Home  
Politics
Erri Dippa

ఎర్రిడిప్ప కామెడీ

  సెలబ్రిటీల మీద సందర్భానుసారం సెటైర్లు వేసే మన ఎర్రిడిప్ప ఈసారి కేజ్రీవాల్, అజారుద్దీన్, పూరి జగన్నాథ్ లాంటి క్రేజీ పీపుల్ మీద ఎలాంటి కామెడీ కామెంట్లు చేశాడో చూసేయండి...  

aamir khan christmas

అమీర్‌ఖాన్ ఇంట్లో క్రిస్మస్ సందడి

  బాలీవుడ్ నటుడు అమీర్‌ఖాన్ ఇంట్లో క్రిస్మస్ సంబరాలు గురువారం నాడు ఘనంగా నిర్వహించారు. ఈ సంబరాల్లో అమీర్‌ఖాన్ క్రిస్మస్ తాత శాంటాక్లాజ్ వేషంలో వచ్చి పిల్లలకు చాక్లె్ట్లు, బహుమతులు ఇచ్చారు. పిల్లలతో కలసి చిన్నపిల్లాడిలా గంతులు వేస్తూ సందడి చేశారు. ఈ సందర్భంగా తీసిన పలు చిత్రాలను ఆయన సామాజిక మాధ్యమం ద్వారా ఆయన అందరితో పంచుకున్నారు.  

Dawood Ibrahim

దావూద్ ఇబ్రహీం పాక్ లో లేడు కానీ తరచూ వచ్చి పోతుంటాడుట!

  అనేక నేరాలలో మోస్ట్ వాంటెడ్ క్రిమినల్ గా ఉన్న అండర్ వరల్డ్ డాన్ దావూద్ ఇబ్రహీం పాకిస్తాన్ లో ఉంటున్నట్లు భారత నిఘావర్గాలు ఆధారాలను చూపుతుంటే, పాక్ ప్రభుత్వం అతను తమ దేశంలో నివసించడం లేదని వాదిస్తోంది. పాక్ ప్రభుత్వం చెపుతున్నది నిజమే కాని పాక్షికంగా మాత్రమేనని పాకిస్తాన్ కి చెందిన ప్రముఖ 'డాన్' మీడియా గ్రూప్ సి.ఈ.ఓ. హమీద్ హరూన్ మాటలు స్పష్టం చేస్తున్నాయి. ఆయన ఈరోజు సాయంత్రం “భారత్-పాకిస్తాన్ మధ్య మెరుగుపడిన సంబంధాలను స్థిరీకరించడానికి ఎటువంటి చర్యలు చేప్పట్టాలి” అనే విషయం చర్చించేందుకు ముంబై ప్రెస్ క్లబ్ మరియు అబ్సర్వర్ రీసెర్చ్ ఫౌండేషన్ సంస్థలు సంయుక్తంగా ముంబైలో ఏర్పాటు చేసిన ఒక చర్చా కార్యక్రమంలో పాల్గొన్నపుడు దావూద్ ఇబ్రహీం గురించి కొన్ని ఆసక్తికరమయిన విషయాలు తెలియజేసారు.   హమీద్ హరూన్ ఆ చర్చా కార్యక్రమంలో మాట్లాడుతూ “దావూద్ ఇబ్రహీం పాకిస్తాన్ లో స్థిరనివాసం ఏర్పరచుకోలేదనే విషయం నేను ఖచ్చితం చెప్పగలను. కానీ అతను తరచూ పాకిస్తాన్ వచ్చి పోతుంటాడనే సంగతి విషయం నేను చాలా సార్లు విన్నాను. అతను దుబాయ్, దక్షిణాఫ్రికా దేశాల మధ్య తిరుగుతూ అక్కడే ఉంటున్నట్లు నేను విన్నాను. అతనిని నేను ఇంతవరకు ఎన్నడూ చూడలేదు. అతను ఒక హంతకుడు. పాక్ ప్రభుత్వం అటువంటి హంతకులను పట్టుకొని కటినంగా శిక్షించాలని కోరుకొంటున్నాను. అటువంటి వ్యక్తులను ఉపేక్షించరాదు,” అని అన్నారు.   భారత్ మీడియా ప్రతినిధులు అడిగిన ఒక ప్రశ్నకు ఆయన జవాబు చెపుతూ “ఒకవేళ భారత్-పాకిస్తాన్ దేశాల ప్రభుత్వాలు తమ చర్చలను ముందుకు తీసుకువెళ్ళడంలో విఫలమయితే, ఇరు దేశాల ప్రజలే చొరవ తీసుకొని రెండు దేశాల మధ్య సహృద్భావ వాతావరణం ఏర్పడేందుకు కృషి చేయాలి,” అని అన్నారు.   భారత్-పాకిస్తాన్ దేశాల మత్స్యకారులను ఇరు దేశాల ప్రభుత్వాలు విడుదల చేస్తూ ఇరు దేశాల మధ్య సత్సంబంధాలు నెలకొనేందుకు దోహదపడుతున్నాయి. మత్య్సకారులను దేశభద్రత, రక్షణ కారణాలతో ఇబ్బందిపెట్టకూడదని నేను అభిప్రాయపడుతున్నాను. ఎందుకంటే వారు రెండు దేశాలలో సమాజంలోని అతి పేద వర్గానికి చెందినవారు,” అని హమీద్ హరూన్ అన్నారు.

Shocking Video

షాకింగ్ వీడియో... వీళ్ళా ప్రజా ప్రతినిధులు?

అసెంబ్లీలో స్పీకర్ సాక్షిగా వైసీపీ సభ్యులు ఎలా ప్రవర్తిస్తున్నారో, ఎలాంటి మాటలు మాట్లాడుతున్నారో చూడాలనుకుంటున్నారా.. అయితే ఈ వీడియో చూడండి. ఈ వీడియో చూశాక వీళ్ళా ప్రజా ప్రతినిధులు అని అనిపించడం ఖాయం.  

earthquake

శ్రీకాకుళం జిల్లాలో భూకంపం

  శ్రీకాకుళం జిల్లాలో పలు ప్రాంతాల్లో గురువారం సాయంత్రం భూ ప్రకంపనలు సంభవించాయి. శ్రీకాకుళం పట్టణంలోని గుజరాతీపేట, పీఎస్ కాలనీ, ప్రాంతాలు... పొందూరు, ఎచ్చెర్ల, జి.సిగడాం మండలాల్లో పలుచోట్ల భూమి స్వల్పంగా కంపించింది. పొందూరు మండలంలో కినిమెట్ల, లోలుగు, కుందూరు, ఎచ్చెర్ల మండలంలోని కుచేలపురం, ఫరీద్‌పేట, ఎ.ఎ.వలస, జి.సిగడాం మండలంలో టంకాల దుక్కివలస గ్రామంలో నాలుగు సెకన్లపాటు భూమి కంపించింది. దాంతో ప్రజలు ఇళ్ళనుంచి బయటకి పరుగులు తీశారు.

kashmir cm ill health

కాశ్మీర్ ముఖ్యమంత్రికి అస్వస్థత

  జమ్ము కాశ్మీర్ ముఖ్యమంత్రి ముఫ్తీ మహ్మద్ సయీద్ అస్వస్థతకు గురయ్యారు. జ్వరం, ఛాతీనొప్పి రావడంతో ఆయనను గురువారం మధ్యాహ్నం ఎయిమ్స్ ఆస్పత్రిలో చేర్పించారు. ప్రస్తుతం ఆయన ఆరోగ్య పరిస్థితి నిలకడగా వుందని, కొంచెం జ్వరం మాత్రమే వుందని ఆస్పత్రి అధికార ప్రతినిధి తెలిపారు. నిపుణులైన వైద్యబృందం ఆధ్వర్యంలో ఆయన ఆరోగ్యాన్ని పరిశీలిస్తున్నామని చెప్పారు..

konakalla son marriage

ఎంపీ కొనకళ్ళ కుమారుడి వివాహం

  మచిలీపట్నం ఎంపీ కొనకళ్ళ నారాయణరావు కుమారుడు విజయ గణపతి, ఏపీ ఉప ముఖ్యమంత్రి కె.ఇ.కృష్ణమూర్తి బంధువుల కుమార్తె మహిత వివాహం హైదరాబాద్‌లోని ఏఆర్‌సీ కన్వెన్షన్ సెంటర్లో వైభవంగా జరిగింది. ఈ వేడుకలో గవర్నర్ నరసింహన్, ఏపీ ముఖ్యమంత్రి చంద్రబాబు నాయుడు, తెలుగుదేశం పార్టీ జాతీయ ప్రధాన కార్యదర్శి లోకేష్, సినీ నటుడు, ఎమ్మెల్యే బాలకృష్ణ, ఎంపీలు మురళీమోహన్, సుబ్బరామిరెడ్డి, నిర్మాత దిల్ రాజు తదితరులు హాజరై వధూవరులను ఆశీర్వదించారు.

Lal Krishna Advani

బీజేపీ సీనియర్లు మళ్ళీ ఏమి బాంబు ప్రేలుస్తారో?

  బీజేపీ సీనియర్ నేతలు లాల్ కృష్ణ అద్వానీ, మురళీ మనోహర్ జోషి, యశ్వంత్ సిన్హా, శాంత కుమార్ ఈరోజు డిల్లీలో మురళీ మనోహర్ జోషి ఇంట్లో సమావేశం అవడం అందరినీ ఆకర్షిస్తోంది. ఆర్ధిక మంత్రి అరుణ్ జైట్లీపై ఆరోపణల నేపధ్యంలో పార్టీలో జరుగుతున్న పరిణామాలపై వారు నలుగురు చర్చించి ఉండవచ్చని తెలుస్తోంది. వారు తమ సమావేశ వివరాలను మీడియాకు తెలియజేయకపోవడంతో వారు ప్రస్తుతం జరుగుతున్న సంఘటనలపై తమ అసమ్మతిని బహుశః లేఖ ద్వారా పార్టీ అధిష్టానానికి తెలియజేవచ్చని పార్టీలో నేతలు భావిస్తున్నారు.   అరుణ్ జైట్లీని విమర్శించినందుకు ఎంపి కీర్తి ఆజాద్ ని పార్టీ నుండి సస్పెండ్ చేయడాన్ని అద్వానీ శిష్యుడుగా చెప్పుకోబడుతున్న శత్రుఘన్ సిన్హా తప్పు పట్టారు. బహుశః ఆయన వారి ఆభిప్రాయన్నే వ్యక్తం చేసి ఉండవచ్చని అందరూ భావిస్తున్నారు. ఒకవేళ రేపు అద్వానీ తదితరులు కూడా అదే అభిప్రాయం వ్యక్తం చేసినట్లయితే, బీజేపీ తన నిర్ణయాన్ని వెనక్కి తీసుకోవలసివస్తే కాంగ్రెస్, దాని మిత్రపక్షాలకు జవాబు చెప్పుకోవడానికి చాలా ఇబ్బంది పడవచ్చును.

modi putin

మోడీకి కత్తి + కత్తిలాంటి గిఫ్ట్

  భారత ప్రధాని నరేంద్రమోడీ ప్రస్తుతం రష్యా పర్యటనలో వున్న విషయం తెలిసిందే. మోడీ గురువారం నాడు రష్యా అధ్యక్షుడు పుతిన్‌తో సమావేశమయ్యారు. ఈ సందర్భంగా పుతిన్ మోడీకి అరుదైన కానుకను అందజేశారు. మహాత్మాగాంధీ తన స్వహస్తాలతో రాసిన డైరీలోని ఒక పేజీని గాంధీ చిత్రపటంతో కలిపి మోడీకి కానుకగా పుతిన్ అందజేశారు. ఈ కానుకతోపాటు 18వ శతాబ్దం కాలం నాటి ఒక కత్తిని కూడా పుతిన్‌ మోడీకి అందజేశారు. ఈ విషయాన్ని మోడీ తన ట్విట్టర్ అకౌంట్ ద్వారా వెల్లడించారు. తనకు అరుదైన కానుకలు ఇచ్చినందుకు మోడీ పుతిన్‌కి ట్విట్టర్ ద్వారా కూడా ధన్యవాదాలు తెలిపారు.  

Fire at Saudi hospital kills 25

ఆస్పత్రిలో అగ్ని ప్రమాదం.. 25 మంది మృతి

  సౌదీ అరేబియాలో దారుణం జరిగింది. సౌదీలోని జిజన్ నగరంలోని ఒక ప్రైవేట్ వైద్యశాలలో గురువారం ఉదయం భారీ అగ్నిప్రమాదం సంభవించింది. ఈ ప్రమాదంలో 25 మంది మరణించగా, వంద మందికి తీవ్ర గాయాలు అయ్యాయి. ఆస్పత్రి మొదటి అంతస్తులో వున్న ఐసీయు, మెటర్నిటీ వార్డులో మంటలు చెలరేగి, ఆ తర్వాత పై అంతస్తులకు వ్యాపించాయి. అగ్నిమాపక సిబ్బంది మంటలను అదుపుచేసేలోపే ప్రాణనష్టం జరిగిపోయింది. ఈ అగ్ని ప్రమాదానికి దారి తీసిన కారణాలను అన్వేషిస్తున్నారు.  

Political Stars in Telugu Cinema Titles of 2015

2015 పొలిటికల్ టైటిల్ స్టార్స్ వీళ్ళే

  2015లో తెలుగులో విడుదలైన కొన్ని సినిమా టైటిల్స్‌కు సరిగ్గా సరిపోయే పొలిటికల్ స్టార్స్ ఎవరా అని పరిశీలిస్తే కొన్ని టైటిల్స్‌కి కొంతమంది కరెక్టుగా సూటయ్యారు. ఆ టైటిల్స్ ఏమిటో... వాటికి సూటైనవాళ్ళు ఎవరో చూసేయండి...  

suicide

పిల్లలతో రైల్లోంచి దూకిన తల్లి

  గుంటూరు జిల్లా నిడుబ్రోలు రైల్వే స్టేషన్లో బుధవారం అర్ధరాత్రి దారుణం జరిగింది. కదులుతున్న రైల్లోంచి ఒక తల్లి తన ఇద్దరు పిల్లలతో సహా కిందకి దూకేసింది. ఈ ప్రమాదంలో తల్లి, ఆమె కుమార్తె మరణించారు. మరో బాలుడి పరిస్థితి విషమంగా వుంది. ఆ బాలుడిని గుంటూరు ప్రభుత్వ ఆస్పత్రికి తరలించారు. ఈ ఆత్మహత్యా యత్నానికి గల కారణాలు, వీరు ఎవరు అనే విషయాలు వెల్లడి కావలసి వుంది.  

ayuta chandi yagam

చండీయాగంలో రెండో రోజు...

  తెలంగాణ ముఖ్యమంత్రి కేసీఆర్ తన ఎర్రవల్లి ఫామ్‌హౌస్‌లో నిర్వహిస్తున్న అయుత మహా చండీయాగం గురువారం నాటికి రెండో రోజుకు చేరుకుంది. చండీయాగంలో భాగంగా గురువారం నాడు నిర్వహించే కార్యక్రమాలు ఇవి... గురుప్రార్థన, గోపూజ, ఏకాదశ న్యాసపూర్వక ద్వి సహస్ర చండీ పారాయణ, నవావరణ పూజ, యోగినీ బలి, మహా ధన్వంతరీ యాగం, రాజశ్యామల చతుర్వేద మహారుద్ర పునశ్చరణ, మహాసౌరం, ఉక్తదేవతా జపాలు, కుమారి - సువాసినీ - దంపతి పూజ, మహ మంగళహారతి, విశేష నమస్కారాలు, మధ్యాహ్నం మూడు గంటల నుంచి ధార్మిక ప్రవచనం, సాయంత్రం కోటి నవాక్షరి పునశ్చరణ, ఉపచార పూజ, విశేష నమస్కారాలు, శ్రీచక్ర మండలారాధనం, అష్టావధాన సేవ, ప్రసాద వినియోగం, రాత్రి ఏడున్నరకు శ్రీరామలీల హరికథా కాలక్షేపం.  

Telangana Assembly Winter Sessions

జనవరి నెలాఖరు నుండి తెలంగాణా అసెంబ్లీ సమావేశాలు

  జనవరి నెలాఖరు నుండి వారం రోజుల పాటు తెలంగాణా శాసనసభ సమావేశాలు నిర్వహించాలనుకొంటున్నట్లు స్పీకర్ మధుసుధానాచారి నిన్న మీడియాకు తెలిపారు. వరంగల్ జిల్లా చిట్యాలలో ఒక కార్యక్రమంలో పాల్గొనడానికి వచ్చిన ఆయన మీడియా సమావేశం ఏర్పాటు చేసి ఈ విషయం తెలిపారు. హైదరాబాద్ వెళ్ళిన తరువాత ముఖ్యమంత్రి కేసీఆర్ తో మాట్లాడి శాసనసభ సమావేశాలు షెడ్యూల్ ఖరారు చేస్తానని తెలిపారు. జనవరి నెలాఖరులోనే జి.హెచ్.ఎం.సి. ఎన్నికలు జరుగబోతున్నాయి కనుక ఆ తరువాతే సమావేశాలు నిర్వహించే అవకాశమున్నట్లు భావించవచ్చును.

MP

కీర్తి ఆజాద్ పై బీజేపీ సస్పెన్షన్ వేటు

  ఊహించినట్లే బీజేపీ తన ఎంపి కీర్తి ఆజాద్ పై సస్పెన్షన్ వేటు వేసింది. ఢిల్లీ డిస్ట్రిక్‌ క్రికెట్ అసోసియేషన్ (డీడీసీఏ) కుంభకోణంలో ఆర్ధిక మంత్రి అరుణ్ జైట్లీ అవినీతికి పాల్పడ్డారని అరవింద్ కేజ్రీవాల్ ఆరోపిస్తున్న సంగతి తెలిసిందే. ఆయనతో పోటీగా కీర్తి ఆజాద్ కూడా అరుణ్ జైట్లీపై విమర్శలు గుప్పించారు. దాని వలన పార్టీకి మరింత ఇబ్బందికర పరిస్థితులు ఏర్పాడ్డాయి. పార్టీ అధిష్టానం ఎంతగా హెచ్చరిస్తున్నా వినకుండా జైట్లీపై విమర్శలు గుప్పిస్తుండటంతో కీర్తి ఆజాద్ ని పార్టీ నుండి సస్పెండ్ చేస్తున్నట్లు బీజేపీ బుధవారం సాయంత్రం ప్రకటించింది.   ఈ విషయం తెలియగానే కీర్తి ఆజాద్ మీడియా సమావేశం ఏర్పాటు చేసి “నేను అవినీతికి వ్యతిరేకంగానే పోరాడాను తప్ప వ్యక్తులకు వ్యతిరేకంగా కాదు. డీడీసీఏలో అవినీతి జరిగిన మాట నూటికి నూరుపాళ్ళు వాస్తవం. దాని గురించి మాట్లాడినందుకే నాపై ఇటువంటి చర్య తీసుకోవడం దురదృష్టకరం. డీడీసీఏలో గుండు సూది మొదలుకొని పెద్ద పెద్ద నిర్మాణాల వరకు ప్రతీ కొనుగోలులో, పనిలో అవినీతి జరిగింది. ఈ అవినీతి చివరికి ‘వికీ లీక్స్’ వరకు చేరుకొంది అంటే ఎంత బారీ స్థాయిలో అవినీతి జరిగిందో అర్ధం చేసుకోవచ్చును. వికీ లీక్స్ సంస్థ విడుదల చేసిన జాబితాలలో ఆ అవినీతి బాగోతాలు చూడవచ్చును,” అని కీర్తి ఆజాద్ అన్నారు. ఆ వివరాలున్న వీడియోని ఆయన మీడియా ప్రతినిధులకు ప్రదర్శించి చూపారు. పార్టీలో ఉన్నా లేకపోయినా అవినీతిపై తన పోరాటం కొనసాగిస్తానని అన్నారు.

2019 జాతీయ క్రీడలు ఆంధ్రప్రదేశ్‌లో...

  2019 సంవత్సరంలో జరిగే జాతీయ క్రీడల ఆతిథ్య హక్కులను ఆంధ్రప్రదేశ్ రాష్ట్రం సొంతం చేసుకుంది. గువాహతిలో జరిగిన భారత ఒలింపిక్ సంఘం సమావేశంలో ఈ మేరకు నిర్ణయం తీసుకున్నారని స్పోర్ట్స్ అథారిటీ ఆఫ్ ఆంధ్రప్రదేశ్ (శాప్) డైరెక్టర్ రవీంద్రబాబు తెలిపారు. నెల్లూరు జిల్లా మొగళ్ళపాలెంలో జాతీయ క్రీడలు నిర్వహించనున్నామని, దీనికోసం 150 ఎకరాల్లో అంతర్జాతీయ స్థాయి స్టేడియాన్ని నిర్మించనున్నామని ఆయన వెల్లడించారు.  

గవర్నరు సదాశివంను అవమానించిన ఎయిరిండియా..!

సుప్రీంకోర్టు మాజీ ప్రధాన న్యాయమూర్తి..కేరళ గవర్నరు సదాశివంకు చేదు అనుభవం ఎదురైంది. నిన్న రాత్రి ఆయన కోచి నుండి త్రివేండ్రంకు వెళ్లేందుకు విమానాశ్రయానికి వెళ్లగా.. ఆయన వెళ్లే సరికి అక్కడ విమానం లేకపోయేసరికి ఆయన షాకయ్యారు. వివరాల ప్రకారం.. అసలు సదాశివం వెళ్లవలసిన విమానం 9.20కి బయలుదేరాల్సి ఉంది. అయితే అది కాస్త ఆలస్యమై షెడ్యూలు 11.40కి మారింది. అయితే గవర్నరు కూడా 11.28కే వచ్చేశారు. కానీ అప్పటికే విమానం ఎక్కేందుకు ఉపయోగించే నిచ్చనను తొలగించేశారు. గవర్నరుకు ఎలాంటి చెకింగ్ లేకుండా పంపించొచ్చు కాబట్టి ఆయన్ను 11.28కి కూడా అనుమతించొచ్చు. అయినా ఆయన్ను వదిలేసి 11.40కి విమానం గాలిలోకి ఎగిరింది. దీంతో షాక్ కు గురయిన సదాశివం చాలాసేపు మాట్లాడకుండా ఎయిర్ పోర్టులోనే అలా ఉండిపోయారు. ఎయిరిండియాపై కేసు వేసేందుకు ఆయన సిద్ధమవుతున్నట్లు సమాచారం.

అయుత చండీయాగం... సంప్రదాయ దుస్తుల్లో గవర్నర్

  తెలంగాణ ముఖ్యమంత్రి కేసీఆర్ అయుత మహా చండీయాగం నిర్వహిస్తున్న ఎర్రవల్లిలోని ఫామ్‌హౌస్ ప్రాంతమంతా సందడిగా వుంది. రుత్విక్కులు, వేద పండితులు, యాగాన్ని తిలకించడానికి వచ్చిన ప్రజలతో ఆ ప్రాంతమంతా కోలాహలంగా వుంది. యాగానికి వస్తున్న ప్రముఖులకు స్వాగతం పలకడానికి కేసీఆర్ కుమారుడు కేటీఆర్, మేనల్లుడు హరీష్ రావు సిద్ధంగా వున్నారు. ఏ అతిథి వచ్చినా సాదర స్వాగతం పలుకుతున్నారు. ఇంతలో గవర్నర్ నరసింహన్ వస్తు్నారన్న సమాచారం అందింది. కాసేపట్లో గవర్నర్ కారు వచ్చి కేటీఆర్, హరీష్ రావు ముందు ఆగింది. అందులోంచి దిగిన గవర్నర్ నరసింహన్‌ని చూసి అందరూ ఆశ్చర్యపోయారు. ఆయన సూటూ బూటులో దిగలేదు. నూటికి నూరుశాతం సంప్రదాయమైన దుస్తుల్లో సతీ సమేతంగా ఆయన యాగానికి వచ్చారు. అసలు గవర్నర్ నరసింహన్ శైలే అది.. ఆయన దేవాలయానికి వెళ్తే చొక్కా వేసుకోరు. ఆధ్మాత్మికవేత్త అయిన ఆయనకు ఎక్కడకి ఎలా రావాలో బాగా తెలుసని అక్కడున్నవారు అనుకోవడం వినిపించింది.  

అయుత చండీయాగం... ఎక్స్‌క్లూజివ్ ఫొటోలు

తెలంగాణ ముఖ్యమంత్రి కేసీఆర్ మెదక్ జిల్లా ఎర్రవల్లిలోని తన ఫామ్‌హౌస్‌లో అత్యంత వైభవంగా నిర్వహిస్తున్న అయుత చండీయాగానికి సంబంధించిన కొన్ని ఎక్సక్లూజివ్ ఫొటోలు... మీకోసం..