Home  
Latest News

కోహ్లీయా మ‌జాకా..పాక్‌పై 4 వికెట్ల తేడాతో భార‌త్ విజ‌యం

టీ-20 ప్ర‌పంచ‌క‌ప్ సూప‌ర్‌12 విభాగంలో శ‌నివారం భార‌త్‌, పాకిస్తాన్‌ల మ‌ధ్య‌ జ‌రిగిన మ్యాచ్ నిజంగా గోళ్లు, వేళ్లూ కొరుకేసుకు న్నంత ఉత్కంఠ‌భ‌రితంగానే జ‌రిగింది, చివ‌రంటా! ఒక‌రికి ఇంకెంత మూడు ఓవ‌ర్లో గెలిచేస్తామ‌నే సంబరం, మూడు ఓవ‌ర్ల‌లో ఇక క‌ష్టం అని దాదాపు చేతులు ఎత్తేసి ఇవ‌త‌లివారు..కానీ మొత్తం సీన్ మారిపోయింది. వారు వీర‌య్యారు, వీరు వార‌య్యారు. ఇది ఎన్న‌డూహించ‌ని రికార్డుస్థాయి ప‌రిణామం. స్టేడియాలో 90వేల‌మంది, లోక‌మంతా క‌లిపి కోట్లాది మంది, ఇరుజ‌ట్ల వీరాభిమా నులు, అధికారులు, కోచ్‌లూ అంతా ఏమాత్రం స్థిమితంగా లేరు.. అంద‌రికీ ఖంగారెత్తిపోతోంది..మ‌నోళ్లు గెలవ‌గ‌ల‌రా అని ఏడుపు మొహాలే.. కానీ ఇంత‌మందిలో ఒక్క‌డే నేనున్నానుగా అంటూ నిలిచాడు.. అంద‌రూ అత‌న్ని కింగ్ అంటారు.. అస‌లు పేరు విరాట్ కోహ్లీ! పూర్తిస్తాయి ఒత్తిడిలో ఊహించ‌ని విధంగా మెరుపులు మెరిపించి జ‌ట్టు విజ‌యాన్ని పాక్ చేతుల్లోంచి లాగేసేడు. రిజ్వాన్‌, అప్రిదీ, బాబ‌ర్ అజామ్ కొయ్య‌బొమ్మ‌ల్లా అలా విస్తుపోయారంతే!  ఇది ఊహిం చ‌ని విజ‌యం. పాకిస్తాన్ 20 ఓవ‌ర్ల‌లో 8 వికెట్ల న‌ష్టా నికి 159 ప‌రుగులు చేసింది. భార‌త్ 6 వికెట్ల న‌ష్టానికి 161 ప‌రుగులు చేసింది.   ముందుగా బ్యాటింగ్‌కి దిగిన పాకిస్తాన్ మొద‌టి మూడు ఓవ‌ర్ల‌లో ప‌రుగులు చేయ‌డానికి నానా అవ‌స్తాప‌డింది.  బంతి బాగా స్వింగ్ అవుతుండ‌డం భువ‌నేశ్వ‌ర్ ప్ర‌తాపం ముందు నిల‌బ‌డ్డానికి ఇబ్బందిప‌డ్డారు ఓపెన‌ర్లు. యువ పేస‌ర్ తొలి టీ20 వ‌ర‌ల్డ్‌క‌ప్ ఆడు తున్న అర్ష‌ద్ సింగ్ పాక్ పాలిటి దుస్వ‌ప్నంగా మారాడు. మొద‌టి ఓవ‌ర్లో మొద‌టి బంతికే వికెట్ తీశాడు. కెప్టెన్ బాబ‌ర్ అజామ్‌ను పెవిలియ‌న్‌దారి ప‌ట్టించ‌డంతో కెప్టెన్ శ‌ర్మ‌కు న‌మ్మ‌కం క‌లిగించాడు. 4వ ఓవ‌ర్లోనే రిజ్వాన్ మ‌ళ్లీ అత‌నికే దొరికాడు. మొద‌టి 5 ఓవ‌ర్ల‌లో 2 వికెట్లు కోల్పోయి 24 ప‌రుగులే చేసింది. ప‌దో ఓవ‌ర్లో పాండ్యా ముచ్చట‌గా ప‌ది ప‌రుగులు ఇవ్వ‌డంతో ప‌ది ఓవ‌ర్లు అయ్యేస‌రికి 60 పరుగులు చేశారు. ఇఫ్తెకార్ రెచ్చిపోయి ఆడాడు. దాంతో పాక్ స్కోర్ ప‌రుగులెత్తింది. కానీ మ‌రో వంక వికెట్లు ప‌డుతూండ‌డంతో కాస్తంత ఖంగారుప‌డ్డారు. అలా 15 ఓవ‌ర్ల‌లో పాక్ 5 వికెట్లు కోల్పోయి 106 ప‌రుగులుచేసింది. 20 ఓవ‌ర్ల‌లో పాకిస్తాన్ చాలా అవ‌స్త‌ప‌డినా 159 ప‌రుగులు చేయ‌గ‌లిగింది. ఒక స‌మ‌యంలో 120 కొడితే గొప్ప అన్నట్టుగా ఆడారు. పాక్ ఇన్నింగ్స్‌లో షాన్ మ‌సూద్ ఎంతో దూకుడుగా ఆడి 48 బంతుల్లో అర్ధ‌సెంచ‌రీ చేశాడు. పాండ్యా, సింగ్ చెరి 3 వికెట్లూ తీసుకున్నారు.  160 ప‌రుగుల ల‌క్ష్యంతో బ్యాటింగ్‌కి దిగిన భార‌త్ మొద‌టి 5 ఓవ‌ర్ల‌లో కేవ‌లం 22 ప‌రుగులు చేసి శ‌ర్మ‌, రాహుల్ వికెట్లు కోల్పో యింది. త‌ర్వాత వ‌చ్చిన కింగ్ కోహ్లీ ఎంతో జాగ్ర‌త్త‌గా ఆడుతూ ఇన్నింగ్స్ నిల‌బెట్ట‌డానికి పూనుకున్నాడు. మంచి ఫామ్‌లో ఉన్న సూర్య‌కుమార్ ఊహించ‌ని విధంగా 11 ప‌రుగుల‌కే వెనుదిర‌గ‌డం కింగ్‌ను ఇబ్బందుల్లో ప‌డేసింద‌నాలి. ప్ర‌ధాన బ్యాట‌ర్లు, ఫామ్‌లో ఉన్న‌వారు వెనుదిర‌గ‌డంతో పాక్ విజ‌యం దాదాపు ఖాయ‌మ‌యింద‌న్న ఆనందం వారిలో క‌న‌ప‌డింది. కావ‌డానికి 160 పెద్ద స్కోర్ కాక‌పోవ‌చ్చు. కానీ వారి ఫీల్డింగ్ బౌలింగ్ దాడి అద్భుతంగా సాగింది. దాంతో భార‌త్ వేగంగా ప‌రుగులు సాధించ‌డం దుర్ల‌భ‌మ‌యింది. కోహ్లీ మాత్రం జాగ్ర‌త్త‌గా ఆడుతూ వ‌చ్చాడు. సూర్య త‌ర్వాత వ‌చ్చిన హార్దిక్ పాండ్యాతో క‌లిసి ఇన్నింగ్స్ నిల‌బెట్టే త‌రుణంలో వీర బాదుడికి దిగారు. ఇద్ద‌రు మంచి వేగంగా ప‌రుగులు తీయ‌గ‌ల‌రు గ‌నుక స్కోర్ కాస్తంత ప‌రుగులే పెట్టింది. 15 ఓవ‌ర్ల‌కు భార‌త్ 4 వికెట్లు కోల్పోయి 100 ప‌రుగులే చేసింది. పాక్‌తో పోలిస్తే 6 ప‌రుగులు వెన‌కే ఉన్నాం. భార‌త్ మొద‌టి  50 ప‌రుగుల‌కు 63 బంతులు ప‌ట్టింది. ఆట 17వ ఓవ‌ర్ నుంచి టెన్ష‌న్ మొద‌ల‌యింది. గెల‌వ‌డం దుర్ల‌భ‌మే అన్న అభిప్రాయానికి జ‌నం వ‌చ్చేశారు. భార‌త్ అభిమానులు దిగాలుప‌డ్డారు. 18 ఓవ‌ర్లో ఒక ఫోర్ కొట్టి కోహ్లీ 50 ప‌రుగులు పూర్తి చేసుకున్నాడు. ఆఫ్రిదీ ఆ ఓవ‌ర్లో ఏకంగా 18 ప‌రుగులిచ్చాడు. అంత‌కుముందు ర‌వూఫ్, న‌సీమ్‌లు కూడా ప‌రుగులిచ్చుకోవ‌డంతో భార‌త్ కాస్తంత ఊపిరిపీల్చుకుంది. కానీ చివ‌రి రెండు ఓవ‌ర్ల‌లో చాలా ప‌రుగులే కావాల్సి వ‌చ్చాయి. కోహ్లీ, పాండ్యాలు 75 బంతుల్లో వంద ప‌రుగుల చేశారు. చివ‌రి ఓవ‌ర్ల‌లో వారు విజృంభించ‌డంతో పాక్‌కు గెలిచే అవ‌కాశాలు చేజారుతున్నాయ‌న్న భ‌యం ప‌ట్టుకుంది. అంతా ఖంగారుప‌డ్డారు. ఫీల్డింగ్ పాడుచేసుకున్నారు, బౌల‌ర్లు ఇబ్బందిప‌డ్డారు. మ‌రీ ముఖ్యంగా ర‌వూఫ్ వేసిన ఓవ‌ర్లో కోహ్లీ బాదేశాడు. ర‌వూఫ్‌ 15 ప‌రుగులిచ్చి పాక్‌ ఆశ‌లు గ‌ల్లంతు చేశాడు. 20వ‌ ఓవ‌ర్లో 16 ప‌రుగులు కావాల్సి వ‌చ్చింది. భార‌త్ ఓట‌మి ఖాయ‌మ‌ను కున్నారు. దాదాపు ఆశ‌లు వ‌దిలేశారు. కానీ ఇక్క‌డే పాక్ త‌ప్పులో కాలేశారు. చివ‌రి ఓవ‌ర్ న‌వాజ్ చేశాడు. ఆ ఓవ‌ర్లో పాండ్యా వెనుదిరిగాడు. అత‌ను 37 బంతుల్లో 40 ప‌రుగులు చేశాడు. అప్పుడు ఫినిష‌ర్ కార్తీక్ వ‌చ్చాడు. కానీ మ‌రో వంక కోహ్లీ వీర విహారం చేశాడు. త‌ర్వాత 2,6,1,3, కార్తీక్ వెనుదిరిగాడు. అశ్విన్ రాగానే 2 బంతుల్లో 3 చేయాల్సి వ‌చ్చింది. అశ్విన్ రాగానే న‌వాజ్ వేసిన బంతి వైడ్ కావ‌డంతో 2 బంతుల్లో 2 ప‌రుగులు కావాల్సి వ‌చ్చింది. త‌ర్వాత ఒక ప‌రుగు ఒక‌బంతి మిగిలాయి. అశ్విన్ బ్యాటింగ్ చేయ‌డం తెలుసు గ‌నుక చాలా తెలివిగా, ఫీల్డ‌ర్లంతా ముందు ఉండ‌గా చివ‌రి బంతిని పైకి కొట్టే శాడు, అది ఫోర్ పోయింది. దాంతో భార‌త్ విజ‌యానందానికి అంతేలేదు. పాక్ 11 ఎక్‌స్ట్రాలిచ్చారు. కోహ్లి 82 ప‌రుగుల‌తో అజే యంగా నిలిచాడు. మ్యాన్ ఆఫ్‌ద మ్యాచ్ అవార్డు అందుకున్నాడు. కెప్టెన్ ఆనందానికి అంతే లేదు..మ‌రో వంక కోహ్లీ ఎంతో భావోద్వేగానికి గుర‌య్యాడు.. ఇంత చిట్ట‌చివ‌ర విజ‌యం సాధించ‌డంలో ప‌డ్డ క‌ష్టానికి! బ‌ట్ కింగ్ ఆల్వేస్ కింగ్‌!

కుశాల్ వీర‌విహారం..ఐర్లాండ్‌ను చిత్తు చేసిన శ్రీ‌లంక‌

కుశాల్ మెండిస్ వీర‌విహారంతో శ్రీ‌లంక 9 వికెట్ల తేడాతో ఐర్లాండ్‌ను చిత్తు చేసింది. టీ-20 ప్ర‌పంచ‌క‌ప్ సూప‌ర్ 12 విభాగంలో మూడవ మ్యాచ్ హోబర్ట్‌లోని బెల్లెరివ్ ఓవల్‌లో ఆదివారం శ్రీ‌లంక‌, ఐర్లాండ్ త‌ల‌ప‌డ్డాయి. ఐర్లాండ్ 20 ఓవర్లలో 8 వికెట్ల న‌ష్టాన‌కి 128 ప‌రుగులు చేసింది.  హ్యారీ టెక్టర్ 45, పాల్ స్టిర్లింగ్ 34 ప‌రుగులు చేసి జ‌ట్టు ప‌రువు కాపాడార‌నాలి. శ్రీ‌లంక బౌల‌ర్లు మహేశ్ తీక్షణ 19 ప‌రుగులిచ్చి 2 వికెట్లు, వనిందు హసరంగా 25 ప‌రుగులిచ్చి 2 వికెట్లు తీశారు. శ్రీ‌లంక 15 ఓవ‌ర్ల‌లో లక్ష్యాన్ని ఆల‌వోక గా దాటేసింది. స్టార్ బ్యాట్స్‌మ‌న్ కుశాల్ మెండిస్ 68 ప‌రుగుల‌తో అజేయంగా నిల‌వ‌గా శ్రీ‌లంక 15 ఓవ‌ర్ల‌లో ఒక వికెట్ న‌ష్ట‌పోయి 133ప‌రుగులు చేసింది. శ్రీలంక, 2014 టీ20 ప్రపంచ కప్ ఛాంపియన్‌లు గొప్ప ఆట‌తీరును ప్ర‌ద‌ర్శించారు.  ముఖ్యంగా వారి స్పిన్ కవలలు తీక్షణ, హసరంగ పెద్ద‌గా ప‌రుగులివ్వ కుండా ఎంతో గొప్ప‌గా బౌలింగ్ చేశారు. ఐర్లాండ్ ఇన్నింగ్స్ మొదటి అర్ధభాగంలో చాలా మంది ఫాస్ట్ బౌలర్ల ను ఉపయోగించారు. తర్వాత అర్ధభాగంలో వారి పరుగుల ప్రవాహాన్ని అరికట్టడానికి హసరంగ, తీక్షణ కారణంగా లెగ్-స్పిన్ ప్లస్ ఆఫ్-స్పిన్ తో ఐర్లాండ్‌ను కంగారుపెట్టారు.  ఐర్లాండ్ కెప్టెన్ ఆండ్రూ బల్బిర్నీ పెద్ద‌గా ప‌రుగులు చేయ‌కుండానే వెనుదిరిగాడు. పాల్ స్టిర్లింగ్ ఒక ఎండ్ పట్టుకుని చమిక కరుణ రత్నేతో పాటు ధనంజయ డి సిల్వా అటాక్‌ను చ‌క్క‌గా ఎదుర్కొంటూ బౌండరీలు కొట్టాడు. కానీ హాఫ్‌వే దశలో అతని ఔట్, వైడ్ మిడ్-ఆఫ్‌లో భానుక రాజపక్సే తక్కువ క్యాచ్ పట్టడంతో, డిసిల్వా ఇన్నింగ్స్‌పై శ్రీలంక పూర్తి నియంత్రణను పొందింది. అతని బౌలింగ్‌  వైవిధ్యాలతో, తీక్షణ ఐదవ ఓవర్‌లో లోర్కాన్ టక్కర్, మిడిల్-స్టంప్‌ను కొట్టడంతో ప్రారంభించాడు. కర్టిస్ కాంఫర్ , జార్జ్ డాక్రెల్ త్వ‌ర‌గానే వెనుదిర‌గ‌డంతో, హ్యారీ టెక్టర్ దాడిని కరుణరత్నే, హసరంగ, తీక్షణకు తీసుకెళ్లడం ద్వారా ఒక చివరను ఎంకరేజ్ చేశాడు. అతను పెద్దగా వెళ్లాలని చూస్తున్న సమయంలో, ఫెర్నాండో ఆఫ్ రసవత్తరమైన ఫుల్-టాస్‌లో మిస్-హిట్ అతని ధాటిని 45 వద్ద ముగించాడు. హసరంగా 19వ ఓవర్‌లో గారెత్ డెలానీ, మార్క్ అడైర్‌ను అవుట్ చేసాడు, శ్రీలంక చివరి ఐదు ఓవర్లలో 4/28 స్కోరు సాధించింది. 

ఆట‌కీ, ఆనందానికీ మ‌ధ్య  ఎన్నాళ్లీ విద్వేషాలు, వైరుధ్యాలు!

టీ20 వరల్డ్ కప్ 2022 టోర్నీలో ఇండియా వర్సెస్ పాకిస్తాన్ మ్యాచ్‌కి ముందు బీసీసీఐ సెక్రటరీ జై షా, పాక్ పర్యటన గురించి చేసిన కామెంట్లు హాట్ టాపిక్ అయ్యాయి. వచ్చే ఏడాది ఆసియా కప్ 2023 కోసం పాకిస్తాన్‌లో అడుగు పెట్టబోమని, తటస్థ వేదికపై టోర్నీ నిర్వహిస్తామని కుండబద్ధలు కొట్టాడు బీసీసీఐ సెక్ర‌ట‌రీ జై షా. క్రికెట్ బోర్డు అంగీక‌రించిన‌ప్ప‌టికీ, కేంద్ర ప్ర‌భుత్వ నిర్ణ‌యం మీద‌నే పాకిస్తాన్‌కు వెళ్లాలా వ‌ద్దా అనేది తేలుతుంది. ఈలోగానే జై షా త‌న అభిప్రాయాన్ని వ్య‌క్తం చేసి ఈ అంశాన్ని పెద్ద చ‌ర్చ‌నీయాంశంగా మార్చారు.  జై షా, ఆసియా క్రికెట్ కౌన్సిల్ (ఏసీసీ) అధ్యక్షుడిగా కూడా ఉన్నాడు. దీంతో ఆసియా కప్ 2023 టోర్నీ పాక్ నుంచి తటస్థ వేదికకు మారడం ఖాయమైపోయిన‌ట్లే. ఆసియా కప్ 2023 టోర్నీని పాక్ నుంచి తరలిస్తే, వన్డే వరల్డ్ కప్‌లో ఆడకూడదని పాక్ క్రికెట్ బోర్డు సరైన నిర్ణయమే తీసు కుం ది. ఎందుకంటే పాక్‌లో క్రికెట్ ఆడాలా? వద్దా? అనేది ఇండియా డిసైడ్ చేయకూడదు. పాకిస్తాన్‌లో 10-15 ఏళ్లుగా క్రికెట్ జరగనే లేదని పాక్ మాజీ క్రికెట‌ర్ వ‌సీం అక్ర‌మ్ అన్నాడు. ఇరుదేశాల మ‌ధ్య రాజ‌కీయ వ్య‌వ‌హారాల మీద త‌న‌కు పెద్ద‌గా అవ‌గాహ‌న లేదుగానీ పాక్‌లో ఆడ‌మ‌ని చెప్పే హ‌క్కు, స్వేచ్ఛ వారికి ఉన్న‌ప్ప‌టికీ చెప్పే విధానం అది కాద‌ని అక్రం ఆ్ర‌గ‌హించాడు.  పాక్‌లో పర్యటించడం ఇష్టం లేకపోతే పీసీబీ సభ్యులతో, ఏసీసీ సభ్యులతో స‌మావేశ‌మై నిర్ణయం తీసుకోవాలి. అంతేకానీ పాకి స్తాన్ లో ఆసియా కప్ జరగదు అని స్టేట్‌మెంట్ ఇవ్వడం కరెక్ట్ కాద‌న్నాడు అక్రమ్. వాస్తవానికి 2018 ఆసియా కప్ టోర్నీకి టీమిండియా ఆతిథ్యం ఇవ్వాల్సింది. అయితే ఇరుదేశాల మధ్య సంబంధాలు సరిగా  లేకనే యూఏఈ వేదికగా టోర్నీని నిర్వహిం చాల్సి వచ్చింది. ఈసారి కూడా పాకిస్తాన్‌కి బదులుగా తటస్థ వేదికైన యూఏఈలోనే ఆసియా కప్ నిర్వహించాలని బీసీసీఐ  పట్టుబడుతోంది .అలాగే 2025లో పాకిస్తాన్‌లో జరగాల్సిన ఐసీసీ ఛాంపియన్స్ ట్రోఫీ కూడా అక్కడి నుంచి తటస్థ వేదికకు మారే అవకాశాలు ఉన్నాయి. అయితే దీనిపై ఐసీసీ తీసుకునే నిర్ణయం కీలకంగా మార నుంది. పాక్‌లో నిర్వహించి తీరాల్సిందేనని ఐసీసీ పట్టుబడితే, టీమిండియా వెళ్తుందా? లేదా? అనేది తేలాల్సి ఉంది. అస‌లు ఇరు దేశాల మ‌ధ్య క్రికెట్ వివాదం విష‌యానికి వ‌స్తే..భారత దేశం-పాకిస్తాన్ క్రికెట్ పోటీ ప్రపంచంలోని అత్యంత తీవ్రమైన క్రీడా పోటీలలో ఒకటి గా పేర్కొంటారు. 1947లో బ్రిటీష్ విశాల భార‌తదేశాన్ని భారత్‌, పాకిస్తాన్‌లుగా విభజించిన సమయంలో ఉద్భవించిన చేదు దౌత్య సంబంధాలు, వైరుధ్యాల ఫలితంగా రెండు దేశాల మధ్య ఉద్రిక్త సంబంధాలు, ఇండో-పాకిస్తాన్ యుద్ధా లు. కాశ్మీర్ వివాదం తీవ్రమైన ఆవిర్భావానికి పునా దులు వేసాయి. ఉమ్మడి క్రికెట్ వారసత్వాన్ని పంచుకున్న రెండు దేశాల మధ్య క్రీడా పోటీ. 1952లో పాకిస్థాన్ భారత్‌లో పర్యటించినప్పుడు ఇరు జట్లు తొలిసారిగా ఆడాయి. రాజకీయ కారణాల వల్ల ఇరు పక్షాల ప్రణాళికా బద్ధమైన అనేక పర్యటనలు రద్ద‌య్యాయి లేదా రద్దు చేయబడ్డాయి, అయితే అప్పటి నుండి టెస్ట్ , తరువాత పరిమిత ఓవర్ల సిరీ స్ లు జ‌రిగాయి. 1965, 1971లో జరిగిన రెండు ప్రధాన యుద్ధాలు 1999 కార్గిల్ యుద్ధం, 2008 ముంబై తీవ్రవాద దాడుల కార ణంగా ఇరు దేశాల మ‌ధ్య క్రికెట్ ఆట జ‌ర‌గ‌లేదు. 1962, 1977 ల‌లో కూడాదేశాలు క్రికెట్ మ్యాచ్‌లు ఆడ‌లేదు. ప్రపంచవ్యాప్తంగా రెండు దేశాల నుండి పెద్ద సంఖ్యలో ప్రవాస జనాభా పెరుగుదల యునైటెడ్ అరబ్ ఎమిరేట్స్ , కెనడా సహా తట స్థ వేదికలకు దారి తీసింది, అంతర్జాతీయ క్రికెట్ కౌన్సిల్  సందర్భంగా ఇరు జట్లు, జట్లు పాల్గొన్న ద్వైపాక్షిక , బహుపాక్షిక వన్డే ఇంటర్నేషనల్  సిరీస్‌లను నిర్వహించడం జరిగింది. అంతర్జాతీయ పోటీ లలో రెండు జట్లు ఒకరితో ఒకరు ఆడే మ్యాచ్‌ల టిక్కెట్‌లకు అధిక డిమాండ్ ఉంది, 2019 క్రికెట్ ప్రపంచ కప్ సమావేశానికి రెండు జట్ల మధ్య టిక్కెట్ల కోసం 8ల‌క్ష‌ల‌ కంటే ఎక్కువ దరఖాస్తులు వచ్చాయి. మ్యాచ్ టెలివిజన్ ప్రసారం 273 మిలియన్ల వీక్షకులు వీక్షించారు. రెండు జట్లకు చెందిన ఆటగాళ్ళు గెలవడానికి తీవ్ర ఒత్తిడిని ఎదుర్కొంటారు, ఓటమిలో తీవ్రమైన ప్రతిచర్యలద్వారా బెదిరిం పులకు గురవుతారు. పరిమిత స్థాయిలో గూండాయిజం తో కీలక మ్యాచ్‌లలో ఓటములపై అభిమానుల స్పందనలు విప‌రీతం. అదే సమయంలో, భారతదేశం-పాకిస్తాన్ మ్యాచ్‌లు రెండు దేశాల మధ్య సంబంధాలను మెరుగుపరిచేందుకు క్రికెట్ అనుచరు లను అనుమతించడం ద్వారా  క్రికెట్ దౌత్యానికి అవ కాశాలు ల‌భించాయి. 2009లో లాహోర్‌లో శ్రీలంక జాతీయ క్రికెట్ జట్టుపై జరిగిన దాడి పాకిస్తాన్‌లో అంతర్జాతీయ పర్యటనలను నిలిపివేయడానికి దారితీసింది, దేశంలో ఒక దశాబ్దం పాటు ఎటువంటి టెస్టు సిరీస్‌లు ఆడలేదు మరియు 2011 క్రికెట్ వరల్డ్‌కు సహ-హోస్ట్‌గా పాకి స్తాన్ తొలగించబడింది. భారత ఉపఖండం అంతటా ఆడాల్సిన కప్. భారత్‌, పాకిస్థాన్ టోర్నీ సెమీ-ఫైనల్‌కు అర్హత సాధించాయి.  మ్యాచ్‌ను వీక్షించడానికి పాక్ ప్రధాని యూసుఫ్ రజా గిలానీని భార‌త ప్ర‌ధాని మన్మోహన్ సింగ్ ఆహ్వానించారు. డిసెంబరు 2012లో మూడు వ‌న్డేలు, రెండు టీ.20ల‌ కోసం భారతదేశంలో పర్యటించాలని బీసీసీఐ పాకిస్తాన్ జాతీయ జట్టును ఆహ్వానించడంతో ద్వైపాక్షిక సంబంధాలు చివరకు తిరిగి ప్రారంభమయ్యాయి. జూన్ 2014లో, పాకిస్తాన్ క్రికెట్ బోర్డు ఎనిమిదేళ్ల పాటు ఆరు ద్వైపాక్షిక సిరీస్‌లు ఆడేందుకు ఒప్పందం కుదిరిందని ప్రకటించింది. సుదీర్ఘ చర్చల తర్వాత, వేదికలపై ఆఫర్‌లు మరియు కౌంటర్-ఆఫర్‌లు మరియు డిసెంబరు 2015లో ఈ సిరీస్‌లో మొదటిది షెడ్యూల్ చేయడంతో, బోర్డులు ఒక ఒప్పందా న్ని చేరుకోలేకపోయాయి. మే 2017లో, బిసిసిఐ ద్వైపాక్షిక సిరీస్‌ను కొనసాగించడానికి ముందు భారత ప్రభుత్వం నుండి అను మతి పొందవలసి ఉంటుందని పేర్కొంది. ఈ విషయంపై చర్చించేందుకు రెండు బోర్డుల సభ్యులు దుబాయ్‌లో సమావేశమైనప్ప టికీ తర్వాత‌ పురోగతి లేదు. అక్టోబరు 2021లో, 2021 ఐసీసీ పురుషుల టీ20 ప్రపంచ కప్ సందర్భంగా, జట్లు తమ 200వ అంతర్జాతీయ మ్యాచ్‌ను ఒకదానితో ఒకటి ఆడాయి.ఈ మ్యాచ్‌లో పాకిస్తాన్ పది వికెట్ల తేడాతో గెలిచింది, క్రికెట్ ప్రపంచ కప్ లేదా టీ20 ప్రపంచ కప్ మ్యాచ్‌లో పాకిస్తాన్ భారత్‌ను ఓడించడం 13 ప్రయత్నాలలో అది మొదటిసారి. ప్రేక్ష‌కుల వెర్రిత‌నానికీ అంతులేదు. అర‌వ‌డం, గోల‌చేయ‌డం,తిట్టుకోవ‌డాలు శృతిమించ‌డం అనేక‌ప‌ర్యాయాలు జ‌రిగాయి. ప్రత్యర్థి పక్షం అభిమానులు చట్టపరమైన చర్యలను ఎదుర్కొన్న ఉదాహరణలు ఉన్నాయి.. 2014లో, భారతదేశంపై పాకిస్తాన్ విజయాన్ని ప్రోత్సహించినందుకు 2014లో, భారతదేశంలోని ఉత్తరప్రదేశ్ రాష్ట్రంలో 60 మంది విద్యార్థులపై దేశద్రోహం అభియోగాలు మోపబడ్డాయి, అయితే ఆ ఆరోపణలను తరువాత ఉపసంహరించుకున్నారు. 2016లో  భారత కెప్టెన్ విరాట్ కోహ్లి 22ఏళ్ల పాకిస్తానీ అభిమాని, భారత్‌, ఆస్ట్రేలియా మధ్య జరిగిన మ్యాచ్ తర్వాత పాకిస్తాన్‌లో భారత జెండాను ఎగురవేసి నందుకు అరెస్టయి ప‌దేళ్లు జైలు పాల‌య్యాడు! రెండు జట్ల మధ్య టీ20 ప్రపంచ కప్ 2021 మ్యాచ్ తర్వాత, పాకిస్తాన్ విజయాన్ని బహిరంగంగా జరుపుకున్న కొద్ది సంఖ్యలో భారతీయ ముస్లింలను భారత అధికారులు అరెస్టు చేశారు. 2021 మ్యాచ్ తర్వాత, చాలా మంది భార‌త్ ప్లేయ‌ర్లు, ముఖ్యంగా మహమ్మద్ షమీ, ఆ సమయంలో భారత జట్టులో ఉన్న ఏకైక ముస్లిం ఆటగాడు, సోషల్ మీడియా సైట్‌లలో దుర్వినియోగానికి గురయ్యాడు. అత‌నిపై, అత‌ని కుటుంబాలపై బెదిరిం పులు కూడా ఉన్నాయి. భారత కెప్టెన్ విరాట్ కోహ్లి, షమీకి బహిరంగంగా మద్దతు ఇచ్చాడు. యునైటెడ్ కింగ్‌డమ్‌లోని లీసెస్టర్ నగరంలో, ఆగస్టు 28న పాకిస్తాన్ ,భారతదేశం మధ్య 2022 ఆసియా కప్ మ్యాచ్ తర్వాత భారతీయ హిందూ పాకిస్తాన్ ముస్లిం సమాజాల మధ్య ఉద్రిక్తతలు హింస, నిరసనల పరంపరగా చెలరేగాయి. అస‌లు ఆట‌ను ఆట‌గా చూడ‌కుండా రెండు దేశాల మ‌ధ్య‌యుద్ధంగా చూడ‌ట‌మే మ‌న త‌ప్పు. చిత్ర‌మేమంటే సినీ స్టార్స్ లా వాళ్లూ మంచి స్నేహంగానే ఉంటారు. ప్లేయ‌ర్లు వాళ్ల ఆరోగ్యం, ఇష్టాయిష్టాలే మాట్లాడుకుంటారు కానీ క్రికెట్ గురించి పెద్ద‌గా చ‌ర్చించుకో మంటాడు ఇరు జ‌ట్ల ప్లేయ‌ర్ల‌ను ఎవ‌రిని క‌దిలించినా. పిచ్చంతా మ‌న‌కే. మ‌న‌మే త‌గ్గించుకోవాలి. ప్ర‌భుత్వాలు ఆలోచించు కోవాలి. ఆట వ‌ర‌క‌యి నా రాజ‌కీయాలు దూరం పెట్టుకోవాలి. 

తస్మాత్ జాగ్రత్త జగన్!

ముఖ్యమంత్రి జగన్ పాదయాత్ర అంటే తన కుర్చీకిందకు నీళ్లు వచ్చినట్లు భయపడుతున్నారు. కారణం ఎమిటి? విపక్ష నేతగా ఈ జగనే రాష్ట్ర వ్యాప్తంగా పాదయాత్ర చేశారు.  ఆ పాదయాత్ర పొడవునా అప్పటి ముఖ్యమంత్రిపై విమర్శల వర్షమే కురిపించారు. అయినా ఎక్కడా ఆయన పాదయాత్రకు అవాంతరాలు, అడ్డంకులూ లేవు.  ఆ పాదయాత్రలో శాంతి భద్రతల సమస్య సృష్టించేందకు శతథా ప్రయత్నించారు. అయినా అప్పుడు పోలీసులు సంయమనమే పాటించారు. అప్పుడు అధికారంలో  ఉన్న తెలుగుదేశం ప్రభుత్వం ప్రజాస్వామ్యాన్ని గౌరవించింది. పాదయాత్ర సజావుగా సాగేందుకు అవసరమైన చర్యలు తీసుకుంది.  ఇప్పడు జగన్ అధికారంలో ఉన్నారు. ముఖ్యమంత్రి హోదాలో ఉన్నారు. కానీ రాష్ట్రంలో ఎవరికీ స్వేచ్ఛగా మాట్లాడే హక్కు లేదు. విపక్ష నేత తన సొంత నియోజక వర్గంలో పర్యటించాలన్నా బోలెడన్ని ఆంక్షలు.. అడుగడుగునా దాడుల యత్నాలు.  తమకు ఇష్టం లేని మాట వినపడకూడదు, ఇష్టం లేని వారు రాష్ట్రంలో ఉండకూడదు. తాను వద్దనుకుంటే వద్దు అంతే. నరసాపురం ఎంపీకి తన సొంత నియోజవకర్గానికి వచ్చే అవకాశం లేదు. ఇక అమరావతి రైతులు తమ పోరాటానికి ప్రజా మద్దతు కూడగట్టుకునేందుకు పాదయాత్ర చేస్తుంటే అడుగడుగునా ఆంక్షలు, దాడులు. చివరికి న్యాయస్థానాల ఆదేశాలనూ లెక్క చేసే పరిస్థితి లేదు. ఇదీ ప్రస్తుతం  జగన్ పాలనలో రాష్ట్రంలో ప్రజాస్వామ్యం పరిఢవిల్లుతున్న తీరు. ఇంతకూ ఆంధ్రప్రదేశ్ రాజధాని కోసం భూములిచ్చిన రైతులు కోరుతున్నదేమిటి? తాము ఏ లక్ష్యం కోసమైతే భూములు ఇచ్చామో ఆ లక్ష్యానికి పూర్తి భిన్నంగా ప్రభుత్వం వ్యవహరిస్తున్న తీరును వ్యతిరేకిస్తున్నారు. తాము రాష్ట్ర రాజధాని అమరావతి నిర్మాణం కోసం ఇచ్చిన భూములను ఎండగట్టి.. తాము గత ప్రభుత్వంతో చేసుకున్న ఒప్పందాన్ని తుంగలో తొక్కి మూడు రాజధానులంటున్న రాష్ట్ర ప్రభుత్వ నిర్ణయాన్ని తప్పు పడుతున్నారు. అమరావతే ఏకైక రాజధానిగా ఉండాలని కోరుతున్నారు. ఇందుకు విపక్ష నేతగా జగన్ కూడా అంగీకరించి, అమరావతే రాజధాని అని అసెంబ్లీ సాక్షిగా చెప్పిన విషయాన్ని గుర్తు చేస్తూ మాట తప్పద్దు, మడమ తిప్పద్దు అని కోరుతున్నారు. అందుకోసం అలుపెరుగని పోరాటం చేస్తున్నారు. న్యాయపోరాటం చేస్తున్నారు. గతంలో తమ పోరాటం విజయవంతం కావాలని న్యాయస్థానం టు దేవస్థానం అంటూ ఆంధ్రప్రదేశ్ హైకోర్టు నుంచి తిరుమల వరకూ పాదయాత్ర నిర్వహించారు. ఆ యాత్రను అప్పట్లో అడ్డుకోవడానికి జగన్ సర్కార్ ప్రయత్నించినా ఫలితం లేకపోయింది. ప్రజాదరణతో ఆ యాత్ర దిగ్విజయంగా సాగింది. సరే కోర్టు తీర్పు అనుకూలంగా వచ్చింది. రాష్ట్ర ప్రభుత్వం సీఆర్‌డీఏ చట్టం ప్రకారమే నడుచుకోవాలని తేల్చి చెప్పింది. రాజధానిపై ఎలాంటి చట్టాలు చేసే అధికారం అసెంబ్లీకి లేదని తేల్చి చెప్పింది. లేని అధికారాలతో చట్టాన్ని రద్దు చేయలేరని కూడా తీర్పు ఇచ్చింది. అధికారం లేనప్పుడు సీఆర్‌డీఏ చట్టం రద్దు కూడా కుదరదని తేల్చి చెప్పింది ధర్మాసనం. ఒప్పందం ప్రకారం ఆరు నెలల్లో మాస్టర్ ప్లాన్ పూర్తి చేయాల్సిందేనని, రైతులకు మూడు నెలల్లో అన్ని సౌకర్యాలతో ప్లాట్లు అభివృద్ధి చేసి ఇవ్వాలని ఆదేశించింది. అభివృద్ది పనులపై ఎప్పటికప్పుడు తమకు నివేదిక సమర్పించాలని హైకోర్టు తీర్పునిచ్చింది. రాజధాని కోసం తప్ప భూములను ఇతర అవసరాలకు ఉపయోగించకూడదని స్పష్టంగా చెప్పింది. ఇతర అవసరాలకు రాజధాని భూములను తనఖా పెట్టడానికి వీల్లేదని చెప్పింది హైకోర్టు. ఏ ఒక్క కార్యాలయాన్ని కూడా అమరావతి నుంచి తరలించడానికి వీల్లేదంది.  అంతకు ముందే జగన్ సర్కార్ తాను అసెంబ్లీలో ఆమోదింప చేసుకున్న మూడు రాజధానుల బిల్లును ఉపసంహరించుకుంది. అయినా తాను పట్టిన కుందేటికి మూడే కాళ్లంటూ మూడు రాజధానుల పల్లవే ఎత్తుకుంది.  హైకోర్టు తీర్పును సవాలు చేస్తూ సుప్రీంను ఆశ్రయించింది.  అదలా ఉంచితే..  అమరావతే ఏపీకి ఏకైక రాజధాని డిమాండ్ తో రైతులు ఈ సారి అమరావతి టు అరసవల్లి మహా పాదయాత్ర చేపట్టారు.  ఈ యాత్ర విజయవంతమైతే రాష్ట్రం మొత్తం సీఎం జగన్ మూడు రాజధానుల విధానాన్ని వ్యతిరేకిస్తున్నదన్నది ప్రస్ఫుటంగా తేలిపోతుంది. ఇప్పటికే న్యాయస్థానం టు దేవస్థానం మహా పాదయాత్ర జన నీరాజనం మధ్య విజయవంతం అయ్యింది. అదే విధంగా ఆ తరువాత ఇక ప్రభుత్వానికి ఈ అంశంపై ఏ మాట్లాడినా చెల్లుబాటు కాదన్న విషయం అర్ధమైపోయింది. అందుకే అమరావతి టు అరసవల్లి మహాపాదయాత్రకు కూడా కోస్తాంధ్ర జిల్లాల్లో జనం బ్రహ్మరథం పడుతున్నారు. దీంతో ఈ యాత్ర విశాఖ చేరకుండా నిలువరించాలన్న వెర్రి ప్రయత్నంతో   ప్రభుత్వమే స్వయంగా శాంతి భద్రతల సమస్య సృష్టించైనా నిలువరించాలని భావిస్తోంది. ఈ క్రమంలోనే విశాఖకు పాదయాత్ర చేరువ అవుతున్న కొద్దీ పోలీసులు, వైసీపీ శ్రేణులు  రెచ్చిపోతున్నాయి. రాహుల్ గాంధీ భారత్ జోడో యాత్ర పేరిట దేశ వ్యాప్తంగా చేపట్టిన పాదయాత్రకు ఎక్కడా ఎటువంటి ఆటంకాలూ లేకుండా సజావుగా సాగుతోంది. ఆ యాత్రలో ఇంత మందే పాల్గొనాలన్న ఎటువంటి ఆంక్షలూ లేవు. రాహుల్ పాదయాత్ర ఏపీలోకి ప్రవేశించి కూడా శాంతియుతంగా కొనసాగుతోంది. అలాగే జగన్ కు స్వయానా సోదరి, వైఎస్సార్టీపీ అధినేత్రి షర్మిల తెలంగాణ వ్యాప్తంగా పాదయాత్ర చేస్తున్నారు. ఆమె తన పాదయాత్ర పొడవునా తెలంగాణ ప్రభుత్వం, సీఎం కేసీఆర్ పై తీవ్ర విమర్శలు గుప్పిస్తున్నారు. అయినా అక్కడి ప్రభుత్వం నుంచి ఆమె పాదయాత్రకు ఎటువంటి అవాంతరాలూ ఎదురు కావడం లేదు. మరి ఏపీలో ఒక్క రైతుల మహా పాదయాత్రకే ఈ పరిమితులు, ఆంక్షలు ఎందుకు? ఎందుకంటే.. రైతుల మహా పాదయాత్రకు విశాఖ ప్రజ కూడా మంగళారతులు పడుతోందని తేలిపోతే.. ప్రభుత్వ మనుగడే ప్రశ్నార్థకమౌతుంది కనుక. అందుకే న్యాయస్థానం కన్నెర్ర చేసినా, జనం తిరగబడుతున్నా పట్టించుకోవడం లేదు. అయితే ఇదే నిర్బంధ కాండ, ఇదే అరాచకత్వం ఎంతో కాలం సాగదని చరిత్ర చెప్పిన సత్యం ఇటీవలే శ్రీలంక పాలకులకు పలాయనం చిత్తగించాల్సిన పరిస్థితి ప్రత్యక్ష ఉదాహరణ. తస్మాత్ జాగ్రత్త జగన్.

క‌ర‌న్ ధాటికి దాసోహ‌మ‌న్న‌ ఆఫ్ఘ‌న్ ..ఇంగ్లండ్ విజ‌యం

టి-20 ప్ర‌పంచ‌క‌ప్ సూప‌ర్ 12 విభాగంలో శ‌నివారం జ‌రిగిన రెండోమ్యాచ్‌లో ఇంగ్లండ్ 5 వికెట్ల తేడాతో ఆఫ్ఘ‌నిస్తాన్‌ను ఓడించ‌ డంలో సామ్‌క‌ర‌న్ కీల‌క‌ పాత్ర వ‌హించాడు. పెర్త్‌లో క‌ర‌న్ బౌల‌ర్‌ గా మంచి ఫీల్డ‌ర్‌గానూ జ‌ట్టు విజ‌యానికి ఎంతో స‌హ‌క‌రించ‌ డంతో ఆఫ్ఘనిస్తాన్ 19.4 ఓవ‌ర్ల‌లో 112 ప‌రుగుల‌కు వెనుదిరిగింది. లెఫ్ట్ ఆర్మ్ పేస‌ర్ క‌ర‌న్ 5 వికెట్లు తీశాడు. గ‌తేడాది ప్ర‌పంచ‌క‌ప్‌లో ఇంగ్లండ్ సెమీఫైన‌ల్స్‌లో వెను దిరిగిన సంగ‌తి తెలిసిందే. కానీ ఈ ప‌ర్యాయం అద్బుత ఆట‌ తీరు తో టైటిల్ గెలుచుకోవ‌ డానికి మంచి ఊపుమీద ఉన్న‌ట్టు క‌న‌ ప‌డింది. ఇంగ్లండ్ 18.1 ఓవ‌ర్ల‌ లోనే ల‌క్ష్యం పూర్తి చేసి విజేత‌గా నిలిచింది. జోస్ బ‌ట్ల‌ర్ టాస్ గెలిచి ఆఫ్ఘ‌నిస్తాన్‌కు ముందుగా బ్యాట్ చేయ‌డానికి అవ‌కాశం ఇచ్చాడు. ఆరంభం నుంచే ఆఫ్ఘ‌న్ బ్యాట‌ర్లు ఇంగ్లండ్ పేస్ అటాక్‌కి ఇబ్బం ది ప‌డ్డారు. ప‌రుగులు రాబ‌ట్టుకోవ‌డంలో స్వేచ్ఛ‌గా ఆడ‌లేక‌పోయారు. ఫ‌లితంగా 112 ప‌రుగులే చేయ‌గ‌లిగింది.  ఇంగ్లండ్ పేస‌ర్ మార్క్ఉడ్ మూడ‌వ ఓవ‌ర్లోనే గుర్జాబ్ వికెట్ తీసి ఆశ్చ‌ర్య‌ప‌రిచాడు. అంత‌కుముందు ఓవ‌ర్లోనే గుర్జాబ్ భారీ సిక్స్ కొట్టి అంద‌రి దృష్టి ఆక‌ట్టుకున్నాడు. బెన్‌స్టోక్స్ అద్బుతంగా బౌలింగ్ చేసి 19 ప‌రుగులిచ్చి 2 వికెట్లు తీశాడు. అంతేగాక ఒక అద్భుత ర‌న్నింగ్ క్యాచ్ ప‌ట్టి ఫీల్డింగ్ స‌త్తాను ప్ర‌క‌టించాడు. జట్టు స్కోర్‌ను పెంచ‌డానికి జ‌ద్రాన్ ఎంతో ప్ర‌య‌త్నించాడు. అత‌ను చ‌క్క‌గా ఇన్నింగ్స్ నిల‌బెట్టి స్కోర్ చేస్తుండ‌గానే క‌ర‌న్‌కి దొరికిపోయాడు. అత‌ను 32 ప‌రుగులు చేశాడు. ఇంగ్లండ్ ఫీల్డింగ్ ఈ మ్యాచ్‌లో చూసి తీరాలి. ఇరు జ‌ట్లు అద్భుత ఫీల్డింగ్ ప్ర‌ద‌ర్శించారు. మిడ్‌వికెట్‌లో అదిల్ ర‌షీద్ క్యాచ్ తీసుకున్న తీరు మ‌హాద్బుతం, చూసి తీరాలి.  అలాగే ఆఫ్ఘ‌న్ కెప్టెన్ మ‌హ‌మ్మ‌ద్ న‌బీ కేవ‌లం 3 ప‌రుగుల‌కే వెనుదిర‌గ‌డానికి బ‌ట్ల‌ర్ అద్భుత క్యాచ్ కార‌ణంగా చెప్పాలి. అలా ఊహించ‌ని విధంగా పేక‌ముక్క‌ల్లా వికెట్లు ప‌డుతూండ‌డంతో 91 ప‌రుగుల‌కే 4 వికెట్లు కోల్పోయి ఆఫ్ఘ‌న్ బోర్లాప‌డింది. త‌ర్వాత క‌ర్ర‌న్ ఒకే ఓవ‌ర్లో వ‌రుస‌గా రెండు వికెట్లు తీసి వారి ఇన్నింగ్స్‌ను మ‌రింత దెబ్బ‌తీశాడు. కుర్రన్‌కు హ్యాట్రిక్ వ‌స్తుంద‌ని అంతా ఎదు రు చూశారు. కానీ అత‌నికి ఆ అదృష్టం ద‌క్క‌లేదు. మూడో వికెట్ ఆ త‌ర్వాత బంతికి దొరికింది.  113 ప‌రుగుల ల‌క్ష్యంతో బ‌రిలోకి దిగిన ఇంగ్లండ్ పెద్ద‌గా క‌ష్ట‌ప‌డ‌కుండానే గెలిచింద‌నాలి. ఓపెన‌ర్లు బ‌ట్ల‌ర్‌(18), అలెక్స్ హాల్స్‌ (19) వేగంగా ప‌రుగులు చేశారు. ఆఫ్ఘ‌నిస్తాన్ ఫీల్డింగ్ లోపాలు స్ప‌ష్టంగా బ‌య‌ట‌ప‌డ్డాయి. ఊహించిన స్థాయిలో వారి ఫీల్డింగ్ లేక‌పోవడం కూడా ఇంగ్లండ్ విజయం సుల‌భం అయింద‌నాలి. క్యాచ్‌లూ వ‌దిలేయ‌డం హేల్స్ బ్యాటింగ్‌లో బ‌య‌ట‌ప‌డింది. అయినా ఇంగ్లండ్ 5 వికెట్లు కోల్పోవ‌డం ఆశ్చ‌ర్య‌ప‌రిచింది.  లివింగ్‌స్ట‌న్‌, మోయిన్ ఆలీ నిల‌క‌డ‌గా ఆడి జ‌ట్టుకు విజ‌యాన్ని అందించారు.

టీ-20ప్ర‌పంచ‌క‌ప్‌.. రెచ్చిపోయిన అలెన్‌,కాన్వే.. తోక‌ముడిచిన ఆసీస్‌

క్రికెట్ పండితులు ఊహించిన‌ట్టుగానే న్యూజిలాండ్ కొత్త సూప‌ర్‌స్టార్ ఫిన్ అలెన్ , డేవిడ్ కాన్వేలు శుక్ర వారం రెచ్చిపోయా రు. సూప‌ర్ 12 విభాగంలో తొలి మ్యాచ్‌లో న్యూజిలాండ్ ఆస్ట్రేలియాను 89 ప‌రు గులు తేడాతో ఓడించింది. మొద‌ట బ్యాటింగ్ చేసిన‌ న్యూజిలాండ్ 20 ఓవ‌ర్ల‌లో 3 వికెట్ల న‌ష్టానికి 200 ప‌రుగులు చేయ‌గా, ఆస్ట్రేలియా కేవలం 17.1 ఓవర్లలో ఓవ‌ర్ల‌లో 111 ప‌రుగులు చేసింది. కాన్వే 8 ప‌రుగుల దూరం లో సెంచ‌రీ మిస్ అయినా  మ్యాన్ ఆఫ్ ద మ్యాచ్ అవార్డు అందుకున్నాడు. ఎస్‌సిజీ గ్రౌండ్‌లో కివీస్ స్టార్ బ్యాటర్ అలెన్ కేవ‌లం 16 బంతుల్లోనే 45 ప‌రుగులు చేయ‌డంలో ఆసీస్ బౌల‌ర్ల‌ను బౌలింగ్ మ‌ర్చి పోయే లా చేశాడు. హాజ‌ల్ ఉడ్ ఓవ‌ర్లో అలెన్ వెనుదిరిగే వ‌ర‌కూ ఆసీస్ ఫీల్డ‌ర్లు ఎంతో శ్ర‌మించాల్సి వ‌చ్చింది. టాస్ గెలిచి ఆసీస్ మొద‌టి బ్యాటింగ్ అవ‌కాశం కివీస్‌కే ఇచ్చింది. కివీ ఓపెన‌ర్ అలెన్ సంగ‌తి తెలుసు గ‌నుక  అత‌ను రెచ్చిపోతాడ‌నే ఊహించాడు. మిచెల్ స్టార్క్‌, పాట్ క‌మిన్స్ల‌ను అత‌ని మీద‌కి వ‌దిలేడు. స‌రిగ్గా టీ-20 మ్యాచ్‌లో ఎలాంటి  ప‌వ‌ర్ షాట్స్ కొట్టాలో బాగా అను భ‌వం ఉన్న ప్లేయ‌ర్‌లా బాదేశాడు. 260.20  స్ట్ర‌యిక్ రేట్‌తో ఆసీస్ బౌల‌ర్లను దంచాడు. ఎట్ట‌కేల‌కు హాజెల్ ఉడ్‌కి  దొర‌క‌డంతో ఆసీస్ కాస్తంత ఊపిరిపీల్చు కుంది.  అత‌ని స్థానంలో వ‌చ్చిన డెవ‌న్‌కాన్వే మ‌రింత రెచ్చిపోయాడు. త‌న బ్యాటింగ్ ప‌వ‌ర్ ప్ర‌ద‌ర్శించ‌డంలో అలెన్‌ను మ‌రిపించాడు. ఎంతో దూకుడుగా ఆడుతూ జ‌ట్టుస్కోర్‌ను ప‌రుగులెత్తించాడు.  కెప్టెన్  విలి య‌మ్ స‌న్ 23 ప‌రుగుల‌కే వెనుదిరిగాడు. అత‌ని త‌ర్వాత వ‌చ్చిన గ్లెన్ ఫిలిప్స్ కూడా నిల‌క‌డ‌గా ఆడ‌క పో వ‌డం కివీస్‌ను ఆశ్చ‌ర్య‌ప‌రిచింది. కెప్టెన్ 23 బంతుల్లో 23 ప‌రుగులు చేయ‌గా, ఫిలిప్స్ 10 బంతుల్లో 12 ప‌రుగులు చేశాడు. కానీ ఆ త‌ర్వాత వ‌చ్చిన నీషామ్ ధాటిగా ఆడి 13 బంతుల్లో 26 ప‌రుగుల చేయ‌డంలో జ‌ట్టు స్కోర్‌ను ప‌రుగులు పెట్టించాడు.  కానీ మ‌రో వంక కాన్వే మంచి బ్యాటింగ్ ప‌టిమ ప్ర‌ద‌ర్శించి అలెన్ స్థాయిలో రెచ్చిపోయి అజేయంగా నిలి చాడు. అత‌ను 8 ప‌రుగుల తేడాలో సెంచ‌రీ మిస్ అయ్యాడు. కేవలం 58 బంతుల్లో 92 ప‌రుగులు చేశాడు. ఈ క్రమంలో కాన్వే టీ20 ఫార్మాట్‌లో 1000 పరుగులు పూర్తి చేశాడు. కేవలం 26వ అంతర్జాతీయ టీ20 మ్యాచ్లోనే ఈ మైలురాయిని అధిగమించిన ఆటగాడిగా పాక్ ఆట గాడు బాబర్ ఆజమ్ సరసన నిలి చాడు. 26 ఇన్నింగ్స్‌లోనే ఈ మైలురాయిని అందు కున్న ఆజమ్ మొదటి స్థానంలో, కాన్వే రెండవ స్థానా ల్లో నిలిచారు. ఇక 27 ఇన్నింగ్స్‌లో 1000 పరుగుల మైలురాయిని అందు కున్న టీమిండియా స్టార్ బ్యాట‌ర్‌ విరాట్ కోహ్లీ మూడవ స్థానానికి పడిపోయాడు. దీంతో విరాట్ కోహ్లీ రికార్డ్‌ని కాన్వే బద్ధలు కొట్టాడు. 201 ప‌రుగుల ల‌క్ష్యంతో దిగిన ఆసీస్ 50 పరుగులకే 4 వికెట్లు కోల్పోయి కష్టాల్లో పడింది. ఆసీస్‌కు రెండో ఓవర్ తొలి బంతికే ఎదురుదెబ్బ తగిలింది. ఐదు పరుగుల వద్ద ఓపెనర్ డేవిడ్ వార్న ర్(5).. సౌథీ బౌలిం గులో బౌల్డయ్యాడు. 30 పరుగుల వద్ద మరో ఓపెనర్ అయిన కెప్టెన్ అరోన్ ఫించ్ (13), మిచెల్ మార్ష్ (16), మార్కస్ స్టోయినిస్ (7),  టిమ్ డేవిడ్ (11) పెవిలియన్ చేరారు. 68 పరుగులకే  ఐదు కీలక వికెట్లు కోల్పో యిన ఆస్ట్రేలియా పీకల్లోతు కష్టాల్లో కూరుకు పోయింది. ప్రస్తుతం 11 ఓవర్లు ముగిశాయి. ఆస్ట్రేలియా 5 వికెట్ల నష్టానికి 74 పరుగులు చేసింది. ఆస్ట్రేలియా విజయా నికి 54 బంతుల్లో 127 బంతులు అవసరం కాగా, కివీస్ విజయానికి 5 వికెట్లు చాలు. ఆస్ట్రేలియా కోల్పోయిన ఐదు వికెట్లలో మూడు మిచెల్ శాంట్నర్‌కు దక్కగా, రెండు వికెట్లను టిమ్ సౌథీ పడగొట్టాడు. క్ర‌మేపీ ఆసీస్ ఇన్నింగ్స్ 18 ఓవ‌ర్లో కుప్ప‌కూలింది.

మ‌హిళాక‌మిష‌న్ కు మెలుకువ వ‌చ్చిన వేళ‌..!

జ‌న‌సేన నాయ‌కుడు ప‌వ‌న్ క‌ళ్యాణ్ మూడుపెళ్లిళ్ల గురించి చేసిన వ్యాఖ్య‌లపై మండిప‌డుతూ ఆయ‌న‌కు ఏపీ మ‌హిళాక‌మిష‌న్ నోటీసు జారీచేసింది. భ‌ర‌ణం ఇస్తే ఎన్ని పెళ్లిళ్ల‌యినా చేసుకోవ‌చ్చ‌ని ఆయ‌న ఇటీవ‌ల ఒక సంద‌ర్భంలో అన్న మాట స‌మాజాన్ని త‌ప్పుదోవ ప‌ట్టించే విధంగా ఉంద‌ని, మ‌హిళ‌ల‌ను కించ‌ప‌రిచేలా ఉంద‌ని ఏమీ మ‌హిళా క‌మిష‌న్ చైర్‌ప‌ర్స‌న్ వాసిరెడ్డి ప‌ద్మ అన్నారు. చాలాకాలం నుంచీ రాష్ట్రంలో మ‌హిళ‌ల మీద జ‌రుగుతున్న‌దాడుల‌కు, అవ‌మానాల‌కు స్పందంచ‌ని క‌మిష‌న్ హ‌ఠాత్తుగా మొద్దునిద్ర‌నుంచీ మెల‌కువ వ‌చ్చిన‌ట్టు స్పందించ‌డంలో అర్ధం లేదని విశ్లేష‌కులు అంటున్నారు.  వైసీపీ అధికారంలోకి వ‌చ్చిన‌ప్ప‌టి నుంచీ ఇప్ప‌టివ‌ర‌కూ రాష్ట్రంలో మ‌హిళ‌ల‌కు అన్యాయం జ‌రుగు తూనే ఉంద‌ని చెప్ప‌డానికి అనేక ఉదాహ‌ర‌ణ‌లు ఉన్నాయి. సీతాన‌గ‌రం పుష్క‌ర‌ఘాట్ వ‌ద్ద మ‌హిళ వేధింపుల‌కు గురికావ‌డం, సీతాన‌గరం వ‌ద్ద మ‌హిళ గ్యాంగ్ రేప్ అంశాన్ని అప్ప‌ట్లో టీడీపీ నాయ‌కురాలు, తెలుగు మ‌హిళ రాష్ట్ర అధ్య‌క్షురాలు వంగ‌ల‌పూడి అనిత జాతీయ మ‌హిళా క‌మిష‌న్‌కు లేఖ కూడా రాశారు. కానీ దాన్ని గురించి రాష్ట్ర క‌మిష‌న్ కూడా ప‌ట్టించుకున్న దాఖ‌లాలు లేవు. మ‌రో సంఘ‌ట‌న‌లో ఆస్ప‌త్రి కి వెళ్లి ప‌ల‌క రించేందుకు ప్ర‌య‌త్నించిన టీడీపీ నాయ‌కుల‌ను వైసీపీ వ‌ర్గాలు అడ్డుకోవ‌డం ప్ర‌జ‌లు ఇంకా మ‌ర్చి పో లేదు. ఇటువంటివి చాలా ఉన్నాయి. కానీ వాటికి ఎన్న‌డూ ఇంత వెంట‌నే స్పందించ‌ని ఏపీ మ‌హిళాక‌మిష‌న్ ఒక్క‌సారిగా మెగా స్టార్ ప‌వ‌న్ చేసిన ప్ర‌క‌ట‌న‌కు విరుచ‌కు ప‌డ‌ట‌ మేమిట‌ని ప్ర‌జ‌లు ప్ర‌శ్నిస్తున్నారు. రాష్ట్రంలో అస‌లు మ‌హిళ‌ల సంర‌క్ష‌ణా చ‌ట్టాలు స‌రిగా అమ‌లు అవుతున్నాయా అన్న ప్ర‌శ్న విద్యావంతులు, మేధావులు ప్ర‌శ్నిస్తూనే ఉన్నారు. కేవ‌లం ప‌థ‌కా లు ఆరంభించ‌డం పార్టీ వారితో భ‌జ‌న‌లు చేయిం చు కోవ‌డం త‌ప్ప వాస్త‌వానికి మ‌హిళ‌ల సంర‌క్ష‌ణ విష‌యంలో సీరియ‌స్‌గా ఏ ఒక్క ప్ర‌యోజ‌నక‌ర ప‌థ‌క అమ‌లూ జ‌ర‌గ‌డం లేద‌న్న‌ది విప‌క్షాల మాట‌.  అక్క‌చెల్లెళ్ళ‌కు ఈ అన్న మీ జ‌గ‌న‌న్న నిత్యం తోడు ఉంటాడ‌ని ప్ర‌తీ బ‌హిరంగ స‌భ‌లో ప్ర‌మాణం చేస్తున్న ట్టు ప్ర‌క‌ట‌న‌లు గుప్పించ‌డ‌మే సీఎం జ‌గ‌న్ చేసింది. ఆ త‌ర్వాత ఆ హామీలు, మాట‌లు మ‌ర్చిపోవ‌డ‌మే జ‌రిగింది. అందుకే రాష్ట్రంలో మ‌హిళ‌ల ర‌క్ష‌ణ క‌ర‌వ‌యింద‌ని విప‌క్షాలు దుమ్మెత్తి పోస్తున్నాయి. కేవ‌లం త‌మ ను తాము విప‌క్షాల ఆగ్రహం, విమ‌ర్శ‌ల నుంచి త‌ప్పించుకోవ‌డానికి ఇపుడు మ‌హిళా క‌మిష‌న్ ప‌వ‌న్ ప్ర‌క ట‌న అర్ధ‌ర‌హిత‌మ‌ని ఆయ‌న‌కు నోటీసు జారీ చేయ‌డం జ‌రిగిందే కాని, నిజంగా అలాంటి సంఘ‌ట న‌లు, అలాంటివారి పై చ‌ర్య‌లు తీసుకోవ‌డం ఎన్నడూ చేప‌ట్ట‌లేదు.  2019 డిసెంబర్‌లో హైదరాబాద్‌లో దిశ ఘటన తర్వాత అదే నెలలో జరిగిన ఏపీ అసెంబ్లీ సమావేశాల్లో ప్రభుత్వం చట్టసవరణ చేసి 'దిశ చట్టం' తీసుకొచ్చింది. ఆంధ్రప్రదేశ్‌ క్రిమినల్ లా (సవరణ) చట్టం- 2019 తో పాటు ఆంధ్రప్రదేశ్‌ స్పెషల్‌ కోర్ట్ ఫర్‌ స్పెసిఫైడ్‌ అఫెన్సెస్‌ అగైనిస్ట్‌ విమెన్‌ అండ్‌ చిల్ట్రన్‌ యాక్ట్‌- 2019 కూడా ఆమోదించి అమలులోకి తెస్తున్నట్టు ప్రక టించింది. ఏపీలో శాసన ప్రక్రియ పూర్తి చేసుకున్నప్పటికీ కేంద్ర ప్రభుత్వం నుంచి ఈ చట్టంపై పలు సందేహాలు వ్యక్తమయ్యాయి. చ‌ట్టాల అమ‌లు విష‌యంలో  రాష్ట్ర ప్ర‌భుత్వం దారుణంగా విఫ‌ల‌మ‌యింద‌న‌డానికి రాష్ట్రంలో మ‌హిళ‌ ల‌పై పెరుగుతున్న దాడులే పెద్ద సాక్ష్యం. క‌నుక కేవ‌లం ప్ర‌క‌ట‌న‌లు, విప‌క్షాలు తిడ‌తాయ‌న్న భ‌యంతో నోటీసులు జారీ చేయ‌డాలు, గ‌ట్టిగా విమ‌ర్శించ‌డాలు ఇక‌నైనా మానుకోవాలి. చ‌ట్టాలు ప‌టిష్టంగా అమ‌లు చేస్తు, ప్ర‌జాసంర‌క్ష‌ణా, మ‌హిళా సంర‌క్ష‌ణా బాద్య‌త‌ను స‌క్ర‌మంగా చేప‌డుతున్నపుడే విప‌క్షాలను ప్ర‌శ్నిం చే హ‌క్కు అర్హ‌త క‌లుగుతాయ‌న్న‌ది వైసీపీ ప్ర‌భుత్వం తెలుసుకోవాలి. 

కాంగ్రెస్ గెలుపు క‌ష్టం.. ఆస్ట్రేలియాలో కోమ‌టిరెడ్ది వెంక‌ట‌రెడ్డి

పార్టీని అంటిపెట్టుకుని ఉండి పార్టీ విజ‌యాన్ని, అధికారంలోకి తీసుకురావాల‌న్న త‌ప‌న ఉన్న‌వారే నిజ‌మైన పార్టీనాయ‌కులు, కార్య‌క‌ర్త‌లు, అభిమానులు. కానీ పార్టీలో ఉంటూనే పార్టీ ప్ర‌గ‌తిని, ప్ర‌తిష్ట‌ను దెబ్బ‌తీయ‌డం ల‌క్ష్యంగా పెట్టుకుని ర‌హ‌స్యంగానో, బ‌హిర్గ‌తంగానో నోటికి వ‌చ్చిన‌ట్టు కామెంట్ల‌తో విప‌క్షా ల‌కు ఉప్పు అందించేవారు పార్టీ లో ఉన్నా విరోధుల కింద‌నే జ‌మ. ఇలాంటివారినే కోవ‌ర్టులంటారు. మునుగోడు ఉప ఎన్నిక‌ల్లో త‌మ పార్టీ గెలిచే అవ‌కాశం లేద‌ని కాంగ్రెస్ పార్టీ సీనియ‌ర్ నేత కోమ‌టిరెడ్డి వెంక‌ట‌రెడ్డి ప్ర‌క‌టించారు. అదీ ఆస్ట్రేలియాలో ఎన్ ఆర్ ఐల‌తో చిట్ చాట్ చేస్తూ అన‌డం ఇపుడు వైర‌ల్ గా మారింది.  మునుగోడు ఎన్నిక‌లు స‌మీపిస్తున్న ఈ త‌రుణంలో కాంగ్రెస్‌కు కోవ‌ర్టుల బెడ‌ద ఎదుర‌యింది. అదీ మ‌రీ ఊహించ‌ని విధంగా కోమ‌టిరెడ్డి సోద‌రులే ఆ త‌ల‌భారానికి కార‌ణం కావ‌డం చ‌ర్చ‌నీయాంశ‌మ‌యింది. కోమ‌టి రెడ్డి రాజ‌గోపాల్ రెడ్డి త‌న నియోజ‌వ‌ర్గం మునుగోడుకు కాంగ్రెస్ ఏమీ చేయ‌డంలేద‌న్న ఆగ్రహం తోనే పార్టీకి రాజీనామా చేసి బీజేపీ పంచ‌న చేరారు. దీంతో మునుగోడు ఉప ఎన్నిక ప్రాధాన్య‌త సంత రించుకుంది. బీజేపీ తెలంగాణాలో త‌న స‌త్తా ప్ర‌ద‌ర్శించి కేసీఆర్ కు గ‌ట్టి షాక్ ఇవ్వ‌డానికి మునుగోడు ఉప ఎన్నిక ను ఉప‌యోగించుకోవాల‌ని పెద్ద వ్యూహంలో ఉంది. అందుకు రాజ‌గోపాల్ రెడ్డి ఎంతో ఉప యోగ‌ప‌డ‌తాడ‌ని న‌మ్మింది. అయితే ఆయ‌న వ‌ల్ల అంత‌గా ప్ర‌యోజ‌నం లేక‌పోవ‌చ్చ‌న్న‌ది అన‌తి కాలం లోనే ఢిల్లీలో బీజేపీ సీనియ‌ర్ల‌కీ అర్ధ‌మ‌యింది. కానీ పోటీకి దిగిన త‌ర్వాత ఇది త‌ప్ప‌ని స‌రి గ‌నుక టీఆర్ ఎస్‌ను దెబ్బ‌తీయ‌డానికి ఈ  ప‌రిస్థితుల‌ను వాడుకోవాల‌నే గ‌ట్టి ప్ర‌య‌త్నాలు చేస్తోంది. ఈ త‌రుణంలో కాంగ్రెస్‌కు మంచి అవ‌కాశాలున్నాయ‌ని ఆ పార్టీ వ‌ర్గాలు ప్ర‌చారాన్ని ఉదృతం చేశారు. కానీ  కోమ‌టి రెడ్డి బ్ర‌ద‌ర్స్ ఇద్ద‌రూ వేరు పార్టీల‌యినా అన్న‌ద‌మ్ములే గ‌నుక ఒకే ఆలోచ‌న  చేస్తార‌న్న‌ది కాంగ్రెస వ‌ర్గాలు అంత‌గా భావించ‌లేదు. కానీ అదే బ‌య‌ట‌ప‌డింది.  తాను వెళ్లి ప్రచారం చేస్తే పది వేలు పెరుగుతాయి కానీ కాంగ్రెస్ పార్టీ గెలవదని ఆ వీడియోలో కోమటిరెడ్డి తెలిపారు. రూలింగ్ పార్టీకి సపోర్ట్ చేస్తున్నోళ్లకు.. డబ్బులు ఇవ్వలేమన్నారు. అసలు తమ ఆర్గ నైజేషన్ అలాంటిది కాదన్నారు. ఐదుసార్లు ఎమ్మెల్యేగా గెలుపొందానని.. తెలంగాణ కోసం కొట్లాడా నని చెప్పు కొచ్చారు. రిటైర్అయ్యో టైంలో ఏముందన్నారు. పాదయాత్ర చేసి చెబుతానంటే కాంగ్రెస్‌లో ఒక గ్రూపా? అని ప్రశ్నించారు. స‌రిగ్గా మునుగోడు ఎన్నిక‌ల స‌మ‌యానికి తిరిగి వ‌స్తాన‌ని కోమ‌టి రెడ్డి ఆస్ట్రేలియాకు చెక్కేశారు. వెళ్లే ముందుకూడా ఆయ‌న మ‌న‌సులో మాట అనేసే వెళ్లారు. మునుగోడు లో కాంగ్రెస్ గెలుపు అనుమాన‌మే అని అన్నారు. పైగా మునుగోడు ప్ర‌జ‌ల‌కు త‌న సోద‌రుడినే గెలిపించాల‌ని సూచ‌న చేసి మ‌రీ విమానం ఎక్కారు. దీంతో కాంగ్రెస్ నాయ‌కులు ఆగ్ర‌హించారు. సోద‌రులిద్ద‌రూ న‌మ్మ‌ద‌గిన‌వారు కాద‌ని అన్నారు. కోమ‌టిరెడ్డి బ్ర‌డ‌ర్స్ కోవ‌ర్టు బ్ర‌ద‌ర్స్ అంటూ విరుచుకుప‌డుతున్నారు. కానీ ప్ర‌యోజ‌న‌మేముంది. వెంక‌ట‌రెడ్డి వంటి స్టార్ కాంపెన‌ర్ స్వ‌యంగా పార్టీ ప‌రాభవాన్ని ఆశించి అదే ప్ర‌వచ‌నంగా మార్చి మునుగోడు ప్ర‌జ‌ల‌కు తెలిసేలా, వినిపించేలా చెప్పి మ‌రీ వెళ్లారు. ఇపుడు సోద‌రులిద్ద‌రినీ తిట్టుకోవ‌డం వ‌దిలేసి అభ్య‌ర్ధిని గెలిపించుకోవ‌డంలో  రేవంత్ రెడ్డి త‌దిత‌రులు కాలంతో ప‌రిగెట్టాలి. 

ట్వీట్ల పోరులో గెలిచిన ట్రాఫిక్ పోలీసు!

కాలేజీకి వెళ్లే అమ్మాయి చెవి రింగులా ఫోన్ పెట్టుకుని ఇంటి నుంచి క్లాసులోకి వెళ్లేంత‌వ‌ర‌కూ చాటింగ్ చేస్తూనే ఉంది..ఏమంత బిజీ చాట్ ఉంటుందే అనుకుంది త‌ల్లి. అదే ప్ర‌శ్న ఆ త‌ల్లి త‌న త‌ల్లినీ అడిగిం ది. ఏమో చ‌దువుకంటే సెల్ గోలే ఎక్కువ‌యింద‌ని విసుక్కుంది. యువ‌త‌కు అదో స‌ర‌దా, అదో ఆనం దం. ట్రాఫిక్ పోలీసుల‌కు కెమెరాలిచ్చి, చ‌లాన్లు రాయ‌మ‌న్న కొత్త ఉద్యోగం క‌ల్పించి వారికి మాత్రం స‌ర‌దా ఎలా ఉన్నా త‌ల‌భారమూ ఎక్కువ చేశారు. కెమెరా క‌న్నేసుకుని ట్రాఫిక్ జంక్ష‌న్ల ద‌గ్గ‌ర కాస్తంత దూరంలో చెట్టు ద‌గ్గ‌రో, హోట‌ల్ ద‌గ్గ‌రో నిల‌బ‌డ‌తాడు.. బాండ్‌లా! స‌ర్రున ఓ కుర్రాడో, ఉద్యోగో బైక్ మీద వెళి పోతా డు. ఈ మ‌హానుభావుడు క‌న్ను తెరిచి క్లిక్ మ‌నిపించాడో.. ఆ కుర్రాడికి, ఉద్యోగికి  మూడిందే! చ‌లాన్లు పంపడంలో ఉండే ఆస‌క్తి స‌రిగా పంపిస్తున్నామ‌న్న‌దీ చాలాసార్లు పట్టించుకోవ‌డం లేదు. స‌ద‌రు చ‌లానా క‌ట్టే వ్య‌క్తి తిట్టిపోస్తుంటాడు! వాళ్ల చ‌లాన్ల  మెసేజ్‌ల గోల నెటిజ‌న్ల‌కు చిరాగ్గానూ మారుతోంది. ఆమ‌ద్య క‌ర్ణాట‌క రాజ‌ధాని బెంగుళూరులో  ఒక యువకుడు హెల్మెట్ లేకుండా బైక్‌పై దూసుకుపోతున్న ఫొటోను అతడికి పంపిన ట్రాఫిక్ పోలీసులు జరిమానా విధించారు. అయితే, ఆ ఫొటోలో నంబరు ప్లేట్ మాత్రమే కనిపిస్తుండడంతో అతడు సోషల్ మీడియాకెక్కాడు. ట్రాఫిక్ పోలీసులు పంపిన ఫొటోలో తాను హెల్మెట్ ధరించలేదని చెప్పడానికి ఎలాంటి ఆధారమూ లేదని, కాబట్టి తాను జరిమానా చెల్లించే ప్రసక్తే లేదని తేల్చి చెప్పాడు. గతంలోనూ ఇలానే పంపితే పోనీలే అని జరిమానా చెల్లించానని, ఈసారి మాత్రం చెల్లించేది లేదన్నాడు. పూర్తి ఫొటో అయినా పంపాలని, లేదంటే కేసును అయినా వెనక్కి తీసుకోవాలని సూచించాడు. ఈ ట్వీట్ చూసిన ట్రాఫిక్ పోలీసులు వెంటనే పూర్తి ఫొటో పంపడంతో యువకుడు కంగుతిన్నాడు. ఇది చూసిన యువకుడు పూర్తి ఫొటో పంపినందుకు ధన్యవాదాలు చెబుతూ.. జరిమానా చెల్లిస్తానని పేర్కొ న్నాడు. ఓ పౌరుడిగా తెలుసుకునే హక్కు ఉండడం వల్లే ప్రశ్నించానని అన్నాడు. ఆ తర్వాత తొలుత చేసిన ట్వీట్‌ను డిలీట్ చేశాడు. పోలీసులు, యువకుడు మధ్య జరిగిన ట్వీట్ల పోరుపై నెటిజన్లు స్పం దించారు. అతడు హెల్మెట్ పెట్టుకోకపోవడమే కాకుండా ఇయర్ ఫోన్స్ ధరించి ఉన్నాడని, కాబట్టి మరింత ఎక్కువ ఫైన్ వేయాలని సూచించారు. పోలీసుల విలువైన సమయాన్ని వృథా చేసినందుకు అతడిపై ఇంకా జరిమానా వేసే అవకాశం ఉంటే పరిశీలించాలని మరికొందరు కామెంట్ చేశారు.

స్టాలిన్ ఆద‌ర్శం.. జ‌గ‌న్ శిరోభారం!

నాయ‌కుడు ప్ర‌జ‌ల్లోంచి రావాలంటారు. ప్ర‌జాభిమానం పొందిన‌వాడే నిజ‌మైన నాయ‌కుడ‌నిపించు కుం టాడు. ప్ర‌జాసంక్షేమం కోరేవాడే నిజ‌మైన రాజ‌కీయ‌నాయకుడు, అలాంటివారినే ముఖ్య‌మంత్రిగానూ ప్ర‌జ లు కోరుకుంటారు. స్టాలిన్ నాయ‌కుడు, ప్ర‌జాసంక్షేమాన్ని నిత్యం ఆశిస్తున్నారు గ‌నుక‌నే ఆయ‌న‌కు త‌మిళనాట బ్ర‌హ్మ‌ర‌థంప‌డుతున్నారు. ఆయ‌న ముఖ్య‌మంత్రి అయినా తాను ప్ర‌జాసేవ‌కుడినే అని ప్ర‌క‌టించుకున్న నాయ‌కుడు స్టాలిన్‌. ఆయ‌న కోవిడ్ స‌మ‌యంలో త‌మిళ‌నాడులో ప్ర‌జ‌ల సంక్షేమాన్ని ఆశించి ఆయ‌న ప్ర‌భుత్వం చేప‌ట్టిన కార్య‌క్ర‌మాలు దేశ‌మంతా గుర్తించింది.  నిత్యం త‌న వాహ‌నంలో సెక్యూరిటీ ర‌క్ష‌ణ వ‌ల‌యంలో కార్యాల‌యా నికి వెళు తూండ‌టం మామూలే. కానీ అలా వెళుతూనే ప్ర‌జ‌లు ప‌డుతున్న ట్రాఫిక్ ఇబ్బందులు కూడా ప‌ట్టించు కోవ‌డం కొంద‌రే చేయ‌గ‌ల్గు తారు. త‌మిళ‌నాడు ముఖ్య‌మంత్రి స్టాలిన్ అలాంటివారు. మొన్న త‌న కార్యాల యానికి వెళుతూండ‌గా హ‌ఠాత్తుగా ఒక వ్య‌క్తి బైక్ మీద వెళుతూ కింద‌ప‌డిపోయాడు. అది గ‌మ‌నించిన స్టాలిన్ వెంట‌నే త‌న వాహ నం దిగి ఆ వ్య‌క్తి వ‌ద్ద‌కు వెళ్లారు. పోలీసులు ప‌రుగున చేరుకున్నారు. త‌ల‌కు దెబ్బ‌త‌గిలిన  ఆ వ్య‌క్తిని ఆటోలో ఎక్కించి ఆస్ప త్రికి త‌ర‌లించేలా చూశారు. ఆ గాయ‌ప‌డిన వ్య‌క్తితో పాటు స‌హాయంగా ఉండ‌మ‌ని ఒక సెక్యూరిటీ గార్డును కూడా ఆస్ప‌త్రికి పంపించారు. యువ ముఖ్య‌మంత్రి నేటిత‌రం నాయ‌కుడు అంద‌రినీ ఆదుకోవడంలో, మంచి ప‌థ‌కాల‌తో అంద‌రి మ‌న్న‌న‌లు పొంది, మంచి ముఖ్య‌మంత్రి అని పించుకుంటాడా  అనే అనుమా నాలు తొలినాళ్ల‌లో వ‌చ్చిన ప్ప‌టికీ విమ‌ర్శ‌ కుల మాట‌లకు ప్ర‌జాసేవ‌తో స‌మాధానం చెపుతూ న్నారు, స్టాలిన్‌.  చిత్ర‌మేమంటే ఆంధ్ర‌ప్ర‌దేశ్ సీఎం జ‌గ‌న్ కూడా యువ‌కుడే. యువ‌నేత‌గానే అంద‌రి మాటా వింటూ, సం క్షేమ కార్య‌క్ర‌మాలు చేప‌డుతూ ప్ర‌జారంజ‌కంగా త‌న తండ్రిలానే ప‌రిపాల‌న సాగిస్తాడ‌ని అంతా ఆశించా రు. కానీ మూడేళ్ల‌కే జ‌గ‌న్ ప్ర‌జాద‌ర‌ణ కోల్పోయి అస‌లు సీఎం పీఠానికే త‌గ‌నివాడిగా గుర్తింపు పొంద‌డం గ‌మ‌నార్హం. ప‌క్క రాష్ట్రంలో ముఖ్య‌మంత్రి ప్ర‌జాసంక్షేమాన్ని ఆశిస్తూ సాగిస్తున్న పాల‌న తో పోలిస్తే జ‌గ‌న్ గ్రాఫ్ దారుణంగా ప‌డిపోయింది. జ‌గ‌న్ను ఏ విధంగానూ స్టాలిన్‌తో స‌రిస‌మానంగా ఊహించ‌ని స్థాయికి దిగ‌జారాడ‌న్న‌ది తెలిసిన అంశ‌మే. ప్ర‌జాద‌ర‌ణ కోల్పోయి, త‌ను న‌మ్మిన‌వారికి ద్రోహం చేయ‌డం, ప్ర‌జ‌లకు ఇచ్చిన హామీల‌ను గాలికి వ‌ది లేసి త‌న పార్టీవారిని ఆదేశాల‌తో ఆందోళ‌న‌కు గురి చేయ‌డం త‌ప్ప చేస్తున్న‌దేమీ లేద‌ని ప్ర‌జ‌లే అంటు న్నారు. మూడేళ్ల పాల‌న‌ను ప‌రిశీలిస్తే విప‌క్షాల మీద విరుచుకు ప‌డ‌టం త‌ప్ప‌, ప్ర‌జోప‌యోగంగా చేసిన‌ దేమీ క‌న‌ప‌డ‌దు. ప్ర‌జ‌లు కూడా ప్ర‌ధాన విప‌క్షం టీడీపీ యే మ‌ళ్లీ అధికా రంలోకి రావాల‌ని కోరుకోవ‌డ‌ము, వారికి బ్ర‌హ్మ‌ర‌థం ప‌ట్ట‌డ‌మే జ‌గ‌న్ స‌ర్కార్ ప‌రిస్థితిని స్ప‌ష్టం చేస్తోంది. ఎక్క‌డ స్టాలిన్‌.. ఎక్క‌డ జ‌గ‌న్ అనుకుంటున్నారు. ఇది జ‌గ‌న్ స‌ర్కార్ స్వ‌యంకృతం. త‌మిళ‌ నాట యువ ముఖ్య‌మంత్రి ని ప్ర‌జ‌లు నెత్తిన‌పెట్టుకుంటే, తెలుగునాట జ‌గ‌న్ ను నెత్తి బ‌రువుగా భావించి  దించేసుకుం టున్నారు.

అమరావతి శంకుస్థాపనకు ఏడేళ్లు.. నిలిచేది.. గెలిచేదీ అమరావతే!

నవ్యాంధ్రప్రదేశ్ రాజధానిగా అమరావతికి శంకుస్థాపన జరిగి నేటికి సరిగ్గా ఏడేళ్లు. ఏడేళ్ల కిందట సరిగ్గా ఇదే రోజున అంటే 2015 అక్టోబర్ 22న ప్రధాని నరేంద్ర మోడీ   ఉద్దండరాయునిపాలెంలో రాజధాని నగర నిర్మాణానికి  శంకుస్థాపన  చేశారు. సరిగ్గా వారం తరువాత అంటే  2016 అక్టోబరు 28న  పరిపాలనా భవన సముదాయానికి   అప్పటి కేంద్ర పట్టణాభివృధ్ది మంత్రి  ఎం. వెంకయ్య నాయుడు శంకుస్థాపన చేసారు. ఆంధ్రప్రదేశ్ రాజధాని అమరావతికి శంకుస్థాపన జరిగి సరిగ్గా ఏడేళ్లయిన సందర్భంగా తెలుగుదేశం అధినేత నారా చంద్రబాబునాయుడు ట్విట్టర్ వేదికగా  ఏడేళ్ల క్రితం ఇదే రోజున ఉద్ధండరాయునిపాలెంలో ప్రధాని మోదీ చేతుల మీదుగా రాజధానికి శంకుస్థాపన జరిగిందన్నారు. ఆనాడు తామంతా కనీసం వెయ్యేళ్ల పాటు తెలుగుజాతి గుండె చప్పుడుగా అమరావతి నిలుస్తుందని, నిలవాలనీ ఆకాంక్షించామని పేర్కొన్నారు. అయితే ఇప్పుడు రాష్ట్రంలో అధికారంలో ఉన్న జగన్ తుగ్లక్ విధానాల కారణంగా ఆ ఆకాంక్ష నెరవేరలేదనీ, చేసిన అభివృద్ధి అంతా నాశనమైందని ఆవేదన వ్యక్తం చేశారు.  అమరావతి అంటే వేల మంది రైతుల త్యాగం, కోట్లాది మంది ఆంధ్రుల సంకల్పంగా అభివర్ణించిన చంద్రబాబు.. ప్రాంతాలకు అతీతంగా ఆంధ్రులు అందరూ అమరావతిని తమకు గర్వకారణంగా భావించారన్నారు. 2019 ఎన్నికలకు ముందు అమరావతిని స్వాగతించిన జగన్... అధికారంలోకి రాగానే మాట మార్చి, మడమ తిప్పి ఆంధ్రులను మోసం చేశారని  విమర్శించారు. అమరావతి రైతుల మహా పాదయాత్రపై వైసీపీ కుతంత్రాలు సాగవని అన్నారు. ఆంధ్రుల రాజధాని అమరావతే అని... అమరావతి మళ్లీ ఊపిరి పోసుకుంటుందని చెప్పారు. 5 కోట్ల ఆంధ్రుల ఆకాంక్ష నెరవేరి తీరుతుందన్నారు.అమరావతే నిలుస్తుందని, అమరావతే గెలుస్తుందని చంద్రబాబు ధీమా వ్యక్తం చేశారు. అమరావతికి శంకుస్థాపన చేసిన ప్రధాని మోడీ అప్పట్లో పార్లమెంటు ప్రాంగణం నుంచి మట్టి, యమునా నది నుంచి నీరు తీసుకుని వచ్చారు.   దేశంలోని పట్టణాలు, నగరాల అభివృద్ధికి అమరావతి దిక్సూచి కావాలని ఆయన ఆకాంక్షించారు.  తాను నీరు, మట్టి తీసుకురావడాన్ని ఆషామాషీగా తీసుకోవద్దనీ, ఏకంగా దేశ రాజధానే ఏపీ రాజధాని అమరావతిలో కలవడానికి వచ్చిందనడానికి ఇది సంకేతమనీ  ఏపీ చేపట్టే ప్రతి అభివృద్ధి కార్యక్రమంలో కేంద్రం   భుజం కలిపి నడుస్తుందనడానికి ఇది సూచన అనీ మోడీ అప్పట్లో చెప్పారు. కానీ వాస్తవంలో అందుకు భిన్నంగా జరిగింది. అమరావతి నిర్మాణానికి అరకొర నిధులు కేటాయిస్తూ వచ్చిన మోడీ సర్కార్.. ఏపీ అభివృద్ధి పట్ల చిన్న చూపు చూసింది. ఇక రాష్ట్రంలో ప్రభుత్వం మారిన తరువాత ఏపీ అభివృద్ధిని జగన్ గాలికొదిలేశారు. అంతే కాదు.. స్వయంగా ప్రధాని శంకుస్థాపన చేసిన అమరావతిని కాదని మూడు రాజధానులంటూ కొత్త పల్లవి ఎత్తుకున్నారు. జగన్ నిర్ణయానికి వ్యతిరేకంగా అమరావతి రైతులు మహోద్యమం చేపడితే ఆ ఉద్యమాన్ని అణచివేయడానికి నానా విధాలుగా ప్రయత్నించారు. అన్నిటినీ ఎదుర్కొని రైతులు మొక్కవోని ధైర్యంతో, సడలని పట్టుదలతో అమరావతే ఏపీ ఏకైక రాజధాని అని నినదిస్తూ ముందుకు సాగుతున్నారు. ఆ విషయాలన్నీ ప్రస్తావించిన చంద్రబాబు.. చివరకు అమరావతే నిలుస్తుంది... అమరావతే గెలుస్తుందని చంద్రబాబు విశ్వాసం వ్యక్తం చేశారు. 

అమరావతి రైతుల పాదయాత్రకు బ్రేక్

పోలీసుల  తీరుకు నిరసనగా అమరావతి రైతులు కీలక నిర్ణయం తీసుకున్నారు. అమరావతి నుండి అరసవిల్లి వరకు   చేస్తున్న మహాపాదయాత్రకు నాలుగు రోజుల విరామం ప్రకటించారు. పోలీసులు తమ పట్ల వ్యవహరిస్తున్న తీరుపై కోర్టులోనే తేల్చుకుని పాదయాత్రను మళ్లీ ప్రారంభిస్తామని అమరావతి రైతుల ఐకాస ప్రకటించింది. కోర్టుకు సెలవులు ఉన్నందున పాదయాత్రకు నాలుగు రోజులు తాత్కాలిక విరామం మాత్రమే ఇస్తున్నట్లు ఐకాస వెల్లడించింది. అమరావతి రైతుల మహా పాదయాత్ర ఈ రోజు డాక్టర్ అంబేద్కర్ కోనసీమ జిల్లా రామచంద్రాపురం బైపాస్ రోడ్డు నుంచి ప్రారంభం కావాల్సి ఉంది. కానీ.. రైతులు శుక్రవారం రాత్రి బస చేసిన ఫంక్షన్ హాల్ ను ఉదయాన్నే పోలీసులు పెద్ద సంఖ్యలో వచ్చి చుట్టుముట్టారు. ఈ సందర్భంగా బయటి నుంచి   రైతులకు మద్దతు తెలిపేందుకు వచ్చిన వారిని పోలీసులు అడ్డుకున్నారు. మద్దతు తెలిపేందుకు వస్తున్న వారని ఎక్కడికక్కడ నిలిపేశారు. హైకోర్టు ఉత్తర్వులకు అనుగుణంగా పాదయాత్రలో పాల్గొనే 600 మంది రైతుల గుర్తింపు కార్డులు చూపించాలని ఒత్తిడి తెచ్చారు. అనుమతి ఉన్న వాహహనాలు తప్ప ఇంకే వాహనాన్నీ అనుమతించేది లేదంటూ పోలీసులు కరాఖండిగా చెప్పారు. ఈ క్రమంలో పోలీసులు- అమరావతి రైతుల మధ్య స్వల్పంగా వాగ్వాదం జరిగింది. దీంతో అమరావతి రైతుల ఐకాస నేతలు అప్పటికప్పుడు సమావేశమై పోలీసుల తీరుకు నిరసనగా పాదయాత్రను తాత్కాలికంగా నిలిపివేస్తున్నట్లు ప్రకటించారు.

జ‌న‌సేన కార్యాల‌యంపై వైసీపీ దాడి

రాజ‌కీయాలు రోజురోజుకీ విమ‌ర్శ‌ల నుంచి దాడులకి దిగ‌జారుతోంది. ప్ర‌త్య‌ర్ధులు చేసిన కామెంట్ల‌ను చాలా  సీరియ‌స్‌గా తీసుకుని ఏకంగా వారి నాయ‌కులు లేదా పార్టీ కార్యాల‌యాల మీదా దాడుల‌కు వెను కాడ‌టం లేదు. తాజాగా శ్రీ‌కాకుళం జిల్లా టెక్క‌లిలో జ‌న‌సేన కార్యాల‌యం మీద కొంద‌రు వ్య‌క్తులు దాడి చేసి ఫ‌ర్నీచ‌ర్‌ని ధ్వంసం చేసి భ‌య‌భ్రాంతులు క‌ల్పించారు. కాగా వారు త‌ప్ప‌కుండా వైసీపీ ఎమ్మెల్సీ దువ్వాడ శ్రీ‌నివాస్ అనుచ‌రులే అని స్థానిక జ‌న‌సేన పార్టీ నాయ‌కులు అంటున్నారు. మూడురోజుల క్రితం జ‌న‌సేన అధినేత ప‌వ‌న్ క‌ళ్యాణ్ పై ఎమ్మెల్సీ దువ్వాడ శ్రీ‌నివాస్ అనుచిత వ్యాఖ్య లు చేశారు. ఇందుకు టెక్క‌లి ప్రాంత జ‌న‌సేన నాయ‌కులు, కార్య‌క‌ర్త‌లు ఆగ్ర‌హించారు. శుక్ర‌వారం జ‌రి గిన దాడి త‌ప్ప‌కుండా వారే చేయించార‌ని ఆముదాల‌వ‌ల‌స నియోజ‌క‌వ‌ర్గ జ‌న‌సేన ఇన్‌చార్ఝ రామ్మెహ‌న్ శ్రీ‌కా కుళంలో ఏ ఎస్‌పీ శ్రీ‌నివాస్‌ని క‌లిసి ఫిర్యాదు చేశారు. వైసీపీకి చెందిన వారు తమ పార్టీ కార్యాల యంపై దాడి చేసారని….వారిని అరెస్ట్ చేసి చట్టపరంగా చర్యలు తీసుకోవాలని కోరారు. మరో వైపు జనసేన పార్టీ కార్యాలయంపై దాడికి స౦బ౦ధించి టెక్కలి నియోజకవర్గ బీజేపీ నాయకులు స్ప౦ది చారు. జనసేన పార్టీ కార్యాలయంకి వెళ్లి జనసైనికులకు స౦ఘీభావ౦ తెలిపారు.  త‌నను ప్యాకేజీ స్టార్ అంటే చెప్పుతో కొడతానంటూ జనసేన అధినేత పవన్ కల్యాణ్ చేసిన వ్యాఖ్యలపై అధికార వైసీపీ నుంచి నిరసనలు వెల్లువెత్తుతున్నాయి. వైసీపీకి చెందిన కీలక నేతలు వరుసగా పవన్ పై విమర్శలతో దాడికి దిగుతున్నారు. తాజాగా  జనసేన కార్యాల యం పై వైసీపీ శ్రేణులు దాడికి దిగాయి. అయితే ఇటీవ‌లి కాలంలో విప‌క్షాల‌పై బూతు పురాణంతో విరుచుకు ప‌డుతూ, ఏమాత్రం సంస్కారం లేకుండా వ్య‌వ‌హ‌రిస్తున్న‌ది వైసీపీ నాయ‌కులేన‌ని విప‌క్షాల ఆరోప‌ణ‌. రాష్ట్రంలో వైసీపీ ప్ర‌భుత్వం ప‌ట్టు కోల్పోవ‌డం, వ‌చ్చే ఎన్నిక‌ల్లో గెలుస్తామ‌న్న న‌మ్మ‌కం స‌న్న‌గిల్ల‌డంతోనే ఈ త‌ర‌హా దాడుల‌కు దిగుతున్నా ర‌న్న విమ‌ర్శ‌లు వెల్లువెత్తుతున్నాయి.

థాంక్స్ మ‌మ్మీ!

పిల్లలతో కలిసి జీవించడం సరదాగా ఉంటుందని మీలో ప్రతి ఒక్కరూ అంగీకరిస్తారు. అవి చాలా అంద మైనవి , చాలా ముఖ్యమైనవి చాలా వినోదాత్మకంగానూ ఉంటాయి. పిల్ల‌లు  కొన్నిసార్లు ఊహించని పను లు  చేసినప్పటికీ, అది చాలా విలువైనవిగానూ అనిపిస్తాయి. టెన్త్ చ‌దివే పిల్లాడు త‌ల్లి లేదా తండ్రి ఆఫీస్ నుంచి రాగానే కాఫీ చేసివ్వ‌డ‌మో, వంటింట్లో గ‌రిటెతిప్పి నూడుల్స్ చేసివ్వ‌డ‌మో గొప్ప ఆనం దాన్నిస్తుంది. పెద్ద‌వారికి అంత‌కంటే ఏం కావాలి! ఒక పిల్లాడు త‌న‌కు చిరుతిండి తినాల‌నిపించి ఇల్లంతా వెతికేడు. ఏమీ దొర‌క‌లేదు. స్టూల్ తెచ్చి  ఎక్కి వం టింట్లో అర‌లూ వెతికాడు ఎక్క‌డా ఏమీ ఉన్న ర‌హ‌స్యాలు బ‌య‌ట‌ప‌డ‌లేదు. వెంట‌నే ఫోన్ ప‌ట్టుకుని త‌ల్లికి ఫోన్ చేశాడు. త‌ల్లి ఆఫీస్‌లో ఫుల్ బిజీ. అయినా రెండు కాల్స్ వ‌చ్చేస‌రికి ఏమ‌యిందా అని తీసింది. ఏరా నాన్నా.. ఏమ‌యింది? అన్న ఏమ‌న్నా అన్నాడా, మామ్మ ఏమ‌న్నా అన్న‌దా అని వెయ్యి ప్ర‌శ్న‌లు వేసింది. వాడేమీ ప‌ట్టించుకోలేదు. ఆక‌లేస్తోంది. వ‌చ్చేప్పుడు ఏద‌న్నా తీసుకురా ట‌మ్మీ ఆక‌లేస్తోంది మ‌మ్మీ! అన్నా డు ముద్దుగా.. అంతే అవ‌త‌ల త‌ల్లి ఏడ‌వ‌లేదుగాని గ‌ట్టిగా న‌వ్వుకుంది ఆ అభ్య‌ర్ధ‌న‌కి. అంతేకాదు ఆ పిల్లా డు ఏకంగా మేసేజ్‌లూ పెట్టాడు. ఆమె మెసేజ్‌ల‌తోనూ ప‌ల‌క‌రించింది. ఆమె ఆఫీస్ ప‌ని వ‌త్తిడి నుంచి ర‌వ్వంత విశ్రాంతి పొందింది. ఇంత‌కీ పిల్లాడి మెసేజ్‌లో ఏమ‌న్నాడో తెలుసా.. అమ్మ,  పిజ్జా ఆర్డర్ చేయగలవా?  ఆ వ‌చ్చురా! ఇప్ప‌టికిప్పుడే పంప‌డం వ‌చ్చునా? నా మీటింగ్ కాగానే వ‌చ్చేట్టుచేస్తా స‌రేనా!  ఓకే. థాంక్యూ మ‌మ్మీ! ఆమె ఆర్డ‌ర్ చేసి పంపించింది. వాడు అంతా తిన‌లేదుట‌. ఓ పెద్ద ముక్క త‌ల్లికోస‌మూ ఉంచాడు!

బూతుల యూనివర్సిటీ వీసీ జగన్ : మాజీ మంత్రి పీతల

రాజకీయ నాయకులు వారు ఉపయోగించే భాష పట్ల సంయమనం పాటించాలంటూ ఏపీ సీఎం ప్రవచనకారుడిలా చెప్పడాన్ని మాజీ మంత్రి, తెలుగుదేశం నాయకురాలు పీతల సుజాత ఖండించారు. జగన్ స్వయంగా బూతుల యూనివర్సటీ వైస్ చాన్సలర్ అని ఎద్దేవా చేశారు. మంగళగిరిలోని తెలుగుదేశం పార్టీ కేంద్ర కార్యాలయంలో విలేకరుల సమావేశంలో మాట్లాడిన పీతల సుజాత.. ముఖ్యమంత్రి స్థానంలో ఉండి తానేం చేస్తున్నాడో, ఎం మాట్లాడుతున్నాడో జగన్ ఒక సారి ఆలోచించుకోవాలని హితవు పలికారు. ప్రత్యర్థులు తనను బూతులు తిడుతున్నారంటూ ఆవేదన వ్యక్తం చేయడం దొంగే దొంగ దొంగ అని అరిచిన చందంగా ఉందన్నారు. నిత్యం బూతుల పంచాంగం వల్లించే డ్రైనేజీ నోళ్లేసుకున్న వారిని  పక్కన పెట్టుకుని రాష్ట్రాన్ని పాలిస్తున్న జగన్ రెడ్డి  తనను తాను సచ్ఛీలడిగా భావించుకుని ఇతరులకు భాష గురించి సుద్దులు చెప్పడం గురివింద గింజ చందంగా ఉందని పీతల సుజాత అన్నారు.   ప్రతిపక్షనేతగా పాదయాత్రచేస్తున్నప్పుడు జగన్ రెడ్డి, అప్పుడు ముఖ్యమంత్రిగా ఉన్న చంద్రబాబునాయుడిని ఏమన్నారో ఒక సారి గుర్తు చేసుకోవాలన్నారు. చంద్రబాబునాయుడిని బంగాళాఖాతంలో కలపాలని, చెప్పులు చీపుర్లతో  కొట్టాలని, నడిరోడ్డుపై ఉరితీయాలని, కాల్చిపడేయాలని నోటికొచ్చినట్లు వాగిన సంగతి ఆయన మరచిపోయినా రాష్ట్ర ప్రజలకు గుర్తుందని అన్నారు. బూతులు, భాష గురించి ముఖ్యమంత్రి నీతి వాక్యాలు చెప్పడం హాస్యాస్పదంగా ఉందన్నారు. వైసీపీ ఎమ్మెల్యేలు, మంత్రులువాడే పద జాలం, బూతులు, వారి వ్యవహారశైలి జగన్ కు ప్రవచనాల్లా వినిపిస్తున్నాయా?  తెలుగు భాష సిగ్గుతో తలదించుకునేలా దాన్ని బూతుల మయం చేసింది ముఖ్యమంత్రి, ఆయన కేబినెట్ లోని మంత్రులు కాదా? అని ప్రశ్నించారు.    తాడేపల్లి ప్యాలెస్ దాటి జగన్ బయటకువస్తే, మహిళలకు ఎవరి హాయాంలో గౌరవం లభించిందో, ఎవరి పాలనలో సిగ్గుతో తలదించుకునే పరిస్థితి వచ్చిందో ఆయనతో చర్చకు తాము సిద్ధం అని పీతల సుజాత సవాల్ విసిరారు. మహిళలకు ఆస్తిలో సమానహక్కు కల్పించి, వారికి గుర్తింపు నిచ్చింది స్వర్గీయ ఎన్టీఆర్ అయితే, ఆడ బిడ్డలకుఅన్నగా, వారి కష్ట సుఖాల్లో తోడు నీడగా నిలిచింది చంద్రబాబు అని చెప్పారు.  

టీ-20 ప్ర‌పంచ‌క‌ప్‌.. ఈ న‌లుగురిపైనే అంద‌రి దృష్టి

టీ-20 ప్ర‌పంచ‌క‌ప్ పోటీలు సూప‌ర్ 12 ద‌శ పోటీలు ఆరంభ‌మ‌య్యాయి. ఇక ఇపుడు అస‌లు పోటీలు మొదల‌యిన‌ట్టే. ఈ ప‌ర్యాయం వ‌ర‌ల్డ్‌క‌ప్‌కి తొలిసారిగా ఆడుతున్న ప్లేయ‌ర్ల పైనే ఎక్కువ దృష్టి ఉంటుంది. న‌లుగురు ప్ర‌ధానంగా ఉన్నారు. వారంతా వారి దేశాల్లో అన్ని టోర్నీల్లోనూ అద్బుత ప్ర‌ద‌ ర్శ‌న ఇచ్చి, ప్ర‌పంచ‌క‌ప్ జ‌ట్టుకు ఎంపిక‌యి జ‌ట్టు విజ‌యాల‌కు కీల‌క‌పాత్ర వ‌హించాల‌న్న ప‌ట్టుద‌ల‌తో ఉన్నారు. వారి గురించి తెలుసు కుందాం.. ఆస్ట్రేలియా ఆల్‌రౌండ‌ర్ కామెరూన గ్రీన్.. ఇటీవ‌లి టీ-20 సిరీస్‌ల్లో ఎంతో గొప్ప నైపుణ్యాన్ని ప్ర‌ద‌ర్శి స్తున్న ఆసీస్ యువ స్టార్ గ్రీన్‌. జోష్ ఇంగ్లిస్ మోచేతి గాయంతో ఇత‌నికి జ‌ట్టులో స్థానం ల‌భించింది. అది సాధా ర‌ణంగా అనుకునే మాట‌. కానీ అత‌ని బౌలింగ్‌, బ్యాటింగ్ నైపుణ్యం ఇప్ప‌టికే ప్ర‌పంచ క్రికెట్ వీరాభిమానులు గ‌మ‌నించారు. గ్రీన్ జ‌ట్టులో ఉంటే త‌ప్ప‌కుండా మంచి స్కోర్ చేయ‌గ‌ల‌మ‌న్న న‌మ్మ‌ కంతో ఉంది ఆసీస్‌. ముఖ్యంగా ఇటీవ‌ల భార‌త్‌తో త‌ల‌ప‌డిన మ్యాచ్‌లో కేవ‌లం 30 బంతుల్లో 61 ప‌రుగు లు సాధించిన స‌త్తా అత‌నిది. అత‌ని బ్యాటింగ్ నైపుణ్యంతోనే ఆసీస్ 6 వికెట్ల న‌ష్టానికి 208 ప‌రుగులు చేయ‌గ‌లిగింద‌ని ఇప్ప‌టికీ చెప్ప‌వ‌చ్చు. అత‌న్ని జ‌ట్టులోకి తీసుకోవ‌డం కెప్టెన్ ఆర‌న్ ఫించ్‌కి గొప్ప ప్ర‌యోజ‌న‌మ‌నే అనాలి. అత‌నంత‌టి సామ‌ర్ధ్యం గ్రీన్‌లో కెప్టెన్‌గా ఫించ్ గ‌మ‌నిం చాడు. ఇప్ప‌టివ‌ర‌కూ 7 టీ-20లో ఆడి 136 ప‌రుగులు చేయ‌డంతో పాటు బౌల‌ర్‌గా 5 వికెట్లు కూడా తీసిన ఆల్‌రౌండ‌ర్ గా అంద‌రినీ ఆక‌ట్టుకున్నాడు. మ‌రో మంచి యువ ప్లేయ‌ర్ పాక్ పేస‌ర్ న‌సీమ్ షా. ఆగ‌స్టులో అత‌ను వైట్‌బాల్ టోర్నీ ఆడాడు. కానీ పాక్ గొప్ప ప్లేయ‌ర్ల దృష్టిని ఇట్టే ఆక‌ట్టుకున్నాడు. రాబోయే కాలంలో ఎంతో మంచి ప్లేయ‌ర్ అవుతాడ‌న్న న‌మ్మ‌కాన్ని క‌లిగించారు. 19 ఏళ్ల న‌సీమ్ ఈ ఛాంపియ‌న్‌సిప్‌లో పాక్‌కు విజ‌యావ‌కాశాలు క‌ల్పించ‌గ‌ల‌ డ‌నే క్రికెట్ పండితులు సైతం అంటున్నారు. ముఖ్యంగా ఇటీవ‌లి ఆసియాక‌ప్‌లో భార‌త్‌పై అత‌ని బౌలింగ్ అత్యంత అద్భుతంగా ఉంది. ఇంత‌వ‌ర‌కూ 9 టీ-20లు ఆడిన పాక్ పేస‌ర్ 11 వికెట్లు తీసుకు న్నాడు. బెస్ట్ 7 ప‌రుగులిచ్చి 2 వికెట్లు తీయ‌డం. త‌ర్వాత అంద‌రూ గ‌మ‌నించాల్సిన ప్లేయ‌ర్ ఫిన్ ఆలెన్‌. న్యూజిలాండ్ బ్యాట‌ర్, వికెట కీప‌ర్‌. టీ-20 ప్ర‌పం చ క‌ప్ లో మొద‌టిసారిగా ఆడుతున్న ఫిన్ త‌ప్ప‌కుండా త‌న జ‌ట్టు ఆశ‌ల‌కు మ‌రింత బ‌లం చేకూర్చ‌గ‌ల డ‌నే అనుకోవాలి. 23 ఏళ్ల ఫిన్ ఇటీవ‌ల బంగ్లాదేశ్ మీద త‌న బ్యాటింగ్ సామ‌ర్ధ్యం ప్ర‌ద‌ర్శించి 56  బంతుల్లో సెంచ‌రీ చేయ‌డం, పాకిస్తాన్ పై 42 బంతుల్లో 62 ప‌రుగులు చేయ‌డం అంద‌ ర్నీ ఆశ్చ‌ర్య‌ప‌రిచింది. ప్ర‌త్య ర్థుల‌ను అత‌ను ఎదుర్కొన్న తీరు షాట్ సెల‌క్ష‌న్ అంతా ఎంతో అనుభ‌వ‌ జ్ఞుడిలా ఉంద‌ని అంద‌రి ప్ర‌శం స‌లూ అందుకున్నాడు. ఇంత‌వ‌ర‌కూ అత‌ను ఆడిన 18 మ్యాచ్‌ల్లో 469 ప‌రుగులు చేయ‌గా అత్య‌ధికంగా ఒక సెంచ‌రీ కూడా చేశాడు. మ‌రో అద్భుత యువ ప్లేయ‌ర్ భార‌త్ పేస‌ర్ అర్ష్‌దీప్ సింగ్‌. 2021 ఐపీఎల్‌లో పంజాబ్ త‌ర‌ఫున ఆడిన ఈ యువ‌పేస‌ర్ అంత‌కుముందు 2018 అండ‌ర్ 19 ప్ర‌పంచ‌క‌ప్ ఆడిన అనుభ‌వం ఉంది. 23 ఏళ్ల లెఫ్ట్ ఆర్మ్ పేస‌ర్ ఇటీవ‌లి ఆసియాక‌ప్‌లోనూ అంతే అద్భుతంగా బౌలింగ్ ప్ర‌ద‌ర్శ‌న‌తో సెల‌క్ట‌ర్ల‌ను, ప్ర‌త్య‌ర్ధి జ‌ట్ల‌ను ఆక‌ట్టుకున్నాడు. జ‌ట్టులో బూమ్రా లేని లోటు ష‌మ్మీతో పాటు సింగ్ కూడా తీరుస్తాడ‌ని అంతా గొప్ప న‌మ్మకంతో ఉన్నారు. కెప్టెన్ శ‌ర్మ ఫావ‌రేట్‌గా ఈ ప‌ర్యాయం జ‌ట్టులో స్థానం సంపాదించుకున్నాడు. అర్ష‌దీప్ ఇంతవ‌ర‌కూ 13 టీ-20లు ఆడి 19 వికెట్లు తీశాడు. బెస్ట్ 12 ప‌రుగుల‌కు 3 వికెట్లు తీయ‌డం. 

మునుగోడు ఉప ఎన్నిక.. కేసీఆర్ కాడి వదిలేశారా? బీజేపీ విజయానికి మార్గం సుగమం చేశారా?

మునుగోడులో ఏం జరుగుతోంది. ఉప ఎన్నికల పోలింగ్ తేదీ సమీపించే కొద్దీ రాజకీయ పరిణామాలు వేగంగా మారుతున్నాయి.  తెలంగాణ ముఖ్యమంత్రి, టీఆర్ఎస్ అధినేత ఆపరేషన్ ఆకర్ష్ కు తెరతీశారు. ఆయన ఫోన్ చేసి ఆహ్వానించడం తరువాయి.. గతంలో టీఆర్ఎస్ కు గుడ్ బై చెప్పి వెళ్లిపోయిన ఇద్దరు ఈఘమేఘాల మీద ప్రగతి భవన్ చేరుకుని గులాబీ కండువా కప్పుకున్నారు. బీజేపీకి గుడ్ బై చెప్పి స్వామిగౌడ్, దాసోజు శ్రవణ్ లకు తెరాస కార్యనిర్వాహక అధ్యక్షుడు కేటీఆర్ గులాబీ కండువా కప్పి తెరాసలోకి ఆహ్వానించారు. మరో వైపు కాంగ్రెస్ పార్టీలో అంతర్గత విభేదాల నేపథ్యంలో రేవంత్ రెడ్డి పార్టీలోనే తనకు వ్యతిరేకంగా కుట్ర జరుగుతోందనీ, మునుగోడు ఓటమిని సాకుగా చూపి తనను టీపీసీసీ అధ్యక్ష పదవి నుంచి తప్పించాలని చూస్తున్నారనీ ఆరోపిస్తూ కన్నీటి పర్యంతమయ్యారు. అందుకు తగ్గట్టుగానే పార్టీలకు అతీతంగా కోమటి రెడ్డి రాజగోపాల రెడ్డికి ఓటేయాలంటూ కాంగ్రెస్ స్టార్ క్యాంపెయినర్, ఎంపీ కోమటిరెడ్డి వెంకటరెడ్డి ఫోన్ సంభాషణ లీక్ కావడం రేవంత్ ఆరోపణలకు బలం చేకూర్చింది.   అ ఫోన్ లో తన అన్న వెంకటరెడ్డి మాట్లాడిన మాటల్లో తప్పేమీ లేదంటూ మునుగోడు బీజేపీ అభ్యర్థి కోమటిరెడ్డి రాజగోపాలరెడ్డి సమర్ధించారు. ఈ పరిణామాలను గమనిస్తున్న పరిశీలకులు మునుగోడులో ఓటమిని కాంగ్రెస్   ఇప్పుడే అంగీకరించేసినట్లుందని   విశ్లేషిస్తున్నారు. ఇక బీజేపీ విషయానికి వస్తే స్వామిగౌడ్, దాసోజు శ్రవణ్ లు పార్టీ వీడడం వల్ల తమ పార్టీకి వచ్చే నష్టం ఏమీ లేదనీ, వాళ్లిద్దరూ ఎలా వచ్చారో అలాగే వెళ్లిపోయారని వ్యాఖ్యానిస్తోంది. మునుగోడులో గెలుపుపై ధీమా వ్యక్తం చేస్తోంది. టీఆర్ఎస్ లో అయితే ఇప్పటికీ మునుగోడులో ఆ పార్టీ వ్యూహాలేమిటి? ఆపరేషన్ ఆకర్ష్ వల్ల మునుగోడులో గెలుపునకు మార్గం సుగమమౌతుందా అంటే ఏమో అన్న సమాధానం పార్టీ శ్రేణుల నుంచే వస్తోంది. మునుగోడులో పార్టీ కాడి విదిలేసిందా అన్న అనుమానం కలుగుతోందని పార్టీ శ్రేణులే అంతర్గత సంభాషణల్లో అనుమానం వ్యక్తం చేస్తున్నాయి. మునుగోడు ఉప ఎన్నిక షెడ్యూల్ విడుదల నాటికి ఉన్న కాన్ఫిడెన్స్ ప్రస్తుతం పార్టీ అధినాయకత్వంలో కనిపించడం లేదని అంటున్నారు. మునిసిపాలిటీకి ఇద్దరు ఎమ్మెల్యేల చొప్పున ఇన్ చార్జ్ లుగా నియమించి ప్రచార బాధ్యతలను అప్పగించిన కేసీఆర్ తాను స్వయంగా ఒక గ్రామానికి ఇన్ చార్జిగా ప్రకటించుకున్నా కూడా పార్టీ క్యాడర్ లో కానీ, నాయకులలో కానీ విజయంపై ధీమా వ్యక్తం కావడం లేదు. దుబ్బాక, హుజారాబాద్ ఉప ఎన్నికల ఫలితాలే పునరావృతం కాబోతున్నాయా అన్న అనుమానం పార్టీలో క్యాడర్ నుంచి లీడర్ వరకూ వ్యక్తమౌతోందని అంటున్నారు. మరీ ముఖ్యంగా కేసీఆర్ హస్తిన పర్యటన ముందు వరకూ కనిపించిన ధీమా ఆ తరువాత కనిపించడం లేదని అంటున్నారు. కీలకమైన సమయంలో ఇన్ చార్జిలకు బాధ్యత అప్పగించి హస్తిన వెళ్లిన కేసీఆర్ మునుగోడు ఉప ఎన్నికను పట్టించుకోకుండా అక్కడే పది రోజులు మకాం వేయడంతో మునుగోడు ఉప ఎన్నిక విషయంలో కేసీఆర్ చేతులెత్తేశారా అన్న అనుమానాలు పరిశీలకులు వ్యక్తం చేస్తున్నారు. అంతే కాకుండా పార్టీ శ్రేణుల్లో కూడా ఇవే అనుమానాలు వ్యక్తం అవుతున్నాయి. ముఖ్యంగా ఆయన ఢిల్లీ నుంచి వచ్చిన తరువాత పార్టీ ప్రచార సరళిపై సమీక్ష చేయాల్సింది పోయి.. మునుగోడుతో సంబంధం లేని వ్యక్తులను ఆపరేషన్ ఆకర్ష్ పేరిట పార్టీలోకి ఆహ్వానించే కార్యక్రమాన్ని చేపట్టడంపై క్యాడర్ లో పలు సందేహాలు వ్యక్తమౌతున్నాయి. మునుగోడు ఉప ఎన్నిక ఫలితం కేసీఆర్ ముందే ఊహించేశారా అన్న అనుమానాలు వ్యక్తమౌతున్నాయి. ఎంత కష్టపడినా ఫలితం ఉండదన్న అంచనాతోనే.. మునుగోడు ఉప ఎన్నికను వదిలేసి.. వచ్చే ఏడాది జరగనున్న అసెంబ్లీ ఎన్నికలపై ఇప్పుడే దృష్టి సారించారా అన్న అనుమానాలు పార్టీ వర్గాల నుంచే వ్యక్తమౌతున్నాయి. వచ్చే అసెంబ్లీ ఎన్నికలను దృష్టిలో ఉంచుకునే ఆయన ఆపరేషన్ ఆకర్ష్ కు తెరతీశారని అంటున్నాయి. మరీ ముఖ్యంగా   గట్టి పోటీ ఇస్తే.. అది కాంగ్రెస్ కు ఏదో ఒక మేర ప్రయోజనం చేకూర్చుతుందన్న ఉద్దేశంతోనే కేసీఆర్ మునుగోడు ఉప ఎన్నికను లైట్ తీసుకున్నారా అన్న అనుమానాలు కూడా రాజకీయ వర్గాలలో వ్యక్తం అవుతున్నాయి. మొత్తం మీద మునుగోడును మంత్రులు, ఎమ్మెల్యేలు, ముఖ్య నేతలతో కిక్కిరిసిపోయేలా చేసి కూడా కేసీఆర్ ఉప ఎన్నిక లో విజయంపై పెద్దగా దృష్టి పెట్టడం లేదనీ, ఎన్నికకు ముందే కేసీఆర్ ప్రదర్శిస్తున్న ఈ ఉదాశీనతకే.. ఆయన ఇటీవలి డిల్లీ పర్యటనకూ ఏమైనా సంబంధం ఉందా అన్న అనుమానాలు కూడా వ్యక్తం అవుతున్నాయి. కుమార్తెను డిల్లీ లిక్కర్ స్కాం నుంచి బయటపడేయడానికి ఆయన హస్తినలో బీజేపీ పెద్దలతో ఏదైనా రహస్య ఒప్పందం కుదుర్చుకున్నారా అన్న అనుమానాలు పార్టీ క్యాడర్ నుంచే వ్యక్తం అవుతుండటం గమనార్హం. ఏది ఏమైనా వేర్వేరు కారణాలతో మునుగోడు ఉప ఎన్నికలలో పోరును కాంగ్రెస్, ఆఆర్ఎస్ లు మధ్యలోనే ఆపేశారనీ, దీంతో అక్కడ బీజేపీ విజయం నల్లేరుమీద బండినడకగా మారిందనీ పరిశీలకులు విశ్లేషిస్తున్నారు. సెంటిమెంట్ లను విపరీతంగా నమ్మే కేసీఆర్ గతంలో దుబ్బాక, హుజూరాబాద్ ఉప ఎన్నికల ముందు టీఆర్ఎస్ లోకి భారీగా వలసలు వచ్చినా ఆ రెండు ఉప ఎన్నికలలోనూ పార్టీ అభ్యర్థులు పరాజయం పాలైనప్పటికీ ఇప్పుడు మునుగోడు ఉప ఎన్నికల ముంగిట మళ్లీ పార్టీలోకి వలసలకు తెరతీయడం పలు అనుమానాలకు తావిస్తోందని రాజకీయ వర్గాలలో పెద్ద ఎత్తున చర్చ జరుగుతోంద.

ఘోర రోడ్డు ప్రమాదం.. 14 మంది దుర్మరణం

మధ్య ప్రదేశ్ లో జరిగిన ఘోర రోడ్డు ప్రమాదంలో 14 మంది దుర్మరణం పాలయ్యారు. హైదరాబాద్ నుంచి ఘోరక్ పూర్ వెళుతున్న బస్సు మధ్య ప్రదేశ్ లోని సుహాగి పహారీ వద్ద శనివారం (అక్టోబర్22) తెల్లవారు జామున ప్రమాదానికి గురైంది. హైదరాబాద్ నుంచి ఉత్తర ప్రదేశ్ లోని తమ స్వగ్రామానికి వెళుతున్న కూలీలు ఈ ప్రమాదంలో మరణించారు. ఈ ప్రమాదంలో మరో 40 మంది గాయపడ్డారు. క్షతగాత్రులలో పలువురి పరిస్థితి ఆందోళనకరంగా ఉందని చెబుతున్నారు. తీవ్రంగా గాయపడిన 20 మందిని ప్రయాగ్ రాజ్ ఆసుపత్రికి తరలించారు. బాధితులందరూ యూపీకి చెందిన కూలీలేనని, దీపావళి పండుగ కోసం స్వగ్రామం వెళుతున్నట్లు పోలీసులు తెలిపారు. మృతులు, క్షతగాత్రుల వివరాలు అందాల్సి ఉంది. 

కడప ఎంపీ టికెట్ కోసమే వివేకా హత్య: షర్మిల

ఏపీ సీఎం జగన్ అరాచకాలను రాష్ట్ర ప్రజలే కాదు.. సోంత కుటుంబీకులు కూడా భరించ లేకపోతున్నారు. ఇప్పటికే సొంత బాబాయ్ వివేకానంద రెడ్డి కుమార్తె సునీత అన్న సీఎంగా ఉన్న రాష్ట్రంలో తన తండి హత్య కేసు దర్యాప్తు నిష్పాక్షికంగా జరగదంటూ వేరే రాష్ట్రానికి మార్చాలని సుప్రీంను ఆశ్రయించిన సంగతి తెలిసిందే. ఇక సొంత చెల్లి, తల్లి కూడా జగన్ పార్టీతో పూర్తిగా తెగతెంపులు చేసుకుని ఆయనకు దూరంగా పొరుగు రాష్ట్రం తెలంగాణలో గడుపుతున్న సంగతి విదితమే.  అన్న జగన్ తో విభేదించి తెలంగాణలో సొంత పార్టీ ఏర్పాటు చేసుకుని దూరంగా ఉంటున్న షర్మిల తాజాగా సంచలన వ్యాఖ్యలు చేశారు. తమ కుటుంబంలో జరిగిన దారుణ ఘటన బాబాయ్ వివేకా హత్యేనని చెప్పారు. ఆయనను హత్య చేసిన వారెవరో తెలియాలనీ, వారికి శిక్ష పడాలనీ అన్నారు. కాళేశ్వరం అవినీతిపై కాగ్ కు ఫిర్యాదు చేసేందుకు హస్తిన వెళ్లిన షర్మిల అక్కడ విలేకరులతో మాట్లాడారు. కడప ఎంపీ టికెట్ కోసమే వివేకా హత్య జరిగిందని, అది వాస్తవమని ఆమె కుండబద్దలు కొట్టారు. వివేకా హత్య కేసులో నిందితులను కాపాడేందుకు ప్రయత్నిస్తున్నారనీ, అడుగడుగునా దర్యాప్తును అడ్డుకుంటున్నారనీ అన్న షర్మిల తన సోదరి సునీతకు న్యాయం జరగాలని పేర్కొన్నారు.  వివేకానంద రెడ్డిని హత్య కేసులో నిందితులకు శిక్షపడేలా ఆయన కుమార్తె షర్మిల న్యాయపోరాటం చేస్తున్న సంగతి విదితమే. ఈ హత్య కేసు దర్యాప్తు ఏపీలో అయితే నిష్పాక్షికంగా జరగదన్న ఆమె అభిప్రాయంతో ఈ కేసు దర్యాప్తు చేస్తున్న సీబీఐ కూడా ఏకీభవించడం.. సుప్రీం కోర్టుకు కూడా అదే నివేదించడం తెలిసిందే. ఏపీలో వివేకా హత్య కేసు దర్యాప్తు నిష్పాక్షికంగా జరిగే అవకాశం లేదని సుప్రీం కోర్టు సైతం వ్యాఖ్యానించిన నేపథ్యంలో షర్మిల కడప ఎంపీ సీటు కోసమే తన బాబాయ్ హత్య జరిగిందని చేసిన వ్యాఖ్యలు ప్రాధాన్యత సంతరించుకోవడమే కాకుండా సంచలనం సృష్టించాయి.   ఇప్పటికే సీబీఐ కడప ఎంపీగా తనకు టికెట్‌ ఇవ్వకపోతే... షర్మిలకు లేదా విజయలక్ష్మికి మాత్రమే ఇవ్వాలని వైఎస్‌ జగన్‌ను వివేకా కోరారని... ఈ నేపథ్యంలోనే వైఎస్‌ అవినాశ్‌ రెడ్డి ఈ హత్య చేయించారనే కోణంలో దర్యాప్తు చేస్తున్నామని పేర్కొంది.  వివేకా హత్య కేసులో కడప ఎంపీ అవినాశ్ ప్రమేయంపై అనుమానాలపై విలేకరులు అడిగిన ప్రశ్నకు షర్మిల సూటిగా సమాధానం ఇచ్చారు. కడప ఎంపీ టికెట్ కోసమే తన బాబాయ్ హత్య జరిగిందన్నది వాస్తవమని కుండ బద్దలు కొట్టారు. తమ  కుటుంబంలో జరిగిన ఘోరం తన బాబాయ్ వివేకానందరెడ్డి హత్య అన్న షర్మిల సునీతకు న్యాయం జరగాలి. మా చిన్నాన్నను   ఘోరంగా హత్య చేశారో వారి పేర్లు బయటికి రావాలి. శిక్ష పడాలి. దీన్ని ఎవరూ అడ్డుకోడానికి వీల్లేదని చెప్పారు. 2019 ఎన్నికల ముందు మాజీ మంత్రి వైఎస్ వివేకానందరెడ్డి  ఆయన సొంత నివాసంలో దారుణ హత్యకు గురైన సంగతి తెలిసిందే. తొలుత ఆయనది సహజమరణమని, గుండెపోటుతో మరణించారనీ పేర్కొన్న జగన్.. ఆ తరువాత ఆయన హత్య వెనుక అప్పటి ముఖ్యమంత్రి నారా చంద్రబాబునాయుడు, ఆయన కుమారుడు లోకేష్ ఉన్నారని ఆరోపణలు గుప్పించిన సంగతి విదితమే. విపక్ష నేతగా వివేకా హత్య కేసు సీబీఐ చేత దర్యాప్తు చేయించాలని డిమాండ్ చేసిన జగన్ ముఖ్యమంత్రి అయిన తరువాత సీబీఐ దర్యాప్తు అవసరం లేదన్నారు. అయితే వివేకా కుమార్తె సునీత మాత్రం తన తండ్రిని దారుణంగా హత్య చేసిన వారికి శిక్ష పడాల్సిందే నంటూ సీబీఐ దర్యాప్తును కోరారు. ఇప్పుడు ఏపీలో హత్య కేసు దర్యాప్తు నిష్పాక్షికంగా జరిగే అవకాశం లేదనీ, వేరే రాష్ట్రానికి మార్చాలంటూ సుప్రీంను ఆశ్రయించారు. సునీత వాదనతో కేసు దర్యాప్తు చేస్తున్న సీబీఐ కూడా ఏకీభవించింది. కేసు విచారణ వేరే రాష్ట్రానికి మార్చాలని కోరింది. సుప్రీం కూడా అంగీకరించింది.