కారుకు రోడ్ రోలర్ బ్రేకేసేనా? కమలానికి కాలి ఫ్లవర్ కష్టాలేనా? హుజురాబాద్ ఎవరిది?
తెలంగాణ రాజకీయాల్లో అత్యంత కీలకంగా మారిన కరీంనగర్ జిల్లా హుజురాబాద్ ఉప ఎన్నికలో కంప్లీట్ పిక్చర్ వచ్చేసింది. ఉపపోరులో 30 మంది నిలిచారు . ఇందులో ముగ్గరు ప్రధాన పార్టీల అభ్యర్థులు కాగా.. ఏడుగురు రిజిస్టర్ పార్టీల నుంచి బరిలో ఉన్నారు. మరో 20 మంది ఇండిపెండెంట్లు. హుజురాబాద్ లో మొత్తం 61 మంది 92 సెట్ల నామినేషన్లు దాఖలు చేయగా .. స్క్రుటినీ అనంతరం 42 మందికి చెందిన 69 నామినేషన్లు ఆమోదం పొందాయి. బుధవారం 12 మంది నామినేషన్ల ఉపసంహరణ అనంతరం 30 మంది మిగిలారు.
ఉపఎన్నికలో రెబెల్స్ గొడవ లేకుండా ప్రధాన పార్టీలు చర్యలు తీసుకున్నాయి. కొందరు నామినేషన్లు వేసినా బుజ్జగింపులతో వాళ్లను బరి నుంచి తప్పించాయి. అయితే అసమ్మతి లేకుండా చూసుకున్న అధికార టీఆర్ఎస్, బీజేపీ పార్టీలకు ఇప్పుడు కొత్త సమస్య వచ్చింది. ఆ రెండు పార్టీలను కొన్ని సింబల్స్ భయపెడుతున్నాయి. కారు, కమలం పువ్వు గుర్తులను పోలిన సింబల్స్ కొందరు ఇండిపెండెంట్లకు రావడమే వీళ్ల టెన్షన్ కు కారణం. 2018 సార్వత్రిక ఎన్నికల్లో ట్రక్కు, ఆటో గుర్తులకు కారుకు నష్టం కల్గించినట్లు టీఆర్ఎస్ గుర్తించింది. ఈ సింబల్స్ పై కేంద్ర ఎన్నికల సంఘానికి ఫిర్యాదు చేసింది. తమ పార్టీ గుర్తు అయిన కారు మరింత స్పష్టంగా కనిపించేలా కొన్ని మార్పులు చేయాలని కూడా ఆ ఫిర్యాదులో విన్నవించింది .
టీఆర్ఎస్ వినతితో తెలంగాణలో ట్రక్కు, ఆటో గుర్తులను ఈసీ కేటాయించడం లేదు. అయితే దుబ్బాక ఉప ఎన్నికలో రోడ్డు రోలర్ గుర్తు కారుకు షాకిచ్చింది. ఆ ఎన్నికలో టీఆర్ఎస్ కంటే బీజేపీకి వెయ్యి ఓట్ల మెజార్టీ వచ్చింది. అయితే రోడ్డు రోలర్ గుర్తుతో పోటీ చేసిన ఇండిపెండెంట్ అభ్యర్థికి దాదాపు 4 వేల ఓట్లు వచ్చాయి. అవన్ని కారుకు పడాల్సిన ఓట్లని.. రోడ్డు రోలర్ ను కారు అనుకుని కొందరు ఓటర్లు వేశారని గులాబీ నేతలు చెప్పారు. అందుకే హుజురాబాద్ లో కారును పోలిన గుర్తులు ఎవరికి ఇవ్వవద్దని ఈసీని కోరింది. కాని హుజురాబాద్ లో ఇండిపెండెంట్లకు రోడ్ రోలర్ , చపాతి రోలర్ గర్తులు వచ్చాయి. ఇదే ఇప్పుడు అధికార టీఆర్ఎస్ ను టెన్షన్ పెడుతోంది.
హుజురాబాద్ లో కమలనాధులను సైతం సింబల్ పంచాయతీ వెంటాడుతోంది. ఒక ఇండిపెండెంట్ కు పెన్నుపాళి ( పెన్ విత్ సెవెన్ రేస్ ) గుర్తు, మరో అభ్యర్థికి కాలీఫ్లవర్ సింబల్ వచ్చింది. దూరం నుంచి వీటని చూసినప్పుడు , కంటి సమస్యలు ఉన్నవారు కమలం పువ్వు అని భ్రమపడే ప్రమాదం లేకపోలేదని బీజేపీ నేతలు భయపడుతున్నారు. ఈ గుర్తులు ఎక్కడ తమ ఓట్లకు గండికొడ తాయో అన్న ఆందోళన కమలనాథుల్లోనూ నెలకొంది. దీనిపై స్పందించిన ఎన్నికల అధికారి రవీందర్.. ఎన్నికల సంఘం వద్ద అందుబాటులో ఉన్న గుర్తులనే కేటాయించామని చెప్పారు. ఇందులో ఎలాంటి రాజకీయ కోణం లేదని క్లారిటీ ఇచ్చారు.
హుజురాబాద్ లో పోటీ చేస్తున్న అభ్యర్థులకు వచ్చిన గుర్తులు..
1. ఈటల రాజేందర్, బిజెపి కమలం, గుర్తు
2. గెల్లు శ్రీనివాసయాదవ్ టిఆర్ఎస్ కార్ గుర్తు
3. బల్మూరి వెంకట నర్సింగ్ రావు కాంగ్రెస్, చేయి గుర్తు
4. అలీ మన్సూర్ మహ్మద్ అన్న వైయస్సార్పార్టీ , బ్యాట్స్ మెన్ గుర్తు
5. కన్నం సురేష్ కుమార్, జై స్వరాజ్,పార్టీ.పెన్ విత్ నిబు గుర్తు
6. కర్ర రాజిరెడ్డి ఎంసీఐ (యు ),పార్టీ.కంప్యూటర్ గుర్తు
7. కేశెట్టి విజయకుమార్, యువతరం పార్టీ, glass tumbler గుర్తు
8. దేవునూరి శ్రీనివాస్, దళిత బహుజన పార్టీ, కప్పు సాసర్ గుర్తు
9. లింగిడి వెంకటేశ్వర్లు, ప్రజావాణి పార్టీ, రోడ్ రోలర్గుర్తు
10. సిలివేరు శ్రీకాంత్, ప్రజా వక్త పార్టీ, చపాతీ రోల్ గుర్తు,
ఇండిపెండెంట్ అభ్యర్థుల గుర్తులు
11. ఉప్పు రవీందర్ హెలికాప్టర్ గుర్తు
12. ఉరుమల్ల విశ్వం, అగ్గిపెట్టె గుర్తు
13. ఎడ్ల జోగిరెడ్డి, కాలిఫ్లవర్ గుర్తు
14. కుమ్మరి ప్రవీణ్, గ్యాస్ సిలిండర్ గుర్తు
15. కోట శ్యామ్కుమార్, బ్యాట్ గుర్తు
16. కంటే సాయన్న, డైమండ్ గుర్తు
17. గుగులోతు తిరుపతి, గౌను గుర్తు
18. గంజి యుగంధర్, కుండ గుర్తు
19. చెలిక చంద్రశేఖర్, విజిల్ గుర్తు
20. చిలుక ఆనంద్, బీరువా గుర్తు
21. పల్లె ప్రశాంత్, కెమెరా గురు.
22. పిడిశెట్టి రాజు, కత్తెర గుర్తు
23. బుట్టింగారి మాధవరెడ్డి, రింగు గుర్తు
24. మేకమల్ల రత్నయ్య, కుట్టు మిషన్ గుర్తు
25. మౌటం సంపత్, సోప్ డిష్ గుర్తు
26. శనిగరపు రమేష్ బాబు, టీవీ గుర్తు
27. రావుల సునీల్, హార్మోనియం గుర్తు
28. లింగంపల్లి శ్రీనివాస్ రెడ్డి, నాగలి గుర్తు
29. వేముల విక్రమ్ రెడ్డి, గాజుల గుర్తు
30. సీ.వీ సుబ్బారెడ్డి, ఏసీ గుర్తు గుర్తు