' పూర్ణమ్మ' లు కాకండి

-శారద అశోకవర్ధన్

నాడు కన్యాశుల్కం కాలనాగై కాటేసింది
    నేడు వరకట్నం విషపుగాలులు గుప్పుతోంది
    పేరు మారిందే గాని మారలేదు పరిస్థితి
    అదేంఖర్మో అప్పుడూ ఇప్పుడూ ఆడదానికి గోదారే గతి!
    ఈ సమస్య పోయేదెలాగా?
    డబ్బుకీ పెళ్ళికీ లంకె తెగేదెలాగా ?
    ఆడవాళ్ళూ బలిపశువుల్లా పడి వుండకండి
    నిండు జీవితాలు బుగ్గిపాలు చెయ్యకండి
    పెళ్లంటే కాదు వ్యాపారమని చాటి చెప్పండి
    చదువుకున్న వనితలూ మీరు కూడా
    ' పూర్ణమ్మలు' కాకండీ!