హైదరాబాద్  అంబర్‌పేట్‌లో విషాదం చోటుచేసుకుంది.  ఒకే కుటుంబానికి చెందిన ముగ్గురు   ఆత్మహత్య చేసుకోవడంతో స్థానికంగా కలకలం రేపింది. ఇంట్లో ముగ్గురూ  విగతజీవులుగా పడి ఉండడం గమనించిన స్థానికులు వెంటనే  పోలీసులకు సమాచారం అందించారు.  ఘటన స్థలానికి చేరుకున్న పోలీసులు మృతులు రామ్‌రాజ్ (55), ఆయన భార్య మాధవి (50), కుమారుడు శశాంక్ (24)గా గుర్తించారు.

కుటుంబమంతా ఒకేసారి ప్రాణాలు తీసుకోవ డం వెనుక గల కారణాలు తెలియాల్సి ఉంది. ఆర్థిక ఇబ్బందులే కుటుంబం ఆత్మహత్యకు కారణమని ప్రాథమికంగా భావిస్తున్నారు.  కుటుంబం ఆత్మహత్య ఘటనపై కేసు నమోదు చేసి  దర్యాప్తు చేపట్టారు. కుటుంబ సమస్యలా? ఆర్థిక ఇబ్బందులా?  ఇతర ఏమైనా కారణాలు ఉన్నాయా? అన్న  కోణంలో పోలీసులు ఆరా తీస్తున్నారు.