.WEBP)
రూ.200 కోట్ల కేసులో నోరా ఫతేహీకి కోర్టు సమన్లు.. అస‌లేం జ‌రిగిందంటే.?
బాలీవుడ్ నటి నోరా ఫతేహీ మరోసారి వార్తల్లో నిలిచారు. ఇప్పటికే కోట్లాది రూపాయల మనీలాండరింగ్, మోసం కేసులో విచారణను ఎదుర్కొన్న ఆమెకు తాజాగా ఢిల్లీ కోర్టు సమన్లు జారీ చేసింది. రూ.200 కోట్ల వసూళ్ల కేసులో సాక్షిగా హాజరు కావాలని ఆదేశించింది. ఈ కేసులో ప్రధాన నిందితుడిగా ఉన్న సుకేశ్ చంద్రశేఖర్‌తో నోరాకు ఉన్న పరిచయాల నేపథ్యంలో ఆమె వాంగ్మూలం కీలకంగా మారనుంది. నవంబర్ 2న ఢిల్లీలోని రౌస్ అవెన్యూ కోర్టులో హాజరు కావాలని న్యాయస్థానం ఆదేశించింది. అసలు ఈ రూ.200 కోట్ల కేసు విషయానికి వస్తే.. ఢిల్లీ రోహిణి జైలులో ఉన్న సమయంలో సుకేశ్ చంద్రశేఖర్ ప్రభుత్వ ఉన్నతాధికారిగా నటిస్తూ పలువురిని మోసం చేసినట్లు ఆరోపణలు ఉన్నాయి. మాజీ రాన్‌బాక్సీ ప్రమోటర్ శివిందర్ మోహన్ సింగ్ భార్య అదితి సింగ్ నుంచి సుమారు రూ.200 కోట్లు వసూలు చేసినట్లు ఢిల్లీ పోలీసులు ఆరోపిస్తున్నారు. జైలులో ఉన్న తన భర్తకు బెయిల్ ఇప్పిస్తానని నమ్మించి 2020-21 మధ్య కాలంలో ఈ డబ్బులు తీసుకున్నట్లు కేసు నమోదైంది. ఈ వ్యవహారంపై ఢిల్లీ పోలీసుల ఎకనామిక్ అఫెన్సెస్ వింగ్ విచారణ జరిపి ఛార్జ్‌షీట్ దాఖలు చేసింది. ఇక ఈ కేసుకు సంబంధించి గతంలోనే నోరా ఫతేహీని పోలీసులు విచారించారు. సుకేశ్ చంద్రశేఖర్, అతని భార్య లీనా మరియా పాల్‌తో ఆమెకు ఉన్న పరిచయాల గురించి ప్రశ్నించారు. ఈ సందర్భంగా సుకేశ్‌తో తనకు నేరుగా కాకుండా అతని భార్య ద్వారానే పరిచయం ఏర్పడిందని నోరా విచారణలో తెలిపినట్లు సమాచారం. అంతేకాకుండా 2020 డిసెంబర్‌లో చెన్నైలో జరిగిన ఓ కార్యక్రమానికి ఆమె హాజరైన విషయంపై కూడా పోలీసులు ఆరా తీశారు. అప్పట్లో ఆమె వాంగ్మూలాన్ని కూడా నమోదు చేశారు. తాజాగా దాఖలైన మూడో అనుబంధ ఛార్జ్‌షీట్‌లో నోరా ఫతేహీని లిస్టెడ్ విట్‌నెస్ (LW-3)గా పేర్కొన్నారు. ఈ నేపథ్యంలోనే ఆమెను ప్రాసిక్యూషన్ తరఫు సాక్షిగా కోర్టుకు పిలిచారు. అయితే ఈ కేసులో నోరా ఫతేహీ నిందితురాలు కాదు.. సాక్షిగా మాత్రమే హాజరు కావాల్సి ఉంది. గతంలోనూ ఆమె ప్రతినిధులు అక్రమ కార్యకలాపాలతో నోరాకు ఎలాంటి సంబంధం లేదని స్పష్టం చేశారు. మరి నవంబర్ 2న కోర్టులో ఆమె ఇచ్చే వాంగ్మూలం ఈ కేసులో ఎలాంటి పరిణామాలకు దారితీస్తుందో చూడాలి. [Nora Fatehi, Nora Fatehi Summons, Sukesh Chandrashekhar Case, 200 Crore Extortion Case, Nora Fatehi Court News, Bollywood News, Jacqueline Fernandez]
Oct 31, 2026 4:31PM
12 అవార్డులతో సత్తా చాటిన ‘ధురంధర్’.. ఐఫాలో రణవీర్ సింగ్ హవా.!
ప్రతిష్టాత్మక ఐఫా అవార్డ్స్-2026 విజేతల జాబితా విడుదలైంది. ఈసారి అవార్డుల్లో బాలీవుడ్ స్టార్ హీరో రణ్వీర్ సింగ్ నటించిన ‘ధురంధర్’ సినిమా సత్తా చాటింది. ఆదిత్య ధర్ దర్శకత్వంలో తెరకెక్కిన ఈ చిత్రం ఏకంగా 12 అవార్డులను సొంతం చేసుకుని విజేతగా నిలిచింది. ముఖ్యంగా ఉత్తమ నటుడిగా రణ్వీర్ సింగ్ అవార్డు అందుకోగా.. ఉత్తమ దర్శకుడిగా ఆదిత్య ధర్ ఎంపికయ్యారు. ఇక ఉత్తమ చిత్రంగా కూడా ‘ధురంధర్’ నిలవడం విశేషం. ఐఫా ప్రధాన అవార్డుల విషయానికి వస్తే.. ‘సైయారా’ సినిమాతో ప్రేక్షకులను ఆకట్టుకున్న అనీత్ పడ్డా ఉత్తమ నటిగా అవార్డు అందుకున్నారు. ‘ధురంధర్’లో ప్రతినాయకుడిగా మెప్పించిన అక్షయ్ ఖన్నా ఉత్తమ నెగెటివ్ రోల్ అవార్డు సొంతం చేసుకున్నారు. ఇదే సినిమాలో నటించిన సంజయ్ దత్ ఉత్తమ సహాయ నటుడిగా నిలిచారు. ‘జాలీ ఎల్‌ఎల్‌బీ 3’ చిత్రానికి గాను హ్యూమా ఖురేషి ఉత్తమ సహాయ నటిగా అవార్డు అందుకున్నారు. ఇక ఉత్తమ సంగీత దర్శకుడిగా శాశ్వత్ సచ్‌దేవ్, ఉత్తమ గీత రచయితగా ఇర్షాద్ కామిల్, ఉత్తమ గాయకుడిగా ఫహీమ్ అబ్దుల్లా, ఉత్తమ గాయనిగా శ్రేయా ఘోషల్ అవార్డులు దక్కించుకున్నారు. సాంకేతిక విభాగాల్లోనూ ‘ధురంధర్’ హవా కొనసాగింది. ఉత్తమ ఒరిజినల్ కథ, స్క్రీన్‌ప్లే, సంభాషణలు, సినిమాటోగ్రఫీ, ఎడిటింగ్, సౌండ్ డిజైన్ వంటి విభాగాల్లో ఈ సినిమా అవార్డులు గెలుచుకుంది. మరోవైపు ‘ఛావా’ సినిమాకు ఉత్తమ సౌండ్ మిక్సింగ్, ఉత్తమ స్పెషల్ ఎఫెక్ట్స్ విభాగాల్లో అవార్డులు లభించాయి. ‘వార్ 2’ సినిమాలోని ‘ఆవాన్ జావాన్’ పాటకు ఉత్తమ కొరియోగ్రఫీ అవార్డు దక్కింది. ఇక ‘ఆజాద్’ సినిమాతో పరిచయమైన రాషా తడానీ ఉత్తమ తొలి సినిమా నటిగా, ‘సైయారా’ హీరో అహాన్ పాండే ఉత్తమ తొలి సినిమా నటుడిగా ఎంపికయ్యారు. ఇక ఐఫా డిజిటల్ అవార్డుల్లోనూ పలువురు విజేతలుగా నిలిచారు. ‘బారాముల్లా’ ఉత్తమ చిత్రంగా నిలవగా.. ‘స్టోలెన్’ సినిమాకు దర్శకత్వం వహించిన కరణ్ తేజ్‌పాల్ ఉత్తమ దర్శకుడిగా అవార్డు అందుకున్నారు. ‘స్టోలెన్’లో నటించిన అభిషేక్ బెనర్జీ ఉత్తమ నటుడిగా, ‘మిసెస్’ చిత్రానికి సన్యా మల్హోత్రా ఉత్తమ నటిగా ఎంపికయ్యారు. ఇక షారుఖ్ ఖాన్ తనయుడు ఆర్యన్ ఖాన్ దర్శకత్వం వహించిన ‘ది బ్యాడ్స్ ఆఫ్ బాలీవుడ్’ ఉత్తమ వెబ్ సిరీస్‌గా నిలవడంతో పాటు ఆయనకు ఉత్తమ వెబ్ సిరీస్ దర్శకుడి అవార్డు కూడా దక్కింది. ఇలా సినిమా, డిజిటల్ విభాగాల్లో పలువురు ప్రతిభావంతులను ఐఫా-2026 అవార్డులు వరించాయి. [IIFA Awards 2026, Dhurandhar Movie, Ranveer Singh Best Actor, IIFA Winners List 2026, Aditya Dhar, Aneet Padda, Akshaye Khanna, Aryan Khan, Bollywood News]
Oct 31, 2026 4:19PM
‘రామాయణ’ సెన్సార్ పూర్తి, ఫిదా అయిన బోర్డు.. రన్‌టైమ్ ఎంతో తెలిస్తే షాక్ అవుతారు.!
భారతీయ ఇతిహాసం రామాయణం ఆధారంగా తెరకెక్కుతున్న భారీ చిత్రం కోసం దేశవ్యాప్తంగా సినీ ప్రేక్షకులు ఆసక్తిగా ఎదురుచూస్తున్నారు. బాలీవుడ్ స్టార్ రణ్బీర్ కపూర్ శ్రీరాముడిగా, సాయిపల్లవి సీతాదేవిగా, కన్నడ స్టార్ యశ్ రావణుడిగా నటిస్తున్న ఈ చిత్రానికి నితేశ్ తివారీ దర్శకత్వం వహిస్తున్నారు. ఇప్పటికే విడుదలైన ప్రచార చిత్రాలు, టీజర్ సినిమాపై భారీ అంచనాలను పెంచాయి. ఈ నేపథ్యంలో తాజాగా ఈ సినిమాకు సంబంధించిన మరో ఆసక్తికరమైన వార్త బయటకు వచ్చింది. సెన్సార్ బోర్డు ఈ చిత్రానికి ఎలాంటి కట్స్ సూచించకుండా యు సర్టిఫికెట్ మంజూరు చేసింది. దీంతో అన్ని వయసుల ప్రేక్షకులు ఈ సినిమాను చూడటానికి అవకాశం కలిగింది. బాలీవుడ్ హంగామా కథనం ప్రకారం, సెంట్రల్ బోర్డ్ ఆఫ్ ఫిల్మ్ సర్టిఫికేషన్ (CBFC) ఎగ్జామినింగ్ కమిటీ ఈ సినిమాను పరిశీలించి ఒక్క ఆడియో లేదా విజువల్ కట్ కూడా సూచించలేదు. అంతేకాదు, సాధారణంగా కొన్ని సినిమాలకు సెన్సార్ బోర్డు సూచించే అదనపు మార్పులు కూడా ఈ చిత్రానికి అవసరం కాలేదని సమాచారం. అక్టోబర్ 30న చిత్ర నిర్మాతలకు సెన్సార్ సర్టిఫికెట్ అందినట్లు తెలుస్తోంది. ఈ సినిమాకు యు సర్టిఫికెట్ రావడం మరో ప్రత్యేకత. సాధారణంగా భారీ యాక్షన్, యుద్ధ సన్నివేశాలు ఉండే సినిమాలకు యు/ఎ సర్టిఫికెట్ రావడం చూస్తుంటాం. కానీ రామాయణం కథను అన్ని వయసుల వారు చూడగలిగేలా యు సర్టిఫికెట్ ఇవ్వడం విశేషంగా మారింది. ఇక ఈ సినిమా నిడివి విషయానికి వస్తే.. మొత్తం 195 నిమిషాలు అంటే 3 గంటల 15 నిమిషాలుగా సెన్సార్ సర్టిఫికెట్‌లో నమోదైంది. ఇంతటి భారీ నిడివితో సినిమా రావడం కూడా ఆసక్తికరంగా మారింది. రామాయణంలోని ప్రధాన పాత్రలు, వాటి నేపథ్యాలు, అరణ్యవాసం, సీతాపహరణం వంటి కీలక ఘట్టాలను ఎంత విస్తృతంగా చూపించబోతున్నారనే ఆసక్తి ప్రేక్షకుల్లో నెలకొంది. ఈ చిత్రం రెండు భాగాలుగా ప్రేక్షకుల ముందుకు రానుండగా, తొలి భాగంలో రాముడి ప్రయాణం, రావణుడితో సంఘర్షణకు దారితీసే పరిణామాలు ప్రధానంగా ఉండనున్నాయి. రణ్బీర్ కపూర్ రాముడిగా, సాయిపల్లవి సీతగా, యశ్ రావణుడిగా కనిపించనుండగా.. సన్నీ డియోల్ హనుమంతుడిగా, రవి దూబే లక్ష్మణుడిగా నటిస్తున్నారు. అరుణ్ గోవిల్ దశరథుడిగా, లారా దత్త కైకేయిగా, రకుల్ ప్రీత్ సింగ్ శూర్పణఖగా కనిపించనున్నారు. నమిత్ మల్హోత్రా నిర్మిస్తున్న ఈ చిత్రాన్ని నవంబర్ 5న ప్రపంచవ్యాప్తంగా విడుదల చేయడానికి సన్నాహాలు చేస్తున్నారు. ఇంతటి భారీ తారాగణం, భారీ నిర్మాణ వ్యయంతో తెరకెక్కిన ఈ సినిమా ప్రేక్షకులకు ఎలాంటి అనుభూతిని అందిస్తుందో చూడాలి. [Ramayana Movie, Ranbir Kapoor, Sai Pallavi, Yash, Ramayana Censor Report, Ramayana Runtime, Nitesh Tiwari, Ramayana Release Date]
Oct 31, 2026 2:24PM
ప్రసవ వేదనలోనూ నాట్యం ఆపని కళాకారిణి.. ఆమె కథలో శ్రద్ధా కపూర్!
బాలీవుడ్‌లో బయోపిక్ సినిమాలకు ఎప్పుడూ ప్రత్యేకమైన ఆదరణ ఉంటుంది. ముఖ్యంగా నిజ జీవితంలో ఎన్నో కష్టాలను ఎదుర్కొని, తమ ప్రతిభతో చరిత్రలో నిలిచిపోయిన వ్యక్తుల కథలను వెండితెరపై ఆవిష్కరించేందుకు దర్శకులు ఆసక్తి చూపిస్తుంటారు. ఈ క్రమంలో ‘ఛావా’ వంటి భారీ విజయాన్ని అందుకున్న దర్శకుడు లక్ష్మణ్ ఉటేకర్ మరో ఆసక్తికరమైన బయోపిక్‌తో ప్రేక్షకుల ముందుకు వస్తున్నారు. అదే ‘ఈఠా’. బాలీవుడ్ నటి శ్రద్ధా కపూర్ ప్రధాన పాత్రలో నటిస్తున్న ఈ సినిమా ట్రైలర్‌ను తాజాగా మేకర్స్ విడుదల చేశారు. మహారాష్ట్రకు చెందిన ప్రముఖ లావణీ, తమాషా కళాకారిణి వితాబాయి నారాయణ్‌గావ్‌కర్ జీవితాన్ని ఆధారంగా చేసుకుని ఈ చిత్రాన్ని రూపొందించారు. ట్రైలర్‌లో శ్రద్ధా కపూర్ లావణీ నృత్యకారిణిగా అద్భుతంగా కనిపించారు. సంప్రదాయ మరాఠీ వస్త్రధారణలో వేదికపై నృత్యం చేస్తూ ప్రేక్షకులను అలరించే సన్నివేశాలతో ట్రైలర్ ప్రారంభమవుతుంది. అయితే వేదికపై చప్పట్లు, ప్రశంసలు అందుకునే కళాకారిణి వ్యక్తిగత జీవితంలో ఎన్ని కష్టాలను ఎదుర్కొందనే విషయాన్ని కూడా ఇందులో చూపించారు. నమ్మినవారి వల్ల ఎదురైన మోసం, వ్యక్తిగత జీవితంలోని బాధలు, కళాకారిణిగా తనకంటూ ఒక గుర్తింపు తెచ్చుకోవడానికి ఆమె చేసిన పోరాటం ట్రైలర్‌లో కనిపిస్తున్నాయి. ఒక సందర్భంలో తన నమ్మకమే తన గర్వమని, అది దెబ్బతిన్నప్పుడు అంతా కూలిపోయిందని శ్రద్ధా చెప్పే డైలాగ్ భావోద్వేగానికి గురిచేస్తుంది. మరోవైపు నాట్యం పట్ల ఆమెకున్న అంకితభావాన్ని తెలిపే సన్నివేశాలు కూడా ఆకట్టుకుంటున్నాయి. వితాబాయి నారాయణ్‌గావ్‌కర్ మహారాష్ట్రలో ఎంతో పేరుపొందిన లావణీ నృత్యకారిణి, తమాషా కళాకారిణి. చిన్న వయసు నుంచే కళారంగంలో అడుగుపెట్టిన ఆమె తన ప్రతిభతో ప్రత్యేక గుర్తింపు తెచ్చుకున్నారు. వేదికపై ప్రదర్శన ఇస్తున్న సమయంలోనే ప్రసవ వేదన మొదలైనా, బిడ్డకు జన్మనిచ్చిన తర్వాత తిరిగి ప్రదర్శన కొనసాగించేందుకు సిద్ధమైన సంఘటన ఆమె కళ పట్ల చూపిన అంకితభావానికి నిదర్శనంగా చెప్పుకుంటారు. ఆమెను మహారాష్ట్ర ప్రజలు ‘తమాషా సామ్రాజ్ఞి’గా గుర్తించారు. కళాకారిణిగా ఎన్నో విజయాలు సాధించినప్పటికీ వ్యక్తిగత జీవితంలో, ఆర్థికంగా అనేక ఇబ్బందులు ఎదుర్కొన్నారు. తమాషా కళాకారుల సంక్షేమం కోసం కూడా ఆమె కృషి చేశారు. అలాంటి అరుదైన కళాకారిణి జీవితాన్ని ‘ఈఠా’ ద్వారా ప్రేక్షకులకు పరిచయం చేయబోతున్నారు. ఈ సినిమాలో శ్రద్ధా కపూర్‌తో పాటు రణ్‌దీప్ హుడా, మొహమ్మద్ జీషాన్ అయ్యూబ్, నానా పటేకర్, సిద్ధార్థ్ జాదవ్ తదితరులు కీలక పాత్రల్లో నటిస్తున్నారు. అజయ్–అతుల్ సంగీతం అందిస్తున్నారు. మాడాక్ ఫిలింస్, కత్‌పుత్లీ క్రియేషన్స్ సంయుక్తంగా నిర్మిస్తున్న ఈ చిత్రాన్ని డిసెంబర్ 4న ప్రపంచవ్యాప్తంగా విడుదల చేయనున్నారు. ‘ఛావా’తో చారిత్రక కథను అద్భుతంగా తెరకెక్కించిన లక్ష్మణ్ ఉటేకర్.. ఇప్పుడు మహారాష్ట్ర జానపద కళా ప్రపంచాన్ని, ఒక గొప్ప కళాకారిణి జీవితాన్ని ఎలా చూపించబోతున్నారనే ఆసక్తి నెలకొంది. [Shraddha Kapoor, Eetha Trailer, Laxman Utekar, Vithabai Narayangaonkar, Chhaava Director, Eetha Movie, Lavani Dance, Randeep Hooda]
Oct 30, 2026 7:00PM
‘ది రాయల్స్‌’ సక్సెస్‌ కోసం రూ.25 లక్షలా? భూమి పెడ్నేకర్‌ ఫొటోతో కొత్త వివాదం.!
బాలీవుడ్ సెలబ్రిటీలకు సంబంధించిన ఫొటోలు, వీడియోలు సోషల్ మీడియాలో ఎంత వేగంగా వైరల్‌ అవుతుంటాయో ప్రత్యేకంగా చెప్పాల్సిన అవసరం లేదు. తాజాగా హీరోయిన్‌ భూమి పెడ్నేకర్‌కు సంబంధించిన ఓ ఫొటో నెట్టింట హాట్‌ టాపిక్‌గా మారింది. సోషల్ మీడియా సెలబ్రిటీ ఓరితో కలిసి ఆమె ఇచ్చిన ఓ ప్రత్యేకమైన పోజ్‌ ఈ చర్చకు కారణమైంది. నెట్‌ఫ్లిక్స్‌ సిరీస్ ‘ది రాయల్స్‌’కు సంబంధించిన ఓ కార్యక్రమంలో వీరిద్దరూ కలిసి ఫొటోలకు పోజులిచ్చారు. అయితే ఆ ఫొటోలో ఓరి తనదైన శైలిలో భూమి ఛాతీపై చేయి ఉంచి ఫొటో దిగడం కొందరికి నచ్చలేదు. దీంతో ఈ ఫొటోపై సోషల్ మీడియాలో విమర్శలు మొదలయ్యాయి. ఓరి అసలు పేరు ఓర్హాన్‌ అవత్రామణి. బాలీవుడ్ సెలబ్రిటీలతో కలిసి ఫొటోలు దిగుతూ, తనదైన ప్రత్యేకమైన పోజ్‌తో సోషల్ మీడియాలో గుర్తింపు తెచ్చుకున్నాడు. ముఖ్యంగా సెలబ్రిటీల ఛాతీపై చేయి ఉంచి ఫొటో దిగడం అతడి సిగ్నేచర్‌ స్టైల్‌గా మారింది. గతంలోనూ పలువురు ప్రముఖులతో ఇలాగే ఫొటోలు దిగాడు. ఈ నేపథ్యంలో భూమి పెడ్నేకర్‌తో దిగిన ఫొటో బయటకు రావడంతో.. సెలబ్రిటీలు అతడిని అలా ఫొటోలు దిగేందుకు ఎందుకు అనుమతిస్తున్నారంటూ కొందరు నెటిజన్లు ప్రశ్నిస్తున్నారు. ఇదిలా ఉంటే.. ఈ ఫొటో చుట్టూ మరో ఆసక్తికరమైన ప్రచారం కూడా మొదలైంది. ఓరి ఇలా ఫొటోలు దిగేందుకు భారీ మొత్తంలో డబ్బులు తీసుకుంటాడని గతంలో చేసిన వ్యాఖ్యలు ఇప్పుడు మరోసారి చర్చకు వచ్చాయి. ‘ది రాయల్స్‌’ సిరీస్‌కు మంచి అదృష్టం రావాలనే ఉద్దేశంతో భూమి పెడ్నేకర్‌తో ఆ ప్రత్యేకమైన పోజ్‌ ఇవ్వించేందుకు ఏకంగా రూ.25 లక్షలు చెల్లించారనే రూమర్‌ సోషల్ మీడియాలో వైరల్‌ అవుతోంది. అయితే ఈ ప్రచారానికి సంబంధించి ఎలాంటి అధికారిక ఆధారాలు లేవు. ఈ మొత్తాన్ని నిజంగా చెల్లించారనే విషయాన్ని కూడా స్వతంత్రంగా నిర్ధారించలేదు. గతంలో రణ్వీర్ సింగ్ కూడా ఓరితో కలిసి ఓ వీడియోలో సరదాగా ఈ పోజ్‌ గురించి మాట్లాడాడు. ఓరి తన చేయిని సెలబ్రిటీ ఛాతీపై ఎంత ఎత్తులో ఉంచుతాడో, ఆ వ్యక్తికి అంత ప్రాధాన్యత ఇస్తున్నట్లు అంటూ రణ్వీర్ చమత్కరించాడు. దీనికి ఓరి కూడా సరదాగా స్పందించాడు. అయితే ప్రస్తుతం భూమి పెడ్నేకర్‌, ఓరి ఇద్దరూ ఈ వైరల్‌ ఫొటోపై గానీ, రూ.25 లక్షల రూమర్‌పై గానీ అధికారికంగా స్పందించలేదు. దీంతో ఈ ఫొటో వెనుక నిజంగా ఏదైనా ప్రత్యేక ఒప్పందం ఉందా? లేక సోషల్ మీడియాలో పుట్టిన మరో పుకారేనా? అన్నది తెలియాల్సి ఉంది. [Bhumi Pednekar, Orry Viral Photo, Orry Rs 25 Lakh Rumour, The Royals Netflix, Bhumi Pednekar Viral Picture, Orhan Awatramani]
Oct 30, 2026 12:59PM
కూతురి కల కోసం ఉద్యోగమే వదిలేసిన తండ్రి.. హేతల్‌ డేవ్‌ కథ తెలిస్తే కన్నీళ్లే!
సాధారణంగా అమ్మాయిలు లావుగా ఉంటే సమాజం నుంచి ఎన్నో రకాల విమర్శలు ఎదుర్కోవాల్సి వస్తుంటుంది. పెళ్లి, అందం అంటూ రకరకాల మాటలతో వారిని బాధపెడుతుంటారు. కానీ అలాంటి విమర్శలనే తన బలంగా మార్చుకుని అంతర్జాతీయ స్థాయిలో భారతదేశానికి గుర్తింపు తెచ్చుకున్న మహిళ హేతల్‌ డేవ్‌. భారత్‌కు చెందిన తొలి ప్రొఫెషనల్‌ మహిళా సుమో రెజ్లర్‌గా ఆమె చరిత్ర సృష్టించారు. ఇప్పుడు ఆమె జీవిత ప్రయాణం ఆధారంగా రూపొందిన ‘సుమో దిది’ సినిమా ప్రేక్షకుల ముందుకు వచ్చింది. ముంబైకి చెందిన హేతల్‌ చిన్నప్పటి నుంచే క్రీడలపై ఆసక్తి పెంచుకున్నారు. ఐదేళ్ల వయసులోనే జూడో శిక్షణ ప్రారంభించారు. అయితే ఆమె శరీరాకృతిపై చాలామంది విమర్శలు చేసేవారు. బరువు తగ్గాలని, లేదంటే పెళ్లి కాదని, పిల్లలు పుట్టరని కూడా కొందరు అవమానించేవారు. కానీ హేతల్‌ వాటిని పట్టించుకోకుండా తనకు నచ్చిన క్రీడలో ముందుకు వెళ్లాలని నిర్ణయించుకున్నారు. ఒకసారి సుమో రెజ్లింగ్‌ పోటీని ప్రత్యక్షంగా చూసిన ఆమెకు ఆ క్రీడపై ఆసక్తి పెరిగింది. ఆ తర్వాత సుమో గురించి తెలుసుకునేందుకు సైబర్‌ కేఫ్‌లకు వెళ్లి వివరాలు సేకరించేవారు. అయితే భారత్‌లో అప్పట్లో మహిళల సుమో రెజ్లింగ్‌కు సరైన శిక్షణ సదుపాయాలు, కోచ్‌లు అందుబాటులో లేవు. దీంతో హేతల్‌ తన తమ్ముడితో కలిసి ముంబైలోని ఓవల్‌ మైదానంలో ప్రాక్టీస్‌ చేసేవారు. ఆమె తండ్రి కూడా కుమార్తె కలను నిజం చేసేందుకు ఉద్యోగాన్ని వదిలి మరీ అండగా నిలిచారు. 2008లో ఎస్టోనియాలో జరిగిన ప్రపంచ సుమో ఛాంపియన్‌షిప్‌లో పాల్గొనే అవకాశం వచ్చినప్పుడు ప్రయాణ ఖర్చులకు స్పాన్సర్‌ దొరకడం పెద్ద సమస్యగా మారింది. అవసరమైతే పెళ్లి కోసం దాచిన నగలను అమ్మి అయినా పంపిస్తానని తండ్రి చెప్పడం ఆమె కుటుంబం ఇచ్చిన ప్రోత్సాహానికి నిదర్శనం. చివరకు స్పాన్సర్‌ లభించడంతో పోటీల్లో పాల్గొన్న హేతల్‌ తన విభాగంలో టాప్‌ 8లో నిలిచారు. అదే ఏడాది భారత తొలి మహిళా సుమో రెజ్లర్‌గా లిమ్కా బుక్‌ ఆఫ్ రికార్డ్స్‌లో చోటు సంపాదించారు. హేతల్‌ జీవిత ప్రయాణాన్ని ఆధారంగా చేసుకుని రూపొందిన ‘సుమో దిది’ సినిమాలో శ్రియమ్‌ భగ్నాని ప్రధాన పాత్ర పోషించారు. జయంత్‌ రోహత్గి దర్శకత్వం వహించిన ఈ చిత్రం అక్టోబర్ 23 నుంచి జీ5లో స్ట్రీమింగ్‌ అవుతోంది. ఈ పాత్ర కోసం శ్రియమ్‌ నెలల తరబడి శిక్షణ తీసుకోగా, హేతల్‌ స్వయంగా జూడో, సుమోలో ఆమెకు మెళకువలు నేర్పించారు. కేవలం ఒక క్రీడాకారిణి విజయగాథ మాత్రమే కాకుండా, శరీరాకృతిపై వివక్ష, మహిళల కలలు, కుటుంబ ప్రోత్సాహం వంటి అంశాలను కూడా ఈ సినిమా స్పృశిస్తుంది. అయితే హేతల్‌ తన క్రీడా జీవితంలో ఎదుర్కొన్న ఇబ్బందులు సినిమా కథకే పరిమితం కాలేదు. స్పాన్సర్లు, గుర్తింపు లేకపోవడంతో 2012లో ఆమె పోటీలకు దూరమయ్యారు. అయినప్పటికీ ఆమె ప్రయాణం ఎందరో మహిళలకు స్ఫూర్తినిచ్చే కథగా నిలిచింది. Sumo Didi, Hetal Dave, India's First Female Sumo Wrestler, Sumo Didi Real Story, Shriyam Bhagnani, Sumo Didi ZEE5, Women Empowerment, Indian Women Athletes, Hetal Dave Biography
Oct 30, 2026 10:50AM.WEBP)
ఐదు దేశాల జీడీపీ కంటే ఎక్కువ బడ్జెట్ సినిమా.. అవి ఏ దేశాలంటే.?
భారతీయ సినీ పరిశ్రమలో ఇప్పటివరకు చూడని స్థాయిలో ఓ భారీ ప్రాజెక్ట్‌ రూపొందుతోంది. అదే నితేశ్ తివారీ దర్శకత్వంలో తెరకెక్కుతున్న ‘రామాయణ’. రణ్బీర్ కపూర్ రాముడిగా, కన్నడ స్టార్ యశ్ రావణుడిగా నటిస్తున్న ఈ చిత్రాన్ని రెండు భాగాలుగా ప్రేక్షకుల ముందుకు తీసుకురానున్నారు. అయితే ఈ సినిమా బడ్జెట్ గురించి తెలిసిన తర్వాత మాత్రం అంతా ఆశ్చర్యపోతున్నారు. ఈ రెండు భాగాలకు కలిపి సుమారు రూ.4,000 కోట్లు ఖర్చు చేస్తున్నట్లు సమాచారం. ఈ మొత్తం ఐదు దేశాల వార్షిక స్థూల జాతీయోత్పత్తి (జీడీపీ) కంటే ఎక్కువ కావడం విశేషం. సాధారణంగా భారీ సినిమాల బడ్జెట్ వందల కోట్లలో ఉంటుంటుంది. కానీ ‘రామాయణ’ విషయంలో లెక్క ఏకంగా వేల కోట్లకు చేరింది. అయితే ఈ రూ.4,000 కోట్లు కేవలం సినిమా నిర్మాణానికి మాత్రమే కేటాయించిన మొత్తం కాదు. రెండు భాగాల నిర్మాణంతో పాటు ప్రపంచవ్యాప్తంగా విడుదల చేయడానికి, మార్కెటింగ్‌, ప్రచార కార్యక్రమాలకు అయ్యే ఖర్చులను కూడా ఇందులో కలిపారు. ఈ విషయాన్ని రావణుడి పాత్రలో నటిస్తున్న యశ్ ఇప్పటికే స్పష్టం చేశారు. అంతర్జాతీయ ప్రేక్షకులను లక్ష్యంగా చేసుకుని హాలీవుడ్ సినిమాల తరహాలో ఈ ప్రాజెక్టును రూపొందిస్తున్నట్లు ఆయన వివరించారు. ఈ బడ్జెట్ ఎంత భారీదో అర్థం చేసుకోవాలంటే కొన్ని దేశాల ఆర్థిక వ్యవస్థలతో పోల్చి చూడాలి. పసిఫిక్‌ మహాసముద్ర ప్రాంతంలోని తువాలు దేశ వార్షిక జీడీపీ సుమారు రూ.750 కోట్లు కాగా, నౌరు జీడీపీ దాదాపు రూ.1,764 కోట్లు. మార్షల్‌ ఐలాండ్స్‌ జీడీపీ సుమారు రూ.3,078 కోట్లు, పలావు జీడీపీ దాదాపు రూ.3,357 కోట్లు, కిరిబాటి జీడీపీ సుమారు రూ.3,618 కోట్లుగా అంచనా. అంటే ఈ ఐదు దేశాల్లో ఒక్క ఏడాదిలో ఉత్పత్తి అయ్యే వస్తువులు, సేవల మొత్తం విలువ కంటే ‘రామాయణ’ రెండు భాగాల బడ్జెట్ ఎక్కువన్నమాట. అయితే ఇవి 2026 సంవత్సరానికి సంబంధించిన అంచనా గణాంకాలు మాత్రమే. ఇక భారతీయ సినిమాల బడ్జెట్లతో పోల్చినా ‘రామాయణ’ ప్రత్యేకంగా నిలుస్తోంది. ‘కల్కి 2898 ఏడీ’, ‘2.0’, ‘ఆర్‌ఆర్‌ఆర్‌’, ‘ఆదిపురుష్‌’, ‘బ్రహ్మాస్త్ర’ వంటి భారీ చిత్రాలకు వందల కోట్ల రూపాయలు ఖర్చు చేశారు. కానీ రెండు భాగాలు, ప్రపంచవ్యాప్త విడుదల, ప్రచార వ్యయాలను కలిపి చూస్తే ‘రామాయణ’ బడ్జెట్ వాటన్నింటినీ మించిపోతోంది. ఒక సినిమా బడ్జెట్‌ను ఒక దేశం ఏడాది ఆర్థిక ఉత్పత్తితో పోల్చుకునే స్థాయికి ఈ ప్రాజెక్ట్‌ చేరడం ఇప్పుడు చర్చనీయాంశంగా మారింది. మరి ఇంత భారీ పెట్టుబడితో రూపొందుతున్న ‘రామాయణ’ ప్రపంచవ్యాప్తంగా ఎలాంటి సంచలనం సృష్టిస్తుందో చూడాలి. [Ramayana Movie Budget, Ramayana 4000 Crore Budget, Ranbir Kapoor Ramayana, Yash Ravana, Nitesh Tiwari Ramayana, Most Expensive Indian Movie, Ramayana Two Parts, Indian Cinema News]
Oct 29, 2026 7:01PM
రామాయణ రిలీజ్: పాకిస్థాన్‌లో రియాక్షన్ ఎలా ఉందంటే.?
సినిమా అంటే భాషతో సంబంధం లేకుండా అందరినీ ఆకట్టుకుంటుంది. ఇక రామాయణం వంటి ఇతిహాసం గురించి ప్రత్యేకంగా చెప్పాల్సిన పనిలేదు. ఈ కథతో రూపొందుతున్న సినిమాపై ఇండియాలోనే కాదు.. పాకిస్థాన్‌లోనూ ఆసక్తి కనిపిస్తోంది. అక్కడి హిందువులు 'రామాయణ' సినిమా కోసం చేస్తున్న సందడి ఇప్పుడు సోషల్ మీడియాలో వైరల్‌గా మారింది. రణ్బీర్ కపూర్ రాముడిగా, సాయి పల్లవి సీతగా, యశ్ రావణుడిగా నటిస్తున్న చిత్రం 'రామాయణ'. నితేశ్ తివారీ దర్శకత్వంలో నమిత్ మల్హోత్రా నిర్మిస్తున్న ఈ సినిమాపై భారీ అంచనాలు ఉన్నాయి. ఈ నేపథ్యంలో పాకిస్థాన్‌లోని కరాచీలో నివసిస్తున్న హిందువులు కూడా సినిమాకు తమ మద్దతు తెలియజేస్తున్నారు. పాకిస్థాన్‌లో హిందువులు జరుపుకునే పండుగలు, అక్కడి సంప్రదాయాలను పరిచయం చేసే యూట్యూబర్ సుమిత్ చంద్ర ఈ వేడుకలకు సంబంధించిన వీడియోను సోషల్ మీడియాలో షేర్ చేశారు. ఇందులో స్థానిక హిందువులు రామాయణ సినిమా బృందానికి శుభాకాంక్షలు తెలుపుతూ కనిపించారు. అంతేకాదు.. కరాచీలోని ఓ ఆలయంలో సినిమా పోస్టర్‌ను కూడా ఏర్పాటు చేశారు. రామాయణం తమకు కేవలం సినిమా మాత్రమే కాదని.. తరతరాలుగా వస్తున్న సంప్రదాయాలు, సంస్కృతితో ముడిపడిన కథ అని అక్కడి హిందువులు చెబుతున్నారు. ఈ సినిమా ప్రపంచవ్యాప్తంగా ఘన విజయం సాధించాలని కోరుకుంటున్నారు. బాక్సాఫీస్ వద్ద భారీ విజయాన్ని అందుకోవడంతో పాటు ఆస్కార్ అవార్డును కూడా గెలుచుకోవాలని ఆకాంక్షిస్తున్నారు. దీపావళి సందర్భంగా ఈ సినిమా విడుదలను పురస్కరించుకుని వేడుకలు నిర్వహించడం కూడా ఆసక్తిని పెంచుతోంది. భిన్నమైన పరిస్థితుల్లో జీవిస్తున్నప్పటికీ తమ సంస్కృతితో ముడిపడిన కథపై వారు చూపిస్తున్న అభిమానం ఇప్పుడు చర్చనీయాంశంగా మారింది. 'రామాయణ' సినిమాను రెండు భాగాలుగా ప్రేక్షకుల ముందుకు తీసుకురానున్నారు. తొలి భాగం 2026 నవంబర్ 5న ప్రపంచవ్యాప్తంగా విడుదల కానుంది. రెండో భాగాన్ని 2027 దీపావళికి విడుదల చేయాలని మేకర్స్ ప్లాన్ చేస్తున్నారు. ఇది కూడా చదవండి: ఆస్కార్‌కు వెళ్లిన సినిమా తెలుగులోకి.. ట్రైలర్ మామూలుగా లేదు.! [Ramayana Craze In Pakistan, Ramayana Fever in Pakistan, Ramayana Movie Pakistan, Pakistani Hindu Fans, Ranbir Kapoor, Sai Pallavi, Yash, Telugu Film News]
Oct 29, 2026 5:00PM
‘రామాయణ’ ఫస్ట్ రివ్యూ.. యు.ఎస్. రిపోర్ట్ ఎలా ఉందంటే.?
'రామాయణ’ సినిమా లాస్‌ ఏంజెల్స్‌లో ప్రీమియర్‌ కావడం, అక్కడి నుంచి వస్తున్న తొలి స్పందనలు ఇప్పుడు ఆసక్తికరంగా మారాయి. రణ్బీర్ కపూర్ శ్రీరాముడిగా, సాయిపల్లవి సీతగా, యశ్ రావణుడిగా నటించిన ఈ భారీ చిత్రంపై ఇప్పటికే భారీ అంచనాలు ఉన్నాయి. ముఖ్యంగా అంతర్జాతీయ ప్రేక్షకులు ఈ ఇతిహాసాన్ని ఎలా స్వీకరిస్తారన్నది ఆసక్తిని పెంచుతోంది. తొలి స్పందనల్లో సినిమా విజువల్ గ్రాండియర్‌, నటీనటుల ప్రదర్శనలపై ప్రశంసలు వినిపిస్తున్నాయి. అయితే తొలి స్పందనలన్నీ ఒకేలా లేవు. కొందరు సినిమా భారీ స్థాయిలో తెరకెక్కిందని, యశ్ రావణుడి పాత్రలో ఆకట్టుకున్నారని ప్రశంసిస్తుండగా.. మరికొందరు కథనం, సుదీర్ఘమైన యాక్షన్ సన్నివేశాలు, సంగీతం విషయంలో కొన్ని లోపాలున్నాయని అభిప్రాయపడుతున్నారు. రణ్బీర్ కపూర్, సాయిపల్లవి నటనకు కూడా మంచి స్పందన లభిస్తున్నప్పటికీ, కొన్ని సన్నివేశాల్లో ఆశించిన భావోద్వేగం పూర్తిగా పండలేదనే అభిప్రాయాలు వ్యక్తమవుతున్నాయి. ఒక అంతర్జాతీయ ప్రేక్షకుడు మాత్రం ‘రామాయణ’ చూసిన తర్వాత తనకు కలిగిన అనుభూతిని ప్రత్యేకంగా పంచుకున్నాడు. 2001లో వచ్చిన ‘ది లార్డ్‌ ఆఫ్ ది రింగ్స్‌’ చూసినప్పటి నుంచి ఇలాంటి అద్భుతమైన అనుభూతి కలగలేదని పేర్కొన్నాడు. శ్రీరాముడి పాత్ర చిత్రీకరణను ప్రశంసించడంతోపాటు, సినిమా ముగింపు ఉత్కంఠను రేకెత్తించేలా ఉందని తన స్పందనలో తెలిపాడు. అయితే ఇవి ప్రీమియర్‌ తర్వాత వచ్చిన తొలి అభిప్రాయాలే తప్ప, పూర్తిస్థాయి సమీక్షలు కాదనే విషయాన్ని గుర్తుంచుకోవాలి. నితేశ్ తివారీ దర్శకత్వంలో తెరకెక్కిన ఈ చిత్రంలో సన్నీ డియోల్ హనుమంతుడిగా, రవి దూబే లక్ష్మణుడిగా నటిస్తున్నారు. భారతీయ ఇతిహాసమైన రామాయణాన్ని అంతర్జాతీయ స్థాయిలో ప్రేక్షకులకు పరిచయం చేయాలనే లక్ష్యంతో భారీ వ్యయంతో ఈ చిత్రాన్ని రూపొందిస్తున్నారు. నవంబర్ 5న ప్రపంచవ్యాప్తంగా విడుదల కానున్న ఈ సినిమా పూర్తి సమీక్షలు వెలువడిన తర్వాత ఎలాంటి స్పందన అందుకుంటుందో చూడాలి. [Ramayana Movie Review, Ramayana Los Angeles Premiere, Ranbir Kapoor Ramayana, Sai Pallavi Sita, Yash Ravana, Ramayana First Reactions, Nitesh Tiwari Ramayana]
Oct 28, 2026 12:17PM.WEBP)
ప్రేమను మాటల్లో కాదు చేతల్లో చూపించాడు.. శిఖర్తో డేటింగ్‌పై ఓపెన్ అయిన జాన్వీ.!
సినిమా ఇండస్ట్రీలో హీరో హీరోయిన్ల ప్రేమకథలు ఎప్పుడూ ఆసక్తికరంగానే ఉంటాయి. అయితే కొన్ని సందర్భాల్లో వారు చెప్పే విషయాలు అభిమానుల మనసులను తాకుతుంటాయి. తాజాగా బాలీవుడ్ నటి జాన్వీ కపూర్ తన ప్రియుడు శిఖర్‌ పహారియా గురించి చెప్పిన ఓ విషయం ఇప్పుడు చర్చనీయాంశంగా మారింది. తన తల్లి శ్రీదేవి మరణించిన సమయంలో తాను తీవ్ర విషాదంలో ఉన్నానని, ఆ సమయంలో తనకు అండగా ఉండేందుకు శిఖర్‌ లండన్‌లో తన చదువులకు కొంతకాలం విరామం ఇచ్చి ముంబైకి వచ్చాడని జాన్వీ వెల్లడించింది. 2018 ఫిబ్రవరిలో శ్రీదేవి హఠాన్మరణం జాన్వీ, ఖుషీ కపూర్‌లను తీవ్రంగా కుంగదీసింది. అప్పటికి జాన్వీ సినిమాల్లోకి అడుగుపెట్టే సమయంలోనే ఉన్నారు. ఆ క్లిష్ట సమయంలో శిఖర్‌ పహారియా లండన్‌లో చదువుకుంటున్నాడు. శ్రీదేవి మరణవార్త తెలిసిన తర్వాత అతను తన చదువులకు అర్ధ సెమిస్టర్‌ పాటు విరామం ఇచ్చి ముంబైకి వచ్చాడు. మొదట తన తండ్రి దగ్గర ఉంటూ, ఆ తర్వాత జాన్వీకి అవసరం రావచ్చనే ఉద్దేశంతో జుహూలోని తన స్నేహితుడి ఇంటికి మారాడు. దాదాపు నెల రోజుల పాటు ఆమెకు దగ్గరగా ఉండేలా చూసుకున్నాడు. ఇక్కడ మరో ఆసక్తికరమైన విషయం ఏమిటంటే.. అప్పటికి జాన్వీ, శిఖర్‌ అధికారికంగా ప్రేమలో ఉన్నట్లు ప్రకటించలేదు. అంతేకాదు, శిఖర్‌ తనకు ప్రతిరోజూ కనిపించేవాడు కూడా కాదని జాన్వీ చెప్పింది. అయితే, తర్వాత ఈ విషయం తెలుసుకున్నప్పుడు అతను తనకు అండగా ఉండాలనే ఉద్దేశంతోనే దగ్గర్లో ఉన్నాడని అర్థమైందని వెల్లడించింది. ‘ఆమెకు నా అవసరం రావచ్చు.. అందుకే దగ్గర్లోనే ఉండాలనుకుంటున్నాను’ అనే భావనతో శిఖర్‌ అక్కడికి వచ్చాడని జాన్వీ గుర్తుచేసుకుంది. ఆ సమయంలో అతను చేసిన పని తనకు ఎంతో ప్రత్యేకమైనదని ఆమె మాటల్లో స్పష్టమవుతోంది. ఇక జాన్వీ కపూర్, శిఖర్‌ పహారియా కొన్నేళ్లుగా సన్నిహితంగా ఉంటున్నారు. గతంలోనూ శిఖర్తో తనకున్న అనుబంధం గురించి జాన్వీ పలు సందర్భాల్లో మాట్లాడింది. ఇప్పుడు ‘కాఫీ విత్‌ కరణ్’ సీజన్‌ 9లో తన జీవితంలోని ఈ భావోద్వేగ సంఘటనను గుర్తుచేసుకోవడంతో మరోసారి వారి బంధం గురించి చర్చ జరుగుతోంది. ప్రేమ అంటే కేవలం మాటలు చెప్పడం మాత్రమే కాదు.. కష్టకాలంలో అండగా నిలబడటం కూడా అని శిఖర్‌ చేసిన పని చెబుతోందంటూ అభిమానులు స్పందిస్తున్నారు. [Janhvi Kapoor, Shikhar Pahariya, Sridevi Death, Janhvi Kapoor Love Story, Shikhar Pahariya Sacrifice, Koffee With Karan Season 9, Janhvi Kapoor Emotional Revelation, Bollywood News]
Oct 28, 2026 11:48AM
నా బయోపిక్‌లో చూపించింది 10 శాతమే.. అసలు కథ తెలియాలంటే ఆత్మకథ చ‌ద‌వాలి.!
ఒకరి జీవితంలో జరిగిన సంఘటనలను వెండితెరపై చూపించాలంటే.. ఆ వ్యక్తి ఎదుర్కొన్న కష్టాలు, అవమానాలు, పోరాటాలను కూడా ప్రేక్షకులకు పరిచయం చేయాలి. అయితే బయోపిక్‌లలో వాస్తవాలను ఎంతవరకు చూపిస్తున్నారు? అనే ప్రశ్నలు అప్పుడప్పుడు తెరపైకి వస్తుంటాయి. తాజాగా ప్రముఖ బాక్సర్‌ మేరీ కోమ్‌ తన జీవిత కథ ఆధారంగా తెరకెక్కిన బయోపిక్‌పై ఆసక్తికర వ్యాఖ్యలు చేశారు. తన జీవితంలో ఎదురైన అసలైన సంఘర్షణను సినిమాలో పూర్తిగా చూపించలేదని, అందులో తన కష్టాన్ని కేవలం 10 శాతం మాత్రమే చూపించారని ఆమె అసంతృప్తి వ్యక్తం చేశారు. 2014లో విడుదలైన ‘మేరీ కోమ్‌’ సినిమాలో ప్రియాంక చోప్రా ప్రధాన పాత్ర పోషించారు. ఒమంగ్‌ కుమార్‌ దర్శకత్వం వహించిన ఈ సినిమా మేరీ కోమ్‌ జీవిత ప్రయాణం ఆధారంగా తెరకెక్కింది. ఎన్నో కష్టాలను ఎదుర్కొని అంతర్జాతీయ స్థాయిలో బాక్సింగ్‌ ఛాంపియన్‌గా ఎదిగిన మేరీ కోమ్‌ కథను ఈ సినిమాలో చూపించారు. ఈ చిత్రం ప్రేక్షకుల నుంచి మంచి స్పందన అందుకోవడంతో పాటు, ప్రియాంక చోప్రా నటనకు జాతీయ ఉత్తమ నటి అవార్డు కూడా లభించింది. అయితే సినిమా విడుదలైన దాదాపు 12 ఏళ్ల తర్వాత మేరీ కోమ్‌ చేసిన వ్యాఖ్యలు ఇప్పుడు చర్చనీయాంశంగా మారాయి. ఇటీవల ఓ ఇంటర్వ్యూలో మాట్లాడిన మేరీ కోమ్‌.. తన బయోపిక్ వాస్తవ జీవితానికి చాలా దూరంగా ఉందని పేర్కొన్నారు. సినిమాలో చూపించిన దానికంటే తన జీవితంలో ఎదుర్కొన్న కష్టాలు, సంఘర్షణలు చాలా ఎక్కువని తెలిపారు. తన అసలైన జీవిత పోరాటం, కఠోర శ్రమ గురించి పూర్తిగా తెలుసుకోవాలంటే తన ఆత్మకథ ‘అన్‌బ్రేకబుల్‌’ చదవాలని సూచించారు. తన జీవితంలో ఎదురైన సవాళ్లను వెండితెరపై చూపించిన తీరు పట్ల ఆమె చేసిన వ్యాఖ్యలు ఇప్పుడు మరోసారి ఈ బయోపిక్‌ను వార్తల్లో నిలిపాయి. ఇదిలా ఉంటే.. ఈ సినిమాకు సీక్వెల్‌ తీసే ఆలోచన ఉందా? అని అడిగిన ప్రశ్నకు మేరీ కోమ్‌ స్పందిస్తూ, ప్రస్తుతం సీక్వెల్‌ అవసరం లేదని స్పష్టం చేశారు. తన కథ, తన ప్రయాణం గురించి ఇప్పటికే చాలామందికి తెలుసని ఆమె అభిప్రాయపడ్డారు. మరోవైపు, గతంలో ప్రియాంక చోప్రా కూడా మేరీ కోమ్‌ పాత్రను ఈశాన్య భారతదేశానికి చెందిన నటితో చేయించి ఉండాల్సిందని వ్యాఖ్యానించారు. ఒక నటిగా ఆ పాత్రను పోషించాలనే ఆసక్తితో తాను అంగీకరించానని, అందుకోసం నెలల తరబడి బాక్సింగ్‌ శిక్షణ తీసుకున్నానని తెలిపారు. ఇలా సినిమా విజయవంతమైనప్పటికీ, అందులో చూపించిన వాస్తవాలపై స్వయంగా మేరీ కోమ్‌ అసంతృప్తి వ్యక్తం చేయడం ఆసక్తికరంగా మారింది. [Mary Kom Biopic, Mary Kom Latest Comments, Priyanka Chopra Mary Kom, Mary Kom Unbreakable Book, Mary Kom Biopic Controversy, Mary Kom Real Story, Mary Kom Movie Review]
Oct 28, 2026 11:40AM
మంచి మాంత్రికుడు VS చెడ్డ మాంత్రికుడు, హారర్‌ సిరీస్.. ఎలా ఉందంటే.?
హారర్‌ సినిమాలు, వెబ్‌సిరీస్‌లను ఇష్టపడేవారికి ఓటీటీలో ఎప్పటికప్పుడు కొత్త కంటెంట్‌ అందుబాటులోకి వస్తూనే ఉంటుంది. ఈ నేపథ్యంలో నెట్‌ఫ్లిక్స్‌లోకి వచ్చిన హారర్‌ థ్రిల్లర్‌ వెబ్‌సిరీస్‌ ‘అంజాన్ సాయే’. క్షుద్రపూజలు, నరబలులు, మాంత్రికుల మధ్య పోరాటం నేపథ్యంలో ఈ సిరీస్‌ను రూపొందించారు. బెంగాలీ భాషలో ‘నిఖోష్ ఛాయా’ పేరుతో తెరకెక్కిన ఈ సిరీస్ రెండు సీజన్లను ఇప్పుడు తెలుగులోనూ చూసే అవకాశం ఉంది. నవీన్ కార్తీక్‌కి కొన్నేళ్లుగా క్షుద్రవిద్యలపై అవగాహన ఉంటుంది. దుష్ట ప్రయోగాల బారిన పడినవారిని ఆయన దైవబలంతో రక్షిస్తూ ఉంటాడు. క్షుద్రవిద్యలకు సంబంధించిన కేసుల్లో పోలీసులు కూడా ఆయన సలహాలు తీసుకుంటూ ఉంటారు. ఈ క్రమంలో సమీపంలోని అడవిలో ఓ క్షుద్రమాంత్రికుడు నరబలులు ఇస్తున్నాడనే వార్తలు కలకలం రేపుతాయి. వరుసగా ముగ్గురు యువతులు బలికావడంతో ప్రజలు భయాందోళనలకు గురవుతారు. పోలీస్‌ ఆఫీసర్‌ అభిషేక్‌తో కలిసి నవీన్ కార్తీక్‌ ఈ కేసును పరిశోధించడం మొదలుపెడతాడు. చంద్రగ్రహణం సమీపిస్తుండటంతో తన శక్తులను పెంచుకోవడానికి క్షుద్రమాంత్రికుడు ఈ నరబలులు ఇస్తున్నాడని నవీన్ కార్తీక్‌ గుర్తిస్తాడు. అయినా కానిస్టేబుల్‌ బాబు కూతురు సునీత కనిపించకుండా పోతుంది. ఆమెను కాపాడేందుకు ప్రయత్నాలు జరుగుతున్న సమయంలోనే పోలీస్‌ ఆఫీసర్‌ అభిషేక్ భార్య రీతూ కూడా అదృశ్యమవుతుంది. ఈ ఇద్దరినీ మాంత్రికుడి బారి నుంచి కాపాడగలిగారా? ఆ మాంత్రికుడు ఎవరు? అతని గతం ఏమిటి? అన్నది మిగతా కథ. మాంత్రికుడి ఫ్లాష్‌బ్యాక్‌, రెండు సీజన్ల క్లైమాక్స్ ఆసక్తికరంగా ఉంటాయి. క్షుద్రపూజలు, నరబలులకు సంబంధించిన సన్నివేశాలు ఈ సిరీస్‌లో ఎక్కువగా కనిపిస్తాయి. ముఖ్యంగా మంచికి, చెడుకు మధ్య జరిగే పోరాటాన్ని చూపించిన విధానం కొంతవరకు ఆకట్టుకుంటుంది. ఫొటోగ్రఫీ, నేపథ్య సంగీతం, ఎడిటింగ్ కథకు బలాన్ని ఇచ్చాయి. అయితే ఇలాంటి కథలు గతంలోనూ చాలానే రావడంతో కొత్తదనం పెద్దగా కనిపించదు. నరబలులకు సంబంధించిన కొన్ని సన్నివేశాలు ఇబ్బంది పెట్టేలా ఉంటాయి. మొత్తం 12 ఎపిసోడ్లు అందుబాటులో ఉండగా, ఒక్కో ఎపిసోడ్ నిడివి తక్కువగా ఉండటం వల్ల పెద్దగా బోర్‌ కొట్టదు. [Anjaan Saaye Review, Anjaan Saaye Telugu, Anjaan Saaye Netflix, Anjaan Saaye Web Series, Horror Thriller Series, Netflix Telugu Dubbed Series, Black Magic Thriller, Anjaan Saaye Rating]
Oct 28, 2026 11:31AM
నిన్న విమర్శలు, నేడు క్షమాపణలు.. ‘రామాయణ’ మ్యూజిక్‌పై రెహమాన్ ఆసక్తికర వ్యాఖ్యలు.!
ఆస్కార్ విజేత, ప్రముఖ సంగీత దర్శకుడు ఏఆర్ రెహమాన్ ప్రస్తుతం ‘రామాయణ: రైజ్ ఆఫ్ ఏ లెజెండ్’ సినిమాకు అందిస్తున్న సంగీతం చర్చనీయాంశంగా మారింది. ఈ చిత్రంలోని పాటలపై సోషల్ మీడియాలో కొందరు విమర్శలు చేస్తుండగా.. తాజాగా రెహమాన్ ఈ స్పందనలపై తన అభిప్రాయాలను వెల్లడించారు. ప్రేక్షకుల నుంచి వచ్చే విమర్శలు, ప్రశంసల కంటే తాను చేసే పనిలో నిజాయతీగా ఉండటమే ముఖ్యమని ఆయన స్పష్టం చేశారు. పాటను రూపొందించే క్రమంలో ఎన్నో ఆలోచనలు, మార్పులు, చేర్పులు చేసిన తర్వాతే తుది రూపం ఇస్తామని, అప్పటికే ప్రేక్షకుల స్పందనలను పరిశీలించే ఓపిక కూడా మిగలదని ఆయన వివరించారు. ‘రామాయణ’లోని ‘రావణ తాండవ్’ పాట విడుదలైనప్పుడు కూడా కొందరు నెటిజన్లు విమర్శలు చేశారు. అయితే ఆ తర్వాత కొందరు తమ అభిప్రాయాలను మార్చుకొని ప్రశంసలు కురిపించారని రెహమాన్ తెలిపారు. తన కుమారుడు కూడా సోషల్ మీడియాలో వస్తున్న స్పందనలను తన దృష్టికి తీసుకొస్తుంటాడని చెప్పారు. “నిన్న విమర్శించినవారే ఇప్పుడు క్షమాపణలు చెబుతున్నారని నా కొడుకు అంటుంటాడు. నేను మాత్రం నా పని నిజాయతీగా చేశాను.. ప్రేక్షకులు దాన్ని ఆదరిస్తారని ఆశిస్తున్నాను” అన్నది ఆయన మాటల సారాంశం. గతంలో చేసిన విజయాలనే మళ్లీ మళ్లీ పునరావృతం చేయకుండా, కొత్తదనం కోసం ప్రయత్నిస్తూ ముందుకు సాగాలని రెహమాన్ అభిప్రాయపడ్డారు. ఇక ఇటీవల విడుదలైన ‘మంగళ్ రంగ్’ పాటపై కూడా ఆన్‌లైన్‌లో చర్చ జరుగుతోంది. ఈ పాటలో ఖవ్వాలీ లేదా సూఫీ సంగీత ఛాయలు ఉన్నాయని, రామాయణ నేపథ్యానికి ఈ శైలి సరిపోతుందా అంటూ కొందరు ప్రశ్నిస్తున్నారు. ఈ విమర్శల నేపథ్యంలో రెహమాన్ స్పందన ఆసక్తికరంగా మారింది. దాదాపు మూడు దశాబ్దాల సంగీత ప్రయాణంలో ఇంతటి గొప్ప ఇతిహాసానికి సంగీతం అందించడం గౌరవంగా భావిస్తున్నానని ఆయన పేర్కొన్నారు. భారతీయులు ఎంతోమందికి పరిచయమైన ఈ కథను ప్రపంచ ప్రేక్షకుల ముందుకు తీసుకెళ్లడంలో భాగం కావడం తనకు ప్రత్యేకమైన అనుభూతి అని తెలిపారు. ఈ సినిమాకు అంతర్జాతీయ స్థాయిలో గుర్తింపు తీసుకురావాలనే ఉద్దేశంతో హాలీవుడ్ ప్రముఖ సంగీత దర్శకుడు హన్స్ జిమ్మర్‌తో కలిసి పనిచేస్తున్నట్లు రెహమాన్ వెల్లడించారు. సాధారణంగా తన సంగీతాన్ని స్వయంగా రూపొందించడానికే ఇష్టపడే ఆయన, ఈ ప్రాజెక్టులో జిమ్మర్ భాగస్వామ్యం కావడం ఒక ఆశీర్వాదంగా భావిస్తున్నారు. విదేశీ ప్రేక్షకులకు కూడా ఈ చిత్రంపై ఆసక్తి పెరగడానికి ఈ కలయిక దోహదపడుతుందని ఆయన అభిప్రాయపడ్డారు. నితీశ్ తివారీ దర్శకత్వంలో రూపొందుతున్న ఈ చిత్రంలో రణ్బీర్ కపూర్ శ్రీరాముడిగా, సాయి పల్లవి సీతగా, యశ్ రావణుడిగా నటిస్తున్నారు. తొలి భాగం నవంబర్ 5న విడుదల కానుంది. [AR Rahman, Ramayana Songs Controversy, AR Rahman Trolling, Ramayana Mangal Rang Song, Ravana Tandav Song, Hans Zimmer, Ranbir Kapoor Ramayana, Sai Pallavi Ramayana]
Oct 27, 2026 2:26PM.WEBP)
‘రామాయణ’తో పోటీకి 32 ఏళ్ల నాటి బ్లాక్‌బస్టర్‌.. బాక్సాఫీస్ వద్ద ఇంట్రెస్టింగ్ వార్.!
బాక్సాఫీస్ దగ్గర కొత్త సినిమాల మధ్య పోటీ ఉండటం సహజమే. అయితే ఈ దీపావళికి ఓ కొత్త భారీ చిత్రం, మూడు దశాబ్దాల క్రితం విడుదలై ఘనవిజయం సాధించిన ఓ పాత సినిమా మధ్య ఆసక్తికరమైన పోటీ కనిపించనుంది. బాలీవుడ్ స్టార్ రణ్బీర్ కపూర్ నటిస్తున్న ‘రామాయణ’ నవంబర్ 5న ప్రేక్షకుల ముందుకు రానుండగా.. అక్షయ్ కుమార్‌ నటించిన 1994 నాటి బ్లాక్‌బస్టర్‌ ‘మొహ్రా’ నవంబర్ 6న మరోసారి థియేటర్లలోకి రాబోతోంది. దీంతో ఈ రెండు సినిమాలపై ప్రేక్షకుల్లో ఆసక్తి నెలకొంది. రాజీవ్‌ రాయ్‌ దర్శకత్వంలో తెరకెక్కిన ‘మొహ్రా’ అప్పట్లో బాక్సాఫీస్ వద్ద సంచలన విజయాన్ని అందుకుంది. అక్షయ్ కుమార్‌, సునీల్‌ శెట్టి, రవీనా టాండన్‌, నసీరుద్దీన్‌ షా, పరేష్‌ రావల్‌ వంటి ప్రముఖ నటులు ఇందులో కీలక పాత్రలు పోషించారు. యాక్షన్, సస్పెన్స్‌, ఆకట్టుకునే కథతో పాటు ఈ సినిమాకు సంగీతం కూడా ప్రధాన ఆకర్షణగా నిలిచింది. ముఖ్యంగా ‘తూ చీజ్‌ బడీ హై మస్త్‌ మస్త్‌’, ‘టిప్‌ టిప్‌ బర్సా పానీ’ పాటలు ఇప్పటికీ ప్రేక్షకులకు గుర్తుండిపోయాయి. దాదాపు 32 ఏళ్ల తర్వాత ఈ సినిమాను 4K రీమాస్టర్డ్‌ వెర్షన్‌లో మళ్లీ విడుదల చేయనున్నారు. ‘మొహ్రా’ నిర్మాణ సంస్థ త్రిమూర్తి ఫిల్మ్స్‌ ఈ రీ-రిలీజ్ విషయాన్ని ప్రకటించింది. రింపీ ఫిల్మ్స్‌ ఇంటర్నేషనల్‌ ద్వారా ఈ చిత్రాన్ని ప్రేక్షకుల ముందుకు తీసుకురానున్నారు. పాత సినిమాలను మళ్లీ థియేటర్లలో చూసేందుకు ఆసక్తి చూపిస్తున్న అభిమానులను దృష్టిలో పెట్టుకొని ఈ నిర్ణయం తీసుకున్నట్లు తెలుస్తోంది. ఆగ్రాలోని హీరా టాకీస్‌లో ఈ చిత్రాన్ని రోజుకు నాలుగు షోలలో ప్రదర్శించనున్నట్లు కూడా కథనాలు పేర్కొంటున్నాయి. మరోవైపు రణ్బీర్ కపూర్, యశ్, సాయి పల్లవి తదితరులు నటిస్తున్న ‘రామాయణ’పై భారీ అంచనాలు ఉన్నాయి. ఈ నేపథ్యంలో కొత్త సినిమా విడుదలైన మరుసటి రోజే ‘మొహ్రా’ థియేటర్లలోకి రావడం ఆసక్తికరంగా మారింది. అయితే ‘రామాయణ’ వంటి భారీ చిత్రానికి పోటీగా పాత సినిమా ఎంతవరకు ప్రేక్షకులను థియేటర్లకు రప్పించగలదన్నది చూడాలి. ఒకవైపు కొత్తదనం, భారీ విజువల్స్‌.. మరోవైపు పాత జ్ఞాపకాలు, హిట్‌ పాటలతో ‘మొహ్రా’.. ఈ రెండింటిలో ప్రేక్షకులు దేనికి ప్రాధాన్యం ఇస్తారో దీపావళి బాక్సాఫీస్ వద్ద తేలనుంది. [Ranbir Kapoor Ramayana, Akshay Kumar Mohra, Mohra Re Release 2026, Ramayana Box Office Clash, Mohra 4K Remastered, Raveena Tandon, Suniel Shetty]
Oct 27, 2026 2:05PM
‘కింగ్’ న్యూ లుక్: 60 ఏళ్ల వయసులోనూ లవర్ బాయ్‌గా షారుఖ్.!
బాలీవుడ్ బాద్‌షా షారుఖ్ ఖాన్ అభిమానులకు మరో క్రేజీ అప్డేట్. ఆయన నటిస్తున్న ‘కింగ్’ సినిమా డిసెంబర్ 24, 2026న థియేటర్లలోకి రానుంది. సిద్ధార్థ్ ఆనంద్ దర్శకత్వంలో తెరకెక్కుతున్న ఈ యాక్షన్ ఎంటర్‌టైనర్‌పై ఇప్పటికే భారీ అంచనాలు ఉన్నాయి. షారుఖ్ కుమార్తె సుహానా ఖాన్‌తో పాటు దీపికా పదుకొణె, అభిషేక్ బచ్చన్ వంటి ప్రముఖ నటీనటులు ఈ సినిమాలో భాగమయ్యారు. తాజాగా షారుఖ్ ఖాన్ షేర్ చేసిన కొత్త పోస్టర్‌లో ఆయన లుక్ అభిమానులను ఆకట్టుకుంటోంది. ‘‘ఖతిల్ నహి.. ఆశిక్ హూన్’’ అనే క్యాప్షన్‌తో పోస్టర్‌ను షేర్ చేశారు. అంటే, ‘‘హంతకుడిని కాదు.. ప్రేమికుడిని’’ అనే అర్థం వచ్చే ఈ డైలాగ్‌తో సినిమాలో తన పాత్రపై ఆసక్తి పెంచారు. 60 ఏళ్ల వయసులోనూ షారుఖ్ ఇలా రొమాంటిక్ టచ్‌తో కనిపించడం విశేషం. చేతిలో గన్, ఒంటి మీద రక్తపు మరకలు, నోటితో గులాబీ పట్టుకొని స్టైల్ గా నడుచుకుంటూ వస్తున్న షారుఖ్ లుక్ అదిరిపోయింది. ‘కింగ్’ సినిమాలో షారుఖ్ కుమార్తె సుహానా ఖాన్ కూడా కీలక పాత్రలో కనిపించనుంది. 2023లో ‘ది ఆర్చీస్’తో నటిగా పరిచయమైన సుహానాకు ఇది థియేటర్లలో పెద్ద అవకాశం కానుంది. ఇక దీపికా పదుకొణె, అభిషేక్ బచ్చన్, రాణి ముఖర్జీ తదితరులు కూడా ఈ సినిమాలో నటిస్తున్నారు. ‘పఠాన్’ తర్వాత దర్శకుడు సిద్ధార్థ్ ఆనంద్‌తో షారుఖ్ చేస్తున్న సినిమా కావడంతో ‘కింగ్’పై అంచనాలు భారీగా ఉన్నాయి. క్రిస్మస్ కానుకగా డిసెంబర్ 24న ఈ సినిమా ప్రేక్షకుల ముందుకు రానుంది. మరి ఈసారి షారుఖ్ బాక్సాఫీస్ దగ్గర ఎలాంటి రికార్డులు సృష్టిస్తారో చూడాలి. ఇది కూడా చదవండి: ‘ఆదర్శ కుటుంబం’ ఈవెంట్‌కు ఎన్టీఆర్.. ‘గాడ్ ఆఫ్ వార్’ అప్డేట్ ఇస్తాడా.? https://www.instagram.com/p/De--1PuIdC3/ [Shah Rukh Khan King New Look, King Movie Release Date, King Movie 2026, Shah Rukh Khan, Siddharth Anand, Suhana Khan, Deepika Padukone, Bollywood News, Telugu News]
Oct 27, 2026 11:02AM
అసలు టార్గెట్ ఆమిర్ ఖాన్: టైగర్ ష్రాఫ్‌పై కాల్పుల కేసులో సంచలన విషయాలు.!
బాలీవుడ్‌లో మరోసారి గ్యాంగ్‌స్టర్ల బెదిరింపులు కలకలం రేపుతున్నాయి. టైగర్ ష్రాఫ్ కారుపై కాల్పుల ఘటనలో రోజుకో సంచలన విషయం బయటకు వస్తోంది. తాజాగా ఈ కేసులో అసలు టార్గెట్ టైగర్ ష్రాఫ్ కాదని.. బాలీవుడ్ స్టార్ ఆమిర్ ఖాన్ అని పోలీసుల దర్యాప్తులో వెల్లడైనట్లు సమాచారం. ఆమిర్‌ను చేరుకోవడం కష్టంగా మారడంతోనే నిందితులు తమ ప్లాన్ మార్చుకుని టైగర్ ష్రాఫ్ ను టార్గెట్ చేసినట్లు వార్తలు వస్తున్నాయి. దీంతో అసలు ఆమిర్ ఖాన్‌ను ఎందుకు టార్గెట్ చేయాలనుకున్నారు? టైగర్ ష్రాఫ్ పై కాల్పుల వెనుక ఎవరున్నారు? అనే ప్రశ్నలు ఇప్పుడు బాలీవుడ్‌లో చర్చనీయాంశంగా మారాయి. అక్టోబర్ 18న ముంబైలోని జుహూ ప్రాంతంలో టైగర్ ష్రాఫ్ కారుపై కాల్పులు జరిగిన సంగతి తెలిసిందే. ఈ ఘటనపై దర్యాప్తు చేస్తున్న ముంబై క్రైమ్ బ్రాంచ్ పోలీసులకు కీలక విషయాలు తెలిసినట్లు జాతీయ మీడియాలో కథనాలు వెలువడ్డాయి. ఈ కేసులో నిందితులుగా ఉన్న ఫూల్ సింగ్, రెహాన్ అన్సారీలు హర్యానా నుంచి ముంబైకి వచ్చి.. ఆమిర్ ఖాన్ నివాసం పరిసరాల్లో పలుమార్లు రెక్కీ నిర్వహించినట్లు తెలుస్తోంది. ఆమిర్ ఇంటి దగ్గర కనీసం మూడుసార్లు సంచరించినట్లు సమాచారం. అయితే ఆమిర్ ఖాన్ తరచూ సినిమా షూటింగ్స్ కోసం బయటకు వెళ్లడం లేదా ఇంట్లోనే ఎక్కువ సమయం ఉండటంతో ఆయనను చేరుకోవడం కష్టమైందట. దీంతో తమ ప్లాన్‌ను మార్చుకున్న నిందితులు.. టైగర్ ష్రాఫ్ ను లక్ష్యంగా చేసుకున్నట్లు దర్యాప్తు వర్గాలు వెల్లడించినట్లు కథనాలు పేర్కొంటున్నాయి. టైగర్ ష్రాఫ్ కు ఫుట్‌బాల్ అంటే ఇష్టం. ముంబైలోని జుహూ ప్రాంతంలో ఉన్న ఓ గ్రౌండ్‌కు ఆయన తరచూ ఫుట్‌బాల్ ఆడేందుకు వెళ్తుంటారని నిందితులు గుర్తించినట్లు సమాచారం. ముఖ్యంగా ఆదివారాల్లో ఆయన అక్కడికి వచ్చే విషయాన్ని తెలుసుకుని దాడికి ప్రణాళిక రచించినట్లు తెలుస్తోంది. ఆమిర్ ఖాన్‌ను లక్ష్యంగా చేసుకోవాలన్న ప్రణాళికకు గతంలో వచ్చిన బెదిరింపులతో సంబంధం ఉందా? అనే కోణంలోనూ పోలీసులు దర్యాప్తు చేస్తున్నట్లు సమాచారం. 2026 జులైలో గౌరీ స్ప్రాట్‌తో ఆమిర్ మూడో వివాహం జరిగిన సమయంలో.. లారెన్స్ బిష్ణోయ్ గ్యాంగ్‌తో సంబంధం ఉందని చెప్పుకున్న ఓ వ్యక్తి.. ఆమిర్ ఖాన్‌కు బెదిరింపులు చేసినట్లు వార్తలు వచ్చాయి. ఇప్పుడు టైగర్ ష్రాఫ్ కాల్పుల కేసులోనూ అసలు టార్గెట్ గా ఆమిర్ పేరు వినిపిస్తుండటంతో.. ఈ రెండు వ్యవహారాల మధ్య సంబంధం ఉందా? అన్నది ఆసక్తికరంగా మారింది. ఇది కూడా చదవండి: వివాదంలో ప్రభాస్ ఫౌజీ.. క్షమాపణ చెప్పాలంటూ నేతాజీ కుటుంబం డిమాండ్.! [Bishnoi Gang First Target Aamir Khan, Lawrence Bishnoi Gang, Mumbai Firing Incident, Aamir Khan Target, Aamir Khan News, Bishnoi Gang, Tiger Shroff, Aamir Khan]
Oct 26, 2026 11:55AM
INTERESTING NEWS
Customer Service
For support : teluguone.teluguone@gmail.com | For Queries : support@teluguone.com