Home  
Breaking NEWS

రాష్ట్రపతి ఎన్నికల ఓట్ల లెక్కింపు ప్రారంభం

అన్ని రాష్ట్రాల నుంచి దేశ రాజధాని ఢిల్లీకి తరలించిన బ్యాలెట్ల లెక్కింపును ఆదివారం ఉదయం ప్రారంభించారు. మధ్యాహ్నం సమయానికి ఫలితాలు వెలువడవచ్చని అధికారులు తెలిపారు. కొత్తగా ఎన్నికైన రాష్ట్రపతితో ఈనెల 25వ తేదీన సుప్రీంకోర్టు ప్రధాన న్యాయమూర్తి పదవీ ప్రమాణం చేయిస్తారు. యూపీఏతోపాటు ఎన్డీఏలోని పలు భాగస్వామ్య పక్షాలు ప్రణబ్‌కు మద్దతు ప్రకటించడం, తృణమూల్ కాంగ్రెస్ కూడా చివరి నిమిషంలో ఓటేయటంతో ఆయన ఎన్నిక కేవలం లాంఛనంగా మారింది.

తెలంగాణకి బొత్స పరోక్ష మద్దతు?

బొత్స సత్యనారాయణ శనివారం ఢిల్లీలో మీడియా ప్రతినిధులతో మాట్లాడుతు హిందీ మాట్లాడేవారికి 13 రాష్టాలు ఉన్నప్పుడు తెలుగు మాట్లాడేవారికి రెండు రాష్ట్రాలు ఉంటే తప్పేమిటని అన్నారు. తెలంగాణపై పార్టీ అధిష్టానం త్వరగా నిర్ణయం తీసుకోవాలని అన్నారు. రాష్ట్ర విభజనపై పార్టీ అధిష్టానం, కేంద్ర ప్రభుత్వం ఏ నిర్ణయం తీసుకున్నా దానికి కట్టుబడి ఉంటానని ఆయన చెప్పారు. రాష్ట్ర మంత్రివర్గ విస్తరణపై తనకు ఏ విధమైన సమాచారం లేదని అన్నారు.

సెహ్వాగ్ సెంచరీ మిస్

శ్రీలంక జట్టుతో జరుగుతున్నవన్డే మ్యాచ్లో సెహ్వాగ్ సెంచరీకి చేరువదాకా వచ్చి రన్ అవుటయ్యాడు. వన్డేలలో సెహ్వాగ్ చేసిన 38వ హాఫ్ సెంచరీ ఇది. సెహ్వాగ్ సెంచరీ మిస్ అయి 96 పరుగుల వద్ద అవుటయ్యాడు. కోహ్లీ 79 పరుగులతో క్రీజ్లో ఉన్నాడు. భారత్ జట్టు 32 ఓవర్లకు రెండు వికెట్లు నష్టపోయి 183 పరుగులు చేసింది. గంభీర్ 3 పరుగులకే అవుటయ్యాడు.

విజయమ్మ దీక్షపై విజయ శాంతి ఫైర్

ఈ నెల 23వ తేదీన  సిరిసిల్లలో విజయమ్మ తలపెట్టిన నేతన్న దీక్షపై  విజయశాంతి తీవ్రంగా మండిపడ్డారు. వైయస్సార్ కాంగ్రెసు పార్టీ సమైక్యవాద పార్టీ అని స్పష్టంగా తేలిపోయిందని ఆమె అన్నారు. రాజకీయ ప్రయోజనాల కోసమే వైయస్ విజయమ్మ దీక్ష చేస్తున్నారని ఆమె విమర్శించారు. తెలంగాణ పట్ల వైయస్సార్ కాంగ్రెసు పార్టీకి చిత్తశుద్ధి లేదని, అందుకే తాము వైఖరి చెప్పాలని అడుగుతున్నామని ఆమె అన్నారు.

వర్షంలో కొనసాగుతున్న సి.ఎం గ్రేటర్ పర్యటన

హైదరాబాద్ లో భారీ వర్షాలు కురుస్తుంటే, సి.ఎం కిరణ్ కుమార్ రెడ్డి మాత్రం తన గ్రేటర్ పర్యటనను అలాగే కొనసాగిస్తున్నారు. శేరిలింగంపల్లిలో ఆయన ఇందిరమ్మ బాటలో భాగంగా శనివారం రాజీవ్ గాంధీ ఆవాస్ యోజన పథకానికి శ్రీకారం చుట్టారు. హైదరాబాదులో 1400 మురికివాడలు ఉన్నట్లు గుర్తించామని, వాటిని 9 వేల కోట్ల రూపాయలతో అభివృద్ధి చేస్తామని ఆయన చెప్పారు. శేరిలింగంపల్లిలో క్రీడామైదానాన్ని ఏర్పాటు చేస్తామని ఆయన చెప్పారు. ప్రతి నియోజకవర్గంలో ఓ క్రీడా మైదానం ఏర్పాటు చేయనునన్నట్లు ఆయన తెలిపారు. రాష్ట్రవ్యాప్తంగా 11 పట్టణాల్లో రాజీవ్ ఆవాస్ యోజన పథకాన్ని అమలు చేస్తున్నామని ఆయన చెప్పారు. దశలవారీగా హైదరాబాదును అభివృద్ధి చేస్తామని ఆయన చెప్పారు.

టాస్ గెలిచి బ్యాటింగ్ ఎంచుకున్న భారత్

శ్రీలంక జట్టుతో జరగనున్న వన్డే మ్యాచ్లో భారత్ టాస్ గెలిచి బ్యాటింగ్ ఎంచుకుంది. నేటి నుంచి ప్రారంభమయ్యే ఐదు వన్డేల సిరీస్‌లో ఆతిథ్య శ్రీలంక జట్టుతో టీమిండియా తలపడుతోంది. మధ్యాహ్నం 2.30 గంటల నుంచి మ్యాచ్ ప్రారంభం కానుంది. మహింద రాజపక్స స్టేడియంలో తొలి డే అండ్ నైట్ మ్యాచ్ జరుగనుంది.

బల్లి పడిన ఆహారం తిని అస్వస్థతకు గురైన విద్యార్థులు

తూర్పుగోదావరి జిల్లాలో మధ్యాహ్న భోజనంలో బల్లి పడిన ఆహారం తిని 7 గురు విద్యార్థులు అస్వస్థతకు గురియ్యారు. విద్యార్థులును వెంటనే సకినేటిపల్లి ప్రాధమిక ఆరోగ్య కేంద్రానికి తరలించారు.

మూసీ నదిలోకి భారీగా వచ్చి చేరుతున్న వరద నీరు

నల్గొండ జిల్లా బీబీనగర్‌లో మండలంలో భారీగా వరద నీరు వచ్చి చేరడంతో మూసీ నది ఉదృతంగా ప్రవహిస్తోంది. బుట్టగూడెం, పెద్దరావులపల్లి, పోచంపల్లి, భూవనగిరి మధ్య రాకపోకలకు తీవ్ర అంతరాయం ఏర్పడింది.

భారీ వర్షాలపై ముఖ్యమంత్రి సమీక్షా

భారీ వర్షాలపై ముఖ్యమంత్రి కిరణ్‌కుమార్‌రెడ్డి శనివారం ఉదయం సమీక్షా సమావేశం నిర్వహించారు. ప్రజలకు ఇబ్బందులు కలగకుండా చర్యలు తీసుకోవాలని మున్సిపల్, జీహెచ్ఎంసీ, అగ్నిమాపక సిబ్బంది, వైద్య అధికారులను ఆదేశించారు. లోతట్టు ప్రాంతాల్లో ప్రజలను సురక్షిత ప్రాంతాలకు తరలించే ఏర్పాట్లు చేయాలని ఆదేశించారు.

సింగరేణి ఓపెన్ కాస్ట్ గనుల్లో నిలిచిన బొగ్గు ఉత్పత్తి

వర్షాలు కారణంగా మణుగూరు, కొత్తగూడెం, ఇల్లందులోని ఓపెన్ కాస్ట్ గనుల్లో బొగ్గు ఉత్పత్తి నిలిచిపోయింది. కొత్తగూడెం జీకేఓసీలో అయిదువేల టన్నుల బొగ్గు ఉత్పత్తికి అంతరాయం ఏర్పడినట్లు సింగరేణి అధికారులు తెలిపారు.  

రంజాన్ నెల ప్రారంభం

శనివారం తెల్లవారుజామున 4.22 గంటలకు సహర్‌తో రంజాన్(మొదటి రోజు) ఉపవాస దీక్షలు ప్రారంభమవుతున్నాయి. కాగా, శనివారం నుంచే రంజాన్ నెల ప్రారంభమవుతుందని ఢిల్లీలోని ఫతేపురి మసీదు షాహీ ఇమామ్ ముఫ్తీ ముకర్రమ్ అహ్మద్ కూడా ప్రకటించారు.

హైదరాబాద్ లో వాన భీభత్సం

హైదరాబద్ లో నిన్నటి నుంచి వర్షం కురుస్తుండటంతో పలు కాలనీలలోని  ఇళ్ళల్లోకి వర్షపు నీరు వచ్చి చేరుతుండటంతో ప్రజలు ఇబ్బంది పడుతున్నారు. అధికారులు పట్టించుకోని తక్షణమే సహయక చర్యలు తీసుకోవాలని వారు కోరుతున్నారు.

టెన్త్ సప్లిమెంటరీ పరీక్ష ఫలితాలు విడుదల

టెన్త్ సప్లిమెంటరీ పరీక్ష ఫలితాలును శనివారం విద్యాశాఖ కమిషనర్ శివశంకర్ ఫలితాలను విడుదల చేశారు. ఈ పరీక్షల్లో 53.84 శాతం మంది విద్యార్థులు ఉత్తీర్ణులయ్యారు. 51.85శాతం బాలురు ఉత్తీర్ణులవ్వగా, బాలికలు 57.42 శాతం ఉత్తీర్ణత సాధించారు.  

మరికాసేపట్లో గ్రూప్‌-2 పరీక్షలు

మరికాసేపట్లో గ్రూప్‌-2 పరీక్ష ప్రారంభం కానుంది. మొత్తం 781 పోస్టులకు గాను 5 లక్షల మంది అభ్యర్థులు పోటీపడుతున్నారు. రాష్ట్రవ్యాప్తంగా 1360 పరీక్షా కేంద్రాలను ఏర్పాటు చేశారు. అభ్యర్థులు పరీక్ష కేంద్రాలకు గంట ముందుగానే చేరుకోవాలని అధికారులు సూచించారు. ఈ రోజు మధ్యాహ్నం 2 గంటల నుంచి 4.30 వరకు పేపర్‌- 1 పరీక్ష జరుగుతుంది. అదే విధంగా అదివారం ఉదయం 10 గంటల నుంచి 12.30 వరకు పేపర్ 2 పరీక్షను నిర్వహిస్తారు.

వికలాంగుల హాస్టల్ కి వచ్చి చేరిన వరద నీరు

నిన్నటి నుంచి వర్షం కురుస్తుండటంతో హైదరాబాద్ సాగర్ రోడ్డులోని యశోదానగర్లోని వికలాంగుల వసతి గృహం హాస్టల్లోనికి వరద నీరు చేరింది. అధికారులు పట్టించుకోకపోవటంతో వారు ఇంకా వరద నీటిలోనే ఉన్నారు. సహాయం కోసం వికలాంగులు ఎదురు చూస్తున్నారు.

మెదక్ జిల్లాల్లో కూలిన ప్రభుత్వ పాఠశాల భవనం

మెదక్ జిల్లా మానూర్ లో ఈ రోజు ప్రభుత్వ పాఠశాల భవనం కూలింది. అయితే ఎలాంటి ప్రాణనష్టం జరగకపోవటంతో ఉపాధ్యాయులతో పాటు, విద్యార్థుల తల్లిదండ్రులు ఊపిరి పీల్చుకున్నారు. 

ఓపన్ అయిన పోలవరం టెండర్లు

స్పీల్ వే, రాక్ ఫీల్ డ్యాం, విద్యుత్ పునాది పనులకు 4,117 కోట్లకు ప్రభుత్వం టెండర్లు పిలిచింది. ఈ పోలవరం టెండర్లను ఓపెన్ చేసిన అధికారులు ... ఎల్1 గా సోమా కంపెనీ రూ. 5654 కోట్లు కోట్ చేయగా ఎల్2 గా ఎస్.ఈ.డబ్యూ రూ.4600 కోట్లు కోట్  చేసింది.

పిటీషనర్ కు జరిమానా విధించిన హైకోర్టు

రాష్ట్రంలో రాష్ట్రపతి పాలన విధించాలని మొదరి పిటీషన్, పిసిసి చీఫ్ బొత్సా సత్యనారాయణపై సిబీఐ విచారణ జరిపించాలని వేసిన రెండు పిటీషన్లను కోర్టు కొట్టివేసింది. విలువైన కోర్టు సమయాన్ని వృధా చేసినందుకు పిటీషనర్ పై ఆగ్రహం వ్యక్తం చేసిన హైకోర్టు, రెండు పిటీషన్ లు వేసిన పిటీషనర్ కు లక్ష రూపాయల జరిమానా విధింపు.

వాటర్ ట్యాంక్ ఎక్కిన ఇద్దరు టిడిపి మహిళా నేతలు.

గత నాలుగు రోజులుగా కడపజిల్లాలో రైతులకు మద్దతుగా నిరాహార దీక్ష చేస్తున్న తెలుగుదేశం పార్టీ నాయకుల దీక్షకు స్పందించని ప్రభుత్వంపై నిరసన తెలుపుతూ తెలుగుదేశం కార్యకర్తలు కడపజిల్లా కలెక్టరేట్ ను ముట్టడించారు. వీరిలో ఇద్దరు మహిళా నేతలు కలక్టరేట్ ఎదురుగా ఉన్న వాటర్ ట్యాంక్ పైకి ఎక్కి ఆత్మహత్య చేసుకుంటామనిబదిరింపు, ప్రభుత్వం వెంటనే స్పందించాలని వారు డిమాండ్ చేస్తున్నారు.