Top Stories

పాలమూరు ప్రజలు అన్నం పెడితే..కేసీఆర్ సున్నం పెట్టారు : సీఎం రేవంత్‌రెడ్డి

పాలమూరు ప్రజలు అన్నం పెడితే..కేసీఆర్ సున్నం పెట్టారు : సీఎం రేవంత్‌రెడ్డి

  పాలమూరు జిల్లా అంటే మాజీ సీఎం కేసీఆర్‌ కుటుంబానికి చిన్నచూపని ముఖ్యమంత్రి రేవంత్‌రెడ్డి అన్నారు. ఇవాళ నాగర్ కర్నూల్ జిల్లా కొల్లాపూర్ మండలం జటప్రోలు లో యంగ్ ఇండియా ఇంటిగ్రేటెడ్ రెసిడెన్షియల్ స్కూల్ కు సీఎం రేవంత్ రెడ్డి శంకుస్థాపన చేశారు. కరీంనగర్ ప్రజలు ఓడించడానికి సిద్దమైతే కేసీఆర్ మహబూబ్​నగర్‌కు వలస వచ్చారని సైటైర్లు వేశారు. కేసీఆర్‌ను కడుపులో పెట్టుకొని చూస్తే జిల్లాకు ఆయన చేసిందంటని ప్రశ్నించారు. పదేళ్లు సీఎంగా ఉన్నా పైసా పనికూడా చేయలేదన్నారు. 2023లో కాంగ్రెస్ పాలమూరు జిల్లాలో 12 సీట్లు ఇచ్చారని, మరో రెండు గెలిచి ఉంటే ఇంకొక మంత్రి పదవి అదనంగా వచ్చేదన్నారు. ఏపీ సీఎం చంద్రబాబుకి విజ్ఞప్తి చేస్తున్న.. మా పాలమూరు ప్రాజెక్టులకు అడ్డం పడొద్దు. మీరు రెండు తెలుగు రాష్ట్రాల ప్రజలు సమానంగా అభివృద్ధి చేందాలనే ఆలోచనతో ఉన్నది నిజమే అయితే రాయలసీమ లిఫ్ట్ ఇరిగేషన్ ప్రాజెక్టును రద్దు చేసి మా ప్రాజెక్టులు పూర్తయ్యేలా ఉదారంగా ముందుకు వచ్చి సహకరించాలని విజ్ఞప్తి చేస్తున్న. మీరు ఉమ్మడి రాష్ట్రానికి ముఖ్యమంత్రిగా ఉన్నప్పుడే కల్వకుర్తి ప్రాజెక్టు మొదలుపెట్టారు. మీరు సీఎంగా ఉన్నప్పుడే బీమా, కోయిల్ సాగర్, నెట్టెంపాడు ప్రాజెక్టులు వచ్చాయిని రేవంత్‌రెడ్డి తెలిపారు. మా పాలమూరు బిడ్డలు కృతజ్ఞత ఉన్నవారు. మీ మేలు ఎప్పటికి మర్చిపోమన్నారు. మా విజ్ఞప్తులు మీరు వినకపోతే పోరాటాలు ఎలా చేయాలో పాలమూరుకు తెలుసు. మాకు పౌరుషం ఉంది. పోరాడి సాధించుకునే శక్తి ఉంది. ఈ పోరాటానికి నాయకత్వం నేను వహిస్తాను’ అన్నారు. అక్కడి సూర్యుడి ఇక్కడ ఉదయించినా, ఇక్కడి సూర్యుడు అక్కడ ఉదయించినా పాలమూరు ప్రాజెక్టులను పూర్తి చేసే బాధ్యత నాది అని ముఖ్యమంత్రి రేవంత్ తెలిపారు  
పాలమూరు ప్రజలు అన్నం పెడితే..కేసీఆర్ సున్నం పెట్టారు : సీఎం రేవంత్‌రెడ్డి Publish Date: Jul 18, 2025 6:42PM
ఫోన్ ట్యాపింగ్ నిందితుడి ఫ్లాట్లో.... ఏపీ లిక్కర్ స్కాం బాబులు

ఫోన్ ట్యాపింగ్ నిందితుడి ఫ్లాట్లో.... ఏపీ లిక్కర్ స్కాం బాబులు

  తెలంగాణలో ఫోన్ ట్యాపింగ్ , ఏపీ లిక్కర్ స్కాం మధ్య లింకులు ఉన్నట్లు బయటపడుతుండటం కలకలం రేపుతోంది. మాజీ ముఖ్యంత్రులు కేసీఆర్, జగన్‌ల జాయింట్ ఆపరేషన్‌తోనే ఈ కుట్రలు జరిగాయని తాజా పరిణామాలు నిరూపిస్తున్నాయి. దుబాయ్‌లోని పారామౌంట్ హోటల్ ఫ్లాట్ నెంబర్ 5801లో ఏపీ లిక్కర్ స్కాం నిందితులు చాణక్య, వరుణ్ సహా ఇంకొందరు విలాసవంతమైన జీవితం గడిపినట్లు సిట్ గుర్తించింది. ఆ ఫ్లాట్ తెలంగాణ ఫోన్ ట్యాపింగ్ కేసు నిందితుడు శ్రవణ్‌రావు ఆధీనంలో ఉన్నట్లు వెల్లడైంది. ఆ క్రమంలో రెండు స్కాంలు వైసీపీ, బీఆర్ఎస్‌ల జాయింట్ ఆపరేషనే అన్నది నిరూపితమైందంటున్నారు.  దుబాయ్‌లోని ఖరీదైన ప్రాంతంలో శ్రవణ్‌రావు మరొకరితో కలిసి కొనుగోలు చేసిన ఫ్లాట్‌లోనే లిక్కర్‌ స్కామ్‌ నిందితులు మకాం వేసినట్టు తేలడం రెండు తెలుగు రాష్ట్రాల్లో కలకలం రేపుతోంది. లిక్కర్‌ స్కామ్‌ సూత్రధారి రాజ్‌ కసిరెడ్డికి సన్నిహితంగా ఉంటూ వ్యవహారం నడిపిన చాణక్య బూనేటి,  వరుణ్ మరో నలుగురు ఫిబ్రవరి 27 నుంచి ఏప్రిల్‌ 27 వరకు ఆ ఫ్లాట్‌లోనే ఉన్నారని వెల్లడైంది. ఆ ఫ్లాట్‌ను డీలక్స్‌ హాలిడే హోమ్స్‌ సంస్థకు లీజుకిచ్చామని, ఆ సంస్థ ఎవరికి అద్దెకిచ్చిందో తమకు తెలియదని శ్రవణ్‌రావు తరపున ఐన్యూస్‌ యాజమాన్యంఇచ్చిన ప్రకటన అవాస్తవమని తేలింది.  యజమాని కోటా కింద శ్రవణ్‌రావే కొంతకాలం తీసుకుని, లిక్కర్‌ స్కామ్‌ నిందితులకు ఇచ్చారని.. స్వయంగా ఆయన వారితో కలిసి ఉన్నారని పక్కా ఆధారాలు సిట్ అధికారులకు లభించాయంట. దుబాయ్‌లోని పారామౌంట్‌ టవర్‌ హోటల్స్‌ అండ్‌ రెసిడెన్సెస్‌లో 35వ అంతస్తు వరకు హోటల్‌ ఉండగా ఆపై అంతస్తుల్లో నివాస ఫ్లాట్లు ఉన్నాయి. అందులో 5801 నంబర్‌ ఫ్లాట్‌ శ్రవణ్‌రావుకు సంబంధించింది. దీనిని రెంటల్‌ ఏజెన్సీకి లీజుకు ఇచ్చారు. ఒప్పందం ప్రకారం ఏడాదిలో ఒక నెల పాటు యజమాని ఆ ఫ్లాట్‌ను ఉచితంగా వాడుకోవచ్చు. అంతకు మించితే నిర్వహణ ఖర్చులు చెల్లించాల్సి ఉంటుంది. ఈ క్రమంలో ఫిబ్రవరి 27 నుంచి ఏప్రిల్‌ 27 వరకు రెండు నెలల పాటు ఫ్లాట్‌ను ఉపయోగించుకున్న శ్రవణ్‌రావు ఒక నెల ఉచితంగా, మరో నెల కేవలం నిర్వహణ ఖర్చులు చెల్లించినట్టు తేలింది. టవర్‌ సెక్యూరిటీ నిబంధనల ప్రకారం.. యజమానులు సహా ఎవరు ఫ్లాట్‌లోకి వెళ్లాలన్నా ఆధారపూర్వక వివరాలు ఇవ్వాలి. ఆ వివరాల మేరకు ఫిబ్రవరి 27 నుంచి ఏప్రిల్‌ 27 వరకు శ్రవణ్‌రావు, చాణక్య, మరో నలుగురు ఫ్లాట్‌లోనే ఉన్నారని తేలినట్టు సమాచారం. ఏపీ లిక్కర్‌ స్కామ్‌తో దుబాయ్‌ ఫ్లాట్‌కు లింకులు బయటపడటంతో జగన్, కేసీఆర్‌ల రాజకీయ వ్యాపారం బహిర్గతమైందంటున్నారు. ఇప్పటికే తెలంగాణ ఫోన్ ట్యాపింగ్ వ్యవహారానికి సంబంధించి ఏపీసీసీ ప్రెసిడెంట్, జగన్ చెల్లెలు షర్మిల ఫోన్ ట్యాప్ చేసి ఆ వివరాలు జగన్‌కు అందజేసినట్లు ఆరోపణలున్నాయి. ఒకవైపు చూస్తే తెలంగాణ, ఏపీ సీఎంలు రేవంత్‌రెడ్డి, చంద్రబాబునాయుడు రాష్ట్ర ప్రయోజనాలను కాపాడుకుంటూ సమన్వయంతో ముందుకెళ్తున్నారు. వారిద్దరు ఎప్పుడు భేటీ అయినా బీఆర్ఎస్, వైసీపీ వర్గాలు నానా రచ్చ చేస్తూ ఆరోపణలు గుప్పిస్తున్నాయి. ఇలాంటి టైమ్‌లో తమ హయాంలో వైసీపీ, బీఆర్ఎస్ పెద్దలు రాష్ట్ర ప్రయోజనాలను విస్మరించి, చీకటి వ్యవహారాల్లో లాలూచీ పడ్డారని తాజా ఉదంతాలు స్పష్టం చేస్తుండటంతో ఆపార్టీల ప్రతిష్ట మరింత దిగజారుతూ.. తెలుగు ప్రజల ఆగ్రహానికి గురవుతోంది.
ఫోన్ ట్యాపింగ్ నిందితుడి ఫ్లాట్లో.... ఏపీ లిక్కర్ స్కాం బాబులు Publish Date: Jul 18, 2025 5:23PM
టీడీపీకి రాజీనామా చేస్తూ అశోక్ గజపతి రాజు భావోద్వేగం

టీడీపీకి రాజీనామా చేస్తూ అశోక్ గజపతి రాజు భావోద్వేగం

  కేంద్ర మాజీ మంత్రి అశోక్ గజపతి రాజు తెలుగు దేశం పార్టీ సభ్యత్వానికి రాజీనామ చేశారు. అలాగే పార్టీ పొలిట్ బ్యూరో పదవికి కూడా రిజైన్ చేశారు.  ఇటీవల రాష్ట్ర పతి ఆయన్ను గోవా గవర్నర్‌గా ఎంపిక చేసిన సంగతి తెలిసిందే. త్వరలోనే గోవా గవర్నర్‌గా బాధ్యతలు చేపట్టబోతున్నట్లు పేర్కొన్నారు. తక్షణమే తన రాజీనామాను ఆమోదించవలసిందిగా ఆయ‌న‌ టీడీపీ అధిష్ఠానాన్ని కోరారు. ఈ మేరకు రాజీనామా లేఖను టీడీపీ జాతీయ అధ్యక్షుడు చంద్రబాబు, రాష్ట్ర అధ్యక్షుడు పల్లా శ్రీనివాసరావులకు పంపించారు. దివంగత మాజీ సీఎం ఎన్టీఆర్ హయాం నుంచి ఇప్పటి వరకు టీడీపీలో పనిచేసేందుకు అవకాశం కల్పించినందుకు ధన్యవాదాలు తెలిపారు. టీడీపీలో ఎన్నో అవకాశాలు అందుకున్నట్లు చెప్పుకొచ్చారు.  ఇన్ని అవకాశాలు కల్పించిన పార్టీకి, సీఎం చంద్రబాబుకు అశోక్ గజపతిరాజు ప్ర‌త్యేకంగా ధన్యవాదాలు తెలిపారు.1978లో జనతా పార్టీ అభ్యర్థిగా ఏపీ శాసనసభకు ఎన్నికయ్యారు. ఎన్టీఆర్ టీడీపీని స్థాపించినప్పటి నుంచి అశోక్‌ గజపతి రాజు పార్టీలో కొనసాగుతున్నారు. 1983లో తెలుగుదేశం పార్టీ నుంచి పోటీ చేసిన అశోక్‌ గజపతిరాజు రెండవసారి శాసన సభకి ఎన్నికయ్యారు. ఆ తర్వాత 1985, 1989, 1994, 1999 ఎన్నికల్లో కూడా విజయనగరం నుంచి విజయం సాధించారు. అయితే, 2004లో అశోక్‌ గజపతిరాజు ఓటమి పాలయ్యారు. కానీ, 2009లో తిరిగి అక్కడి నుంచి పోటీ చేసి విజయం సాధించారు. ఉమ్మడి ఏపీలో మంత్రిగా కూడా పనిచేశారు.  
టీడీపీకి రాజీనామా చేస్తూ అశోక్ గజపతి రాజు భావోద్వేగం Publish Date: Jul 18, 2025 4:46PM
లోకేశ్‌ను క‌ల‌వ‌లేదు..క‌లిస్తే త‌ప్పేంటి : కేటీఆర్

లోకేశ్‌ను క‌ల‌వ‌లేదు..క‌లిస్తే త‌ప్పేంటి : కేటీఆర్

  ఏపీ మంత్రి నారా లోకేశ్‌ను క‌ల‌వ‌లేదు కానీ క‌లిస్తే త‌ప్పేంటి..? అని ముఖ్యమంత్రి రేవంత్ రెడ్డిని బీఆర్ఎస్ వ‌ర్కింగ్ ప్రెసిడెంట్ కేటీఆర్ ప్ర‌శ్నించారు. శుక్రవారం ఖమ్మంలోని దివంగత మాజీ ఎమ్మెల్యే మదన్ లాల్ కుటుంబాన్ని పరామర్శించి  ఖ‌మ్మంలో ఏర్పాటు చేసిన మీడియా సమావేశంలో కేటీఆర్ బీఆర్‌ఎస్ నేతలతో కలిసి మాట్లాడారు. జూబ్లీహిల్స్ ప్రాంతంలో డ‌బ్బున్న మ‌హిళ‌లు మ‌ధ్యాహ్నం కిట్టి పార్టీలు చేసుకుంటుంటారు.  ఆయన కూడా కిట్టి పార్టీ ఆంటీలాగా వ్య‌వ‌హ‌రిస్తున్నాడు. ఎవ‌రో ఎక్క‌డో చెప్పింది విని అదే నిజ‌మ‌నుకుని భ్ర‌మించి, మ‌ళ్లీ ఓ ప‌ది మందిని పోగేసుకుని చిట్ చాట్‌ల పేరిట చిల్లర మాట‌లు మాట్లాడుతున్నాని కేటీఆర్ ఆగ్రహం వ్యక్తం చేశారు.  శ‌వాల మీద పేలాలు ఏరుకోవ‌డం ఏంద‌య్యా..? నాక‌ర్థం కాదు. ఎవ‌డో దుబాయ్‌లో చ‌నిపోతే దాన్ని నాకు అంట‌గ‌ట్ట‌డం ఏంది ఏమ‌న్నా జ్ఞానం ఉందా అని మాజీ మంత్రి ప్రశ్నించారు. నేను అర్ధ‌రాత్రి పోయి లోకేశ్‌ను క‌లిసాన‌ట‌. మేం ఏం జేసిన బాజాప్తా చేస్తాం. బేజాప్తా చేయాల్సిన క‌ర్మ మాకు లేదు. అయినా నాకు తెల్వ‌క అడుగుతా.. క‌ల‌వలేదు కానీ క‌లిస్తే త‌ప్పేంది..? అని రేవంత్‌ను కేటీఆర్ ప్ర‌శ్నించారు. ప‌క్క రాష్ట్రం మంత్రి యువ‌కుడు నాకు త‌మ్ముడి లాంటోడు క‌లిస్తే క‌లుస్తా.. కానీ క‌ల‌వ‌లేదు. దానికేదో ఆయ‌న గొప్ప విష‌యం క‌నిపెట్టిన‌ట్టు. పాల‌న గురించి తెలుసుకోవాలంటే మ‌మ్మ‌ల్నే బీఆర్ఎసోళ్ల‌ను క‌లుస్తారు. దోపిడీ గురించి తెలుసుకోవాలంటే నిన్ను క‌లుస్తారు. ఆయ‌న న‌న్ను క‌లిస్తే నీకేం ఇబ్బంది. నీకేం బాధ అయితుంది. ఈ చిల్ల‌ర మాట‌ల‌తోని ఎన్నిరోజులు టైం పాస్ చేస్త‌వ్. ఎన్ని రోజులు ప్ర‌జ‌ల‌ను ఆగం చేసే ప్ర‌య‌త్నం చేస్త‌వ్ అని ముఖ్యమంత్రి కేటీఆర్ మండిపడ్డారు.  
లోకేశ్‌ను క‌ల‌వ‌లేదు..క‌లిస్తే త‌ప్పేంటి : కేటీఆర్ Publish Date: Jul 18, 2025 4:18PM
హైదరాబాద్‌లో దంచికొట్టిన వర్షం

హైదరాబాద్‌లో దంచికొట్టిన వర్షం

  హైదరాబాద్‌లో వర్షం దంచికొట్టింది. గచ్చిబౌలి, కొండాపూర్ హైటెక్ సిటీ, జూబిలీహిల్స్, బంజారహిల్స్, యూసఫ్ గూడ, మధురానగర్, అమీర్‌పేట్, సనత్‌నగర్, ఎర్రగడ్డ, ప్రాంతాల్లో ఎడతెరిపి లేకుండా కుండపోత వర్షం కురుస్తోంది. డ్రైనేజీ రోడ్లపై పొంగి పొర్లుతోంది. దీంతో పలు చోట్ల ట్రాఫిక్ ఇబ్బందులు తలెత్తాయి. వాహనదారులు ట్రాఫిక్ జామ్‌లో చిక్కుకొని ఇబ్బందులు పడ్డుతున్నారు. ట్రాఫిక్ పోలీసులు హైడ్రా సిబ్బంది సహాయక చర్యలు చేపట్టారు. తెలంగాణలో రెండు రోజుల పాటు భారీవర్షాలు కురిసే అవకాశం ఉందని హైదరాబాద్‌ వాతావరణ కేంద్రం తెలిపింది. శనివారం వరకు ఉరుములు మెరుపులతో భారీవర్షాలు కురిసే అవకాశం ఉందని పేర్కొన్నాది. శుక్రవారం వరంగల్‌, మహబూబాబాద్‌, యాదాద్రి, ఉమ్మడి నల్గొండ, నాగర్‌కర్నూలు జిల్లాల్లో భారీ వర్షాలు కురిసే అవకాశం ఉందని పేర్కొంది. శనివారం హనుమకొండ, వరంగల్‌, రంగారెడ్డి, మహబూబ్‌నగర్‌, నాగర్‌కర్నూల్‌ జిల్లాల్లో భారీవర్షాలు పడే అవకాశం ఉందని తెలిపింది.
హైదరాబాద్‌లో దంచికొట్టిన వర్షం Publish Date: Jul 18, 2025 3:43PM
పెద్దారెడ్డిని స్వగ్రామంలో హౌస్ అరెస్ట్ చేసిన పోలీసులు

పెద్దారెడ్డిని స్వగ్రామంలో హౌస్ అరెస్ట్ చేసిన పోలీసులు

  తాడిపత్రి మాజీ ఎమ్మెల్యే కేతిరెడ్డి పెద్దారెడ్డికి పోలీసులు మరోసారి షాక్ ఇచ్చారు. తాడిపత్రి పర్యటనకు తాజాగా ఆయనకు అనుమతి నిరాకరించారు. వైసీపీ అధిష్టానం పిలుపు మేరకు తాడిపత్రిలో ప్రభుత్వ వ్యతిరేక ఆందోళనల్లో పాల్గొనడానికి సిద్దమైన కేతిరెడ్డి పెద్దారెడ్డికి పోలీసులు నో ఎంట్రీ బోర్డు పెట్టారు. దాంతో నాలుగు రోజుల క్రితం పెద్దారెడ్డి తన పర్యటనను ఎప్పటిలాగే మరోసారి వాయిదా వేసుకోవాల్సి వచ్చింది. ఈ నెల 18న పర్యటనకు ఓకే అన్న అధికారులు పెద్దారెడ్డి స్వగ్రామం తిమ్మనపల్లి చేరుకోగానే హౌస్ అరెస్ట్ చేయడంతో ఆయన ఆగ్రహంతో రోడ్డుపై బైఠాయించడంతో మళ్లీ తాడిపత్రితో ఉద్రిక్త పరిస్థితులు నెలకొన్నాయి. ఆ క్రమంలో తాడిపత్రిలో మరోసారి టెన్షన్ వాతావరణం నెలకొంది.  తాడిపత్రిలో తాజాగా వైసీపీ ‘చంద్రబాబు రీకాలింగ్’ మేనిఫెస్టో కార్యక్రమాన్ని చేపట్టింది. ఈ కార్యక్రమానికి హాజరయ్యేందుకు బయలుదేరిన మాజీ ఎమ్మెల్యే కేతిరెడ్డి పెద్దారెడ్డిని  పోలీసులు అడ్డుకున్నారు. ఎట్టిపరిస్థితుల్లో తాడిపత్రికి వెళ్లేందుకు వీలు లేదని, తాడిపత్రిలో శాంతిభద్రతలకు భంగం వాటిల్లే ప్రమాదం ఉన్నందున తిమ్మంపల్లి నుంచి వెళ్లేందుకు వీలులేదని పోలీసులు స్పష్టం చేశారు. పెద్దారెడ్డి మినహా మిగిలిన వైసీపీ నేతలు సమావేశానికి హాజరుకావొచ్చని పోలీసులు తెలిపారు. అలాగే కేతిరెడ్డిని పోలీసులు హౌజ్ అరెస్ట్ చేశారు. దీంతో మాజీ ఎమ్మెల్యే స్వగ్రామమైన తాడిపత్రి సెగ్మెంట్లోని  తిమ్మంపల్లిలో హైటెన్షన్ వాతావరణం నెలకొంది. హైకోర్టు ఆదేశాలు ఉన్నా ఎందుకు అనుమతించరని పెద్దారెడ్డి ఆగ్రహం వ్యక్తం చేశారు.  ఎన్ని అడ్డంకులు సృష్టించినా తాడిపత్రికి వెళ్లి తీరతానంటూ రోడ్డుపైనే మాజీ ఎమ్మెల్యే బైఠాయించారు. పోలీసుల తీరుపై పెద్దా రెడ్డి తీవ్ర స్థాయిలో మండిపడుతున్నారు. ఆ క్రమంలో వైసీపీ విస్తృతస్థాయి సమావేశం సందర్భంగా తాడిపత్రిలోనూ అటు తిమ్మంపల్లిలోనూ భారీగా పోలీసు బలగాలను మోహరించారు... ఎన్నికల సమయంలో జరిగిన ఘర్షణలతో కేతిరెడ్డి పెద్దారెడ్డి తాడిపత్రిలో అడుగుపెట్టకుండా కోర్టు ఆంక్షలు విధించింది. అయితే తర్వాత హైకోర్టు ఆదేశాలతో సొంత ఇలాకాలోకి వెళ్లేందుకు పెద్దారెడ్డి ప్రయత్నాలు కొనసాగిస్తుంటే.. జేసీ వర్గీయుల తిరుగుబాటుతో పోలీసులు ఎప్పటికప్పుడు పెద్దారెడ్డికి అనుమతి నిరాకరిస్తున్నారు. ఇటీవల వైసీపీ మాజీ ఎమ్మెల్యే కేతిరెడ్డి పెద్దారెడ్డి మరోసారి తాడిపత్రి వెళ్లేందుకు సన్నాహాలు చేసుకుని, పార్టీ పిలుపునిచ్చిన ఆందోళన కార్యక్రమంలో పాల్గొనేందుకు తనకు అనుమతి ఇవ్వాలని పోలీసులను కోరారు. అయితే ఆ రోజు తాడిపత్రిలో మంత్రుల ప్రొగ్రాం ఉందని.. శాంతిభద్రతల సమస్య తలెత్తే ప్రమాదం ఉండటంతో వైసీపీ నేతలు తమ సమావేశాన్ని వాయిదా వేసుకోవాలని పోలీసులు నోటీసులో పేర్కొన్నారు. ఈనెల 18 లేదా ఆ తర్వాత కార్యక్రమం నిర్వహించుకోవచ్చని సూచించారు. పోలీసులు అనుమతి ఇవ్వకపోవడంతో చేసేది ఏమి లేక పెద్దారెడ్డి అప్పుడు వెనుతిరిగారు.  తాజాగా మళ్లీ తాడిపత్రిలో ‘చంద్రబాబు రీకాలింగ్’ కార్యక్రమం చేపట్టడానికి పెద్దారెడ్డి తన స్వగ్రామం తిమ్మంపల్లి చేరుకున్నారు. టీడీపీ నేత జేసీ ప్రభాకర్ రెడ్డి , వైసీపీ నేత కేతిరెడ్డి పెద్దారెడ్డి మధ్య వైరం రోజురోజుకు పెరుగుతూ వస్తోంది. పెద్దారెడ్డి ఎప్పుడు తాడిపత్రి రావడానికి రెడీ అయినా  జేసీ ప్రభాకర్ రెడ్డి వర్గం ఆయన్ని అడ్డుకోవడనికి ఎక్కడికక్కడ  మొహరిస్తోంది. ఈ సారి కూడా అదే సీన్ రిపీట్ అవ్వడంతో పోలీసులు శాంతిభద్రల విఘాతం కలుగుతుందని మరోసారి పెద్దారెడ్డి పర్యటనకు చెక్ పెట్టారు.
పెద్దారెడ్డిని స్వగ్రామంలో హౌస్ అరెస్ట్ చేసిన పోలీసులు Publish Date: Jul 18, 2025 3:03PM

News Videos

See More News Videos
మాజీ సీఎం కుమారుడు అరెస్ట్

మాజీ సీఎం కుమారుడు అరెస్ట్

  చత్తీస్‌గడ్ మాజీ ముఖ్యమంత్రి కాంగ్రెస్‌ సీనియర్ నేత భూపేశ్‌ బఘేల్‌ కుమారుడు చైతన్య బఘేల్‌ను ఈడీ శుక్రవారం అరెస్టు చేసింది. లిక్కర్ స్కామ్ సంబంధించి మనీ లాండరింగ్  కేసులో ఇవాళ తండ్రీకొడుకులిద్దరికీ చెందిన ఆస్తులపై భారీ బందోబస్తు నడుమ అధికారులు సోదాలు నిర్వహించారు. ఛత్తీస్‌గఢ్‌ లిక్కర్ స్కామ్‌లో రాష్ట్ర ఆదాయానికి భారీ నష్టం జరిగిందని ఆరోపణలు ఉన్నాయి. లిక్క‌ర్ స్కామ్‌లో త‌మ‌కు కొత్త ఆధారాలు దొరికినట్లు ఈడీ చెబుతోంది.  అసెంబ్లీ స‌మావేశాల‌కు చివ‌రి రోజు కావ‌డంతో రాజ‌కీయ క‌క్ష‌తో ఈడీ సోదాలు చేప‌డుతున్నార‌ని మాజీ సీఎం భూపేశ్ భ‌గేల్ ఆరోపించారు.మార్చి 10వ తేదీన కూడా చైత‌న్య భ‌గ‌ల్ ఇంట్లో ఈడీ అధికారులు సోదాలు చేప‌ట్టారు. కాగా.. బర్త్‌డే రోజు నాడే చైతన్యను ఈడీ అధికారులు అరెస్టు చేయడం గమనార్హం. దీనిపై ఆయన తండ్రి భూపేశ్‌ స్పందించారు. ‘‘రాష్ట్ర అసెంబ్లీ సమావేశాలకు నేడు చివరి రోజు. అదానీ సంస్థ కోసం చెట్లు కూలుస్తున్న అంశాన్ని మేం లేవనెత్తాం. వెంటనే మా ఇంటికి ఈడీని పంపించారు. నా కుమారుడి పుట్టిన రోజున మంచి బహుమతి ఇచ్చారు’’ అని మాజీ ముఖ్యమంత్రి ఆగ్రహం వ్యక్తం చేశారు. 
మాజీ సీఎం కుమారుడు అరెస్ట్ Publish Date: Jul 18, 2025 2:51PM
మిథున్‌రెడ్డికి సుప్రీం షాక్.. అరెస్ట్‌కు రంగం సిద్దం చేసిన సిట్

మిథున్‌రెడ్డికి సుప్రీం షాక్.. అరెస్ట్‌కు రంగం సిద్దం చేసిన సిట్

  రాజంపేట వైసీపీ ఎంపీ పెద్దిరెడ్డి మిథున్ రెడ్డికి షాక్‌ల మీద షాక్‌లు తగులుతున్నాయి. లిక్కర్ స్కాం కేసులో ఏపీ హైకోర్టు ముందస్తు బెయిల్ పిటీషన్‌ను తిరస్కరించడంతో.. దాన్ని సుప్రీంకోర్టులో సవాల్  చేసిన మిథున్‌రెడ్డికి అక్కడా చుక్కెదురైంది. మరోవైపు మిథున్ రెడ్డిని అరెస్ట్ చేసేందుకు వారెంట్ కోరుతూ విజయవాడ కోర్టులో సిట్ అధికారులు పిటిషన్ దాఖలు చేశారు. త్వరలోనే మిథున్ రెడ్డి అరెస్ట్ అవుతారనే చర్చ జరుగుతోంది. పరారీలో ఉన్న మిథున్‌రెడ్డిని అరెస్ట్ చేసేందుకు సిట్ అధికారులు గాలింపు ముమ్మరం చేశారు. ఈ నేపథ్యంలో వారెంట్ కోరుతూ విజయవాడ కోర్టులో  పిటిషన్ వేశారు.  మిథున్ రెడ్డి వైసీపీ ఎంపీ కావడంతో ఆయన తలదాచుకున్న ప్రాంతాల్లో సోదాలు, అరెస్ట్ చేసేందుకు చట్ట ప్రకారం ముందుకు వెళ్తున్నారు సిట్ అధికారులు.  మిథున్ రెడ్డి దాఖలు చేసిన పిటిషన్ ను విచారించిన సుప్రీం కోర్టు.. మిథున్ రెడ్డికి వ్యతిరేకంగా తీర్పు వెలువరించడం, లొంగిపోవడానికి సమయమిచ్చేందుకు నిరాకరించడంలో ఆయన అరెస్ట్ ఖాయమైంది. లిక్కర్ కేసులో తన ప్రమేయం లేకపోయినా.. రాజకీయ కక్షలో భాగంగా తనను అరెస్ట్ చేయాలని ప్రయత్నిస్తున్నారని మిథున్ రెడ్డి పిటిషన్‌లో పేర్కొన్నారు. విచారణ జరిపిన జస్టిస్ జెబి పార్థివలా, జస్టిస్ మహదేవన్ ధర్మాసనం.. అరెస్ట్ చేయకుండా ఛార్జ్ షీట్ ఎలా దాఖలు చేస్తారని ప్రశ్నించింది. సరెండర్ కావడానికి వారం రోజులు గడువు ఇవ్వాలని మిథున్ రెడ్డి తరఫు న్యాయవాది అభిషేక్ సింఘ్వీ ధర్మాసనాన్ని కోరగా.. దానికి సుప్రీం కోర్టు నిరాకరించింది. తాజాగా సిట్ అధికారులు మిథున్ రెడ్డిని అరెస్ట్ చేసేందుకు వారెంట్ కోరుతూ విజయవాడ కోర్టులో పిటిషన్ దాఖలు చేయడం రాష్ట్ర రాజకీయాల్లో చర్చనీయాంశమైంది.
మిథున్‌రెడ్డికి సుప్రీం షాక్.. అరెస్ట్‌కు రంగం సిద్దం చేసిన సిట్ Publish Date: Jul 18, 2025 2:27PM
కవితక్క కథకళీ!

కవితక్క కథకళీ!

ఈ మ‌ధ్య క‌విత‌క్క కొత్త క‌థ మొద‌లు పెట్టారు. అదేంటంటే.. కాంగ్రెస్ తీసుకొచ్చిన బీసీ ఆర్డినెన్స్ బాగుంద‌ని..  బీఆర్ఎస్ కూడా త‌న దారికి రావ‌ల్సిందేనంటున్నారు. నిజానికి.. క‌విత ఇలా ఎందుకు అనాల్సి వ‌చ్చిదంటే.. ఆమెపై కావ‌చ్చు, ఆమె కుటుంబ స‌భ్యుల‌పై కావ‌చ్చు వ‌రుస పెట్టున న‌మోద‌వుతున్న కేసుల మోత అలాంటిది. తాజాగా చూస్తే హెచ్ సీ ఏలోనూ కవిత‌క్క హ‌స్త‌ముంద‌ని అంటున్నారు. అంత‌గా ఆమె, ఆమె కుటుంబ స‌భ్యుల అవినీతి  బాగోతం రాష్ట్ర వ్యాప్తంగా న‌లు మూల‌లా విస్త‌రించింద‌ని చెబ‌తారు. మొన్న అరెస్ట‌యిన జ‌గ‌న్మోహ‌న రావు మ‌రెవ‌రో కారు.. హ‌రీష్ రావు కి సోద‌రుడి వ‌రుస అవుతారు. అంటే క‌విత‌కు బావ వ‌రుస‌. ఈ లెక్క‌న చూస్తే ఇందు గ‌ల‌దు అందు లేద‌న్న సందేహంబు వ‌ల‌దు- క‌ల్వ‌కుంట్ల వారి అవినీతి క‌థ‌.. ఎందెందు చూసిన అందందే క‌ల‌ద‌న్న మాట వినిపిస్తోంది. దీంతో క‌విత‌క్క కాంగ్రెస్ రాగం అందుకున్నారు. అందుకు బీసీ తాళం ఎంచుకున్నారు. తద్వారా  ఛాన్స్ దొరికిన‌పుడ‌ల్లా కాంగ్రెస్ కి తాన తందాన అన‌డానికి చిడ‌త‌లు సిద్ధం చేసుకున్నార‌ని స‌మాచారం. మొన్న‌టి వ‌ర‌కూ ప్రో బీఆర్ఎస్ రాగం ఆల‌పించిన క‌విత‌క్క కొత్త‌గా ఈ కాంగ్రెస్ రాగ‌మాలిక అందుకోవ‌డం వెనుక ఉన్న అస‌లు కథ ఇదీ.  ఎందుకంటే బీఆర్ఎస్ హయాంలో  చేసిన అవినీతి తెలంగాణ నాలుగు చెరగులా విస్త‌రించిన విష‌యం తెలిసిందే. స్వ‌యానా సొంత పార్టీయే ఆమెను సింగ‌రేణి కార్మిక సంఘం గౌరవాధ్యక్షురాలి పదవి నుంచి తొల‌గించింది. ఇక బ‌య‌ట సంగ‌తి మాటేంటీ? అన్న‌ది చ‌ర్చ‌నీయాంశంగా మారింది. ఒక ప‌క్క ఢిల్లీ రేంజ్ లో లిక్క‌ర్ కేసు మెడకు ఉచ్చులా త‌గులుకుని క‌నిపిస్తోంది. మ‌రొక ప‌క్క తెలంగాణ‌లోనూ ర‌క‌ర‌కాల కేసులు. తాజాగా హెచ్ సీ ఏ కేసు. ఒక‌టీ రెండు కాదు ఏకంగా 600 కోట్ల రూపాయలకు సంబంధించిన వ్య‌వ‌హార‌మిది. ఇందులో కేటీఆర్ బావ‌మ‌రిదికే కాంట్రాక్టులు ఇచ్చిన‌ట్టు తెలుస్తోంది. ఈ దిశ‌గా తెలంగాణ క్రికెట్ అసోసియేష‌న్ సీఐడీకి కంప్ల‌యింట్ చేసింది. దీంతో బీఆర్ఎస్ పెద్ద‌ల‌తో మీకున్న సంబంధ‌మేంట‌న్న కోణంలో అరెస్ట‌యిన జ‌గ‌న్మోహ‌న‌రావును ఆరా తీస్తున్నారు విచార‌ణాధికారులు. బీసీసీఐ ఇచ్చిన 600 కోట్లు ఎటు మ‌ళ్లించార‌ని ప్ర‌శ్నిస్తున్నారు. ఈ కేసు చూస్తుంటే తిరిగి  ఈడీ చేతుల్లోకి వెళ్లేలా క‌నిపిస్తోంది.  ఇక్క‌డ కూడా క‌విత‌క్క హ‌స్త‌మున‌న‌ట్టుగా స‌మాచారం.  ఇన్నేసి  కేసుల్లో పీక‌లోతు ఇరుక్కోవ‌డంతోనే స‌డేన్ గా తెలంగాణ వాదం వినిపించ‌డం, ఆపై బీసీల త‌ర‌ఫు పోరాటాలు.. ఈ నేపథ్యంలోనే కాంగ్రెస్ ఆర్డినెస్ కి  కవిత జైకొట్టి ప్రభుత్వం తన పట్ల ఒకింత సానుకూలంగా వ్యవహరించేలా చూసుకుందాని కవిత భావిస్తున్నట్లు బీఆర్ఎస్ వర్గాలు చెబుతున్నాయి.  ముందు ముందు  ఇంకెన్ని క‌విత‌క్క‌ క‌థ‌క‌ళి నృత్యాలు వెలుగులోకి వ‌స్తాయో ఇప్పుడిప్పుడే చెప్ప‌లేం అంటున్నారు కొంద‌రు.
కవితక్క కథకళీ! Publish Date: Jul 18, 2025 12:38PM
గోదావరి నీటితో ద్వారంపూడి వ్యాపారం.. ప్రభుత్వ ఆదాయానికి పంగనామాలు

గోదావరి నీటితో ద్వారంపూడి వ్యాపారం.. ప్రభుత్వ ఆదాయానికి పంగనామాలు

కాకినాడను తన అక్రమాలకు అడ్డగా మార్చుకుని వైసీపీ హయాంలో మాజీ ఎమ్మెల్యే ద్వారంపూడి చంద్రశేఖర్‌రెడ్డి నియంతలా చెలరేగిపోయారు. వైసీపీ ప్రభుత్వంలో గోదావరి జిల్లాల సీఎంగా ద్వారంపూడి చక్రం తిప్పారు. రేషన్ బియ్యం దగ్గర నుంచి డ్రగ్స్ వరకు ఆయన టీమ్ అన్ని రకాల దందాలకు పాల్పడిందన్న ఆరోపణలున్నాయి. ద్వారంపూడి అక్రమాలపై ప్రస్తుత డిప్యూటీ సీఎం పవన్ కళ్యాణ్ ఎన్నికల ముందే ధ్వజమెత్తారు. సదరు ద్వారంపూడి అక్రమార్జనలో గోదావరి నీటిని కూడా వదలలేదన్న ఉదంతం తాజాగా వెలుగులోకి వచ్చింది.  కాకినాడ సిటీ  మాజీ ఎమ్మెల్యే, వైసీపీ నాయకుడు  ద్వారంపూడి చంద్రశేఖరరెడ్డి ఇప్పటికీ తన తీరుతో అధికారులను ముప్పుతిప్పలు పెట్టి మూడు చెరువు నీళ్లు తాగిస్తున్న చందంగా వ్యవహరిస్తున్నారు  గనులు, గ్రావెల్‌, ఇసుక ఒకటేంటి ఎక్కడపడితే అక్కడ వాలిపోయి ఆనాడు రూ. కోట్లలో వెనకేసుకున్నారు. కాకినాడలో ద్వారంపూడి చాలా కాలంగా నీళ్ల వ్యాపారం చేస్తున్నారు. కాకినాడ పోర్టుకు వచ్చే నౌకలకు నీళ్లు విక్రయిస్తూ రూ.కోట్లు సంపాదిస్తున్నారు. కానీ, ప్రభుత్వానికి చెల్లించాల్సిన నీటి బకాయిలు మాత్రం కట్టడం లేదు. పదకొండేళ్ల నుంచీ ఎగవేస్తుండటంతో ఇప్పుడు ఆ బకాయి రూ.13.84కోట్లకు చేరింది. కాకినాడ నగరాన్ని ఆనుకుని ఎరువుల కర్మాగారం, ఆయిల్‌ ఫ్యాక్టరీలు, కాకినాడ సీ పోర్టు ఉన్నాయి. వీటి పారిశ్రామిక అవసరాలకు నీళ్లు అవసరం. బాయిలర్ల కూలింగ్‌ దగ్గర నుంచి గ్రీన్‌ బెల్ట్‌ నిర్వహణ, ఉద్యోగులు, కార్మికుల అవసరాలకు నీళ్లు కావాలి. అలాగే కాకినాడ సీపోర్టులో కార్గో ఎగుమతి దిగుమతుల సందర్భంగా పనిచేసే కార్మికులకు, లోపలకు లారీలు వెళ్లి వచ్చే సమయంలో రేగే ధూళి నియంత్రణ, నిత్యం వచ్చిపోయే నౌకల్లో వివిధ అవసరాలకు నీళ్లు పెద్దఎత్తున అవసరం. ఈ నేపథ్యంలో పారిశ్రామిక, ఓడరేవు అవసరాలు తీర్చేలా జిల్లా పబ్లిక్‌ హెల్త్‌ ఇంజనీరింగ్‌ విభాగం నీటిపారుదలశాఖ ద్వారా గోదావరి నీటిని వివిధ ప్రైవేటు సంస్థలకు పైపులైన్ల ద్వారా కేటాయిస్తోంది. ఈ సంస్థలు నీటిని తీసుకుని వివిధ పరిశ్రమలకు విక్రయించుకుంటాయి. నీటి సరఫరా చేసినందుకు ఈ సంస్థల నుంచి నామ మాత్రపు చార్జీలను ప్రభుత్వం వసూలు చేస్తోంది. ద్వారంపూడి తన తనయ అంజని పేరుతో గోదావరి నీటిని ఎప్పటినుంచో తీసుకుంటున్నారు. అంజనీ ఏజెన్సీస్‌ ప్రైవేటు లిమిటెడ్‌ పేరుతో నిత్యం 0.25ఎంజీడీ నీటిని పైపులైన్ల ద్వారా తీసుకుంటున్నారు. ఈ నీటిని కాకినాడ పోర్టుకు సమీపంలోని శ్రీ విద్యా కాలనీలో శుద్ధి చేస్తున్నారు. ఇందుకోసం నీటి శుద్ధి ప్లాంట్‌ ఏర్పాటు చేశారు. ఇక్కడ శుద్ధి చేసిన నీటిని ద్వారంపూడి కాకినాడ సీపోర్టు, అందులోకి వచ్చే నౌకలకు విక్రయిస్తున్నారు. ద్వారంపూడి కంపెనీ తరహాలోనే నీళ్ల వ్యాపారం చేస్తున్న తక్కిన కంపెనీలు దాదాపుగా బాకీలు చెల్లిస్తున్నాయి. నాగార్జున ఎరువుల కర్మాగారం ప్రభుత్వానికి రూ.1.47కోట్లు బాకీ ఉంది. నోటీసులు జారీ చేయడంతో బాకీలు చెల్లించడానికి ఆ కంపెనీ ముందుకు వచ్చింది. కానీ సదరు ద్వారంపూడి మాత్రం తననెవరూ ఏం చేయలేరనే ధీమాతో వ్యవహరిస్తున్నారు. ఇటీవల అధికారులు నీటి చార్జీల ఎగవేత గుర్తించి తక్షణం బాకీలు చెల్లించాలని గత నెల 27న నోటీసులు జారీ చేశారు. ద్వారంపూడికి 14రోజులు గడువు ఇచ్చారు. ఈ గడువు ఇప్పటికే ముగిసిపోయింది. కానీ ద్వారంపూడి కంపెనీ నుంచి మాత్రం చలనం లేదు. ఇదిలాఉంటే బాకీలు చెల్లించని నేపథ్యంలో ఈ కంపెనీకి గోదావరి ముడి నీటి సరఫరా నిలిపివేయాల్సి ఉన్నా కనీసం ఆ దిశగా నిర్ణయం తీసుకోకపోవడం గమనార్హం. ప్రభుత్వం నుంచి ద్వారంపూడి కంపెనీ నీటిని లీటరు రూ.10 చొప్పున కొనుగోలు చేస్తోంది. అదే నీటిని శుద్ధి చేసి రూ.30 చొప్పున పోర్టు, నౌకలు, వివిధ పరిశ్రమలకు విక్రయిస్తున్నారు. ఇలా సరఫరా చేసినందుకు ఎప్పటికప్పుడు ఆయా కంపెనీల నుంచి ఠంచనుగా తమకు రావాల్సిన డబ్బులను వసూలు చేస్తూ ద్వారంపూడి ఏటా కోట్లలో సంపాదిస్తున్నారు. కానీ ప్రభుత్వం నుంచి తీసుకుంటున్న గోదావరి నీటికి మాత్రం అసలు చార్జీలే చెల్లించడం లేదు. 2014, ఏప్రిల్‌ 18 నుంచి 2025, మే 31 వరకు ఒక్క పైసా కూడా ప్రభుత్వానికి కట్టకుండా నీళ్ల దందా కొనసాగిస్తున్నారు. ఏడాదికి రూ.1.24కోట్ల చొప్పున 11ఏళ్లపాటు ద్వారంపూడి కంపెనీ చెల్లించాల్సిన బాకీలు పేరుకుపోయాయి.
గోదావరి నీటితో ద్వారంపూడి వ్యాపారం.. ప్రభుత్వ ఆదాయానికి పంగనామాలు Publish Date: Jul 18, 2025 12:23PM
జగన్ జనంలోకి.. మళ్లీ వాయిదా.. ఎందుకంటే?

జగన్ జనంలోకి.. మళ్లీ వాయిదా.. ఎందుకంటే?

ఆంధ్రప్రదేశ్  మాజీ ముఖ్యమంత్రి, పులివెందుల ఎమ్మెల్యే వైఎస్ జగన్ మోహన్ రెడ్డికి ఇప్పటికి తత్వం బోధపడిందా? జనం  మూడ్ అవగతమైందా? అందుకే జనంలోకి రావాలన్న తన కార్యక్రమాన్ని వాయిదాల మీద వాయిదాలు వేసుకుంటూ వస్తున్నారా? అంటే పరిశీలకులు మాత్రమే కాదు.. వైసీపీ నేతలు సైతం ఔననే అంటున్నారు.  రాష్ట్రంలో అధికారంలో ఉన్న తెలుగుదేశం కూటమి ప్రభుత్వంపై విమర్శలతో జనంలోకి వెడితే ఆబోరు దక్కదన్న విషయం అర్ధమవ్వడంతోనే జగన్ తన జిల్లాల పర్యటనలను వాయిదాల మీద వాయిదాలు వేస్తూ వస్తున్నారని అంటున్నారు. రాష్ట్రంలో అధికారం కోల్పోయిన తరువాత జగన్ చాలా వరకూ బెంగళూరు ప్యాలెస్ కే పరిమితమైన సంగతి తెలిసిందే. అడపాదడపా చుట్టపు చూపుగా మాత్రమే రాష్ట్రానికి వచ్చి పరామర్శ యాత్రల పేరుతో పబ్బం గడుపుకుంటున్నారు. ఇప్పటికే జగన్ జనంలోకి వస్తున్నానంటూ ప్రకటించిన రెండు మూడు ముహూర్తాలూ వాయిదా పడ్డాయి. తాజాగా వచ్చే ఏడాది వైఎస్ రాజశేఖరరెడ్డి జయంతి నాటి నుంచీ తాను ఇక జనంలోనే ఉంటానని ప్రకటించేశారు. అయితే ఆ ప్రోగ్రాం కూడా వాయిదాపడిందని వైసీపీ వర్గాలే చెబుతున్నాయి. అయితే ఈ వాయిదా గురించి వైసీపీ నుంచి ఎటువంటి అధికారిక ప్రకటనా రాకపోయినప్పటికీ.. జగన్ కు సన్నిహితంగా ఉండే నేతలు ఆఫ్ ది రికార్డ్ అంటూ.. జగన్ వచ్చే ఏడాది కూడా జనంలోకి వచ్చే అవకాశాలు లేవని అంటున్నారు.  అధకార తెలుగుదేశం కూటమి ప్రభుత్వంపై ప్రజలలో ఇసుమంతైనా వ్యతిరేకత కానరావడం లేదనీ, పైపెచ్చు జగన్ పరామర్శ యాత్రలకు జనం నుంచి స్పందన కరవవ్వడం, ఆ యాత్రలకు జనసమీకరణ సైతం కష్టంగా మారడంతో జగన్ తన జనంలోకి కార్యక్రమాన్ని నిరవధికంగా వాయిదా వేసుకున్నారని చెబుతున్నారు. ప్రజలలో ప్రస్తుత ప్రభుత్వంపై వ్యతిరేకత లేని సమయంలో జనంలోకి వచ్చి సర్కార్ పై విమర్శలు చేయడం వల్ల ఈ మాత్రంగా ఉన్న పరపతి కూడా పలుచన అవుతుందన్న ఉద్దేశంతోనే జగన్ జనంలోకి కార్యక్రమాన్ని చేపట్టడం లేదని అంటున్నారు. అయితే ఆయన జనంలోకి కచ్చితంగా వస్తారనీ, అయితే ప్రభుత్వంపై ప్రజా వ్యతిరేకత పెరిగిన తరువాత ఆ కార్యక్రమం ఉంటుందనీ చెబుతున్నారు.    
జగన్ జనంలోకి.. మళ్లీ వాయిదా.. ఎందుకంటే? Publish Date: Jul 18, 2025 10:01AM
రూ.2400 కోట్లు.. ఇద్దరు టెకీలకు మెటా మెగా ఆఫర్

రూ.2400 కోట్లు.. ఇద్దరు టెకీలకు మెటా మెగా ఆఫర్

ఆర్టిఫిషియల్ ఇంటెలిజెన్స్ (ఏఐ) ఉద్యోగాల కోతకు కారణమౌతుందంటూ ఒక వైపు ఆందోళన వ్యక్తం అవుతుంటే.. మరో వైపు ప్రతిభావంతుల కోసం టెక్ దిగ్జజాలు కాగడా పెట్టి గాలిస్తున్నాయి. అలా ప్రతిభావంతులకు అనూహ్య స్ధాయి వేతనాలతో కొలువులోకి తీసుకుంటున్నాయి. ఒక వైపు మెక్రోసాఫ్ట్ వంటి సంస్థలు ఉద్యోగాల కోతతో సాఫ్ట్ వేర్ ఇంజనీర్లలో ఆందోళన వ్యక్తం అవుతున్న సమయంలోనే.. ప్రతిభ ఉంటే కొలువులు వెతుక్కుంటూ కాళ్ల దగ్గరకు వస్తున్న సంఘటనలూ చోటు చేసుకుంటున్నాయి. తాజాగా గ్లోబల్ టెక్ దిగ్గజం మెటా ఇద్దరు ఏఐ ఇంజినీర్లను గతంలో ఎన్నడూ లేనంత రికార్డు స్థాయి వేతనాల ఆఫర్ చేసి మరీ కొలువులోకి తీసుకుంది.  ట్రాపిట్ బన్సల్‌ , రూమింగ్ పాంగ్‌ అనే ఇద్దరు ఏఐ  ఇంజనీర్లు మెటాలో రికార్డు స్థాయి వేతనాలతో ఉద్యోగులుగా చేరారు.  ఈ ఇరువురూ కూడా భారత సంతతికి చెందిన టెక్ నిపుణులే కావడం విశేషం. మెటా  తన సూపర్ ఇంటెలిజెన్స్ ల్యాబ్స్ అనే కొత్త విభాగంలో పని చేసేందుకు భారత సంతతికి చెందిన   ఇద్దరు సాఫ్ట్ వేర్ ఇంజినీర్లకు ఏకంగా 2400 కోట్ల రూపాయలు వెచ్చించి మరీ ఉద్యోగాలిచ్చింది. వీరిలో ట్రాపిట్ బన్సల్‌కు   ఎనిమిది వందల కోట్ల రూపాయల భారీ ఆఫర్ తో మెటాలో చేరారు.  అలాగే  రూమింగ్ పాంగ్ అనే మరో ఏఐ నిపుణుడిని అయితే  రూ.1600 కోట్ల రూపాయల వేతనంతో కొలువులోకి తీసుకుంది.  అంటే ఇద్దరు ఐటీ నిపుణులకు ఏకంగా 2400 కోట్ల  రూపాయలు వెచ్చించింది.   భారతీయ మూలాలున్న ట్రాపిట్ బన్సల్, ఐఐటీ కాన్పూర్‌లో గ్రాడ్యుయేషన్ పూర్తిచేసి . 2022లో ఓపెన్ ఏఐలో చేరారు. రీఇన్‌ఫోర్స్‌మెంట్ లెర్నింగ్, రీజనింగ్ మోడల్స్ అభివృద్ధిలో  లక పాత్ర పోషించారు. ముఖ్యంగా ఓపెన్ఏఐలో ‘O1’ అనే రీజనింగ్ మోడల్‌ డెవలప్‌మెంట్‌లో కీలక భాగస్వామిగా ఉన్నారు. ఇక రూమింగ్ పాంగ్ అయితే యాపిల్‌ కంపెనీ నుంచి వచ్చి మోటాలో చేరారు. యాపిల్ లో   అత్యాధునిక ఏఐ సిస్టమ్‌ల డెవలప్ మెంట్ లో చాలా కీలకంగా వ్యవహరించారు.  
రూ.2400 కోట్లు.. ఇద్దరు టెకీలకు మెటా మెగా ఆఫర్ Publish Date: Jul 18, 2025 9:39AM
నేటికాలం అమ్మాయిలు వివాహానికి దూరంగా ఉండాలని అనుకుంటున్నారు ఎందుకంటే..!

నేటికాలం అమ్మాయిలు వివాహానికి దూరంగా ఉండాలని అనుకుంటున్నారు ఎందుకంటే..!

ఒకప్పటి కాలంలో పెళ్లి అనేది అమ్మాయిల కల. పెళ్లి జరగడం కోసం ఎంతో ఆశగా ఎదురుచూసేవారు.  కానీ నేటికాలంలో అమ్మాయిలు పెళ్లి అంటే విముఖత చూపిస్తున్నారు. ఒకప్పుడు అబ్బాయిలను పెళ్లి చేసుకోరా.. అని కుటుంబ సభ్యులు చాలా బతిమాలేవారు.. ఇప్పుడు అమ్మాయిల విషయంలో అలాంటి పరిస్థితి ఏర్పడింది. చాలామంది అమ్మాయిలు పెళ్లి  చేసుకోవడానికి   వెనుకాడుతున్నారు. కుటుంబ సభ్యులు ఎంత ఒత్తిడి చేసినా సరే.. పెళ్లి అంటే ఆమడ దూరం పారిపోయే అమ్మాయిలు కోకొల్లలు ఉన్నారు నేటికాలంలో..   వివాహం గురించి మహిళల అభిప్రాయాలు మారడానికి చాలా కారణాలు ఉన్నాయి. చాలా మంది అమ్మాయిలు  వివాహం అంటే సందేహం, భయం,  అసౌకర్యం వంటి భావనలకు లోనవుతుంటారు. దీని వెనుక ఒకటి కాదు, అనేక లోతైన సామాజిక,  మానసిక కారణాలు ఉన్నాయి. నేటి అమ్మాయిలు పెళ్లికి ఎందుకు దూరంగా ఉండాలని అనుకుంటున్నారో తెలుసుకుంటే.. స్వాతంత్ర్యం, స్వావలంబన.. కొన్నేళ్ళ కిందటి వరకు ఆడపిల్లలు ఆర్థికంగా తండ్రిపై ఆధారపడి, వివాహం తర్వాత భర్తపై ఆధారపడేవారు. ఆధునిక యుగంలోని అమ్మాయిలు ఆర్థికంగా స్వతంత్రంగా ఉన్నారు.  మంచి కంపెనీలలో పనిచేస్తారు లేదా వ్యాపార మహిళలుగా రాణిస్తుంటారు. ఆదాయం పరంగా కూడా  ఎవరికీ తక్కువ కాదు. అలాంటి  పరిస్థితిలో వారు ఇతరులపై ఆధారపడవలసిన అవసరం లేదు. దీనితో పాటు, మహిళల్లో స్వాతంత్ర్యంగా ఉండాలనే కోరిక కూడా పెరుగుతోంది.  స్వావలంబన ఉన్న మహిళలు వివాహం తర్వాత తమ స్వేచ్ఛకు భంగం కలుగుతుందని భావిస్తారు. ఈ కారణంగా  వివాహం చేసుకోవడానికి వెనుకాడతారు. కెరీర్.. మహిళలు గతంలో కంటే  అక్షరాస్యత పరంగా చాలా మెరుగ్గా ఉన్నారు. అబ్బాయిలతో సమానంగా చదువుకుంటున్నారు.  వారి కంటే మెరుగ్గా సంపాదిస్తున్నారు కూడా.  వారు తమ కెరీర్ లో కూడా విజయం సాధించాలని కోరుకుంటారు. చాలా మంది అమ్మాయిలు ముందుగా తమ కెరీర్ ను నిర్మించుకోవాలని కోరుకుంటారు. వారు వివాహాన్ని ఒక విరామం లేదా బాధ్యతగా చూస్తారు. కానీ కొంతమంది వివాహం కారణంగా తమ కెరీర్ ను వదిలేసే సందర్భాలు, సంఘటనలు ఉన్నాయి. ఈ కారణంగా  వారు వివాహాన్ని కెరీర్ విజయానికి అడ్డంకిగా కూడా భావిస్తారు. దీని కారణంగా  కెరీర్ లో విజయం సాధించే వరకు వివాహం చేసుకోవాలని అనుకోరు. అమ్మాయిల మొదటి ప్రాధాన్యత కెరీర్ గా ఉండటం దీనికి కారణం. బంధాలు తెగిపోవడం, విడాకులు.. నేటికాలంలో ఎంత గొప్పగా వివాహాలు జరుగుతున్నాయో..  అంత తొందరగా గొడవలు, విడాకులు జరుగుతున్నాయి.  తమ చుట్టూ చాలామంది వివాహ బంధంలో వైఫల్యం అవ్వడం, అమ్మాయిలు ఆర్థికంగా పీడింపబడటం,  వివాహం తర్వాత గౌరవం,  ప్రాధాన్యత లభించకపోవడం వంటివి  దగ్గరగా చూసిన అమ్మాయిలు  వివాహం గురించి,  విష సంబంధాల గురించి భయపడతారు. వివాహం తర్వాత అమ్మాయిల పరిస్థితి, భర్తతో గృహ సమస్యలు మొదలైనవి వివాహం తర్వాత వారి సంబంధం కూడా భారంగా మారవచ్చని భావించేలా చేస్తాయి. అటువంటి పరిస్థితిలో వివాహం చేసుకోకపోవడమే మంచిదని వారు భావిస్తారు. బాధ్యతలు.. వివాహం తర్వాత మహిళల బాధ్యతలు పెరుగుతాయి. ఆమె ఉద్యోగి అయినా లేదా గృహిణి అయినా ఇంటి పనులన్నింటినీ,  కుటుంబ సభ్యులందరి ఇష్టాయిష్టాలను చూసుకోవడం కోడలి విధిగా పరిగణించబడుతుంది. అమ్మాయిలు ఈ సంప్రదాయాన్ని బహిరంగంగా ప్రశ్నిస్తారు. ఇంటి బాధ్యతలన్నీ ఏకపక్షంగా వారి మీద నెట్టడం అమ్మాయిలలో విముఖత కు దారి తీస్తుంది.  వివాహం తర్వాత ఇంటి బాధ్యతలన్నీ కోడలిపైనే ఎందుకు ఉంటాయి అనేది వారి ప్రశ్న? ఈ ఆలోచనకు సరైన సమాధానం లభించనప్పుడు వివాహానికి దూరంగా ఉండటం మంచిదని వారు భావిస్తారు. సామాజిక జోక్యం.. వివాహం తర్వాత అమ్మాయిలు ధరించే దుస్తుల దగ్గర నుండి, వారికి  పిల్లలు ఎప్పుడు పుడతారు అనే విషయం వరకు చాలా విషయాలు అమ్మాయిల స్వేచ్ఛకు ఆటంకం కలిగిస్తాయి. వివాహం తర్వాత ఒక అమ్మాయి జీవితంలో సామాజిక జోక్యం పెరుగుతుంది. వివాహం చేసుకోవడం వల్ల వారి వ్యక్తిగత స్థలం తగ్గుతుందని అమ్మాయిలు భావిస్తారు. అటువంటి పరిస్థితిలో వారు వివాహానికి దూరంగా ఉండటం ప్రారంభిస్తారు.  అలాంటి జోక్యాన్ని నివారించాలని కోరుకుంటారు.                                    *రూపశ్రీ.  
నేటికాలం అమ్మాయిలు వివాహానికి దూరంగా ఉండాలని అనుకుంటున్నారు ఎందుకంటే..! Publish Date: Jul 18, 2025 9:30AM
గులాబ్ జామూన్ లవర్స్ కు షాకింగ్ న్యూస్.. ఈ నిజాలు తెలిస్తే దిమ్మ తిరుగుతుంది..!

గులాబ్ జామూన్ లవర్స్ కు షాకింగ్ న్యూస్.. ఈ నిజాలు తెలిస్తే దిమ్మ తిరుగుతుంది..!

భారతదేశంలో స్వీట్లకు, ముఖ్యంగా గులాబ్ జామున్‌కు ప్రత్యేక ప్రాముఖ్యత ఉంది. అది పండుగ అయినా, పెళ్లి అయినా, ఆఫీస్ పార్టీ అయినా - గులాబ్ జామున్ కనిపించకుండా ఉండదు. పైగా గులాబ్  జామూన్ వండటం కూడా చాలా తేలిక.  దీని కారణంగా చాలామంది గులాబ్ జామూన్ ను చేయడానికి ఇష్టపడతారు.  ఇక దీని రుచి కారణంగా దీనికి విపరీతమైన అబిమానులు ఉన్నారు.  విదేశీయులు సైతం గులాబ్ జామూన్ అంటే పడి చస్తారు. కానీ గులాబ్ జామూన్ గురించి కొన్ని నిజాలు తెలిస్తే దిమ్మ తిరిగిపోతుంది.  అవేంటో తెలుసుకుంటే.. గులాబ్ జామూన్ రుచిగా ఉన్నప్పటికీ ఈ గులాబ్  జామున్‌లో దాగి ఉన్న చక్కెర,  సంతృప్త కొవ్వు స్థాయి నేరుగా  శరీరానికి ఎన్ కౌంటర్ లాంటి చేటు చేస్తుందట.  ఇది ఊబకాయాన్ని పెంచడమే కాకుండా, గుండె జబ్బులు, మధుమేహం,  కాలేయ సంబంధిత సమస్యలను కూడా కలిగిస్తుంది. స్వీట్లు అంటే ఇష్టమే అయినా ఇలా చక్కెర, నూనె ఎక్కువగా వినియోగించి చేసే పదార్థాల విషయంలో చాలా జాగ్రత్త అవసరమని అంటున్నారు ఆహార నిపుణులు, ఆరోగ్య వైద్యులు. తియ్యని రుచి కాదు.. కేలరీల  కొండ.. ఒక చిన్న గులాబ్ జామున్ సగటున 125 నుండి 150 కేలరీలు ఇస్తుందని తెలుసా? చాలా షాకింగ్ గా అనిపిస్తుంది కానీ ఇదే నిజం. ఇందులో దాదాపు 20 గ్రాముల చక్కెర,  5 గ్రాముల కంటే ఎక్కువ సంతృప్త కొవ్వు ఉంటుంది. కేవలం ఒక్క చిన్న గులాబ్ జామూన్ లోనే ఇంత ఉంటే.. ఇక రుచి బాగుందని ఆబగా తినే వారి సంగతి తలచుకుంటే చక్కెర కొండ మింగుతున్నారా అని అనిపిస్తుంది.  రుచి మోజులో శరీరానికి ఎంతో చేటు చేసే పదార్థాలను అవగాహన లేకుండానే అలా పొట్టలోకి పంపేస్తున్నామని చాలామందికి అస్సలు తెలియదు. ఇటువంటి స్వీట్లను నిరంతరం తీసుకోవడం వల్ల శరీరంలో కొవ్వు పేరుకుపోతుంది, జీవక్రియ నెమ్మదిస్తుంది,  వేగంగా బరువు పెరుగుతుంది.  బరువును నియంత్రించుకోవాలనే ఆలోచనలో ఉన్నవారు ఇలా చక్కెర శాతం ఎక్కువగా ఉండే గులాబ్ జామూన్ లాంటి స్వీట్లను అస్సలు తీసుకోకూడదని అంటున్నారు ఆహార నిపుణులు. స్వీట్లు ఈ జనరేషన్ లోనే ఎందుకు చేటు చేస్తున్నాయ్.. కాస్త వివరంగా ఆలోచిస్తే.. గతంలో  అంటే కిందటి తరాల వారికి శారీరక శ్రమ ఎక్కువ ఉండేది. కానీ శారీరక శ్రమ తక్కువగా ఉన్న నేటి జీవనశైలిలో, చక్కెరను అధికంగా తీసుకోవడం శరీరంపై ప్రతికూల ప్రభావాన్ని చూపుతుంది. స్వీట్లు రక్తంలో చక్కెరను అసమతుల్యత చేయడమే కాకుండా ఫ్యాటీ లివర్,  అధిక ట్రైగ్లిజరైడ్లను కూడా కలిగిస్తాయి . ఈ ప్రభావం పిల్లలు,  వృద్ధులలో మరింత ప్రమాదకరం. కాబట్టి, 'రుచి' పేరుతో   ఆరోగ్యాన్ని లైట్ తీసుకోకూడదు. పిల్లలకు, వృద్దులకు చేసే చేటు.. స్వీట్లు తినడం మద్య వయసు వారికే ప్రమాదం అనుకుంటే పొరపాటు. పిల్లలకు, వృద్దులకు ఇది చాలా డేంజర్.. పిల్లల్లో స్వీట్లు ఎక్కువగా తినడం వల్ల ఊబకాయం, దంతక్షయం, హైపర్యాక్టివిటీ వంటి సమస్యలు వస్తాయి. మరోవైపు వృద్ధులలో స్వీట్లు రక్తంలో చక్కెరను పాడు చేస్తాయి.  ఇది మధుమేహం, గుండె జబ్బులు,  మూత్రపిండాల సమస్యలకు దారితీస్తుంది. చాలా సార్లు  "కొంచెం తీపి తింటే ఏమి తేడా ఉంటుంది" అని  లైట్ తీసుకునే వారు ఎక్కువ.  కానీ ఈ చిన్న మొత్తాలు కలిసి శరీరంపై పెద్ద ప్రభావాన్ని చూపుతాయి. భవిష్యత్తులో  ఆరోగ్య సంబంధిత సమస్యలను ఎదుర్కోవాల్సిన అవసరం లేకుండా చిన్నతనం నుండే పిల్లల అలవాట్లకు సరైన దిశానిర్దేశం చేయడం చాలా ముఖ్యం.                                *రూపశ్రీ. గమనిక: ఇది సోషల్ సమాచారం మాత్రమే. కొన్ని అధ్యయనాలు, సంబంధిత నిపుణుల ప్రకారం ఈ వివరాలు అందించాం. వ్యక్తుల ఆరోగ్యాన్ని బట్టి ఫలితాలుంటాయి. వీటిని పాటించేముందు.. సంబంధిత నిపుణుడిని సంప్రదించడం శ్రేయస్కరం. అలాగే, హెల్తీ లైఫ్ స్టైల్, సరైన ఆహారం కూడా తీసుకోవడం మీ ఆరోగ్యానికి ఎంతో మేలు..  
గులాబ్ జామూన్ లవర్స్ కు షాకింగ్ న్యూస్.. ఈ నిజాలు తెలిస్తే దిమ్మ తిరుగుతుంది..! Publish Date: Jul 18, 2025 9:30AM
మహాలక్ష్మికి ‘ఉచిత’ కష్టాలు

మహాలక్ష్మికి ‘ఉచిత’ కష్టాలు

తెలంగాణలో కాంగ్రెస్ ప్రభుత్వం అధికారంలోకి వచ్చి  18 నెలలు పూర్తయింది. ఈ 18 నెలల కాలంలో ఎన్నికల ప్రణాళికలో ప్రకటించిన ఆరు గ్యారెంటీలు, 420 హామీల్లో ఎన్ని అమలు చేసింది.. ఎన్నిటికీ ఎగనామం పెట్టింది? అంటే..  మంత్రులు, కాంగ్రెస్ నాయకులు  బట్టిపట్టిన అప్పగించే పాఠం ఉచిత బస్సు తోనే  మొదలవుతుంది.  కానీ.. గ్యారెంటీలు, హామీలు ఎంతవరకు అమలవుతున్నాయో వాస్తవంలో ఏమి జరుగుతోందో ఎవరికీ తెలియదు. మీడియాలో వస్తున్న కథనాలను బట్టి చూస్తే..  ముఖ్యమంత్రి రేవంత్ రెడ్డి ప్రభుత్వం ఆరు గ్యారెంటీల అమలులో ఆశించిన ఫలితాలు అందుకోవడంలో  ఫెయిల్  అయిందనే అభిప్రాయమే గట్టిగా వినిపిస్తోంది.   ఇతర గ్యారెంటీలు,హామీల విషయం ఎలా ఉన్నా.. రేవంత్ రెడ్డి ప్రభుత్వం అధికారంలోకి వస్తూనే    అత్యంత ఆర్భాటంగా శ్రీకారం చుట్టిన మహాలక్ష్మి ‘ఉచిత’ ప్రయాణం పథకం పై కూడా పెదవి విరుపులే వినిపిస్తున్నాయి. ఆరంభలో ఎలా ఉన్నా.. మెల్లమెల్లగా  ఉచిత బస్సు’ సమస్యలను ఎదుర్కుంటోంది. పథకం ప్రయోజన పొందుతున్న మహిళల్లో సైతం  పెద్ద ఎత్తున  అసంతృప్తి వ్యక్తమవుతోంది. ఇక పురుషుల సంగతి అయితే చెప్పనక్కరలేదు. బస్సులలో రద్దీ పెరిగి, మహిళలతోపాటుగా, పురుష ప్రయాణీకులు ఇబ్బందులు పడుతున్నారు.  ఈ నేపథ్యంలో  ఈథేమ్స్‌ బిజినెస్‌ స్కూల్‌ విద్యార్థులు నిర్వహించిన సర్వేలో ఆసక్తికర విషయాలు వెలుగు చూసాయి. ప్రధానంగా  పథకం ప్రయోజనం పొందుతున్న మహిళల్లోనూ సగం మందికిపైగా అంటే దాదాపు 52 శాతం  మహిళలు నెగిటివ్ మార్కులు వేస్తున్నారు. ఉచిత బస్సు ప్రయాణం ఏమో కానీ.. ఉచిత కష్టాలు  ఎక్కువయ్యాయని మహిళలు అంటున్నారు.   రద్దీకి తగినట్టు బస్సులు లేకపోవడం, సీట్లు దొరకకపోవడం వంటి ఉచిత బస్సు కష్టాలను ఏకరవు పెడుతున్నారు.   అంతే కాదు, సీట్ల కోసం మహిళలు సిగపట్లు కారణంగా ప్రయాణం ఆలస్యం అవుతోందని.. ఫలితంగా పురుషుల దూషణలు భరించవలసి వస్తోందని మహిళలు ఆవేదన వ్యక్తం చేస్తున్నారని సర్వే ఫలితం చెబుతోంది. కాగా ఈథేమ్స్‌ బిజినెస్‌ స్కూల్‌ విద్యార్థులు  43 రోజుల పాటు నిర్వహించిన సర్వేలో 480 మంది మహిళలతో మాట్లాడినట్టు  సర్వేకు సారధ్యం వహించిన అసిస్టెంట్‌ ప్రొఫెసర్లు డాక్టర్‌ సహేరా ఫాతిమా, డాక్టర్‌ నాగలక్ష్మి కుందేటి తెలిపారు. అలాగే.. ఫలితాను విడుదల చేసిన సందర్భంగా వారు.. తప్పుల్ని వెతకడం కాదు..మార్గాలను సూచించడమే మా లక్ష్యం అని పేర్కొన్నారు. ప్రజా రవాణా కోట్లాది మందికి జీవనాధారమనీ.. తెలంగాణ ఆర్టీసీలో రోజుకు 9వేల బస్సులు తిరుగుతుండగా,40 లక్షల మందికిపైగా సేవలు పొందుతున్నారనీ, వీరిలో అధికశాతం మహిళలే ఉన్నారని  పేర్కొన్నారు.  ప్రయాణంలో సీట్లు దొరక్క అసౌకర్యాన్ని ఎదురొంటున్నట్టు 52 శాతం మంది మహిళలు చెప్పారన్నారు.  అలాగే, 23 శాతం మంది మహిళలకు మాత్రమే భద్రతా టూల్స్‌ గురించి తెలుసని సర్వే సిబ్బంది చెప్పారు.ఆర్టీసీ సిబ్బందికి జెండర్‌ సెన్సిటివిటీపై శిక్షణ ఇవ్వాలని కోరారు. కాగా  ఈ సర్వేపై స్పందించిన ఆర్టీసీ ఎండీ వీసీ సజ్జనార్‌, ఈథేమ్స్‌ అధ్యయనాన్ని స్వాగతిస్తున్నా.. సర్వే నివేదిక సూచించిన చాలా అంశాలు ఇప్పటికే అమలు దశలో ఉన్నాయన్నారు. మహిళల భద్రత, గౌరవం పెంపునకు ఆర్టీసీ కట్టుబడి ఉన్నదనీ,  బస్సుల సంఖ్య పెంపు, సిబ్బంది శిక్షణ, హెల్ప్‌లైన్‌లు, సీసీటీవీలు, ట్రాకింగ్‌ యాప్‌లు, షీటీమ్స్‌ సహకారం వంటివి ఉన్నాయన్నారు.  అదలా ఉంటే, నిత్యం బస్సుల్లో ప్రయాణించే ప్రయాణీకులు బస్సుల సంఖ్యను గణనీయంగా పెంచవలసిన అవసరం ఉందనీ..  అదే సమయంలో ఉచితానికి కూడా హద్దులు ఉండాలని సూచిస్తున్నారు. ఆర్థిక స్తోమతను కూడా పరిగణననలోకి తీసుకోవాలని.. అలాగే, మహిళల కోసం ప్రత్యేక ఉచిత బస్సులు నడిపితే..  టికెట్ చార్జీ చెల్లించేందుకు సిద్దమైన మహిళలకు కూడా సౌకర్యంగా ఉంటుందని, సాధారణ ప్రయాణీకులు సూచిస్తున్నారు.
మహాలక్ష్మికి ‘ఉచిత’ కష్టాలు Publish Date: Jul 18, 2025 9:05AM
దక్షిణ కోస్తా, రాయలసీమకు భారీ వర్షాలు

దక్షిణ కోస్తా, రాయలసీమకు భారీ వర్షాలు

తీవ్రమైన ఉక్కపోతతో గత కొన్ని రోజులుగా ఉక్కిరిబిక్కిరి అవుతున్న ఆంధ్రప్రదేశ్ వాసులకు వాతావరణ శాఖ చల్లటి కబురు చెప్పింది.  రాష్ట్రంలోని పలు ప్రాంతాల్లో  శుక్రవారం (జులై 18) భారీ వర్షాలు కురిసే అవకాశం ఉందని పేర్కొంది. ముఖ్యంగా దక్షిణ కోస్తా, రాయలసీమలో భారీ నుంచి అతి భారీ వర్షాలు కురిసే అవకాశం ఉందని వాతావరణ శాఖ హెచ్చరించింది. ఉపరితల ద్రోణికి తోడు రుతుపవనాలు చురుకుగా కదులుతుండటంతో శుక్రవారం దక్షిణ కోస్తా, రాయల సీమలో  భారీ వర్షాలు కురిసే అవకాశం ఉందనీ, వర్షంతో పాటు ఉరుములు, పిడుగులు, ఈదురుగాలు ఉంటాయని పేర్కొంది. ముఖ్యంగా అనంతపురం, సత్యసాయి, కర్నూలు, అలాగే గుంటూరు, ఎన్టీఆర్, పల్నాడు జిల్లాలలో కూడా భారీ వర్షాలు కురుస్తాయని పేర్కొంది.  రాష్ట్రాలలోని ఇతర ప్రాంతాలలో కూడా చెదురుమదురు వానలు కురుస్తాయని పేర్కొంది.  
దక్షిణ కోస్తా, రాయలసీమకు భారీ వర్షాలు Publish Date: Jul 18, 2025 8:45AM
చర్లపల్లి- తిరుపతి మధ్య ప్రత్యేక రైళ్లు

చర్లపల్లి- తిరుపతి మధ్య ప్రత్యేక రైళ్లు

తిరుమల ప్రయాణీకుల కోసం దక్షిణ మధ్య రైల్వే కీలక నిర్ణయం తీసుకుంది. పెరుగుతున్న రద్దీ, ప్రయాణీకుల నుంచి వచ్చిన విజ్ణప్తుల మేరకు తిరుమతికి వివిధ ప్రాంతాల నుంచి 16 ప్రత్యేక రైళ్లను నడపడానికి నిర్ణయించింది.  ఈ రైళ్లు ఈ నెల 25 నుంచి వచ్చే నెల 15 వరకు ప్రతి శుక్రవారం ఎర్నాకుళం పాట్నా మార్గంలో నాలుగు రైళ్లు నడుస్తాయి.  అలాగే జులై 28నుంచి ఆగస్టు 18 వరకు  ప్రతి సోమవారం  పాట్నా-ఎర్నాకుళం మధ్యలో నాలుగు రైళ్లు నడుస్తాయి. ఇక ఆగస్టు 3 నుంచి 24వరకు (ప్రతి ఆదివారం) తిరుపతి - చర్లపల్లి  మార్గంలో నాలుగు రైళ్లు, అలాగే ఆగస్టు 4నుంచి 25వరకు  ప్రతి సోమవారం  చర్లపల్లి - తిరుపతి  మార్గంలో  నాలుగు రైళ్లు నడుస్తాయి.  తిరుమలకు వెళ్లే ప్రయాణీకుల రద్దీ ని తట్టుకునేందుకు ఇవి దోహదపడతాయని భావిస్తున్నారు. 
చర్లపల్లి- తిరుపతి మధ్య ప్రత్యేక రైళ్లు Publish Date: Jul 18, 2025 8:32AM
తిరుమలలో కొనసాగుతున్న భక్తుల రద్దీ

తిరుమలలో కొనసాగుతున్న భక్తుల రద్దీ

గత వారం నుంచి తిరుమలలో భక్తుల రద్దీ కొనసాగుతున్న విషయం తెలిసిందే.  శుక్రవారం (జులై 18)   తిరుమల శ్రీవేంకటేశ్వర స్వామి  దర్శనం కోసం భక్తులు పోటెత్తారు. ఈ క్రమంలో తిరుమలలో భక్తుల రద్దీ కొనసాగుతోంది. టోకెన్లు లేని భక్తులకు శ్రీవారి సర్వ దర్శనానికి 20 గంటలకు పైగా సమయం పడుతోంది. శ్రీవారి దర్శనం కోసం వేచి ఉన్న బక్తులతో కంపార్ట్‌మెంట్లన్నీ నిండిపోయాయి. భక్తుల క్యూలైన్   శిలాతోరణం వరకు సాగింది.  గురువారం (జులై 17) శ్రీవారిని మొత్తం 63,897 మంది భక్తులు దర్శించుకున్నారు.వారిలో  29,500 మంది తలనీలాలు సమర్పించుకున్నారు.   శ్రీవారి హుండీ ఆదాయం రూ.3.66 కోట్లు వచ్చింది. 
తిరుమలలో కొనసాగుతున్న భక్తుల రద్దీ Publish Date: Jul 18, 2025 8:14AM
ఆంధ్రప్రదేశ్‌లో 66 ఏఎంసీలకు ఛైర్మన్లు ఖరారు

ఆంధ్రప్రదేశ్‌లో 66 ఏఎంసీలకు ఛైర్మన్లు ఖరారు

  వ్యవసాయ మార్కెట్ కమిటీ నామినేటెడ్ పదవుల భర్తీకి ముఖ్యమంత్రి చంద్రబాబు గ్రీన్ సిగ్నిల్ ఇచ్చారు. 66 వ్యవసాయ మార్కెట్‌ కమిటీ(ఏఎంసీ)లకు ఛైర్మన్లను ఖరారు చేసింది. వీటిలో 9 చోట్ల జనసేన, 4 చోట్ల బీజేపీ నేతలకు అవకాశం కల్పించారు. 66 ఛైర్మన్‌ పదవుల్లో 17 మంది బీసీలు, 10 ఎస్సీలు ఉన్నారు. ఎస్టీ, మైనార్టీలకు చెందిన వారు ఐదుగురు చొప్పున ఉన్నారు.  మొత్తం 66 ఏఎంసీ ఛైర్మన్‌ పదవుల్లో 35 చోట్ల మహిళలకు అవకాశం కల్పించారు. ఇది వరకే కొన్ని ఏఎంసీలకు ఛైర్మన్లను ఖరారు చేయగా.. తాజాగా మరో 66 మందిని ప్రభుత్వం ప్రకటించింది. అగ్రికల్చర్ మార్కెట్ కమిటీలు రైతులకు వారి ఉత్పత్తులకు సరైన రేటులు అందేలా, మార్కెట్ వ్యవస్థను నియంత్రించేలా పనిచేస్తాయి. ఈ కమిటీలు రైతులకు, వ్యాపారులకు మధ్య వారధిగా ఉంటాయి. కూటమి ప్రభుత్వం ఈ నియామకాల ద్వారా గ్రామీణ ఆర్థిక వ్యవస్థను బలోపేతం చేయడానికి కృషి చేస్తోంది.  
ఆంధ్రప్రదేశ్‌లో 66 ఏఎంసీలకు ఛైర్మన్లు ఖరారు Publish Date: Jul 17, 2025 9:37PM
రాజా సింగ్ రాజీనామా గోషామహల్ ఉప ఎన్నిక అనుమానమే

రాజా సింగ్ రాజీనామా గోషామహల్ ఉప ఎన్నిక అనుమానమే

  గోషామహల్ సిట్టింగ్ ఎమ్మెల్యే రాజా సింగ్ బీజేపీకి రాజీనామ చేసిన  నేపధ్యంలో, జూబ్లీ హిల్స్ నియోజక వర్గంతో పాటుగా గోషామహల్’నియోజక వర్గానికి ఉప ఎన్నిక అనివార్యం అవుతుందన్న వ్యూహగానాలు వినిపిస్తున్నాయి. అయితే, బీజేపీకి రాజీనామా  చేసిన రాజా  సింగ్’ ఇంతవరకు  ఎమ్మెల్యే పదవికి మాత్రం రాజీనామ చేయలేదు. బీజీపీ అధ్యక్షుడికి రాసిన రాజీనామా లేఖను, అసెంబ్లీ స్పీకర్’కు పంపి, తనను అనర్హుడిగా ప్రకటించమని కోరాలని సూచన చేసారు. అయితే, రాజా సింగ్  ప్రతిపాదనను బీజేపీ తిరస్కరించింది. రాజీనామా చేయాలనుకుంటే రాజా సింగ్’  నేరుగా అసెంబ్లీ స్పీకర్’కే టం రాజీనాం లేఖను సంర్పించాలని, బీజేపీ అధికార ప్రతినిధులు స్పష్టం చేసారు. అలాగే, రాజసింగ్’ రాజీనామను తిరస్కరించి సందర్భంలోనూ బీజేపీ అధ్యక్షుడు, అనర్హత వేటు అంశాన్ని ప్రస్తావించలేదు. రాజా సింగ్ పార్టీ కోర్టులోకి కొట్టిన బండిని, బీజేపీ  తిరిగి  ఆయన కోర్టులోకి తిప్పికొట్టింది.  అయితే,పార్టీ ప్రాధమిక సభ్యత్వానికి  రాజా సింగ్ చేసిన రాజీనామాను, పార్టీ జాతీయ అధ్యక్షుడు జేపీ నడ్డా ఆమోదించి వారం రోజులు పైగానే అయింది, అయినా, రాజా సింగ్ ఇంత వరకు ఎమ్మెల్యే పదవికి సంబంధించి పెదవి విప్పలేదు. మూడుసార్లు ఎమ్మెల్యే టికెట్ ఇచ్చినందుకు,పార్టీకి కృతజ్ఞతలు చెప్పారు. బీజేపీకి రాజీనామా చేసినా హిదుత్వ సిద్దాంతాన్ని వదలనని, వేరే పార్టీలో చేరనని  చెప్పారు. కార్యకర్తలకు ఉద్భోదలు చేసారు.,కానీ, ఎమ్మెల్యే పదవికి రాజీనామాకు సంబంధించి మాత్రం ఇంత వరకు మాట్లాడ లేదు. రాజీనామా చేసే సంకేతాలు కూడా కనబడడం లేదు. మరోవంక  బీజేపీ కూడా వత్తిడి చేయడం లేదు. సో... రాజీనామా చేస్తారా ? స్వతంత్ర అభ్యర్ధిగా కొనసాగుతారా, అనేది ఇంకా స్పష్టం కాలేదు. అదొకటి అలా ఉంటే, ఒక వేళ రాజా సింగ్’ స్పీకర్ ఫార్మేట్’లో రాజీనామా సమర్పించినా, స్పీకర్’ను స్వయంగా కలిసి రాజీనామా ఆమోదించమని కోరినా,స్పీకర్’ వెంటనే రాజీనామాను ఆమోదిస్తారా? అంటే, అది కూడా జరగక పోవచ్చని పరిశీలకులు అంటున్నారు. ఇప్పటికే, బీఆర్ఎస్ టికెట్ పై గెలిచిన 10 మంది ఎమ్మెల్యేల అనర్హత విషయం ఎటూ తేలకుండా వుంది. స్పీకర్’ వెంటనే నిర్ణయం తీసుకోవాలని, న్యాయ స్థానాలు సూచించినా, స్పీకర్ ఎలాంటి నిర్ణయం తీసుకోలేదు. ఇప్పడు రాజ్ సింగ్ రాజీనామాను తక్షణం ఆమోదిస్తే, స్పీకర్’, విమర్శలను ఎదుర్కోనవలసి వస్తుంది. అందుకే,  రాజా సింగ్ రాజీనామా చేసినా, స్పీకర్ ఆమోదించక పోవచ్చని పరిశీలకులు అంటున్నారు. ఈ నేపధ్యంలో గోషామహల్ నియోజక వర్గానికి, ఉప ఎన్నిక వచ్చే  అవకాశం ఇంచుమించుగా లేనట్లే అంటున్నారు. ఒక  విధంగా ఇది, రోగి కోరుకున్నది  వైద్యుడు ఇచ్చింది ఒకటే అన్నట్లుగా ఉందని  పరిశీలకులు పేర్కొంటున్నారు.  కారణాలు వేరైనా, ఎవ్వరూ కూడా ఉప ఎన్నికను కోరుకోవడం లేదు. అవును,అటు రాజా సింగ్ ఉప ఎన్నిక కోరుకోవడం లేదు, బీజేపీ పట్టుపట్టే పరిస్థితి లేదు.. అన్నిటికంటే ముఖ్యంగా అంతిమ తీర్పు ఇవ్వవలసిన స్పీకర్, తక్షణ నిర్ణయం తీసుకోక పోవచ్చని అంటున్నారు.అందుకే ..గోషామహల్ ఉప ఎన్నికపై ఆశలు పెట్టుకున్న మాధవీలత గోషామహల్ కాకపోతే జూబ్లీ హిల్స్’ అంటూ అటుగా చూస్తున్నారు. అక్కడైనా ఇక్కడైనా ఎక్కడైనా గెలుస్తా, అసెంబ్లీలో అడుగు పెడతా అంటన్నారు.అయితే ఆమె ఏకపక్షంగా చేస్తున ప్రకటనల విషయంలో ఇప్పటికీ పార్టీలో వ్యతిరేకత వ్యక్త మవుతోంది. నిజానికి, పార్టీ నాయకత్వం కూడా ఇప్పటికే ఆమెను, హెచ్చరించినట్లు చెపుతున్నారు.మాధవీ లత విష్యం ఎలా ఉన్నా, రాజా సింగ్ రాజీనామా, గోషామహల్ ‘  ఉప ఎన్నిక  రెండూ అనుమానమే, అంటున్నారు.
రాజా సింగ్ రాజీనామా గోషామహల్ ఉప ఎన్నిక అనుమానమే Publish Date: Jul 17, 2025 9:21PM
ఢిల్లీలో సీఎం చిట్ ..పటలు

ఢిల్లీలో సీఎం చిట్ ..పటలు

  తెలంగాణ ముఖ్యమంత్రి రేవంత్ రెడ్డి, మరోమారు బీఆర్ఎస్ అధ్యక్షుడు కేసీఆర్,  కార్యనిర్వాహక అధ్యక్షుడు కేటీఆర్ తో పాటుగా, బీజేపీ సీనియర్ నాయకుడు, కేంద్ర మంత్రి కిషన్ రెడ్డి టార్గెట్’గా విమర్శనా అస్త్రాలు సంధించారు. ఢిల్లీ పర్యటనలో ఉన్న ముఖ్యమంత్రి మీడియాతో ఇష్టాగోష్టిగా, మాట్లాడారు. ఈ సందర్భంగా,మాజీ ముఖ్యమంత్రి కేసీఆర్ కుటుంబం కడుపునిండా విషం పెట్టుకుని మాట్లాడుతోందని రేవంత్‌ రెడ్డి విమర్శించారు. కేసీఆర్‌ అసెంబ్లీకి వచ్చి రాష్ట్రప్రభుత్వానికి తగిన సూచనలు ఇవ్వాలని,ఆయన ఇచ్చిన స్వీకరించేందుకు సిద్ధంగా ఉన్నామని స్పష్టం చేశారు. అలాగే, ప్రతిపక్ష నాయకుడిగా కేసీఆర్, రాష్ట్ర ప్రయోజనలసధనకోసం ఢిల్లీ వెళ్లి కేంద్ర ప్రభుత్వంతో సంప్రదింపులు జరపవచ్చని అన్నారు. అలాగే, కేంద్రమంత్రి కిషన్‌రెడ్డి లేఖలు రాయడం కాదని, ప్రణాళికతో ముందుకు రావాలని సూచనలు చేశారు. మాజీ సీఎం కేసీఆర్ ను కాపాడేందుకు కేంద్రమంత్రి కిషన్ రెడ్డి ప్రయత్నిస్తున్నారని ఆరోపించారు. మరోవైపు రాష్ట్ర అభివృద్ధి కోసం కేంద్రంతో, కేంద్ర మంత్రి   కిషన్రెడ్డితో కలిసి పని చేసేందుకు సిద్ధంగా ఉన్నట్లు తెలిపారు. అయితే అదే సమయంలో, మాజీ మంత్రి, బీఆర్ఎస్ కార్యనిర్వాహక అధ్యక్షుడు, కేటీఆర్’కు గట్టిగా చురకలు అంటించారు. ఆయనపై ఘాటైన విమర్శలు చేశారు. ముఖ్యమంత్రి ఢిల్లీ పర్యటనలపై వ్యంగ్య వ్యాఖ్యలు చేసిన, కేటీఆర్’ ను ఉద్దేశించి, రాష్ట్ర సమస్యల పరిష్కారం కోసం ఢిల్లీకి వెళ్లకుండా ఫామ్ హౌస్ కి వెళ్లాలా? అంటూ ఘాటైన కౌంటర్ ఇచ్చారు. అలాగే, కేటీఆర్’ పై,ముఖ్యమంత్రి రేవంత్ రెడ్డి చాలా తీవ్రమైన ఆరోపణలు చేసారు. కేటీఆర్ గంజాయి బ్యాచ్ అని.. అతని చుట్టూ ఉండేవాళ్లు డ్రగ్స్ తీసుకుంటారని ఆరోపించారు. డ్రగ్స్ తీసుకునే కేటీఆర్’తో తానేం మాట్లాడతానని ఎద్దేవా చేశారు. వైట్ ఛాలెంజ్ విసిరితే పారిపోయిన వ్యక్తి కేటీఆర్ అంటూ చురకలు అంటించారు. అలాగే, దుబాయ్‌లో మాజీ మంత్రి కేటీఆర్ స్నేహితుడు కేదార్ డ్రగ్స్ తీసుకుని చనిపోయాడని ఇందుకు సంబంధించిన ఫోరెన్సిక్ రిపోర్టును తెలంగాణకు తెప్పించినట్లు తెలిపారు. ఇదే సందర్భంలో ముఖ్యమంత్రి రేవంత్  రెడ్డి, ఫోన్ ట్యాపింగ్ అంశాన్ని ప్రస్తావించారు. బీఆర్ఎస్ ప్రభుత్వ హయాంలోలాగా తాము ప్రతిపక్ష నేతల ఫోన్లు ట్యాప్ చేయలేదని, చేయబోమని అన్నారు.  మాజీ ముఖ్యమంత్రి కేసీఆర్ హయాంలో ఏం జరిగిందో వారి కుటుంబసభ్యులే బయటికి వచ్చి చెప్తున్నారని ఎద్దేవా చేసారు. అలాగే, కేసీఆర్ కుటుంబ కలహాల అంశాన్ని ముఖ్యమంత్రి వదిలి పెట్టలేదు. ప్రతిపక్షనేత పదవి ఇవ్వాలని కేసీఆర్‌ను ఆయన కుమారుడు, మాజీ మంత్రి కేటీఆర్‌ అడుగుతున్నారని, కేటీఆర్‌ కోరికను కేసీఆర్‌ ఒప్పకోవడం లేదని ముఖ్యమంత్రి అన్నారు. సొంత వివాదాలతోనే కేసీఆర్‌ కుటుంబానికి సరిపోతోందని,కేటీఆర్‌ నాయకత్వాన్ని కవిత ఒప్పుకోవట్లేదని తెలిపారు. ఉభయ తెలుగు రాష్ట్రాల మధ్య రగులుతున్న జల వివాదాలకు సంబంధించి ఢిల్లీలో ఉభయ రాష్ట్రాల ముఖ్యమంత్రుల నడుమ జరిగిన చర్చల విషయాన్ని ప్రస్తావిస్తూ ముఖ్యమంత్రి, రేవంత్ రెడ్డి తుమ్మిడిహట్టి ప్రాజెక్టు కోసం మహారాష్ట్రలో పర్యటిస్తానని తెలిపారు. ముఖ్యమంత్రుల సమావేశంలో మూడు అంశాలు పరిష్కారానికి వచ్చాయని తెలిపారు. బనకచర్ల సహా అన్ని అంశాలపై అధ్యయన కమిటీని వేశామని, కమిటీ పరిష్కరించలేని అంశాలపై ముఖ్య మంత్రుల స్థాయిలో మరో మారు చర్చిస్తామని చెప్పారు.  నదుల అనుసంధానం కోసం కేంద్రం ప్రయత్నిస్తోందని, ఇచ్చంపల్లి నుంచి కావేరికి అనుసంధించాలనే ప్రతిపాదన ఉందని పేర్కొన్నారు. బీసీలకు 42శాతం రిజర్వేషన్ల అమలుపై తమకో వ్యూహం ఉందని రేవంత్ రెడ్డి తెలిపారు. 2018లో కేసీఆర్‌ పంచాయితీ రాజ్‌ చట్టంలో మార్పులు చేశారని, 50శాతం రిజర్వేషన్లు వద్దని చట్టంలో మార్పులు చేశారని, 2014 ముందు 34 శాతం ఉన్న రిజర్వేషన్లను 23 శాతానికి కుదించారని తెలిపారు. రిజర్వేషన్ల కుదింపును సవరిస్తూ ఆర్డినెన్స్ తీసుకొచ్చామని అన్నారు. ఆర్డినెన్సుపై అవగాహన లేకుండా చాలామంది మాట్లాడుతున్నారని ఆరోపించారు. ముస్లిం రిజర్వేషన్లు స్వాతంత్రం వచ్చినప్పటి నుంచే ఉన్నాయని, ముస్లింలకు బీసీ-ఇ గ్రూపులో రిజర్వేషన్లు ఉన్నాయని, బీజేపీ రాష్ట్రాల్లోనూ ముస్లింలకు రిజర్వేషన్లు అమలవుతున్నాయని చెప్పారు. గుజరాత్‌, యూపీ, మహారాష్ట్రలో ముస్లిం రిజర్వేషన్లు ఉన్నాయని గుర్తు చేశారు. బీజేపీ పాలిత రాష్ట్రాల్లో ముస్లిం రిజర్వేషన్లు ఎత్తేసిన తర్వాతే కిషన్‌రెడ్డి మాట్లాడాలని రేవంత్ రెడ్డి సూచించారు.  
ఢిల్లీలో సీఎం చిట్ ..పటలు Publish Date: Jul 17, 2025 9:12PM
కేసీఆర్ చేసిన లుచ్చా పనుల ఫలితమే ఈ లవ్ లెటర్ : బండి సంజయ్

కేసీఆర్ చేసిన లుచ్చా పనుల ఫలితమే ఈ లవ్ లెటర్ : బండి సంజయ్

  బీఆర్ఎస్ పాలనలో నాటి ముఖ్యమంత్రి కేసీఆర్ చేసిన లుచ్చా పనుల ఫలితంగానే ఈరోజు ఫోన్ ట్యాపింగ్ వ్యవహారంలో పోలీసుల నుండి ఈ లవ్ లెటర్ (నోటీసులు) అందుకోవాల్సి వచ్చింది. నాతో పాటు నా కుటుంబ సభ్యుల, వ్యక్తిగత సిబ్బంది ఫోన్లను కూడా ట్యాప్ చేసిన నీచుడు కేసీఆర్. భార్యాభర్తలు పడక గదిలో మాట్లాడుకునే మాటలను కూడా ట్యాప్ చేసి ఎంతో మంది జీవితాలను నాశనం చేసిన దుర్మార్గ కుటుంబం కేసీఆర్ దే. సిట్ పోలీసుల విచారణకు పూర్తిగా సహకరిస్తా. నాకు తెలిసిన, నా దగ్గరున్న సమాచారాన్ని పోలీసులకు అందజేస్తాని కేంద్ర మంత్రి తెలిపారు.
కేసీఆర్ చేసిన లుచ్చా పనుల ఫలితమే ఈ లవ్ లెటర్ : బండి సంజయ్ Publish Date: Jul 17, 2025 8:56PM
క్లైమాక్స్ కు చేరిన ఫోన్ ట్యాపింగ్ వ్యవహారం

క్లైమాక్స్ కు చేరిన ఫోన్ ట్యాపింగ్ వ్యవహారం

  ఫోన్ ట్యాపింగ్ వ్యవహారం క్లైమాక్స్ కు చేరింది. బీఆర్ఎస్ పాలనలో అనేక మంది ప్రముఖుల ఫోన్లు ట్యాప్ అయ్యాయనే అంశంపై విచారణ జరుపుతున్న స్పెషల్ ఇన్వెస్ట్ గేషన్ టీం (సిట్) అధికారులు ఇప్పటికే పలువురు ఎంపీలు, ఎమ్మెల్యేలు, రాజకీయ నాయకులు, ప్రముఖులను విచారణకు పిలిచి స్టేట్ రికార్డ్ చేసిన సంగతి తెలిసిందే.  తాజాగా ఫోన్ ట్యాపింగ్ వ్యవహారాన్ని తొలుత తెరపైకి తీసుకొచ్చిన నాటి బీజేపీ రాష్ట్ర అధ్యక్షులు, ప్రస్తుత కేంద్ర హోంశాఖ సహాయ మంత్రి బండి సంజయ్ కుమార్ కు సిట్ నోటీసులు జారీ చేసింది. బండి సంజయ్ తోపాటు ఆయన పీఆర్వో పసునూరు మధు, పీఏ బోయినిపల్లి ప్రవీణ్ రావు, మాజీ పీఏ పోగుల తిరుపతికి కూడా నోటీసులు అందజేసింది.  ఈనెల 24న ఉదయం 11 గంటలకు విచారణకు హాజరు కావాలని పేర్కొంది. బండి సంజయ్ కేంద్ర మంత్రిగా కొనసాగుతున్నందున ఆయన వద్దకే వచ్చి స్టేట్ మెంట్ ను రికార్డు చేయాలని పోలీసులు నిర్ణయించారు. అందులో భాగంగా బండి సంజయ్ సూచన  మేరకు హైదరాబాద్ లోని దిల్ కుష్ ప్రభుత్వ అతిథి గ్రుహంలో విచారణ జరపాలని పోలీసులు నిర్ణయించారు. బండి సంజయ్ తోపాటు పీఆర్వో పసునూరు మధు, పీఏ బోయినిపల్లి ప్రవీణ్ రావు, మాజీ పీఏ పోగుల తిరుపతి స్టేట్ మెంట్లను కూడా రికార్డు చేసేందుకు సిద్ధమయ్యారు. ఈ మేరకు వీరంతా అదే రోజు విచారణకు సిద్ధంగా ఉండాలని పేర్కొంటూ సిట్ పోలీసులు నోటీసులు జారీ చేశారు. మరోవైపు కొద్దిరోజుల క్రితమే బండి సంజయ్ వ్యక్తిగత డ్రైవర్ రమేశ్ ను సిట్ పోలీసులు విచారణకు పిలిచి స్టేట్ మెంట్ రికార్డు చేసుకున్న సంగతి విదితమే. ఫోన్ ట్యాపింగ్ వ్యవహారాన్ని బయట పెట్టిందే బండి సంజయ్ కేసీఆర్ ప్రభుత్వ హయాంలో ఫోన్లను ట్యాప్ చేస్తున్నారంటూ మొట్టమొదటగా గళం విన్పించిన నేత బండి సంజయ్. బీజేపీ రాష్ట్ర అధ్యక్షుడిగా కొనసాగుతున్న సమయంలో కేసీఆర్ ప్రభుత్వ ప్రజా వ్యతిరేక విధానాలపై బండి సంజయ్ అనేక ఉద్యమాలు, ఆందోళనా కార్యక్రమాలు నిర్వహిస్తూ పాలకులకు కొరకరాని కొయ్యలా మారిన సంగతి విదితమే. ఈ నేపథ్యలో బండి సంజయ్ ను కట్టడి చేయాలని భావించిన నాటి ప్రభుత్వం ఫోన్ ట్యాపింగ్ కు ఒడిగట్టింది. తనను నేరుగా ఎదుర్కొనే దమ్ములేక కేసీఆర్ ప్రభుత్వం తనతోపాటు తన కుటుంబ సభ్యుల, వ్యక్తిగత సిబ్బంది ఫోన్లను ట్యాపింగ్ చేస్తూ నీచానికి ఒడిగడుతోందని 2022లోనే బండి సంజయ్ సంచలన అరోపణలు చేసిన విషయం తెలిసిందే. తనతోపాటు నాటి పీసీసీ అధ్యక్షులు రేవంత్ రెడ్డి సహా జడ్జీల, ప్రతిపక్ష పార్టీల నాయకుల, సినీ తారలతోపాటు బీఆర్ఎస్ పార్టీ నాయకుల ఫోన్లను కూడా కేసీఆర్ ప్రభుత్వం ట్యాప్ చేస్తోందంటూ పలుమార్లు ఆరోపించారు.   ఫోన్ ట్యాపింగ్ ద్వారా సమాచారం ద్వారానే టెన్త్ పేపర్ లీక్ అనే తప్పుడు కేసు బనాయించి అర్ధరాత్రి తన నివాసంపై దాడి చేసి అరెస్ట్ చేశారని బండి సంజయ్ పేరొన్న సంగతి తెలిసిందే. కరీంనగర్ ఎంపీ కార్యాలయంలో 317 జీవోను సవరించాలంటూ చేపట్టిన దీక్ష జరగకుండా నిలువరించేందుకు పోలీసులు  శతవిధాలా ప్రయత్నించి చివరకు టియర్ గ్యాస్ ఆఫీసు గేటు బద్దలు కొట్టి, ఆఫీస్ అద్దాలు ధ్వంసం చేసి బండి సంజయ్ ను, బీజేపీ శ్రేణులను అరెస్ట్ చేసిన సంగతి తెలిసిందే. భార్యాభర్తలు పడక గదిలో మాట్లాడుకునే సంభాషణలను కూడా ట్యాప్ చేసి అనేక మంది జీవితాల్లో చిచ్చు పెట్టిన దుర్మార్గులు కేసీఆర్, కేటీఆర్ అంటూ బండి సంజయ్ అనేక సభల్లో, మీడియా వేదికల ద్వారా ఆరోపించిన విషయం అందరికీ తెలిసిందే.  కాంగ్రెస్ అధికారంలోకి వచ్చాక ఫోన్ ట్యాపింగ్ పై విచారణ చేపడుతున్న సిట్ పోలీస్ వర్గాలు నాడు బండి సంజయ్ చెప్పిందంతా నిజమేనని చెబుతున్నాయి. బీఆర్ఎస్ ప్రభుత్వం తన ప్రత్యర్థులతోపాటు జడ్జీల, సినీ తారల ఫోన్లను కూడా ట్యాప్ చేసిందని, చివరకు బీఆర్ఎస్ నేతల ఫోన్లు కూడా ట్యాప్ కు గురయ్యాయని పేర్కొన్నాయి. ఈ నేపథ్యంలో కేంద్ర మంత్రి హోదాలో బండి సంజయ్ ను ఈనెల 24న సిట్ విచారించడంతోపాటు ఆయన స్టేట్ మెంట్ ను రికార్డ్ చేసేందుకు సిద్ధమైంది. మరోవైపు బండి సంజయ్ సైతం తన వద్ద ఉన్న సమాచారాన్ని సిట్ ముందుంచాలని భావిస్తున్నారు.  
క్లైమాక్స్ కు చేరిన ఫోన్ ట్యాపింగ్ వ్యవహారం Publish Date: Jul 17, 2025 8:39PM
హెచ్‌సీఏపై మనీలాండరింగ్ కేసు

హెచ్‌సీఏపై మనీలాండరింగ్ కేసు

  హైదరాబాద్ క్రికెట్ అసోసియేషన్‌లో జరిగిన అక్రమాలపై ఎన్‌ఫోర్స్‌మెంట్ డైరెక్టరేట్  ఐదుగురిపై కేసులు నమోదు చేసింది.  ఈ కేసులో హెచ్‌సీఏ అధ్యక్షుడు జగన్‌మోహన్ రావు, కోశాధికారి శ్రీనివాసరావు, సీఈఓ సునీల్ కాంటే, శ్రీచక్ర క్రికెట్ క్లబ్ సెక్రటరీ రాజేందర్ యాదవ్, అధ్యక్షురాలు కవిత యాదవ్‌లపై ఆరోపణలు ఉన్నాయి. ఈ కేసు ప్రివెన్షన్ ఆఫ్ మనీ లాండరింగ్ యాక్ట్  సెక్షన్ల కింద నమోదైంది. PMLA సెక్షన్ల కింద కేసులు నమోదు చేశారు.  బీసీసీఐ నుంచి వచ్చిన నిధులలో మనీలాండరింగ్ జరిగినట్లు ఈడీ అనుమానిస్తుంది. హెచ్‌సీఏ అక్రమాల వ్యవహారంలో ఏసీబీ సోదాల సమాచారాన్ని లీక్ చేశారనే ఆరోపణ నేపథ్యంలో ఉప్పల్ సీఎ ఎలక్షన్ రెడ్డిని విధుల నుంచి సస్పెండ్ చేశారు. హెచ్‌సీఏ సెక్రెటరీ దేవరాజ్ కు ఆయన సహకరించినట్టు శాఖాపరమైన విచారణలో వెల్లడయింది. దేవరాజ్ అరెస్ట్ కు కూడా సీఐడీ రంగం సిద్ధం చేస్తున్నట్టు సమాచారం. ఫేక్ పత్రాలతో జగన్మోహన్ రావు శ్రీచక్ర క్రికెట్ క్లబ్ ఏర్పాటు చేసినట్టు సీఐడీ విచారణలో తేలింది. నకిలీ పత్రాల ద్వారానే హెచ్‌సీఏలో ఆయన అధ్యక్షుడిగా పోటీ చేసినట్టు విచారణలో తేలింది. 
హెచ్‌సీఏపై మనీలాండరింగ్ కేసు Publish Date: Jul 17, 2025 7:54PM
హైద‌రాబాద్‌లో భారీ వ‌ర్షం.. పలు ప్రాంతాల‌లో ట్రాఫిక్ జామ్

హైద‌రాబాద్‌లో భారీ వ‌ర్షం.. పలు ప్రాంతాల‌లో ట్రాఫిక్ జామ్

  హైదరాబాద్‌లో పలు  ప్రాంతాల్లో వర్షం మొదలైంది. దీంతో రోడ్లన్నీ జలమయమయ్యాయి. ముఖ్యంగా బంజారాహిల్స్, ఫిలింనగర్, శేరిలింగంపల్లి, చందానగర్ మియాపూర్,  ఈసీఐఎల్‌, సైనిక్‌పురి, మల్కాజ్‌గిరి, సికింద్రాబాద్‌, తిరుమలగిరి, బొల్లారం, బోయిన్‌పల్లి, మారేడ్‌పల్లి, చిలకలగూడ, బేగంపేట, అల్వాల్‌ ప్రాంతాల్లో వర్షం పడింది.  పలుచోట్ల రోడ్లపై నీరు నిలిచిపోవడంతో వాహనదారులు ఇబ్బందులు పడ్డారు. ప్రభుత్వ, ప్రైవేటు కార్యాలయాల నుంచి వచ్చే ఉద్యోగులు అసౌకర్యానికి గురయ్యారు. మరోవైపు వాహనదారులు తీవ్ర ఇక్కట్లు పడుతున్నారు. ఎక్కడికక్కడ ట్రాఫిక్ నిలిచిపోగా.. పలువురు మెట్రో పిల్లర్ల కింద తలదాచుకున్నారు. కాగా, వర్షం నేపథ్యంలో అధికారులను జీహెచ్ఎంసీ అప్రమత్తం చేసింది. వర్షం తగ్గేంత వరకూ ఇళ్ల నుంచి బయటకు రావొద్దని ప్రజలకు జీహెచ్ఎంసీ అధికారులు హెచ్చరించారు.   
హైద‌రాబాద్‌లో భారీ వ‌ర్షం.. పలు ప్రాంతాల‌లో ట్రాఫిక్ జామ్ Publish Date: Jul 17, 2025 7:09PM
టీడీపీకి ఎన్డీఏలో పెరుగుతున్న ప్రాధాన్యత..రెండో గవర్నర్ పదవిపై హామీ

టీడీపీకి ఎన్డీఏలో పెరుగుతున్న ప్రాధాన్యత..రెండో గవర్నర్ పదవిపై హామీ

  ఢిల్లీలో ఏపీ కేంద్రంగా  కీలక రాజకీయ పరిణామాలు చోటు చేసుకుంటున్నాయి. ఎన్డీఏ బలోపేతంలో భాగంగా బీజేపీ అధినాయకత్వం వ్యూహాత్మక నిర్ణయాలు తీసుకుంటున్నట్లు కనిపిస్తోంది.  2029 ఎన్నికల్లో అధికారంలోకి రావడమే లక్ష్యంగా  కీలక పదవుల్లో ఎన్డీఏ భాగస్వామ్య పక్షాలకు ప్రాధాన్యత ఇస్తోంది. ఇప్పటికే టీడీపీ సీనియర్ నేత అశోక్ గజపతి రాజును గోవా గవర్నర్ గా నియమించారు.  ఏపీ సీఎం చంద్రబాబు ఢిల్లీ టూర్ సందర్భంగా జరిగిన చర్చల్లో టీడీపీకి మరో గవర్నర్ పదవితో పాటుగా కేంద్రంలోని కీలక నియామకాల్లోనూ అవకాశం కల్పించాలని నిర్ణయించినట్టు ప్రచారం జరుగుతోంది. ఆ క్రమంలో టీడీపీ మరో సీనియర్ నేతకు గవర్నర్ పదవి ఖాయంగా కనిపిస్తోంది. బీజేపీ అధినాయకత్వం ఎన్డీఏ బలోపేతంలో భాగంగా భాగస్వామ్య పక్షాలకు ప్రాధాన్యత పెంచుతోంది. ఉత్తరాదిన బీజేపీ ఆధిపత్యానికి గండి పడుతుండటంతో దక్షిణాది రాష్ట్రాలపై ఫోకస్ పెడుతున్న కమలనాథులు ఆ రాష్ట్రాలకు ప్రాధాన్యత ఇచ్చే పనిలో పడ్డారంట. త్వరలో బీహార్ .. ఆ తరువాత తమిళనాడు, పశ్చిమ బెంగాల్ అసెంబ్లీ ఎన్నికలు జరగనున్నాయి. ఈ క్రమంలో కాషాయ వ్యూహాత్మక అడుగులు వేస్తున్నారు. టీడీపీకి కేంద్ర కేబినెట్ లో రెండు మంత్రి పదవులు దక్కాయి. తాజాగా టీడీపీ సీనియర్ నేత అశోక్ గజపతి రాజును గోవా గవర్నర్ గా నియమించారు. 2014-2018 మధ్య కాలంలో ఎన్డీఏలో టీడీపీ భాగస్వామిగా ఉన్న సమయంలో గవర్నర్ పదవిపైన హామీ దక్కింది కాని అమలు కాలేదు. ఈ సారి తొలి ఏడాది పూర్తవుతూనే అశోక్ గజపతికి గవర్నర్ పదవి కట్టబెట్టారు. కూటమిలో కీలకంగా ఉన్న టీడీపీకి మరింత  ప్రాధాన్యత కల్పించాలని మరో గవర్నర్ పదవిపై హామీ ఇచ్చినట్లు తెలుస్తోంది. టీడీపీకి మరో గవర్నర్ పదవి దక్కితే చంద్రబాబు ఎవరికి అవకాశం కల్పిస్తారన్న చర్చ జరుగుతోంది. అశోక్ గజపతి రాజు కు అనేక సమీకరణాలు కలిసి వచ్చాయి. ఆయన పార్టీ ఆవి ర్భావం నుంచి ఉన్న నేత కావటంతో పాటు వివాద రహితుడు. ఆయన వర్గానికి చెందిన వారికి ప్రస్తుత కేబినెట్ లో అవకాశం దక్కలేదు. ఉత్తరాంధ్ర ప్రాంతానికి చెందిన నేతగా అశోక్ గజపతి రాజు గవర్నర్ గా బాధ్యతలు చేపట్టనున్నారు. ఇక, బీసీ - ఎస్సీ వర్గాల నుంచి రెండో గవర్నర్ పదవి పైన చర్చ జరుగుతున్నట్లు తెలుస్తోంది. సీనియర్ నేత యనమల రామకృష్ణుడు పేరు సైతం ఈ రేసులో ప్రము ఖంగా  వినిపిస్తున్నా ఆయనకు రాజ్యసభకు అవకాశం కల్పిస్తారంటున్నారు. యనమల సైతం రాజ్యసభకు వెల్లడానికి మొగ్గు చూపుతున్నారంట.  ఆ క్రమంలో రెండో గవర్నర్ పదవి రాయలసీమ కు చెందిన బీసీ నేతకు ఇస్తారనే వాదన వినిపిస్తోంది. రాయలసీమ నుంచి చంద్రబాబుతో కలిసి కాంగ్రెస్ లో పని చేసి.. ఆ తరువాత టీడీపీలో అనేక కీలక పదవులు నిర్వహించిన కేఈ కృష్ణమూర్తి పేరు తెర మీదకు వచ్చినా ఆయన వయోభారం, ఆరోగ్య పరిస్థితి ప్రతికూలంగా మారాయంటున్నారు. ప్రస్తుతం కేఈ కుమారుడు పత్తికొండ టీడీపీ ఎమ్మెల్యేగా కొనసాగుతున్నారు. ఈ సారి గవర్నర్ పదవి బీసీ వర్గానికి ఇవ్వాలని చంద్రబాబు ఆలోచనగా చెబుతున్నారు. ఆ క్రమంలో గవర్నర్ పదవి దక్కించుకునే టీడీపీ సీనియర్ ఎవరన్నదానిపై పార్టీలో విస్తృత చర్చ మొదలైంది. j
టీడీపీకి ఎన్డీఏలో పెరుగుతున్న ప్రాధాన్యత..రెండో గవర్నర్ పదవిపై హామీ Publish Date: Jul 17, 2025 6:29PM
జూబ్లీహిల్స్ నుంచి..నిర్మాత దిల్ రాజు పోటీ?

జూబ్లీహిల్స్ నుంచి..నిర్మాత దిల్ రాజు పోటీ?

  జూబ్లీహిల్స్ ఉప ఎన్నిక బ‌రిలో నిర్మాత‌ దిల్ రాజు దిగుతారా? అంటే అవున‌నే తేలుస్తోంది. ఆల్రెడీ ఆయ‌న ఎఫ్ డీ సీ చైర్మ‌న్ గా ఉన్నారు. తాజాగా ఎమ్మెల్యేగా అసెంబ్లీలోనూ అడుగు పెట్టాల‌ని చూస్తున్న‌ట్టు స‌మాచారం. ఇది బేసిగ్గా బీఆర్ఎస్ సిట్టింగ్ సీటు. మాములుగా అయితే సెంటిమెంటు కొద్దీ మాగంటి గోపీనాథ్ భార్య‌కు ఇక్క‌డి నుంచి టికెట్ ఇవ్వాల్సి ఉంటుంది. కానీ బీఆర్ఎస్ మ‌రో కంటోన్మెంట్ రిజ‌ల్ట్ రిపీట్ కాకుండా.. ర‌క‌ర‌కాల ప‌థ‌క ర‌చ‌న‌లు చేస్తోంది. ఒక స‌మ‌యంలో  కేటీఆర్ స‌తీమ‌ణి శైలిమ పేరు కూడా తెర‌పైకి వ‌చ్చింది. అంత‌కు ముందు విష్ణువ‌ర్ధ‌న్ రెడ్డి, రావుల శ్రీధ‌ర్ రెడ్డి పేర్లు కూడా వెలుగులోకి వ‌చ్చాయి. ఇక కాంగ్రెస్ నుంచి గ‌త  ఎన్నిక‌ల్లో అజ‌రుద్దీన్ పోటీ చేసి ఓడిపోయారు.  త‌న‌కు ఛాన్స్ ఇస్తే మ‌ళ్లీ ప్రూవ్ చేసి చూపిస్తా అంటున్నారు. అయితే, ఆయ‌న ఆశ‌లు ఆశ‌యాలు ఏమంత వ‌ర్క‌వుట్ అవుతున్న‌ట్టు లేవు. దీంతో ఆయ‌న హెచ్ సీ ఏ మీద ప‌డ్డారు. త‌న‌కు హెచ్ సీ ఏ ఛాన్స్ ఇస్తే మంచిగా న‌డిపిస్తానంటున్నారు.కాంగ్రెస్ ఎలాగైనా స‌రే ఈ సీట్ ని గెలిచి తీరాల్సిందేన‌న్న గ‌ట్టి  నిశ్చ‌యంతో ఉన్న‌ట్టు స‌మాచారం. రాష్ట్ర ఇంచార్జ్ మీనాక్షి న‌ట‌రాజ్ త‌న వ్యూహ ప్ర‌తివ్యూహాల‌తో స‌త్తా చాటాల‌ని చూస్తున్నారు. అవ‌స‌ర‌మైతే.. ఈ సీటు త‌ప్ప‌క గెల‌వ‌డానికి ఖ‌మ్మం నుంచి ఒక తెలుగు బాగా మాట్లాడే మైనార్టీనైనా స‌రే ర‌ప్పించాల‌ని చూస్తున్న‌ట్టు తెలుస్తోంది.  ఇక జూబ్లీహిల్స్ బేస్ చేసుకుని.. ఎన్డీఏ కూట‌మి ఇక్క‌డ త‌మ కొత్త అధ్యాయం మొద‌లు పెట్టాల‌ని ట్రై చేస్తోంది. ఇది వ‌ర‌కూ బీజేపీ ఎంపీ మాజీ ఏపీ చీప్ పురంధేశ్వ‌రి.. ఆంధ్ర‌ప్ర‌దేశ్ కూట‌మి ఫ‌లితం ఒక కొత్త రాజ‌కీయ‌ ప్రేర‌ణగా అభివ‌ర్ణించారు. దీంతో ఇక్క‌డ కూట‌మి పార్టీలైన టీడీపీ, జ‌న‌సేన‌, బీజేపీ నుంచి ఎవ‌రైనా బ‌రిలోకి దిగే ఛాన్సుంది.  కూట‌మికి ఇక్క‌డున్న అవ‌కాశాలేంట‌ని చూస్తే.. ఈ ప్రాంతం దాదాపు క‌మ్మ‌వారి కంచుకోట‌. తొలి నుంచీ ఇది టీడీపీ సీటే.  గోపీనాథ్ కూడా టీడీపీ నుంచి బీఆర్ఎస్ కి వెళ్లిన వారే కాబ‌ట్టి.. ఆయ‌న కూడా ఇదే సామాజిక వ‌ర్గం నుంచి వ‌చ్చిన వారు కాబ‌ట్టి.. ఆయ‌న‌లా వ‌రుస‌గా మూడు సార్లు గెలుస్తూ హ్యాట్రిక్ కొట్టారు.  ఇప్పుడు దిల్ రాజు విష‌యానికి వ‌స్తే.. ఇదెలాగూ సినీ ప్ర‌ముఖులు అధికంగా నివ‌సించే ప్రాంతం.. క‌మ్మ- కాపు- రెడ్డి అంద‌రు హీరోల‌తో సినిమాలు తీసే నిర్మాత. ఆ ఇన్ ఫ్లూయెన్స్ ని వ‌ర్క‌వుట్ చేస్తూ.. ఇక్క‌డ పాగా వేయాల‌ని దిల్ రాజు చూస్తున్న‌ట్టు స‌మాచారం. మ‌రి చూడాలి ఈ ర‌స‌వ‌త్త‌ర రాజ‌కీయం ఏ మ‌లుపు తీసుకుంటుందో తేలాల్సి ఉంది.
జూబ్లీహిల్స్ నుంచి..నిర్మాత దిల్ రాజు పోటీ? Publish Date: Jul 17, 2025 6:14PM
రాహుల్ గాంధీ బావపై ఛార్జ్ షీట్ నమోదు చేసిన ఈడీ

రాహుల్ గాంధీ బావపై ఛార్జ్ షీట్ నమోదు చేసిన ఈడీ

  వయనాడ్ కాంగ్రెస్ ఎంపీ  ప్రియాంక గాంధీ భర్త రాబర్ట్ వాద్రాపై  ఎన్‌ఫోర్స్‌మెంట్ డైరెక్టరేట్ ఛార్జిషీట్ దాఖలు చేసింది. ఈ కేసుకు సంబంధించి ఆయనను పలుమార్లు ఈడీ విచారణకు పిలిచి ప్రశ్నించింది. వాద్రాకు చెందిన కంపెనీ 2008లో గురుగ్రామ్‌లోని షికోపూర్‌లో 3.5 ఎకరాల స్థలాన్ని ఓంకారేశ్వర్ ప్రాపర్టీ నుంచి కొనుగోలు చేసింది. దీని విలువ రూ. 7.5 కోట్లు. ఆ తర్వాత వాద్రా కంపెనీ ఆ భూమిని రియల్ ఎస్టేట్ కంపెనీ డీఎల్ఎఫ్‌కు రూ. 58 కోట్లకు విక్రయించింది. ఈ ఒప్పందంపై మనీలాండరింగ్ ఆరోపణలు వచ్చాయి. దీంతో ఈడీ విచారణ జరుగుతోంది. ఈ కేసుకు సంబంధించి 2018లో రాబర్ట్ వాద్రాపై ఎఫ్ఐఆర్ నమోదైంది. వాద్రాతో పాటు నాటి హర్యానా సీఎం భూపేందర్ సింగ్ హుడా, రియాల్టీ సంస్థ డీఎల్ఎఫ్, ఓ ప్రాపర్టీ డీలర్ పేరును ఇందులో ప్రస్తావించారు. ఇందులో అవినీతి, ఫోర్జరీ చీటింగ్ తదితర నేరాలు నమోదయ్యాయి. మరోవైపు రాబర్ట్ వాద్రా మాట్లాడుతు రాజకీయ కుటుంబంలో కావడంతో ఈ ఆరోపణలు వచ్చాయని తెలిపారు. ఈ కేసును ధైర్యంగా ఎదుర్కొంటానని ఆయన వెల్లడించారు.
రాహుల్ గాంధీ బావపై ఛార్జ్ షీట్ నమోదు చేసిన ఈడీ Publish Date: Jul 17, 2025 5:28PM
రాయలసీమకు నీరిచ్చానన్న తృప్తి చాలు : సీఎం చంద్రబాబు

రాయలసీమకు నీరిచ్చానన్న తృప్తి చాలు : సీఎం చంద్రబాబు

  నంద్యాల జిల్లా మల్యాల పంపింగ్ స్టేషన్‌లో హంద్రీనీవా కాలువలకు నీటిని విడుదల చేసిన అనంతరం ముఖ్యమంత్రి చంద్రబాబు మాట్లాడుతు నందికొట్కూరులో ఉండే హంద్రీ-చిత్తూరులోని నీవాని కలపాలి అనుకున్నాప్పుడు అసాధ్యం అన్నారు. ఆ కల కనింది నందమూరి తారక రామారావు అయితే దాన్ని మేము సాకారం చేశామని చంద్రబాబు తెలిపారు.  రాయలసీమ నీరిచ్చానన్న తృప్తి  నాకు చాలు. హంద్రీనీవాతో 6లక్షల ఎకారాలకు నీరు అందుతుంది. సీమ చరిత్రను మార్చాలని హంద్రీనీవా, గాలేరునగరి, తెలుగుగంగకు శ్రీకారం చుట్టింది. ఎన్టీఆరే అని సీఎం చంద్రబాబు తెలిపారు. వైసీపీ ఫేక్ పార్టీ అని ఐదేళ్లలో రూ. 2 వేల కోట్లు కూడా సీమ కోసం జగన్ ఖర్చు చేయలేదని ఆయన తెలిపారు.   వైసీపీ ప్రాజెక్టులను నిర్వీర్యం చేసింది. రాయలసీమ గురించి మాట్లాడే అర్హత ఆపార్టీకి లేదు అని ముఖ్యమంత్రి తెలిపారు. ముఖ్యమంత్రి పని చేసిన వ్యక్తి రౌడిషీటర్లు, గంజాయి బ్యాచ్‌ను పరామర్శించేందుకు వెళ్తారా? ఇలాంటి వారు రాజకీయల్లో ఉండాలా? అని ముఖ్యమంత్రి ప్రశ్నించారు. అన్నదాత కష్టపడి పండించిన మామిడి కాయలను రోడ్లపై తొక్కించారు. ఐదేళ్లలో రాష్ట్రంలో విధ్వంసం సృష్టించారు. రౌడీలు తోక జాడిస్తే కట్ చేస్తాం మీరు ఏం చేసిన నిఘా ఉంచుతాం అని ముఖ్యమంత్రి హెచ్చరించారు. రాయలసీమ కరవు, కష్టాలు, ప్రజల బాధలు నాకు తెలుసు. నేను ఇక్కడే పుట్టాను. ఇక్కడే పెరిగాను. అనంతపురంలో కరవు వస్తే గడ్డి తెచ్చి పశువులను కాపాడిన పార్టీ మాది. రాయదుర్గం ఎడారిగా మారకుండా చర్యలు తీసుకున్నాం. సీమ చరిత్రను తిరగరాయాలని ఎన్టీఆర్‌ తొలిసారి ఆలోచించారు.  హంద్రీనీవా నీరు 550 కి.మీ ప్రవహించి చిత్తూరు, కుప్పం వరకు వెళ్తోంది. ఈ ప్రాజెక్టు ద్వారా 6 లక్షల ఎకరాలకు సాగునీరు అందుతుంది. మల్యాల ద్వారా సుమారు 4 టీఎంసీల నీరు తీసుకెళ్లవచ్చు. కృష్ణగిరి, పత్తికొండ, జీడిపల్లి, పీఏబీఆర్‌, మారాల, గొల్లపల్లి, చెర్లోపల్లి, మదనపల్లె, చిత్తూరుకు నీరిచ్చే అవకాశం వస్తుంది. సమస్య ఎదురైతే సవాలుగా తీసుకొని పనిచేసే మనస్తత్వం నాది.  గత వైసీపీ ప్రభుత్వం పింఛను రూ. వెయ్యికి పెంచేందుకు ఐదేళ్ల సమయం తీసుకుంది. కూటమి ప్రభుత్వం వచ్చాక ఒకేసారి రూ. వెయ్యి పెంచి పింఛను ఇచ్చాం. దివ్యాంగుల పింఛను ఒకేసారి రూ.6 వేలకు పెంచిన ఘనత మాదే. పేదవాడికి అన్నం పెట్టే క్యాంటీన్లు మూసేశారు. మేం వచ్చాక మళ్లీ అధికారంలోకి వచ్చాక 207 అన్న క్యాంటీన్లు ప్రారంభించామని తెలిపారు. రాష్ట్రంలో 21 దేవాలయాల్లో అన్నప్రసాదం ప్రారంభించాం’’ అని చంద్రబాబు అన్నారు.
రాయలసీమకు నీరిచ్చానన్న తృప్తి చాలు : సీఎం చంద్రబాబు Publish Date: Jul 17, 2025 4:32PM
రాజా సింగ్ ఏక్ అకేలా!

రాజా సింగ్ ఏక్ అకేలా!

గోషామహల్ ఎమ్మెల్యే రాజా సింగ్ కరుడుగట్టిన హిదుత్వ వాది. అందులో ఎటువంటి అనుమానం లేదు. ఆ ఇమేజ్ తోనే ఆయన వరసగా మూడు సార్లు  బీజేపీ టికెట్ పై పోటీ చేసి గెలిచారు. మూడు సార్లు బీజేపీ ఎమ్మెల్యే అయినా..  ఎందుకో  ఆయన కమలం పార్టీలో ఇమడ లేక పోయారు. నిజానికి.. రాజాసింగ్  కమల దళంతో కలిసి నడిచిన  పుష్కర కాల ప్రస్థానంలో అనేక మార్లు పార్టీతో, పార్టీ విధానాలతో, పార్టీ నాయకత్వంతో విభేదించారు. పార్టీ నుంచి ఒకటి రెండు సార్లు సార్లు   సస్పెండ్ కూడా అయ్యారు. అయినా 2023 అసెంబ్లీ ఎన్నికలకు ముందు అప్పటి బీజేపే రాష్ట్ర అధ్యక్షుడు బండి సంజయ్ చొరవతో పార్టీ కేంద్ర నాయకత్వం సస్పెన్షన్ ఎత్తేసి  గోషామహల్ టికెట్ మళ్ళీ ఆయనకే ఇచ్చింది. రాజా సింగ్ మళ్ళీ గెలిచారు. హ్యాట్రిక్ సాధించారు. అయినా ఆయనలో మార్పు రాలేదు. కథ మొదటికి వచ్చింది. చివరకు బీజేపీ రాష్ట్ర అధ్యక్ష ఎన్నిక సందర్భంగా..  తనకు పోటీచేసే అవకాశం ఇవ్వలేదని ఆరోపించి, పార్టీకి రాజీనామా చేశారు. మీకో దండం.. పార్టీకో దండం అంటూ రాజీనామా లేఖ అప్పటి బీజేపీ రాష్ట్ర అధ్యక్షుడు కిషన్ రెడ్డికి ఇచ్చేశారు. ఆయన ఆ రాజీనామా లేఖను బీజేపీ జాతీయ అధ్యక్షుడు జేపీ నడ్డాకు పంపించడం, ఆయన ఆమోదించేయడం చకచకా జరిగిపోయాయి.  ఒక విధంగా ఇది రాజా సింగ్  ఉహించని పరిణామం. నిజానికి జాతీయ స్థాయిలోనూ హిందుత్వ వాదిగా మంచి గుర్తింపు ఉన్న రాజా సింగ్  విషయంలో బీజేపీ అధినాయకత్వం ఇంత వేగంగా ఇంతటి కఠిన నిర్ణయాన్ని తీసుకుంటుందని రాజే సింగ్’ మాత్రమే కాదు.. ఎవరూ ఉహించలేదు.కానీ..  బీజేపీ జాతీయ నాయకత్వం కనీసం వివరణ అయినా అడగకుండానే రాజాసింగ్ రాజీనామాను ఆమోదించేసింది. దీంతో..  బీజేపీలో రాజాసింగ్ ప్రస్థానం ముగిసింది. ఈ నేపథ్యంలో..  రాజా సింగ్ రాజకీయ భవిష్యత్ ఏమిటి?  ఆయన  ఎటు అడుగులు వేస్తారు? ఏమి చేస్తారు? అనేది ఆసక్తిగా మారింది. నిజానికి.. రాజా సింగ్  పార్టీకి రాజీనామా చేసినా, హిందుత్వ బాట తప్పననీ, కాంగ్రెస్,బీఆర్ఎస్ వంటి సెక్యులర్  పార్టీలలో చేరననీ ప్రకటించారు. అంతే కాకుండా.. రాజా సింగ్  తనకు పార్టీ జాతీయ నాయకత్వంతో ఎలాంటి విభేదాలు లేవనీ,  ఇప్పటికీ ప్రధాని మోదీ, అమిత్ షా నాయకత్వాన్ని సమర్దిస్తానని చెపుతున్నారు. సో.. రాజ సింగ్  రాజకీయ భవిష్యత్  ప్రస్తుతానికి  ప్రశ్నార్ధకంగానే మిగిలింది. ఒక విధంగా అటూ ఇటూ కాకుండా గాలిలో తేలుతోంది  అనుకోవచ్చు.    అదలా  ఉంటే.. పార్టీకి రాజీనామా చేసిన  రాజా సింగ్ ఎమ్మెల్యే పదవికి కూడా రాజీనామా చేస్తారా?  లేక ఏ పార్టీకి చెందని సభ్యునిగా కొనసాగుతారా? అనేది చూడవలసి వుంది. నిజానికి  పార్టీకి రాజీనామా చేసిన సందర్భంలోనే రాజా సింగ్  తన రాజీనామా లేఖను అసెంబ్లీ స్పీకర్ కి పంపి తన సభ్యత్వాన్ని రద్దుచేయమని కోరాలని పార్టీ అధ్యక్షుడికి విజ్ఞప్తి చేశారు. అయితే.. రాజా సింగ్ రాజీనామాను ఆమోదించిన పార్టీ జాతీయ అధ్యక్షుడు నడ్డా కానీ..  రాష్ట్ర అధ్యక్షుడు రామచంద్ర రావు కానీ ఇంతవరకు అసెంబ్లీ స్పీకర్ కు ఎలాంటి లేఖా రాయలేదని సమాచారం. అంతే కాకుండా.. ప్రస్తుతానికి పార్టీకి అలాంటి ఆలోచన కూడా లేదని ఎమ్మెల్యే పదవికి రాజీనామాకు సంబంధించి రాజా సింగే నిర్ణయం తీసుకోవాలని పార్టీ నాయకులు అంటున్నారు. సో ... ప్రస్తుతం అమర్ నాథ్ యాత్రలో ఉన్న రాజా సింగ్ తిరిగి వచ్చిన తర్వాత కానీ తదుపరి ఘట్టం మొదలు కాదని అంటున్నారు. రాజా సింగ్  తనంతట తానుగా స్పీకర్ ఫార్మేట్ లో రాజీనామా సమర్పిస్తే మాత్రం మరో ఉప ఎన్నిక అనివార్యం అవుతుంది. అదలా ఉంటే  బీజేపీ రాజా సింగ్ రాజీనామా అంశాన్ని పక్కన పెట్టి, నియోజక వర్గంలో పట్టును నిలుపుకునే ప్రయత్నాలు ప్రారంభించింది బీజేపీ. కాగా, ఇటీవల పార్టీ నూతన అధ్యక్షుడు రామచంద్ర రావు అభినందన సభ పేరిట నిర్వహించిన  కార్యకర్తల సమావేశంలో చాలా పెద్ద సంఖ్యలో పాల్గొన్న కార్యకర్తలు  రాజా సింగ్ పట్ల అభిమానం వ్యక్త పరుస్తూనే..  పార్టీ ఫస్ట్ అంటున్నారు. అలాగే..  రాజాసింగ్ ను పార్టీ దూరం చేసుకోలేదు.. ఆయనే పార్టీని దూరం చేసుకున్నారంటున్నారు.  అంతే కాదు..  ఉప ఎన్నిక అంటూ వస్తే  బీజేపీ విజయం సాధిస్తుందని  విశ్వాసం వ్యక్తం చేస్తున్నారు. నిజానికి.. గోషామహల్  మొదటి నుంచి బీజేపీకి మంచి పట్టున్న నియోజక వర్గం. రాజ్ సింగ్  కంటే ముందు రామ స్వామి, ప్రేమ సింగ్ రాథోడ్ ఇదే నియోజక వర్గం నుంచి గెలిచారని గుర్తు చేస్తున్నారు. అంతే కాదు.. రాజా సింగ్’ పార్టీకి రాజీనామా చేసినా  మా వాడే ,హిందుత్వం కోసం, బీజేపీ అభ్యర్ధిని గెలిపిస్తారు అంటున్నారు. బీజేపీ నాయకుల పార్టీ కాదు.. కార్యకర్తల పార్టీ.  గతంలో ముఖ్యమంత్రులుగా చేసిన కళ్యాణ్ సింగ్, ఉమా భారతి, యడ్యూరప్ప, మన రాష్ట్రంలో  టైగర్ నరేంద్ర వంటి పార్టీని వదిలి వెళ్ళిన  మహా మహా  నాయకులే..  తప్పు తెలుసుకుని తిరిగి సొంత గూటికి  చేరిన విషయాన్ని గుర్తు చేస్తున్నారు. అదొకటి అయితే, ఒకప్పుడు..అసెంబ్లీలో ఒకే ఒక్కడుగా ఉన్న రాజాసింగ్ ..ఇప్పడు నియోజక వర్గంలో ఏక్  అకేలా.. అయ్యారని అంటున్నారు.
రాజా సింగ్ ఏక్ అకేలా! Publish Date: Jul 17, 2025 4:32PM

Movie News

Get all the updates about andhra pradesh news, political news, articles, sr journalists books, regional news, telugu cinema news etc. Find information about Telugu film news, regional news, current affairs, gallery, wallpapers, etc. See Telugu news, news videos along with latest news only at TeluguOne.com.
TeluguOne Services
TeluguOne For Your Business
About TeluguOne
Keywords: Telugu News

Copyright © 2025 TeluguOne NEWS - All Rights Reserved

Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.