Home  
Breaking NEWS

ఇంజనీరింగ్ అడ్మిషన్లకు తొలగిన అడ్డంకి.

ఏకీకృత ఫీజులపై రాష్ట్ర ప్రభుత్వం సుప్రీం కోర్టులో దాఖలు చేసిన పిటీషన్ ను సుప్రీం కోర్టు కొట్టేసింది. రాష్ట్ర హైకోర్టు ఆదేశాల మరకే వ్యవహరించాలని ప్రభుత్వాన్ని ఆదేశించింది. ఈ ఆదేశంతో ఇంజనీరింగ్ అడ్మిషన్లకు అడ్డంకి తోలిగినట్లయింది.  కన్వీనర్ కోటా మరియు యాజమాన్య కోటా మధ్య తేడాలు తొలగిపోయాయి. ఏడాదికి 31,000 నుండి 50,200 రూపాయలను పెంచారు. దీంతో రాష్ట్రప్రభుత్వంపై ఫీజు రీ ఎంబర్స్  మెంట్ భారం పెరగనుంది.

ఒలంపిక్స్ లో కశ్యప్ మరో విజయం

ఒలంపిక్స్ గేమ్స్ లో బాడ్మింటన్ పురుషుల సింగిల్స్ క్వార్టర్స్ లో హైదరాబాదీ స్టార్ బాడ్మింటన్ ఆటగాడు గెలుపొందాడు. కశ్యప్ శ్రీలంక ఆటగాడు కరుణ రత్నేపై గెలుపొందాడు. 1-14, 15-21, 21-9 తేడాతో గెలుపొందాడు.

బెస్ట్ జర్నలిస్ట్ అవార్డుల ప్రకటన ...

బెస్ట్ జర్నలిస్ట్ 2008, 2009, 2010 సంవత్సరాలకుగాను అవార్డులను ప్రకటించారు. నార్ల లైఫ్ టైం అచీవ్ మెంట్ అవార్డులు డా.తుర్లపాటి కుటుంబరావు (2008), పి.వామనరావు (2009) డి.సీతారాం (2010). ఉత్తమ జర్నలిస్టులు నందిరాజు రాధాకృష్ణ (2008), సిఆర్. గౌరీ శంకర్ (2009), దొంతు రమేష్ బాబు (2010),  ఏం.ఏ.రహీం బెస్ట్ జర్నలిస్ట్ ఫోటోగ్రాఫర్ అవార్డులు, శ్రీధర్ నాయుడు(2008),  కె. భాష్కర రావు (2009) విశాఖ,  టి.శ్రీనివాస రెడ్డి (2010) విజయవాడ, కాసా సుబ్బారావు బెస్ట్ రూరల్ జర్నలిస్ట్ అవార్డ్,  టి.వి.సత్యనారాయణ (2008)బి.శ్రీనివాస రావు (2009) కరీం నగర్, చింతామణిశేఖర్ (2010), చిత్తూరు ఉత్తమ ఎలక్ట్రానిక్ మీడియా జర్నలిస్ట్ అవార్డు  రెహనా బేగం (2008)

తెలంగాణా నగారా సమితి రౌండ్ టేబుల్ సమావేశం

హైదరాబాద్ లోని జూబ్లీ హాల్ లో తెలంగాణా నగారా సమితి ఆధ్వర్యంలో రౌండ్ టేబుల్ సమావేశమైంది. ఈ సమావేశంలో  సమైక్యాంధ్రలో తెలంగాణా విద్యార్థులు, , ఉద్యోగులపై కొనసాగుతున్న వివక్షపై చర్చ.  సమావేశానికి హాజరైన తెలంగాణా జెఎసి చైర్మన్ ప్రొఫెసర్ కోదండరాం హరీశ్వర్ రెడ్డి, తెలంగాణా జాగృతి అధ్యక్షురాలు కవిత, ఎమ్మెల్యే నాగం జనార్థన్ రెడ్డి, పోచారం శ్రీనివాస్, ఉద్యోగ సంఘాల నేతలు దేవీప్రసా, శ్రీనివాస గౌడ్, విఠల్,  ఎమ్మెల్సీ చుక్కా రామయ్య , రసమయి

కేబినేట్ సబ్ కమిటీ భేటీ ...

రాష్ట్ర కేబినేట్ సబ్ కమిటీ భేటీ అయ్యారు. ఈ సమావేశానికి మంత్రులు జానారెడ్డి, మహీధర్ రెడ్డి, రఘువీరా రెడ్డి, గీతారెడ్డి, ఆనం వివేకానంద రెడ్డి పాల్గొన్నారు. ఈ సమావేశంలో స్థానిక సంస్థల బలోపేతం  పంచాయితీ రాజ్ ఎన్నికలపై చర్చ జరుగుతుంది. వీరి సమావేశమనంతరం సమావేశంలో వారు తీసుకున్న నిర్ణయాలు వెల్లడి అయ్యే అవకాశాలున్నాయి.

బంగారు లక్ష్మణ్ బెయిల్ పిటిషన్ తిరస్కృతి

బిజెపి అగ్రనాయకుడు బంగారు లక్ష్మణ్ ఢిల్లీ హైకోర్టులో బెయిల్ పిటీషన్ వేసిన సంగతి తెలిసిందే. తెహల్కా కేసులో నిందితుడైన బంగారు లక్ష్మణ్ కోర్టులో వేసిన బెయిల్ పిటీషన్ ను ఢిల్లీ హైకోర్టు తిరస్కరించింది. ఆరునెలల తరువాత పిటీషన్ వేసుకోవాలని హైకోర్టు తీర్పు చెప్పింది.

శ్రీకాకుళం కలెక్టర్ కు గాయాలు ...

శ్రీకాకుళం జిల్లాలోని ఎచ్చెర్ల మండలం సనతలవానిపేట వద్ద శ్రీకాకుళం జిల్లా కలెక్టర్ వాహనం ట్రాక్టర్ ఢీకొన్నాయి ఈ ప్రమాదంలో  కలెక్టర్ సౌరభ్ గౌర్ కు తీవ్ర గాయాలు అయ్యాయి ఆయనను హుటా హుటిన  రిమ్స్ కు తరలించారు.

గాంధీభవన్ లో అంజయ్య ఫోటో ఉండాల్సిందే ...

కాంగ్రెస్ యువనేతల ప్రమాణ స్వీకారంలో దివంగత ముఖ్యమంత్రి వై.ఎస్. రాజశేఖర రెడ్డి సోదరుడు వై.ఎస్. వివేకానంద రెడ్డి మాట్లాడుతూ రాష్ట్రంలో రెండు సార్లు కాంగ్రెస్ ను అధికారంలోకి తెచ్చిన తన సోదరుడు వై.ఎస్. రాజశేఖర రెడ్డి ఫోటో లేకపోవడం తనను బాదిస్తుందని అన్నారు. ఈ రోజు డిప్యూటీ సిఎం దామోదర్ మాట్లాడుతూ గాంధీభవన్ లో వై.ఎస్. రాజశేఖరరెడ్డి ఫోటో ఉంటే తెలంగాణాకు చెందిన దివంగత ముఖ్యమంతి టంగుటూరి అంజయ్య ఫోటో కూడా తప్పక వుండాల్సిందే అని అన్నారు. వై.ఎస్. కొన్ని వివాదాస్పద నిర్ణయాలు తీసుకున్నారు, అలాగే నిథుల పంపకంలో మూడు ప్రాంతాలలో సమతుల్యత ఉండాలని అన్నారు.

వాన్ పిక్ భూములను దున్నిన నారాయణ

వామపక్షాపార్టీ సిపీఐ కు చెందిన రాష్ట్ర కార్యదర్శి నారాయణ గుంటూరు జిల్లాలో అడవులదీవు లో పాదయాత్ర ప్రారంభించారు. ఈ పాదయాత్రలో భాగంగా నారాయణ రాష్ట్ర ప్రభుత్వం వాన్ పిక్ కంపెనీకి కట్టబెట్టిన భూములలో ట్రాక్టర్ తో భూమి దున్నారు. ఈ సందర్భంగా మాట్లాడుతూ రాష్ట్ర ప్రభుత్వం ప్రజలను మభ్యపెట్టి వారినుంచి తీసుకున్న భూములను వాన్ పిక్ కంపెనీకి అప్పగించిందని, రైతులనుండి వాన్ పిక్ కంపెనీకి తీసుకున్న భూములను తిరిగి వారికే వెనక్కి ఇచ్చేయాలని డిమాండ్ చేస్తున్నారు.

ఇంజనీరింగ్ సీట్ల ఫీజులపై డిప్యూటీ సిఎం వివరణ

తెలంగాణాలో మెడికల్ కాలేజీలలో మెడికల్ సీట్లు పెంచాలని, ఫీజులు పెంచాలని ప్రైవేట్ ఇంజనీరింగ్ మరియు మెడికల్ కాలేజీ యాజమాన్యాలు డిమాండ్ చేసిన సంగతి తెలిసిందే. ఈ నేపథ్యంలో నిన్న అనగా 31-07-12 ప్రైవేట్ ఇంజనీరింగ్ మరియు మెడికల్ కాలీజీ యాజమాన్యాలు మీటింగ్ ఏర్పాటు చేసుకుని ఈ విషయంపై చర్చలు జరిపి సాయంత్రం ఈ సంవత్సరం ఇంజనీరింగ్ ఫీజు పెంచే యోచనను మానుకున్నారు. అలాగే ప్రతి సంవత్సరం లాగే ఈ సంవత్సరం కూడా ఫీజులు యథాతథంగా వసూలు చేయాలని నిర్ణయం తీసుకున్నారు. ఈ నేపథ్యంలో డిప్యూటీ సిఎం దామోదర రాజనర్సింహ స్పందిస్తూ సుప్రీంకోర్టు తీర్పు ప్రకారమే ఇంజనీరింగ్ ఫీజులు తీసుకోవాలని, మెడికల్ సీట్లు రాకపోవడంలో వైఫల్యానికి సమిష్ట బాధ్యత తమదేనని వివరణ ఇచ్చారు.

ఒలింపిక్స్‌ నుంచి గుత్తా జ్వాలా జోడి అవుట్

ఒలింపిక్స్‌ నుంచి బ్యాడ్మింటన్‌ మిక్స్‌డ్‌ డబుల్స్‌ జోడీ గుత్తా జ్వాలా, దిజులు ఉత్త చేతులతో వెనుదిరిగారు. గ్రూప్‌ సిలో ఆడిన మూడో మ్యాచ్‌లోనూ ఓడారు. కొరియా జోడీ డే లీ, హున్‌ హాతో జరిగిన మూడో మ్యాచ్‌లో 15-21, 15-21 తేడాతో భారత జోడి పరాజయం పాలైంది.. గ్రూప్‌ స్టేజ్‌లో అన్ని మ్యాచ్‌లూ ఓడటంతో కనీసం ప్రి క్వార్టర్స్‌కు కూడా చేరకుండానే ఇంటిదారి పట్టారు. మిక్స్‌డ్‌ డబుల్స్‌లో ఈ ఇద్దరూ ఇంతకుముందు ఇండోనేషియా, డెన్మార్క్‌లతోనూ ఓడిపోయారు.

లండన్ ఒలింపిక్స్‌లో ఫ్రీ క్వార్టర్స్ లోకి కశ్యప్

లండన్ ఒలింపిక్స్‌లో తెలుగుతేజం పారుపల్లి కశ్యప్ జోరు కొనసాగుతోంది. ఏ మాత్రం అంచనాలు లేకుండా బరిలోకి దిగిన కశ్యప్ వరుసగా రెండో మ్యాచ్‌లోనూ విజయం సాధించాడు. ప్రపంచ ర్యాంకింగ్స్‌లో 11వ స్థానంలో ఉన్న  వియత్నాం ఆటగాడు నుయెన్‌పై 21-9 , 21-14 స్కోర్ తేడాతో గెలుపొందాడు. మ్యాచ్ ప్రారంభం నుండి ప్రత్యర్థిపై ఆధిపత్యం కనబరిచిన ఈ హైదరాబాదీ రెండో సెట్‌లో కాస్త తడబడ్డాడు. అయినప్పటకీ పుంజుకుని ప్రత్యర్థిని నిలువరించాడు. ఈ విజయంతో కష్యప్ ప్రీ క్వార్టర్ ఫైనల్‌లో అడుగుపెట్టాడు.

దీపిక పదుకొనేకు స్మితా పాటిల్ స్మారక అవార్డు

చిత్ర పరిశ్రమలో అందించిన సేవలకు గుర్తుగా ఇచ్చే స్మితా పాటిల్ స్మారక అవార్డుకు బాలీవుడ్ తార దీపికా పదుకొనే ఎంపికైంది. ఈ అవార్డును స్మితాపాటిల్ 28వ వర్ధంతి సందర్భంగా సెప్టెంబర్ 18 తేదిన పదుకొనేకు అందచేస్తారు. రెండు సంవత్సరాలకు ఒకసారి ఇచ్చే ఈ అవార్డును ప్రియదర్శిని అకాడమి నెలకొల్పింది. ఈ కార్యక్రమంలో ఆయా రంగాల్లో విశిష్ట సేవలందించిన కుమార మంగళం బిర్లా, సమీర్ బ్రహ్మచారి, నీరజ్ దేవా, ఆదిత్యపురి, మిలింద్ దియోరాలను సన్మానించనున్నారు

గగన్ నారంగ్‌కు 50 లక్షల నజరానా ప్రకటించిన సిఎం

లండన్ ఒలింపిక్స్‌లో కాంస్యం పతకం గెలుచుకున్న హైదరాబాదీ షూటర్ గగన్ నారంగ్‌కు రాష్ట్ర ప్రభుత్వం 50 లక్షల రూపాయల నజరానా ప్రకటించింది. కుమారుడు పతకం సాధించిన సంతోషంలో ఉన్న గగన్ తండ్రి బిఎస్ నారంగ్ ఇవాళ ముఖ్యమంత్రి కిరణ్‌కుమార్‌రెడ్డిని కలుసుకున్నారు. ఈ సందర్భంగా సిఎం నజరానాపై ప్రకటన చేశారు. ఇప్పటికే హర్యానా ప్రభుత్వం నారంగ్‌కు కోటి రూపాయల నజరానా ప్రకటించగా... కేంద్ర ప్రభుత్వం ఐఏఎస్ హోదాను ఇచ్చేందుకు నిర్ణయించింది. లండన్ గేమ్స్‌లో 10 మీటర్ల ఎయిర్‌రైఫిల్ ఈవెంట్‌లో కాంస్యం సాధించడం ద్వారా తొలి పతకం  భారత్ ఖాతాలో చేరింది.  

ఉత్తరాదిలో మరోసారి పవర్ ఫెయిల్

ఉత్తరాది పవర్ గ్రిడ్ మరోసారి ఫెయిల్ అయింది. ఉత్తరాది పవర్ గ్రిడ్ కుప్ప కూలడంతో మంగళవారం ఢిల్లీ, హర్యానా, పంజాబ్, ఉత్తర ప్రదేశ్, పశ్చిమ బెంగాల్, రాజస్థాన్, ఓడిషా, ఉత్తరాఖండ్ రాష్ట్రాలు మొత్తం చీకట్లో మునిగిపోయాయి. ఈస్టర్న్ పవర్ గ్రీడ్‌లో కూడా తీవ్ర అంతరాయం రావడంతో ఈశాన్య రాష్ట్రాలకు విద్యుత్ బెడద తప్పలేదు. దీంతో ఉత్తరాది పవర్ గ్రిడ్ విఫలమవడం గత 24 గంటలలో రెండోసారి.

విద్యార్థినులపై టీచర్ లైంగిక వేధింపులు

పిల్లలకు విద్యాబుద్ధులు నేర్పాల్సిన  ఉపాధ్యాయుడు  కీచకుడుగా మారాడు. కామంతో కళ్లు మూసుకుపోయి విద్యార్థినులపై  లైంగిక వేధింపులకు పాల్పడుతూ అసభ్యంగా ప్రవర్తిస్తున్నాడు. హైదరాబాద్ అంబర్‌పేటలోని నాలెడ్జీ హైస్కూల్‌లో ఉపాధ్యాయుడిగా పనిచేసే ప్రేమ్‌రాజ్‌ విద్యార్థులతో అసభ్యంగా ప్రవర్తిస్తున్నాడు.విషయం తెల్సుకున్న తల్లిదండ్రులు ప్రిన్సిపల్‌కు ఫిర్యాదు చేశారు. అయితే సదరు మాస్టారి ఫోటో, వివరాలు కూడా స్కూల్‌లో లేకపోవడంతో వారు ఆగ్రహం వ్యక్తం చేస్తూ స్కూల్ ఫర్నీచర్‌ను ధ్వంసం చేశారు. సమాచారం అందుకున్న పోలీసులు ప్రిన్సిపల్‌ శ్రీనివాస్‌ను అదుపులోకి తీసుకుని, స్కూల్‌కు తాళం వేశారు. పరారీలో ఉన్న ప్రేమ్‌రాజ్ కోసం గాలిస్తున్నారు.

చంద్రబాబుతో ఇజ్రాయిల్ మంత్రుల భేటీ

టీడీపీ అధినేత చంద్రబాబు నాయుడితో ఇజ్రాయిల్ మంత్రులు మంగళవారం ఉదయం భేటీ అయ్యారు. ఈ సందర్భంగా పలు అంశాలపై వారు చర్చలు జరపినట్లు తెలుస్తోంది. ఇజ్రాయిల్ మంత్రులకు బాబు తేనేటి విందును ఇచ్చారు.  

ఒలింపిక్స్‌లో సైనా నెహ్వాల్ హవా

 ఒలింపిక్స్‌లో సైనా మరో అడుగు ముందుకేసింది. బ్యాడ్మింటన్ మహిళల సింగిల్స్ విభాగంలో భాగంగా సోమవారం జరిగిన మ్యాచ్‌లో ఆంధ్రప్రదేశ్ క్రీడాకారిణి సైనా విజయం సాదించింది.బెల్జియం క్రీడాకారిణి టాన్‌లీ పై సైనా నెహ్వాల్ 21-4, 21-14 తేడాతో విజయం సాధించి తన సత్తాను చాటింది. వరుస గెలుపులతో దూసుకుపోతున్న సైనా నెహ్వాల్ భారత్‌కు పతకం తెచ్చే దిశగా అడుగులు వేస్తోంది. ఉత్కంఠ భరితంగా సాగిన పోరులో సైనాకు ఎదురులేకుండా పోయింది. మొదటి సెట్‌ను అవలీలగా గెలుచుకున్న సైనా రెండో సెట్‌లో ప్రత్యర్థి టాన్‌లీ నుంచి కాస్త ప్రతిఘటన ఎదుర్కొంది.

రైలు ప్రమాద బోగిని పరిశీలించిన ఫోరెన్సిక్ బృందం

నెల్లూరులో జరిగిన తమిళనాడు ఎక్స్‌ప్రెస్ రైలు ప్రమాద స్థలానికి రైల్వే ఫోరెన్సిక్ నిపుణుల బృందం మంగళవారం ఉదయం నెల్లూరు చేరుకుంది. అగ్ని ప్రమాదానికి గురియైన ఎస్-11 బోగీని రైల్వే నిపుణుల బృందం పరిశీలించింది. బోగి నుంచి కొన్ని నమూనాలను సేకరించింది. కాలిన మృతు దేహాలను నెల్లూరు ప్రభుత్వ ఆసుపత్రిలో భద్రపరిచారు. వీటిలో 13 మృతదేహాలను గుర్తించి వాటిని వారి బంధువులకు అప్పగించారు. ఈ ఘటనలో మృతి చెందిన కుటుంబాలకు రూ.5 లక్షల చొప్పున నష్ట పరిహారం ప్రకటించారు. అలాగే తీవ్రంగా గాయపడిన వారికి లక్ష, స్వల్పంగా గాయపడిన వారికి రూ.25 వేల పరిహారాన్ని ప్రకటించారు. దక్షిణ మధ్య రైల్వే భద్రతా కమిషనర్ డీకె సింగ్ విచారణ జరిపి ఈ ప్రమాదానికి గల కారణాలు తెలుసుకోనున్నారు.