నీహృదయాన్ని అడుగు

- సులోచనా దేవి

ఓ మునిమాపు వేళ

బృందావనిలోని వెన్నెలంతా

నీ ముంగిలిలో చిరుజల్లులా

కురుస్తూ -

క్రొత్త లోకాల్లోకి

తీసుకెళ్తుందా -

ఎవరిదో తీయనైన పిలుపు

నీకు పిల్లన గ్రోవిలా

హాయిగా వినిపిస్తుందా -

చల్లని యమునా తటిలో

ఎవరితోనో జంటగా

విహరించాలని ఉందా -

తెలియని తీరాలకు

అలాగే సాగిపోవాలనుందా-

నిన్నదంతా అన్నీ మరచిపోయేట్లు

చేసినదెవరో తెలుసుకోవాలనుందా-

ఇంకెందుకు ఆలస్యం నేస్తం

నీ హృదయాన్నడిగి తెలుసుకో

నీ ప్రియుడి చిరునామా చెప్తుంది.