వంటవాడికి కోపం ఉంటే...
వంటవాడికి కోపం ఉంటే...
నీచున కధికారంబు బాచకునకు నాగ్రహంబుఁ బంకజముఖికిన్
వాచాలత్వము బుధసంకోచముఁగడు బాధకములు గువ్వలచెన్నా!
నీచుడైనవాడికి అధికారం ఉంటే అది దుర్వినియోగం అవుతుంది; వంటవాడికి ముక్కుమీద కోపం ఉంటే, అతను చేసే వంట మీద ఆ ప్రభావం ఉంటుంది; అందగత్తెకు వాచాలత్వం ఉంటే, నలుగురి ముందరా ఆమె చులకన అయిపోతుంది; పండితునికి నోరువిప్పలేని సంకోచం ఉంటే, అతని పాండిత్యం బయటకు వచ్చే అవకాశం ఉండదు. ఇలాంటి గుణాల వల్ల ఇటు వారికీ, అటు ఇతరులకీ కూడా నష్టం తప్పదు.
...Nirjara