025 3:03PM

News Videos

    See More News Videos
    ఎమ‌ర్జెన్సీ @ 50 ఏళ్లు

    ఎమ‌ర్జెన్సీ @ 50 ఏళ్లు

    జూన్ 25..  ఇది కొంద‌రి పాలిట ఒక పీడ‌క‌ల‌. మ‌రి కొంద‌రి జైలు జీవితానికి  కార‌ణం. 1975 నుంచి 1977 వ‌ర‌ూ మొత్తం 21 నెల‌ల కాలం.. నాటి ప్ర‌ధాని ఇందిర విధించిన ఈ అత్య‌యిక స్థితి దేశ చ‌రిత్ర‌లోనే ఒక‌ చీక‌టి అధ్యాయం. అంత‌ర్గ‌త స్థితిగ‌తుల్లోని అవ‌క‌త‌వ‌క‌ల కార‌ణంగా రాజ్యాంగంలోని  ఆర్టిక‌ల్ 352 కింద అధ్య‌క్షుడు ఫ‌క్రుద్దీన్ అలీ అహ్మ‌ద్ కార‌ణంగా  జారీ  చేసిన అత్య‌యిక స్థితి 1975 జూన్ 25 నుంచి అమ‌ల్లోకి వ‌చ్చింది. అది 1977 మార్చి 21న ముగిసింది. ఈ ఉత్త‌ర్వుతో  ప్ర‌ధానికి డిక్రీ ద్వారా పాలించే అధికారం వ‌చ్చింది. ఎన్నిక‌లు  ర‌ద్దు చేయ‌డానికి, పౌర స్వేచ్ఛ నిలిపేయ‌డానికి.. వీలు క‌ల్పించింది. ఈ ప‌రిస్థితుల్లో ఎక్కువ భాగం ఇందిరా గాంధీ రాజ‌కీయ ప్ర‌త్య‌ర్ధుల‌లో ఎక్కువ మందిని  జైల్లో పెట్టారు. అంతే  కాదు ఏకంగా ప‌త్రికా స్వేచ్ఛ‌కే భంగం క‌లిగింది. ప‌త్రిక‌ల్లో వ‌చ్చే ప్ర‌తి వార్తా ఆనాడు సెన్సార్ అయ్యిందంటే ప‌రిస్థితి ఏమిటో అర్ధం చేసుకోవ‌చ్చు.  ఒకటీ  రెండు కాదు సుమారు ల‌క్ష మందికి పైగా  రాజ‌కీయ ప్ర‌త్య‌ర్ధులు, జ‌ర్న‌లిస్టులు, అస‌మ్మ‌తి వాదుల‌ను జైల్లో పెట్టారంటే  ప‌రిస్థితి  ఎంత దారుణంగా, దుర్మార్గంగా ఉందో అర్ధం చేసుకోవ‌చ్చు. ఈ స‌మ‌యంలో ఇందిర కుమారుడు సంజ‌య్ గాంధీ వాసెక్ట‌మీ  కుటుంబ నియంత్రణ అంటూ వాసెక్టమీ ఆప‌రేష‌న్లు నిర్వ‌హించ‌డానికి ప్ర‌చారం నిర్వ‌హించారు.  దేశానికి అంత‌ర్గ‌తంగానూ బ‌య‌ట  నుంచి గానీ  ముప్పు ఉంద‌న్న ప్ర‌తిపాద‌న‌ను ప్ర‌ధాని ఇందిర ప్ర‌తిపాదించ‌గా నాటి బార‌త రాష్ట్ర‌ప‌తి  అంగీక‌రించారు. 1975 జూలై నుంచి ఆగ‌స్టు వ‌ర‌కూ కేబినెట్ పార్ల‌మెంట్ రెండూ  ఆమోదించాయి. భార‌త  దేశానికి త‌క్ష‌ణ అవ‌స‌రం దృష్ట్యా ఈ ఎమ‌ర్జెన్సీ విధింపు స‌రైన‌దిగా స‌మ‌ర్ధించుకుంది  నాటి ఇందిర ప్ర‌భుత్వం. 1967- 1971 మ‌ధ్య కాలంలో ఇందిరా గాంధీ  ప్ర‌భుత్వం, కాంగ్రెస్ పార్టీలను పూర్తి  నియంత్ర‌ణ లోకి తీసుకున్నారు. పార్ల‌మెంటులో భారీ మెజార్టీ పొందారు. కేంద్ర ప్ర‌భుత్వ అధికారాన్ని ప్ర‌ధాని కార్యాల‌యంలో కేంద్రీ  క‌రించ‌డం ద్వారా మ‌రింత‌  ప‌ట్టు సాధించారు. ఆమె ఎన్నికైన కేబినెట్ స‌భ్యుల‌ను ముప్పుగా భావించి అవిశ్వాసం పెట్టించారు.  బ్యూరోక్ర‌సీ ఆలోచ‌నలు విస్తృతంగా ప్రోత్స‌హించారు. కాంగ్రెస్ లో ఇందిర త‌న ప్ర‌త్య‌ర్ధుల‌ను అధిగ‌మించి 1969లో పార్టీని జీరో సిండికేట్ నుంచి కాంగ్రెస్ ఆర్ గా విభ‌జించారు. ఎక్కువ మంది ఎంపీలు త‌న   వైపు ఉండేలా చేసుకున్నారు ఇందిర. పాత కాంగ్రెస్ కు కొత్త కాంగ్రెస్ కూ తేడా ఇందిర‌. పాత కాంగ్రెస్ లో అంత‌ర్గ‌త ప్ర‌జాస్వామ్యానికి పెద్ద పీట వేసేవారు.  అదే ఇందిర మార్క్ పార్టీ అంటే కేవ‌లం ఆమె, ఆమె కుటుంబం ప‌ట్ల విధేయ‌త క‌లిగి ఉండ‌ట‌మే ఆయా నాయ‌కుల‌ ప్ర‌ధాన అర్హ‌త‌గా ఉండేది. ఒక స‌మ‌యంలో ఇందిర మోనార్కిజం ఎంత‌గా మారిపోయిందంటే..  ఆయా అసెంబ్లీల్లో ఎమ్మెల్యేలు కాకుండా.. ఆమె ఎంపిక చేసిన వారు మాత్ర‌మే ముఖ్య‌మంత్రి అయ్యేవారు. అయితే ఇందిరాగాంధీ  ఆ రోజుల్లో ఇంత‌గా వెలుగులోకి రావ‌డానికి గ‌ల కార‌ణ‌మేంట‌ని  చూస్తే.. ఆమెకు ఒక మ‌హిళానేత‌గా ప‌బ్లిక్ లో ఉన్న ఆక‌ర్ష‌ణ   మెయిన్ రీజ‌న్ గా  కనిపిస్తుంది. దానికి తోడు.. 1969 జూలైలో అనేక బ్యాంకుల జాతీయ‌క‌ర‌ణ‌,  1970లో ప్రైవేట్ ప‌ర్స్ ర‌ద్దు వంటివి ముఖ్య‌పాత్ర పోషించారు. త‌ర‌చూ ఆర్డినెన్సులు జారీ చేస్తూ ప్ర‌త్య‌ర్ధుల‌ను షాక్ ల‌కు గురి చేసేవారు ఇందిర‌.  పేద‌లు, దళుతులు, మ‌హిళ‌లు, మైనార్టీలే టార్గెట్ గా ఆమె రాజ‌కీయాలు న‌డిపేవారు. దీంతో ఆమెకు బ‌ల‌మైన ఓటు బ్యాంకు ఏర్ప‌డింది. త‌న ప‌రిపాల‌న మొత్తం ఓటు బ్యాంకు రాజ‌కీయాల  కోస‌మే న‌డిచేవి. వీటి చుట్టూ తాను పాలించ‌డం మొద‌లు పెట్టారామె. 1971 సార్వ‌త్రిక ఎన్నిక‌ల్లో ఇందిర  గ‌రీబీ హ‌టావో నినాదం..  ప్ర‌ధాన ఆక‌ర్ష‌ణ‌గా నిలిచింది.  దీంతో జ‌నం విప‌రీతంగా ఆక‌ర్షితుల‌య్యారు. భారీ మెజార్టీతో గెలిచారు. 518 సీట్ల‌కుగానూ 352 స్థానాలలో విజయం సాధించింది కాంగ్రెస్ ఆర్ పార్టీ .  దీంతో కాంగ్రెస్ ఆర్ నిజ‌మైన కాంగ్రెస్ గా ప్ర‌సిద్ధి చెందింది. అంతే కాకుండా 1971 యుద్ధంలో భార‌త్ బ‌ద్ధ శ‌తృవు పాకిస్థాన్ని  ఓడించారు. ఇది గ‌తంలో తూర్పు పాకిస్థాన్ గా ఉండిన బంగ్లాదేశ్ స్వాతంత్రానికి దారి తీసింది. ఆ మ‌రుసటి  నెల‌లో ఇందిర‌కు భార‌త ర‌త్న అవార్డు ప్ర‌దానం చేశారు. త‌ర్వాతి కాలంలో ఆమెను భార‌త  సామ్రాజ్ఞిగా ఇంద‌ర్ మ‌ల్హోత్రా వంటి ర‌చ‌యిత‌లు అభివ‌ర్ణించారు. ఆనాడు ఆమె ఏ స్థాయికి ఎదిగారంటే నిత్యం ఆరోపించే ప్ర‌తిప‌క్ష నాయ‌కులు కూడా ఆమెనొక అభిన‌వ దుర్గ‌తో స‌మానంగా ఆరాధించ‌డం మొద‌లు పెట్టేంత‌. అలా అలా ఇందిరాగాంధీ ప్ర‌భ నానాటికీ పెరిగిపోతూ వ‌చ్చి.. చివ‌రికి.. అది అతి పెద్ద నియంతృత్వం కింద‌కు వ‌చ్చేసింది. చివ‌రికి న్యాయ వ్య‌వ‌స్థ‌ను సైతం త‌న కంట్రోల్లోకి తీసుకొచ్చే వ‌ర‌కూ ఆమె పాల‌న  కొన‌సాగింది.  దీంతో ఆమెను ఇటు ప‌త్రికా వ్య‌వ‌స్థ‌తో పాటు అటు జ‌య‌ప్ర‌కాశ్ నారాయ‌ణ వంటి వారు తీవ్రంగా  వ్య‌తిరేకిస్తూ రావ‌డం మొద‌లైంది.   దీంతో కొంద‌రు కాంగ్రెస్ లీడ‌ర్లు.. అత్య‌వ‌స‌ర ప‌రిస్థితి కోసం డిమాండ్ చేశారు. డిసెంబ‌ర్ 1973- మార్చి 1974 మ‌ధ్య న‌వ నిర్మాణ్ ఉద్య‌మం మొద‌లైంది. గుజ‌రాత్ విద్యా మంత్రికి వ్య‌తిరేకంగా జ‌రిగిన విద్యార్ధి ఉద్య‌మం ఇందులో అత్యంత ముఖ్య‌మైన‌ది. ఇది ఆనాటి ముఖ్యమంత్రి రాజీనామాకు దారి తీయ‌డం మాత్ర‌మే కాకుండా.. గుజ‌రాత్ లో రాష్ట్ర‌పతి పాల‌న విధించ‌డానికి దారి తీసింది. ఇంత‌లో కొంద‌రు నాయ‌కుల‌పై హ‌త్యా య‌త్నాలు జ‌రిగాయి. రైల్వే మంత్రి ల‌లిత్ నారాయ‌ణ్ మిశ్రా బాంబు దాడితో హ‌త్య‌కు గుర‌య్యారు. ఇవ‌న్నీ దేశంలో పెరుగుతున్న శాంతి భ‌ద్ర‌త‌ల స‌మ‌స్య‌ను ఎత్తి చూపాయి. వీటిపై ఇందిర స‌న్నిహితుల‌తు ఆమెను హెచ్చ‌రించ‌డం మొద‌లు పెట్టారు. 1974 మార్చి- ఏప్రిల్ మ‌ధ్య కాలంలో బీహార్ ప్ర‌భుత్వానికి వ్య‌తిరేకంగా బీహార్ ఛాత్ర సంఘ‌ర్ష్ స‌మితి  నిర్వ‌హించిన ఆందోళ‌న‌కు విప‌రీత‌మైన మ‌ద్ధ‌తు ల‌భించింది. ఇందుకు జేపీగా పిలిచే జ‌య‌ప్ర‌కాష్ నారాయ‌ణ్ నేతృత్వం వ‌హించారు. 1974 ఏప్రిల్ లో పాట్నాలో జేపీ  సంపూర్ణ విప్ల‌వానికై పిలుపునిచ్చారు. విద్యార్ధులు, రైతులు, ప్ర‌జా క‌ళాసంఘాలు ఈ ఉద్య‌మంలో పాల్గొన్నాయి. భార‌తీయ స‌మాజాన్ని అహింస దిశ‌గా ప‌య‌నించాల‌న్న పిలుపునిచ్చారాయ‌న‌. అంతే కాదు రాష్ట్ర‌ ప్ర‌భుత్వ ర‌ద్దుకు పిలుపు నిచ్చారు జేపీ. ఇందుకు కేంద్రం ఎట్టి ప‌రిస్థితుల్లోనూ అంగీక‌రించ‌లేదు. నెల త‌ర్వాత దేశంలో అతి పెద్ద యూనియ‌న్ అయిన రైల్వే ఉద్యోగుల సంఘం.. దేశ వ్యాప్త స‌మ్మెకు పిలుపునిచ్చింది. ఇందుకు జార్జ్ ఫెర్నాండెజ్ నాయ‌క‌త్వం వ‌హించారు. ఆయ‌న సోష‌లిస్ట్ పార్టీ అధ్య‌క్షుడు కూడా. ఈ స‌మ్మెను ఇందిరాగాంధీ ప్ర‌భుత్వం క్రూరంగా అణిచివేసింది. ఇది వేలాది మంది ఉద్యోగుల అరెస్టు చేసి.. వారి కుటుంబాల‌ను వారి నివాసాల నుంచి వెళ్ల‌గొట్టేలా చేసింది. మొరార్జి దేశాయ్ అధిప‌తిగా నానాజీ దేశ్ ముఖ్ కార్య‌ద‌ర్శిగా లోక్ సంఘ‌ర్ష్ స‌మితి క‌మిటీ ఏర్పాటు ప్ర‌క‌ట‌న చేశారు జేపీ. ప్ర‌ధాని ఇంటిని చుట్టుముట్ట‌డం.. రైళ్లు క‌ద‌ల‌కుండా చేయ‌డం, కోర్టులు, ఇత‌ర ప్ర‌భుత్వ కార్యాల‌యాలు ప‌ని చేయ‌కుండా ఈ క‌మిటీ సూచించింది. 1971 పార్ల‌మెంటు ఎన్నిక‌ల్లో ఇందిర చేతిలో ఓడిపోయిన రాజ్ నారాయ‌ణ్ ఈ  ఎన్నిక‌ల్లో మోసం ద్వారా  ఇందిర  గెలిచార‌ని అల‌హాబాద్ కోర్టులో ఆమెపై కేసు వేశారు. ఇందిర త‌ర‌ఫున నానీ పాల్కీ వాలా కేసు వాదించ‌గా..  శాంతి భూష‌ణ్- రాజ్ నారాయ‌ణ్ త‌ర‌ఫున వాదించారు. ఈ సంద‌ర్భంగా ఇందిర హైకోర్టులో క్రాస్ ఎగ్జామిన్ కాగా.. సుమారు 5 గంట‌ల పాటు ఆమె న్యాయ‌మూర్తి ముందు హాజ‌రు కావ‌ల్సి వ‌చ్చింది. ఒక ప్ర‌ధాని ఇలా హాజ‌రు కావ‌డం అదే మొదటి సారి. అప్ప‌ట్లో అదొక సంచ‌ల‌నం. 1975 జూన్ 12న అల‌హాబాద్ హైకోర్టు న్యాయ‌మూర్తి  సిన్హా ప్ర‌ధాని ఇందిర‌ ఎన్నిక‌ల ప్ర‌చారం కోసం ప్ర‌భుత్వ యంత్రాంగాన్ని దుర్వినియోగం చేశార‌నే అభియోగంపై ఆమెను దోషిగా తీర్పునిచ్చారు. ఇందిర‌ ఎన్నిక చెల్ల‌ద‌ని   ప్ర‌క‌టించింది అల‌హాబాద్ హైకోర్టు. ఆమె లోక్ సభ సభ్యత్వం రద్దు చేయాలనీ,   ఆరు సంవ‌త్స‌రాల పాటు  ఏ ఎన్నిక‌లోనూ పాల్గొన‌కుండా చేయాల‌ని  తీర్పునిచ్చింది.  ఇందిర మ‌ద్ద‌తుదారులు ఈ తీర్పునకు వ్యతిరేకంగా సామూహిక ప్ర‌ద‌ర్శ‌న‌లు చేశారు. హైకోర్టు నిర్ణ‌యాన్ని  ఇందిర  సుప్రీంలో స‌వాలు చేశారు. జ‌స్టిస్ అయ్య‌ర్ 1975 జూన్ 24న హైకోర్టు తీర్పును స‌మ‌ర్ధిస్తూ.. ఎంపీగా ఇందిర హ‌క్కుల‌ను నిలిపివేయాల‌ని సూచించారు. అయితే అప్పీల్ ప‌రిష్కారం అయ్యే వ‌ర‌కూ ఆమె ప్ర‌ధానిగా  కొన‌సాగాల‌ని ఆదేశించారు.  అయితే ఆ స‌మ‌యంలో ఇందిర తాను ఎంపిక చేసిన అధ్య‌క్షుడు ఫ‌క్రుద్దీన్ అలీని దేశంలో ఎమ‌ర్జెన్సీ విధించాల్సిందిగా అభ్య‌ర్ధించారు. మూడు గంట‌ల్లోగా  అన్ని వార్తా సంస్థ‌ల విద్యుత్ స‌ర‌ఫ‌రా నిలిపివేశారు. అంతే కాదు జేపీ వంటి ఎంద‌రో రాజ‌కీయ నాయ‌కుల‌ను అరెస్టు చేశారు. ఇదంతా కేంద్ర మంత్రిమండ‌లి ఆమోదం లేకుండానే జ‌రగటం విశేషం. రాజ్యాంగంలోని ఆర్టిక‌ల్ 352, 356 ప్ర‌యోగిస్తూ.. త‌న‌కు అసాధార‌ణ అధికారాల‌ను క‌ల్పించుకుని.. పౌర హ‌క్కులు, రాజ‌కీయ వ్య‌తిరేక‌త‌పై భారీ అణిచివేత ప్రారంభించారు ఇందిర‌. ఆ స‌మ‌యంలో అరెస్టు అయిన వారిలో విజయరాజే సింధియా, జయప్రకాష్ నారాయణ్, ములాయం సింగ్ యాదవ్, రాజ్ నారాయణ్, మొరార్జీ దేశాయ్, చరణ్ సింగ్,  కృపలానీ, జార్జ్ ఫెర్నాండెజ్, అనంత్ రామ్ జైస్వాల్, అటల్ బిహారీ వాజ్‌పేయి, లాల్ కృష్ణ అద్వానీ, అరుణ్ జైట్లీ,  జై కిషన్ గుప్తా, సత్యేంద్ర నారాయణ్ సిన్హా,  జైపూర్ రాణి- గాయత్రి దేవి. ఇలా..   ఎంద‌రో నాయకులు ఉన్నారు. రాష్ట్రీయ స్వయంసేవక్ సంఘ్,  జమాత్-ఇ-ఇస్లామి వంటి సంస్థలు , కొన్ని రాజకీయ పార్టీలను నిషేధించారు. సీపీఎం నాయకులు.. అచ్యుతానందన్, జ్యోతి బసులను వారి పార్టీతో సంబంధం ఉన్న అనేక మంది ఇతరులతో పాటు అరెస్టు చేశారు. అత్యవసర పరిస్థితి ప్రకటన  రాజ్యాంగ సవరణకు వ్యతిరేకంగా విభేదించిన కొంద‌రు కాంగ్రెస్ నాయకులు.. మోహన్ ధారియా, చంద్ర శేఖర్ వంటివారు తమ ప్రభుత్వ, పార్టీ పదవులకు రాజీనామా చేశారు. ఆ తరువాత అరెస్టై నిర్బంధంలో  ఉన్నారు. డీఎంకే వంటి ప్రాంతీయ ప్రతిపక్ష పార్టీల సభ్యులు కూడా అరెస్టు అయ్యారు. అంతే కాదు తెలుగులో ఈ ఎమ‌ర్జెన్సీలో అరెస్ట‌యిన వారెవ‌రిని చూస్తే య‌ల‌మంచ‌లి శివాజీ మొద‌టి వ‌రుస‌లో నిలుస్తారు. ఇలా దేశ‌మంతా ఒకానొక ఎమ‌ర్జెన్సీకి లోనై ఎన్నో భ‌యాన‌క‌మైన ప‌రిస్థితులు ఎదుర్కున్నది. ఈ ఎమ‌ర్జెన్సీ కార‌ణంగా ములాయం సింగ్ యాద‌వ్, లాలూ ప్ర‌సాద్ యాద‌వ్, జార్జి ఫెర్నాండెజ్ వంటి ఎంద‌రో లీడ‌ర్లు దేశ రాజ‌కీయాల్లోకి దూసుకొచ్చారు. తెలుగువారిలో ఎలమంచలి శివాజీతో పాటు వెంకయ్యనాయుడు తదితరులు జైలు పాలయ్యారు. 1977 జనవరి 18న, ఇందిరా గాంధీ మార్చి నెలలో ఎన్నికలు నిర్వహించాలని పిలుపునిచ్చారు. ఎందరో ప్రతిపక్ష నేతలను విడుదల చేశారు. ఈ ఎన్నికలు 1977 మార్చి 16 నుంచి 20 వరకూ జరగాయి. జనతా పార్టీ ఈ ఎన్నికల్లో ఏకంగా 298 సీట్లు సాధించింది. కాంగ్రెస్ కేవలం 154 సీట్లు మాత్రమే సాధించింది. ఇందిర సైతం తన ప్రత్యర్థి రాజ్ నారాయణ్ పై రాయ్ బరేలీలో ఓటమిపాలయ్యారు. ఇక జనతాపార్టీ మిత్ర పక్షాలు మరో 47 సాధించడంతో తొలిసారిగా కాంగ్రేసర ప్రధానిగా మొరార్జీ దేశాయి ప్రధానిగా ఎన్నికయ్యారు. అలా ఎమర్జెన్సీ అనే ఒక అంకానికి భారత ప్రజలు కాంగ్రెస్ పార్టీకి గట్టిగానే బుద్ధి చెప్పారు.
    ఎమ‌ర్జెన్సీ @ 50 ఏళ్లు Publish Date: Jun 24, 2025 3:03PM
    వైసీపీ అధినేత జగన్‌పై మరో కేసు

    వైసీపీ అధినేత జగన్‌పై మరో కేసు

      వైసీపీ అధినేత జగన్‌పై మరో కేసు నమోదైంది. ఎమ్మెల్సీ ఎన్నికల కోడ్ ఉన్నా ఫిబ్రవరి 19న మిర్చి రైతుల పరామర్శ కోసం జగన్ గుంటూరు మిర్చి యార్డుకు వెళ్లారు. దీనిపై గుంటూరు జిల్లా నల్లపాడు పోలీసులు ఆయనపై కేసు నమోదు చేశారు. కోడ్ ఉన్నా వైసీపీ నేతలు అనుమతి లేకుండా వచ్చి  నిబంధనలు ఉల్లంఘించారన్న ఆరోపణలపై జగన్‌తో పాటు అంబటి రాంబాబు, లేళ్ల అప్పిరెడ్డి, మోదుగుల వేణుగోపాల్ రెడ్డి తదితరులపై పోలీసులు కేసు నమోదు చేశారు.  వీరందరికీ ఇప్పటికే సెక్షన్ 41ఏ కింద నోటీసులు జారీ చేశారు. పోలీసులు పిలిచినప్పుడు నల్లపాడు పోలీస్ స్టేషన్‌లో విచారణకు హాజరు కావాలని ఆ నోటీసుల్లో సూచించారు. కాగా, పల్నాడు జిల్లా రెంటపాళ్ల పర్యటన సందర్భంగా సింగయ్య అనే వ్యక్తి మృతి చెందిన ఘటనలోనూ జగన్‌పై కేసు నమోదైన విషయం విదితమే. తాజాగా గుంటూరు మిర్చి యార్డు ఘటనతో ఆయనపై మరో కేసు నమోదైనట్లయింది.   
    వైసీపీ అధినేత జగన్‌పై మరో కేసు Publish Date: Jun 24, 2025 2:24PM
    అస్వస్థతతో ఆస్పత్రిలో చేరిన అమ్మ.. కేబినెట్ భేటీ నుంచి హైదరాబాద్ వెళ్లిన డిప్యూటీ సీఎం పవన్

    అస్వస్థతతో ఆస్పత్రిలో చేరిన అమ్మ.. కేబినెట్ భేటీ నుంచి హైదరాబాద్ వెళ్లిన డిప్యూటీ సీఎం పవన్

    తన తల్లి అంజనాదేవి అస్వస్థతకు గురై ఆస్పత్రిలో చేరిన సంగతి తెలియడంతో కేబినెట్ భేటీలో ఉన్న ఏపీ ఉపముఖ్యమంత్రి పవన్ కల్యాణ్ హుటాహుటిన హైదరాబాద్ బయలుదేరి వెళ్లారు.  ముఖ్యమంత్రి చంద్రబాబునాయుడు అధ్యక్షతన మంగళవారం (జూన్ 24) కేబినెట్ సమావేశం జరుగుతోంది. ఆ సమావేశానికి ఉప ముఖ్యమంత్రి పవన్ కల్యాణ్ కూడా హాజరయ్యారు. ఈ భేటీలో పలు కీలక అంశాలపై కేబినెట్ చర్చించనుంది. అయితే కేబినెట్ సమావేశం మొదలైన కొద్ది సేపటికే పవన్ కల్యాణ్ తల్లి అంజనాదేవి అనారోగ్యానికి గురై ఆస్పత్రిలో చేరినట్లు సమాచారం వచ్చింది. దీంతో ఆయన సీఎంకు, సహచర మంత్రులకు విషయం చెప్పి హుటాహుటిన హైదరాబాద్ బయలుదేరి వెళ్లారు.  
    అస్వస్థతతో ఆస్పత్రిలో చేరిన అమ్మ.. కేబినెట్ భేటీ నుంచి హైదరాబాద్ వెళ్లిన డిప్యూటీ సీఎం పవన్ Publish Date: Jun 24, 2025 1:11PM
    12 పెళ్లిళ్ల నిత్య పెళ్లి కూతురు అంటూ ఫిర్యాదు.. నిరూపించమంటూ నీలిమ సవాల్!

    12 పెళ్లిళ్ల నిత్య పెళ్లి కూతురు అంటూ ఫిర్యాదు.. నిరూపించమంటూ నీలిమ సవాల్!

    ఎప్పుడో ముత్యాల ముగ్గు సినిమాలో  నిత్యపెళ్లి కొడుకు క్యారెక్టర్ ను చూశాం. డబ్బు కోసం పెళ్లిళ్లు చేసుకుంటూ పోయే అలాంటి నిత్యపెళ్లికొడుకులకు సంబంధించి వార్తలు మీడియాలో విన్నాం. కన్నాం. అయితే ఇప్పుడు మనం చెప్పుకుంటున్నది నిత్య పెళ్లికూతురి గురించి.  కోనసీమ జిల్లాకు చెందిన ఓ యువతి ఒకటి కాదు.. రెండు కాదు ఏకంగా డజను పెళ్లిళ్లు చేసుకుంది. జిల్లా ఎస్పీకి బాధితులు ఫిర్యాదు చేయడంతో ఈ విషయం వెలుగులోకి వచ్చింది.  ఈమె అత్యంత పకడ్బందీగా ప్లాన్ చేసి మరీ విడాకులు పొంది, ఆర్థికంగా స్థితిమంతులైన మగవారిని టార్గెట్ చేసుకుని వల విసిరి పెళ్లి చేసుకుంటుంది.  రామచంద్రాపురం గ్రామానికి చెందిన బేతి వీర దుర్గా నీలిమ తన తల్లి వీరలక్ష్మి, రామకృష్ణ, కల్యాణ్ ల సహకారంతో విడాకులు తీసుకుని డిప్రషన్ లో ఉన్న పురుషులను ఎంచుకుంటుంది. ఇక అలా డిప్రషన్ లో ఉన్న వారు ఆర్థికంగా స్థితిమంతులైతే వారిని వదలదు. వారికి మాయమాటలు చెప్పి వివాహం చేసుకుంటుంది. కొంత కాలం తరువాత.. వారి నుంచి అందినంత సొమ్ము లాగేస్తుంది. ఇదీ అంబేద్కర్ కోనసీమ జిల్లాలో   నిత్య పెళ్లి కూతురు నీలిమపై కొంతమంది బాధితులు సోమవారం (జూన్ 23)  గ్రీవెన్స్ లో జిల్లా ఎస్పీ కార్యాలయంలో చేసిన ఫిర్యాదు. అయితే నీలిమ    తాను అటువంటిది దానిని కాదనీ, తాను  ఎక్కడ 12 పెళ్ళిళ్ళు చేసుకున్నానో నిరూపించాలని   సవాల్ చేస్తోంది. ఇపుడు వాస్తవం ఏమిటో పోలీసులు దర్యాప్తు చేయాల్సి ఉంది.   ఆర్థిక స్థోమత ఉండి,   విడాకులు తీసుకున్న పురుషులను టార్గెట్ గా చేసుకుని పెళ్ళి పేరుతో మోసం చేస్తోందంటూ,  నీలిమపై కొంతమంది బాధితులు జిల్లా ఎస్పీ కార్యాలయంలో ఫిర్యాదు చేశారు. నీలిమ, ఆమె కుటుంబ సభ్యులపై పోలీస్ స్టేషన్ లో కేసు కూడా నమోదు అయి ఉంది.   నీలిమ కు సహకరిస్తున్న ఆమె తల్లి బేతి వీరలక్ష్మి, మద్దాల శ్రీను, కళ్యాణ్, దుర్గ అనే వ్యక్తులపై ఇప్పటికే పాలకొల్లు పోలీసులకు బాధితులు ఫిర్యాదు చేశారు.   నీలిమ, ఆమె తల్లి వీరలక్ష్మి, శ్రీను, కళ్యాణ్, దుర్గలు ఒక ముఠా గా ఏర్పడి పెళ్ళిళ్ళ పేరయ్య అవతారం ఎత్తి భార్యా బాధితులను వలలో వేసుకుని మోసానికి పాల్పడుతున్నట్లు నీలిమపై బాధితులు ఫిర్యాదు చేశారు.  ఈ వార్త మీడియాలో రావడంతో నీలిమ కూడా మీడియా ముందుకు వచ్చి తాను 12 పెళ్ళిళ్ళు చేసుకున్నానడం తప్పు అని ఖండించింది. ఈ పెళ్ళిళ్ళను నిరూపించకపోతే దీనిపై తాను ఎంత దూరమైనా వెళతానని నీలిమ హెచ్చరించింది.   మరో ప్రక్క విడాకులు తీసుకుని డిప్రెషన్ లో ఉన్న పురుషులకు మాయ మాటలు చెప్పి నీలిమ వారిని వివాహం చేసుకుని డబ్బు దండుకుని మాయం అవుతోందని బాధితులు వాపోతున్నారు. ఎవరైనా తిరగబడితే తప్పుడు కేసులు పెట్టి వేధింపులకు పాల్పడుతోందని బాధితులు ఆరోపిస్తున్నారు. పశ్చిమ గోదావరి జిల్లా నరసాపురం, పాలకొల్లు  కు చెందిన బాధితులు జిల్లా ఎస్పీ గ్రీవెన్స్ లో తమకు జరిగిన మోసాన్ని వివరించి, నీలిమ దోచుకున్న డబ్బును తిరిగి ఇప్పించాలని ఫిర్యాదు చేశారు. ఒకరు 50 లక్షలు ఇచ్చి మోసపోగా, మరొకరు 15లక్షలు ఇచ్చి మోసపోయామని  పేర్కొంటున్నారు. దీనిలో ఎవరి ఫిర్యాదు కరెక్ట్ అనేది పోలీసుల దర్యాప్తులో తేలాల్సి ఉంది.
    12 పెళ్లిళ్ల నిత్య పెళ్లి కూతురు అంటూ ఫిర్యాదు.. నిరూపించమంటూ నీలిమ సవాల్! Publish Date: Jun 24, 2025 12:40PM
    ప్రియుడితో కలిసి కన్నతల్లిని హత్య చేసిన టెన్త్ బాలిక

    ప్రియుడితో కలిసి కన్నతల్లిని హత్య చేసిన టెన్త్ బాలిక

    హైదరాబాద్ జీడిమెట్ల పరిధిలో దారుణం చోటు చేసుకుంది. ప్రియుడితో కలసి టెన్త్ క్లాస్ చదువుతున్న భాలిక కన్నతల్లినే కడతేర్చింది.  తెలంగాణ ఉద్యమకారిణి , తొలి భూ పోరాటానికి నాంది పలికిన వీరమాత చాకలి ఐలమ్మ మునిమనవరాలైన అంజలిని ఆమె 16ఏళ్ల కూతురు తేజశ్రీ దారుణంగా హతమార్చింది. టెన్త్ క్లాస్ చదువుతున్న తేజశ్రీ 19 ఏళ్ల శివ అనే యువకుడితో ప్రేమలో పడింది. ఐదు రోజుల కిందట ప్రియుడితో కలిసి ఇంటి నుంచి వెళ్లిపోయింది. కాగా ఈ విషయంపై అంజలి పోలీసు స్టేషన్ లో కూడా ఫిర్యాదు చేసింది. ఈ నేపథ్యంలోనే మూడు రోజుల కిందట తేజశ్రీ తిరిగి ఇంటికి వచ్చింది. అలా వచ్చిన కుమార్తెను అంజలి మందలించింది. ఈ వయస్సులో ప్రేమ వ్యవహారాలు కరెక్ట్ కాదు, బుద్ధిగా చదువుకోమని హితవు చెప్పింది. అయితే తన ప్రేమ వ్యవహారానికి తల్లి అడ్డుగా ఉందని భావించిన తేజశ్రీ ప్రియుడు శివతో కలిసి తల్లిని హత్య చేయడానికి స్కెచ్ వేసింది. ఇందుకు శివ తమ్ముడు యశ్వంత్ కూడా తోడయ్యాడు. ఈ క్రమంలోనే సోమవారం (జూన్ 22) శివ, యశ్వంత్ లు తేజశ్రీ ఇంటికి వచ్చారు.  ఆ తరువాత ముగ్గురూ కలిసి అంజలిపై దాడి చేసి చున్నీతో గొంతు బిగించి తలపై రాడ్ తో కొట్టి హతమార్చారు. ఈ ఘటనపై జీడిమెట్ల పోలీసులు కేసు నమోదు చేసుకుని దర్యాప్తు చేస్తున్నారు.  నిందితులు ముగ్గురూ ప్రస్తుతం పోలీసుల అదుపులో ఉన్నారు. 
    ప్రియుడితో కలిసి కన్నతల్లిని హత్య చేసిన టెన్త్ బాలిక Publish Date: Jun 24, 2025 12:25PM
    పాలకొల్లు అమ్మాయి.. అంతరిక్షయానం

    పాలకొల్లు అమ్మాయి.. అంతరిక్షయానం

    మన పాలకొల్లు అమ్మాయి ఏకంగా అంతరిక్షయానం చేయనుంది. ఇప్పటి వరకూ భారత్ లో పుట్టి ఇక్కడే నివసిస్తున్న మహిళ అంతరిక్షయానానికి ఎంపికైన చరిత్ర లేదు. అయితే అంతరిక్షయానానికి ఎంపికై మన  పాలకొల్లు అమ్మాయి జాహ్నవి చరిత్ర సృష్టించింది. టైటాన్స్ స్పేస్ ఇండస్ట్రీస్ ప్రతినిధులు పలుమార్లు నిర్వహించిన పరీక్షల్లో  జాహ్నవి దంగేటి ఉత్తీర్ణురాలై ఈ స్పేస్ మిషన్ కి అర్హత సాధించింది. ఈ మేరకు జాహ్నవి కి  టైటాన్స్ స్పేస్ ఇండస్ట్రీస్ నుంచి వర్తమానం అందింది. టైటాన్స్ స్పేస్ ఇండస్ట్రీస్  భారీ  అంతరిక్ష కేంద్రాన్ని నిర్మించనుంది. భవిష్యత్ లో  అంతరిక్ష ప్రయోగ ,వాణిజ్య ,పర్యాటక  కేంద్రంగా దీన్ని తీర్చిదిద్దనున్నారు. ఈ కేంద్రం నిర్మాణంలో మొదటిగా కొద్ది మంది అంతరిక్ష పరిశోధక వ్యోమగాములు, పర్యాటకులతో ప్రయోగాన్ని చేపట్టనున్నారు. 2029  మార్చి నెలలో నిర్వహించబోయే టైటాన్స్ స్పేస్ ఇండస్ట్రీస్   మొదటి అంతరిక్ష  ప్రారంభ  యాత్ర బృందంలో భారతదేశం నుంచి జాహ్నవి దంగేటి ప్రాతినిధ్యం వహించనుంది. ఈ యాత్రలో భాగంగా జాహ్నవి ఐదు గంటలపాటు అంతరిక్షంలో గడపనుంది.        ఇప్పటికే మూడుసార్లు అంతరిక్ష యాత్రలు పూర్తిచేసిన అమెరికాకుచెందిన సీనియర్ వ్యోమగామి బిల్ మేక్ ఆర్థర్ నేతృత్వంలో టైటాన్స్ స్పేస్ మిషన్ తొలి అంతరిక్ష యానం చేయనుంది.ఇందుకు సంబందించిన వ్యోమగామి అభ్యర్థుల కు వచ్చేఏడాది అమెరికాతో పాటు ప్రపంచవ్యాప్తంగా పలుచోట్ల మూడేళ్లపాటు  శిక్షణ ఇస్తారు.  ఇంత వరకు భారత సంతతికి చెందిన అమెరికన్లు సునీతా విలియమ్స్ ,కల్పనా చావ్లా వ్యోమగాములుగా అంతరిక్షంలో అడుగిడారు. అయితే జాహ్నవి దంగేటి మాత్రం ఆంధ్రప్రదేశ్ లోని  పశ్చిమ గోదావరి జిల్లా పాలకొల్లు లో   జన్మించింది. చిన్నతనంనుంచే చంద్రుడిపై అడుగుపెట్టాలని ధృఢనిశ్చయంతో ఆ దిశగా తన లక్ష్యాన్ని మలుచుకుంది.ఇంటర్మీడియట్ వరకు పాలకొల్లులోనే విద్యాభ్యాసం చేసిన జాహ్నవి ఇంజనీరింగ్ మాత్రం పంజాబ్ లో పూర్తిచేసింది. 2021  లో అమెరికా లో నాసా నిర్వహించిన ఇంటర్నేషనల్ ఎయిర్ అండ్ స్పేస్ ప్రోగ్రాం కి భారతదేశం నుంచి ఎంపికై రికార్దు సృష్టించింది. అప్పటినుంచి ప్రపంచవ్యాప్తంగా అనేకదేశాల్లో జరుగుతున్న వ్యోమగామి   శిబిరాల్లో శిక్షణ పొందుతూ వస్తోంది. పోలెండ్ లో అనలాగ్ ఆస్ట్రోనాట్ ట్రైనింగ్ సెంటర్ లో శిక్షణ పొందిన పిన్నవయస్కురాలిగా రికార్డు సృష్టించిన జాహ్నవిఐస్ లాండ్ దేశంలో జియో స్పేస్ సెంటర్లో  శిక్షణ తీసుకున్న మొదటి భారతీయురాలిగా నిలిచింది. ఇక్కడే 1965 , 1967  సంవత్సరాల్లో అమెరికా  అపోలో  ఆస్ట్రోనాట్ లు శిక్షణ పొందారు. చంద్రుడిపై తొలిసారి అడుగుపెట్టిన నీల్ ఆర్మ్ స్ట్రాంగ్ బృందం కూడా జియో స్పేస్ సెంటర్  లోనే శిక్షణ పొందటం జాహ్నవికి మరింత స్ఫూర్తి కలిగించింది.
    పాలకొల్లు అమ్మాయి.. అంతరిక్షయానం Publish Date: Jun 24, 2025 10:42AM
    పాలు విరిగిపోయాయంటూ పీఎస్ లో కేసు

    పాలు విరిగిపోయాయంటూ పీఎస్ లో కేసు

    కాదేదీ కవితకనర్హం అన్నారు మహాకవి శ్రీశ్రీ.. ఇప్పుడు కాదేదీ పోలీసు కంప్లైంట్ కు అనర్హం అన్నట్లుగా పరిస్థితులు మారిపోయాయి. తాజాగా కుకట్ పల్లి పోలీసు స్టేషన్ లో అరుదైన కేసు నమోదైంది. అదేంటో తెలుసా.. కొన్న ప్యాకెట్ పాలు విరిగిపోయాయంటూ దుకాణదారుడిపై కేసు పెట్టాడో పెద్దమనిషి. పాపం పోలీసులు కూడా చేసేదేం లేక కేసు నమోదు చేసుకుని దర్యాప్తు ప్రారంభించారు. ఇంతకీ ఏం జరిగిందంటే..కుకట్ పల్లి పోలీసు స్టేషన్ పరిధిలోని ఓ సూపర్ మార్కెట్లో పాల ప్యాకెట్ కొనుగోలు చేసి ఇంటికి తీసుకు వచ్చి కాచగానే పాలు విరిగిపోయాయి. దీంతో సదరు పాలను కొనుగోలు చేసిన వ్యక్తి రత్నదీప్ కు వెళ్లి సంగతి చెప్పాడు. దానికి దుకాణదారు దానిని మేమేం చేస్తాం అంటూ బదులిచ్చాడు. దీంతో ఆ కొనుగోలుదారుడు తిన్నగా పోలీసు స్టేషన్ మెట్లు ఎక్కాడు. దుకాణదారుపై ఫిర్యాదు చేశాడు. ఆ ఫిర్యాదుపై కేసు నమోదు చేసుకున్న పోలీసులు దర్యాప్తు చేపట్టారు.   ఇటీవలి కాలంలో ప్యాకెట్ పాలు కాచగానే విరిగిపోతున్నాయనీ, వాసన వస్తున్నాయనీ పలువురు చెబుతున్నారు. దీనిపై సంబంధిత అధికారులు దృష్టి పెట్టాల్సిన అవసరం ఉందని కస్టమర్లు అంటున్నారు. లేకుంటే పాలు విరిగిపోయాయి, వాసన వస్తున్నాయంటే పెద్ద ఎత్తున కేసులు నమోదయ్యే అవకాశం ఉందని అంటున్నారు. 
    పాలు విరిగిపోయాయంటూ పీఎస్ లో కేసు Publish Date: Jun 24, 2025 10:13AM
    బంగాళదుంపలు ఉడికించేటప్పుడు చాలామంది చేసే తప్పులు ఇవే..!

    బంగాళదుంపలు ఉడికించేటప్పుడు చాలామంది చేసే తప్పులు ఇవే..!

      భారతీయులు ఎక్కువగా ఉపయోగించే దుంప కూరగాయలలో బంగాళదుంపలు ముఖ్యమైనవి. వీటితో స్నాక్స్,  చిప్స్ తో పాటు,  బోలెడు రకాల వంటలు కూడా చేసుకుంటారు. అయితే బంగాళదుంపలను ఉడికించేటప్పుడు చాలామంది తెలియకుండా కొన్ని తప్పులు చేస్తారు. ఈ తప్పుల వల్ల బంగాళదుంపలు సరిగా ఉడకకపోవడం, పైన పొట్టు వచ్చినా లోపల పచ్చిగా ఉండటం జరుగుతుంది. అయితే 5 విషయాలను గుర్తుంచుకుంటే బంగాళదుంపలు చక్కగా దుంప మొత్తం సమంగా ఉడుకుతాయి. అంతేకాదు.. బంగాళదుంపల గురించి చాలా ముఖ్యమైన చిట్కాలు కూడా ఇదిగో ఇక్కడ తెలుసుకోండి.. ఎక్కువగా ఉడకబెట్టినప్పుడు.. బంగాళదుంపలను ఎక్కువగా ఉడకబెట్టినప్పుడు పెద్ద సమస్య వచ్చి పడుతుంది.  దుంపలు ఎక్కువగా ఉడకడం వల్ల మెత్తగా చేతిలో పట్టుకోగానే విరిగిపోతూ ఉంటాయి. ఇలాంటప్పుడు  వాటిని ఫ్రిజ్ లో ఉంచడం వల్ల చాలా ప్రయోజనంగా ఉంటుంది.  కూల్ అయ్యాక బంగాళదుంపలు మెత్తదనం పోయి కాస్త గట్టిగా అవుతాయి.  అప్పుడు వీటిని కూరలలో తగినట్టుగా ఉపయోగించుకోవచ్చు. వేడినీరు.. చాలామంది బంగాళదుంపలను తొందరగా ఉడికిద్దాం అనే ఆలోచనతో ముందే వేడి చేసిన నీటిలో బంగాళదుంపలు వేసి తరువాత వాటిని ఉడికిస్తారు. దీని వల్ల పైన తొక్క తొందరగా వచ్చేస్తుంది.  కానీ లోపల సరిగా ఉడకదు.  పచ్చిగా ఉంటుంది.  అందుకే నేరుగా చల్లని నీటిలో బంగాళదుంపలు వేసి  ఉడికించాలి. ఉప్పు.. బంగాళదుంపలను కుక్కర్ లో ఉడికించేటప్పుడు కాసింత ఉప్పు జోడించాలి.  ఇలా చేయడం వల్ల బంగాళదుంప తొక్క చాలా మెత్తగా అయిపోయి దుంప జారిపోయేలా కాకుండా దుంప మొత్తం సమంగా ఉడకడానికి సహాయపడుతుంది. ఎక్కువ నీరు.. బంగాళదుంపలను ఉడికించడానికి ఎక్కువ నీరు ఉపయోగించడం వల్ల కూడా బంగాళదుంపలు చాలా మెత్తగా, నీటిలోనే కలిసిపోయేలా అయ్యే అవకాశం ఉంటుంది.  4 విజిల్స్‌లో పూర్తయ్యేంత నీటిని మాత్రమే జోడించాలి. అలాగే  మీడియం మంట మీద మాత్రమే ఉడకబెట్టాలి.  దీనివల్ల బంగాళాదుంపలు ఎప్పుడూ పగిలిపోకుండా ఉంటాయి. చిన్న పరిమాణంలో ఉన్న  బంగాళాదుంపలకు ఒక విజిల్ సరిపోతుంది. గిన్నె పద్దతి.. బంగాళాదుంపలు తక్కువగా ఉంటే ముందుగా కుక్కర్‌లో చల్లటి నీరు పోసి స్టీల్ గిన్నె ఉంచాలి. బంగాళాదుంపలను గిన్నెలో వేసి మరిగించాలి.  దీనివల్ల బంగాళాదుంపలు నీటిని పీల్చుకోకుండా ఉంటాయి.  అవి విరగకుండా సులభంగా మృదువుగా మారుతాయి. వంటను సులభతరం చేయడంలో గిన్నె పద్ధతి చాలా ఉపయోగకరంగా ఉంటుంది.                                    *రూపశ్రీ.
    బంగాళదుంపలు ఉడికించేటప్పుడు చాలామంది చేసే తప్పులు ఇవే..! Publish Date: Jun 24, 2025 9:30AM
    జిమ్ లేదా యోగ.. రెండింటిలో ఆరోగ్యానికి ఏది బెస్ట్?

    జిమ్ లేదా యోగ.. రెండింటిలో ఆరోగ్యానికి ఏది బెస్ట్?

      జిమ్,  యోగా  రెండూ ఆరోగ్యానికి ఎంతో మేలు చేసే వ్యాయామ పద్ధతులే. అయితే ఆరోగ్య లక్ష్యాలు , జీవనశైలి , శారీరక పరిస్థితి,  మానసిక స్థితిని బట్టి ఏది బెస్ట్ అనే విషయంలో మార్పు ఉంటుంది.   అంతేకాదు ఈ రెండింటి మధ్య తేడాలు ఉండటం వల్ల వీటి వల్ల లభించే ఫలితాల్లో కూడా తేడాలు ఉంటాయి.  ఈ రెండు మధ్య తేడాలు,  ఉపయోగాలు తెలుసుకుంటే.. జిమ్ (Gym) — లాభాలు:  బలవర్ధక వ్యాయామం (Strength training): జిమ్‌లో వెయిట్లు, మిషన్లు వాడడం వల్ల కండరాలు (muscles) బలంగా తయారవుతాయి. శరీరాన్ని షేప్‌లోకి తేగలగడం (Body toning): శరీరంలో ఏదైనా ప్రాంతంలో కొవ్వు పేరుకుని ఉంటే.. ఆ ప్రాంతానికి సంబంధించి జిమ్ లో వ్యాయామాలు చేయడం ద్వారా  కొవ్వు కరిగించి ఫిట్ బాడీని పొందవచ్చు. వెయిట్ లాస్ / వెయిట్ గెయిన్ (Weight control): బరువు ఎక్కువ ఉన్నవారు మాత్రమే జిమ్ కు వెళతారు అంటే అది పొరపాటు. జిమ్ చేయడం వల్ల బరువు పెరగవచ్చు కూడా.  దీనికి తగిన వ్యాయామాన్ని ఎంచుకోవచ్చు. ఫిట్‌నెస్ నిపుణులు కూడా సజెస్ట్ చేస్తారు. దీని వల్ల ఆరోగ్యకరంగా బరువు తగ్గడం,  లేదా పెరగడం చేయవచ్చు. ఎనర్జీ స్థాయి పెరుగుతుంది: జిమ్ కు వెళ్లడం వల్ల శరీరం చురుగ్గా మారుతుంది.  దీనివల్ల  రోజువారీ జీవితం energetic గా ఉంటుంది.  కార్డియో ఎక్సర్సైజులు (Cardio workouts): కార్డియో ఎక్సర్సైజులు గుండెకు చాలా మంచివి.  జిమ్ లో చాలామంది చేసే  ట్రెడ్‌మిల్, సైక్లింగ్ వంటివి గుండె ఆరోగ్యాన్ని మెరుగుపరుస్తాయి.  గుండెను దృఢంగా మారుస్తాయి. యోగా (Yoga) — లాభాలు: మానసిక ప్రశాంతత (Mental peace): యోగా అంటే కేవలం శరీరానికి సంబంధించినది కాదు.. ఇది మనసుకు కూడా సంబంధించినది.  కాబట్టి యోగా వల్ల  మైండ్‌ఫుల్‌నెస్, మెడిటేషన్ ద్వారా ఒత్తిడి తగ్గుతుంది.  శ్వాస,  చైతన్యం పెరుగుతుంది (Improved breathing & awareness): యోగాలో ధ్యానం, ప్రాణాయామం ముఖ్యమైనవి. ప్రాణాయామంలో కూడా చాలా రకాలు ఉన్నాయి.  ఇవి  lungs పనితీరును మెరుగుపరుస్తాయి. శరీర సౌలభ్యం (Flexibility): యోగాలో వివిధ ఆసనాలు, భంగిమలు ఉంటాయి. వీటి వల్ల శరీరంలో అన్ని ప్రాంతాలలోసాధారణంగా అందరూ చేసే వ్యాయామాలకంటే ఎక్కువగా బాడీ ఫ్లెక్సిబుల్ అవుతుంది.  హార్మోనల్ బ్యాలెన్స్: యోగా వల్ల శరీరంలో గ్రంథుల పనితీరు మెరుగవుతుంది.  దీనివల్ల హార్మోనల్ ఇంబ్యాలెన్స్ తగ్గి హార్మోన్లు సక్రమంగా విడుదల అవుతాయి. ఇది  శరీర వ్యవస్థలను సవ్యంగా ఉంచుతుంది. ఊపిరితిత్తులు, జీర్ణవ్యవస్థ, నాడీవ్యవస్థ మొదలైన వాటికి మేలు చేస్తుంది. ఎవరికి ఏది బెటర్? వ్యక్తి లక్ష్యాన్ని బట్టి సరైన ఎంపిక.. దానికి గల కారణం.. బరువు తగ్గాలనుకునే వారు జిమ్ లేదా యోగా + డైట్ చేయడం మంచిది.  అయితే జిమ్ వేగంగా ఫలితం ఇస్తుంది. యోగా మెల్లగా ఫలితాన్ని ఇస్తుంది.  కానీ దీర్ఘకాలిక ప్రయోజనం చేకూరుతుంది. మానసిక ఒత్తిడిని తగ్గించుకోవాలి అనుకునేవారు యోగా మెడిటేషన్, ప్రాణాయామం చేయాలి. ఇవి మానసిక  శాంతిని ఇస్తాయి. కండరాలు పెంచుకోవాలి అనుకునేవారికి జిమ్ బెటర్. ఎందుకంటే జిమ్ లో వెయిట్ ట్రైనింగ్ ఉంటుంది. ఇది కండరాలు పెరగడానికి  అవసరం. ఫ్లెక్సిబిలిటీ, అంతర్గత ఆరోగ్యం కోసం యోగా చేయాలి. నాడీవ్యూహం, శ్వాస వ్యవస్థ పైన యోగా ప్రభావితంగా ఉంటుంది. అందుకే యోగాఎంపిక మేలు. టైమ్ తక్కువగా ఉంటే జిమ్ కు వెళ్లడం కుదరదు. కాబట్టి అలాంటి వారికి యోగా బెస్ట్ ఆప్షన్. ఎందుకంటే యోగాను ఇంట్లో కూడా 20-30 నిమిషాలు చేయవచ్చు. మోటివేషన్ తగ్గిపోతుంటే ఇంట్లో జిమ్ అయినా,  యోగా అయినా చేయలేం. అందుకే జిమ్ లో ట్రైనర్, యోగా క్లాసులలో యోగా టీచర్ ఇంకా ఇతర అభ్యాసకులు ఉంటారు.  కాబట్టి ఉత్సాహంగా ముందుకు వెళ్లవచ్చు.   మిక్స్ చేయడం బెస్ట్.. అవకాశం ఉంటే వారంలో 3 రోజులు జిమ్ + 2 రోజులు యోగా చేయడం ఉత్తమ మార్గం. ఫిజికల్ స్ట్రెంగ్త్, ఫ్లెక్సిబిలిటీ, మైండ్ బ్యాలన్సు అన్నీ కలుగుతాయి.                                  *రూపశ్రీ. గమనిక: ఇది సోషల్ సమాచారం మాత్రమే. కొన్ని అధ్యయనాలు, సంబంధిత నిపుణుల ప్రకారం ఈ వివరాలు అందించాం. వ్యక్తుల ఆరోగ్యాన్ని బట్టి ఫలితాలుంటాయి. వీటిని పాటించేముందు.. సంబంధిత నిపుణుడిని సంప్రదించడం శ్రేయస్కరం. అలాగే, హెల్తీ లైఫ్ స్టైల్, సరైన ఆహారం కూడా తీసుకోవడం మీ ఆరోగ్యానికి ఎంతో మేలు...
    జిమ్ లేదా యోగ.. రెండింటిలో ఆరోగ్యానికి ఏది బెస్ట్? Publish Date: Jun 24, 2025 9:30AM
    కడప ఎంపీ అవినాష్ అనుచరులపై కేసు

    కడప ఎంపీ అవినాష్ అనుచరులపై కేసు

    కడప ఎంపీ వైఎస్ అవినాష్ రెడ్డి సన్నిహిత అనుచరులపై కేసు నమోదైంది. మాజీ మంత్రి వైఎస్  వివేకానందరెడ్డి హత్య కేసులో నిందితుడైన సునీల్ యాదవ్ ను కారులో వెంబడించారన్న ఆరోపణలపై వైఎస్ అవినాష్ రెడ్డి పీఏ లోకేష్ రెడ్డి, వైసీపీ సోషల్ మీడియా కార్యకర్త పవన్ కుమార్ లపై పులివెందుల పోలీసు స్టేషన్ లో కేసు నమోదైంది. వైఎస్ వివేకా హత్య కేసులో నిందితుడైన సునీల్ యాదవ్ తనను కొందరు వ్యక్తులు కారులో వెంబడించారనీ, వారి నుంచి తనకు ప్రాణహాని ఉందనీ పులివెందుల పోలీసు స్టేషన్ లో చేసిన ఫిర్యాదు మేరకు ఈ కేసు నమోదైంది.   సునీల్ యాదవ్   ఫిర్యాదు మేరకు లోకేశ్ రెడ్డి, పవన్ కుమార్ లపై బీఎన్ఎస్  లోని 351, 126 సెక్షన్ల కింద కేసు నమోదు చేసినట్లు పులివెందుల పోలీసులు వెల్లడించారు. ఈ కేసుకు సంబంధించి నిందితులుగా ఉన్న లోకేశ్ రెడ్డి, పవన్ కుమార్  పోలీసుల ఎదుట లొంగిపోతారని వైసీపీ స్థానిక నాయకులు పోలీసులకు సమాచారం అందించినట్లు తెలిసింది. ఈ ఘటనపై తదుపరి విచారణ కొనసాగుతోందని పోలీసులు పేర్కొన్నారు.
    కడప ఎంపీ అవినాష్ అనుచరులపై కేసు Publish Date: Jun 24, 2025 9:27AM
    తిరుమలలో ఇక అలా కూడా శ్రీవారి లడ్డూలు కొనొచ్చు

    తిరుమలలో ఇక అలా కూడా శ్రీవారి లడ్డూలు కొనొచ్చు

    తిరుమలలో భక్తులు శ్రీవారి దర్శనం కోసం గంటల తరబడి కంపార్ట్ మెంట్లలో, క్యూలైన్లలో వేచి ఉండాల్సి వస్తుంది. దర్శన అనంతరం శ్రీవారి లడ్డూ ప్రసాదం కొనుగోలు చేయడానికి కూడా మళ్లీ బోలెడంత సేపు క్యూలైన్ లో వేచి ఉండాల్సిన పరిస్థితి ఉంది. దీనిని నివారించడానికి తిరుమల తిరుపతి దేవస్థానం చర్యలు తీసుకుంది. తిరుమల లడ్డూ కౌంటర్లలో రద్దీని, లడ్డూల కొనుగోలు కోసం భక్తులు అధిక  సమయాన్ని వెచ్చించే అవసరం లేకుండా చేయడం కోసం  కియోస్క్ల ద్వారా భక్తులు లడ్డూ టోకెన్లు తీసుకునే విధానాన్ని తిరుమల తిరుపతి దేవస్థానం బోర్డు అందుబాటులోకి తీసుకువచ్చింది.   భక్తుడు తన దర్శన టికెట్ నంబర్ ను కియోస్క్లో నమోదుచేసి తనకు కావాల్సిన లడ్డూల సంఖ్యను ఎంపిక చేసుకుని  యూపీఐ  ద్వారా నగదు చెల్లించి ఆ రసీదును లడ్డూ కౌంటర్లో ఇస్తే సరిపోతుంది. అక్కడ భక్తుడికి కావలసిన సంఖ్యలో లడ్డూలు అంద జేస్తారు. దీని వల్ల లడ్డూ టోకెన్ తీసుకోవడానికి క్యూలైన్ లో నిలబడే అవసరం లేకుండా సమయం ఆదా అవుతుంది.  
    తిరుమలలో ఇక అలా కూడా శ్రీవారి లడ్డూలు కొనొచ్చు Publish Date: Jun 24, 2025 9:14AM
    తిరుమలలో కొనసాగుతున్న భక్తుల రద్దీ

    తిరుమలలో కొనసాగుతున్న భక్తుల రద్దీ

    తిరుమలలో భక్తుల రద్దీ కొనసాగుతున్నది. మంగళవారం (జూన్ 23) ఉదయం శ్రీవారి దర్శనం కోసం వేచి ఉన్న భక్తులతో 29 కంపార్ట్ మెంట్లు నిండి ఉన్నాయి. టోకెన్లు లేని భక్తులకు శ్రీవారి సర్వదర్శనానికి 18 గంటలకు పైగా సమయం పడుతోంది. ఇక మంగళవారం (జూన్ 22) శ్రీవారిని మొత్తం 84 వేల 178 మంది దర్శించుకున్నారు. వారిలో 33 వేల 36 మంది తలనీలాలు సమర్పించుకున్నారు. శ్రీవారి హుండీ కానుకల ఆదాయం 4 కోట్ల 72 లక్షల రూపాయలు వచ్చింది.
    తిరుమలలో కొనసాగుతున్న భక్తుల రద్దీ Publish Date: Jun 24, 2025 9:01AM
    ఆగస్టు 15న ఆటో డ్రైవర్లకు ఆర్థిక సాయం : సీఎం చంద్రబాబు

    ఆగస్టు 15న ఆటో డ్రైవర్లకు ఆర్థిక సాయం : సీఎం చంద్రబాబు

      డబుల్ ఇంజిన్ సర్కార్ అధికారంలో ఉంటే రాష్ట్రం ఎలా అభివృద్ధి చెందుతుందో సంవత్సర కాలంలోనే చేసి చూపించామని ఏపీ సీఎం చంద్రబాబు అన్నారు. అమరావతిలో కూటమి ప్రభుత్వం ‘సుపరిపాలనలో తొలి అడుగు’ పేరిట నిర్వహించిన కార్యక్రమంలో ఆయన మాట్లాడారు. స్వర్ణాంధ్ర-2047 లక్ష్య సాధనే ధ్యేయంగా పనిచేస్తున్నామని ముఖ్యమంత్రి వెల్లడించారు. ప్రస్తుతం రాష్ట్ర తలసరి ఆదాయం రూ.2.6 లక్షలుగా ఉందని, 2047 నాటికి దీనిని రూ.55 లక్షలకు పెంచడమే లక్ష్యమని నిర్దేశించారు. రాష్ట్ర జీఎస్‌డీపీ పెరిగితే నిరంతరాయంగా రెవెన్యూ వృద్ధి చెందుతుందని, 2029 నాటికి తలసరి ఆదాయం, జీఎస్‌డీపీ గణనీయంగా పెరగాలని ఆకాంక్షించారు. ప్రజాప్రతినిధులు, అధికారులు సమన్వయంతో పనిచేసి, ఈ లక్ష్య సాధనకు కృషి చేయాలని పిలుపునిచ్చారు.  పీ-4 (పబ్లిక్, ప్రైవేట్, పీపుల్స్ పార్టనర్‌షిప్) కార్యక్రమాన్ని ఉద్యమ స్ఫూర్తితో ముందుకు తీసుకెళ్లాలని కోరారు. తెలివితేటలను ఆచరణలో పెట్టినప్పుడే అద్భుతాలు ఆవిష్కృతమవుతాయని స్పష్టం చేశారు.గత వైసీపీ ప్రభుత్వ విధానాలపై తీవ్ర స్థాయిలో చంద్రబాబు మండిపడ్డారు. వారి అసమర్థ పాలన వల్ల రాష్ట్ర అభివృద్ధి పూర్తిగా కుంటుపడిందని, పెట్టుబడిదారుల్లో విశ్వాసం దెబ్బతిన్నదని ఆరోపించారు. మూడు రాజధానుల ప్రతిపాదనతో రాష్ట్ర ప్రగతి ఆగిపోయిందని, ఈ 'మూడు ముక్కలాట'తో రాష్ట్రానికి రాజధాని లేకుండా పోయిందని ఆవేదన వ్యక్తం చేశారు. నీతి ఆయోగ్ నివేదిక ప్రకారం రాష్ట్రం అప్పుల్లో కూరుకుపోయిందని, వైసీపీ హయాంలో నిధులు పక్కదారి పట్టి దుర్వినియోగం అయ్యాయని విమర్శించారు.  రాష్ట్రంలో కుటమి సర్కార్ అధికారంలోకి రాగానే  సంక్షేమానికి పెద్దపీట వేశమని తెలిపారు. అధికారంలోకి వచ్చిన వెంటనే మెగా డీఎస్సీ నోటిఫికేషన్ విడుదల, అన్న క్యాంటీన్ల పునరుద్ధరణ వంటి కీలక దస్త్రాలపై సంతకాలు చేశామని చంద్రబాబు తెలిపారు. రాష్ట్రవ్యాప్తంగా 213 అన్న క్యాంటీన్ల ద్వారా కేవలం 5 రూపాయలకే భోజనం అందిస్తున్నామని చెప్పారు. పంద్రాగస్ట్ నుంచి మహిళలకు ఉచిత బస్సు ప్రయాణ సౌకర్యం కల్పిస్తామని, అదే రోజున ఆటో డ్రైవర్లకు కూడా ఆర్థిక సహాయం అందిస్తామని హామీ ఇచ్చారు. ‘తల్లికి వందనం’ పథకం హామీని నిలబెట్టుకున్నామని, అడ్మిషన్లు పూర్తయిన తర్వాత ఒకటో తరగతి నుంచి ఇంటర్ విద్యార్థులకు కూడా ఈ పథకాన్ని వర్తింపజేస్తామని ప్రకటించారు. రైతులకు 90 శాతం రాయితీతో డ్రిప్ పరికరాలు అందజేస్తున్నామని చంద్రబాబు తెలిపారు.
    ఆగస్టు 15న ఆటో డ్రైవర్లకు ఆర్థిక సాయం : సీఎం చంద్రబాబు Publish Date: Jun 23, 2025 10:13PM
    కోట్ల ఖర్చుతో యోగా..ఏపీకి మైలేజ్ వస్తుందా?

    కోట్ల ఖర్చుతో యోగా..ఏపీకి మైలేజ్ వస్తుందా?

      నిజానికి చంద్ర‌బాబుది బాహుబ‌లి ఐడియా. ఆయ‌న రాయి రాయి కొట్టుకుంటూ పోరు. ఒక్క దెబ్బ‌తో కొడితే కొండ ఎలా పిండి అవుతుందో చేసి చూస్తారు. ఈ విష‌యంలో ఆయ‌న ఇప్ప‌టి వ‌ర‌కూ చేసిన కృషి చాలానే ఉంది. మీరు కావాలంటే చూడండి ఆయ‌న సీఎం అయిన తొలి నాళ్ల‌లో మైక్రోసాఫ్ట్ అధినేత బిల్ గేట్స్ ని వెంట‌ప‌డి మ‌రీ  ఒకే ఒక్క ప్ర‌జంటేష‌న్ ఇచ్చి.. ఏకంగా ఆ కంపెనీ ఆఫీసు హైద‌రాబాద్ వ‌చ్చేలా చేశారు. త‌ర్వాతి కాలంలో హైద‌రాబాద్ కి ఎన్నో సాఫ్ట్ వేర్ కంపెనీలు రావ‌డం మాత్ర‌మే కాదు.. ఇక్క‌డే స‌త్యం వంటి అతి పెద్ద కంపెనీగా ఎదగ‌డం మ‌న‌కు తెలిసిందే. అయితే ఇదే స‌త్యం కంపెనీని వైయ‌స్ హ‌యాంలో చావు దెబ్బ తీసి  ఎద‌గ‌నీకుండా  చేశారు. అదే మీకు క‌ర్ణాట‌క‌లో బెంగ‌ళూరు బేస్ చేసుకుని.. ఏర్ప‌డ్డ ఇన్ఫోసిస్ ఇంకా ప‌దిలంగా  ఉంది. కార‌ణం అక్క‌డ ఇలాంటి దెబ్బ కొట్టుడు వ్య‌వ‌హారం లేక పోవ‌డమే. త‌ర్వాత హైద‌రాబాద్ బెంగ‌ళూరుతో స‌మానంగా సాఫ్ట్ వేర్ హ‌బ్ గా ఎదిగిన  విధం ప్ర‌పంచ‌మంతా చూసింది. ప్ర‌స్తుతానికి వ‌స్తే ఇదే ఏపీని మైక్రోసాఫ్ట్ ఫౌండేష‌న్ సాయంతో.. ఒక ఏఐ హబ్ గా త‌యారు చేసే విధంగా.. ప్ర‌య‌త్నాలు సాగుతున్నాయ్. దావోస్ కి వెళ్లి అక్క‌డేమీ సాధించలేక పోయార‌ని కామెంట్ చేశార‌ప్ప‌ట్లో ఇదే వైసీపీ నేత‌లు. త‌ర్వాత దాని రిజ‌ల్ట్ ఇప్పుడు చూస్తూనే ఉన్నాం. కార‌ణం దావోస్ లో గేట్స్ ఫౌండేష‌న్ తో జ‌రిగిన  చ‌ర్చ‌ల‌కు సంబంధించిన అంశాలే నేడు ప్ర‌తిఫ‌లిస్తున్నాయి. ఇప్ప‌టికే ఏపీ  డ్రోన్ హ‌బ్ గా ఎదుగుతోంది. నెక్స్ట్ స్టెప్ ఏఐ హ‌బ్ గానూ ఎద‌గ‌డ‌మే టార్గెట్ గా  పెట్టుకుంది  కూట‌మి ప్ర‌భుత్వం. ఇప్ప‌టికే వాట్స‌ప్ గ‌వ‌ర్నెన్స్ వ‌చ్చేసింది. ఇదొక ముంద‌డుగు. ఇక పోతే పీ- 4 ద్వారా జ‌రిగే విచిత్రాల‌ను వ‌చ్చే రోజుల్లో ఈ ప్ర‌పంచం చూడ‌బోతుంది. ఇదొక ఇంట‌ర్నేష‌న‌ల్ థియ‌రీ. కావాలంటే మీరు చూడండి సంప‌న్న దేశాలు, హ్యాపీయెస్ట్ కంట్రీస్ లో ఈ విధానాలు ఫాలో అవుతుంటారు. మ‌నం బాగా అబ్జ‌ర్వ్ చేసిన‌ట్ట‌యితే ఈ విషయం  క్లియ‌ర్ క‌ట్ గా  తెలుస్తుంది. అక్క‌డ ఆహారం విచ్చ‌ల‌విడిగా ప‌డేస్తామంటే ఒప్పుకోరు. కార‌ణ‌మేంటో తెలుసా? అది ఎంద‌రో క‌ష్ట‌ప‌డి  త‌యారు చేసింది. కాబ‌ట్టి ఫుడ్ వేస్టే  చేయ‌డం అంటే పండించిన‌ వారిని అగౌర‌వ ప‌ర‌చ‌డ‌మే అవుతుంద‌ని వారిస్తారు. స‌రిగ్గా అలాగే ఒక వ్య‌క్తి ఎదుగుద‌ల‌లో తెలిసీ తెలీకుండా ఒక స‌మాజం స‌హాయ‌తా గుణం  దాగి ఉంటుంది. వారు అనుకున్న విధంగా ఎదిగాక‌.. ఆ స‌మాజానికి తిరిగి ఇవ్వ‌డం అన్న‌దొక‌ రూట్ మ్యాప్ ఏర్పాటు చేస్తే త‌ద్వారా వారు ఆ రూట్ ఫాలో అయ్యి.. ప‌ది మందికి సాయం చేస్తారు. వీరిలో కొంద‌రు ప్ర‌భుత్వ గుర్తింపు కోస‌మైనా, స‌మాజంలో గౌర‌వం కోస‌మైనా.. క‌ష్టంలో ఉన్న వారికి హెల్ చేయాల‌న్న భావ‌న‌కు వ‌స్తారు. దీన్నే బాబు ఇంప్రూవ్ చేశారు. ఆ దిశ‌గా వ‌చ్చే రోజుల్లో మ‌రింత ఫ‌లితాలు వ‌చ్చే అవ‌కాశం క‌నిపిస్తోంది. ఇప్పుడు ప్ర‌జంట్ సిట్యువేష‌న్లోకి వ‌స్తాం. ఈ యోగాంధ్ర ఈవెంట్ ఎందుకు? ఎవ‌రి  కోసం చేశారు?  లాస్ట్ కి అక్క‌డేం జ‌రుగుతోంది? దాని  ద్వారా ల‌భించిందేంటి? జ‌నం త‌మ‌కిచ్చిన మేట్స్ లాక్కుని పీక్కుని వెళ్ల‌డం త‌ప్ప‌.. అన్న ద‌గ్గ‌ర ఈ ఫ్యాను బుర్ర‌లు ఆగిపోతున్నాయి.కానీ, బాబు బేసిక్ థియ‌రీ  అది కాదు. అస‌లాయ‌న విచ్చ‌ల విడి ఖ‌ర్చు ఎప్పుడూ పెట్ట‌రు. అదంతా కూడా ఒక‌ పెట్టుబ‌డే. ఇలా చేయ‌డం వ‌ల్ల త్రూ మోడీ ద్వారా అది నేష‌న‌ల్ న్యూస్ అవుతుంది. అంతే  కాకుండా ప్ర‌పంచం మొత్తం జూన్ 21ని ఇంట‌ర్నేష‌న‌ల్ గా యోగాడేగా ఫాలో అవుతుండ‌టం వ‌ల్ల‌.. అది ఇంట‌ర్నేష‌న‌ల్ న్యూస్ గానూ ఎస్టాబ్లిష్ అవుతుంది. దీంతో ప్ర‌పంచ మార్కెట్ని  ఏపీ నిర్వ‌హ‌ణా సామ‌ర్ధ్యంతో విశేషంగా ఆక‌ర్షించ‌వ‌చ్చు. మ‌న ఎగ్జిక్యూష‌న్ కెపాసిటీ ఏంటో తెలుస్తుంది. ఇక్క‌డ మ‌రో రెండు ముఖ్య మైన విష‌యాలు సైతం గుర్తించాలి. మొద‌ట మోడీ ఏపీకి ఎంతో చేస్తున్నారు. అందులో భాగంగా విశాఖ ఉక్కుకు ప్యాకేజీనివ్వ‌డం, రైల్వే జోన్ కి గ్రీన్ సిగ్న‌ల్, ఇంకా పోల‌వ‌రం నిధులు ఇలా కేంద్రం నుంచి ఏపీకి పెద్ద ఎత్తున నిధులు వ‌స్తున్నాయి. రాజ‌ధాని అమ‌రావ‌తి విష‌యంలోనూ పూర్తి స‌హాయ స‌హ‌కారాలు అందుతున్నాయి. దీనంత‌టికీ కార‌ణం ప్ర‌ధాని మోడీ. ఆయ‌న మ‌న‌కంటూ ఇంత చేస్తుంటే.. ఆయ‌న‌కు ఇష్ట‌మైన‌వి చేయ‌డంలో త‌ప్పు ఏంట‌న్న‌ది ఒక వాద‌న‌.అయితే ఇందులో రెండో యాంగిల్ ఏంటంటే.. మీరు కావాలంటే చూడండి.. మొన్న యూఎస్ లో ట్రంప్ ఆర్డ‌ర్ ఒక‌టి తెచ్చారు. దీని ముఖ్య ఉద్దేశం అక్క‌డ ఔష‌ధ ధ‌ర‌లు త‌గ్గించ‌డం. అయితే, ఇక్క‌డే రెండు భిన్న మైన వాద‌న‌లు వినిపించాయి. అదేంటంటే.. అత్య‌ధిక ధ‌ర‌లు ఔష‌ధాల‌కు వెచ్చిస్తే మంచి వైద్యం అందుతుంది. ఇది బేసిగ్గా అమెరిక‌న్లు న‌మ్మే థియ‌రీ. అయితే ఇక్క‌డ మ‌రో గొప్ప వాద‌న ఏంటంటే.. అస‌లు మందుల‌తో అవ‌స‌రం లేకుండా యోగా, వ్యాయామం త‌దిత‌రాలు ప్ర‌జ‌లు విరివిగా  అల‌వాటు చేసుకుంటే.. ఔషదాల‌ను వాడ‌కుండా చేయొచ్చ‌న్న‌ది ఒక ఆలోచ‌న  వెలుగు చూసింది. దీన్నిబ‌ట్టీ చూస్తే జ‌నారోగ్యం కాపాడ్డంలో భాగంగా ఇదొక బెస్ట్ మెథ‌డ్. ఇవేవీ  గుర్తించ‌కుండా రాజ‌కీయ ఆరోప‌ణ‌లు క‌రెక్టేనా? అన్న‌దొక ప్ర‌శ్న‌.  మొన్న దావోస్ వెళ్లిన‌పుడు మిస్ అయ్యింది ఈ ఎగ్జిబిట‌రీ థియ‌రీనే. హైద‌రాబాద్ బీభ‌త్స‌మైన స్టాల్ పెట్టి ఎగ్జిబిట్ చేసింది. మ‌న ద‌గ్గ‌ర అందుకు స్కోప్ లేకుండా పోయింది. ఇలాంటి స్కోప్ లేన‌పుడు క‌ల్పించాల‌న్న‌ది బాబు ఆలోచ‌న‌. దీంతో వ‌చ్చే యోగాడేని దృష్టిలో పెట్టుకుని గిన్నిస్ రికార్డ్ ప్రోగ్రాం ప్లాన్  చేద్దామ‌నుకున్నారు. అనుకున్న‌ది అనుకున్న‌ట్టుగానే చేశారు. మొత్తం మీద ప్రాగ్రామ్ ని భారీ ఎత్తున‌ స‌క్సెస్ చేశారు.ఈ డ‌బ్బు ఒక ప‌థ‌కానికి ఇవ్వొచ్చు. కాద‌న‌డం లేదు. అలాగ‌ని ఏ ప‌థ‌కాల‌కూ డ‌బ్బు ఆప‌డం లేదుగా.. మొన్నంటే మొన్న భారీ ఎత్తున అమ్మ‌కు వంద‌నం డ‌బ్బులు ప‌డి.. ఇంటిల్ల పాది ఎంత మంది పిల్ల‌లున్నారో..  వాళ్లంద‌రికీ డ‌బ్బులు ప‌డ్డ ప‌రిస్థితులున్నాయి. ఒకే ఇంట్లో ల‌క్షా యాభై ఆరు వేల రూపాయ‌ల మేర అమ్మ‌కు వంద‌నం డ‌బ్బులు ప‌డిన వార్త‌లు సైతం వెలుగు చూశాయి. ఇపుడీ యోగాంధ్ర వంటివి బ్రాండ్ ఏపీని మ‌రింత‌గా  ప్ర‌మోట్ చేస్తాయి.. త‌ద్వారా మ‌న ఉనికిని, నిర్వ‌హ‌ణా సామ‌ర్ధ్యాన్ని బాగా ఎలివేట్ చేస్తాయి. అదే వ‌చ్చే రోజుల్లో ప్రాజెక్టులు మ‌న వైపు వ‌చ్చేలా చేస్తాయి. ఇందులో దాగిన మార్కెట్ మంత్ర ఇదీ. ఈ విష‌యం తెలీక కొంద‌రు.. దీన్ని కూడా ఒక బ్యాడ్ ప్రాప‌గాండ‌గా మార్చ‌డం ఆంధ్రులు చేసుకున్న దుర‌దృష్టంగా భావిస్తున్నారు కొంద‌రు విశ్లేష‌కులు.
    కోట్ల ఖర్చుతో యోగా..ఏపీకి మైలేజ్ వస్తుందా? Publish Date: Jun 23, 2025 9:02PM
    సెల్ ఫోన్ తీసుకుందని పసిబిడ్డకు ఇంత శిక్షా!

    సెల్ ఫోన్ తీసుకుందని పసిబిడ్డకు ఇంత శిక్షా!

        నెల్లూరు జిల్లా ఇందుకూరుపేట మండలం కుడితిపాలెం కాకర్ల దిబ్బలో ఫోన్ దొంగిలించిందనే ఆరోపణలతో బాలికకు వాతలు పెట్టిన ఘటనపై ఎమ్మెల్యే వేమిరెడ్డి ప్రశాంతిరెడ్డి స్పందించారు. బాలిక పరిస్థితి చూసి చలించిపోయిన ఎమ్మెల్యే.. బాలిక బాధ్యత తానే తీసుకుంటానని హామీ ఇచ్చారు. స్థానిక నాయకులను వెంటనే ఆ చిన్నారిని అపోలో హాస్పిటల్ కి తీసుకెళ్లి మెరుగైన వైద్యం ఇప్పించాలని ప్రశాంతి రెడ్డి స్థానిక నాయకులను ఆదేశించారు. ప్రశాంతి రెడ్డి ఆదేశాల మేరకు స్థానిక నాయకులు కమలాకర్ రెడ్డి వెంటనే ఆ చిన్నారిని  చికిత్స నిమిత్తం అపోలో హాస్పిటల్ కి తరలించారు. ఈ అఘాయిత్యన్నికి పాల్పడిన పినతల్లి మాణిక్యం నీ పోలీసులు అదుపులోకి తీసుకున్నారు. మొబైల్ ఫోన్ దొంగతనం చేశానని..గెంటితో ఒళ్లంతా కాల్చి కొట్టారు.చిన్నారి తల్లి వెంకట రమణమ్మ పాపని చిన్నప్పుడే సన్నారి మాణిక్యం దగ్గర వదిలేసి వేరే భర్తతో వెళ్లిపోయినట్టు సమాచారం. స్థానికుల సమాచారంతో సంఘటనా స్థలానికి చేరుకొని పోలీసులు విచారిస్తున్నరు.
    సెల్ ఫోన్ తీసుకుందని పసిబిడ్డకు ఇంత శిక్షా! Publish Date: Jun 23, 2025 8:38PM
    పిచ్చి వేషాలు వేస్తే తొక్కి నార తీస్తాం..వైసీపీ నేతలకు పవన్ మాస్ వార్నింగ్

    పిచ్చి వేషాలు వేస్తే తొక్కి నార తీస్తాం..వైసీపీ నేతలకు పవన్ మాస్ వార్నింగ్

      తాను ఎప్పుడు రాష్ట్రం బాగు కోసమే ఆలోచిస్తానని డిప్యూటీ సీఎం పవన్ కల్యాణ్ అన్నారు. ఏడాది పాలనపై కూటమి ప్రభుత్వం ఏర్పాటు చేసిన సుపరిపాలనలో తొలి అడుగు సమావేశంలో ఆయన మాట్లాడారు. వైసీపీ పాలన చూశాక ఏపీకి అసలు వెలుగు వస్తుందా అని అనుకున్నా కూటమి సర్కార్ రాకుంటే ఆంధ్రప్రదేశ్ ఏమయ్యేదో అనిపించింది. కుదేలైన ఆర్థిక వ్యవస్థను ముఖ్యమంత్రి చంద్రబాబు గాడిన పెడుతున్నారు. రాష్ట్రానికి ప్రధాని మోదీ అండగా ఉన్నారు అని తెలిపారు. వైసీపీ నేతలకు పవన్ గట్టి వార్నింగ్ ఇచ్చారు. గొంతులు కోస్తామనే బెదిరింపులకు, తాటాకు చప్పుళ్లకు భయపడేది లేదని అన్నారు. అవన్నీ సినిమాల్లోనే బాగుంటాయని ఎద్దేవా చేశారు. శాంతిభద్రతల విషయంలో ఏమాత్రం ఉపేక్షించేది లేదు.  మేం చట్టబద్ధంగా వ్యవహరించాలి కాబట్టి పద్ధతిగా ఉంటున్నాం. ఎన్నో దెబ్బలు తిని, ఇక్కడి వరకు వచ్చాం. పిచ్చివేషాలు వేస్తే తొక్కి నారతీస్తాం. ప్రజల్లో భయాందోళన కలిగించాలని చూస్తే సహించం’’ అని పవన్‌ హెచ్చరించారు. వైసీపీకి ప్రతిపక్షానికి కావాల్సిన సంఖ్య బలం కూడా లేదు.. కానీ ప్రతిపక్ష హోదా కావాలని గగ్గోలు పెడుతున్నారని పవన్ ఆగ్రహం వ్యక్తం చేశారు. ప్రజలకు సుపరిపాలన అందించాలనే ఏకైక లక్ష్యంతో తామందరం కూటమిగా ఏర్పడి ముందుకు వచ్చామని ఆయన స్పష్టం చేశారు. తమ పోరాటాన్ని ప్రజలు గుర్తించి, ఎన్నికల్లో అఖండ మెజారిటీతో ఆశీర్వదించారని తెలిపారు.ఈ ఏడాది కాలంలోనే రాష్ట్రానికి రూ.4 లక్షల కోట్ల విలువైన పెట్టుబడులను ఆకర్షించగలిగాం. గత వైసీపీ ప్రభుత్వం ఎస్సీ, ఎస్టీ సబ్‌ప్లాన్‌ నిధులను పక్కదారి పట్టించింది. మేము గ్రామపంచాయతీలకు కేటాయించే నిధులను గణనీయంగా పెంచాం. పల్లెపండగ కార్యక్రమం ద్వారా గ్రామీణ రహదారుల అభివృద్ధికి బాటలు వేశాం అని ఆయన వివరించారు.
    పిచ్చి వేషాలు వేస్తే తొక్కి నార తీస్తాం..వైసీపీ నేతలకు పవన్ మాస్ వార్నింగ్ Publish Date: Jun 23, 2025 8:14PM
    సింగయ్య మృతికి ముమ్మాటికి జగన్ నిర్లక్ష్యమే కారణం : షర్మిల

    సింగయ్య మృతికి ముమ్మాటికి జగన్ నిర్లక్ష్యమే కారణం : షర్మిల

      సింగయ్య మృతికి ముమ్మాటికి వైసీపీ అధినేత జగన్ నిర్లక్ష్యమే కారణమని ఏపీ పీసీసీ చీఫ్ షర్మిల అన్నారు. జగన్మోహన్ రెడ్డికి మానవత్వమే లేదు.ఉంటే సింగయ్య కుటుంబాన్ని ఎందుకు పరామర్శ చేయలేదని షర్మిల ప్రశ్నించారు. క్షమాపణ చెప్పకుండా ఫేక్ వీడియో అని మభ్యపెట్టడం దారుణమని ఆమె పేర్కొన్నారు. మానవత్వం ఉంటే 5 కోట్లో, 10 కోట్లో పరిహారం ఇచ్చి క్షమించమని అడగాలని తెలిపారు. 5 ఏళ్లు కుంభకర్ణ నిద్ర పోయి.. ఇప్పుడు ప్రజా సమస్యలు అంటూ బయలు దేరడం విడ్డూరంగా ఉందని షర్మిల విమర్మించారు.  వైయస్ జగన్మోహన్ రెడ్డివి బల ప్రదర్శన... జన సమీకరణ కార్యక్రమాలు తప్ప... ఏ ఒక్కటి ప్రజల కోసం ఉండబోవని వెల్లడించారు. జగన్ జన సమీకరణ సభలకు అనుమతి ఇవ్వకండని... జనాలను చంపకండి అంటూ చంద్రబాబు కూటమి ప్రభుత్వానికి షర్మిల కోరారు. ఇలాంటి సంఘటనలు మళ్లీ జరగకుండా చూడాలని కోరారు. ఇది ఇలా ఉండగా.. ఈ సంఘటనపై ఇవాళ వైయస్ జగన్మోహన్ రెడ్డి పోస్ట్ పెట్టారు. ఫేక్ వీడియోలు క్రియేట్ చేసి... వైసిపి పై ఆరోపణలు చేస్తున్నారని మండిపడ్డారు. సింగయ్య మృతికి కూటమి ప్రభుత్వ వైఫల్యం కారణమని జగన్ ట్వీట్ చేశారు.కారులో ఉన్న అందరినీ విచారణకు పిలవాలని షర్మిల డిమాండ్ చేశారు.  
    సింగయ్య మృతికి ముమ్మాటికి జగన్ నిర్లక్ష్యమే కారణం : షర్మిల Publish Date: Jun 23, 2025 7:22PM
    నియంత పాలన నుంచి ప్రజలకు నిజమైన స్వాతంత్రం వచ్చింది : లోకేశ్

    నియంత పాలన నుంచి ప్రజలకు నిజమైన స్వాతంత్రం వచ్చింది : లోకేశ్

      గత పాలకులు విధ్వంసం సృష్టించారని, రాష్ట్రాన్ని అప్పుల కుప్పగా మార్చారని టీడీపీ జాతీయ ప్రధాన కార్యదర్శి మంత్రి లోకేశ్ విమర్శించారు. ఏపీలో ఎన్డీయే కూటమి ఏడాది పాలన సందర్భంగా అమరావతిలో నిర్వహిస్తున్న సుపరిపాలన-తొలి అడుగు సదస్సులో లోకేశ్ మాట్లాడారు. వైసీపీ హయాంలో ఒక్క పరిశ్రమ కూడా రాలేదని పేర్కొన్నారు. కూటమి ప్రభుత్వం వచ్చాక ప్రజలు సంతోషంగా ఉన్నారని పేర్కొన్నారు. ఏ రాష్ట్రం ఇవ్వని విధంగా ఎక్కువ మొత్తంలో పింఛను ఇస్తున్నామని. తల్లికి వందనం పేరుతో ఒకటో తరగతి నుంచి ఇంటర్‌ వరకు ఆర్థిక సాయం చేస్తున్నామని తెలిపారు. తొలి ఏడాదిలోనే డీఎస్సీ ద్వారా 16,300 పోస్టులు భర్తీ చేస్తున్నామని లోకేశ్ స్పష్టం చేశారు.పేదలకు చేయూత ఇచ్చేందుకే పీ-4 విధానం తీసుకొచ్చామని ఏ రాష్ట్రానికి వెళ్లినా పీ-4 విధానాన్ని ప్రశంసిస్తున్నారు. పొగాకు, మిర్చి, మామిడి, కోకో రైతులను ఆదుకుంటున్నాం. కూటమి ప్రభుత్వం వచ్చాక రాయలసీమకు అనేక పరిశ్రమలు వచ్చాయి. ఉత్తరాంధ్రకు టీసీఎస్‌, కాగ్రిజెంట్‌ సంస్థలను తీసుకొచ్చాం. కర్నూలులో హైకోర్టు బెంచ్‌ ఏర్పాటుకు కేంద్రం సహకరిస్తోంది. అభివృద్ధిలో డబుల్‌ ఇంజిన్‌ సర్కారు దూసుకుపోతోందని మంత్రి వెల్లడించారు. వైసీపీ నేతలు ప్రజా సమస్యలు పట్టించుకోదు. ప్రశ్నిస్తే చాలు లాఠీ దెబ్బలు, అరెస్టులు వేధింపులు గురిచేసే వారని లోకేశ్ పేర్కొన్నారు. నియంత పాలన నుంచి ప్రజలకు నిజమైన స్వాతంత్రర్యం వచ్చిందని తెలిపారు. ఈ కార్య క్రమంలో ఏపీ సీఎం చంద్రబాబు, డిప్యూటీ సీఎం పవన్‌, బీజేపీ రాష్ట్ర అధ్యక్షురాలు పురందేశ్వరి  మంత్రులు, ఎమ్మెల్యేలు, ఎంపీలు, ఉన్నతాధికారులు పాల్గొన్నారు
    నియంత పాలన నుంచి ప్రజలకు నిజమైన స్వాతంత్రం వచ్చింది : లోకేశ్ Publish Date: Jun 23, 2025 6:48PM
    జగన్‌కు రాజకీయ లబ్థి తప్పా.. మనుషుల ప్రాణాలంటే లెక్కలేదు : హోం మంత్రి అనిత

    జగన్‌కు రాజకీయ లబ్థి తప్పా.. మనుషుల ప్రాణాలంటే లెక్కలేదు : హోం మంత్రి అనిత

      వైసీపీ అధినేత జగన్ పరామర్శ పేరుతో వెళ్లి రోడ్‌షోలు నిర్వహించారని హోం మంత్రి అనిత ఆగ్రహం వ్యక్తం చేశారు. సచివాలయంలో ఆమె మీడియాతో మాట్లాడుతు వైసీపీ నేతలు దారుణంగా దిగజారిపోయారని  విమర్శించారు. ‘‘పొదిలిలో వేసీపీ నేతల అరాచకాలను అందరూ చూశారు. 10 అడుగుల రోడ్డులో ఎలా వెళ్లాలో నాయకులకు తెలియాదా? జగన్‌.. పరామర్శ పేరుతో వెళ్లి రోడ్‌షో నిర్వహించారు. జగన్‌కు రాజకీయ లబ్థి తప్పించి మనుషుల ప్రాణాలంటే లేక్క లేదా అని ప్రశ్నించారు.  ఇద్దరు వ్యక్తులు చనిపోయిన జగన్ తన పర్యాటన కొనసాగించారని  హోం మంత్రి మండిపడ్డారు. కారు కింద పార్టీ కార్యకర్త పడినా గుర్తించకపోవడం దారుణం. గాయపడిన వ్యక్తిని దయ, జాలి లేకుండా పక్కకు లాగి ముళ్లపొదల్లో పడేశారు. సకాలంలో ఆస్పత్రికి తీసుకెళ్తే ఆ వ్యక్తి బతికేవారేమో అని ఆమె తెలిపారు. ఏదో వాహనం ఢీ కొందన్న సమాచారం మేరకు పల్నాడు ఎస్పీ సతీష్ తొలుత అలా మాట్లాడారు. వీడియోలు చూశాక కేసు మార్చామని అదే ఎస్పీ చెప్పారు కదా. కార్యకర్తలను రెచ్చగొడుతున్నారు. ‘గతంలో మేం ఆంక్షలు విధించామా?’ అని ఎదురు ప్రశ్నిస్తున్నారు.  మీరు చేసినవన్నీ మర్చిపోయి ఇప్పుడు మాట్లాడటం దారుణం. ఐదేళ్లపాటు ప్రతిపక్షనేతలను రోడ్డుమీదకు రానిచ్చారా అని అనిత ఆగ్రహం వ్యక్తం చేశారు
    జగన్‌కు రాజకీయ లబ్థి తప్పా.. మనుషుల ప్రాణాలంటే లెక్కలేదు : హోం మంత్రి అనిత Publish Date: Jun 23, 2025 5:31PM
    తెలంగాణలో 3 రోజుల పాటు భారీ వర్షాలు

    తెలంగాణలో 3 రోజుల పాటు భారీ వర్షాలు

      తెలంగాణలో వచ్చే 3 రోజుల్లో భారీ వర్షాలు వచ్చే అవకాశం ఉందని హైదరాబాద్ వాతావరణ శాఖ సూచించింది. ఉత్తర, తూర్పు జిల్లాలైన ఆసిఫాబాద్,మంచిర్యాల, పెద్దపల్లి, భూపాలపల్లి, ములుగు, మహబూబాబాద్, ఖమ్మం, భద్రాద్రి కొత్తగూడెం, మేడ్చల్, రంగారెడ్డి, హైదరాబాద్, నాగర్‌కర్నూల్ జిల్లాల్లో భారీ వర్షాలు కురిసే అవకాశం ఉందని వాతావరణ శాఖ తెలిపింది. ఉరుములు మెరుపులతో పాటు ఈదురుగాలుల ప్రభావం ఉంటుందని పేర్కొంది. నిజామాబాద్ జిల్లాలో కూడా గంటకు 30-40 కిలోమీటర్ల వేగంతో ఈదురు గాలులతో వర్షాలు పడే అవకాశముందని వెల్లడించింది.  ఈ మేరకు ఎల్లో అలెర్ట్ జారీ చేసింది. మరోవైపు హైదరాబాద్ మహానగరంలో భారీ వర్షం కురిసింది. పలు ప్రాంతాల్లో వర్షం దంచి కొట్టింది. దీంతో లోతట్టు ప్రాంతాలన్నీ జలమయం అయ్యాయి. ట్రాఫిక్‌కు అంతరాయం కలిగింది. గత కొద్దిరోజుల నుంచి వాతావరణం చల్ల బడింది. కొంత సేపు ఎండలు పెట్టినా.. మిగితా సమయం మబ్బులు కమ్ముకుంటున్నాయి.  పశ్చిమ మధ్య బంగాళాఖాతం, సరిహద్దు వాయువ్య బంగాళాఖాతం, ఉత్తరాంధ్ర, దక్షిణ ఒడిశా తీర ప్రాంతాల్లో సగటు సముద్రమట్టానికి 5.8 నుంచి 7.6 కిలోమీటర్ల మధ్య ఉపరితల ఆవర్తనం విస్తరించి ఉందని చెప్పింది.  
    తెలంగాణలో 3 రోజుల పాటు భారీ వర్షాలు Publish Date: Jun 23, 2025 5:01PM
    ఎవరి హవా వారిదే!

    ఎవరి హవా వారిదే!

    దేశ వ్యాప్తంగా నాలుగు రాష్ట్రాలలోని ఐదు అసెంబ్లీ నియోజకవర్గాలకు ఇటీవల జరిగిన ఉపఎన్నికల ఫలితాలు సోమవారం (జూన్ 23) వెలువడ్డాయి. ఉదయం ఎనిమిది గంటలకు ప్రారంభమైన ఉప ఎన్నికల ఓట్ల లెక్కింపు పూర్తై ఫలితాలు వెలువడ్డాయి. ఈ ఫలితాలలో ఏ పార్టీకీ నిరాశ మిగల్లేదు. అలాగని రొమ్ము విరుచుని ఆనందంతో గంతులేయడానికీ అద్భుత ఫలితాలూ రాలేదు. ఎవరి హవా వారిదే అన్నట్లుగా ఫలితాలు ఉన్నాయి.  గుజరాత్‌లోని విసావదర్, కడి స్థానాలతో పాటు పంజాబ్‌లోని లూథియానా వెస్ట్, పశ్చిమ బెంగాల్‌లోని కాళీగంజ్, కేరళలోని నీలాంబూరు నియోజకవర్గాలకు ఈ నెల  19న పోలింగ్ జరిగిన విషయం విదితమే. వెలువడిన ఫలితాలను బట్టి ఎవరి హవా వారిదే అన్నట్లుగా ఫలితాల సరళి ఉంది.   కేరళలోని నీలాంబూరు స్థానంలో కాంగ్రెస్ నేతృత్వంలోని యునైటెడ్ డెమోక్రటిక్ ఫ్రంట్   అభ్యర్థి ఆర్యదన్ షౌకత్ విజయం సాధించారు.  ఇక పంజాబ్ లోని లూధియానా వెస్ట్ నియోజకవర్గాన్ని ఆప్ కైవశం చేసుకుంది. ఇక పశ్చిమ బెంగాల్ లోని కాళీగంజ్ స్థానానికి జరిగిన బై పోల్ లో తృణమూల్ కాంగ్రెస్ విజయం సాధించింది. ఇక పోతే గుజరాత్ లోని విసావదర్ స్థానంలో ఆప్ అభ్యర్థి విజయం సాధిస్తే. కాడి సీటును బీజేపీ దక్కించుకుంది. మొత్తం ఐదు అసెంబ్లీ నియోజ కవర్గాలకు ఉప ఎన్నికలు జరగ్గా వాటిలో రెండింటిని ఆప్ దక్కించుకుంది. ఇక బీజేపీ, యూడీఎఫ్, టీఎంసీలు ఒక్కో స్థానంలో విజయం సాధించాయి. 
    ఎవరి హవా వారిదే! Publish Date: Jun 23, 2025 4:48PM
    ఫోన్ పే రచ్చ.. ఉచ్చు బిగుస్తోంది.. అయితే అరెస్టు అంత వీజీ కాదు!

    ఫోన్ పే రచ్చ.. ఉచ్చు బిగుస్తోంది.. అయితే అరెస్టు అంత వీజీ కాదు!

    ఇప్పటికే ఎన్నో మలుపులు తిరిగిన  ఫోన్ అక్రమ ట్యాపింగ్‌ కేసు ఇంకెన్ని మలుపులు తిరుగుతుందో, చివరకు ఏ కంచికి చేరుతుందో..  ఎప్పుడు ఎలా ముగుస్తుందో ఏమో కానీ.. ఇంతవరకు అందుతున్న సమాచారం ప్రకారం   ముందు ముందు పెద్ద తలకాయలకు చిక్కులు తప్పవని అంటున్నారు. ముఖ్యంగా  ఈకేసులో ప్రధాన నిందితుడు, ఎస్‌ఐబీ మాజీ చీఫ్ ప్రభాకర్ రావు, తనను నియమించిన మాజీ డీజీపీ మహేందర్ రెడ్డి ఆదేశాలతోనే  పని చేశానని ఇచ్చిన స్టేట్‌మెంట్ ఇప్పుడు ప్రధాన చర్చనీయాంశం గా మారింది.  ప్రభాకర రావు స్టేట్మెంట్ ఆధారంగా  ‘సిట్’ మాజీ డీజీపీ మహేందర్ రెడ్డి స్టేట్మెంట్  ను రికార్డు చేసే అవకాశం ఉన్నట్లు తెలుస్తోంది. అయితే వ్యూహాత్మకంగా.. ఎప్పటికప్పడు స్టాండ్’ మారుస్తూ వస్తున్న ప్రభాకర రావు..సిట్  విచారణను పక్కదారి పట్టించే ప్రయత్నంలో భాగంగానే, మాజీ డీజీపీ మహేందర్ రెడ్డిని సీన్ లోకి తీసుకొచ్చారని, మాజీ ఐపీస్ అధికారి, బాపట్ల ఎంపీ కృష్ణ ప్రసాద్  సహా పలువురు మాజీ అధికారులు, పరిపాలన అనుభవం ఉన్న రాజకీయ నాయకులు భావిస్తున్నారు. నిజానికి.. ఇంటెల్జెన్సీ మరీ ముఖ్యంగా పొలిటికల్ ఇంటెల్జెన్సీకి సంబందించిన వ్యవహారాల్లో డీజీపీ, హోం శాఖ కార్యదర్శి, చివరకు హోం మంత్రి ప్రమేయం కూడా ఉండదని.. ఎస్‌ఐబీ చీఫ్ నేరుగా శాంతి భద్రతల శాఖ మంత్రి, అంటే ముఖ్యమంత్రికి (హోం మంత్రి ఎవరైనా శాంతి భద్రతల విభాగం ముఖ్యమంత్రి వద్ద ఉంచుకోవడం అన్నది అనాదిగా అన్ని రాష్ట్రాల్లో  ఆచారంగా వస్తోంది. గత ప్రభుత్వ హయంలోనూ అదే ఆచారం కొనసాగింది. నాయని నరసింహ రెడ్డి, మహ్మూద్ అలీ ఎవరు హోం మంత్రిగా ఉన్నా, శాంతి భద్రలు మాత్రం ముఖ్యమంత్రి కేసీఆర్ వద్దనే ఉన్నాయి.)  మాత్రమే రిపోర్ట్ చేస్తారని, ముఖ్యమంత్రి నుంచే, మౌఖిక, లిఖిత పూర్వక ఆదేశాలు స్వీకరిస్తారని  అంటున్నారు. సో.. ఇక్కడ ప్రభాకర రావు, మాజీ డీజీపీ మహేందర్ రెడ్డిని సీన్ లోకి తీసుకు రావడం ఒక విధంగా కేసును తప్పుదారి పట్టించే ప్రయత్నంగానే చూడాలని మాజీ అధకారులు అంటున్నారు. అయితే.. మరోవంక ప్రభాకర రావు ఇచ్చినట్లు చెపుతున్న స్టేట్మెంట్ మాజీ ముఖ్యమంత్రి, కేసీఆర్  మెడకు చుట్టుకునే ప్రమాదం ఉందని అంటున్నారు. అదలాఉంటే, ఎస్‌ఐబీ మాజీ చీఫ్ ప్రభాకర్ రావునను ఇప్పటికే ఐదుసార్లు విచారించిన  సిట్  మరో సారి అంటే ఆరో సారి ఆదివాకం   (జూన్ 23)  విచారించింది. రెండు రోజుల క్రితం జరిగిన విచారణలో.. బంతిని మాజీ డీజీపీ కోర్టులోకి నెట్టిన ప్రభాకర రావు, ఈ సారి ఎలాంటి  ప్రకటన చేస్తారు.. ఇంకెవరిని సీన్ లోకి తెస్తారు  అన్న ఉత్కంఠ, ఆసక్తి వ్యక్తం అవుతున్నాయి. నిజానికి..  ప్రభాకర రావు విచారణకు పెద్దగా సహకరించడం లేదనీ..  ఎన్నిగంటలు కూర్చోపెట్టినా, ఒకటీ అరా ప్రశ్నలకు   అరకొర సమాధానాలు ఇవ్వడమే కానీ, సరైన సమాధానలు ఇవ్వడం లేదని  సిట్   వర్గాల సమాచారం. ముఖ్యంగా..  ఆగష్టు 5 వరకు ప్రభాకర రావును అరెస్ట్ చేయరాదని సుప్రీం కోర్టు ఆయనకు వెసులుబాటు కల్పించిన నేపధ్యంలో..  ఆయన విచారణకు సహకరించక పోయినా ఏమీ చేయలేని పరిస్థితి ఉందని సిట్ వర్గాలు అంటున్నాయి. అదలా ఉంటే..  గత అసెంబ్లీ ఎన్నికల్లో  ప్రస్తుత, మాజీ ముఖ్యమంత్రులు, రేవంత్ రెడ్డి, కేసీఆర్ ఒకరి తో ఒకరు తలపడిన కామారెడ్డి అసెంబ్లీ నియోజక వర్గం కాంగ్రెస్ పార్టీ లీగల్ సెల్ కన్వీనర్ దేవరాజ్ గౌడ్ సహా, మరి కొందరు కాంగ్రెస్ నాయకులకు  సిట్ వారం రోజుల్లోగా సిట్ కార్యాలయాని వచ్చి వాగ్మూలం ఇవాలని నోటీసులు ఇచ్చింది. అలాగే.. మరి కొంతమంది రాజకీయ నాయకుల స్టేట్మెంట్స్ కూడా  సిట్  అధికారులు, రికార్డు చేయనున్నట్లు  తెలుస్తోంది. అదలా ఉంటే..  ఈ కేసు ఏనాటికైనా లాజికల్ కంక్లూజన్  కు చేరుతుందా ? పెద్ద తలల అరెస్ట్ వరకు వెళుతుందా అంటే..  అది పీసీసీ చీఫ్ మహేష్ కుమార్ గౌడ్ చెప్పినంత ఈజీ అయితే కాదని అంటున్నారు.
    ఫోన్ పే రచ్చ.. ఉచ్చు బిగుస్తోంది.. అయితే అరెస్టు అంత వీజీ కాదు! Publish Date: Jun 23, 2025 4:25PM
    స్థానిక సంస్థల ఎన్నికలపై తీర్పు రిజర్వ్

    స్థానిక సంస్థల ఎన్నికలపై తీర్పు రిజర్వ్

      తెలంగాణలో స్థానిక సంస్థల ఎన్నికల నిర్వహణపై హైకోర్టులో విచారణ జరిగింది. గత ఏడాదిలో  ఫిబ్రవరిలో సర్పంచుల పదవీకాలం పూర్తయితే ఇంతవరకు ఎన్నికలు ఎందుకు నిర్వహించలేదని ప్రభుత్వాన్ని, ఎన్నికల సంఘన్ని  కోర్టు నిలదీసింది. దీంతో ఎన్నికలు నిర్వహించేందుకు మరో 60 రోజుల సమయం కావాలని ఎన్నికల సంఘం కోర్టును విజ్ఞప్తి చేసింది.  వాదనలు విన్న ధర్మాసనం తీర్పును రిజర్వు చేసింది. రాష్ట్రంలో పంచాయతీ ఎన్నికలను సకాలంలో నిర్వహించడం లేదంటూ దాదాపు ఆరు పిటిషన్లు దాఖలైన సంగతి తెలిసిందే. దీనిపై గత కొన్నాళ్లుగా వాదనలు కొనసాగుతున్నాయి. కాగా 2024 ఫిబ్రవరి 1వ తేదీన తెలంగాణ సర్పంచ్‌ల పదవీకాలం ముగిసింది. స్థానిక సంస్థల ఎన్నికలపై తెలంగాణ హైకోర్టు తీర్పు రిజర్వ్ చేసింది. పిటిషనర్లు, ప్రభుత్వం, రాష్ట్ర ఎలక్షన్ కమిషన్ వాదనలు విన్న తర్వాత న్యాయస్థానం ఈ తీర్పు ఇచ్చింది. 
    స్థానిక సంస్థల ఎన్నికలపై తీర్పు రిజర్వ్ Publish Date: Jun 23, 2025 4:19PM
    బండి వెర్సెస్ ఈటల.. ముదురుతున్న యుద్ధం!

    బండి వెర్సెస్ ఈటల.. ముదురుతున్న యుద్ధం!

    భారతీయ జనతా పార్టీ  తెలంగాణ రాష్ట్ర శాఖలో సందడి మొదలైంది. కారణాలు ఏవైనా చాలా కాలంగా స్తబ్దుగా  ఉన్న కమలదళం నాయకుల్లో కదలిక వచ్చింది. అయితే..  కదలికతో పాటు  కయ్యాలకు తెర లేచింది. అఫ్కోర్స్.. పార్టీ స్తబ్దుగా ఉన్నా, మరోలా ఉన్నా.. బీజేపీలో అంతర్గత కుమ్ము లాటలు,నాయకుల మధ్య విభేదాలు, వివాదాలు నిత్యకృత్యంగా సాగుతూనే ఉన్నాయనుకోండి, అది వేరే విషయం. అయితే..   తాజాగా పాత గొడవలు కొత్తగా తెర పైకి రావడంతో పార్టీ క్యాడర్  నారాజ్  అవుతున్నారు.  పార్టీ ముఖ్య నాయకులు, వ్యవహరిస్తున్న తీరు, మరీ ముఖ్యంగా ఈ ఇద్దరు కీలక నేతలు కాళేశ్వరం ప్రాజెక్ట్ విషయంలో  బహిరంగంగా పరస్పర విరుద్ద ప్రకటనలు చేయడం పార్టీ ఇమేజ్ ని దెబ్బ తీస్తోందని పార్టీ వర్గాల్లో అందోళన, పార్టీ క్యాడర్ లో ఆవేదన వ్యక్తమవుతున్నాయి. నిజానికి..  కేంద్రంలో ప్రధానమంత్రి నరేంద మోదీ, సారధ్యంలోని  ఎన్డీఎ ప్రభుత్వం ప్రభుత్వం 11 ఏళ్లు పూర్తి చేసుకున్న సందర్భాన్ని పురస్కరించుకుని  సికింద్రాబాద్‌లోని ఇంపీరియల్‌ గార్డెన్‌లో మల్కా జ్‌గిరి ఎంపీ ఈటల రాజేందర్‌ ఆధ్వర్యంలో ఆదివారం(జూన్ 22) వికసిత్‌ భారత్‌ సంకల్ప సభ జరుగతున్న సమయంలోనే.. కరీంనగర్ ఎంపీ, కేంద్ర మంత్రి బండి సంజయ్  సభకు హాజరు కాకపోవడమే కాకుండా..  అదే సమయంలో  కరీంనగర్ లో విలేకర్ల సమావేశం ఏర్పాటు చేసీ మరీ,కాళేశ్వరం ప్రాజెక్ట్ విషయంలో.. గతంలో ఈటల చేసిన వ్యాఖ్యలను పరోక్షంగా తప్పు పట్టారు.అంతే కాదు.. కాళేశ్వరం ప్రాజెక్ట్ విషయంలో బీజేపీ స్టాండ్ ఎప్పుడూ ఒక్కటే అంటూ..  కేసీఆర్‌కు కాళేశ్వరం ప్రాజెక్ట్ ఏటీఎం అయిందని గతంలో ప్రధాని మోదీ, కేంద్ర మంత్రి అమిత్ షా చెప్పిన మాట, తీసుకున్న స్టాండ్ లో ఈ రోజుకూ ఇసుమంతైనా  మార్పు లేదని కుండబద్దలు కొట్టేసినట్లు చెప్పారు. అంత వరకు అయితే కొంతవకు ఓకే.. బండి అక్కడితో ఆగలేదు బీజేపీలో ఉన్న ఎవరైనా  బీజేపీ స్టాండే తీసుకోవాలనీ..  వ్యక్తిగతం అంటూ ఏమీ ఉండదని పరోక్షంగా ఈటలకు చురకలు అంటించారు.   అంతే కాదు..  కాళేశ్వరం ప్రాజెక్టు సమబందించి అప్పటిరాష్ట్ర మంత్రివర్గం నిర్ణయం తీసుకుందని, మాజీ మంత్రి హోదాలో ఈటల ఒకటికి పదిసార్లు చెప్పడమే కాకుండా,కాళేశ్వరం ప్రాజెక్టుకు కాబినెట్ ఆమోదం లేదని నిరూపిస్తే రాజకీయాల నుంచి తప్పు కుంటానని కాంగ్రెస్ నేతలకు సవాలు కూడా విసిరారు. అయితే, బండి సంజయ్ ఈటల సవాలును సింపుల్ గా తీసి పారేశారు. కాళేశ్వరం ప్రాజెక్టు విషయంలో ఈటల రాజేందర్ అభిప్రాయానికి పార్టీ స్టాండ్ పూర్తి భిన్నమని బండి పేర్కొన్నారు. కేసీఆర్ కాబినెట్ లో నిర్ణయం తీసుకున్నారంటే.. ఎవరూ నమ్మరన్నారు. అంటేఈటల చెప్పింది తప్పు, కాంగ్రెస్ చెప్పిందే సత్యం అని బండి, కాంగ్రెస్ పార్టీకి సర్టిఫికేట్ ఇచ్చారు.   విషయంలోకి వెళితే, కాళేశ్వరం ప్రాజెక్టులో అంతర్భాగమైన మేడిగడ్డ రిజర్వాయర్ లో మూడు పిల్లర్లు కూలిన సంఘటన, ప్రాజెక్ట్ నిర్మాణ లోపాలు, ఆర్థిక ఆకతవకలపై విచారణ జరిపేందుకు ముఖ్యమంత్రి రేవంత్ రెడ్డి ప్రభుత్వం జస్టిస్ పీసీఘోష్ కమిషన్‌  ఏర్పాటు చేసిన విషయం  అందరికీ తెలిసిందే. ఈ కమిటీ ఎదుట ఈటల రాజేందర్, బీజేపీ ఎంపీగా కాకుండా..  గతంలో  కేసీఆర్  మంత్రివర్గంలో ఆర్థిక మంత్రిగా పనిచేసి,  మాజీ మంత్రి హోదాలో ఇటీవల హాజరయ్యారు. ఈ సందర్భంగా, ఆయన మీడియాకు ఇచ్చిన ఇంటర్వ్యూలో , ఆర్థిక విషయాలకు సబంధం లేని  కాబినెట్ ఆమోదం వంటి కొన్ని సాంకేతిక అంశాలకు సంబంధించి  కేసీఆర్  ప్రభుత్వానికి సానుకూలంగా మాట్లాడారు. విశ్వసనీయ సమాచారం మేరకు, ఈటల వ్యాఖ్యల, పూర్వాపరాలు, పర్యవసానాలపై, పార్టీలో చర్చ జరిగింది. ఈ సందర్భంగా పార్టీ రాష్ట్ర అధ్యక్షుడు కిషన్ రెడ్డి, కాళేశ్వరం విచారణ కమిషన్ ఎదుట, ఈటల మాజీ మంత్రిగా హాజరయ్యారే కానీ, బీజేపీ ఎంపీగా హాజరు కాలేదని స్పష్టం చేశారు. సరే.. అది ఎంత వరకు సమంజసం అనే విషయాన్నిపక్కనపెడితే.. అంతర్గతంగా చర్చించవలసిన  అంశాలను  బహిరంగా అది కూడా  బీజేపీ దేశ వ్యాప్తంగా, భవిష్యత్ రాజకీయ వ్యూహంలో భాగంగా మోదీ ప్రభుత్వం విజయాలను ప్రజల్లోకి తీసుకు వెళ్లేందుకు అత్యంత ప్రతిష్టాత్మకంగా నిర్వహిస్తున్న వికసిత్ భారత్ అభియాన్ లో  భాగంగా రాష్ట్రంలో వికసిత భారత్ సంకల్ప సభ నిర్వహిస్తున్న  సమయంలో.. పార్టీ ప్రతిష్టను దిగజార్చే విధంగా కేంద్ర మంత్రి హోదాలో ఉన్న పార్టీ మాజీ అధ్యక్షుడు బండి సంజయ్ ఉద్దేశపూర్వకంగా వివాదాన్ని సృష్టించదాన్ని పార్టీ పెద్దలు తప్పుపడుతున్నారు. అలాగే..  ఇద్దరు సీనియర్ నాయకుల మధ్య రాజుకున్న ఈ వివాదం ఎటు దారి తెస్తుంది, ఎందాకా పోతుంది అనేది  ఇప్పడు పార్టీ వర్గాల్లో చర్చనీయాంశంగా మారిందని అంటున్నారు. అలాగే..  పార్టీ అధిష్టానం జోక్యం చేసుకుంటేనే కానీ, బండి వర్సెస్ ఈటల మధ్య ముదురుతున్న యుద్ధం చల్లారదని అంటున్నారు.
    బండి వెర్సెస్ ఈటల.. ముదురుతున్న యుద్ధం! Publish Date: Jun 23, 2025 3:43PM

    Movie News

    Get all the updates about andhra pradesh news, political news, articles, sr journalists books, regional news, telugu cinema news etc. Find information about Telugu film news, regional news, current affairs, gallery, wallpapers, etc. See Telugu news, news videos along with latest news only at TeluguOne.com.
    TeluguOne Services
    TeluguOne For Your Business
    About TeluguOne
    Keywords: Telugu News

    Copyright © 2025 TeluguOne NEWS - All Rights Reserved

    Disclaimer:
    All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
    You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.