చిన్నారి అవయవదాత
అవయవ దానం మీద ప్రపంచ వ్యాప్తంగా అవగాహన పెరుగుతోంది. నేత్రదానం, రక్తదానం తర్వాత అవయవదానం అంత గొప్పదన్న విషయాన్ని ఇప్పుడు చాలామంది గుర్తిస్తున్నారు. ఎవరైనా అకస్మాత్తుగా మరణిస్తే, వారి శరీరంలో పనికివచ్చే అవయవాలను అవసరం వున్నవారికి దానం చేయడం, మరికొంతమందికి జీవితాన్ని ఇవ్వడం అనేది చాలా గొప్ప విషయం. ఇప్పుడు ఆ గొప్ప పనిని కేవలం ఆరు రోజుల వయసున్న బాలిక ద్వారా జరిగింది. బ్రిటన్‌లోని ఓ మహిళకు ఆరు రోజుల క్రితం ఆడపిల్ల పుట్టింది. పుట్టినప్పటి నుంచే ఆ పాప గుండెలో నయం కాని సమస్య వుందని వైద్యులు అర్థం చేసుకున్నారు. ఆమె ఎక్కువకాలం బతకదని నిర్ధారించారు. ఆ విషయం తెలిసిన ఆ పాప తల్లిదండ్రులు శోకంలో మునిగిపోయారు. అయితే వారి పాపకు మరో జీవితాన్నిచ్చే ప్రతిపాదనను డాక్టర్లు చేశారు. ఆ పాప శరీరంలో కిడ్నీలు, లివర్, ఇతర కొన్ని ఉపయోగపడే భాగాలను అవి అవసరమైన పిల్లలకు దానం చేయాల్సిందిగా రిక్వెస్ట్ చేశారు. దానికి ఆ పాప తల్లిదండ్రులు అంగీకరించారు. ఆ తర్వాత వైద్యులు ఆ పాప నుంచి ఆ అవయవాలను సేకరించి వాటి అవసరం వున్న అమెరికా, జర్మనీ, ఆస్ట్రేలియాలోని చిన్నపిల్లలకు వాటిని పంపించారు. ఈ అవయవాల ద్వారా ఆ మూడు దేశాల్లో వున్న పిల్లలకు కొత్త జీవితం వస్తుందన్న ఆశాభావాన్ని వైద్యులు వ్యక్తం చేశారు. ఆ చిన్నారి అవయవదాతకి, ఆమె తల్లిదండ్రులకి సెల్యూట్.
.jpg)
