Home  
Breaking NEWS

ఆర్ఎస్ఎస్ మాజీ చీఫ్‌ సుదర్శన్‌ ఆచూకి లభ్య౦

ఆర్‌.ఎస్.ఎస్‌.మాజీ ఛీఫ్ సుదర్శన్ క్షేమంగా ఉన్నారని ఆచూకి దొరికింది. మైసూరులోని తాను ఉంటున్న ఇంటికి కొన్ని కిలోమీటర్ల దూరంలో ఉన్నారని తెలిసింది. మైసూర్‌లో మార్నింగ్‌ వాక్‌కు వెళ్లిన ఆయన ఇంటికి తిరిగి రాకపోవడంతో కుటు౦బ సభ్యులు, అనుచరులు ఆయన ఆచూకి కోసం వెదుకులాట మొదలు పెట్టారు. సుదర్శన్‌ అదృశ్యంపై మైసూర్‌ పోలీస్‌ స్టేషన్‌లో కేసు కూడా నమోదు చేశారు. చివరికి ఆయన ఆచూకి దొరకడంతో అందరు ఊపిరి పీల్చుకున్నారు. మార్నింగ్‌ వాక్‌కు వెళ్లిన సుదర్శన్ తిరిగి వచ్చేటప్పుడు కళ్ళు తిరగటంతో ఒక చోట కూర్చుని ఉండిపోయారని తెలిసింది.    

ఇన్ఫోసిస్ నీలిమ మృతి కేసులో కీలక మలుపులు

ఇన్ఫోసిస్ ఉద్యోగిని నీలిమ అనుమానాస్పద మృతి కేసు పలు కీలక మలుపులు తిరుగుతుంది. నీలిమ చనిపోడానికి ఐదు నిమిషాల ముందు వచ్చిన ఫోన్ నెంబరు ఎవరిదనే అంశంపై పోలీసులు ఆరా తీస్తున్నారు. నీలిమ భవనంపై నుంచి కిందకు పడగానే తొలుత గమనించిన సెక్యూరిటీ గార్డు రమేష్ వాంగ్మూలాన్ని నమోదు చేశారు. నీలిమ మృతిపై గాంధీ డాక్టర్లు పలు అనుమానాలు వ్యక్తం చేస్తున్నారు. నీలిమ పది అంతస్థుల మెడ నుంచి కిందపడినట్టు అనిపించటం లేదని డాక్టర్లు అంటున్నారు. అయితే పది అంతస్తుల మేడి నుంచి దూకితే శరీర బాగాలు డామేజ్ అవ్వలి, కాని డాక్టర్లు ఆమెకు తీవ్ర రక్త స్రావం, శరీర బాగాలు డామేజ్ కాలేదని అంటున్నారు. ఈ సందర్భంగా పోలీసు కమిషనర్ ద్వారకా తిరుమల రావు మాట్లాడారు. కాల్ లిస్టును సేకరించామని చెప్పారు. నీలిమ మృతికి ముందు ఎవరెవరితో మాట్లాడిందనే విషయాలపై ఆరా తీశామని చెప్పారు. నీలిమ కేసులో తాము ఎవరినీ అదుపులోకి తీసుకోలేదని చెప్పారు. పూర్తిస్థాయిలో పోస్టుమార్టం వివరాలు బయటకు వచ్చాకే అన్నీ వెల్లడిస్తామన్నారు.  

ఆర్ఎస్ఎస్ మాజీ చీఫ్‌ సుదర్శన్‌ అదృశ్యం

ఆర్ఎస్ఎస్ మాజీ చీఫ్‌ సుదర్శన్‌ ఈ ఉదయం కనిపించకుండా పోయారు. మైసూర్‌లో మార్నింగ్‌ వాక్‌కు వెళ్లిన ఆయన జాడ తెలియడం లేదు. సుదర్శన్‌ అదృశ్యంపై మైసూర్‌ పోలీస్‌ స్టేషన్‌లో కేసు నమోదైంది. పోలీసులు సుదర్శన్ కోసం గాలింపు చర్యలు చేపట్టారు. మరోవైపు ఆయన ఆచూకీ కోసం ఆర్ఎస్ఎస్ కార్యకర్తలు రంగంలోకి దిగారు.

బాలికపై ఆత్యాచారయత్నం చేసిన జవాను

అలెప్పీ నుంచి ధన్బాద్ వెళుతున్న బొకారో ఎక్స్ప్రెస్లో ఓ నౌకదళ ఉద్యోగి విచక్షణ మరిచి 12 ఏళ్ల బాలికపై అత్యాచారయత్నానికి పాల్పడ్డాడు. చెన్నై నుంచి తాడేపల్లి గూడెం వెళుతున్న బాలికపై క్లైమెంట్ అర్థరాత్రి వేళ అత్యాచార యత్నం చేశాడు. దాంతో బాలిక కేకలు వేయటంతో తోటి ప్రయాణికులు ఆమెను కాపాడారు. బాలిక తల్లిదండ్రులు విజయవాడ పోలీసులకు ఫిర్యాదు చేయటంతో నిందితుడిని పోలీసులు అదుపులోకి తీసుకున్నారు.

ఒలింపిక్స్‌లో క్వార్టర్‌ ఫైనల్స్‌లోకి విజేందర్‌

భారత స్టార్ బాక్సర్ విజేందర్ సింగ్ లండన్ ఒలింపిక్స్‌లో క్వార్టర్‌ ఫైనల్స్‌లోకి ప్రవేశించాడు. చివరి క్షణం వరకూ హోరాహోరీగా జరిగిన 75 కిలోల ప్రీ-క్వార్టర్‌ ఫైనల్‌ ఫైట్‌లో అమెరికా బాక్సర్‌ టెరెల్‌ గాషాను ఓడించాడు. మొత్తం మూడు రౌండ్ల పాటు జరిగిన ఫైట్‌లో విజేందర్‌ 16-15 పాయింట్లతో విజయం సాధించి క్వార్టర్‌ ఫైనల్స్‌లోకి ఎంటరయ్యాడు.  

నీలిమ మృతి మిస్టరీ: పోలీసులు అదుపులో 3 ఉద్యోగులు

ఇన్ఫోసిస్ ఉద్యోగిని నీలిమ మృతి మిస్టరీ ఇంకా వీడలేదు. గాంధీ ఆస్పత్రిలో గురువారం ఫోరెన్సిక్ వైద్యులు విక్రమాదిత్య, విజయ్ సాగర్ నేతృత్వంలో పోస్టుమార్టం నిర్వహించారు. మృతదేహం కుడి చేతికి తీవ్ర గాయాలు ఉన్నాయని, నీలిమ తనంతటతానే దూకి చనిపోలేదని, అనుమానాస్పద స్థితిలో కింద పడిపోయి ఉంటుందని వైద్యులు భావిస్తున్నారు. అయితే నీలిమ ఫోన్ కాల్‌లిస్ట్ ఆధారంగా ముగ్గురు ఇన్ఫోసిస్ ఉద్యోగులను పోలీసులు అదుపులోకి తీసుకొని ప్రశ్నిస్తున్నట్లు తెలిసింది. కాగా విదేశాల్లో ఉన్న నీలిమ సోదరుడు శుక్రవారం హైదరాబాద్ చేరుకోనున్నారు.ఆయన వచ్చేవరకు మృతదేహాన్ని గాంధీ మార్చురీలో భద్రపరుస్తున్నారు.

నీలిమ మృతదేహానికి పోస్టుమార్టం పూర్తి

ఇన్ఫోసిస్ లోని సాఫ్ట్ వేర్ ఇంజనీర్ నీలిమ మృతిపై మిస్టరీ ఇంకా వీడలేదు. నీలిమ మృతదేహానికి గురువారం పోస్టుమార్టం పూర్తి చేశారు. నీలిమ శరీరంపై బలమైన గాయాలున్నట్లు వైద్యులు నిర్ధారించారు. నీలిమ పోస్టుమార్టంను వైద్యులు చిత్రీకరించారు. ఆతర్వాత నీలిమ బ్లడ్ శాంపిల్స్‌ను ఫోరెన్సిక్‌ ల్యాబ్‌కు వైద్యులు పంపారు. తుది నివేదిక వచ్చాకే వివరాలు వెల్లడిస్తామని వైద్యులు తెలిపారు. నీలిమది హత్యేనని ఆమె కుటుంబ సభ్యులు ఆరోపించిన సంగతి తెలిసిందే.

నీలిమ మృతిపై వీడాని మిస్టరీ

సాఫ్ట్‌వేర్ ఉద్యోగిని నీలిమ మృతిపై మిస్టరీ ఇంకా వీడలేదు. చనిపోయి రోజు గడిచిన కూడా మృతదేహానికి పోస్టుమార్టం చేయలేదు. మరోవైపు పోలీసులు లేకుండా పోస్టుమార్టం చేయమని గాంధీ వైద్యులు చెబుతున్నారు. గాంధీ ఆస్పత్రికి పోలీసులు రాకపోవడంతో పలు అనుమానాలు వ్యక్తమవుతున్నాయి. ఇన్ఫోసిస్ కంపెనీ ప్రతినిధులతో పోలీసులు కుమ్మక్కయ్యారని మృతురాలి బంధువులు ఆరోపిస్తున్నారు. మృతదేహాన్ని ఆస్పత్రుల చుట్టూ తిప్పడంతో బంధువులు ఆందోళన వ్యక్తం చేస్తున్నారు.

ఎమ్మార్ కేసులో కోనేరు ప్రసాద్‌కు బెయిల్‌

జగన్ అక్రమాస్తులరే సంబంధించి ఎమ్మార్ కేసులో ప్రధాన నిందితుడు కోనేరు ప్రసాద్‌కు గురువారం కొన్ని షరతులతో కూడి బెయిల్‌ను కోర్టు మంజూరు చేసింది. ఐదు లక్షల రూపాయల పూజీ కత్తు, రాష్ట్రం విడిచి వెళ్లరాదని, కేసు దర్యాప్తుకు అందుబాటులో ఉండాలని షరతులు విధిస్తూ బెయిల్ మంజూరు చేసింది. బెయిల్‌కు సంబంధించిన కోర్టు పేపర్లు సిద్ధంకాగానే ఈ సాయంత్రంలోగా కోనేరు విడుదల అయ్యే అవకాశం ఉన్నట్లు తెలియవచ్చింది. గత తొమ్మిది నెలలుగా కోనేరు జైల్లో ఉంటున్న విషయం తెలిసిందే. కాగా కోనేరు గతంలో కూడా ఒక సారి కోర్టు బెయిల్ మంజూరు చేసింది. అప్పుడు ఆయన అయ్యప్ప మాల వేసుకున్నారు. ఈ సందర్భంగా ఎస్కార్ట్‌తో కూడిన బెయిల్ మంజూరయిన విషయం తెలిపిందే.

జగన్ కు జైల్లో రాఖీ కట్టిన షర్మిల

అక్రమ ఆస్తుల కేసులో చంచల్‌గూడ జైలులో ఉన్న వైయస్సార్ కాంగ్రెసు పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డిని సోదరి షర్మిల ఈరోజు ఉదయం చంచల్ గూడ జైల్లో ములాఖత్ సమయంలో కలుసుకున్నారు. ఈ రోజు రాఖీ పండుగ కావడంతో షర్మిల జగన్‌ను కలిసి జైలులోనే అతనికి రాఖీ కట్టింది. వైయస్ విజయమ్మ, జగన్ సతీమణి వైయస్ భారతి కూడా జగన్ ను జైలులో కలుసుకున్నారు.       

5 రోజు అన్నా దీక్ష, క్షిణిస్తున ఆరోగ్యం

   జన్‌లోక్‌పాల్ బిల్లు కోసం ఢిల్లీలోని జంతర్‌మంతర్ వద్ద సామాజిక కార్యకర్త అన్నా హజారే చేపట్టిన అమరణ నిరాహార దీక్ష గురువారం నాటికి ఐదో రోజుకు చేరింది. ఆయన ఆరోగ్య పరిస్థితి క్షిణించడంతో డాక్టర్లు వైద్య పరీక్షలు నిర్వహిస్తున్న అన్నా తిరస్కరిస్తున్నారు. ఈ సందర్భంగా ఆయన మీడియాతో మాట్లాడుతూ లోక్ పాల్ బిల్లు వచ్చే వరకు దీక్ష విరమించేది లేదని స్పష్టం చేశారు. దేశవ్యాప్తంగా తనకు మద్దతు వస్తోందని, అంచేత దీక్ష విరమించేది లేదని అన్నా పేర్కొన్నారు. ఈ సందర్భంగా కొందరు మహిళలు హాజరేకు ఈ ఉదయం రాఖీలు కట్టారు. కాగా అన్నా దీక్ష సందర్భంగా భారీ బందోబస్తును ఏర్పాటు చేశారు.

ఓయూ క్యాంపస్‌లో డ్రగ్స్ మాఫియా

నగరంలో మరోసారి డ్రగ్స్ మాఫియా బయటపడింది. గురువారం ఉదయం ఓయూ క్యాంపస్‌లో కొకైన్ అమ్ముతున్న ఇద్దరు నైజీరియన్స్‌ను పోలీసులు అదుపులోనికి తీసుకున్నారు. వారి వద్ద నుంచి 10 గ్రాముల కొకైన్‌ను స్వాధీనం చేసుకున్నారు.

రాజశేఖరరెడ్డి సమాధికి రాఖీ కట్టిన కొండా సురేఖ

వైఎస్సార్ కాంగ్రెస్ పార్టీ నేత  కొండా సురేఖ వైఎస్ రాజశేఖరరెడ్డి సమాధికి రాఖీ కట్టారు. రక్షాబంధన్ పండుగ సందర్బంగా ఈ రోజు ఉదయం ఇడుపులపాయలకు వెళ్లి వైఎస్సార్ ఘాట్ ను సందర్శించారు. అక్కడే ఆమె రక్షాబంధన్ జరుపుకున్నారు. ఈ సందర్భంగా ఆమె మాట్లాడుతూ, రాష్ట్రంలో ఆడపడుచుల కోసం రాజశేఖరరెడ్డి ఎన్నో సంక్షేమ పథకాలు ప్రవేశ పెట్టారని అన్నారు. త్వరలోనే జగన్ బయటకు వస్తారని ఆమె అన్నారు.            

జగన్ ని కలిసిన విజయమ్మ, భారతి

అక్రమాస్తుల కేసులో అరెస్టై చంచల్‌గూడ జైలులో ఉన్న వైయస్సార్ కాంగ్రెసు పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డిని ఆ పార్టీ గౌరవ అధ్యక్షురాలు, పులివెందుల శాసనసభ్యురాలు వైయస్ విజయమ్మ, జగన్ సతీమణి వైయస్ భారతి గురువారం ములాఖత్ సమయంలో కలిశారు. ఓబుళాపురం మైనింగ్ కేసులో మూడో నిందితుడు బిపి ఆచార్యకు రాష్ట్ర అత్యున్నత న్యాయస్థానం హైకోర్టులో చుక్కెదురు అయింది. తనకు బెయిల్ ఇవ్వాలన్న ఆచార్య పిటిషన్‌ను హైకోర్టు గురువారం కొట్టి వేసింది.

తమిళనాడు ఎక్స్‌ప్రెస్ ప్రమాదంపై విచారణ ప్రారంభ౦

నెల్లూరు జిల్లాలో జరిగిన తమిళనాడు ఎక్స్‌ప్రెస్ రైలు దుర్ఘటనపై విచారణ ప్రారంభమైంది. రైల్వే భద్రతా కమిషనర్ దిలీప్ కుమార్‌సింగ్ నేతృత్వంలో విచారణ జరుగుతోంది. ఈ దుర్ఘటనపై వివరాలు అందించేందుకు బాధితులు ఇప్పటికే జిల్లా రైల్వే స్టేషనకు చేరుకున్నారు. ప్రమాద సమయంలో పెద్ద శబ్ధం వినిపించిందన్న ప్రత్యక్ష సాక్షుల నుంచి అధికారులు వివరాలు తీసుకుంటున్నారు.

విద్యుత్ శాఖా మంత్రిగా ప్రమాణ స్వీకారం చేసిన మొయిలీ

విద్యుత్ శాఖా మంత్రిగా వీరప్ప మొయిలీ ప్రమాణ స్వీకారం చేశారు. గ్రిడ్ ల వైఫల్యంపై సమగ్ర విచారణ కమిటిని నియమిస్తామని తెలిపిన వీరప్ప మొయిలీ.  ఈశాన్య గ్రిడ్ ల వైఫల్యంతో కోట్ల రూపాయల నష్టం. మూడు గ్రిడ్ లలో సాధారణ పరిస్థితి ఉందని చెప్పారు. అలాగే  విద్యుత్ సమస్యపై ముఖ్యమంత్రులతో ఆగస్టు 6న సమావేశం జరుపుతామని ప్రకటించిన వీరప్ప మొయిలీ.

ఒలంపిక్స్ గేమ్స్ నుండి ఆర్చర్ దీపిక ఔట్

భారత దేశం తరపున ఒలంపిక్ గేమ్స్ లో పాల్గన్న మహిళా ఆర్చర్ దీపిక ప్రీ క్వార్టర్ ఫైనల్స్ లో ఇంగ్లాండ్ కు చెందిన ఆర్చర్ ఆలివర్ చేతిలో ఓటమిపాలైంది.

కడపలో కాంగ్రెస్ కు షాక్ ఇచ్చిన వైఎస్సార్ సి.పి.

కడప జిల్లాలోని పూతలపట్టులో జరిగిన ఒక కార్యక్రమానికి హాజరైన వై.ఎస్. విజయమ్మ సమక్షంలో సుమారు 4,000 మంది కాంగ్రెస్ కార్యకర్తలు వైఎస్సార్ కాంగ్రెస్ పార్టీలో సభ్యత్వం తీసుకున్నారు. ఈ సందర్భంగా వై.ఎస్. విజయమ్మ మాట్లాడుతూ మీలాంటి కార్యకర్తలే వైఎస్సార్ కాంగ్రెస్ పార్టీకి అవసరం, మీ లాంటి కార్యకర్తలే జగన్ ను ముందుండి నడిపిస్తున్నారు. అందుకే జగన్ ను మీ చేతుల్లో పెట్టాను. జగన్ త్వరలోనే బయటికి వస్తాడు, వై.ఎస్. రాజశేఖర రెడ్డి ఆశయాలను, కార్యక్రమాలను వై.ఎస్. జగన్ నెరవేరుస్తాడని ఉద్వేగంగా అన్నారు.

రిమాండ్ ను పొడిగించిన సిబీఐ కోర్టు

జగన్ అక్రమాస్తుల కేసులో అరెస్టై చంచల్ గూడ జైలు లో ఉన్న వారిని సిబీఐ కోర్టు వీడియో కాన్ఫరెన్స్ ద్వారా విచారించింది.  జగన్, మోపీదేవి, నిమ్మగడ్డ ప్రసాద్, బ్రహ్మానంద రెడ్డిలను సిబీఐ కోర్టు విచారించింది. విచారణ అనంతరం సిబీఐ కోర్టు ఈ నేల 14 వరకు వారికి రిమాండ్ ను పొడిగించింది