Top Stories

గాల్లో గెలిచిన..గాలి నా కొడుకులు..రోజా సంచలన వ్యాఖ్యలు

గాల్లో గెలిచిన..గాలి నా కొడుకులు..రోజా సంచలన వ్యాఖ్యలు

  వైసీపీ మాజీ మంత్రి ఆర్కే రోజా మరోసారి రెచ్చిపోయి వివాదాస్పద వ్యాఖ్యలు చేశారు. గాలిలో గెలిచిన..గాలిన కొడుకులు ఎక్కువయ్యారంటూ కూటమి నేతలపై మండిపడ్డారు. వైసీపీ వస్తే టీడీపీ, జనసేన అమెరికా పారిపోవాలి. ఇప్పుడు సీఎం చంద్రబాబు, నారా లోకేశ్, పవన్ కళ్యాణ్ హైదారాబాద్ పారిపోతున్నారు. రేపు అమెరికా పోతారు. పవన్ కళ్యాణ్‌కు పిచ్చి బాగా ముదిరింది. ఎక్కడికి వెళ్లినా అక్కడే పుట్టానంటాడు అని రోజా ఆగ్రహం వ్యక్తం చేశారు.  అధికారంలో ఉన్నామని టీడీపీ, జనసేన నేతలు ఇష్టం వచ్చినట్టు వైసీపీ శ్రేణులపై కేసులు పెట్టి దాడులు చేస్తే తాము వంద రెట్లు వడ్డీతో సహా చెల్లిస్తామని హెచ్చరించ్చారు. రోజా తన శాఖల ద్వారా చేసిన అభివృద్ధి శూన్యమని, సభ్యసమాజం తలదించుకునేలా నోరు పారేసుకోవడమే ఆమె పని టీడీపీ నేతలు అంటున్నారు. కాగా, వైసీపీ హయాంలో మాజీ మంత్రి రోజా కోట్లాది రూపాయల ప్రజాధనాన్ని దోచుకున్నారని ఆరోపణలు వినిపిస్తున్నాయి. అమె త్వరలో అరెస్ట్ అవ్వడం ఖాయమని టీడీపీ కీలక నేతలు అంటున్నారు.
గాల్లో గెలిచిన..గాలి నా కొడుకులు..రోజా సంచలన వ్యాఖ్యలు Publish Date: Jul 22, 2025 3:06PM
ఇంగ్లాండ్‌తో నాలుగో టెస్ట్.. భారత్‌కు లక్ కలిసొచ్చేనా?

ఇంగ్లాండ్‌తో నాలుగో టెస్ట్.. భారత్‌కు లక్ కలిసొచ్చేనా?

ఇంగ్లాండ్‌తో జరుగుతున్న అయిదు టెస్టుల సిరీస్‌లో ఇండియాని అదృష్టం వెక్కిరిస్తోంది. భారత్ యువ జట్టు ఇంగ్లాండ్ టూర్ లో మంచి ఆటతీరు ప్రదర్శిస్తున్నప్పటికీ లక్ మాత్రం కలిసి రావడం లేదు. కాస్త అదృష్టం తోడైతే భారత్ ఇప్పిటికే  3-0 ఆధిక్యంతో నిలిచి సిరీస్ కైవసం చేసుకునేదని క్రీడా పండితులు అంటున్నారు.  అటు బ్యాట్‌తో, ఇటు బాల్‌తో మంచి ప్రదర్శన చేసిన భారత్ కీలక సమయాల్లో పట్టు నిలబెట్టుకోలేక రెండు మ్యాచ్‌లను చేజార్చుకుని 1-2తో వెనుకబడి ఉంది. లార్డ్స్‌లో చివరి వరకు పోరాడి ఓడిన టీమ్ ఇండియా ఇప్పుడు కీలకమైన నాలుగో టెస్టుకు రెడీ అవుతోంది. ఆతిథ్య జట్టుతో బుధవారం (జులై 23)  మాంఛెస్టర్ లో కీలక  నాలుగో టెస్టులో తలపడనుంది.  మాంచెస్టర్‌లోని ఓల్డ్ ట్రాపోర్డ్ మైదానంలో జరగనున్న ఈ మ్యాచ్ భారత్‌కు చాలా కీలకంగా మారింది. ఇందులో ఓడితే టీమ్ ఇండియా సిరీస్ ఆశలు ఆవిరవుతాయి.  ఇలాంటి తరుణంలో భారత జట్టుకు కొత్త టెన్షన్ పట్టుకుంది. అక్కడ ఇంగ్లాండ్‌తో  9 టెస్టుల్లో భారత్ 4 మ్యాచుల్లో ఓడిపోయింది. అయిదు డ్రాగా ముగించగలిగింది. ఒక్కటంటే ఒక్క మ్యాచ్ లో  కూడా విజయంసాధించిన చరిత్ర లేదు.  చివరిగా 2014లో ఆడిన టెస్టులో ఏకంగా ఇన్నింగ్స్ 54 పరుగుల తేడాతో చిత్తైంది.  ఈ సిరీస్‌కు ముందు ఎడ్జ్‌బాస్టన్‌లోనూ టీమ్ ఇండియాకు విజయం దక్కలేదు. అయితే ఈ సిరీస్‌లో భారత్ అక్కడ అద్భుత విజయం సాధించింది.  దాంతో గత రికార్డులను పట్టించుకోకుండా ఎడ్జ్‌బాస్టన్ టెస్ట్‌ని భారత్ స్ఫూర్తిగా తీసుకోవాల్సి ఉందంటున్నారు. ఇప్పటి వరకు చేసిన తప్పుల నుంచి గుణపాఠాలు నేర్చుకుని సరైన వ్యూహంతో ముందుకెళ్లాలని యువ క్రికెటర్లకు సూచిస్తున్నారు టీమ్ ఇండియా సీనియర్లు. ఇంగ్లాండ్ ప్లేయర్స్ కవ్వింపులకు నోటితో సమాధానం చెప్తూనే ఆటతో వాళ్ల నోళ్లు మూయించాలంటున్నారు. అప్పుడే మాంచెస్టర్‌లో టీమ్ ఇండియా తొలి విజయం నమోదు చేసి సిరీస్‌ను 2-2తో సమం చేయగలుగుతుంది. సో బెస్ట్ ఆఫ్ లక్ టీమ్ ఇండియా.
ఇంగ్లాండ్‌తో నాలుగో టెస్ట్.. భారత్‌కు లక్ కలిసొచ్చేనా? Publish Date: Jul 22, 2025 3:00PM
ఉపరాష్ట్రపతి రాజీనామాపై ప్రధాని మోదీ కీలక వ్యాఖ్యలు

ఉపరాష్ట్రపతి రాజీనామాపై ప్రధాని మోదీ కీలక వ్యాఖ్యలు

  ఉపరాష్ట్రపతి జగదీప్ ధన్‌ఖడ్ రాజీనామాపై ప్రధాని మోదీ స్పందించారు. వివిధ హోదాల్లో దేశానికి సేవ చేసేందుకు ధన్‌ఖడ్‌కు అనేక అవకాశాలు లభించాయని తెలిపారు. ఆయన మంచి ఆరోగ్యంతో ఉండాలని కోరుకుంటున్నట్లు పేర్కొన్నారు. ఈ మేరకు 'ఎక్స్' (ట్విట్ట‌ర్) వేదికగా ప్ర‌ధాని పేర్కొన్నారు. కాగా, ఆరోగ్యానికి ప్రాధాన్యం ఇవ్వడం, వైద్యుల సలహాను పాటించడం కోసమే తాను ఉప రాష్ట్రపతి పదవికి రాజీనామా చేస్తున్నానని ధన్‌ఖడ్‌ తన రాజీనామా లేఖలో పేర్కొన్నారు.  రాజ్యాంగంలోని 67(ఎ) అధికరణ కింద ఇది తక్షణమే అమలులోకి వస్తుందని తెలిపారు. ఈ మేరకు ఉపరాష్ట్రపతి కార్యాలయం ఈ లేఖను విడుదల చేసింది. ఉపరాష్ట్రపతి పదవికి జగ్దీప్‌ ధన్‌ఖడ్‌ చేసిన రాజీనామాను రాష్ట్రపతి ద్రౌపది ముర్ము మంగళవారం ఆమోదించారు. 74 ఏళ్ల ధన్‌ఖడ్‌ అనారోగ్య సమస్యల దృష్ట్యా రాజీనామా చేస్తున్నట్లు ప్రకటించిన సంగతి తెలిసిందే. మరో రెండు సంవత్సరాలు పదవీకాలం ఉండగానే జ‌గ‌దీప్‌ ధన్‌ఖడ్‌ రాజీనామా చేయడం చర్చకు దారితీసింది.  2022లో ఎన్డీయే తరఫున ఉపరాష్ట్రపతి అభ్యర్థిగా నామినేట్‌ కావడంతో ఆయన బెంగాల్‌ గవర్నర్‌ పదవికి రాజీనామా చేశారు. విపక్ష అభ్యర్థి మార్గరేట్‌ అల్వాపై విజయం సాధించి ఉపరాష్ట్రపతిగా ఎన్నికయ్యారు. 710 ఓట్లకుగాను 528 ఓట్లు గెలుచుకుని 1997 తర్వాత అత్యధిక ఓట్లతో ఉపరాష్ట్రపతిగా విజయం సాధించిన వ్యక్తిగా ఆయ‌న‌ రికార్డు సృష్టించారు  
ఉపరాష్ట్రపతి రాజీనామాపై ప్రధాని మోదీ కీలక వ్యాఖ్యలు Publish Date: Jul 22, 2025 2:35PM
తదుపరి ఉప రాష్ట్రపతి .. నితీషా? గడ్కరీయా?

తదుపరి ఉప రాష్ట్రపతి .. నితీషా? గడ్కరీయా?

ఉపరాష్ట్రపతిగా జగదీప్ ధన్ ఖడ్ చేసిన రాజీనామాకు రాష్ట్రపతి ద్రౌపది ముర్ము ఆమోదం తెలిపారు. దీంతో ఇక ఇప్పుడు నూతన ఉపరాష్ట్రపతి ఎన్నిక అనివార్యం. ఇక్కడే ధన్ ఖడ్ రాజీనామాకు కారణాలేంటన్న ప్రశ్నలు తలెత్తుతున్నాయి. ముఖ్యంగా బీహార్ అసెంబ్లీ ఎన్నికలకు, ధన్ ఖడ్ రాజీనామాకూ ముడి పెడుతూ రాజకీయవర్గాలలో జోరుగా చర్చ జరుగుతోంది. బీహార్ అసెంబ్లీ ఎన్నికలలో విజయాన్ని అత్యంత ప్రతిష్ఠాత్మకంగా తీసుకున్న బీజేపీ ఎలాగైనా విజయం సాధించితీరాలన్న పట్టుదలతో ఉంది. ఈ నేపథ్యంలోనే ధన్ ఖడ్ రాజీనామాతో ఖాళీ అయిన ఉప రాష్ట్రపతి పదవిని బీహార్ కు చెందిన నాయకుడితో భర్తీ చేయాలని భావిస్తోంది. అసలు అలా బీహార్ కు చెందిన నేతను  ఉప రాష్ట్రపతి చేయాలన్న ఉద్దేశంతోనే ధన్ ఖడ్ చేత రాజీనామా చేయించిందా? అన్న అనుమానాలు కూడా పరిశీలకులు వ్యక్తం చేస్తున్నారు. అయితే అదంతా వేరే చర్చ. ఇప్పుడు ఇక ధన్ ఖడ్ రాజీనామాతో ఖాళీ అయిన ఉపరాష్ట్రపతి పదవిని ఎవరితో భర్తీ చేస్తారన్న చర్చ జోరుగా సాగుతోంది. ధన్ ఖడ్ స్థానంలో ఎవరు అన్న విషయంలో రాజకీయవర్గాలలో పలు పేర్లు తెరమీదకు వస్తున్నాయి. నితిన్ గడ్కరీ నుంచి నితీష్ కుమార్ దాకా ఈ పేర్ల జాబితా కొండవీటి చాంతాడంత ఉందని అంటున్నారు. అయినా అన్ని పేర్లలోనూ ప్రముఖంగా వినవస్తున్న పేర్లు మాత్రం నితిన్ గడ్కరి, బీహార్ ముఖ్యమంత్రి నితిష్ కుమార్ పేర్లు ఉన్నాయి.  అయితే ఈ ఇద్దరూ కూడా క్రియాశీల రాజకీయాలలో చాలా చాలా చురుకుగా ఉన్నవారే. వీరు క్రియాశీల రాజకీయాలకు దూరం కావడానికి అంగీకరిస్తారా? ఉపరాష్ట్రపతి పదవిని చేపట్టడానికి అంగీకరిస్తారా? అంటే సందేహమే అన్న అభిప్రాయమే పరిశీలకుల నుంచి వినవస్తుంది.  ముందుగా నితిన్ గడ్కరీ విషయాన్నే తీసుకుంటే..  ప్రధాని పదవికి రేసులో ఉన్న నితిన్ గడ్కరినీ సైడ్ లైన్ చేయడానికి మోడీ షా ద్వయం వ్యూహాత్మకంగా ఆయనను ఉపరాష్ట్రపతి పదవికి ప్రతిపాదిస్తున్నారని పరిశీలకులు అంటున్నారు. అయితే అందుకు నితిన్ గడ్కరీ ఎందుకు అంగీకరిస్తారన్న ప్రశ్న కూడా గట్టిగా వినిపిస్తోంది. అయినా బీహార్, తమిళనాడు రాష్ట్రాల అసెంబ్లీ ఎన్నికల సమయంలో ఆర్ఎస్ఎస్ కు నచ్చని పని చేసే ధైర్యం మోడీ, షా చేస్తారా? అన్న అనుమానాలూ వ్యక్తం అవుతున్నాయి. ఎవరు కాదన్నా.. మోడీకి ప్రత్యామ్నాయం నితిన్ గడ్కరి అన్న భావన సంఘ్ పరివార్ లో బలంగా ఉంది. 75 సంవత్సరాల పరిమితిపై ఆర్ఎస్ఎస్ చీఫ్ నొక్కి మరీ ప్రస్తావించడం వెనుక మోడీ ఇక ప్రధానిగా దిగిపోవాలన్న సూచనే ఉందని అంటున్నారు. ఒక వేళ మోడీ 75 ఏళ్ల పరిమితికి తలొగ్గి  దిగిపోక తప్పని పరిస్థితి ఏర్పడితే.. నితిన్ గడ్కరీ ఆర్ఎస్ఎస్ మద్దతు, ఆశీర్వాదాలతో పీఎం పదవి రేసులో ముందు వరుసలో ఉంటారు. యూపీ సీఎం యోగి ఆదిత్యనాథ్, రక్షణ మంత్రి రాజ్ నాథ్ సింగ్ వంటి వారిని బీజేపీ ప్రతిపాదించి రేసులో నిలబెట్టినా వారంతా నితిన్ తరువాతి స్థానాలకే పరిమితమైతారని పరిశీలకులు అంటున్నారు.  ఈ నేపథ్యంలో.. వ్రతం చెడినా ఫలం దక్కితే చాలన్నట్లుగా బీజేపీ అధినాయకత్వం బీహార్  ఎన్నికలపైనే దృష్టినంతా కేంద్రీకరిస్తుందంటున్నారు.  బీహార్ అసెంబ్లీ ఎన్నికల్లో గెలవడం బీజేపీకి ఇప్పుడు ఓ సవాల్ గా మారింది. సుదీర్ఘ కాలంగా అధికారంలో ఉన్న నితీష్ పట్ల ప్రజల్లో వ్యతిరేకత కనిపిస్తోంది. ఇటీవలి కాలంలో ఆయన అంత చురుకుగా వ్యవహరించలేకపోతున్నారు. విచిత్రంగా ప్రవర్తిస్తున్నారు. ఆరోగ్యం కూడా సరిగా లేదని అంటున్నారు. ఇలాంటి సమయంలో బీజేపీ, జేడీయూ సీఎం ఫేస్‌గా ఈ సారి నితీష్‌ను కాకుండా కొత్త వ్యక్తిని చూపించాలనుకుంటున్నారు. అయితే సీఎం నితీష్ ను తప్పించడం వల్ల బలమైన వర్గం అసంతృప్తికి గురైతే మొదటికే మోసం వస్తుంది. అందుకే నితీష్ ను అత్యున్నతంగా గౌరవిస్తున్నామని చెప్పేందుకు ఉపరాష్ట్రపతి పదవిలో కూర్చోబెట్టే ఆలోచన చేస్తున్నట్లుగా తెలుస్తోంది. ప్రస్తుతం బీజేపీలో ఎన్డీయే కూటమి అధికారంలో ఉంది. నితీష్ ముఖ్యమంత్రిగా ఉన్నారు. అయితే.. సుదీర్ఘకాలంగా సీఎం పదవిలో ఉన్న నితీష్ పై రాష్ట్రంలో తీవ్ర వ్యతిరేకత ఉందని సర్వేలు ముక్తకంఠంతో చెబుతున్నాయి. ఈ తరుణంలో నితీష్ ను సీఎం అభ్యర్థిగా ప్రొజెక్ట్ చేస్తూ ఎన్నికలకు వెళ్లడం ఆత్మహత్యాసదృశంగా బీజేపీ భావిస్తోంది. అందుకే నితీష్ కు ఉపరాష్ట్రపతి తాయిలం ఇచ్చి పక్కన పెడితే.. బీహార్ లో విజయం నల్లేరు మీద బండి నడకే అవుతుందన్న అంచనాతో ఉంది. అందుకే నితీష్ ను ఉపరాష్ట్రపతిగా ఒప్పించడానికి ప్రయత్నాలు చేస్తోంది. బీజేపీ ప్రతిపాదనకు నితీష్ అంగీకరిస్తారా అన్నదే చూడాల్సి ఉంది. ఇంకా ఉపరాష్ట్రపతి రేసులో శిశిథరూర్ పేరు కూడా వినిపిస్తోంది. అసలింతకీ బీజేపీ వ్యూహం ఏమిటి?  తదుపరి ఉపరాష్ట్రపతి ఎవరు అన్న ప్రశ్నలకు త్వరలోనే సమాధానం దొరుకుతుంది.  
తదుపరి ఉప రాష్ట్రపతి .. నితీషా? గడ్కరీయా? Publish Date: Jul 22, 2025 12:55PM
మిథున్ రెడ్డి జైలు ఎపిసోడ్.. కోర్కెల చిట్టా వింటే నోరెళ్లబెట్టాల్సిందే!

మిథున్ రెడ్డి జైలు ఎపిసోడ్.. కోర్కెల చిట్టా వింటే నోరెళ్లబెట్టాల్సిందే!

  ఒక టీవీ, బెడ్, వెస్ట్రన్ కమోడ్, మూడు పూటలా బయట నుంచి భోజనం, మంచం, దోమ తెర,  యోగ మ్యాట్,  వాకింగ్ షూస్, వార్త పత్రికలు, ఒక పర్యవేక్షకుడు, వారానికి ఐదు రోజులు ఇద్దరు లాయర్లతో ప్రైవసీతో కూడిన సమావేశాలు, రెగ్యులర్ మెడిసిన్, నోట్  బుక్స్, పెన్స్. ఇదీ ఏపీ మద్యం కుంభకోణం కేసులో కీలిక నిందితుడు మిథున్ రెడ్డి జైల్లో కావాలని అడిగిన సౌకర్యాలు. ఈ మేరకు ఆయన దాఖలు చేసుకున్న పిటిషన్ ను విచారించిన ఏసీబీ కోర్టు ఆయన కోరినవన్నిటికీ సమకూర్చమని జైలు అధికారులకు ఆదేశాలు ఇచ్చింది.  జులాయి అనే సినిమాలో  సినిమాలో బ్ర‌హ్మాంనందం అడిగిన‌ట్టు.. నోట్ బుక్స్ పెన్స్ కూడా అడ‌గ‌టం చూస్తుంటే... ఇప్ప‌టి వ‌ర‌కూ వేసిన లిక్క‌ర్ లెక్క‌లు చాల‌వ‌నా.. కొత్త‌గా జైల్లో కూడా లెక్క‌లు వేయాలా? అంటూ నెటిజనులు సెటైర్లు వేస్తున్నారు.  ఇదిలా ఉంటే ఒక రాజ‌కీయ ప్ర‌ముఖుడు జైలుకెళ్లాడ‌ని తెలిసిన వెంట‌నే ఇలాంటి వార్త‌లు త‌ర‌చూ వ‌స్తుంటాయ్. బేసిగ్గా రాజ‌కీయ రిమాండ్ ఖైదీల విష‌యంలో అధికారులు కూడా ఏమంత క‌టవుగా ఉండ‌రు. వారికి తోచినంత‌లో వారు వీరికి మ‌ర్యాద‌లందిస్తూనే ఉంటారు. 
మిథున్ రెడ్డి జైలు ఎపిసోడ్.. కోర్కెల చిట్టా వింటే నోరెళ్లబెట్టాల్సిందే! Publish Date: Jul 22, 2025 12:49PM
ముంబై రైలు పేలుళ్ల కేసు.. హైకోర్టు తీర్పుని సవాల్ చేయనున్న సర్కారు

ముంబై రైలు పేలుళ్ల కేసు.. హైకోర్టు తీర్పుని సవాల్ చేయనున్న సర్కారు

దేశంలోని అతిపెద్ద ఉగ్రవాద దాడుల్లో ఒకటైన 2006 ముంబై రైలు పేలుళ్లు కేసు మరోసారి దేశవ్యాప్తంగా చర్చనీయాంశంగా మారింది. ముంబై లోకల్ రైళ్లలో జూలై 11, 2006న జరిగిన వరుస బాంబు పేలుళ్లు దేశాన్ని విషాదంలో ముంచాయి. ఈ కేసులో కింద కోర్టు నిందితులకు విధించిన శిక్షను బాంబే హైకోర్టు రద్దు చేసి నిందితులను నిర్దోషులుగా ప్రకటించింది. కానీ మహారాష్ట్ర ప్రభుత్వం మాత్రం ఈ తీర్పు విషయంలో కీలక నిర్ణయం తీసుకుంది. ముంబై లోకల్ రైళ్లలో వరుస బాంబు పేలుళ్లు ఘటన భారతదేశ చరిత్రలోనే అత్యంత భయానక ఉగ్రవాద దాడుల్లో ఒకటిగా నిలిచింది. ఈ దాడుల్లో 189 మంది ప్రాణాలు కోల్పోగా, దాదాపు 900 మంది గాయాలపాలయ్యారు. 2008 ముంబై ఉగ్రవాద దాడుల కంటే ఎక్కువ మంది ఈ పేలుళ్లలో మరణించారు . ఈ కేసులో మహారాష్ట్ర యాంటీ-టెర్రరిజం స్క్వాడ్ 13 మందిని అరెస్టు చేసింది. 2015లో స్థానిక కోర్టు ఒకరిని మినహాయించి మిగిలిన 12 మందిని దోషులుగా తీర్పు చెప్పింది. కానీ, ఇటీవల బాంబే హైకోర్టు ఈ తీర్పును రద్దు చేస్తూ.. ఆ12 మంది నిందితులను నిర్దోషులుగా ప్రకటించింది. ఈ నేపథ్యంలో మహారాష్ట్ర ప్రభుత్వం బోంబాయి హైకోర్టు తీర్పును  సుప్రీం కోర్టులో సవాలు చేయాలని నిర్ణయించింది. బాంబే హైకోర్టులోని జస్టిస్ అనిల్ కిలోర్, జస్టిస్ శ్యామ్ చందక్‌లతో కూడిన ప్రత్యేక ధర్మాసనం..  2015లో మహారాష్ట్ర కంట్రోల్ ఆఫ్ ఆర్గనైజ్డ్ క్రైమ్ యాక్ట్ (MCOCA) కోర్టు ఇచ్చిన తీర్పును రద్దు చేసింది. ప్రాసిక్యూషన్ ఈ కేసును నిరూపించడంలో పూర్తిగా విఫలమైందనీ, నిందితులు నేరం చేశారని నమ్మడం కష్టమని కోర్టు తన 671 పేజీల తీర్పులో పేర్కొంది.  దర్యాప్తులో లోపాలను హైకోర్టు గుర్తించింది. నిందితుల అపరాధాన్ని నిరూపించడానికి సాక్ష్యాలు సరిపోలేదని, ఒప్పుకోలు వాంగ్మూలాలు నమ్మదగినవి కావని, సాక్షుల కథనాలు అస్పష్టంగా ఉన్నాయని, ముఖ్యమైన కాల్ డేటా రికార్డులను తొందరగా నాశనం చేశారని, ఆధారాలను జాగ్రత్తగా నిర్వహించలేదని కోర్టు పేర్కొంది. ఒప్పుకోలు వాంగ్మూలాలను పరిశీలిస్తే.. మొదటి భాగంలో వివరణాత్మక సమాచారం ఉంది. కానీ, పేలుళ్లకు సంబంధించిన సమాచారం విషయంలో నిందితులు ఇచ్చిన వివరాలు అస్పష్టంగా, అర్థరహితంగా ఉన్నాయి. ప్రాసిక్యూషన్ కూడా ఈ అంశాలపై ఎలాంటి ఆధారాలను సమర్పించలేకపోయిందని కోర్టు స్పష్టం చేసింది. అయితే మహారాష్ట్ర ముఖ్యమంత్రి దేవేంద్ర ఫడణవీస్ హైకోర్టు తీర్పును సుప్రీంకోర్టులో సవాలు చేయాలని నిర్ణయించారు. తీర్పు గురించి న్యాయవాదులతో చర్చించినట్లు  సీఎం తెలిపారు. హైకోర్టు తీర్పును సుప్రీంకోర్టులో సవాలు చేస్తామని ప్రకటించారు. ఈ కేసులో న్యాయం కోసం పోరాడేందుకు రాష్ట్ర ప్రభుత్వం సిద్ధంగా ఉందన్నారు. 2006 ముంబై రైలు పేలుళ్లు దేశంలోని అతిపెద్ద ఉగ్రవాద దాడుల్లో ఒకటి. ఈ దాడులు ముంబై రైల్వే వ్యవస్థను లక్ష్యంగా చేసుకుని, సామాన్య ప్రజల జీవితాలను ఛిన్నాభిన్నం చేశాయి. ఈ కేసులో నిందితులుగా ఉన్న 12 మందిలో చాలా మంది దాదాపు 19 సంవత్సరాలు జైలులో గడిపారు. వీరిలో ఒకరైన కమల్ అహ్మద్ అన్సారీ 2021లో మరణించారు. ఈ తీర్పు దర్యాప్తు సంస్థలపై ప్రజల విశ్వాసాన్ని ప్రభావితం చేసే అవకాశం ఉంది. మహారాష్ట్ర ప్రభుత్వం ఇప్పుడు సుప్రీంకోర్టులో ఈ తీర్పును సవాలు చేయనుంది. దీంతో ఈ కేసు ఇప్పుడు దేశవ్యాప్తంగా చర్చనీయాంశంగా మారింది.
ముంబై రైలు పేలుళ్ల కేసు.. హైకోర్టు తీర్పుని సవాల్ చేయనున్న సర్కారు Publish Date: Jul 22, 2025 12:35PM

News Videos

    See More News Videos
    ఉపరాష్ట్రపతి రాజీనామా.. తెర వెనక కథేమిటి?!

    ఉపరాష్ట్రపతి రాజీనామా.. తెర వెనక కథేమిటి?!

    ఉపరాష్ట్రపతి జగదీప్‌ ధన్‌ఖడ్‌ ఎలాంటి సంకేతం, సమాచారం లేకుండా అనూహ్య నిర్ణయం తీసుకున్నారు. ఉపరాష్ట్రపతి పదవికి రాజీనామా చేశారు. పార్లమెంటు వర్షాకాల సమావేశాల తొలిరోజునే ధన్‌ఖడ్‌ తమ రాజీనామా లేఖను రాష్ట్రపతి ద్రౌపతి ముర్ముకు సమర్పించారు. అనారోగ్య కారణాల రీత్యా వైద్య సలహా మేరకే ఈ నిర్ణయం తీసుకున్నట్లు ఆయన ప్రకటించారు. అయితే.. కనీసం చిన్న సంకేతం కూడా లేకుండా ఉప రాష్ట్రపతి రాజీనామా చేయడం సంచలనం సృష్టించడమే కాదు.. సందేహాలకు తావిస్తోందని రాజకీయ వర్గాలు భావిస్తున్నాయి. అలాగే..  ఇది ఆయన వ్యక్తిగత నిర్ణయం కాకపోవచ్చనే  అనుమానాలు వ్యక్తమవుతున్నాయి.  నిజానికి..  ధన్‌ఖడ్‌  తన రాజీనామా లేఖలో పేర్కొన్నట్లుగా  అనారోగ్య కారణాల వల్లనే రాజీనామా నిర్ణయం తీసుకుని ఉంటే.. ఇంత హటాత్తుగా తన నిర్ణయాన్ని ప్రకటించవలసిన అవసరం ఏముందనే సందేహాలు వ్యక్తమవుతున్నాయి. అది కూడా పార్లమెంట్ వర్షాకాల సమావేశాలు ప్రారంభమైన తొలి రోజునే ఇంత సంచలన నిర్ణయం తీసుకోవడం  సహజంగానే సందేహాలకు తావిచ్చేలా ఉందని రాజకీయ విశ్లేషకులు భావిస్తున్నారు. అన్నిటికీ మించి రోజంతా  సభలో ఎప్పటిలా యథావిధిగా కార్యక్రమలు నిర్వహించిన ఉపరాష్ట్రపతి  ఆ వెంటనే తమ రాజీనామా నిర్ణయాన్ని ప్రకటించడంతో ధన్‌ఖడ్‌ ఆకస్మిక రాజీనామా వెనుక రాజకీయ కారణాలుండవచ్చునన్న చర్చ జోరందుకుంది.   అయితే అదేమిటనే విషయంలో మాత్రం ఎవరికీ స్పష్టత ఉన్నట్లు కనిపించడం లేదు.ప్రధానమంత్రి నరేంద్ర మోదీ ప్రభుత్వం  పెద్ద నోట్ల రద్దు మొదలు అనేక సంచలన నిర్ణయాల విషయంలో పాటించిన గోప్యతనే ఉప రాష్ట్రపతి రాజీనామా విషయంలోనూ పాటించిందనీ..  విషయం ఎక్కడా లీక్ కాకుండా జాగ్రత్త పడిందని అంటున్నారు.  అయితే..  గత కొంత కాలంగా ఢిల్లీలో చోటు చేసుకుంటున్న పరిణామాలను గమనిస్తే, ప్రధానమంత్రి నరేంద్ర మోదీ ప్రభుత్వం ప్రస్తుత వర్షాకాల సమావేశాల్లో సంచలన నిర్ణయం ఏదో తీసుకుంటుందనే అనుమానాలు ఢిల్లీ రాజకీయ వర్గాల్లో, ముఖ్యంగా విపక్ష శిబిరంలో వినిపిస్తున్నాయి. కానీ.. మోదీ తీసుకునే సంచలన నిర్ణయం ఉప రాష్ట్రపతి రాజీనామా అవుతుందని మాత్రం ఎవరూ ఉహించలేదు. అయితే, పహల్గం ఉగ్రదాడి, ఆపరేషన్ సిందూర్, బీహార్ ఓటర్ల సవరణ అస్త్రాలతో వర్షాకాల యుద్ధానికి సిదమైన విపక్షాలను ఎదుర్కునేందుకు వక్ఫ్ బిల్లును తీసుకురావడమో లేదా మరో కీలక నిర్ణయం తీసుకోవచ్చని విపక్షాలు ఊహిస్తున్నాయి. కానీ, ఉపరాష్ట్రపతి రాజీనామా చేస్తారని మాత్రం ఎవరూ ఉహించలేదు. కాగా.. విశ్వసనీయ సమాచరం మేరకు మూడు రోజుల కిందట..అంటే శనివారం  (జులై 19) ఉత్తర ప్రదేశ్ ముఖ్యమంత్రి యోగి ఆదిత్య నాథ్  హటాత్తుగా ఢిల్లీ వచ్చారు. విమానాశ్రయం నుంచి నేరుగా ప్రధాని నివాసానికి వెళ్లి గంటకు పైగా ప్రధానితో సమావేశమయ్యారు. అక్కడి నుంచి ఆయన నేరుగా హోమ్ మంత్రి అమిత్ షాను కలిశారు. మరో గంట ఆయనతో సమావేశమయ్యారు. ఆ వెంటనే అమిత్ షా, ప్రధాని నివాసానికి వెళ్లి ఆయనతో సమావేశ మయ్యారు. అదే సమయంలో పార్లమెంట్ ప్రాంగణంలో భద్రతా సిబ్బంది  మాక్ డ్రిల్  నిర్వహించినట్లు సమాచారం.  అలాగే సోమవారం (జులై 21) పార్లమెంట్ జరుగుతున్న సమయంలోనే ప్రధాని పార్లమెంట్ కార్యాలయంలో  హోం మంత్రి అమిత్ షా, రక్షణ మంత్రి రాజ నాథ్ సింగ్,ఆర్థిక మంత్రి నిర్మల సీతారామన్, రసాయనాలు  ఎరువుల శాఖ మంత్రి, బీజేపీ అధ్యక్షుడు జేపీ నడ్డా, పార్లమెంటరీ వ్యవహారాల శాఖ మంత్రి కిరణ్ జిజూ, మరో ఒకరిద్దరు కీలక శాఖల మంత్రులు సమావేశమయ్యారు. శని(జులై 19),సోమ(జులై 21)వారాల్లో జరిగిన జరిగిన కీలక సమావేశాలకు, ఉప రాష్ట్రపతి  ఆకస్మిక రాజీనామాకు ఏదైనా సంబంధం ఉందా? లేదా?  అనే విషయంలో స్పష్టత లేకున్నా..  సంబంధం ఉండే ఉంటుందనే అనుమానాలు బలంగా వినిపిస్తున్నాయి. అలాగే.. ఈ సమావేశాల్లో ఎక్కడా నాగపూర్ ఎంపీ, కేంద్ర మంత్రి నితిన్ గడ్కరీ లేక పోవడాన్ని కూడా ప్రత్యేకంగా చెప్పుకోవాల్సి ఉంటుందని పరిశీలకులు విశ్లేషిస్తున్నారు.    తెరవెనక జరిగిన ఈ  పరిణామాల నేపథ్యంలో ఉపరాష్ట్రపతి ఆకస్మిక రాజీనామా వెనక.. అసలు కథ ఇంకేదో ఉందని అంటున్నారు. ముఖ్యంగా, బీజేపీ, ఆర్ఎస్ఎస్ ల మధ్య అంతర్గతంగా సాగుతున్న విభే దాలు.. మరీ ముఖ్యంగా 75 సవత్సరాల వయోపరిమితి నిబంధనను ప్రధాని మోదీకి వర్తింప చేయాలని  ఆర్ఎస్ఎస్ అధినేత మోహన్ భాగవత్  పట్టు పడుతున్న నేపథ్యంలో, మోదీకి  పోటీగా ఉన్న నాగపూర్ ఎంపీ నితిన్ గడ్గరిని పక్కకు తప్పించేందుకు జరుగుతున్న ప్రయత్నాలలో భాగంగానే ఉపరాష్ట్రపతి చేత రాజీనామా చేయించారని అంటున్నారు. గతంలో వెంకయ్య నాయుడును క్రియాశీల రాజకీయాలకు దూరం చేసేందుకు, ఆయనకు ఇష్టం లేకున్నా, బలవంతంగా ఉపరాష్ట్రపతిని చేసిన విధంగా, ఇప్పడు నితిన్ గడ్కరీని క్రియాశీల రాజ కీయాల నుంచి తప్పించేందుకు  ఉపరాష్ర్టప్రతిని  చేసే ప్రయత్నం జరుగుతోందని అంటున్నారు. అయితే..  నితిన్ గడ్కరీ అందుకు అంగీకరిస్తారా? అంతకంటే ముఖ్యం గా  మోదీ, షా .. జోడీ.. ప్రయత్నాలకు నాగపూర్ ఆమోదిస్తుందా? అంటే చూడాల్సి ఉందని అంటు న్నారు.
    ఉపరాష్ట్రపతి రాజీనామా.. తెర వెనక కథేమిటి?! Publish Date: Jul 22, 2025 12:03PM
    మల్లారెడ్డి చూపెటు.. సైకిల్ వైపా..కమలం వైపా?

    మల్లారెడ్డి చూపెటు.. సైకిల్ వైపా..కమలం వైపా?

    బీఆర్ఎస్ ఎమ్మెల్యే, మాజీ మంత్రి ఛామకూర మల్లారెడ్డి కమలం గూటికి చేరనున్నారా? కేంద్ర మంత్రి, బీజేపీ రాష్ట్ర మాజీ అధ్యక్షుడు బండి సంజయ్ కు దగ్గర కావడానికి ప్రయత్నిస్తున్నారా? అంటే తెలంగాణ రాజకీయవర్గాలలో ఔననే ప్రచారమే జరుగుతోంది. ఇటీవలి కాలంలో మల్లారెడ్డి  బీఆర్ఎస్ కార్యక్రమాలలో పెద్దగా పాల్గొనడం లేదు. అదే సమయంలో ఆయన కోడలు ప్రీతిరెడ్డి పొలిటికల్ అడుగులు బీజేపీవైపు పడుతున్నట్లుగా కనిపిస్తున్నది. వాస్తవానికి ప్రీతిరెడ్డి పొలిటికల్ గా యాక్టివ్ గా ఉంటారు. వచ్చే ఎన్నికలలో మల్కాజ్ గిరి నియోజకవర్గం నుంచి పోటీ చేయాలని ఆసక్తి కనబరుస్తున్నారు. ఇప్పుడు ఆమె బండి సంజయ్ ద్వారా ఆమె బీజేపీలోకి వెళ్లేందుకు ప్రయత్నిస్తున్నారని ప్రచారం జరుగుతున్నది.   ఇటీవల బోనాల వేడుకల సందర్భంగా బండి సంజయ్ ను ఆహ్వానిస్తూ , శుభాకాంక్షలు చెబుతూ పాతబస్తీలో  పలు ఫ్లెక్సీలు వెలిశాయి. ఆ ఫ్లెక్సీలలో చాలా వరకూ బీజేపీ నేతలు, శ్రేణులు ఏర్పాటు చేసినవే.  అయితే బండి సంజయ్ కు స్వాగతం పలుకుతూ చామకూర మల్లారెడ్డి కోడలు ప్రీతీరెడ్డి కూడా ఫ్లెక్సీలు ఏర్పాటు చేశారు. అలాగే బండి సంజయ్ కు విందు కూడా ఇచ్చారు. ప్రీతిరెడ్డి ఫ్లెక్సీలు, ఆమె ఇచ్చిన విందుకు బండి సంజయ్ హాజరైన దృశ్యాలు సామాజిక మాధ్యమంలో వైరల్ అయ్యాయి. బీఆర్ఎస్ ఎమ్మెల్యే ఆయిన తన మామ మల్లారెడ్డి అనుమతి, ఆశీర్వాదం లేకుండానే ప్రీతిరెడ్డి బీజేపీకి అనుకూలంగా ఇలా వ్యవహరిస్తారా? అన్న ప్రశ్నలు తలెత్తుతున్నాయి. గత కొంత కాలంగా రాజకీయంగా పెద్దగా యాక్టివ్ గా కనిపించని మల్లారెడ్డి.. బీఆర్ఎస్ కు దూరం జరుగుతున్నారన్న ప్రచారం ఇప్పటికే జోరుగా ఉంది. ప్రీతిరెడ్డి బండి సంజయ్ కు స్వాగతం పలుకుతూ ఫ్లెక్సీలు ఏర్పాటు చేయడం, ఆయనకు విందు ఇవ్వడం  మల్లారెడ్డి వ్యూహమేనని పరిశీలకులు విశ్లేషిస్తున్నారు.   
    మల్లారెడ్డి చూపెటు.. సైకిల్ వైపా..కమలం వైపా? Publish Date: Jul 22, 2025 10:56AM
    వర్షాలే.. వర్షాలు.. ఇక ఇప్పుడు ఏపీ వంతు

    వర్షాలే.. వర్షాలు.. ఇక ఇప్పుడు ఏపీ వంతు

    గత నాలుగు రోజులుగా తెలంగాణలో దంచి కొట్టిన వర్షాలు మంగళవారం నాడు ఒకింత తెరిపి ఇచ్చాయి. ఇక ఇప్పుడు ఏపీ వంతు అంటున్నాయి. రానున్నమూడు రోజులూ ఆంధ్రప్రదేశ్ వ్యాప్తంగా భారీ వర్షాలు కురిసే అవకాశం ఉందని వాతావరణ శాఖ పేర్కొంది. దక్షిణ ఒడిశా పరిసర ప్రాంతాలలో ఏర్పడిన ఉపరితల ఆవర్తనం ప్రభావంతో ఏపీలో భారీ నుంచి అతి భారీ వర్షాలు కురిసే అవకాశం ఉందని అమరావతి వాతావరణ శాఖ హెచ్చరించింది. విపత్తు నిర్వహణ సంస్థ అప్రమత్తంగా ఉండాలని సూచించింది.  ముఖ్యంగా అల్లురి సీతారామరాజు, తూర్పుగోదావరి, పశ్చిమ గోదావరి, ఏలూరు, కృష్ణా, ఎన్టీఆర్, గుంటూరు, బాపట్ల, పల్నాడు, ప్రకాశం జిల్లాల్లో భారీ వర్షాలకు అవకాశం ఉందనీ, మిగిలిన జిల్లాలలో కూడా ఓ మోస్తరు నుంచి భారీ వర్షాలు కురుస్తాయని తెలిపింది.  
    వర్షాలే.. వర్షాలు.. ఇక ఇప్పుడు ఏపీ వంతు Publish Date: Jul 22, 2025 10:34AM
    గిరిజనుడిపై పెద్దపులి దాడి

    గిరిజనుడిపై పెద్దపులి దాడి

    నల్లమల అడవి ప్రాంతంలోని అభయారణ్యంలో పెద్దపులి దాడిలో ఓ  గిరిజనుడు తీవ్రంగా గాయపడ్డాడు. ఆత్మకూరు రేంజ్ లో  కొత్తపల్లి మండలం సదరం పెంట చెంచు గుడానికి చెందిన పులిచెర్ల అంకన్న అనే యువకుడిపై సోమవారం ( జులై 21) పులి దాడి  చేసింది. అదృష్టవశాత్తూ పులి దాడి నుంచి ప్రాణాలతో బయటపడిన అంకన్నను ఆత్మకూరు  ప్రభుత్వ వైద్యశాలకు తరలించి మెరుగైన వైద్య సేవలు అందించారు. ఆత్మకూర్ రేంజ్ పరిధిలోని చదరం పెంట చెంచుగూడెం లో పులిచెర్ల అంకన్న తన పొలంలో సాగుచేసిన వరి పంటను చూసుకునేందుకు పొలం వైపు వెడుతుండగా.. పొదల్లో మాటేసి ఉన్న  పెద్దపులి ఒక్కసారిగా  దాడి చేసింది. ఎలాగో పెద్దపులి దాడి నుంచి అంకన్న తప్పించుకున్నప్పటికీ కాళ్లకూ, చేతులకూ తీవ్ర గాయాలయ్యాయి.  ఈ సంఘటనతో అటవీ ప్రాంతానికి సమీపంలో ఉన్న గ్రామాల గిరిజనులు తీవ్ర భయాందోళనలకు గురౌతున్నారు. అంకన్న కేకలు విని గ్రామస్తులు పెద్ద సంఖ్యలో రావడం.. వారి అరుపులకు బెదరిని పులి అంకన్నను వదిలేసి పోయింది. అయితే మనిషిరక్తం రుచి చూసిన పులి మానీటర్ గా మారుతుందన్న ఆందోళన గిరిజనులతో వ్యక్తం అవుతోంది.  అటవీ అధికారులు పులులు గ్రామాలలోకి రాకుండా తగు చర్యలు తీసుకోవాలని కోరుతున్నారు. 
    గిరిజనుడిపై పెద్దపులి దాడి Publish Date: Jul 22, 2025 10:19AM
    క్వార్జ్ అక్రమ తవ్వకాల కేసులో ఏ12 బిరదవోలు శ్రీకాంత్ రెడ్డి అరెస్టు

    క్వార్జ్ అక్రమ తవ్వకాల కేసులో ఏ12 బిరదవోలు శ్రీకాంత్ రెడ్డి అరెస్టు

    వైసీపీ నేతలు, శ్రేణులను అరెస్టు భయం వణికించేస్తున్నది. అధికారంలో ఉండగా చేసిన తప్పుడు, అక్రమాలు, అన్యాయాలు, దౌర్జన్యాలకు ఇప్పుడు మూల్యం చెల్లించుకోవలసిన పరిస్థితి ఏర్పడటంతో వారు దిక్కు తోచని స్థితిలో పడ్డారు. ఇప్పటికే పలువురు వైసీపీ నేతలు అరెస్టయ్యారు. మాజీ మంత్రి పేర్ని నాని వంటి వారు అజ్ణాతంలోకి వెళ్లి కోర్టు బెయిలు మంజూరు చేస్తుందన్న ఆశతో ఉన్నారు. ఇక తాజాగా మరో ఇద్దరు నేతలను పోలీసులు అరెస్టు చేశారు. వైసీపీ హయాంలో స్కాములు, దాడులు, దౌర్జన్యాలు, సోషల్ మీడియాలో అనుచిత వ్యాఖ్యలకు పాల్పడిన వైసీపీయులు వరుసగా అరెస్టు అవుతున్నారు. ఇప్పడు  నెల్లూరు జిల్లాకు చెందిన వైసీపీ కీలక నేత బిరదవోలు శ్రీకాంత్ రెడ్డిని పోలీసులు  సోమవారం (జులై 21)నఅరెస్టు చేశారు. అలాగే వైసీపీ అధికార ప్రతినిథి రమేష్ రెడ్డిని అన్నమయ్య జిల్లా పోలీసులు అరెస్టు చేసి మదనపల్లి పోలీసు స్టేషన్ కు తరలించారు.  బిరదవోలు శ్రీకాంత్ రెడ్డి వైసీపీ హయాంలో జరిగిన  క్వార్ట్జ్ అక్రమ తవ్వకాలు, పెద్దఎత్తున పేలుడు పదార్ధాల వినియోగం, అట్రాసిటీ కేసులో ఏ 12 నిందితుడిగా శ్రీకాంత్ రెడ్డి ఉన్నారు. గత కొంత కాలంగా నెల్లూరు జిల్లా పోలీసుల నుంచి తప్పించుకుని తిరుగుతున్నారు. ఈ నేపథ్యంలో  బిరదవోలు హైదరాబాద్ లో ఉన్నాడని తెలుసుకున్న నెల్లూరు జిల్లా పోలీసులు ఆయనను అక్కడ అరెస్టు చేసి ఏపీకి తరలించారు.  ఇదే కేసులో మాజీ మంత్రి కాకాణి గోవర్దన్ రెడ్డి అరెస్టైన సంగతి తెలిసిందే. ఇలా ఉండగా బిరదవోలు శ్రీకాంత్ రెడ్డి  మాజీ మంత్రి,   వైసీపీ నేత అనిల్ కుమార్ యాదవ్‌కు  అత్యంత సన్నిహితుడు.   ఇక  రమేష్ రెడ్డి  ఏపీ రవాణా శాఖ మంత్రి రామ్ ప్రసాద్ రెడ్డిపై అనుచిత వ్యాఖ్యలు చేసిన  కేసులో అరెస్టు చేశారు. లక్కిరెడ్డిపల్లిలో అరెస్టు చేసిన రమేష్ రెడ్డిని భారీ బందోబస్తు మధ్య మదనపల్లి పోలీసు స్టేషన్ కు తరలించారు.  
    క్వార్జ్ అక్రమ తవ్వకాల కేసులో ఏ12 బిరదవోలు శ్రీకాంత్ రెడ్డి అరెస్టు Publish Date: Jul 22, 2025 9:44AM
     ప్రపంచ మెదడు దినోత్సవం.. మెదడు ఆరోగ్యాన్ని నాశనం చేసే అలవాట్లు ఇవే..!

     ప్రపంచ మెదడు దినోత్సవం.. మెదడు ఆరోగ్యాన్ని నాశనం చేసే అలవాట్లు ఇవే..!

     మెదడు ఆరోగ్యం గురించి అవగాహన పెంచే లక్ష్యంతో ప్రతి సంవత్సరం జూలై 22న ప్రపంచ మెదడు దినోత్సవాన్ని జరుపుకుంటారు. మన మెదడు ఆలోచించడానికి లేదా గుర్తుంచుకోవడానికి మాత్రమే పని చేస్తుందంటే అది పొరపాటు.  మెదడు మనిషి  ప్రతి భావోద్వేగాన్ని, ప్రతి చర్యను,  మొత్తం ఉనికిని నియంత్రిస్తుంది. ఇది శరీరంలోని అత్యంత సంక్లిష్టమైన,  అద్భుతమైన భాగం మెదడు ఆరోగ్యంగా ఉండాలంటే దానికి రక్షణ అవసరం. తరచుగా రోజువారీ అలవాట్లతో తెలిసి లేదా తెలియకుండానే మెదడు ఆరోగ్యాన్ని దెబ్బతీస్తూనే ఉంటాము. మారుతున్న జీవనశైలితో చిత్తవైకల్యం, స్ట్రోక్,  అల్జీమర్స్ వంటి మెదడు సంబంధిత వ్యాధులు వేగంగా పెరుగుతుండటం ప్రజలను కలవరపెడుతోంది.  ఇది తీవ్రమైన ఆందోళన కలిగించే విషయం. అయితే ప్రపంచ మెదడు దినోత్సవం సందర్భంగా మెదడు ఆరోగ్యానికి చేటు చేసే అలవాట్లు కొన్ని ఉన్నాయి. అవేంటో తెలుసుకుంటే.. అధిక ప్రాసెస్ చేసిన ఆహారం.. అధికంగా ప్రాసెస్ చేసిన ఆహారాలు మన మెదడుకు నెమ్మదిగా విషంలా మారవచ్చు. ప్రాసెస్ చేసిన ఆహారంలో  అనారోగ్యకరమైన కొవ్వులు, సోడియం సంకలనాలు ఉంటాయి. ఇవి మెదడు ఆరోగ్యానికి హానికరం. చక్కెర వినియోగం....  అధిక చక్కెర వినియోగం బరువును పెంచడమే కాకుండా మధుమేహం ప్రమాదాన్ని పెంచుతుంది, కానీ ఇది మెదడు పనితీరును కూడా నేరుగా ప్రభావితం చేస్తుంది. అధిక చక్కెర స్థాయిలు మెదడులో ఇన్సులిన్ నిరోధకతను కలిగిస్తాయి, ఇది జ్ఞాపకశక్తి మరియు ఆలోచనా సామర్థ్యం వంటి అభిజ్ఞా సామర్థ్యాలను బలహీనపరుస్తుంది. ధూమపానం,  మద్యం సేవించడం.. ధూమపానం,  మద్యం సేవించడం రెండూ మెదడుకు చాలా వినాశకరమైనవి. ధూమపానం రక్త నాళాలను ఇరుకు చేస్తుంది.  మెదడుకు ఆక్సిజన్,  పోషకాల ప్రవాహాన్ని తగ్గిస్తుంది. ఇది స్ట్రోక్, చిత్తవైకల్యం,  మెదడులో రక్తస్రావం ప్రమాదాన్ని పెంచుతుంది. ధూమపానం మెదడు కణాలను కూడా నేరుగా దెబ్బతీస్తుంది.  అభిజ్ఞా క్షీణతను వేగవంతం చేస్తుంది. మద్యం సేవించడం మెదడు కణాలను నాశనం చేస్తుంది. ఇది జ్ఞాపకశక్తి కోల్పోవడం, ఏకాగ్రత సమస్యలు,  సమతుల్యత కోల్పోవడానికి దారితీస్తుంది. ఇది విటమిన్ B1 లోపంతో సంబంధం ఉన్న వెర్నికే-కోర్సాకోఫ్ సిండ్రోమ్ వంటి తీవ్రమైన నాడీ సంబంధిత సమస్యలను కలిగిస్తుంది. తగినంత నిద్ర లేకపోవడం,  దీర్ఘకాలిక ఒత్తిడి.. నేటి వేగవంతమైన జీవితంలో తగినంత నిద్ర లేకపోవడం అనేది ఒక సాధారణ సమస్య. ఇది మన మెదడుకు చాలా హానికరం. నిద్రలో, మెదడు తనను తాను విషప్రక్రియ చేసి జ్ఞాపకాలను బలపరుస్తుంది. నిద్ర లేకపోవడం మెదడు పనితీరును ప్రభావితం చేస్తుంది.  దీని వలన ఏకాగ్రత తగ్గడం, జ్ఞాపకశక్తి కోల్పోవడం, మానసిక స్థితి మారడం,  నిర్ణయం తీసుకునే సామర్థ్యం తగ్గుతుంది. దీర్ఘకాలిక ఒత్తిడి కూడా మెదడును దెబ్బతీస్తుంది. స్థిరమైన ఒత్తిడి కార్టిసాల్ వంటి ఒత్తిడి హార్మోన్ల స్థాయిని పెంచుతుంది. ఇది మెదడు యొక్క హిప్పోకాంపస్ (జ్ఞాపకశక్తి,  ఆలోచనతో సంబంధం ఉన్న భాగం) ను కుదించవచ్చు. నిరాశ, ఆందోళన,  జ్ఞాపకశక్తి సమస్యలను పెంచుతుంది. శారీరక శ్రమ లేకపోవడం,  సామాజిక ఒంటరితనం.. శారీరక శ్రమ లేని నిశ్చల జీవనశైలి శరీరానికి మాత్రమే కాకుండా, మెదడుకు కూడా హానికరం. వ్యాయామం రక్త ప్రసరణను పెంచుతుంది, ఇది మెదడుకు ఆక్సిజన్,  పోషకాలను బాగా అందిస్తుంది. శారీరక శ్రమ లేకపోవడం మెదడులో కొత్త న్యూరాన్లు ఏర్పడే ప్రక్రియను నెమ్మదిస్తుంది. సామాజిక ఒంటరితనం కూడా మెదడు ఆరోగ్యంపై ప్రతికూల ప్రభావాన్ని చూపుతుంది. మానవ మెదడు సామాజిక పరస్పర చర్య కోసం తయారు చేయబడింది. సామాజిక కార్యకలాపాలు లేకపోవడం లేదా ఒంటరితనం నిరాశ, ఆందోళన,  చిత్తవైకల్యం ప్రమాదాన్ని పెంచుతుంది.                  *రూపశ్రీ. గమనిక: ఇది సోషల్ సమాచారం మాత్రమే. కొన్ని అధ్యయనాలు, సంబంధిత నిపుణుల ప్రకారం ఈ వివరాలు అందించాం. వ్యక్తుల ఆరోగ్యాన్ని బట్టి ఫలితాలుంటాయి. వీటిని పాటించేముందు.. సంబంధిత నిపుణుడిని సంప్రదించడం శ్రేయస్కరం. అలాగే, హెల్తీ లైఫ్ స్టైల్, సరైన ఆహారం కూడా తీసుకోవడం మీ ఆరోగ్యానికి ఎంతో మేలు..
     ప్రపంచ మెదడు దినోత్సవం.. మెదడు ఆరోగ్యాన్ని నాశనం చేసే అలవాట్లు ఇవే..! Publish Date: Jul 22, 2025 9:30AM
    కష్ట సమయాలను త్వరగా అధిగమించడం ఎలా? చాణక్యుడు చెప్పిన రహస్యాలు ఇవే..!

    కష్ట సమయాలను త్వరగా అధిగమించడం ఎలా? చాణక్యుడు చెప్పిన రహస్యాలు ఇవే..!

      ప్రతి ఒక్కరూ జీవితంలో సంతోషమే కావాలని కోరుకుంటారు.  కష్టం కావాలని,  ఇబ్బందులు ఎదుర్కోవాలని ఏ కోశాన ఆలోచించరు. కానీ కష్టసుఖాలు అనేవి చీకటి వెలుగుల లాంటివి.  ఒకదాని తరువాత మరొకటి రాక తప్పవు. అయితే సంతోష సమయాలను ఆస్వాదించినట్టు వాటిని స్వీకరించినట్టు కష్ట సమయాలను తీసుకోలేరు. కానీ ఆచార్య చాణక్యుడు చెప్పిన రహస్యాలు తెలుసుకుంటే.. ఈ కష్ట సమయాలను కూడా చాలా త్వరగా, సులువుగా దాటేయచ్చు. అవేంటో తెలుసుకంటే.. వాస్తవం.. ఏ వ్యక్తినైనా జీవితంలో  అత్యంత కష్టతరమైన సమయమే ఉత్తమ సమయంగా పరిగణించబడుతుంది. ఎందుకంటే ఇది  స్వంత సామర్థ్యాలను గుర్తించగలిగే సమయం. ఇతరుల కంటే తాము ఎంత బలంగా ఉన్నాము,  ఇతరుల కంటే ఎంత ప్రత్యేకంగా ఉన్నాం.. అనే విషయాన్ని ఇది తెలుపుతుంది.  ఓపిక.. కష్ట సమయాల్లో ఓపికగా ఉండటం చాలా ముఖ్యం. ఎందుకంటే ఓపిక లేకపోతే తొందరపడి తప్పు నిర్ణయం తీసుకోవచ్చు. దీని కారణంగా సమస్య  మరింత పెరుగుతుంది. దీనితో పాటు చెడు సమయాల్లో జాగ్రత్తగా ఉండటం కూడా చాలా ముఖ్యం. ఆలోచన.. కష్ట  సమయంలో ఒక చిన్న తప్పు కూడా  చాలా పెద్ద నష్టానికి దారి తీస్తుంది. అందుకే ఆచార్య చాణక్యుడు కష్ట సమయాల్లో ప్రతి అడుగును ఆలోచనాత్మకంగా వేయాలని చెబుతాడు. బలం.. కష్ట సమయాల్లో తన బలాన్ని గుర్తించి, దానిని సరిగ్గా ఉపయోగించుకునే గుణం  వ్యక్తికి ఉండాలి. కష్ట సమయాల్లో తన సామర్థ్యాలను విశ్వసిస్తే, త్వరగా పరిష్కారం కనుగొంటాడని ఆచార్య చాణక్యుడు చెబుతున్నాడు. ఆరోగ్యం.. కష్ట సమయాల్లో ఆరోగ్యాన్ని జాగ్రత్తగా చూసుకోవడం చాలా ముఖ్యం. ఎందుకంటే  ఆరోగ్యంగా ఉన్నప్పుడే,  సవాళ్లను ధైర్యంగా ఎదుర్కోగలరు. ఆరోగ్యంగా ఉన్నప్పుడే మానసిక స్థితి కూడా దృఢంగా ఉంటుంది. ప్రణాళిక.. చాణక్యుడి ప్రకారం ప్రతి వ్యక్తికి కష్ట సమయాల్లో ఒక ప్రణాళిక ఉండాలి. తద్వారా  సరైన దిశలో ముందుకు సాగవచ్చు. దీనితో పాటు, ప్రతి వ్యక్తి చెడు సమయాల్లో ఉపయోగకరంగా ఉండేలా డబ్బును కూడా ఆదా చేయాలి. సానుకూలత.. కొంతమంది కష్టకాలం వచ్చిన వెంటనే కొన్ని వదిలేయాలని చూస్తారు.   ఆ పరిస్థితి నుండి బయటపడటానికి ప్రయత్నించరు. అందుకే  ఆచార్య చాణక్యుడు క్లిష్ట పరిస్థితుల్లో  ఆలోచనను సానుకూలంగా ఉంచుకోవడం ముఖ్యం అని చెప్పారు. సానుకూల ఆలోచనతో  సవాళ్లను ధైర్యంగా ఎదుర్కోవచ్చు. దీనితో పాటు బలాన్ని పొందుతూ ఉండటానికి కుటుంబ సహకారం కూడా అవసరం.                                *రూపశ్రీ.  
    కష్ట సమయాలను త్వరగా అధిగమించడం ఎలా? చాణక్యుడు చెప్పిన రహస్యాలు ఇవే..! Publish Date: Jul 22, 2025 9:30AM
    నాలుక రంగును బట్టి ఆరోగ్య పరిస్థితి తెలుసుకోవచ్చు..!

    నాలుక రంగును బట్టి ఆరోగ్య పరిస్థితి తెలుసుకోవచ్చు..!

       మన శరీరంలోని ప్రతి భాగం మన ఆరోగ్యం గురించి ఏదో ఒక విషయం చెబుతుంది.  అలాంటి అవయవాలలో  నాలుక ముఖ్యమైనది. ఇది రుచి చూడటానికే పరిమితం కాదు, ఇది మన మొత్తం ఆరోగ్య స్థితికి ముఖ్యమైన అద్దం. సాధారణంగా ఆరోగ్యకరమైన నాలుక లేత గులాబీ రంగులో, తేమగా ఉంటుంది.  దానిపై లేత తెల్లటి పొర ఉంటుంది. కానీ  నాలుక రంగు, ఆకృతి,  మొత్తం రూపం అసాధారణంగా కనిపిస్తే అది జాగ్రత్త పడాల్సిన అవసరం ఉన్నట్టే.. నాలుక స్థితిని బట్టి  అనేక వ్యాధులను ముందుగానే గుర్తించవచ్చు.  ఇది వాటి రోగ నిర్ధారణ,  చికిత్సను సకాలంలో సాధ్యం చేస్తుంది.  నాలుక తెలుపు, పసుపు లేదా ముదురు ఎరుపు రంగులో ఉంటే, అది ఏ వ్యాధులను సూచిస్తుందో  తెలుసుకుంటే.. తెల్లటి నాలుక.. తెల్లటి నాలుక లేదా మందపాటి తెల్లటి పూత తరచుగా నోటి పరిశుభ్రత సరిగా లేకపోవడం, ఫంగల్ ఇన్ఫెక్షన్లు (నోటి త్రష్ వంటివి) లేదా నిర్జలీకరణానికి సంకేతం కావచ్చు. కాండిడా ఈస్ట్ వల్ల కలిగే ఓరల్ త్రష్ పిల్లలు,  బలహీనమైన రోగనిరోధక శక్తి ఉన్నవారిలో సాధారణం. అలాగే తెల్లటి మచ్చలు ఏర్పడే ల్యూకోప్లాకియా అనే పరిస్థితి నోటి క్యాన్సర్  ప్రారంభ సంకేతం కావచ్చు. ధూమపానం,  పొగాకు వాడకం కూడా తెల్లటి నాలుకకు కారణమవుతుంది. నాలుకను క్రమం తప్పకుండా బ్రష్ చేయడం,  శుభ్రపరచడం వల్ల ఈ సమస్య తగ్గుతుంది. ఎరుపు లేదా గులాబీ రంగు నాలుక.. అసాధారణంగా ఎరుపు లేదా ప్రకాశవంతమైన గులాబీ రంగు నాలుక విటమిన్ బి లోపానికి సంకేతం కావచ్చు, ముఖ్యంగా బి12 లేదా ఫోలిక్ యాసిడ్. ఇది స్కార్లెట్ జ్వరం లేదా కవాసకి వ్యాధి వంటి వ్యాధులతో కూడా సంబంధం కలిగి ఉంటుంది. ఎర్రటి మచ్చలు లేదా నాలుకపై మృదువైన ఉపరితలం (గ్లోసిటిస్) అలెర్జీలు, ఇన్ఫెక్షన్లు లేదా ఆటో ఇమ్యూన్ వ్యాధుల లక్షణం కావచ్చు. ఇలాంటి పరిస్థితిలో రక్త పరీక్ష,  వైద్యుడితో సంప్రదింపులు అవసరం. పసుపు నాలుక.. పసుపు నాలుక తరచుగా జీర్ణ సమస్యలను సూచిస్తుంది. ఉదాహరణకు గ్యాస్ట్రిటిస్ లేదా కాలేయం దెబ్బతినడం. ఇది బ్యాక్టీరియా పెరుగుదల లేదా నోటి పరిశుభ్రత సరిగా లేకపోవడం వల్ల కూడా సంభవించవచ్చు. కొన్నిసార్లు పసుపు నాలుక కామెర్లు లక్షణం కూడా కావచ్చు. ఇలాంటి పరిస్థితిలోవెంటనే వైద్యుడిని సంప్రదించాలి. కొన్ని చిట్కాలు.. నాలుక ఆరోగ్యాన్ని కాపాడుకోవడానికి క్రమం తప్పకుండా నోటి పరిశుభ్రత అవసరం. రోజుకు రెండుసార్లు బ్రష్ చేయాలి.  నాలుకను స్క్రాపర్‌తో శుభ్రం చేయాలి. డీహైడ్రేషన్‌ను నివారించడానికి తగినంత నీరు త్రాగాలి. ధూమపానం, పొగాకు మానుకోవాలి. ఆహారంలో సమతుల్య ఆహారాన్ని చేర్చుకోవాలి. నాలుక రంగు లేదా ఆకృతి అసాధారణంగా ఉండి, అది ఒక వారం కంటే ఎక్కువ కాలం ఉంటే వెంటనే వైద్యుడిని సంప్రదించాలి.                             *రూపశ్రీ. గమనిక: ఇది సోషల్ సమాచారం మాత్రమే. కొన్ని అధ్యయనాలు, సంబంధిత నిపుణుల ప్రకారం ఈ వివరాలు అందించాం. వ్యక్తుల ఆరోగ్యాన్ని బట్టి ఫలితాలుంటాయి. వీటిని పాటించేముందు.. సంబంధిత నిపుణుడిని సంప్రదించడం శ్రేయస్కరం. అలాగే, హెల్తీ లైఫ్ స్టైల్, సరైన ఆహారం కూడా తీసుకోవడం మీ ఆరోగ్యానికి ఎంతో మేలు..
    నాలుక రంగును బట్టి ఆరోగ్య పరిస్థితి తెలుసుకోవచ్చు..! Publish Date: Jul 22, 2025 9:30AM
    వివేకా హత్య కేసులో మూడు అంశాలపై సీబీఐ అభిప్రాయం కోరిన సుప్రీం

    వివేకా హత్య కేసులో మూడు అంశాలపై సీబీఐ అభిప్రాయం కోరిన సుప్రీం

    వైఎస్ వివేకా హత్య కేసు నిందితుల బెయిల్ రద్దు పిటిషన్ పై సోమవారం (జులై 21)  సుప్రీంకోర్టులో విచారణ జరిగింది.  నిందితులుగా ఉన్న అవినాష్ రెడ్డి సహా పలువురి బెయిల్ రద్దు చేయాలని వివేకా కుమార్తె సునీత సుప్రీం కోర్టులో పిటిషన్ దాఖలు చేసిన సంగతి తెలిసిందే. అవినాష్ రెడ్డి సహా పలువురు నిందితులకు గతంలో తెలంగాణ హైకోర్టు బెయిల్ మంజూరు చేయడాన్ని సవాల్ చేస్తూ సునీతతో పాటు సీబీఐ కూడా సుప్రీం కోర్టును ఆశ్రయించింది. బెయిలుపై ఉన్న నిందితులు సాక్షులను ప్రభావితం చేస్తున్నారని సునీత తరఫు న్యాయవాది సిద్ధార్ధ్​లూద్రా వివరించారు.  ఈ విషయంలో సీబీఐ తన అభిప్రాయాన్ని చెప్పాక  బెయిల్ రద్దు పై విచారిస్తామని ధర్మాసనం పేర్కొంది. తదుపరి విచారణను వాయిదా వేసింది. మూడు విషయాలలో సీబీఐ తన అభిప్రాయం చెప్పాలని సుప్రీం ఆదేశించింది. వివేకా హత్య కేసులో ఇంకా  దర్యాప్తు అవసరమా?  ఏపీ ప్రభుత్వం కడప సెషన్స్ కోర్టులో వేసిన క్లోజర్ రిపోర్టుపైన, కేసు ట్రయల్, తదుపరి దర్యాప్తు ఏకకాలంలో కొనసాగించే అవకాశం ఉందా?  అన్న అంశాలపై  సుప్రీం కోర్టు సీబీఐ అభిప్రాయాన్ని కోరింది. వివేకా హత్య కేసులో  అవినాష్ రెడ్డితో పాటు పలువురు నిందితులకు తెలంగాణ హైకోర్టు గతంలో బెయిల్ మంజూరు చేయడాన్ని సవాల్ చేస్తూ  సీబీఐ, సునీత దాఖలు చేసిన పిటిషన్ పై జస్టిస్ ఎం.ఎం.సుందరేష్ నేతృత్వంలోని ధర్మాసనం విచారించింది.  సీబీఐ ఈ మూడు అంశాలపై అభిప్రాయాన్ని తెలిపిన తరువాత బెయిలు రద్దు పిటిషన్ విచారిస్తామని ధర్మాసనం స్పష్టం చేసింది.
    వివేకా హత్య కేసులో మూడు అంశాలపై సీబీఐ అభిప్రాయం కోరిన సుప్రీం Publish Date: Jul 22, 2025 9:13AM
    తిరుమలలో కొనసాగుతున్న భక్తుల రద్దీ

    తిరుమలలో కొనసాగుతున్న భక్తుల రద్దీ

    తిరుమలలో భక్తుల రద్దీ కొరసాగుతున్నది.  ఆది, సోమవారాలలో స్వల్పంగా తగ్గిన భక్తుల రద్దీ మళ్లీ పెరిగింది. మంగళవారం (జులై 22) ఉదయం శ్రీవారి దర్శనం కోసం వేచి ఉన్న భక్తులతో కంపార్ట్ మెంట్లన్నీ నిండిపోయి క్యూలైన్ ఏటీజీహెచ్ వరకూ సాగింది. టోకెన్లు లేని భక్తులకు శ్రీవారి సర్వదర్శనానికి 19 గంటలకు పైగా సమయం పడుతోంది. ఒక సోమవారం శ్రీవారిని మొత్తం  77 వేల 481 మంది దర్శించుకున్నారు. వారిలో 30 వేల 612 మంది తలనీలాలు సమర్పించుకున్నారు.  శ్రీవారి హుండీ కానుకల ఆదాయం 3 కోట్ల 96 లక్షల రూపాయలు వచ్చింది. 
    తిరుమలలో కొనసాగుతున్న భక్తుల రద్దీ Publish Date: Jul 22, 2025 8:49AM
    భారత ఉపరాష్ట్రపతి రాజీనామా

    భారత ఉపరాష్ట్రపతి రాజీనామా

      భారత ఉపరాష్ట్రపతి జగదీప్‌ ధన్‌ఖడ్‌ రాజీనామా చేశారు.  ఈ మేరకు రాష్ట్రపతి ద్రౌపదీ ముర్ముకు తన రాజీనామా లేఖను పంపారు. అనారోగ్య కారణాలతో ఉపరాష్ట్రపతి పదవి నుంచి వైదొలుగుతున్నట్లు ఆయన పేర్కొన్నారు. తన పదవీ కాలంలో మద్దతుగా నిలిచిన రాష్ట్రపతి ద్రౌపదీ ముర్ము, ప్రధాని మోదీకి ధన్యవాదలు తెలిపారు. కాగా 2022 ఆగస్టు11న ఆయన ఉపరాష్ట్రపతిగా ఎన్నికయ్యారు. అంతకు ముందుకు 1990-91 మధ్య కేంద్రమంత్రిగా 2019-22 వరకు పశ్చిమ బెంగాల్ గవర్నర్ సేవలందించారు . కిసాన్ పుత్రగా ఆయన దేశ రాజకీయాల్లో గుర్తింపు పొందారు. జనతాదళ్ నుంచి రాజకీయ ప్రస్థానాన్ని ప్రారంభించిన ఆయన గతంలో శాసనసభ, లోక్‌సభ సభ్యుడుగా కూడా పనిచేశారు.  
    భారత ఉపరాష్ట్రపతి రాజీనామా Publish Date: Jul 21, 2025 9:56PM
    హరిహర వీరమల్లు సినిమాకు టికెట్ ధరలు పెంపు

    హరిహర వీరమల్లు సినిమాకు టికెట్ ధరలు పెంపు

      తెలంగాణలో హరిహర వీరమల్లు మూవీ టికెట్ రెట్ల పెంపునకు ప్రభుత్వం అనుమతి ఇచ్చింది. జులై 23న  ప్రీమియర్ షోకు  టికెట్ ధర రూ.600  గ్రీన్ సిగ్నిల్ ఇచ్చింది. ఈ నెల 24 నుంచి 27 వరకు మల్టీప్లెక్స్‌లలో టికెట్‌పై రూ.200.. సింగిల్ స్క్రీన్ థియేటర్లలో టికెట్‌పై రూ.150 వరకు పెంచుతు జీవో జారీ చేసింది. హరిహర వీరమల్లు’ చిత్రానికి క్రిష్ జాగర్లమూడి, జ్యోతికృష్ణ దర్శకత్వం వహించారు. ఇది ఫిక్షనల్ కథతో రూపొందించిన హిస్టారికల్ మూవీ. ఇందులో పవన్ కళ్యాణ్ ఒక యోధుడి పాత్రలో కనిపించనున్నారు.  నిధి అగర్వాల్ హీరోయిన్‌గా, బాబీ డియోల్ విలన్ పాత్రలో నటించారు. ఎం.ఎం.కీరవాణి సంగీతం సమకూర్చారు.  ఏపీ లో టికెట్‌ ధరలు పెంచుకునేందుకు అనుమతి ఇస్తూ ప్రభుత్వం స్పెషల్ జీవో జారీ చేసింది. మూవీ రిలీజైన తర్వాత మొదటి రెండు వారాలపాటు ధరలు పెంచుకోడానికి అనుమతి ఇవ్వాలని చిత్ర నిర్మాత గవర్నమెంట్ ని కోరారు. కానీ మొదటి 10 రోజులు మాత్రమే రేట్లు పెంచడానికి కూటమి ప్రభుత్వం అనుమతి ఇచ్చింది.
    హరిహర వీరమల్లు సినిమాకు టికెట్ ధరలు పెంపు Publish Date: Jul 21, 2025 9:34PM
    ఆగస్టు 10 లోపు రోజా జైలుకెళ్లక తప్పదు..శాప్ ఛైర్మన్ సంచలన వ్యాఖ్యలు

    ఆగస్టు 10 లోపు రోజా జైలుకెళ్లక తప్పదు..శాప్ ఛైర్మన్ సంచలన వ్యాఖ్యలు

      ఏపీ శాప్ ఛైర్మన్ రవినాయుడు సంచలన వ్యాఖ్యలు చేశారు. మాజీ మంత్రి ఆర్కే రోజా ఆగస్టు 10 లోపు జైలుకెళ్లక తప్పదని రవినాయుడు షాకింగ్ కామెంట్స్ చేశారు. గత వైసీపీ హయాంలో ఆడుదాం ఆంధ్రా పేరుతో కోట్ల అవినీతికి పాల్పడిన రోజా జైలుకెళ్లడం ఖయామని  శాప్ ఛైర్మన్ తెలిపారు. గతంలో క్రీడా మంత్రిగా పని చేసిన ఆమె అవినీతి, అక్రమాలపై విచారణ జరుగుతోందని వెల్లడించారు.  రోజా రోజులు లెక్కబెట్టుకోవాలని ఆయన అన్నారు. క్రీడా శాఖ మంత్రిగా ఒక్క స్టేడియం అయినా రోజా నిర్మించారా..? ఆయన ప్రశ్నించారు. రోజా నగరికి టూరిస్ట్ మాత్రమేన్నారు. నిత్యం ఆమె తమిళనాడులోనే ఉంటున్నారని రవినాయుడు అన్నారు. ఎమ్మెల్యే గాలిభానుప్రకాష్ పై రోజా వ్యాఖ్యలు క్షమించరానిదన్నారు. రోజమ్మా నీకు దమ్ముంటే గాలిభాను సవాల్ ను స్వీకరించాలని సవాల్ విసిరారు. రోజా వ్యాఖ్యలు సభ్యసమాజం తలదించుకునేలా ఉన్నాయిని తెలిపారు.  సీఎం చంద్రబాబును ఏకవచనంతో రోజా మాట్లాడడం కరెక్ట్ కాదని ఆయన అన్నారు. పరిశ్రమలు వస్తున్నాయి, యువతకు ఉద్యోగ, ఉపాధి అవకాశాలు రావడాన్ని వైసిపి నేతలు జీర్ణించుకోలేక పోతున్నారని తెలిపారు.గత మూడునెలలుగా జగన్ వికృత చేష్టలతో ప్రజలను భయభ్రాంతులకు గురిచేస్తున్నాడని వైసీపీ నేతలు రాష్ట్రంలో అరాచకాలు సృష్టిస్తున్నారని  శాప్ ఛైర్మన్ మండిపడ్డారు.  
    ఆగస్టు 10 లోపు రోజా జైలుకెళ్లక తప్పదు..శాప్ ఛైర్మన్ సంచలన వ్యాఖ్యలు Publish Date: Jul 21, 2025 8:51PM
    కమల దళంలో.. కుమ్ములాటలు.. క్యాడర్ బజార్ !!

    కమల దళంలో.. కుమ్ములాటలు.. క్యాడర్ బజార్ !!

      భారతీయ జనతా పార్టీ  (బీజేపీ) లో ఏమి జరుగుతోంది ? రాష్ట్రంలోనే కాదు, దేశంలోనూ బీజేపీలో ఏదో జరుగుతోంది,అనేది ఇప్పడు రాజకీయ వర్గాల్లో ఆసక్తిని రేకెత్తిస్తోంది. ముఖ్యంగా సంస్థాగత వ్యవహరాల్లో పార్టీకి, పార్టీ మాతృ సంస్థ రాష్ట్రీయ స్వయం సేవక్ సంఘ్ ( ఆర్ఎస్ఎస్)కు మధ్య ఒక పెద్ద అగాధమే ఏర్పడిందనేది, ప్రముఖగ్మ వినవస్తోంది.  సంస్థాగత వ్యవహారాలకు సంబంధించి, బీజేపీ, ఆర్ఎస్ఎస్’ అధినాయకుల మధ్య విభేదాల  కారణంగానే, పార్టీ జాతీయ అధ్యక్షుని ఎంపిక ఎంతకీ ముడి పడడం లేదని ఇటు బీజేపీ ముఖ్యనాయకులు, సంఘ్ పరివార్ సంస్థల కీలక నేతలు, ప్రత్యక్షంగానో, పరోక్షంగానో అంగీకరిస్తున్నారు. అదలా ఉంటే, మరో వంక తెలంగాణ రాష్ట్రంలో బీజేపీ ముఖ్య నేతల మధ్య ఎంతో కాలంగా ఎంతో కొంత గుంభనంగా సాగుతున్న అంతర్గత కుమ్ములాటలు, విభేదాలు ఇప్పడు బహిరంగంగా బయటకు తన్ను కొచ్చాయి.  పతాక స్థాయికి చేరాయి. ముఖ్యంగా, కేంద్ర మంత్రి బండి సంజయ్,మల్కాజ్గిరి ఎంపీ ఈటల రాజేందర్ మధ్య సాగుతున్న మాటల యుద్ధం,పార్టీని ఒక కుదుపు కుదిపింది. దీంతో, పార్టీ అధ్యక్షునిగా రామచంద్ర రావు ఎంపిక విషయంలో తలెత్తిన విభేదాలు, గోషామహల్ ఎమ్మెల్యే రాజా సింగ్ రాజీనామా వంటి సంఘటనలతో,  అసలే అంతంత మాత్రంగా ఉన్న పార్టీ పరిస్థితిని మరింతగా దిగజారుస్తోందని రాజకీయ విశ్లేషకులు పేర్కొంటున్నారు.  నిజానికి, రాజకీయ పార్టీలలో అంతర్గత విభేదాలు కొత్త కాదు. అందుకు బీజేపీ మినహాయింపు కాదు.  కానీ, క్రమశిక్షణకు మారు పేరుగా ముద్ర వేసుకున్న బీజేపీలో అంతర్గత విభేదాలు చాలా వరకు అంతర్గంగానే ఉంటాయే, కానీ,  బజారుకు ఎక్కడం అంతగా ఉండదు. అందుకే, బండి వర్సెస్ ఈటల మాటాల యుద్ధం మేదో దృష్టిని గట్టిగా ఆకర్షిస్తోంది. అయితే, ప్రస్తుత బీజేపీ నేతలంతా సంఘ్ పరివార్’ సంస్కృతీ నుంచి వచ్చినవారు కాదు. ఈటల విషయాన్నే తీసుకుంటే. ఆయన వామపక్ష భావజాలం నుంచి వచ్చిన నాయకుడు. అంతే కాకుండా, ఆయన బీజేపీలోకి వచ్చే నాటికే, ఏడు సార్లు ఎమ్మెల్యేగా, కేసీఆర్ మంత్రి వర్గంలో రెండు పర్యాయాలు మంత్రిగా పనిచేసిన అనుభవం ఉన్న సీనియర్ నాయకుడు. ఇంకా స్పష్టంగా చెప్పాలంటే, ముఖ్యమంత్రి రేసులో ఉన్న నాయకుడు. సో.. సహజంగానే’ ఆయన ఆశించిన అధ్యక్ష పదవి రాకుండా పోవడంతో నిరాశకు గురయ్యారని, దానికి బండి సంజయ్’తో ఉన్న చిరకాల వైరం తోడవడంతో ఈటల భగ్గుమన్నా రాజకీయ పరిశీలకులు అంటున్నారు.  నిజానికి అధికార కాంగ్రెస్ పార్టీలో ముఖ్యమంత్రి రేవంత్ రెడ్డి,మునుగోడు ఎమ్మెల్యే కోమటి రెడ్డి రాజగోపాల రెడ్డి మధ్య జరుగుతున్న మాటల యుద్ధానికి, ఈటల వర్సెస్ బండి వార్’కు  పెద్దగా తేడాలేదు. 2034 వరకు తానే ముఖ్యమంత్రిగా ఉంటానంటూ,రేవంత్ రెడ్డి చేసిన ప్రకటనపై, రాజగోపాల రెడ్డి, అది కాంగ్రెస్ పార్టీ విధాలకు విరుద్దమంటూ  తీవ్రంగా తప్పు పట్టారు. నిజానికి, అధికార కాంగ్రెస్ పార్టీలో ఒక్క కోమటి రెడ్డి రాజగోపాల రెడ్డి మాత్రమే కాదు, అసంతృప్తి ఉడికి పోతున్న నాయకులు ఇంకా ఉంటారు.  ఇక బీఆర్ఎస్ విషయం అయితే చెప్పనే అక్కర లేదు. అయితే, ఇతర పార్టీల కథ ఎలా ఉన్నా, బీజేపీలో అంతర్గత విభేదాలు.. మీడియా దృష్టిని ప్రత్యేకంగా ఆకర్షిస్తాయి. అందుకే, ఈట ల వర్సెస్ బండి మాటల యుద్ధం రాష్ర్ం రాజకీయాల్లో సంచలనంగా మారిందని, రాజకీయ విశ్లేషకులు అంటున్నారు. అయితే.  బండి వర్సెస్ ఈటల ‘వార్’ ఎలా ఎండ్’ అవుతుంది? అనేది ఆశక్తికరంగా మారిందని విశ్లేషకులు అంటున్నారు.  
    కమల దళంలో.. కుమ్ములాటలు.. క్యాడర్ బజార్ !! Publish Date: Jul 21, 2025 8:19PM
    తెలంగాణలో ఈ నెల 25 నుంచి రేషన్ కార్డుల పంపిణీ

    తెలంగాణలో ఈ నెల 25 నుంచి రేషన్ కార్డుల పంపిణీ

      తెలంగాణలో జులై 25 నుంచి ఆగస్టు 10 వరకు రేషన్ కార్డులు పంపిణీ చేయాలని ముఖ్యమంత్రి రేవంత్‌రెడ్డి జిల్లా కలెక్టర్లతో వీడియో కాన్ఫరెన్స్‌ సమావేశంలో తెలిపారు. రాష్ట్ర వ్యాప్తంగా అన్ని మండల కేంద్రల్లో పంపీణి చేయాలని  ఇందులో మంత్రులు, ఎమ్మెల్యేలు కలెక్టర్ల పాల్గొనాలని ముఖ్యమంత్రి ఆదేశించారు. రేషన్‌ కార్డుల పంపిణీ నిరంతర ప్రక్రియ.. ఆందోళన అవసరం లేదు’’ అని సీఎం అన్నారు. సన్నం బియ్య ఇస్తుండటంతో రేషన్ కార్డులకు డిమాండ్ పెరిగిందని సీఎం తెలిపారు. జిల్లాల పరిధిలోని ఐఏఎస్‌ అధికారులు క్షేత్రస్థాయిలో పర్యటించాలని, రోజూ కలెక్టర్లు ఏ పనిచేశారో తనకు తెలియజేయాలని సీఎం  ఆదేశించారు. వర్షాలు, వానాకాలం పంటసాగు, సీజనల్‌ వ్యాధులు, రేషన్‌కార్డుల పంపిణీ తదితర అంశాలపై చర్చించారు. ‘‘రాష్ట్రంలో సరిపడినంత ఎరువులు ఉన్నాయి. ఆందోళన అవసరం లేదని తెలిపారు. ఎరువుల దుకాణాల్లో ఎంత స్టాక్‌ ఉందో బయట నోటీస్‌ బోర్డు పెట్టాలి. రాయితీ ఎరువులను ఇతర అవసరాలకు వాడితే కఠిన చర్యలు తీసుకోవాలి ముఖ్యమంత్రి తెలిపారు. కలెక్టర్లు వాటర్‌ మేనేజ్‌మెంట్‌పై దృష్టి పెట్టాలి. అత్యవసర పరిస్థితుల్లో కలెక్టర్లు ఖర్చు చేసేందుకు ఒక్కొక్కరికి రూ.కోటి కేటాయించామని తెలిపారు.  
    తెలంగాణలో ఈ నెల 25 నుంచి రేషన్ కార్డుల పంపిణీ Publish Date: Jul 21, 2025 8:05PM
    రాహుల్ వ్యాఖ్యలపై లెఫ్ట్ పార్టీల .. ఆగ్రహం !

    రాహుల్ వ్యాఖ్యలపై లెఫ్ట్ పార్టీల .. ఆగ్రహం !

      కాంగ్రెస్ అధినాయకుడు, లోక్ సభలో ప్రతిపక్ష నేత రాహుల్ గాంధీ, రాష్ట్రీయ స్వయం సేవక్ సంఘ్ ( ఆర్ఎస్ఎస్), భారత కమ్యూనిస్ట్ పార్టీ (మార్సిష్స్ట్ ) లను ఒకే గాటన కట్టేస్తూ చేసిన వ్యాఖ్యలు ఇండియా కూటమిలో చిచ్చు పెట్టాయి. నిజానికి, రాహుల్ గాంధీ ఒక్క ఆర్ఎస్ఎస్,  సీపిఐ(ఎం)లను మాత్రమే కాదు, మొత్తంగా రాజకీయ వ్యవస్థనే, టార్గెట్ చేస్తూ, రాజకీయ నాయకులు ప్రజాభిప్రాయాన్ని గౌరవించడం లేదనే అర్థం వచ్చేలా విమర్శలు గుప్పించారు.  రాహుల్ గాంధీ వ్యాఖ్యల పట్ల కూటమి భాగస్వామయ పార్టీలు, ముఖ్యంగా, వామపక్ష పార్టీలు భగ్గుమంటున్నాయి. కొట్టాయం (కేరళ)లో జరిగిన రాష్ట్ర మాజీ ముఖ్యమంత్రి ఒమెన్ చాందీ ద్వితీయ వర్ధంతి సభలో మాట్లాడుతూ రాహుల్ గాంధీ, ఆర్ఎస్ఎస్,సిపిఐ( ఎం)లనిఉ ఒకే గాటన కట్టి విమర్శలు గుప్పించారు. ఆర్ఎస్ఎస్’ తోపాటుగా, సిపిఎం(ఎం)ను తమ సైద్ధాంతిక శత్రువుగా పెర్కొన్నారు. అటు ఆర్ఎస్ఎస్ ఇటు సిపిఐ (ఎం)తో  తాను సైద్ధాంతిక పోరాటం చేస్తున్నానని, చెప్పుకొచ్చారు. ఆర్ఎస్ఎస్, సిపిఐ(ఎం) లకు మానవీయ విలువలు తెలియవని, ప్రజాసమస్యలు పట్టవని,విమర్శించారు. నిజానికి, ఆర్ఎస్ఎస్, సిపిఐ(ఎం)లను మాత్రమే కాదు, రాహుల్ గాంధీ, ఇడియా కూటమి భాగస్వామ్య పార్టీలు సహా  మొత్తం రాజకీయ వ్యవస్థనే టార్గెట్ చేస్తూ, ‘సమకాలీన రాజకీయ నాయకులలో కొద్ది మంది మాత్రమే ఇతరుల మనోభావాలను పంచుకుంటున్నారు” అంటూ, రాజకీయాలలో ఉండాలంటే ప్రజలు ఏమనుకుంటున్నారో తెలుసుకోవాలని,పార్టీ నాయకులకు హితబోధ చేశారు. రాహుల్ గాంధీ చేసిన వ్యాఖ్యలను, ఇండియా కూటమి నాయకులు తప్పు పట్టారు. ముఖ్యంగా వామపక్ష భావజాలం గురించి చేసిన వ్యాఖ్యలను ప్రస్తావిస్తూ, సిపిఐ జాతీయ నాయకుడు,డి. రాజా,  ఇలాంటి వ్యాఖ్యలు, విమర్శలు మంచిది కాదని హితవు పలికారు. కూటమిని బలహీన పరుస్తాయని హెచ్చరించారు.  మరోవంక సిపిఐ(ఎం) పొలిట్’ బ్యూరో సభ్యుడు, ఎంఎస్ బేబీ, ఎక్స్’ వేదికగా  రాహుల్ గాంధీ వ్యాఖ్యలు దురదృష్టకరం అంటూ, రాహుల్ గాంధీకి కేరళ రాజకీయాలు అర్థం కాలేదని చురక అంటించారు. అలాగే, 2004లో వామపక్షాల మద్దతుతోనే కాంగ్రెస్, యూపీఏ ప్రభుత్వాన్ని  ఏర్పాటు చేసియన్ విషయాన్ని గుర్తు చేశారు. అయితే, “ బీజీఎపీ హటావో .. దేశ్ కో  బచావో’ నినాదంతో ఏర్పడిన కూటమి లక్షయం నేరవేరే వరకు, ఇండియా కూటమిలో కొనసాగుతామని లెఫ్ట్ నేతలు. చెప్పడం కొసమెరుపు.
    రాహుల్ వ్యాఖ్యలపై లెఫ్ట్ పార్టీల .. ఆగ్రహం ! Publish Date: Jul 21, 2025 7:27PM
    ఏపీలో మహిళలకు ఆర్టీసీ ఉచిత బస్సు పథకంలో జీరో ఫేర్ టిక్కెట్

    ఏపీలో మహిళలకు ఆర్టీసీ ఉచిత బస్సు పథకంలో జీరో ఫేర్ టిక్కెట్

      ఆగస్టు 15 నుంచి మహిళలకు అమలు చేయనున్న ఆర్టీసీ ఉచిత బస్సు ప్రయాణ పథకంలో మహిళలకు ‘జీరో ఫేరో టిక్కెట్‘ ఇవ్వాలని ముఖ్యమంత్రి చంద్రబాబు నాయుడు అధికారులకు సూచించారు. ఎక్కడ నుంచి ఎక్కడకు ప్రయాణం చేస్తున్నారు... ఉచిత ప్రయాణంతో ఎంతమేర వారికి డబ్బులు ఆదా అయ్యాయి... 100 శాతం ప్రభుత్వం ఇస్తున్న రాయితీ... వంటి వివరాలు ఆ టిక్కెట్‌లో పొందుపరచాలని చెప్పారు. జీరో ఫేర్ టిక్కెట్‌ ఇవ్వడం ద్వారా ఎంత లబ్దిపొందారనే విషయం రాష్ట్రంలోని మహిళా ప్రయాణికులు అందరికీ సులభంగా తెలుస్తుందని ముఖ్యమత్రి అన్నారు.  ఇందుకు సంబంధించి సాఫ్ట్‌వేర్ సిద్ధం చేయాలని ముఖ్యమంత్రి ఆదేశించారు. సోమవారం సచివాలయంలో మహిళలకు ఆర్టీసీ ఉచిత బస్సు ప్రయాణ పథకంపై అధికారులతో ముఖ్యమంత్రి సమీక్షించారు. మహిళలకు ఉచిత బస్సు ప్రయాణం పథకంతో ఏ ఏ రాష్ట్రాలకు ఆర్ధికంగా ఎంత భారం పడింది... మన రాష్ట్రంలో ఎంత వ్యయం కానుందనే అంశాలపై అధికారులతో ముఖ్యమంత్రి చర్చించారు. ఎట్టిపరిస్థితుల్లో పథకాన్ని ఆగస్ట్ 15 నుంచి సమర్ధవంతంగా అమలు చేయాలని ఆదేశించారు.    ఆర్టీసీని లాభాల బాట పట్టించండి :  మహిళలకు ఉచిత బస్సు ప్రయాణ పథకం త్వరలో అమలు చేస్తున్నందున ఆర్టీసీకి భారం కాకుండా... ఇతర ఆదాయ మార్గాలు పెంపొందించుకోవడం, నిర్వహణా వ్యయం తగ్గించుకోవడం ద్వారా సంస్థను లాభాల బాట పట్టించాలని ముఖ్యమంత్రి సూచించారు. లాభాల ఆర్జనకు ఎలాంటి మార్గాలున్నాయి.. ఎటువంటి విధానాలు తీసుకురావాలి... అనే దానిపై ఒక కార్యాచరణ రూపొందించాలన్నారు.  మరోవైపు రాష్ట్రంలో ఇకపై ఏసీ ఎలక్ట్రానిక్ బస్సులు మాత్రమే కొనుగోలు చేయాలని అధికారులకు ముఖ్యమంత్రి నిర్దేశించారు. ప్రస్తుతం ఉన్నవాటిని ఎలక్ట్రికల్ బస్సులుగా మారిస్తే నిర్వహణా వ్యయం తగ్గుతుందని... అలాగే ఇందుకు అవసరమయ్యే విద్యుత్‌ను సొంతంగా ఉత్పత్తి చేసుకోవాలని సూచించారు. రాష్ట్రంలోని అన్ని ఆర్టీసీ డిపోల్లోనూ చార్జింగ్ స్టేషన్లు ఏర్పాటు చేసే అంశంపైనా అధ్యయనం చేయాలని సీఎం స్పష్టం చేశారు.  
    ఏపీలో మహిళలకు ఆర్టీసీ ఉచిత బస్సు పథకంలో జీరో ఫేర్ టిక్కెట్ Publish Date: Jul 21, 2025 6:50PM
    పార్టీలో హద్దు దాటితే చర్యలు తప్పవు...టీ బీజేపీ చీఫ్ హెచ్చరిక

    పార్టీలో హద్దు దాటితే చర్యలు తప్పవు...టీ బీజేపీ చీఫ్ హెచ్చరిక

      భారతీయ జనతా పార్టీలో అంతర్గత పోరుపై తెలంగాణ బీజేపీ అధ్యక్షుడు ఎన్. రాంచందర్ రావు స్పందించారు. తమ అంతర్గత వ్యవహారాలు తామే పరిష్కరించుకుంటామని తెలిపారు. టీ బీజేపీ చీఫ్  ఢిల్లీలో పర్యటిస్తున్నారు. బీఆర్‌ఎస్‌లో కేటీఆర్-కవిత కాంగ్రెస్‌ పార్టీలో రేవంత్‌రెడ్డి- కోమటి రెడ్డి రాజగోపాల్‌రెడ్డి మధ్య కుడా అంతర్గత విభేదాలు ఉన్నాయని గుర్తు చేశారు. పార్టీలో హద్దు దాటితే చర్యలు తప్పవని హెచ్చరించారు.  ఈ నేపథ్యంలో రేపు బీజేపీ జాతీయ అధ్యక్షుడు జె.పి. నడ్డా, కేంద్ర హోంమంత్రి అమిత్ షాలను కలవనున్నారు. తెలంగాణలో రాజకీయ వ్యూహాలు, స్థానిక ఎన్నికల సన్నాహాలు, పార్టీ బలోపేతంపై చర్చించనున్నారు. మతపరమైన రిజర్వేషన్లను భారతీయ జనతా పార్టీ గట్టిగా వ్యతిరేకిస్తుందని మరోసారి స్పష్టం చేసారు.  బీసీలకు 42% రిజర్వేషన్లను సమర్థిస్తుందని, కానీ తెలంగాణ ప్రభుత్వం ఆ బిల్లులో ముస్లిం రిజర్వేషన్లను చేర్చి ఓబీసీ సమాజాన్ని తప్పుదోవ పట్టిస్తోందని విమర్శించారు.  బీజేపీ మాత్రమే బీసీలకు న్యాయం చేయగలదని, మతపరమైన రిజర్వేషన్లు లేకుండా రిజర్వేషన్లు కల్పించాలని టీ బీజేపీ ఛీప్ తెలిపారు .ఈ విషయంలో కేంద్ర ప్రభుత్వం, బీజేపీ హైకమాండ్ సానుకూలంగా స్పందిస్తాయని ధీమా వ్యక్తం చేసారు. తెలంగాణలో బీసీలకు న్యాయం చేయడానికి  బీజేపీ కృషి చేస్తుందని ఆయన హామీ ఇచ్చారు.   
    పార్టీలో హద్దు దాటితే చర్యలు తప్పవు...టీ బీజేపీ చీఫ్ హెచ్చరిక Publish Date: Jul 21, 2025 6:37PM
    మున్సిపల్‌ వర్కర్లకు గుడ్ న్యూస్..వేతనాలు పెంపు

    మున్సిపల్‌ వర్కర్లకు గుడ్ న్యూస్..వేతనాలు పెంపు

      ఏపీలో మున్సిపల్‌ శాఖలో ఔట్‌సోర్సింగ్‌ నాన్ పీహెచ్  వర్కర్లకు కూటమి ప్రభుత్వం గుడ్ న్యూస్ చెప్పింది. వారి వేతనాలు పెంచుతూ ఉత్తర్వులు జారీ చేసింది. కేటగిరీ-1 వర్కర్ల వేతనం రూ.21,500 నుంచి 24,500కు, కేటగిరీ-2 వర్కర్ల వేతనం రూ.18,500 నుంచి రూ.21,500, కేటగిరీ-3 వర్కర్ల వేతనం రూ.15వేల నుంచి రూ.18,500కు పెంచింది. ఈ మేరకు పురపాలక, పట్టణాభివృద్ధిశాఖ ఆదేశాలు జారీ చేసింది. ప్రభుత్వం నిర్ణయంతో కార్మికులు హర్షం వ్యక్తం చేస్తున్నారు. 
    మున్సిపల్‌ వర్కర్లకు గుడ్ న్యూస్..వేతనాలు పెంపు Publish Date: Jul 21, 2025 5:39PM
    కేరళ మాజీ సీఎం కన్నుమూత

    కేరళ మాజీ సీఎం కన్నుమూత

      కేరళ మాజీ ముఖ్యమంత్రి అచ్చుతానందన్ కన్నుమూశారు.  గత కొంతకాలంగా అనారోగ్యంతో బాధపడుతు ఆయన కాసేపటి క్రితం తుది శ్వాస విడిచారు. ఆయన 2006 నుంచి 2011 వరకు కేరళ ముఖ్యమంత్రిగా పని చేశారు. 2019 లో స్ట్రోక్ తో మంచం పట్టిన అచ్యుతానందన్ కు ఇటీవల గుండెపోటు వచ్చి శ్వాస తీసుకోవడంలో ఇబ్బంది పడ్డారని తెలుస్తోంది.  ఆయనను వెంటనే ఆసుపత్రికి తీసుకెళ్లి ఇంటెన్సివ్ కేర్ యూనిట్ లో చేర్చారు.1964లో కమ్యూనిస్ట్ పార్టీ ఆఫ్ ఇండియా (CPI) నుండి బయటకు వెళ్లి కమ్యూనిస్ట్ పార్టీ ఆఫ్ ఇండియా (మార్క్సిస్ట్)ను స్థాపించారు. 32 మందిలో అచ్యుతానందన్ మాత్రమే జీవించి ఉన్న నాయకుడు. ఆయన కేరళ అసెంబ్లీలో మూడుసార్లు ప్రతిపక్ష నాయకుడిగా పనిచేశారు. చాలా సంవత్సరాలు సీపీఎం రాష్ట్ర కార్యదర్శిగా ఉన్నారు. ఆయన 2021 వరకు కేరళ అసెంబ్లీలో క్రియాశీల సభ్యుడిగా ఉన్నారు.ఆయన వయసు 101 సంవత్సరాలు. గతేడాది అక్టోబర్‌ 20న ఆయన 101లోకి అడుగుపెట్టారు. 
    కేరళ మాజీ సీఎం కన్నుమూత Publish Date: Jul 21, 2025 4:34PM
    లోక్‌సభలో కొనసాగుతున్న వాయిదాల పర్వం..విపక్షాల నిరసన

    లోక్‌సభలో కొనసాగుతున్న వాయిదాల పర్వం..విపక్షాల నిరసన

      భారత పార్లమెంట్ వర్షకాల సమావేశాలు ఈ రోజు ఉదయం 11 గంటలకు ప్రారంభం అయ్యాయి. ఆపరేషన్ సింధూర్ నిలిపివేత, ట్రంప్ వ్యాఖ్యలపై కేంద్రం వివరణ ఇవ్వాలంటూ ప్రతిపక్షాలు ఉదయం నుంచి ఆందోళన చేస్తున్నాయి. దీంతో ఇప్పటికే రెండు సార్లు సభను వాయిదా వేసిన లోక్ సభ స్పీకర్ ఓం బిర్ల, తాజాగా సాయంత్రం 4 గంటల వరకు వాయిదా వేస్తున్నట్లు తెలిపారు. మరో పక్క రాజ్య సభలోను ఇదే పరిస్థితి నెలకొంది. ప్రతిపక్షాలు ఆందోళన చేస్తుండటంతో ఇప్పటికే రెండు సార్లు రాజ్యసభ వాయిదా పడింది.  లోక్ సభ, రాజ్య సభ రెండింటిలోను పహల్గాం ఉగ్రదాడి, పహల్గాం టెర్రర్ ఎటాక్ విషయంలో చర్చకు విపక్షాల డిమాండ్ చేస్తున్నాయి. అలాగే ట్రంప్ మధ్యవర్తిత్వం వివాదంపై చర్చకు కాంగ్రెస్ డిమాండ్ చేస్తుంది.గత నెల గుజరాత్ అహ్మదాబాద్‌లో జరిగిన ఎయిర్‌ ఇండియా విమాన ప్రమాద ఘటనపై కేంద్ర పౌర విమానయాన మంత్రి కింజరాపు రామ్మోహన్ నాయుడు లోక్ సభలో కీలక ప్రకటన చేశారు. ప్రమాద ఘటనపై ప్రాథమిక నివేదిక వచ్చిందని, దాన్ని పరిశీలిస్తున్నట్లు చెప్పారు.  తుది నివేదిక వచ్చాకే ప్రమాద ఘటనపై మరిన్ని వివరాలు తెలుస్తాయన్నారు. అయితే, ఈ ఘటనపై విదేశీ మీడియా అసత్య ప్రచారం చేస్తోందని ఆగ్రహం వ్యక్తం చేశారు. "ఎయిర్‌ ఇండియా విమాన ప్రమాదంపై నిబంధనల ప్రకారమే దర్యాప్తు చేపట్టాం. అంతర్జాతీయ ప్రొటోకాల్‌ ప్రకారమే దర్యాప్తు కొనసాగుతోంది. ప్ర‌మాదంపై ఏఏఐబీ (ఎయిర్‌క్రాఫ్ట్ యాక్సిడెంట్ ఇన్విస్టిగేష‌న్ బ్యూరో) పార‌ద‌ర్శ‌కంగా ద‌ర్యాప్తు జ‌రుపుతోందని పేర్కొన్నారు.  కానీ, ఈ ఘటనపై విదేశీ మీడియా అసత్య ప్రచారం చేస్తోంది. ఇప్పటికే ప్రాథమిక నివేదిక వచ్చింది. తుది నివేదికలో మరిన్ని వివరాలు తెలుస్తాయి. బ్లాక్‌బాక్స్‌ దెబ్బతిన్నా డేటాను రిట్రీవ్‌ చేశాం. బ్లాక్‌బాక్స్‌ను తొలిసారి డీకోడ్‌ చేయగలిగాం. భవిష్యత్తులో ఇలాంటి ప్రమాదాలు జరకుండా చర్యలు తీసుకుంటున్నాం. విమానాశ్రయాల అభివృద్ధి, విస్తరణకు చర్యలు చేపట్టాం" అని రామ్మోహన్‌ నాయుడు వెల్లడించారు.
    లోక్‌సభలో కొనసాగుతున్న వాయిదాల పర్వం..విపక్షాల నిరసన Publish Date: Jul 21, 2025 4:16PM
    రాజకీయాలలో విజయ్ సినిమా ఫ్లాపేనా?.. తాజా సర్వేలో టీవీకే పార్టీకి వచ్చే సీట్లెన్నంటే?

    రాజకీయాలలో విజయ్ సినిమా ఫ్లాపేనా?.. తాజా సర్వేలో టీవీకే పార్టీకి వచ్చే సీట్లెన్నంటే?

    తమిళ తళపతి విజయ్ పొలిటికల్ మూవ్ పెద్ద డిసాస్టర్ గా మారనుందా? రాజకీయ పార్టీ స్థాపించి ఆయన సాధించేదేమీ లేదా? అంటే తాజాగా ఒక ప్రముఖ చానల్ నిర్వహించిన సర్వేలో అదే తేలింది. 2026 అసెంబ్లీ ఎన్నికలలో విజయ్ పార్టీ టీవీకే అధికార డీఎంకే పార్టీకి గట్టి పోటీదారుగా ఉంటుందన్న అంచనాలు ఉన్నాయి. అయితే తాజా సర్వేలో ఎన్నికలలో టీవీకే నామమాత్రపు ప్రభావాన్ని మాత్రమే చూపుతుందని తేలింది. వచ్చే ఎన్నికలలో అధికార డీఎంకే 105 స్థానాలతో సునాయాసంగా మెజారిటీ సాధించి మరో సారి అధికార పగ్గాలు చేపడుతుందని సర్వే పేర్కొంది. ఇక ఏఐడీఎంకే 90 స్థానాలతో బలమైన ప్రతిపక్షంగా నిలుస్తుందనీ సర్వే ఫలితం తేల్చింది. అయితే ఎన్నో అంచనాలున్న విజయ్ పార్టీ తమిళగ వెట్రి కజగం మాత్రం కనీసం ఒక్క స్థానంలో కూడా విజయం సాధించే అవకాశం లేదని సర్వే పేర్కొంది. తమిళనాడులోని 234  అసెంబ్లీ స్థానాలలో టీవీకే ఒక్కటంటే ఒక్క స్థానంలో కూడా విజయం సాధించే అవకాశం లేదని సర్వే పేర్కొనడంతో విజయ్ ను తమిళ జనం ఇప్పటికీ విజయ్ ను మాస్ హీరోగానే తప్ప   రాజకీయనాయకుడిగా గుర్తించడం లేదని అవగతమౌతోందని పరిశీలకులు విశ్లేషిస్తున్నారు.  ఈ నేపథ్యంలో టీవీకే అధినేత విజయ్.. హీరో ఇమేజ్ నుంచి పొలిటికల్ లీడర్ గా తన ఇమేజ్ ను మేకోవర్ చేసుకోవడానికి ఎలాంటి వ్యూహంతో ముందుకు సాగుతారన్నది ఆసక్తిగా మారింది.  
    రాజకీయాలలో విజయ్ సినిమా ఫ్లాపేనా?.. తాజా సర్వేలో టీవీకే పార్టీకి వచ్చే సీట్లెన్నంటే? Publish Date: Jul 21, 2025 3:51PM
    మద్యం కుంభకోణంలో చట్టం తన పని తాను చేసుకుంటుంది : మంత్రి గొట్టిపాటి

    మద్యం కుంభకోణంలో చట్టం తన పని తాను చేసుకుంటుంది : మంత్రి గొట్టిపాటి

      గత వైసీపీ ప్రభుత్వానికి ఉన్నంత ప్రచార పిచ్చి కూటమి ప్రభుత్వాన్నికి లేదని మంత్రి గొట్టిపాటి రవికుమార్ తెలిపారు. విద్యార్థులకు కావాల్సిన వస్తువులన్నీ మంచి నాణ్యతతో ఇచ్చాం. రాజకీయ నాయకుల ఫొటోలు వేయకుండా విద్యార్థులకు బ్యాగులు పంపిణీ చేశాం. కూటమి ప్రభుత్వం చిత్తశుద్ధితో పనిచేస్తోంది.’’ అని గొట్టిపాటి తెలిపారు. దేశంలో ఎక్కడా లేని విధంగా తల్లికి వందనం కింద రూ. 10 వేల కోట్లు విద్యార్థుల తల్లుల ఖాతాల్లో జమ చేశామన్నారు.  జగన్ హయాంలో నాసిరకం మద్యం తయారు చేసి ప్రజల ప్రాణాలతో చెలగాటమాడిన అందరికీ శిక్ష పడుతుందని అన్నారు. లిక్కర్ స్కామ్ కేసులో చట్టం తన పని తాను చేస్తోందని చెప్పారు. వ్యవసాయ మోటార్లకు స్మార్ట్‌ మీటర్లు బిగించడం లేదని మంత్రి స్పష్టం చేశారు.‘‘రైతుల వ్యవసాయ మోటార్లకు స్మార్ట్ మీటర్లు బిగించబోమని గతంలో చెప్పాం. వ్యవసాయ మోటార్లకు స్మార్ట్ మీటర్లు బిగించడం లేదు. ఎక్కువ విద్యుత్ బిల్లులు వస్తున్నాయని దుష్ప్రచారం చేస్తున్నారు. వైసీపీ హయాంలో 9 సార్లు విద్యుత్ బిల్లులు పెంచారని ఆయన తెలిపారు.  
    మద్యం కుంభకోణంలో చట్టం తన పని తాను చేసుకుంటుంది : మంత్రి గొట్టిపాటి Publish Date: Jul 21, 2025 3:30PM
    పాఠశాలపై కూలిన విమానం..19 మంది మృతి

    పాఠశాలపై కూలిన విమానం..19 మంది మృతి

      బంగ్లాదేశ్ రాజధాని ఢాకాలోని మైల్‌స్టోన్ స్కూల్ అండ్ కాలేజీ క్యాంపస్‌లో బంగ్లాదేశ్ ఎయిర్‌ఫోర్స్ శిక్షణ విమానం  కుప్పకూలింది. దీంతో క్యాంపస్‌లో ఒక్కసారిగా పెద్ద ఎత్తున మంటలు చేలరేగాయి. ఈ ప్రమాదంలో 19 మంది మృతి చెందగా పలువురు గాయపడ్డారు. వెంటనే అక్కడి చేరుకున్న అగ్నిమాపక సిబ్బంది మంటలను అదుపులోకి తీసుకువచ్చారు. కూలిన విమానం F-7 BGI గా బంగ్లా సైన్యం పేర్కొన్నాది. విమానం కూలడంతో ఘటనా స్థలంలో పొగలు ఎగసిపడుతున్నాయి. రెస్క్యూ టీములు సహాయక చర్యలు చేపట్టాయి. విమానం బంగ్లాదేశ్‌ ఎయిర్‌ఫోర్స్‌కు చెందినదిగా ఆర్మీ అధికారికంగా ధృవీకరించింది.  ప్రమాదంతో అప్రమత్తమైన స్థానికులు, పోలీసులు సహాయక చర్యల్ని ముమ్మరం చేశారు.  
    పాఠశాలపై కూలిన విమానం..19 మంది మృతి Publish Date: Jul 21, 2025 3:04PM

    Movie News

    Get all the updates about andhra pradesh news, political news, articles, sr journalists books, regional news, telugu cinema news etc. Find information about Telugu film news, regional news, current affairs, gallery, wallpapers, etc. See Telugu news, news videos along with latest news only at TeluguOne.com.
    TeluguOne Services
    TeluguOne For Your Business
    About TeluguOne
    Keywords: Telugu News

    Copyright © 2025 TeluguOne NEWS - All Rights Reserved

    Disclaimer:
    All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
    You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.