Home  
Breaking NEWS

జగన్ చెబితే ఇక్కడికి వచ్చా: విజయమ్మ

సిరిసిల్ల చేనేత దీక్షాలో విజయమ్మ మాట్లాడుతూ సిరిసిల్లలోని నేతన్నలను ఓదార్చమని జగన్మోహన రెడ్డి చెబితే తాను ఇక్కడకు వచ్చినట్లు చెప్పారు. త్వరలోనే జగన్ ముఖ్యమంత్రి అయి సువర్ణ యుగం తీసుకువస్తారన్న నమ్మకాన్ని ఆమె వ్యక్తం చేశారు. ఆప్పుడు చేనేత కార్మికుల కోసం జగన్ ప్రత్యేక ప్యాకేజీ ప్రకటిస్తారని చెప్పారు. కేంత్ర ప్రభుత్వ విధానాలతో రైతులు, చేనేత కార్మికులు అల్లాడుతున్నారని చెప్పారు. చేనేత వస్త్రాలంటే రాజశేఖర రెడ్డికి ఇష్టం అని, ప్రభుత్వం తన ఖజానా నింపుకోవడానికి పన్నులు, విద్యుత్ ఛార్జీలు, ఆర్టీసీ ఛార్జీలు పెంచివేసిందని విమర్శించారు.

చంద్రబాబుకి షాకిచ్చిన చుండూరి రవి

ప్రకాశం జిల్లాలో తెలుగుదేశం పార్టీకి మరో షాక్ తగిలింది. జిల్లాకు చెందిన నేత, టిడిపి రాష్ట్ర కార్యదర్శి చుండూరి రవి సోమవారం టిడిపి ప్రాథమిక సభ్యత్వానికి రాజీనామా చేశారు. ఆయన తన రాజీనామా లేఖను పార్టీ అధ్యక్షుడు నారా చంద్రబాబు నాయుడికి పంపించారు. ఈ సందర్భంగా రవి మాట్లాడుతూ చంద్రబాబు ఎన్టీఆర్ అభిమానులను అణిచివేయటమే లక్ష్యంగా పెట్టుకున్నారని ఆరోపించారు.

విజయమ్మ దీక్షా స్థలం వద్ద పరిస్థితి ఉద్రిక్తం

విజయమ్మ సిరిసిల్ల దీక్షా ప్రాంగణానికి చేరుకున్నారు. దీక్షా ప్రాంగణంపై తెలంగాణవాదులు రాళ్లు, కోడిగుడ్లతో దాడి చేశారు. దీంతో పరిస్థితి ఉద్రిక్తంగా మారింది. పలువురు మహిళలై సభా వేదిక ముందు జై తెలంగాణ నినాదాలు చేస్తూ సభను అడ్డుకునే ప్రయత్నాలు చేశారు. తెలంగాణవాదులు పోలీసులు మధ్య ఘర్షణలు జరుగుతున్నాయి. దీక్షా స్థలంలో గొడవ చేస్తున్న తెలంగాణవాదులున్ని పోలీసులు అరెస్ట్ చేస్తున్నారు. దీక్షా స్థలం మొత్తం రణరంగంగా మారింది.   

విజయమ్మ పిటిషన్‌ కొట్టివేసిన సుప్రీంకోర్టు

సుప్రీం కోర్టులో వైఎస్ విజయమ్మకు చుక్కెదురైంది. జగన్‌లాగానే చంద్రబాబు ఆస్తులపై విచారణ జరపాలన్న పిటిషన్‌ను హైకోర్టు తోసిపుచ్చింది. ఈ కేసుపై గతంలో హైకోర్టు ఇచ్చిన తీర్పును సుప్రీం కోర్టు సమర్థించింది.  గతంలో వేసిన కేసుల గురించి కోర్టుకు తెలియజేయలేదన్నారు. రాజకీయ దురుద్దేశ్యంతోనే పిటిషన్ వేసినట్లు న్యాయస్థానం మండిపడింది. రాజకీయ కక్షలను కోర్టు బయటే చూసుకోవాలని సుప్రీంకోర్టు సూచించింది.

విజయమ్మ కాన్వాయ్‌ని అడ్డుకున్న పోలీసులు

విజయమ్మ కాన్వాయ్‌ని పోలీసులు సోమవారం మెదక్ జిల్లా గజ్వెల్ సమీపంలోని కుకునూరుపల్లి వద్ద అడ్డుకున్నారు.  విజయమ్మ చేనేత దీక్ష సందర్భంగా ఆమె భారీ కాన్వాయ్‌తో సిరిసిల్లకు హైదరాబాదు నుండి రాజీవ్ రహదారి వెంట బయలుదేరారు. అయితే పోలీసులు కుకునూరుపల్లి వద్ద ఆమె కాన్వాయ్‌ని అడ్డుకున్నారు. విజయమ్మ వాహనం మినహా మిగతా వాహనాలకు అనుమతి లేదని పోలీసులు కాన్వాయ్‌ని అడ్డుకున్నారు. ఆమె కారు వెనుక కొన్ని వాహనాలను మాత్రమే రక్షణ కోసం అనుమతించారు.  

బెయిల్ పిటిషన్ వెనక్కి తీసుకున్న జగన్

జగన్ సుప్రీం కోర్టులో వేసిన తన బెయిల్ పిటిషన్‌ను సోమవారం వెనక్కి తీసుకోనున్నారు. తనకు బెయిల్ ఇవ్వాల్సిందిగా కోరుతూ జగన్ ఇటీవల సుప్రీం కోర్టులో పిటిషన్ దాఖలు చేసిన విషయం తెలిసిందే. అయితే ప్రస్తుతం ఈడి దర్యాఫ్తు జరుగుతున్న దృష్ట్యా జగన్ తన బెయిల్ పిటిషన్‌ను విత్ డ్రా చేసుకోవడానికి సిద్ధమయ్యారు. బెయిల్‌ మంజూరు చేయడానికి హైకోర్టు నిరాకరించిన నేపథ్యంలో ఆయన తరఫు న్యాయవాదులు సుప్రీం కోర్టులో బెయిల్ పిటిషన్ దాఖలు చేశారు.  

సిరిసిల్ల విజయమ్మ దీక్షకు రంగం సిద్ధం

వైఎస్ విజయమ్మ దీక్షకు సర్వం సిద్ధమైంది. దీక్షకు ఎలాంటి అవాంతరాలు ఏర్పడకుండా పోలీసులు గట్టి బందోబస్తు ఏర్పాటు చేశారు. వాహనాలను తనిఖీలు చేసిన అనంతరమే అనుమతి ఇస్తున్నారు. టీఆర్‌ఎస్ నాయకులు దీక్షను అడ్డుకుంటామని హెచ్చరించిన నేపథ్యంలో ఎలాంటి అవాంఛనీయ సంఘటనలు జరగకుండా పెద్ద ఎత్తున బలగాలు మోహరించారు. సిరిసిల్లకు వచ్చే అన్ని ప్రధాన రహదారుల్లో వాహనాలను పోలీసులు క్షుణ్టంగా తనిఖీ చేస్తున్నారు. పట్టణం మొత్తం పోలీస్ బలగాలతో నిండిపోయింది. సిరిసిల్లకు వచ్చే దారి పొడవునా ప్రత్యేక బలగాలు మోహరించారు.

సిద్ధిపేటలో టీఆర్ఎస్ నేత హరీశ్‌రావు అరెస్టు

వైఎస్సాఆర్ గౌరవ అధ్యక్షురాలు విజయమ్మ సిరిసిల్లలో దీక్ష చేపట్టనున్న సందర్భంగా ముందు జాగ్రత్తగా సోమవారం ఉదయం టీఆర్ఎస్ నేత హరీశ్‌రావును పోలీసులు అదుపులోకి తీసుకున్నారు. విత్తన కార్మాగారంలో ఉన్న ఆయనను పోలీసులు మెదక్‌కు తరలించారు.

నేడు సిరిసిల్ల బంద్‌కు టీఆర్ఎస్ పిలుపు

వైఎస్ విజయమ్మ సోమవారం సిరిసిల్లాలో దీక్ష చేస్తుంటే దానిని అడ్డుకునేందుకు టీఆర్ఎస్ సోమవారం సిరిసిల్ల బంద్‌కు పిలుపునిచ్చింది. దీంతో ఆమెను అడుగడునా అడ్డుకోవాలని తెలంగాణ జేఏసీ, టీఆర్ఎస్ సహా తెలంగాణవాదులు పిలుపునిచ్చారు. ఈ నేపథ్యంలో ఈ ప్రాంతంలో రాజకీయ వాతావరణం ఒక్కసారిగా వేడెక్కింది.  

సిరిసిల్లా నేతన్న దీక్షకు బయల్దేరిన విజయమ్మ

వైఎస్ విజయమ్మ సోమవారం ఉదయం సిరిసిల్లా నేతన్న దీక్షకు లోటస్ పాండ్ నుంచి ఆమె ప్రత్యేక వాహనంలో పయనం అయ్యారు. విజయమ్మతోపాటు ఎంపీ మేకపాటి రాజమోహన్ రెడ్డి, ఎమ్మెల్యేలు మేకపాటి చంద్రశేఖర్ రెడ్డి, శోభానాగిరెడ్డి, భూమన కరుణాకర్ రెడ్డి, సుచరిత, ధర్మాన కృష్ణదాస్ ఇతర నేతలు కూడా ఉన్నారు. మార్గమధ్యంలో మరికొంతమంది వైఎస్ఆర్సీపీ నేతలు వైఎస్ ఆమెను కలుసుకోనున్నారు. ఈ ఉదయం 11 గంటలకు వైఎస్ విజయమ్మ నేత దీక్ష ప్రాంగణానికి చేరుకోనున్నారు.

మహేంద్రసింగ్ ధోనికి జరిమానా

శ్రీలంక తో శనివారం జరిగిన తొలి వన్డేలో స్లో ఓవర్ రేట్ కారణంతో భారత జట్టు సభ్యుల మ్యాచ్ ఫీజులో కోత విధించింది. ఆర్టికల్ 2.5.1 నిబంధన ప్రకారం ధోని మ్యాచ్ ఫీజులో 20 శాతం, జట్టు సభ్యుల ఫీజులోంచి 10 శాతం మేరకు జరిమానా విధిస్తూన్నట్టు ఐసీసీ మ్యాచ్ రెఫరీ క్రిస్ బ్రాడ్ వెల్లడించాడు. హంబంటోటా లో శ్రీలంకతో నిన్న జరిగిన మ్యాచ్ లో భారత జట్టు 21 పరుగుల తేడాతో విజయం సాధించిన సంగతి తెలిసిందే.  

విజయమ్మ తెలంగాణలో దీక్ష చేస్తే తప్పేంటి: జగ్గారెడ్డి

సిరిసిల్లలో చేనేత కార్మికుల కోసం విజయమ్మ తెలంగాణలో దీక్ష చేస్తే తప్పేంటి అని కాంగ్రెస్ విప్ జగ్గారెడ్డి అన్నారు. జయమ్మ ధర్నాను అడ్డుకుంటామని టీఆర్‌ఎస్, జేఏసీలు ప్రకటించిన నేపథ్యంలో, జగన్ ఆర్మూరు వస్తే అడ్డుకోకుండా విజయమ్మను ఎందుకు అడ్డుకుంటారని కాంగ్రెస్ విప్ జగ్గారెడ్డి ప్రశ్నించారు. తెలంగాణాలో తిరగాలంటే టిఆర్ఎస్ పర్మిషన్ కావాలా, తెలంగాణాలో టిఆర్ఎస్ ప్రజాసామ్యన్ని ఖూని చేస్తుందని అన్నారు. టిఆర్ఎస్ ను తెలంగాణా ప్రజలు మర్చిపోతున్నారనే భయంతోనే విజయమ్మ దీక్షను అడ్డుకుంటామంటున్నరంటు ఆయన అన్నారు.

అమ్మాయి గొంతు నులిమి ర్యాగింగ్ చేసిన విద్యార్థినులు

విజయనగరం జిల్లాలో గొట్లాం దగ్గర ఉన్న గాయత్రి ఇంజనీరింగ్ కళాశాలలో చదువుతున్న శ్యామల అనే విద్యార్థిని నిద్ర పోతున్న సమయంలో సహచర విద్యార్థినులు ఆమె గొంతు నులిమి ర్యాగింగ్ చేయడంతో ఆమె అపస్మారక స్థితిలోకి వెళ్లింది. కళాశాల యాజమాన్యం, బంధువులు బాధితురాలు శ్యామలను వెంటనే ఆసుపత్రికి తరలించారు.కళాశాల యాజమాన్యం, బంధువులు బాధితురాలు శ్యామలను వెంటనే విశాఖపట్నం కెజిహెచ్ ఆసుపత్రికి తరలించారు.శ్యామల తల్లిదండ్రుల ఫిర్యాదు మేరకు పోలీసులు కేసు నమోదు చేశారు.

రాష్ట్రపతి ఎన్నికలు: ఎంపీల ఓట్ల లెక్కింపు పూర్తి

రాష్ట్రపతి ఎన్నికల ఓట్ల లెక్కింపులో ఎంపీల ఓట్ల లెక్కింపు పూర్తయింది. మొత్తం చెల్లిన ఎంపీల ఓట్లు 733 . ప్రణబ్‌కు 527 ఓట్లు రాగా, సంగ్మాకు 206 ఓట్లు వచ్చాయి. ముందుగా పార్లమెంట్‌ హౌస్‌లో పోలయిన ఓట్లను లెక్కిస్తున్నారు. ఆ తరువాత రాష్ట్రాల నుంచి వచ్చిన బ్యాలెట్‌ బాక్సులను తెరిచి ఓట్లను లెక్కిస్తారు. 776 మంది ఎంపీలు, 4,120 మంది ఎమ్మెల్యేలు ఓట్లు వేశారు. ఒక్కో ఎంపీ ఓటుకు 708 ఓట్ల విలువ ఉంటుంది. ఎమ్మెల్యే ఓటుకు ఎంత విలువ ఉంటుంది అనేది సంబంధిత రాష్ట్రాల్లో జనాభా ఆధారంగా నిర్ణయిస్తారు.  

కరీంనగర్ లో రాజశేఖరరెడ్డి విగ్రహా౦ ధ్వంసం

కరీంనగర్ జిల్లాలోని ఎల్లారెడ్డిపేట మండలం గర్జనపల్లిలో దివంగత ముఖ్యమంత్రి వైయస్ రాజశేఖర రెడ్డి విగ్రహాన్ని గుర్తు తెలియని వ్యక్తులు పాక్షికంగా ధ్వంసం చేశారు. వైయస్సార్ విగ్రహాన్ని ధ్వంసం చేసిన వారిపై వెంటనే చర్యలు తీసుకోవాలని జగన్ పార్టీ కార్యకర్తలు డిమాండ్ చేశారు. మరోవైపు విజయమ్మ దీక్ష నేపథ్యంలో పలువురి తెరాస నాయకులను పోలీసులు అదుపులోకి తీసుకుంటున్నట్లుగా సమాచారం.

వంశధార కుడి కాలువకు గండి

శ్రీకాకుళం జిల్లా గార మండలం అంపోలు సమీపంలో వంశాదార కుడి కాలువకు నలుగు మీటర్ల మేర గండి ఏర్పడింది. రెండువేల ఎకరాల విస్తీర్ణంలో వరినారుమళ్ళు నీటి మునిగాయి. 24 గంటల్లో గండిని పూడ్చేందుకు చర్యలు తీసుకుంటామని అధికారులు తెలిపారు. వర్షాలు ఉదృతంగా కురుస్తు౦డడంతో వంశధార పొంగుతోంది.                           

నేను పిచ్చివాడిని కాదు: కె.ఎ.పాల్

నేను పిచ్చి వాడిని కాదని, నాకు పిచ్చి లేదని చికిత్స కోసం నిమ్స్ ఆసుపత్రికి వస్తే ఇక్కడ చికిత్స చేయకుండా పిచ్చిఉందని ఎర్రగడ్డకు పంపుతున్నారని కె.ఎ.పాల్ ఆరోపించారు.పోలీసులు కక్ష గట్టి తనని ఎర్రగడ్డకు తీసుకెళ్తున్నారన్నారు. తనను చంపడానికి కుట్రచేస్తున్నారని పాల్ ఆరోపించారు. రెండు సంవత్సరాల క్రితం జరిగిన హత్య కేసులో ఇప్పుడు తనని అరెస్ట్ చేయడమేంటని, ఇదంతా రాజకీయ కుట్ర అని కె.ఎ.పాల్ అన్నారు.  

శ్రీలంకపై 21 పరుగులతో భారత్ గెలుపు

మహింద రాజపక్స స్టేడియంలో శనివారం జరిగిన తొలి వన్డేలో భారత్ 21 పరుగుల తేడాతో శ్రీలంకను చిత్తు చేసింది. టాస్ గెలిచి బ్యాటింగ్ ఎంచుకున్న ధోనిసేన 50 ఓవర్లలో 6 వికెట్ల నష్టానికి 314 పరుగుల భారీ స్కోరు సాధించింది. సెహ్వాగ్ (97 బంతుల్లో 96; 10 ఫోర్లు), విరాట్ కోహ్లి (113 బంతుల్లో 106; 9 ఫోర్లు) చక్కటి బ్యాటింగ్‌తో సెంచరీ చేశాడు. సెహ్వాగ్ సెంచరీ మిస్ అయినా, కోహ్లితో కలిసి రెండో వికెట్‌కు 173 పరుగులు జోడించాడు.  రైనా (45 బంతుల్లో 50; 3 ఫోర్లు, 1 సిక్సర్), ధోని (29 బంతుల్లో 35; 3 ఫోర్లు, 1 సిక్సర్) కలిసి ఐదో వికెట్‌కు 79 పరుగులు జోడించిన  భారత బ్యాట్స్‌మెన్ లంకకు భారీ లక్ష్యాన్ని నిర్దేశించారు. శ్రీలంక జట్టు 50 ఓవర్లలో 9 వికెట్ల నష్టానికి 293 పరుగులు చేసి ఓడిపోయింది. సంగక్కర (151 బంతుల్లో 133; 12 ఫోర్లు) మినహా ప్రధాన బ్యాట్స్‌మెన్ అంతా విఫలమయ్యారు. ఐదు వన్డేల సిరీస్‌లో ప్రస్తుతం భారత్ 1-0 ఆధిక్యంలో ఉంది. రెండో వన్డే మంగళవారం ఇదే వేదికలో జరుగుతుంది.

సిరిసిల్ల విజయమ్మ దీక్షకు పోలీసులు అనుమతి

సోమవారం విజయమ్మ దీక్షకు పోలీసులు అనుమతివ్వడంతో తెలంగాణలో వాతావరణం వేడెక్కింది. భారీగా కార్యకర్తలను సమీకరించి దీక్షను విజయవంతం చేయాలని వైసీపీ నేతలు ప్రయత్నిస్తున్నారు. దీంతో తెలంగాణలో పాగా వేయాలని ఆశిస్తున్నారు. ఆమె దీక్షను అడ్డుకుని తీరతామని హెచ్చరిస్తున్న టీఆర్ఎస్, జేఏసీ నేతలు.