బాహుబలి కథ లీకయ్యిందోచ్....!
"మర్యాద రామన్న" చిత్రం విడుదలకు ముందే దర్శకుడు రాజమౌళి ఈ చిత్రం కథ చెప్పి, అందరిని ఆశ్చర్యపరిచాడు. కానీ ఈ చిత్రం విడుదలై మంచి విజయం సాధించింది. అదే విధంగా "ఈగ" చిత్రం కథ కూడా ముందే చెప్పి బ్లాక్ బస్టర్ హిట్టు కొట్టాడు. అయితే ప్రస్తుతం రాజమౌళి దర్శకత్వంలో తెరకెక్కుతున్న తాజా చిత్రం "బాహుబలి". ప్రభాస్, అనుష్క, రానా ప్రధాన పాత్రలలో నటిస్తున్న ఈ భారీ బడ్జెట్ చిత్రంపై ఇప్పటికే అంచనాలు భారీగా పెరిగిపోయాయి. అయితే ఈ "బాహుబలి" చిత్రం కథ లీకయ్యింది.
నిజానికి ఈ కథ తెలిసిపోయిన కొందరు వ్యక్తులు దీనిని కామెడీగా షార్ట్ ఫిల్మ్ గా కూడా తెరకెక్కించే ప్రయత్నాలు చేస్తున్నారు. అసలు ఏమిటా కథా అని అనుకుంటున్నారా?
ప్రభాస్, రానా అన్నదమ్ములు. వీరిద్దరూ కూడా అనుష్కనే ప్రేమిస్తారు. కాకపోతే ఆ అమ్మాయికి ప్రభాస్ అంటే చాలా ఇష్టం. ఈ విషయం తెలుసుకున్న రానా, ప్రభాస్-అనుష్క లను విడగొట్టే ప్రయత్నాలు చేస్తాడు. దీనికి వీరు రాజమార్గాన్ని ఎంచుకుంటారు. కానీ రానా మాత్రం రాజామార్గంతో పాటు, అడ్డదారి ప్రయత్నాలు కూడా చేస్తూ అనుష్కను ఎలాగైనా తన సొంతం చేసుకోవాలని అనుకుంటాడు. దీనికోసం తన సొంత మనుషులను కూడా చంపడానికి రానా ప్రయత్నిస్తుంటాడు. తర్వాత ప్రభాస్-అనుష్క లకు నిశ్చితార్థం జరుగుతుంది. ఆ తర్వాత అనుకోకుండా ఇదే సమయంలో వీరికి ఒక పెద్ద సమస్య వస్తుంది. ఈ సమస్యను ప్రభాస్ బాహుబలి లాగా పోరాడుతుంటే... రానా మాత్రం అనుష్కను తన వశం చేసుకోడానికి ఇదే మంచి అవకాశం అనుకొని.. తనని దక్కించుకొనే ప్రయత్నాలు చేస్తాడు. తర్వాత ఫైనల్ గా ప్రభాస్-రానా లకు భారీ యుద్ధం జరిగి, చివరికి రానాకి బుద్ధి వచ్చేలా చేస్తాడు ప్రభాస్. దాంతో ప్రభాస్-అనుష్కలు పెళ్లి చేసుకుంటారు.
ఈ కథ వినటానికి చాలా కొత్తగా ఏం లేకపోయినా కూడా, దీనిని రాజమౌళి తనదైన శైలిలో తెరకెక్కించి బ్లాక్ బస్టర్ హిట్టు కొట్టనున్నాడని తెలిసింది.