ఫ్లోరల్ ఫ్యాషన్... లేటెస్ట్ ప్యాషన్

ఫ్లోరల్ ఫ్యాషన్... లేటెస్ట్ ప్యాషన్!   ఒకప్పుడు పువ్వులు తలలో పెట్టుకుని మురిసిపోయేవారు. కానీ ఇప్పుడు పూలు ఒళ్లంతా పూయించుకుంటున్నారు. అర్థం కాలేదా? ఈ ఫొటోలు చూడండి అర్థమైపోతుంది. ఒకప్పుడు చిన్నపిల్లలకి పువ్వుల పువ్వుల గౌన్లు కుట్టించేవారు. కానీ ఇప్పుడు పెద్దవాళ్లకే ఈ పువ్వుల పిచ్చి పట్టుకుంది. ఆ పిచ్చి కాస్తా ఫ్యాషనైపోయింది. దాంతో ఎక్కడ చూసినా పువ్వులే. చీరలు, స్కర్ట్స్, జాకెట్స్, ఫ్రాక్స్, అనార్కలి సూట్స్... డ్రెస్ ఏదైనా సరే పూలు ఉండాల్సిందే. బట్టలు మాత్రమే కాదు... హ్యాండ్ బ్యాగ్స్, శాండిల్స్, హ్యాట్స్ లాంటి వాటన్నిటి మీద పూల డిజైన్సే. ఈ ఫ్లోరల్ ఫ్యాషన్ అందరికీ ఎంత ప్రీతి పాత్రమైపోయిందంటే... చివరికి అబ్బాయిలు కూడా పూల చొక్కాలు వేసుకుని మురిసిపోతున్నారు. ఇక సెలబ్రిటీల సంగతి చెప్పాల్సిన పని లేదు. బాబు బంగారం సినిమాలోని ఓ పాటలో నయనతార కట్టిన ఫ్లోరల్ శారీస్ ఎంత అందంగా ఉంటాయో. బాలీవుడ్ భామలైతే ప్రతి అకేషన్ కీ ఫ్లోరల్ డిజైన్స్ ఉన్న దుస్తుల్నే ప్రిఫర్ చేస్తున్నారు.     కాటన్, సిల్క్, క్రేప్ తదితర మెటీరియల్స్ పై రంగురంగుల పూలను చూస్తోంటే నిజంగానే మతిపోతోంది. కుసుమాల అందాలు చూడటానికి రెండు కన్నులూ చాలవనిపిస్తోంది. నిజానికి పూల డిజైన్ల కోసమని ప్రత్యేక ధరలేమీ లేవు. ఆ డిజైన్ ఏ మెటీరియల్ మీద వేశారన్నదాన్ని బట్టే రేటు. అందుకే ఓ చక్కని ఫ్రాక్ ఐదు వందల లోపే వచ్చేస్తోంది. చూడచక్కని చీర ఏడెనిమిదొందలకే దొరికేస్తోంది. మరింకా ఆలోచిస్తున్నారేంటి... మీరు కూడా వెంటనే ఓ మాంచి ఫ్లోరల్ డ్రెస్ కొనేయండి మరి!   - Sameera  

జీన్స్ ప్యాంట్ వేసుకున్న వారు ఇది ధరిస్తే అదిరిపోతారు!

జీన్స్ ప్యాంట్ వేసుకున్న వారు ఇది ధరిస్తే అదిరిపోతారు! వర్షం, చలి రెండూ దాడి చేస్తుంటే మహిళలు ముడుచుకుపోతారు. మహిళల చర్మం కూడా చాలా సున్నితంగా ఉంటుంది. ఆ కారణం వల్ల వారి చర్మం దెబ్బతినే అవకాశాలు ఎక్కువ ఉంటాయి.  అందుకే చర్మానికి లోషన్ లు, మాశ్చరైజర్ లు, క్రీమ్ లు వంటివి ఎన్నో పూస్తారు. అవన్నీ పూస్తే చర్మం పాడవకుండా బానే ఉంటుంది.  కానీ బయటి వాతావరణ ప్రభావం మాత్రం తగ్గదు కదా. చల్లని గాలి శరీరాన్ని తాకుతూ ఉంటే ఒణుకు పుడుతుంది. ఆ ఒణుకు మనిషిని కుదురుగా ఉండనివ్వదు. బయటకు వెళ్ళినప్పుడు అమ్మాయిలు ఈ చలి భరించలేక వెచ్చగా ఉండటానికి స్వేటర్లు  వేసుకోవాలని అనుకుంటారు. కానీ వారికి ఫాషన్ మిస్సయిపోతుంది, స్వెట్టర్స్ చూడటానికి అంత అట్రాక్షన్ గా ఉండవనే కారణంతో వాటిని పక్కన పెట్టి సాధారణ ఫాషన్ దుస్తులలో వణుకుతూ, పైకి మాత్రం ఎలాంటి ఎమోషన్స్ బయటపడనివ్వకుండా ఉంటారు. అయితే అమ్మాయిలు ఫాషన్ గా ఉంటూ వెచ్చగా, హాయిగా ఉండేందుకు కొన్ని మార్గాలు ఉన్నాయి. పోలో స్వెట్టర్స్!! చూడటానికి టీ షర్ట్ టైప్ లో పలుచగా ఉంటూ వెచ్చదనాన్ని ఇవ్వడం వీటి ప్రత్యేకత. బరువు కూడా ఎక్కువగా ఉండవు. మహిళలకు ప్రత్యేకంగా బోలెడు రకాల పోలో స్వెట్టర్స్ ఆన్లైన్ షాపింగ్ లలోనూ, బయటి షాపింగ్ మాల్స్ లోనూ అందుబాటులో ఉంటాయి. వీటిలో కొన్ని రకాల రంగులు, కొన్ని స్టైల్స్ కూడా ఉంటాయి.  ప్రతి రోజూ విభిన్నంగా ఉంటూ సౌకర్యవంతంగా ఉండటానికి వీటిని ధరించడంలో కూడా ప్రత్యేకత చూపించచ్చు.  జీన్స్ తో!! జీన్స్ ప్యాంట్స్ వేసుకునే వారు ఈ పోలో స్వెట్టర్స్ ధరిస్తే అధిరిపోతారు. బ్రైట్ కలర్స్ పోలో స్వెట్టర్స్ జీన్స్ తో కలిపి వేసుకుంటే చాలా మోడ్రన్ లుక్ వస్తుంది. ఇది రెగులర్ గానూ, పార్టీస్ కూ, ఔటింగ్ వెళ్లినప్పుడూ ఇలా అన్ని రకాలుగా భలే మ్యాచ్ అవుతుంది. డిఫరెంట్ లుక్స్!! విభిన్నత ఎప్పుడూ విశిష్టమైనదే. ఈ పోలో స్వెట్టర్స్ ధరించేటప్పుడు అదే ప్రయోగం చేయచ్చు. కేవలం జీన్స్ తో షైన్ అవ్వకుండా ప్లాంజో, స్కర్ట్ లతో కూడా వీటిని ధరించవచ్చు. అయితే కాసింత జాగ్రత్తగా పోలో స్వేట్టర్లను రంగుల వారిగా ఓ నాలుగైదు కొనుగోలు చేయగలితే రెగులర్ డ్రెస్ వేర్ లాగా రోజుకో రంగులో డిఫరెంట్ బాటమ్ ఐటమ్ తో బిందాస్ గా షేక్ అవ్వచ్చు. ఈ పోలో స్వెట్టర్స్ కూడా వెరీయేషన్స్ ఉంటాయి. వాటిలో నార్మల్ వెర్షన్, సీవ్లెస్ వెర్షన్, పొట్టిగా ఉండే క్నిట్ వెర్షన్, లో నెక్, ఫుల్ నెక్, బటన్స్ స్వెట్టర్స్, వితౌట్ బటన్స్, హాఫ్ హ్యాండ్ స్వెట్టర్స్ ఇలా బోలెడు ఉంటాయి. ఇవన్నీ కూడా వివిధ రంగులలో, వివిధ డిజైన్లలో లభ్యమవుతాయి. కాబట్టి చలిని కూడా రాక్ ఆన్ చెయ్యాలంటే పోలో స్వెట్టర్స్ ను తెచ్చేసుకోండి.                                                             ◆నిశ్శబ్ద.

వ్యాయామమంటే బోర్ కొడుతుందా?? ఇదిగో ఫిట్నెస్ మార్గాలు!

వ్యాయామమంటే బోర్ కొడుతుందా?? ఇదిగో ఫిట్నెస్ మార్గాలు! సాధారణంగా పెళ్ళై, పిల్లలు పుట్టిన తరువాత మహిళల శరీరంలో చాలా మార్పులు చోటుచేసుకుంటాయి. శరీరాకృతి చక్కగా ఉండటం కోసం ఆడవాళ్లు చాలా రకాల ప్రయోగాలు చేస్తుంటారు. కొంతమంది ఆడవాళ్లు తినే ఆహారాన్ని తగ్గించుకుంటే బరువు తగ్గి శరీరం సన్నగా అవుతుందనే అపోహలో ఉంటారు. కానీ అందరికీ తెలియాల్సిన ముఖ్యమైన విషయం ఏమిటంటే శరీరంలో ఉన్న కొవ్వులు తగ్గడానికి ఆహారం తగ్గించడం పరిష్కారం కానే కాదు. ఆహారాన్ని తగ్గించుకోవడం వల్ల శరీరానికి అందాల్సిన పోషకాలు అందవు. ఫలితంగా లావు ఉన్నా పోషకార లోపం వల్ల శరీరంలో కొన్ని భాగాలు సమస్యకు లోనవుతాయి.  ఇల్లు, పిల్లలు, ఉద్యోగం చూసుకుంటూ కూడా మహిళలు ఫిట్ గా ఉండటానికి అదిరిపోయే ఫిట్నెస్ టిప్స్ కొన్ని ఉన్నాయి. ఎంతో సులువైనవి, మరెంతో విభిన్నమైనవి అయిన ఈ టిప్స్ ఫాలో అయితే చక్కనైన శరీరాకృతి అందరి సొంతం అవుతుంది. మగవాళ్ల దారిలో వద్దు! రోజూ వ్యాయామాలు చేసేవారు చాలామంది తాము ఏమి చేస్తున్నాం అనే విషయాన్ని పెద్దగా గమనించుకోరు. వ్యాయామం చేస్తున్నాం అన్నది మెయిన్ పాయింట్ గా చూస్తారు తప్ప ఏ వ్యాయామం చేస్తున్నాం అనేది అవగాహన కూడా ఉండదు. మగవారికి, ఆడవారికి శరీర తత్వం వేరువేరుగా ఉంటుంది. దానికి తగ్గట్టే ఆడవారు పెళ్లయ్యాక గర్భం దాల్చడం, బిడ్డను మోయడం, ప్రసవం, పిల్లలకు పాలు ఇవ్వడం, ఇంకా ఇంటి పనులు వంటివి చేస్తుంటారు. శరీరంలో ఇన్ని మార్పులకు కారణమైన తరువాత ఆ శరీరానికి ప్రత్యేకమైన వ్యాయామం అవసరం అవుతుంది. టీవీ లలోనూ, యూట్యూబ్ లోనూ మగవాళ్ళు చేస్తున్న వ్యాయామాలు చూసి వాటిని ఫాలో అవకూడదు.  ఇదే మొదటి ఫిట్నెస్ మంత్రం. కొత్తదనం! వ్యాయామంలో కూడా బోలెడు రకాలు ఉంటాయి. ఎప్పుడూ ఒకటే కాకుండా ఒకో రోజు ఒకో విధమైన వ్యాయామాన్ని ప్లాన్ చేసుకోవాలి. ఇలా చేసుకుంటే వ్యాయామం చేసేటప్పుడు విసుగు ఉండదు. సరదాగా, ఉత్సాహంగా చేయగలుగుతారు. గాయాలతో జాగ్రత్త! వ్యాయామం చేసేటప్పుడు శరీరంలో వివిధ భాగాలలో గాయాలు అవుతుంటాయి.  గాయాలు అంటే బయటకు కనిపించేవి కావు. శరీరంలోపల కండర వ్యవస్థ దెబ్బతింటూ ఉంటుంది. ఇవి చాలా నొప్పిని కలిగిస్తాయి, ఇబ్బంది పెడతాయి కూడా. ఈ నొప్పులు అలాగే ఉన్నపుడు మళ్ళీ వ్యాయామం చేయడం మంచిది కాదు. అంతర్గత అవయవాలు దెబ్బతింటాయి. కాబట్టి గాయాలు అయినప్పుడు అవి తగ్గడానికి తగిన సమయం తీసుకోవాలి. సైడ్ స్టిచ్! వ్యాయామం చేయడం మొదలుపెట్టినప్పుడు పక్కటెముకల కింద నొప్పి రావడం సహజం. ఇది బ్రీతింగ్ ఎక్స్సర్సైజ్ వల్ల మెల్లగా తగ్గుతుంది. కాబట్టి ఈ సైడ్ స్టిచ్ ను తగ్గించుకోవడం చాలా ముఖ్యం. బ్రెస్ట్ ఎక్స్సర్సైజ్ మహిళలకు ఈ బ్రెస్ట్ ఎక్స్సర్సైజ్ అనేది చాలా ముఖ్యమైనది. పిల్లలు పుట్టిన తరువాత మహిళల రొమ్ము పరిమాణం, వాటి స్థితిలో మార్పులు వస్తాయి. అలాంటప్పుడు బ్రెస్ట్ ఎక్స్సర్సైజ్ అనేది డైలీ చేయడం వల్ల బ్రెస్ట్ ఫిట్నెస్ బాగుంటుంది. ఔటింగ్ వెళ్లడం! ఔటింగ్ వెళ్లడం అనేదాన్ని సాధారణంగా బయటకు వెళ్లడం అంటారు. సరదాగా అలా ఒక్కరే బయటకు వెళ్లడం వల్ల మానసికంగా రిలాక్స్ అయ్యే అవకాశం ఎక్కువగా ఉంటుంది. అందరి మద్యనా అన్ని పనులు చేస్తూ అలసిపోయేవారికి ఇదొక గొప్ప బ్రేక్ అవుతుంది. సౌకర్యవంతం ముఖ్యం! ఆహారం కావచ్చు, వ్యాయామం కావచ్చు శరీరానికి సౌకర్యవంతంగా ఉండాలి. మరీ రిస్క్ తీసుకునే వ్యాయామాల జోలికి మహిళలు వెళ్లకూడదు. వ్యాయామాల ఒత్తిడి నుండి శరీరాన్ని కాపాడుకోవడం చాలా ముఖ్యం. అలాగే ఆహారం విషయంలో రాజీ ఉండకూడదు. మంచి పోషకాహారం తీసుకోవడం చాలా ముఖ్యం. ట్రెడిషనల్ తో టార్గెట్! చిన్నప్పుడు తాడు ఆట, రన్నింగ్, డాన్సింగ్ వంటివి బాగా చేస్తుంటారు. వీటిని పిల్లలున్న మహిళలు కూడా నిరభ్యరంతంగా ఫాలో అవచ్చు. రోజూ చేస్తుంటే మంచి పలితాన్ని ఇస్తాయి ఇవి.  విసుగొద్దు! బద్దకం, విసుగు అనేవి వ్యాయామం విషయంలో రానీయకూడదు. ఒకవేళ వస్తే….. వ్యాయామం స్థానంలో పైన చెప్పుకున్న ట్రెడిషనల్ దారులున్నాయి. అలాగే ఔటింగ్ వెల్లచ్చు. సరదాగా వాకింగ్ చేసినట్టు ఉంటుంది.  ఇన్ని మార్గాలు ఫాలో అయితే మీ విషయంలో ఫిట్నెస్ పర్ఫెక్ట్ గా ఉంటుంది.                                        ◆నిశ్శబ్ద

ఇవి తెలిస్తే ఫ్యాషన్ ప్రపంచంలో మీరు ఐకాన్ అవుతారు!!

ఇవి తెలిస్తే ఫ్యాషన్ ప్రపంచంలో మీరు ఐకాన్ అవుతారు!! ఫ్యాషన్ ప్రపంచం చాలా పెద్దది. ఏదో ఒక కొత్తదనం ఆవిష్కారమవుతూనే ఉంటుంది. కొత్తదనం కోసం అమ్మాయిలు ఒక అడుగు ముందుగానే ఉంటారు. అయితే ఈ కొత్తదనం పాతదనంగా మారడానికి కూడా ఎంతోసేపు పట్టదు. ఫ్యాషన్ అభివృద్ధి చెందుతున్న వేగానికి నిన్న మార్కెట్ లోకి వచ్చినవి వారం తిరగకనే పాతదనం ఖాతాలో చేరిపోతున్నాయి. అలాంటప్పుడు అందరికీ అన్ని రకాలు కొనడం సాధ్యం కాకపోచ్చు. అలాగని కొత్తగా, అట్రాక్షన్ గా కనిపించాలి అనే ఆరాటం ఆగదు. అందుకే పోగైపోయిన బట్టల వైపు ఓ లుక్కేయమంటున్నాం. పోగైపోయినవి అన్నీ పాత ఇనప్పెట్టెలో సరుకులాంటిదే అని మూతి తిప్పుతారేమో. పాత ఇనప్పెట్టె బరువు, దాని క్వాలిటీ చాలా గొప్పవండోయ్. అందుకే దుస్తుల విషయంలో కూడా పాతబట్టల్లో నాణ్యత మెండుగా ఉంటుందని అర్థం చేసుకోవాలి. అలాగని మరీ చిరిగిపోవడానికి సిద్ధంగా ఉన్నవాటిని ఎవరూ ఎంపిక చేసుకోరు కదా!! చెక్కుచెదరకుండా ఉన్న పాతబట్టలతో అద్భుతమైన ఆవిష్కరణలు చేయచ్చు. దీనివల్ల మీలో ఉన్న నైపుణ్యం బయటకొస్తుంది. మీదగ్గరున్నవాటిని మీరు అద్భుతంగా మార్చడం వల్ల ఎంతో ఇష్టం ఏర్పడుతుంది. కొన్నాళ్లపాటు బట్టలు కొనాల్సివ అవసరం ఉండదు. అన్నిటికంటే ముఖ్యంగా మీ వార్డ్ రోబ్ కొత్తగా మెరుస్తుంది. ◆మీదగ్గర పొడవైన స్కర్ట్ లు ఉంటే వాటిని వేసుకోవడం అంతగా ఇష్టం లేదనిపిస్తే వాటిని మూలన పెట్టేసి ఉంటే ఇప్పుడు బయటకు తీయాల్సిన సమయం వచ్చేసింది. పొడవైన స్కర్ట్ లను మధ్యలోకి కట్ చేసి వాటిని తగినవిధంగా కుడితే నేటి ట్రెండ్ లో హాల్ చల్ చేస్తున్న ప్లాజో సిద్ధమైపోయినట్టే. వదులుగా ప్యాంట్ టైప్ లో ఉండే ఈ ప్లాజో ఎంతో ఫ్యాషన్ లుక్ ఇస్తాయి. టీషర్ట్, కుర్తీలతో వేసుకోవడానికి ఇవి ఎంతో బాగుంటాయి.  ◆ టూ మచ్ పొడవుగా ఉండే కుర్తాలు ఎప్పుడూ వేసుకోవడం బాగుండదు. ఎంతైనా ఫ్యాషన్ ప్రపంచంలో రొటీన్ అనేది చాలా విసుగైపోతున్న పదం. అందుకే పెద్దగా ఉన్నవాటిని షార్ట్ గా చేసుకుని ఎంచక్కా జీన్స్లోకి వేసుకోవచ్చు. అలాగే పైన చెప్పుకున్న ప్లాజో లోకి కూడా ఈ టైప్ కుర్తీస్ బాగుంటాయి. వీటి పొడవైన చేతులకు క్రియేటివిటీని జోడించి ఎంబ్రాయిడింగ్ లేదా ఇతర హ్యాండ్ వర్క్ చేస్తే మరింత అట్రాక్షన్ అవుతాయి. ◆ మనదగ్గరున్న ఈ కుర్తాలు ఇలా మార్చేసుకోవడం వల్ల ఆ డ్రెస్ లకు సంబంధించిన దుపట్టాలు అలాగే వార్డ్ రోబ్ లో వెక్కిరిస్తున్నట్టు కనిపిస్తాయి. వాటిని కూడా ఓ పట్టు పట్టచ్చు. వాటిని స్టోల్స్ లాగా మార్చచ్చు. ఇంకా మందం పాటి దుపట్టాలను షాల్స్ లాగా వాడొచ్చు. చలికాలంలో మఫ్లర్స్ లాగా కొన్ని ఉపయోగపడతాయి. మొత్తానికి ఇవేమీ వృధా అయిపోవు.  ◆ కొన్ని డ్రెస్సులకు ఇచ్చిన దుపట్టాలు భళే అందంగా ఉంటాయి. షిఫాన్, జార్జిట్, కాటన్ మొదలైన క్లాత్ లు అయితే ఇంకా బాగుంటాయి. వాటిని హాయిగా చిన్న టాప్స్ లాగా మార్పులు చేసుకోవచ్చు. ఈ టాప్స్ లోకి జీన్స్, ప్లాజో కాంబినేషన్ సూపర్ గా ఉంటుంది. ఇంకా వీటి మీదకు మీరే తయారుచేసుకున్న స్టోల్స్ వేసుకుంటే వారెవ్వా అని మిమ్మల్ని మీరు ముద్దాడేసుకుంటారు అద్దంలో చూసుకుని. ◆ కొన్ని పొడవాటి కుర్తాలు ఎంతో బాగుంటాయి. చూసి చూసి వాటిని కుదించాలంటే మనసు గిలగిలా కొట్టేసుకుంటుంది. అలాంటి కుర్తాలను హాయిగా స్కర్ట్ లుగా మార్చేసుకోవచ్చు. అప్పుడు అవి ఎంతో బాగుంటాయి. స్కర్ట్ ల మీదకు టాప్స్ లేదా టీషర్ట్ లు అధిరిపోతాయి. బొమ్మరిల్లు హసినిలా ముద్దుగుమ్మలైపోతారు. ◆ ఇప్పటి వరకు మనతో ఉండే బట్టల గురించి మాట్లాడుకున్నాం. ఇప్పుడు అమ్మ దగ్గరుండే అద్బుతాల వైపు చూడాలి. అమ్మల దగ్గర బోలెడు చీరలు ఉంటాయి. బరువున్నాయనో, రంగు నచ్చకో మరింకేకారణంతోనో అమ్మల దగ్గర చీరలు పోగుపడతాయి. ఒక చీర ఉందంటే ఓ డ్రస్సే తయారైపోద్ది. ముఖ్యంగా కొంగు దగ్గరున్న అట్రాక్షన్ తెచ్చి టాప్ ముందు వేస్తే అధిరిపోతారు. ◆ మీ దగ్గర చిన్న స్కర్ట్ లు ఉన్నాయా?? పెద్దోళ్లయిపోయారని వాటిని మూలన వేశారా?? వాటితోనూ ఒక కళాఖండం సృష్టించచ్చు అదే టోట్ బ్యాగ్. బయటకు వెళ్ళినప్పుడు షాపింగ్ కోసం ఇతర వస్తువులు తీసుకెళ్లడానికి స్కర్ట్ లతో టోట్ బ్యాగ్స్ తయారుచేసుకుంటే బావుంటుంది. ఇలా మనదగ్గరున్న వాటిని మరింత కొత్తగా ఆకర్షణగా మార్చుకుంటే మనమే ఫ్యాషన్ డిజైనర్లు, మనమే ట్రెండ్ సెట్టర్లు కూడా. మరింకెందుకు ఆలస్యం మొదలెట్టేయండి.                                    ◆నిశ్శబ్ద.  

ఎంతటి చలిలోనైనా వేడి పుట్టించే స్వెటర్స్...

ఎంతటి చలిలోనైనా వేడి పుట్టించే స్వెటర్స్... శీతాకాలం వచ్చేస్తోంది. మన బీరువాలను వెచ్చని బట్టలు కోసం సిద్ధం చేసుకోవాలి.మన శరీరాన్ని వెచ్చగా ఉంచడానికి ముఖ్యంగా కావాల్సినవి ఉన్ని దుస్తులు. కృత్రిమ ఉన్ని అనేది సిల్క్, ఉన్ని లేదా పత్తితో కూడిన ఆక్రిలిక్ మరియు మోడ్- ఆక్రిలిక్. మార్కెట్‌లో మనకు లభించే ఉన్ని కోట్లు చాలా వరకు కృత్రిమ ఉన్నితో తయారు చేయబడతాయి. మృదువుగా, వెచ్చగా మరియు తక్కువ బరువుతో ఉంటాయి. ఆహ్లాదకరమైన రంగులలో లభిస్తాయి. శీతాకాలంలోనూ ఫ్యాషన్ గా ఉండొచ్చు. ఉన్ని అనేది తరతరాలుగా అత్యంత ప్రజాదరణ పొందిన మరియు ప్రపంచంలోని అతి సాధారణ వస్త్రం. ఉన్ని ఫాబ్రిక్ అనేది గొర్రెలు, మేకలు, కుందేళ్ళు, ఒంటెలు తదితర జంతువుల ఉన్నిని ఏర్పరుచుకునే సహజ ఫైబర్స్ నుండి తయారు చేయబడుతుంది. ఉన్ని సాగేగుణం కలిగి ఉంటుంది మరియు వేడిని బాగా గ్రహించగలదు. ఉన్ని ఫ్యాషన్‌లో అన్ని వయసుల వారికి సరిపోయేలా అందమైన రంగులు మరియు డిజైన్‌లలో క్యాప్‌లు, స్వెటర్‌లు, గ్లోవ్స్, మఫ్లర్స్ , జాకెట్స్, వెయిస్ట్ కోట్లు, ష్రగ్స్ అందుబాటులో ఉంటాయి.   Click Here to Watch the Video

టూ స్మార్ట్ ఈ ట్రెండింగ్ హ్యాండ్ బ్యాగ్స్!

టూ స్మార్ట్ ఈ ట్రెండింగ్ హ్యాండ్ బ్యాగ్స్! ఏదైనా ఫంక్షన్, పార్టీ లలో ఆడవాళ్ళందరూ అటు ఇటు తిరుగుతున్నప్పుడు వాళ్ళ అందమైన మెరుపుల బట్టలు, ఆభరణాలు, అలంకారాలు మాత్రమే కాకుండా వాటి కోవలోకి వచ్చే మరో అందమైన ఆకర్షణ హ్యాండ్ బాగ్. ప్రతి ఒక్కరి చేతిలో ఖచ్చితంగా చిన్నవో, పెద్దవో హ్యాండ్ బాగ్ లు ఉండనే ఉంటాయి. కేవలం ఫ్యాషన్ లో భాగంగా మాత్రమే కాకుండా తమకు అవసరమైన బ్యూటీ ఇంకా ఇతర వస్తువులను తమ వెంట తీసుకెళ్లడానికి హ్యాండ్ బ్యాగ్స్ అనేవి తప్పనిసరి అవసరాల్లో భాగంగా మారిపోయాయి కూడా. అయితే ఈమధ్య కాలంలో హ్యాండ్ బ్యాగ్ ల విషయంలోకి వెళితే కేవలం అవసరానికే కాదు అదొక ఫాషన్ ఐకాన్ గా కూడా ఉంది. బోలెడు బ్రాండ్ లు, లెక్కలేనన్ని స్టయిల్స్. వీటిలో ఏది ఎంపిక చేసుకోవాలి అని అమ్మాయిలు తికమకపడుతుంటారు. అయితే ఆరు రకాల హ్యాండ్ బ్యాగ్ లు మీ దగ్గరుంటే అన్ని రకాలుగా మీకు భరోసాను, ఫ్యాషన్ ను, అట్రాక్షన్ ను, అమేజింగ్ లుక్ ను ఇస్తాయి. ట్రెండింగ్ లో ఉన్న ఆరు రకాల హ్యాండ్ బ్యాగ్ లు ఇవే మరి. క్రోచెట్ హ్యాండ్ బ్యాగ్!! సహజత్వంతో ఉట్టిపడే ఆకర్షణ ఈ క్రోచెట్ హ్యాండ్ బ్యాగ్ ల సొంతం. డ్రెస్సింగ్ వార్డ్ రోబ్ లో ఎన్ని రకాల దుస్తులు ఉన్నా, ఏ స్టైల్ దుస్తులకు అయినా ఈ హ్యాండ్ బ్యాగ్ లు మాచ్ అవుతాయి. పైగా చిన్న పెద్ద తరహా వస్తువులు కూడా వీటిలో వుంచుకోవచ్చు. మరీ ముఖ్యంగా ఇవి సహజంగా తయారయ్యేవి. ఎలాంటి కృత్రిమ పదార్థాలను వీటి తయారీలో ఉపయోగించరు. అందువల్ల పర్యావరణానికి హాని చేయవు.  టోట్ బ్యాగ్స్!! ఇవేవో కొత్తరకం అనుకుని తికమకపడక్కర్లేదు. సాధారణంగా వీటిని పత్తి, నూలుతో తేలికపాటిగా తయారుచేస్తారు. మన చిన్నపాటి వస్త్రాలతో కుట్టే చేతిసంచుల్లా ఉంటాయి. కాకపోతే వీటి మీద ఎమోజిస్, చిన్న చిన్న సెంటన్స్ లతో ఆకర్షణీయంగా చేస్తారు. సృజనాత్మకత ఉంటే మీరూ చేసుకోవచ్చు. ఇవి బరువు ఎక్కువ ఉండవు. చిన్న పెద్ద సైజ్ లలో కూడా లభిస్తాయి. ఎంచక్కా వీటిని మడతపెట్టి సాధారణ హ్యాండ్ బాగ్ లో కూడా పెట్టేసుకుని వెళ్ళచ్చు. బరువును చక్కగా హ్యాండిల్ చేస్తాయి. బయట షాపింగ్స్ కి మర్కెట్స్ కి వెళ్ళినప్పుడు వీటిని వెంట తీసుకెళ్తే ప్లాస్టిక్ వాడకానికి చెక్ పెట్టినట్టు ఉంటుంది, ఖర్చు ఆదా అవుతుంది. షోల్డర్ బ్యాగ్స్!! 1990 ల కాలంలో ఎంట్రీ ఇచ్చి ఓ ట్రెండ్ సృష్టించిన ఈ షోల్డర్ బ్యాగ్స్ అంటే ఇప్పటికీ ఏమాత్రం క్రేజ్ తగ్గలేదు. బోలెడు బ్రాండ్స్ ఈ బ్యాగ్స్ ను ఎప్పటికప్పుడు కొత్తగా తెస్తున్నాయి. పార్టిస్ లో ఈ బ్యాగ్స్ చాలా గ్రేస్ లుక్ ఇస్తాయి. ఎంతోమంది డ్రెస్ మ్యాచింగ్ బ్యాగ్స్ మైంటైన్ చేస్తారు కూడా. ఇవి ఇప్పట్లో భుజాలకు తగిలించుకోవడమే కాకుండా ఎంచక్కగా చేతులతోనే పెట్టుకోవచ్చు. లేడీస్ బ్యూటీ కిట్ లు ఇందులో హాయిగా సర్దేసుకోవచ్చు. మీడియం సైజ్ నుండి పెద్ద సైజ్ వరకు ఇవి అందుబాటులో ఉంటాయి. ఫ్యాని బ్యాగ్స్!! చేత్తో మోసే బరువు లేకుండా భలే ఉంటాయి ఈ ఫ్యాని బ్యాగ్స్. ఎంచక్కా నడుముకు బెల్ట్ లాగా పెట్టేసుకుంటే చేతులతో ఏవైనా మోసుకునే పనులుంటే అవి చేసుకోవచ్చు, లేదంటే హాయిగా చేతులూపుకుంటూ పోవచ్చు. అత్యవసరమైన చిన్న చిన్న వస్తువులు కూడా అందులోనే పెట్టుకోవచ్చు. మొబైల్, ఇయర్ ఫోన్స్, చార్జర్, పవర్ బ్యాంక్ ఇలాంటివన్నీ అందులోనే పెట్టేసుకోవచ్చు. పైగా అన్ని వయసుల వారికి ఇవి అనుకూలంగా ఉంటాయి. బకెట్ బ్యాగ్స్!! కాస్త దూరాలు వెళ్ళేటప్పుడు తేలికపాటి బరువులు మోసుకెళ్లడానికి ఇవి బాగా ఉపయోగపడతాయి. వీటికె కాదు ఔట్ డోర్ ఓకేషన్స్ కి వెళ్ళినప్పుడు పిక్-నిక్  లకు వెళ్ళినప్పుడు ఇవి భలే ఉంటాయి. క్రాస్ బ్యాగ్స్ గా కూడా బాగా లుక్ ఇస్తాయి. వీటన్నింటికంటే కిక్ ఇచ్చే విషయం ఇవి కాస్త స్పెషల్ అట్రాక్షన్ గా మోడ్రన్ గా ఉంటాయి.  మైక్రో బ్యాగ్స్!! పేరుకు తగ్గట్టు ఇవి బుల్లిబుల్లి బ్యాగ్స్, చేతిలో అట్టే పెట్టేసుకోవచ్చు, ఇంకా పొడవాటి థ్రెడ్ లాంటి హంగింగ్ సహాయంతో హ్యాండ్ బాగ్ లాగే భుజానికి వేసేసుకోవచ్చు. వీటిలో కేవలం క్రెడిట్ కార్డ్, మనీ, మహా అయితే మొబైల్ లాంటివి మాత్రమే పట్టినా అమ్మాయిలు బయటకు వెళ్ళేటప్పుడు ఎక్కువ ఇంటరెస్ట్ చూపించేది మాత్రం ఈ మైక్రో బ్యాగ్స్ కె. క్లచ్ లతోనూ, జిప్ ల తోనూ భలే ముచ్చటగా ఉండే ఈ బ్యాగ్స్ అందరి దగ్గరా కనీసం ఒక్కటైనా ఉండి తీరతాయి. ఇవీ ట్రెండింగ్ లో ట్రావెల్ చేస్తున్న హ్యాండ్ బ్యాగ్ లు. అమ్మాయిలందరినీ రారమ్మని పిలుస్తాయి మరి. మీకు నచ్చినవేవో తెచ్చేసుకొని వాడుకోండి.                                      ◆నిశ్శబ్ద.

కాబోయే అమ్మల కోసం కంఫర్ట్ డ్రస్సులు ఇవిగో!

కాబోయే అమ్మల కోసం కంఫర్ట్ డ్రస్సులు ఇవిగో! మహిళల జీవితంలో గర్భం దాల్చిన కాలం ఎంతో అపురూపమైనది. ఆ సమయంలో ఎంతో జాగ్రత్తగా మరెంతో ఆరోగ్యంగా ఉంటారు. అంతే కాకుండా కడుపులో పెరుగుతున్న బిడ్డకు అనుగుణంగా మహిళలు కూడా బరువు పెరగడం సహజం. ముఖ్యంగా పెరుగుతున్న కడుపు పరిమాణం వల్ల అప్పటివరకు తాము ధరించే దుస్తులు పక్కనపెట్టాల్సి వస్తుంది. కొంతమంది ధరించే దుస్తుల విషయంలో ఎంతో అసౌకర్యానికి గురవుతూ ఉంటారు. మరికొందరు ఇష్టం లేకపోయినా కొన్ని వేసుకుంటూ ఉంటారు. కానీ ఈ ప్రపంచంలో ఫాషన్ కు ఏంటి తక్కువ?? వెతికితే వెయ్యి రకాలు, కనీసం ఖచ్చితంగా ఎంపిక చేసుకోలేనన్ని, ఇదే నచ్చింది అని ఒక పట్టాన నిర్ణయించుకోలేనన్ని ఫాషన్ దుస్తులు ఉన్నాయి ఇప్పట్లో. ముఖ్యంగా అన్ని రకాల వారికి సరిపోయేలా దుస్తులను వ్యాపారంలోకి తీసుకొస్తూ వస్త్ర ప్రపంచాన్ని కొత్త పుంతలు తొక్కిస్తున్నారు. పబ్లిక్ లోకి వెళ్ళినప్పుడు అందంగా ఉంటూ, సౌకర్యాన్ని ఇచ్చే ఎన్నో రకాల ఔట్ ఫిట్స్ ఉన్నాయి కాబోయే అమ్మల కోసం.  ముఖ్యంగా ఎత్తుమడమ చెప్పులు వేసుకోవడం వదిలెయ్యాలి. వాటి స్థానంలో మెత్తగా ఉన్న చెప్పులు, షూస్ వాడాలి. ప్రెగ్నెంట్ గా ఉన్నప్పుడు కడుపు భాగం పెరుగుతుంది కాబట్టి సాధారణంగా టాప్స్ మాత్రమే మార్చాల్సిన అవసరం వస్తుంది. అందరూ మొదట సౌకర్యవంతంగా ఉందా లేదా అనే విషయాన్ని పరిగణలోకి తీసుకోవాలి తప్ప బట్టల ఖరీదు గురించి, అధిక ధర ఉండేవి వాడాలి, ట్రెండింగ్ లో ఉండాలి అని ఆలోచన చేయకూడదు.  ఇకపోతే చాలా మంది సిటీ లలో ఉండేవారు ధరించేవి టీ షర్ట్ లు. పెరుగుతున్న పొట్ట, వక్షోజాల పరిమాణానికి తగ్గట్టు లూజుగా ఉన్న టీ షర్ట్ లు వేసుకుంటే సౌకర్యవంతంగా ఉంటుంది. వీటిలోకి కాంబినేషన్స్ గా లెగిన్స్, ఇతర పాంట్స్ ఎలాగూ మార్కెట్లలో దొరుకుతాయి. టీ షర్ట్స్ ఏమైనా ఎబ్బెట్టుగా అనిపిస్తున్నాయి అనే అనుమానం ఉంటే ఎంచక్కా ఆ టీ షర్ట్స్ మీద కోట్స్ వేసుకోవచ్చు. శరీరానికి వెచ్చదనం ఇవ్వడంతో పాటు ఈ కోట్స్ ఫాషన్ గా కూడా ఉంటాయి. లాంగ్ గౌన్స్ నడుము భాగంలో ఫ్రీగా ఉంటూ ఎంతో సౌకర్యవంతంగా ఉంటాయి. వీటికి లోపల లెగిన్స్ వేసుకుంటే సరిపోతుంది. ప్రతిరోజు వ్యాయామం చేయడం గర్భవతులకు ముఖ్యం అలాంటి వారు చిన్న పాటి వ్యాయామాలు చేసేటప్పుడు వెల్వెట్ టైప్ ఫాబ్రిక్ ఉన్న టీ షర్ట్, ఫాంట్స్ ఉపయోగించాలి. ఇవి సాగే గుణం కలిగి ఉంటాయి, మెత్తగా కూడా ఉంటాయి కాబట్టి సౌకర్యవంతంగా ఉంటాయి. మార్కెట్లో పెద్దవాళ్ళు వేసుకునే స్కర్ట్స్ అందుబాటులో ఉంటాయి. టాప్స్ గా లూజ్ గా ఉన్న టీ షర్ట్ వేసుకుని స్కర్ట్స్ వేసుకుంటే సౌకర్యవంతంగానే ఉంటుంది.  అమ్మాయిల ఎక్కువ ఎంపిక చుడిదార్లు, సల్వార్ కమీజ్లు. ఇవి ఎక్కువగా మార్కెట్లో లభ్యమయ్యేవి కూడా. ధరలు కూడా అందరికీ అందుబాటులో ఉంటాయి. భారతీయ సాంప్రదాయత ఉట్టిపడే చీరకట్టుకు మించిన సౌకర్యవంతం ఎందులోనూ ఉండదు. అయితే అలవాటును బట్టి ఇది ఆధారపడిపడి ఉంటుంది.  వదులుగా ఉండే నూలు వస్త్రాలు ఏ సీజన్లో అయినా ఆడవారికి సౌకర్యవంతంగా ఉంటాయి.  అనార్కలి టైప్ డ్రెస్సులు కూడా ప్రెగ్నెన్సీ మహిళలకు మంచి ఆప్షనే. ఈమధ్య ఫాషన్ లోకి వచ్చిన ప్లాజో కూడా గర్భవతులకు బాగుంటాయి. వదులుగా ఉన్న పాంట్స్ కు తగ్గట్టు టాప్స్ కూడా సౌకర్యవంతంగా ఉంటాయివి. ఈ విధంగా గర్భవతులు ఫాషన్ ను ఏ మాత్రం వదులుకోకుండా బయటకు వెళ్ళినప్పుడు విభిన్న రకాలుగా తయారయ్యి అట్రాక్షన్ గా ఉండచ్చు. అయితే ఎంచుకునే రంగులు, శరీర తత్వాన్ని బట్టి బట్టల ఎంపిక ఆకర్షణను పెంచుతాయి. ఫైనల్ గా చెప్పేది ఒకటే శరీరానికి సౌకర్యం అనిపించినవి వేసుకోండి.                                      ◆నిశ్శబ్ద.

ట్రెండింగ్ జ్యువెలరీ టిప్స్ అదిరిపోతాయ్!

ట్రెండింగ్ జ్యువెలరీ టిప్స్ అదిరిపోతాయ్! అందమంటే అమ్మాయిలు, అమ్మాయిల దగ్గరే అందం తిష్టవేసుకుని ఉంటుంది.  అందాల రాశులుగా నలుగురిలో తిరుగుతూ ఉంటే అదరహో అని అందరూ అనుకోవాల్సిందే. అమ్మాయిలు ఫాలో అయ్యే డ్రెస్సింగ్ స్టైల్ పార్టీ లలోనూ, ఫంక్షన్ లలోనూ వేరుగా ఉంటుంది. పండుగలు, దైవ కార్యాలప్పుడు వేరుగా ఉంటుంది. వాటికి తగ్గట్టు అమ్మాయిలు అలంకరించుకోవడం, డ్రెస్సుకు తగ్గట్టు మ్యాచింగ్ గా మ్యాజిక్ చేస్తూ అందరి ముందుకు రావడం చూస్తే అమ్మో ఇన్ని ఫాషన్ లు ఉన్నాయా అని ముక్కున వేలేసుకోవాల్సిందే.  పార్టీలు, ఫంక్షన్ల లో అమ్మాయిలు వేసుకునే జ్యువెలరీ విషయంలో బోలెడు వెరైటీలు ఉన్నాయి. మెడలో వేసుకునే గొలుసులు, నెక్లెస్ లు, లాంగ్ చైన్స్, పూసల దండలు ఇలాంటివి చాలా ఉంటాయి. అయితే ఏది వేసుకోవాలి అనే విషయంలో కొంచెం తికమకపడుతూ ఉంటారు. ఇంకా కొన్నిసార్లు డ్రెస్సుకు తగిన మ్యాచింగ్ లేక దిగులు పడిపోతారు.  అంత దిగులు పడాల్సిందేమి లేదు. అయితే ప్రతి డ్రస్సులోకి మ్యాచింగ్ అయిపోయే జ్యువెలరీ రెండున్నాయి. అవి ఒకటి బంగారం, రెండు వెండి. ఇది అందరికీ తెలిసిందేగా ఇందులో కొత్తేముంది అనుకోకండి. ఈ బంగారం, వెండి ఆభరణాలు ధరించడంలోనూ, సాధారణమైన ఫ్యాషన్ జ్యూవెలరి ధరించడంలోనూ కొన్ని టిప్స్ పాటిస్తే అమ్మాయిల ఆకర్షణ మరింత పెరుగుతుంది.  ◆ ఒకే పొడవు ఉన్న జ్యువెలరీ అసలు వేసుకోకూకదు. ఇప్పట్లో సింగిల్ చైన్ వేసుకుని పార్టీలకు, ఫంక్షన్ లకు వెళుతున్నవాళ్ళు చాలా తక్కువ. అలాంటి వాళ్ళు చేసే పొరపాటు అదే. నచ్చాయి కదా అని ఒకటే పొడవున్న చైన్స్ వేసుకోకూడదు. అలా వేసుకుంటే ఒకదాంట్లో మరొకటి కలిసిపోయి వేసుకున్నది ఏంటో ఎవరికీ అర్థం కాదు. అందుకే పెద్దగా ఉన్నవి, వాటి మధ్యలో చిన్నగా ఉన్నవి వేసుకోవాలి.  ◆ చాలా సన్నగా ఉన్న చైన్స్ ని పార్టీలకు ఫంక్షన్ లకు వేసుకోకపోవడం మంచిది ఒకవేళ వేసుకున్నా అవి వీలైనంత వరకు లేయర్స్ లేకుండా ఉండేలా చూసుకోవాలి. లేకపోతే అవి గజిబిజి అయిపోతాయి. ◆ బంగారం, వెండి రెండింటిని కలిపి వాడితే లుక్ బాగుంటుంది.  ◆ పగడాలు, ముత్యాలు, పచ్చ, నీలం ఇలాంటి స్టోన్స్ తో ఉన్న జ్యువెలరీ కూడా గ్రాండ్ లుక్ ని ఇస్తుంది.  ◆ నార్మల్ చైన్ గా ఉండి దానికి లాకెట్ పెద్దగా ఉన్న జ్యువెలరీ చాలా అట్రాక్షన్ గా ఉంటుంది. అయితే లాకెట్ రంగు, డిజైన్ విషయంలో కాస్త టేస్ట్ అవసరం. బంగారం, వెండి, బీడ్స్, స్టోన్స్ ఎన్ని వెరైటీలు వున్నా వాటిని వేసుకోవడంలోనే లుక్ అంతా ఉంటుంది. ఫాషన్ ఐకాన్ గా కనిపించాలంటే ఆ మాత్రం ఫాలో అవ్వాలి కదా మరి.  ◆ నిశ్శబ్ద.

ఫెంటాస్టిక్... ఫ్యాబ్రిక్ జ్యూయెలరీ!

ఫెంటాస్టిక్... ఫ్యాబ్రిక్ జ్యూయెలరీ!     ఫ్యాషనబుల్ గా తయారవ్వాలన్న ఆకాంక్ష అందరిలోనూ పెరుగుతోంది. అందుకే మార్కెట్లో రోజుకో కొత్త ట్రెండ్ పుట్టుకొస్తోంది. పడతులకు రోజుకో కొత్త లుక్ తీసుకొస్తోంది. ప్రస్తుతం ఆ బాధ్యత తనదంటోంది ఫ్యాబ్రిక్ జ్యూయెలరీ. ఆభరణాలను దేనితో తయారు చేస్తారు? బంగారం... వెండి... ప్లాటినం... ఇంకా? మనకు తెలిసింది ఇంతే. కానీ ఫ్యాబ్రిక్ తో కూడా ఆభరణాలు తయారు చేయొచ్చంటున్నారు ఆధునిక ఫ్యాషన్ డిజైనర్లు. బట్టతో జ్యూయెలరీ ఏంటి అనుకుంటున్నారు కదూ! అదే మరి క్రియేటివిటీ అంటే. ఇప్పుడు ఫ్యాబ్రిక్ జ్యూయెలరీ న్యూ ట్రెండ్. బంగారం, వెండి, ప్లాటినం, డైమండ్స్... ట్రెండీగా కనబడటానికి, రిచ్ లుక్ ఇవ్వడానికి ఇవేమీ అవసరం లేదని నిరూపించడానికి వచ్చిందే ఫ్యాబ్రిక్ జ్యూయెలరీ. రకరకాల మెటీరియల్స్ తో... కళ్లు చెదరగొట్టే రంగుల్లో ఉండే ఈ ఆభరణాలని చూడటానికి రెండు కళ్లూ చాలవు.   నిజానికి వీటిని సొంతగా ఇంట్లోనే తయారు చేసేసుకోవచ్చు. వార్డ్ రోబ్ లో వాడకుండా పడేసిన దుపట్టాలు, డ్రెస్సులు, స్కార్ఫులు, చివరకు కర్ఛీఫులతో కూడా వీటిని తయారు చేసేసుకోవచ్చు. పూసలు, చెయిన్లు, రాళ్లు, ముత్యాలు... మీ ఇష్టాన్ని బట్టి డిజైన్ ని బట్టి ఏవి కావాలంటే వాటిని యాడ్ చేసుకోవచ్చు. కాకపోతే కాస్త క్రియేటివ్ గా ఆలోచించాలంతే. అయితే మీకు ఆ కష్టం మాత్రం ఎందుకనో ఏమో... మార్కెట్లో ఇవి తక్కువ ధరల్లో లభించేస్తున్నాయి. సిల్క్, కాటన్, వెల్వెట్... ఇలా రకరకాల క్లాత్ తో తయారు చేసిన ఆభరణాలు మార్కెట్లో లభిస్తున్నాయి. నెక్లెస్ లు, చెవిపోగులు, ఉంగరాలు, బ్రేస్ లెట్లు, వాచీలు... అవీ ఇవీ అని లేదు... ప్రతి దానికీ ఫ్యాబ్రిక్ సొబగులే. అక్కడక్కడా రాళ్లను, ముత్యాలను పొదిగి మరీ తయారు చేయడంతో ఇవి ఎంతో రిచ్ గా, అందంగా కనిపిస్తున్నాయి. తయారీకి వాడిన మెటీరియల్ ని బట్టి ధర.   ఫ్యాషనబుల్ గా కనిపించాలంటే కొత్తగా వచ్చి ప్రతి ట్రెండ్ నీ ఒడిసి పట్టేయాలి. అంటే ఈ ఫ్యాబ్రిక్ జ్యూయెలరీ కచ్చితంగా మీ దగ్గర ఉండి తీరాలి. మీ అందంతో అందరినీ కట్టి పడేయ్యాలనుకుంటే ఆలస్యం చేయకండి మరి!     - Sameera  

ఈకలతో ఈకాలం ఫ్యాషన్..

ఈకలతో ఈకాలం ఫ్యాషన్..     అమ్మాయిల అందం పెంచడంలో చెవి రింగులకు ప్రాధాన్యత చాలా ఉంటుంది. అలాంటి చెవి రింగులు రోజూ ఒకటే తరహావి పెట్టుకుంటే ఏం బావుటుంది. అప్పుడప్పుడు కొత్తవి కూడా ట్రై చేస్తూ ఉండాలి.  ప్రస్తుతం ఉన్న ఫ్యాషన్ కు తగ్గట్టు మన చెవి రింగులు ఎంపికచేసుకోవాలి. అలాంటి మోడల్స్ లో ఒకటే ఈ ఫెదర్ ఇయర్ రింగ్స్. మోడ్రన్ గా కనిపించడానికి ఇవి చాలా ఉపయోగపడతాయి.  పక్షి ఈకలతో తయారుచేసే ఈ ఫెదర్ ఇయర్ రింగ్స్ ఇప్పుడు మార్కెట్లో చాలా రకాలు దొరుకుతున్నాయి. ఇవి మోడ్రన్ దుస్తుల మీదకి అయితే బాగా నప్పుతాయి. మామూలు చుడీదార్స్ మీదకి కూడా బావుంటాయి. కానీ...  చుడీదార్స్ మీదకి ఈ రింగులు కొంచం జాగ్రత్తగా ఎంపికచేసుకోవాలి. మీరు కూడా ఒకసారి ట్రై చేయండి. మోడ్రన్ గా కనిపించండి...  

హాఫ్ మూన్ బ్యాగ్... సరికొత్త స్టైల్ స్టేట్మెంట్!

  హాఫ్ మూన్ బ్యాగ్... సరికొత్త స్టైల్ స్టేట్మెంట్!   మోడ్రన్ అమ్మాయికి మరింత మోడ్రన్ లుక్ తేవడంలో హ్యాండ్ బ్యాగ్స్ తక్కువ పాత్రేమీ పోషించవు. అందుకే ఎప్పటికప్పుడు మార్కెట్లోకి రకరకాల హ్యాండ్ బ్యాగులు వచ్చి హల్ చల్ చేస్తున్నాయి. ఇప్పుడు మరో కొత్త రకం బ్యాగ్స్ రంగప్రవేశం చేశాయి. అవే హాఫ్ మూన్ బ్యాగ్స్. పేరులోనే తెలుస్తోంది కదా వీటి ప్రత్యేకత ఏంటో! అవును... ఇవి అర్ధ చంద్రాకారంలో ఉంటాయి.   చందురుని మించిన అందం ఈ ప్రపంచంలో దేనికీ లేదంటారు. అలాంటి చంద్రునితోనే పోలుస్తున్నారంటే ఈ బ్యాగ్స్ ఎంత అందంగా ఉంటాయో ఊహించవచ్చు. ఊహించడం ఎందుకు! ఇక్కడ కనిపిస్తున్నాయి కదా... మీరే చూడండి. రకరకాల రంగులు... రకరకాల సైజులు... దేని అందం దానిది. దేని సొగసు దానిది. జీన్స్ వేసినా... స్కర్ట్ వేసినా... గౌను అయినా... కుర్తీ అయినా... దేనిమీదకైనా ఇవి నప్పుతాయి. మీకంటూ ఓ స్టైల్ స్టేట్మెంట్ ని క్రియేట్ చేస్తాయి. ముఖ్యంగా సమ్మర్ లో ధరించే షార్ట్ డ్రెస్సెస్ మీదికి ఇవి చక్కని కాంబినేషన్!       లెదర్, సాఫ్ట్ లెదర్, కాటన్... ఇలా రకరకాల మెటీరియల్స్ తో వీటిని తయారు చేస్తున్నారు. రకరకాల క్లచ్ లు అమర్చడం వల్ల కూడా వీటి అందం మరింత పెరుగుతోంది. హ్యాండ్ బ్యాగ్స్ ఇష్టపడని వాళ్లకి హాఫ్ మూన్ పర్సులు కూడా దొరకుతాయి. రాళ్లు, పూసలు వంటి వాటితో అలంకరించిన అందమైన బ్యాగ్స్ కూడా బోలెడు. మంచి క్వాలిటీ ఉన్నవి మూడు వందల నుంచి మొదలవుతున్నాయి.       ఇక లేట్ చేయకండి. ఇప్పటివరకూ మీ కలెక్షన్లో హాప్ మూన్ బ్యాగ్ లేకపోతే వెంటనే కొనేయండి. మాంచి లుక్స్ తో అదరగొట్టండి. బోలెడన్ని కాంప్లిమెంట్స్ కొట్టేయండి. - Sameera  

పాత ఫ్యాషన్‌ తిరిగివచ్చింది

పాత ఫ్యాషన్‌ తిరిగివచ్చింది   కాలం క్షణకాలం కూడా ఆగకుండా మారిపోతుంటుంది. దాంతో పాటే మన అభిరుచులు కూడా! దాన్నే మనం ట్రండ్ అంటాం. ఇవాళ ఉన్న ట్రెండ్‌ రేపు ఉండకపోవచ్చు. కానీ.... కానీ.... ఒకోసారి ఆ ట్రెండ్ తిరిగివచ్చేస్తే! పాతికేళ్లనాటి ఫ్యాషన్‌ మళ్లీ ర్యాంప్ మీద నడిచేందుకు సిద్ధమైపోతే! అలా ఇప్పుడు తిరిగొచ్చి దుమ్ము లేపుతున్న పాత ట్రెండ్స్‌ని ఓసారి చూద్దామా! Wide legged jeans నడం కిందకి దిగేకొద్దీ వెడల్పుగా ఉండే జీన్స్‌ ఓ పాతికేళ్ల క్రితం ఫ్యాషన్‌. బెల్‌బాటంను పోలిన ఈ ప్యాంట్స్ ఎంత త్వరగా వచ్చాయో అంతే తొందరగా మాయమైపోయాయి. కానీ ఓ రెండేళ్ల క్రితం ఫ్యాషన్ ప్రపంచంలోకి తిరిగి అడుగుపెట్టాయి. మళ్లీ ఈ ట్రెండ్ మాయమైపోయేలోగా ఓ జత తీసుకునేందుకు మనం తొందరపడాల్సిందే! Platform sandals ఎంత ఎత్తు హీల్‌ ఉంటే అంత ఫ్యాషన్. కానీ హైహీల్స్‌ గురించి వైద్యులు చెప్పే మాటలు అటుంచితే... నడవడానికి కూడా చాలా అసౌకర్యంగా ఉంటుంది. అందుకేనేమో సోల్ మొత్తం ఎత్తుగా ఉండే ఒకనాటి ప్లాట్‌ఫామ్‌ చెప్పులని ఫ్యాషన్ ప్రపంచం మళ్లీ వేసుకుని చూసుకుంటోంది. Bright Sunglasses సన్‌గ్లాసెస్ అంటే నల్లగానో, ట్రాన్స్‌పరెంటగానో ఉండే రోజులు పోయాయి. 90వ దశకంలో వచ్చిన నీలం, ఆకుపచ్చ రంగులతో తళతళ్లాడిపోయే కళ్లద్దాలకు మీద మళ్లీ జనం కన్ను పడింది. అంతేకాదు.... ఇప్పుడు కళ్లద్దాలు ఎలా ఉన్నా ఫ్యాషనే! గుండ్రంగా ఉన్నా, బాగా పెద్దగా ఉన్నా, స్టీల్ ఫ్రేంతో ఉన్నా... ఇప్పుడు ఫ్యాషన్ ప్రపంచం అంతా సన్‌గ్లాసెస్‌తోనే ఆడుకుంటోంది. Brown Lipstick ఒకప్పుడు ఏ రంగు కావాలంటే ఆ రంగు లిప్‌స్టిక్‌ పెట్టుకొనేవారు. రానురానూ జనం బుద్ధిగా పెదాల రంగుకి దగ్గరగా ఉండే లిప్‌స్టిక్‌నే వాడుతున్నారు. కానీ ఇప్పుడు పాత ట్రెండ్‌ తిరిగి వచ్చింది. కాంట్రాస్ట్‌ లిప్‌స్టిక్‌కి కాలం కలిసొచ్చింది. ముఖ్యంగా బ్రౌన్‌ రంగు లిప్‌స్టిక్‌ ఇప్పుడు ఫ్యాషన్ ప్రపంచంలో తప్పనిసరిగా పాటించాల్సిన ట్రెండ్‌! Huge Earrings చెవులకి వీలైనంత పెద్ద బుట్టల్ని వేసుకోవడం చాలా పాత ట్రెండే. దశాబ్దానికోసారి ఈ ట్రెండ్ మారుతూ.... ప్రస్తుతానికి మళ్లీ నిండైన బుట్టల మీదకి జనం మనసు మళ్లింది. సీరియల్స్ దగ్గర్నుంచీ ర్యాంప్ మీద నడకల వరకూ ఇప్పుడు బుట్టల మీదకే దృష్టి మళ్లుతోంది.     ఇవే కాదు... ఒకప్పుడు కుర్రకారుని వెర్రెత్తించిన డెనిమ్‌ జాకెట్స్, పాత సినిమాల్లో మాత్రమే కనిపించే షోల్డర్‌ ప్యాడ్స్ (shoulder pads) అన్నీ ఇప్పుడు తిరిగొస్తున్నాయి. కొత్తే కాదు... ఒకోసారి పాత కూడా వింతే అని రుజువుచేస్తున్నాయి.

మీ చేతుల్లోనే లేటెస్ట్ ఫ్యాషన్...

మీ చేతుల్లోనే లేటెస్ట్ ఫ్యాషన్...     ఆడవాళ్లు ట్రెండ్ ను ఫాలో అవడం అందరికి తెలిసిందే. కొత్త కొత్త లేటెస్ట్ ఫ్యాషన్ మార్కెట్ లోకి ఏది వచ్చిన కూడా దానిని ఫాలో అవడం చేస్తుంటారు. కానీ ట్రెండ్ ను ఫాలో అవడం కన్నా మీరే కొత్త ట్రెండ్ ను మీకోసం తయారు చేసుకోవచ్చు. కానీ కొన్ని జాగ్రత్తలు తీసుకోవడం వల్ల మన దుస్తులకు చక్కని లుక్ వస్తుంది. శరీరంలో ఛాతీ భాగం కాస్త బొద్దుగా ఉన్నవారు చేతుల విషయంలో జాగ్రత్తపడాలి. బుట్ట చేతులు, వదులుగా ఉండే చేతులు, కుచ్చులుండేలా.... అసలు కుట్టించుకోకూడదు.   ఒంటికి అతుక్కుని ఉండే మోడల్ ఎంచుకోవాలి. కింది భాగంలో వదులుగా ఉండేలా దుస్తులు కుట్టించుకుంటే పై భాగం నుంచి దృష్టి మళ్ళుతుంది. నడుం కిందిభాగం లావుగా ఉండేవారు దుస్తుల చేతులతో తమాషాలు చేయవచ్చు. రకరకాల కుచ్చులు, బుట్ట చేతులు, వదులుగా ఉండే పొడవు చేతులు, రఫెల్స్... ఇలా ఎన్నో రకాలు ప్రయత్నించవచ్చు. అప్పుడు పైన కింద బ్యాలెన్స్ అయ్యి ఆకృతి అందంగా కనిపిస్తుంది.   మీ చేతులు సన్నగా ఉన్నాయా? ఒంటికి అటుక్కున్నట్లు, వేలడుతున్నట్లుండే ఫ్యాబ్రిక్ కాకుండా కాస్త నిలబడి ఉండే వస్త్రం ఎంచుకోవాలి. పొడవు చేతులు, మూడొంతుల పొడవున్న చేతులు ఇలాంటివారికి బాగుంటాయి. చేతులు లావుగా ఉన్నాయా? మీరు తప్పనిసరిగా మూడొంతుల పొడవుండే వదులు చేతులు కుట్టించుకోవాలి. పొట్టి చేతులు మీకు బాగోవు.   చక్కటి కుచ్చులతో ఒక మంచి షర్టు మీ వార్డ్ రోబ్ లో లేదా? ఒక మీటరు మంచి లేసు తీసుకుని మీ దగ్గరున్న తెల్ల షర్టుకి కుట్టించుకోండి. మీ దగ్గర ఒక మంచి పొడవు చేతుల తెల్ల షర్టు ఉంది. దాన్ని స్కర్టు మీద ధరించినపుడు అలాగే వేసుకోండి. అదే ప్యాంటు మీద ధరించినపుడు అలాగే వేసుకోండి. అదే ప్యాంటు మీద ధరించినపుడు అంచుల్ని రెండు మడతలు పైకి మడిచారనుకోండి. స్టైల్ గా ఉంటుంది.

Mangalagiri Sarees

Mangalagiri Sarees Millennials. That is a buzzword, right? But, wait. Think about this: 90s-kid. Well, that’s not a word. It’s an emotion. We have a billion memories about sports, cinema, school, books, greeting cards and birthday parties. Let me add one more to the list. Our beautiful mothers, aunts and teachers. Wonder women who sported a colourful - more often than not starched - sarees. What of it?  How can we forget the mysterious man that would come home with a pile of sarees just before the festival session began? Like James Bond in Casino Royale, the saree-man would open the stack of sarees, spread them on the mat, as the ladies of the house and loved-thy-neighbours watched on with joy and amusement. Touching the saree with reverence, the man would explain to the cohort: this is from the holy town. May Goddess Lakshmi enter your house. The innocent kid in the home would walk into the scene and ask: “uncle, from where?” The temple town of Mangalgiri is famous for its simple cotton handloom sarees. The word Mangalgiri in Telugu translates as the auspicious hill. It is believed that Goddess Laxmi did her penance on this hill. The legend goes that Yudistira, the eldest of the pandavas, installed the main deity. And in so many other ways, the weave of Mangalagiri is closely connected to the temple town. Initially, the weavers came to the town to make sarees to the deity. Later, to those pilgrims that visited the deity. As a result, religion found its context in the region of Mangalagiri.  Ever since, the Mangalgiri earned its reputation for producing fine, simple cotton sarees (80-120 count). This was at a time when coarse cotton sarees were widely woven. Subsequently, the town attracted many more skilled weavers. In the past, Mangalagiri experienced a jolt when Muhammad Quli Qutb Shah lieved high taxes on the products. This led to higher prices and lower sales. As a result of this infamous tax regime, many weavers left their profession. Before it was too late, Qutb Shah realised his mistake and rolled back the taxes.  Over the years, Mangalgiri sarees have been worn by women of all walks of life. Mangalagiri’s plain body with the dark colours makes a saree suitable for women that work in the agricultural fields. More so, the fine weave makes it appropriate for the tropical weather of Andhra Pradesh and the surrounding regions. Over the years, the brilliantly creative weavers experimented with several patterns such as missing checks. Mangalagiri, as we know today, has distinct features such as: plain weave without any extra wefts, saree without border or at the most a small zari border, and zero design body. Most sarees are woven with the same colour. Rarely however, the weaver decides to work on a shot. This is a result of different colours for warp and weft, thus giving the garment a different colour altogether.  (A typical Mangalgiri saree with shot colours. Here, the yarn used for warp and weft are different colours.) It is interesting to know that it takes only one highly-skilled weaver to work on a Mangalagiri saree. The mission is accomplished in just a day or two. The weaver works with fine cotton, by using a simple or a missing weave technique. The choice of motif may be anything from Nizam border, tilakam, cross button, bulb. You know what? Until the 1950s, Mangalgiri used natural colours. But later, when the dyeing units were established in Guntur, and the weavers started to experiment with a myriad of colours. Thus, making Mangalagiri weave as beautiful as a rainbow. Up above the world so high. Like a diamond… Just, say it. Because Mangalagiri is worth it.  (This is a nizam border saree. Here, the weaver used cotton threads instead of zari.) (A simple Mangalgiri saree without zari and border) Mangalgiri, today, is one of the few handloom clusters that boasts of high demand. In recent years, surprisingly the sale of salwar kameez fabrics is outnumbering the saree sales. The fabric is easy to maintain and is not exorbitantly priced. Like a filter coffee, Mangalagiri is one of those few instances when cheap and best can be said in a single breath. How can we forget the breezy sight of our mothers and teachers flaunting their Managalagiri drape? You don’t need to take our work. Go and ask them whether they faced any difficulty maintaining it. They’d smile, and if you are lucky, they would even present you one. You are welcome.  About the author  Rajeswari is a handloom, handicraft enthusiast. As an active member of the Crafts Council, she endeavours to make a difference to Indian art and artisans alike. She is just a message away on Instagram: @rajeswarimavuri  

వర్షాకాలంలో ఎలాంటి దుస్తులు వేసుకోవటం మంచిది

  వర్షాకాలంలో ఎలాంటి దుస్తులు వేసుకోవటం మంచిది           వర్షాకాలం వచ్చేసింది... వర్షంలో బయటకు వెళ్ళాలంటే మాములుగా రెయిన్ కోటు లేదా గొడుగు తీసుకెళ్ళడం మాములే. కానీ మనం వేసుకునే బట్టలే కాస్త అప్పుడప్పుడు ఇబ్బందికి గురిచేస్తాయి. మరి ఈ వర్షాకాలంలో ముఖ్యంగా అమ్మాయిలు ఎలాంటి దుస్తులను ధరించాలి, ఎలాంటివి బాగుంటాయి అనేది తెలుసుకుందాం. అమ్మాయిలు కాటన్, సింథటిక్ ఫ్యాబ్రిక్ వంటి దుస్తులను వాడటం మంచిది. సాయంకాలం సమయంలో ఫ్రాక్స్, అనార్కలీ బాగుంటాయి. స్కిన్ టైట్, లేగ్గింగ్స్ కూడా బాగుంటాయి. అదేవిధంగా చీరలు, చుడిదార్లు వేసుకునే వారు శాండిల్స్, షూస్ వంటి వాటిని వేసుకుంటే మంచిది. హ్యాండ్ బ్యాగులు చిన్న సైజులో కాకుండా, కాస్త పెద్దవిగా ఉన్నవి వాడితే బాగుంటాయి. అయితే ఇక్కడ గుర్తున్చోకోవాల్సిన ఒక విషయం ఏమిటంటే... వర్షాకాలంలో ఎప్పుడు కూడా ట్రాన్స్పరెంట్ బట్టలను వాడకపోవడం ఉత్తమం.  

మనసుదోచే మువ్వల పట్టీలు

మనసుదోచే మువ్వల పట్టీలు     వయసుతో ఎటువంటి సంబంధం లేకుండా చిన్న పిల్లల నుండి పెద్దవాళ్ళ వరకు ఆడవాళ్లందరూ ఇష్టపడేవి కాలి పట్టీలు. గొలుసులు, గాజులతోపాటు ఆడవాళ్ళు రోజూ ధరించే ఆభరణంగా స్థిరపడిపోయాయి కాలి పట్టీలు. కాస్త అడుగులేసే వయసు రాగానే కూతురుకు ముందుగా మువ్వల పట్టీలు చేయించి పెడతారు అమ్మా నాన్నలు. వారి బుజ్జి బుజ్జి అడుగులకు ఆ మువ్వల గలగలలు తోడై ఇల్లంతా తిరుగుతుంటే మురిసిపోతారు.   ఈనాటి అమ్మాయిలకు సంప్రదాయ దుస్తులు ధరించడమే బద్ధకంగా భావిస్తున్నారు. కానీ, కాలి పట్టీలు కూడా కాలానుగుణంగా తమ రూపురేఖలు మార్చుకుని ఆధునికతను సంతరించుకున్నాయని వారు తెలుసుకోవడం లేదు. పట్టు లంగా, వోణీ వేసుకున్నా, జీన్స్, టీషర్ట్ వేసుకున్నా వారి వస్త్రాధరణకు తగినట్టుగా ఎన్నో పట్టీలు మార్కెట్‌లో లభిస్తున్నాయి. అంతేకాదు, తమ అభిరుచికి తగ్గట్టుగా వాటిని మార్చుకుని, మాచింగ్‌గా కూడా చేసుకోవచ్చు.     సాధారణంగా కాలి పట్టీలు వెండి లేదా బంగారంతో తయారుచేస్తారు. కాని ఈరోజు మార్కెట్లో ఎన్నో రకాల కాలి పట్టీలు అందుబాటులో ఉన్నాయి. చెక్క పూసలు, బ్లాక్‌మెటల్, రంగు రంగుల పూసలు, రాళ్లు, ముత్యాలు, మువ్వలు, గొలుసులు.. చివరకు ప్లాస్టిక్ గొట్టాలు, లెదర్‌తో చేసిన పట్టీలు కూడా దొరుకుతున్నాయంటే నమ్ముతారా? ఇవి జీన్స్, స్కర్ట్స్, మినీస్, కాప్రీలు మొదలైన డ్రెస్సులకు అనువుగా మాచింగ్‌గా ఉంటాయి. అందుకే కాలేజీ అమ్మాయిలు ఇటువంటి అధునాతనమైన పట్టీలు పెట్టుకోవడానికి ఆసక్తి చూపిస్తున్నారు.       అలాగని ఎప్పటికీ అవే వేసుకోవాలంటే కూడా ఇష్టపడరు. పెళ్లిళ్ళు, పార్టీల కోసం వారు ధరించే పట్టు, హెవీవర్క్ చీరలు, డ్రెస్సులకు ధీటుగా బంగారు నగలకు ఏ మాత్రం తీసిపోని పనితనంతో రంగు రంగుల రాళ్లు, ముత్యాలు, పూసలు, క్రిస్టల్స్ పెట్టి తయారుచేసిన కాలి పట్టీలు కూడా దొరుకుతున్నాయి. వెండి, బంగారంతో చేసినవి ఒకటో, రెండో కాలి పట్టీలు కొనుక్కునే బదులు ఇలాంటివి డ్రెస్సులకు మాచింగ్ ఉండేట్టు ఎన్నైనా కొనుక్కోవచ్చు.       అంతేకాదు అమ్మాయిలు తమ కొత్త డ్రెస్సులకు, అందులోని రంగులకు మాచింగ్‌గా కూడా పట్టీలు చాలా సులువుగా తయారుచేసుకోవచ్చు. ఇవన్నీ ఎక్కువ ఖరీదు కూడా ఉండవు. అందువలన ఈ పట్టీలు విరివిగా అమ్ముడవుతున్నాయి. పండగ, పెళ్లి, పార్టీ, పుట్టిన రోజు వచ్చినా, డ్రెస్సుతోపాటు కొనుక్కునే మాచింగ్ గాజులు, నగలలో కాలిపట్టీలు కూడా చేరిపోయాయి. ఎంతైన ఆ మువ్వల సవ్వడి వింటే అబ్బాయిలు కూడా ఫ్లాట్ అయిపోవాల్సిందే మరి.  

కార్వింగ్ స్టోన్స్ తో స్పెషల్ లుక్

కార్వింగ్ స్టోన్స్ తో స్పెషల్ లుక్ సహజంగా ఫుడ్ ఐటమ్స్ అందంగా కనిపించడానికి మనం కార్వింగ్ చేస్తాం. మరి మనం అందంగా కనిపించాలంటే... సాధారణంగా ఆడవాళ్లు చెప్పులు, గాజులు, చెవిరింగులు వంటి వాటిపైన ఆసక్తి చూపిస్తారు. కానీ మెడలో వేసుకొనే వాటిపైన ఎక్కువ దృష్టి పెట్టరు. రోజూ ఒకే మోడల్ చైన్ వేసుకుంటే ఏం బావుంటుంది. అప్పడప్పుడు ఫ్యాషన్ కు తగట్టు మారుస్తూ ఉండాలి. అలా ఫ్యాషన్ గా ఉండే చైన్స్ లో కార్వింగ్ స్టోన్ డిజైన్ చైన్స్ మార్కెట్లో దొరుకుతున్నాయి. ఇవి చాలా ఫ్యాషనబుల్ గా ఉంటాయి. రకరకాల ఆకారాలలో రంగు రాళ్లతో చెక్కే ఈ డిజైన్స్ జీన్స్, డ్రస్ ల పైకే కాదు చీరల పైన కూడా వేసుకోవచ్చు. మోడ్రన్ గా ఉండే కాలేజ్ స్టూడెంట్స్ కి అయితే బాగా నప్పుతాయి. నలుగురిలో ప్రత్యేకంగా కనపడతారు. అయితే మీరు కూడా అలా కనిపించాలనుకుంటే ఒకసారి ట్రై చేయండి.      

Tulle looks for Baby Portraits

Tulle looks for Baby Portraits   Baby portraits are the cutest photographs one could display at home or on any wall ! Dressing up babies for a portrait picture is a tough job but not a long task to achieve...which color or what material is the question, if the answer is found then the actual job is short, just one piece of a dress..similar to their cute little size ! As we spoke about Crochet dresses in our earlier article, today its the Tulle's turn ! Netted materials flaunt a fairy kinda look and give a photograph a cute appeal..and the baby looks the cutest in it too...usually the pastel shades look good but the brightest of the colors dont spoil it either. Specially, Easter occasional portraits canbe the best shot in Tulle looks.     A simple little skirt can make it stand out. Tulle materials are available at most fabric or craft stores, in India and America too. Just buy a metre fabric and sew into a skirt with a soft elastic band or a satin ribbon to tie around, your desired look is so easy. What background the photographer arranges is not your headache, just find out which color fabric suits the baby the best in the portrait and you get the dress ready and one or two accesories for a little girl...boys dont need even those. All this homework and these looks concern is for girls..i wonder how Tulle can be used for a little Boy's portrait atall !   The more you spend, the softer the material. Some come in shimmery looks and self prints or embroidery designs. You can even think of Tulle skirts and Lehengas for her First Birthday...it gives such a Grand Princess kinda look...coordinate it with a Tulle Bow head band and you are done..your picture album is a perfect one !! Tulle can even decorate a Child's Nursery room as a Window Half curtain or a Crib skirt. Just give your creativity some sharpness and tell Tulle to work its majic !! ...Prathyusha