ఐ బొమ్మ రవి.. ఐదేళ్లలో వంద కోట్ల సంపాదన!

ఐబొమ్మ రవి పోలీస్ కస్టడీ ముగిసింది. పోలీసుల విచారణలో సంచలన విషయాలు వెలుగులోకి వచ్చాయి. మొత్తం పైరసీ రవి ఒక్కడే చేసినట్లు విచారణలో బయటపడింది.  ఈ పైరసీ ద్వారా రవి ఐదేళ్లలో దాదాపు 100 కోట్ల రూపాయల వరకు  సంపాదించినట్లు గుర్తించారు. సినిమాలను కొనుగోలు చేసి వాటిని తన ఐబొమ్మలో పోస్ట్ చేసినట్లు గుర్తించారు. తనకున్న వెబ్ డిజైనింగ్ టెక్నాలజీతో కొత్త కొత్త రూపంలో డిజైనింగ్ చేసి ఆ మేరకు డబ్బులు సంపాదించారని పోలీసుల విచారణలో తేలింది.

అలాగే   ఐ బొమ్మ లో సినిమా చూసే అందరి   రవి తస్కరించి ఆ మేరకు ప్రమోషన్స్ నిర్వహించు కున్నట్లు తేలింది.  తన దగ్గర 55 లక్షల మంది సంబంధించిన డేటా ఉందని చెప్పి బెట్టింగ్ గేమింగ్,  మ్యాట్రిమోనీ డాట్ కామ్ ల నుంచి యాడ్స్ రూపంలో కూడా సొమ్ములు సంపాదించినట్లు పోలీసులు కనుగోన్నారు.   పైరసీ వెబ్‌సైట్‌  ఐబొమ్మ  వ్యవహారంలో అరెస్టైన రవిని ఐదు రోజుల పాటు కస్టడీలో విచారించిన సీసీఎస్‌ సైబర్‌ క్రైమ్‌ పోలీసులు రవిని నాంపల్లి కోర్టులో హాజరు పరిచి అక్కడ నుంచి రిమాండ్ కు తరలించారు. అయితే ఈ ఐదు రోజుల విచారణలో పలు కీలక అంశాలు వెలుగులోకి వచ్చాయి. రవి బ్యాంకు ఖాతాల్లో దాదాపు 30 కోట్ల రూపాయలకు పైగా లావాదేవీలు జరిగాయనీ, అతడికి మొత్తం 36 బ్యాంకు ఖాతులు ఉన్నట్లు గుర్తించారు. 

.విచారణలో రవి టెలిగ్రామ్‌ ఛానళ్ల ద్వారా సినిమాల కొనుగోలు– అమ్మకం జరిపినట్టు బయటపడింది. యాప్స్‌ ద్వారానే బేరసారాలు జరిపి, డాలర్ల రూపంలో  వ్యక్తులకు చెల్లింపులు చేసినట్టు పోలీసులు గుర్తించారు. కొనుగోలు చేసిన సినిమాలను ఐబొమ్మలో అప్‌లోడ్ చేసి కొన్ని గంటల్లోనే భారీ ఆదాయం ఆర్జించినట్టు వెలుగులోకి వచ్చింది. 

ఐబొమ్మలో సినిమా ఓపెన్‌ చేయగానే వినియోగదారులు 15 వరుస యాడ్స్‌కు రీడైరెక్ట్ అయ్యేలా రవి సిస్టమ్‌ను రూపొందించినట్టు  తేలింది. మ్యాట్రీమోని, బెట్టింగ్‌, గేమింగ్‌ యాప్స్‌తో పాటు,  పలు ప్రకటనలకు లింకులు ఇచ్చి కోట్లలో ఆదాయం సంపాదించినట్టు పోలీసులు వెల్లడించారు. ఏపీకే ఫైళ్ల ద్వారా బెట్టింగ్ యాప్స్‌కు ప్రమోషన్‌ చేసి  మనీ సర్క్యులేషన్‌ చేసినట్టు గుర్తించారు.అభ్యంతరకర లావాదేవీలను దాచేందుకు రవి ఐడీఎఫ్ సీ  బ్యాంక్ ఖాతాను వినియోగించగా, అందులో వచ్చిన నిధులను యూఎస్డిటి రూపంలో క్రిప్టో కరెన్సీకి మార్చినట్టు కూడా అధికారులు కనుగొన్నారు. రవి స్నేహితుడు నిఖిల్‌కు భారీగా డబ్బులు బదిలీ చేసిన వివరాలు బయటపడ్డాయి.

రవి  అతడి స్నేహితుడు కలిసి వెబ్‌సైట్ ఆపరేషన్స్, డొమైన్ నెట్‌వర్క్స్, ఐపీ మాస్కింగ్, వీపీఎన్ హైడింగ్, డేటా స్క్రాంబ్లింగ్ వంటి టెక్నికల్ కార్యకలాపాలు నిర్వహించినట్టు పోలీసులు తెలిపారు. ఐబొమ్మ రవిపై సైబర్ క్రైమ్ పోలీస్ స్టేషన్లో ఇప్పటికే 5 కేసులు నమోదయ్యాయి. నిర్మాతలు చేసిన ఫిర్యాదుల ఆధారంగా మరిన్ని కేసుల్లో పీటీ వారెంట్ దాఖలైంది.   రవిని మరోసారి విచారించేందుకు సైబర్ క్రైమ్ అధికారులు సిద్ధమవుతున్నారు.ఇలా ఐబొమ్మ కేసుపై హైదరాబాద్ సీపీ సజ్జనర్ మీడియా మంగళవారం (నవంబర్ 26) మీడియాతో మాట్లాడతారు.