International News

పౌరసత్వం రాకముందే ఓటు హక్కు పొందారా.. సోనియా గాంధీ కేసులో కొత్త ట్విస్ట్.!

కాంగ్రెస్ అగ్రనేత సోనియా గాంధీ ఓటరు జాబితాలో పేరు నమోదుకు సంబంధించిన వివాదం మరోసారి తెరపైకి వచ్చింది. ఢిల్లీలోని రౌస్ అవెన్యూ కోర్టులో ఈ కేసుకు సంబంధించి కీలక పరిణామం చోటుచేసుకుంది. ఈ వ్యవహారంలో అదనపు ఆధారాలు, పత్రాలు సమర్పించేందుకు ఫిర్యాదుదారుడికి కోర్టు అనుమతి ఇచ్చింది. తదుపరి విచారణను నవంబర్ 18వ తేదీకి వాయిదా వేసింది.వివరాల్లోకి వెళ్తే.. వికాస్ త్రిపాఠి అనే వ్యక్తి ఈ వ్యవహారంపై కోర్టును ఆశ్రయించారు. సోనియా గాంధీ 1983లో భారత పౌరసత్వం పొందారని, అయితే అంతకంటే ముందే అంటే 1980 నాటి న్యూఢిల్లీ నియోజకవర్గ ఓటరు జాబితాలో ఆమె పేరు ఎలా నమోదైందని ఆయన తన పిటిషన్‌లో ప్రశ్నించారు. పౌరసత్వం పొందకముందే ఓటరు జాబితాలో పేరు చేర్చడం ఎలా సాధ్యమైందనే అంశంపై విచారణ జరపాలని పిటిషనర్ కోరారు. తప్పుడు పత్రాలు, నిబంధనలకు విరుద్ధంగా ఆమె పేరు నమోదైందని ఆరోపిస్తూ సమగ్ర దర్యాప్తు జరిపించాలని అభ్యర్థించారు.అయితే ఈ ఆరోపణలను సోనియా గాంధీ తరఫు న్యాయవాదులు ఖండించారు. రాజకీయ ప్రేరేపిత ఆరోపణలతో న్యాయ ప్రక్రియను దుర్వినియోగం చేస్తున్నారని వాదించారు. ఎలాంటి ప్రాథమిక ఆధారాలు లేకుండా ఊహాగానాల ఆధారంగా ఫిర్యాదు చేశారని కోర్టు దృష్టికి తీసుకెళ్లారు.ఇరువర్గాల వాదనలు పరిశీలించిన న్యాయస్థానం.. ఈ కేసులో తమ వాదనలకు మద్దతుగా అదనపు ఆధారాలు, పత్రాలు సమర్పించేందుకు ఫిర్యాదుదారుడికి అనుమతించింది. ఈ నేపథ్యంలో తదుపరి విచారణను నవంబర్ 18వ తేదీకి వాయిదా వేసింది. ఆ రోజున ఫిర్యాదుదారుడు సమర్పించే ఆధారాలు, వాటిపై కోర్టు ఎలా స్పందిస్తుందన్నది ఆసక్తికరంగా మారింది.సోనియా గాంధీ పౌరసత్వం, ఓటరు జాబితాలో పేరు నమోదుకు సంబంధించిన అంశాలు మరోసారి జాతీయ రాజకీయాల్లో చర్చకు దారితీశాయి. - 1946, డిసెంబర్ 9: ఇటలీలోని లూసియానాలో సోనియా గాంధీ జన్మించారు. అప్పటి పేరు ఆంటోనియా మైనో. - 1968, ఫిబ్రవరి 25: రాజీవ్ గాంధీని వివాహం చేసుకున్నారు. - 1980: ఫిర్యాదుదారుడి ఆరోపణ ప్రకారం, న్యూఢిల్లీ లోక్‌సభ నియోజకవర్గ ఓటరు జాబితాలో ఆమె పేరు నమోదైంది. - 1982: ఓటరు జాబితా నుంచి ఆమె పేరు తొలగించబడిందని ఫిర్యాదులో పేర్కొన్నారు. - 1983, ఏప్రిల్ 30: భారత పౌరసత్వ చట్టంలోని సెక్షన్ 5(1)(c) ప్రకారం రిజిస్ట్రేషన్ ద్వారా భారత పౌరసత్వం పొందారు. ఈ కేసులో అసలు వివాదం ఏమిటి.? భారత పౌరసత్వం పొందకముందే 1980 ఓటరు జాబితాలో పేరు ఎలా నమోదైందన్నదే ప్రధాన ప్రశ్న. ఆ నమోదు సమయంలో ఎలాంటి పత్రాలు సమర్పించారు? ఎన్నికల అధికారులు ఏ విధంగా పేరు చేర్చారు? అన్న అంశాలపై ఫిర్యాదుదారుడు విచారణ కోరుతున్నారు. కీలకమైన న్యాయపరమైన అంశం: సెప్టెంబర్ 21, 2026న సెషన్స్ కోర్టు గతంలో మేజిస్ట్రేట్ ఇచ్చిన ఉత్తర్వును రద్దు చేసి, ఫిర్యాదును మరోసారి పరిశీలించాలని ఆదేశించింది. నవంబర్ 6న అదనపు పత్రాలు సమర్పించేందుకు అనుమతి లభించింది. అయితే ఇప్పటివరకు ఈ ఆరోపణలు నిరూపితమైన నేరంగా పరిగణించరాదు. ఇది కూడా చదవండి :హైదరాబాద్‌లో కల్తీ పాల దందా గుట్టురట్టు.. పోలీసుల దాడిలో విస్తుపోయే నిజాలు.! [ Sonia Gandhi Voter List Case, Sonia Gandhi Citizenship, Rouse Avenue Court, 1980 Voter List, Delhi Court News, TeluguOne News, Vikas Tripathi, PM MODI, Telugu One, Telugu News ]

Published on: Fri Nov 6, 2026 2:44PM

లాస్ ఎంజెల్స్ మేయర్: భారత సంతతి నేత నిత్యారామన్.!

అమెరికాలోని లాస్ ఏంజిల్స్ మేయర్ ఎన్నికలలో భారత సంతతికి చెందిన నగర కౌన్సిల్ సభ్యురాలు నిత్యా రామన్ విజయం ఖరారైంది. కౌంటింగ్ లో ఆమె తన సమీప ప్రత్యర్థి, ప్రస్తుత మేయర్ కేరెన్ బ్రెస్‌పై భారీ ఆధిక్యంలో ఉన్నారు. తాజా సమాచారం మేరకు నిత్యా రామన్ మెజారిటీని తగ్గుతుందేమో కానీ విజయం మాత్రం ఖాయం అంటున్నారు. నగరంలోని వివిధ ప్రాంతాల నుంచి వస్తున్న ఓట్ల సరళి ఆమెకు అనుకూలంగా ఉంది. ఈ ఎన్నికల పోరులో నిత్యా రామన్ అనుసరించిన వ్యూహాలు లాస్ ఏంజెల్స్ వాసులను విశేషంగా ఆకట్టుకున్నాయి. ముఖ్యంగా నగరంలో నెలకొన్న గృహ నిర్మాణ సమస్యలు, నిరాశ్రయుల సంక్షేమం, ప్రజా సేవలు, భద్రతా అంశాలపై ఆమె స్పష్టమైన ప్రణాళికలను ప్రజల ముందుంచారు. యువత, మధ్యతరగతి ప్రజల నుంచి ఆమెకు అనూహ్య స్పందన లభించింది. ప్రస్తుత మేయర్ కేరెన్ బ్రెస్ పాలనా వైఫల్యాలు, ముఖ్యంగా ఇటీవల నగరంలో తలెత్తిన కొన్ని విపత్కర పరిస్థితులను సరిగ్గా ఎదుర్కోవడంలో జరిగిన జాప్యం వంటి అంశాలు ఈ ఎన్నికలపై ప్రభావం చూపినట్లు పరిశీలకులు విశ్లేషిస్తున్నారు. సిటీ కౌన్సిల్‌లో సభ్యురాలిగా నిత్యా రామన్ చేసిన సేవలను ప్రజలు గుర్తుచేసుకుంటూ, నగరానికి నూతన నాయకత్వం అవసరమని జనం భావించారని ఫలితాల సరళి స్పష్టం చేస్తోంది. ఇది కూడా చదవండి: మేరీ ల్యాండ్ గవర్నర్ గా రెండో సారి: తెలుగు సంతతి యువతి అరుణా మిల్లర్.! గతంలో లాస్ ఏంజిల్స్ స్థానిక రాజకీయాల్లోకి సామాజిక కార్యకర్తగా ప్రవేశించిన నిత్యా రామన్, అనతికాలంలోనే ప్రజల మన్ననలను పొందారు. గత నగర కౌన్సిల్ ఎన్నికల్లో విజయం సాధించి సంచలనం సృష్టించిన ఆమె, ఇప్పుడు ఏకంగా మేయర్ పదవిని కైవసం చేసుకోనున్నారు. అమెరికాలో ఒక ప్రధాన నగర మేయర్ స్థానానికి పోటీ పడుతున్న భారత సంతతి మహిళగా ఆమె ఇప్పటికే చరిత్ర సృష్టించారు. ఇప్పుడు గెలిస్తే మేయర్ గా ఎన్నికైన తొలి భారత సంతతి మహిళగా రికార్డు సృష్టిస్తారు. ఓట్ల లెక్కింపు తుది దశకు చేరుకుంటున్న తరుణంలో, నిత్యా రామన్ విజయం సాధించడం లాంఛనమే అంటున్నారు పరిశీలకులు. లాస్ ఎంజెల్స్ నగర చరిత్రలో ఒక కొత్త అధ్యాయానికి తెరతీసేలా ఆమె విజయం సాధిస్తారని మద్దతుదారులు ధీమా వ్యక్తం చేస్తున్నారు. అధికారిక ప్రకటన వెలువడిన వెంటనే ఆమె లాస్ ఏంజిల్స్ తదుపరి మేయర్‌గా బాధ్యతలు స్వీకరించే అవకాశాలు స్పష్టంగా కనిపిస్తున్నాయి. మీకు నచ్చవచ్చు: అమెరికా మధ్యంతర ఎన్నికలు: డెమొక్రట్ల హవా.. ట్రంప్ పాలనపై ప్రజాగ్రహం.! అమెరికా మధ్యంతర ఎన్నికలు: డెమొక్రట్ల ఆధిక్యత: ట్రంప్ శిబిరంలో ఆందోళన.! [Los Angeles Mayor Nithya Raman, Defeat Karen Bass, LA Mayoral Election, Indian-American Mayor, Telugu One]

Published on: Fri Nov 6, 2026 9:12AM

యజమాని కూతురితో ప్రేమాయణం.. చివరకు యువకుడి ప్రాణం తీసిన వివాదం.!

కూతురిపై అంతులేని ప్రేమ.. ఆమె భవిష్యత్తుపై ఎన్నో ఆశలు.. కానీ ఆ తండ్రి ఆగ్రహం మాత్రం ఓ నిండు ప్రాణాన్ని బలితీసుకుంది. క్షణికావేశం కళ్లను కమ్మేసింది. విచక్షణను చంపేసింది. ఆవేశంలో తీసుకున్న ఒక్క నిర్ణయం ఓ యువకుడి జీవితాన్ని అర్ధంతరంగా ముగించింది. కర్ణాటక రాజధాని బెంగళూరులో చోటుచేసుకున్న ఈ దారుణ ఘటన తీవ్ర కలకలం రేపుతోంది. బెంగళూరులోని ఓ సంపన్న ప్రాంతంలో నివసించే ప్రముఖ వ్యాపారి తన ఇంట్లో వివిధ పనుల కోసం పలువురు సిబ్బందిని నియమించుకున్నాడు. వారిలో 24 ఏళ్ల యువకుడు కూడా కొంతకాలంగా ఉద్యోగిగా పనిచేస్తున్నాడు. ఈ క్రమంలో వ్యాపారి కుమార్తెకు, ఆ యువ ఉద్యోగికి మధ్య సాన్నిహిత్యం ఏర్పడినట్లు తెలుస్తోంది. వీరిద్దరి మధ్య ఉన్న సంబంధంపై కుటుంబంలో అనుమానాలు కూడా మొదలైనట్లు సమాచారం. అయితే, అనూహ్యంగా ఓ రోజు ఉదయం వ్యాపారి ఎవరికీ సమాచారం ఇవ్వకుండా ఇంటికి తిరిగి వచ్చాడు. ఆ సమయంలో తన కుమార్తె గదిలో యువ ఉద్యోగిని చూసినట్లు పోలీసుల ప్రాథమిక విచారణలో వెల్లడైంది. ఈ దృశ్యం చూసిన వ్యాపారి ఒక్కసారిగా ఆగ్రహంతో ఊగిపోయాడు. ఇద్దరి మధ్య మాటామాటా పెరిగింది. అప్పటివరకు మనసులో ఉన్న కోపం ఒక్కసారిగా కట్టలు తెంచుకుంది. ఆవేశంలో విచక్షణ కోల్పోయిన వ్యాపారి.. ఇంట్లో అందుబాటులో ఉన్న వస్తువులతో యువకుడిపై విచక్షణారహితంగా దాడి చేసినట్లు ఆరోపణలు ఉన్నాయి. ఆ దాడిలో తీవ్రంగా గాయపడిన 24 ఏళ్ల యువకుడు అక్కడికక్కడే కుప్పకూలిపోయాడు. తీవ్ర గాయాలు, అధిక రక్తస్రావంతో చివరకు ప్రాణాలు విడిచాడు. ఎన్నో ఆశలతో జీవితంలో ముందుకు సాగాల్సిన ఆ యువకుడి జీవితం ఒక్కసారిగా ముగిసిపోయింది. ఈ ఘటనతో ఇంట్లో కలకలం రేగింది. సమాచారం అందుకున్న పోలీసులు వెంటనే అక్కడికి చేరుకున్నారు. మృతదేహాన్ని స్వాధీనం చేసుకుని పోస్టుమార్టం నిమిత్తం ప్రభుత్వ ఆసుపత్రికి తరలించారు. దాడికి పాల్పడిన వ్యాపారిని అదుపులోకి తీసుకుని హత్య కేసు నమోదు చేశారు. ఘటనకు సంబంధించిన పూర్తి వివరాలపై దర్యాప్తు కొనసాగిస్తున్నారు. వ్యాపారి కుమార్తెను కూడా విచారిస్తున్నట్లు సమాచారం. ఒక కుటుంబంలో తలెత్తిన అనుమానాలు.. మరో కుటుంబంలో తీరని విషాదాన్ని నింపాయి. ఏది నిజం? ఎవరిది తప్పు? అనే విషయాలు పక్కనపెడితే.. ఆగ్రహాన్ని అదుపు చేసుకోలేకపోవడం ఒక నిండు ప్రాణాన్ని బలితీసుకుంది. సమస్య ఏదైనా సరే.. చట్టాన్ని చేతుల్లోకి తీసుకునే హక్కు ఎవరికీ లేదు. ఆవేశంలో తీసుకున్న నిర్ణయాలు క్షణికమే కావచ్చు.. కానీ అవి మిగిల్చే విషాదం మాత్రం జీవితాంతం వెంటాడుతూనే ఉంటుంది. [ Bengaluru Murder Case, Bengaluru Crime News, Businessman Daughter Love Affair, 24 Year Old Youth Murder, Employee Murder, Karnataka Crime News, Love Affair Murder, Bengaluru Police Investigation, Businessman Arrest, Shocking Murder Case ]

Published on: Thu Nov 5, 2026 3:19PM

బాణాసంచా ఫ్యాక్టరీలో పేలుడు: రాజస్థాన్ లో ముగ్గురు సజీవ దహనం.!

రాజస్థాన్‌లో ఓ బాణా సంచ కర్మాగారంలో భారీ పేలుడు సంభవించింది. ఈ ఘటనలో ముగ్గురు మరణించగా, పలువురు తీవ్రంగా గాయపడ్డారు. క్షతగాత్రులలో పలువురి పరిస్థితి రాజస్థాన్ లోని నాగోర్‌లో బాణాసంచా, గన్ పౌడర్ తయారీ కేంద్రంలో ఈ పేలుడు సంభవించింది. ఈ దుర్ఘటనలో మృతులు నాగోర్ పట్టణంలోని బన్ బజార్ వాడ ప్రాంతానికి చెందినవారిగా గుర్తించారు. పేలుడు ధాటికి అ చుట్టుపక్కల దాదాపు 100 అడుగుల పరిధిలో ఉన్న ఇళ్లు, వాహనాలు కూడా దెబ్బతిన్నాయి. ప్రమాద స్థలంలో యుద్ధ ప్రాతిపదికన సహాయకచర్యలు చేపట్టారు. ప్రమాదం జరిగిన వెంటనే అక్కడకు చేరుకున్న ఫైర్ సిబ్బంది మంటలు అదుపు చేశారు. [Blast in Fire Works Factory, Three Dead, Rajasthan, Huge Fire, Several, Vehicles, Damaged, Telugu One]

Published on: Thu Nov 5, 2026 12:26PM

మేరీ ల్యాండ్ గవర్నర్ గా రెండో సారి: తెలుగు సంతతి యువతి అరుణా మిల్లర్.!

అమెరికాలో జరిగిన మధ్యంతర ఎన్నికల్లో తెలుగు సంతతికి చెందిన హైదరాబాద్‌లో జన్మించిన అరుణా మిల్లర్‌ అ మేరీల్యాండ్‌ రాష్ట్ర లెఫ్టినెంట్‌ గవర్నర్‌గా రెండోసారి భారీ విజయం సాధించారు. డెమొక్రటిక్‌ పార్టీ తరఫున గవర్నర్‌ అభ్యర్థి వెస్‌ మూర్ తో కలిసి బరిలోకి దిగిన అరుణా మిల్లర్‌, మరోమారు ఎన్నికై తన సత్తా చాటుకున్నారు. ఈ విజయంతో తెలుగు జాతికి, భారతీయులకు అమెరికా గడ్డపై మరోసారి ప్రత్యేక గుర్తింపు లభించినట్లయింది. హైదరాబాద్‌లో జన్మించిన అరుణా మిల్లర్‌ చిన్నతనంలోనే కుటుంబంతో కలిసి అమెరికాకు వలస వెళ్లారు. అమెరికాలో సివిల్ అండ్ ట్రాన్స్‌పోర్టేషన్ ఇంజనీర్‌గా సుమారు పాతిక సంవత్సరాల పాటు పని చేసిన అరుణా మిల్లర్, ఆ తర్వాత రాజకీయ రంగప్రవేశం చేశారు. మేరీల్యాండ్ హౌస్ ఆఫ్ డెలిగేట్స్‌లో సభ్యురాలిగా సేవలందించిన ఆమె, రాష్ట్రస్థాయి ఎన్నికల్లో పోటీ చేసి మేరీల్యాండ్ చరిత్రలోనే తొలి తొలి వలసదారు లెఫ్టినెంట్‌ గవర్నర్‌గా పదవిని అధిష్టించి రికార్డు సృష్టించారు. గతంలో ఆమె తొలిసారి పదవీ బాధ్యతలు చేపట్టినప్పుడు పవిత్ర భగవద్గీతను స్పృశించి ప్రమాణ స్వీకారం చేయడం అప్పట్లో అందరి దృష్టినీ ఆకర్షించింది. ఆమె తన మొదటి హయాంలో రాష్ట్రంలో రవాణా రంగ అభివృద్ధి, మౌలిక వసతుల కల్పన, శ్రామిక కుటుంబాల సంక్షేమం, ఆర్థిక వృద్ధికి ప్రత్యేక కృషి చేశారు. ప్రజలకు ఆమె అందించిన నిరంతర సేవలు, ప్రజా సంక్షేమ కార్యక్రమాలే ఆమెకు రెండోసారి విజయాన్ని కట్టబెట్టాయని పరిశీలకులు విశ్లేషిస్తున్నారు. ఈ ఎన్నికల ప్రచార సమయంలో అమెరికాలో నెలకొన్న జాతీయ ఆర్థిక సవాళ్లు, ఫెడరల్ ఉద్యోగాల కోతలు, వలసదారుల సమస్యలు, అలాగే హెచ్ 1బి వీసాదారుల అనిశ్చితి వంటి పలు అంశాలపై ఆమె గట్టిగా గళం విప్పారు. అంతర్జాతీయ విద్యార్థులకు, విదేశీ నిపుణులకు అండగా నిలుస్తామని భరోసా ఇస్తూ ప్రచారం నిర్వహించారు. [Aruna Miller elected Maryland Lieutenant Governor, Second Time, Hyderabad Born Aruna Miller, US Midterm Elections, Telugu Origin Aruna Mille, Telugu One]

Published on: Thu Nov 5, 2026 9:21AM

ఆ సీఎం నోటి నుంచి పొద్దున్నే మద్యం వాసన వచ్చేది..రాహుల్ గాంధీ సంచలన వ్యాఖ్యలు.!

పంజాబ్ రాజకీయాల్లో ఆప్ ప్రభుత్వంపై కాంగ్రెస్ అగ్రనేత రాహుల్ గాంధీ తీవ్ర స్థాయిలో విరుచుకుపడ్డారు. రాష్ట్రంలో గడచిన కొద్దికాలంగా పెరిగిపోతున్న మత్తు పదార్థాల సంస్కృతిని అరికట్టడంలో అధికార పార్టీ పూర్తిగా విఫలమైందని ఆయన బహిరంగంగా ఆరోపించారు.సంగ్రూర్‌లో నిర్వహించిన ఒక భారీ బహిరంగ సభలో రాహుల్ గాంధీ ఈ వ్యాఖ్యలు చేశారు. గతంలో పార్లమెంట్ సమావేశాల సమయంలో పంజాబ్ ముఖ్యమంత్రి భగవంత్ మాన్‌తో తనకు ఎదురైన కొన్ని అనుభవాలను ఆయన ఈ సందర్భంగా గుర్తు చేసుకున్నారు. భగవంత్ మాన్ తన పక్కనే కూర్చుని సరదాగా కబుర్లు చెప్పేవారని రాహుల్ పేర్కొన్నారు. అయితే ఉదయం 11 గంటల సమయానికే ఆయన నోటి నుంచి మద్యం వాసన వచ్చేదని ఆయన సంచలన వ్యాఖ్యలు చేశారు.ఎవరి వ్యక్తిగత అలవాట్లు వారి ఇష్టమని, తాను ఎవరి వ్యక్తిగత స్వేచ్ఛను విమర్శించడం లేదని రాహుల్ స్పష్టం చేశారు. కానీ రాష్ట్రంలో తీవ్రంగా వేధిస్తున్న డ్రగ్స్ భూతాన్ని అంతం చేయాలనే సంకల్పం ఉన్నప్పుడు, రాష్ట్ర ముఖ్యమంత్రే ప్రతిరోజూ మత్తులో ఉంటే సమస్య ఎలా పరిష్కారమవుతుందని ఆయన నిలదీశారు.ఆప్ ప్రభుత్వం ఇచ్చిన ఏ ఒక్క హామీని నిలబెట్టుకోలేకపోయిందని రాహుల్ మండిపడ్డారు. పంజాబ్ పరిపాలన అంతా ఢిల్లీ నుంచి నడుస్తోందని, రాష్ట్ర రిమోట్ కంట్రోల్ ఇతరుల చేతుల్లో ఉందని ఆరోపించారు.కేంద్ర హోంమంత్రి అమిత్ షా ప్రకటించిన కాలపరిమితిపై కూడా ఆయన సందేహాలు వ్యక్తం చేశారు. మూడేళ్లలో డ్రగ్స్ సమస్యను పూర్తిగా తొలగిస్తామనడంలో ఎలాంటి వాస్తవం లేదని ఎద్దేవా చేశారు.రాబోయే రోజుల్లో పంజాబ్‌లో కాంగ్రెస్ పార్టీ అధికారంలోకి వస్తే ప్రజల ఆకాంక్షలకు అనుగుణంగా స్వయంగా ఇక్కడి నుంచే ప్రభుత్వాన్ని నడుపుతామని స్పష్టం చేశారు. ప్రస్తుత నాయకత్వం తీరును మార్చుకోకపోతే ప్రజలు త్వరలోనే తగిన గుణపాఠం చెబుతారని ఆయన అభిప్రాయపడ్డారు. [ Rahul Gandhi, Bhagwant Mann, Punjab politics, AAP government, drug menace Punjab, Sangrur Congress Rally, Arvind Kejriwal, Punjab Politics, Telugu One, Telugu News ]

Published on: Wed Nov 4, 2026 4:26PM

సీఈసీ జ్ణానేశ్ కుమార్ పై విజిలెన్స్ విచారణ: కేరళ సర్కార్ గ్రీన్ సిగ్నల్.!

కేంద్ర ఎన్నికల సంఘం ప్రధాన కమిషనర్ (సీఈసీ) జ్ఞానేశ్ కుమార్‌పై విజిలెన్స్ విచారణకు కేరళ ప్రభుత్వం గ్రీన్ సిగ్నల్ ఇచ్చింది. జ్ణానేశ్ కుమార్ పై గతంలో వచ్చిన అవినీతి ఆరోపణలపై విచారణ జరిపేందుకు కేరళ ప్రభుత్వం అధికారికంగా అనుమతి ఇచ్చంది. ఆయన పీడబ్ల్యూడీ కార్యదర్శిగా బాధ్యతలు నిర్వర్తించిన కాలంలో 2 కోట్ల రూపాయల లంచం డిమాండ్ చేశారంటూ వస్తున్న ఆరోపణలపై సమగ్ర దర్యాప్తు చేపట్టాలని రాష్ట్ర విజిలెన్స్ అండ్ యాంటీ కరప్షన్ బ్యూరోను కేరళ సర్కార్ ఆదేశించింది. కేరళ స్టేట్ ట్రాన్స్‌పోర్ట్ ప్రాజెక్ట్ పనులకు సంబంధించి ఈ వివాదం తలెత్తింది. ఈ ప్రాజెక్ట్‌లో భాగమైన పాథిబెల్ సంస్థతో కలిసి పనిచేసిన ఇంజనీర్ లీ సీ బిన్‌కు రావాల్సిన చెక్కులు, పెండింగ్ బిల్లులను విడుదల చేసేందుకు జ్ఞానేశ్ కుమార్ లంచం కోరారని కాంట్రాక్టర్ వీ.ఓ. సాజన్ గతంలో ఆరోపించారు. పనులన్నీ పూర్తయి ఇంజనీర్లచే ఆమోదం పొందిన సుమారు 17 కోట్ల రూపాయల విలువైన బిల్లులను చెల్లించకుండా నిలిపివేసి, వాటి క్లియరెన్స్ కు లంచం డిమాండ్ చేశారన్నది జ్ణానేశ్ కుమార్ పై ఆరోపణ. ఈ మేరకు ఈ మేరకు కాంట్రాక్టర్ వీ.ఓ. సాజన్ ఫిర్యాదు చేశారు. అధికారులు బిల్లులు విడుదల చేయకపోవడం, నిరంతరం ఇబ్బందులకు గురిచేయడంతో ఇంజనీర్ లీ సీ బిన్‌కు తీవ్రమైన మానసిక ఒత్తిడికి లోనయ్యారని సాజన్ వెల్లడించారు. ఈ ఆర్థిక ఇబ్బందుల వల్లే ఆయన మలేసియాలో ఆత్మహత్య చేసుకున్నారన్న ఆరోపణలు కూడా ఉన్నాయి. మరణించే ముందు ఆయన రాసిన సుసైడ్ నోట్‌లో కూడా పీడబ్ల్యూడీ అధికారుల వేధింపుల ప్రస్తావన ఉందని కుటుంబ సభ్యులు కూడా అప్పట్లో తెలిపారు. లీసీబిన్ సుసైడ్, లంచం ఆరోపణలపై జరిగిన విజిలెన్స్‌ విచారణ నిష్పాక్షపక్షంగా జరగలేదని, క్లీన్‌చిట్ ఇచ్చే ఉద్దేశంతోనే దర్యాప్తును ముగించారని సాజన్ తన ఫిర్యాదులో పేర్కొన్నారు. ప్రస్తుతం జ్ఞానేశ్ కుమార్ కేంద్ర ఎన్నికల సంఘం ప్రధాన కమిషనర్ పదవిలో ఉన్నారు. ఆయన గతంలో సివిల్ సర్వీస్ లో ఉన్న కాలంలో జరిగిన ఘటనలపై విచారణ చేపట్టడానికి ఎలాంటి చట్టపరమైన అడ్డంకులు లేవని నిపుణులు స్పష్టం చేస్తున్నారు. సుప్రీంకోర్టు వెలువరించిన పలు తీర్పుల ప్రకారం కూడా ఇలాంటి కేసుల్లో విచారణకు వెసులుబాటు ఉందని కేరళ ప్రభుత్వం భావిస్తోంది. రాజ్యాంగబద్ధమైన పదవుల్లో ఉన్నవారికి లభించే రక్షణలు గతంలో వారు చేసిన అధికారిక విధులకు సంబంధించిన అవినీతి ఆరోపణల విచారణను నిరోధించలేవని ఈ ఉదంతంతో మరోసారి నిరూపితమైంది. తాజా పరిణామాల నేపథ్యంలో విజిలెన్స్ అండ్ యాంటీ కరప్షన్ బ్యూరో చట్టపరమైన నిబంధనల ప్రకారం ప్రాథమిక వేగవంతం చేసేందుకు సమాయత్తమౌతోది. ఈ వ్యవహారంపై కేంద్ర ఎన్నికల సంఘం లేదా సంబంధిత వర్గాల నుంచి అధికారిక స్పందన రావాల్సి ఉంది. [Kerala Vigilance Probe On CEC Gyanesh Kumar, Bribery Allegations, Kerala Government, Green Signal, Telugu

Published on: Wed Nov 4, 2026 1:59PM

జర్నలిస్టులపై అక్రమ కేసులకు తావు లేదు: సుప్రీం ధర్మాసనం తీర్పు.!

దేశవ్యాప్తంగా పత్రికలు, శాటిలైట్ ఛానెల్స్, డిజిటల్ మీడియా యూట్యూబ్ మాధ్యమాల్లో పెన్ను పట్టుకుని, వీడియో కెమెరా భుజాన వేసుకుని నిరంతరం ప్రజాహిత వార్తలు ప్రసారం చేస్తున్న ప్రతి ఒక్కరూ జర్నలిస్టులేనని సుప్రీం కోర్టు పేర్కొంది. సమాజంలో జరుగుతున్న అక్రమాలు, అవినీతి బాగోతాలు, అక్రమ దందాలు, రాజకీయ నాయకుల అవినీతి, అక్రమాలు, అలాగే వివిధ ప్రభుత్వ శాఖల్లో జరిగే అక్రమాలను నిర్భయంగా వెలుగులోకి తెచ్చే మీడియా ప్రతినిధులపై కొందరు కక్షసాధింపు చర్యల్లో భాగంగా బనాయించే అక్రమ కేసులు ఎట్టి పరిస్థితుల్లోనూ చెల్లవని సర్వోన్నత న్యాయస్థానం కుండబద్దలు కొట్టింది. రాజకీయంగా పలుకుబడి ఉన్నవారు లేదా అవినీతికి పాల్పడే వ్యక్తులు తమ తప్పులను కప్పిపుచ్చుకోవడానికి జర్నలిస్టులపై అక్రమంగా బనాయించే తప్పుడు కేసులకు ఇకపై తావు ఉండదని పేర్కొంది. సమాజానికి నిజాలు తెలియజేసే క్రమంలో నిజాయితీగా విధులు నిర్వర్తించే జర్నలిస్టులకు రక్షణ కల్పించాల్సిన అవసరం ఎంతైనా ఉందన్న ధర్మాసనం ప్రజాస్వామ్య వ్యవస్థలో నాల్గవ స్థంబంగా భావించే పత్రికా స్వేచ్ఛకు భంగం కలిగించేలా ఎలాంటి చర్యలు ఉన్నా వాటిని న్యాయస్థానాలు ఉపేక్షించవని తీర్పు వెలువరించింది. ప్రింట్ మీడియా, శాటిలైట్ ఛానెల్స్, యూట్యూబ్ న్యూస్ మాధ్యమాల్లో పనిచేస్తూ ఆయా అధికారిక జర్నలిస్ట్ సంఘాల్లో సభ్యత్వం కలిగి ఉన్నవారిపై నమోదయ్యే కేసులు నిజమైనవా లేక అక్రమంగా బనాయించినవా అనే అంశాన్ని పరిశీలించి పరిష్కరించే పూర్తి అధికారం ఆయా జర్నలిస్ట్ సంఘాలకే ఉంటుందని కోర్టు పేర్కొంది. సంఘాల ద్వారా ఈ విషయమై వారం రోజుల్లోనే తగిన నిర్ణయం తీసుకునేలా వెసులుబాటు కల్పించింది. జర్నలిస్ట్ సంఘాల నిర్ణయాన్ని లేదా నిబంధనలను బేఖాతరు చేస్తూ ఎవరైనా కక్షపూరితంగా అక్రమ కేసులు బనాయించినట్లయితే, అటువంటి ఫిర్యాదులు స్వీకరించినా లేదా దర్యాప్తు పేరుతో వేధించినా పోలీసులపై కూడా చర్యలు తప్పవని సుప్రీంకోర్టు హెచ్చరించింది.గత కొంతకాలంగా కొందరు వ్యక్తులు తమ స్వార్థ ప్రయోజనాల కోసం, అవినీతి బాగోతాలు బయటపడకుండా ఉండేందుకు జర్నలిస్టులను లక్ష్యంగా చేసుకుని వేధింపులకు గురిచేస్తున్నారనే ఆరోపణలు వెల్లువెత్తుతున్న తరుణంలో ఈ తీర్పు ప్రాధాన్యత సంతరించుకుంది. [Supreme Court Verdict On Journalists, Illegal Cases, journalists, Press Freedom, Journalist Associations, Telugu One]

Published on: Wed Nov 4, 2026 11:12AM

ప్రతి పండగకూ 10 తులాల బంగారం డిమాండ్..ఐటీ ఉద్యోగి మృతి వెనుక షాకింగ్ నిజాలు.!

మహారాష్ట్రలోని పుణెలో చోటుచేసుకున్న ఒక ఘటన దేశవ్యాప్తంగా తీవ్ర సంచలనం సృష్టించింది. ఒకప్పుడు ఐటీ ఉద్యోగిగా పనిచేసి మానేసిన యువతి పాయల్ జాంబ్రే పాటిల్ అనుమానాస్పద స్థితిలో మృతి చెందడం కలకలం రేపింది. ఆమె తన అపార్ట్‌మెంట్‌లో ఉరివేసుకుని విగతజీవిగా కనిపించడం స్థానికంగా తీవ్ర విషదాన్ని నింపింది. అయితే, ఆమె మరణం కేవలం సాధారణ ఆత్మహత్య కాదని, కట్న వేధింపుల కారణంగా జరిగిన హత్యేనని పాయల్ కుటుంబ సభ్యులు సంచలన ఆరోపణలు చేస్తున్నారు. వివాహం జరిగిన నాటి నుంచి అత్తమామలు, భర్త తనను శారీరకంగా, మానసికంగా తీవ్ర వేధింపులకు గురిచేశారని కుటుంబ సభ్యులు కన్నీటిపర్యూరవుతున్నారు. ఈ విషాద ఘటనకు సంబంధించి కుటుంబ సభ్యులు వెల్లడించిన మరిన్ని షాకింగ్ వివరాలు అందరినీ దిగ్భ్రాంతికి గురిచేస్తున్నాయి. కేవలం పెళ్లి సమయానికే కాకుండా, ప్రతి దీపావళి పండుగకు అదనపు కట్నంగా ఖచ్చితంగా పది తులాల (10 tolas) బంగారం ఇవ్వాలంటూ అత్తమామలు వేధించేవారని పాయల్ మామ తెలిపారు. ప్రతి ఏటా దీపావళికి ఈ రూపంలో వేధింపులు తారస్థాయికి చేరేవని, ఈ ఏడాది కూడా అదే డిమాండ్ తో ఆమెను మానసికంగా కుంగదీశారని ఆరోపించారు. ఆదివారం రోజున పాయల్ కు, ఆమె అత్తగారికి మధ్య తీవ్ర వాగ్వాదం, గొడవ జరిగిందని, ఆ తర్వాతే ఈ అనూహ్య పరిణామం చోటుచేసుకుందని కుటుంబ సభ్యులు వెల్లడించారు. సోమవారం ఉదయం పాయల్ కనిపించడం లేదని చెప్పి, ఆమె భర్త కుటుంబ సభ్యులు నిర్లక్ష్యంగా వ్యవహరించడం పలు సందేహాలకు తావిచ్చింది. బంధువులు వచ్చి గాలించగా, సమీపంలోని మరో ఫ్లాట్‌లో పాయల్ మృతదేహం బయటపడింది. ఆ గది తలుపులు లోపల నుంచి లాక్ చేసి ఉండటంతో అనుమానాలు మరింత బలపడ్డాయి. బలవంతంగా వెనుక బాల్కనీ ద్వారా లోపలికి వెళ్లి చూడగా, పాయల్ మృతదేహం ఉరికి వేలాడుతూ కనిపించింది. ఇది ముమ్మాటికీ హత్యేనని, ఆమె భర్త, అత్తమామలే పథకం ప్రకారమే హత్య చేసి ఉరితీశారని పాయల్ మామ, సోదరుడు తీవ్ర ఆరోపణలు గుప్పించారు. మృతురాలి కుటుంబ సభ్యుల ఫిర్యాదు మేరకు పోలీసులు రంగంలోకి దిగి, కేసు నమోదు చేసి దర్యాప్తు ప్రారంభించారు. ఈ కేసులో ప్రధాన నిందితుడైన పాయల్ భర్తను పోలీసులు అదుపులోకి తీసుకుని విచారణ జరుపుతున్నారు. ప్రతి ఏటా పండగ పేరుతో నూతనంగా డిమాండ్లు చేస్తూ ఒక నిండు ప్రాణాన్ని బలిగొన్న ఈ ఘటనపై సర్వత్రా విమర్శలు వ్యక్తమవుతున్నాయి. [ Pune techie death, dowry harassment, Payal Zambre Patil, 10 tolas gold demand, husband arrested, Pune crime news, Telugu One, Telugu News ]

Published on: Tue Nov 3, 2026 7:16PM

కర్ణాటక స్టింగ్ ఆಪరేషన్ కలకలం: కుమారస్వామికి బిగుస్తున్న ఉచ్చు.!

కర్ణాటక రాజకీయాలలో పెను సంచలనంగా మారిన స్టింగ్ ఆపరేషన్ ఉదంతం ఇప్పుడు కొత్త మలుపు తిరిగింది. ఈ కేసు దర్యాప్తులో భాగంగా పోలీసుల విచారణలో సంచలన వివరాలు వెలుగులోకి వచ్చాయి. ఈ కేసుకు సంబంధించి కీలకమైన ఒక మొబైల్ ఫోన్ లింకులు నేరుగా కేంద్ర మంత్రి, జేడీఎస్ నేత హెచ్‌డీ కుమారస్వామి వరకూ వెళ్లాయి. బెంగళూరు పోలీసు కమిషనర్ తెలిపిన వివరాల ప్రకారం, ఈ కేసులో నిందితుడిగా ఉన్న రితేష్ పాండే విచారణ సమయంలో కీలక విషయాలు వెల్లడించాడు. దిల్లీలోని కరోల్ బాగ్ మార్కెట్‌లో వినోద్ శర్మతో కలిసి తాను ఒక మొబైల్ ఫోన్‌ను కొనుగోలు చేసినట్లు తెలిపాడు. కుమారస్వామి సోషల్ మీడియా బృందంతో సంబంధం ఉన్న ప్రజ్వల్ ప్రసాద్ సూచనల మేరకే తాను ఈ మొబైల్ ఫోన్ కొనుగోలు చేసినట్లు రితీష్ పాండే విచారణలో అంగీకరించారు. ఫోన్ కొనుగోలు చేసిన అనంతరం రితేష్ పాండే, వినోద్ శర్మ ఇద్దరూ నేరుగా దిల్లీలోని కుశక్ రోడ్‌లో ఉన్న కుమారస్వామి అధికారిక నివాసానికి వెళ్లినట్లు పోలీసుల విచారణలో తేలింది. అక్కడ ఆ మొబైల్ ఫోన్‌ను నేరుగా ప్రజ్వల్ ప్రసాద్‌కు అందజేసినట్లు నిందితుడు పేర్కొన్నాడు. ఈ వివరాలన్నీ నిందితుడు ఇచ్చిన వాంగ్మూలం ఆధారంగానే తెలిశాయనీ, వీటిని స్వతంత్రంగా ధృవీకరించాల్సి ఉందని బెంగళూరు పోలీసు కమిషనర్ తెలిపారు. ఈ ఫోన్ మార్పిడి వ్యవహారంలో ప్రమేయం ఉన్న ప్రతి ఒక్కరి పాత్రపై దర్యాప్తు కొనసాగుతోందని తెలిపారు. ఈ కేసులో భాగంగా విచారణకు హాజరు కావాల్సిందిగా ప్రజ్వల్ ప్రసాద్‌తో పాటు వినోద్ శర్మకు పోలీసులు నోటీసులు జారీ చేశారు. అయినప్పటికీ, నిందితులు ఇద్దరూ ఇప్పటివరకు దర్యాప్తు అధికారుల ఎదుట హాజరుకాలేదు. అంతేకాకుండా, వారు చట్టపరమైన మార్గాలను ఆశ్రయించి ముందస్తు బెయిల్ కోసం ప్రయత్నాలు చేస్తున్నట్లు తెలుస్తోంది. నిందితుడు రితేష్ పాండే చెప్పిన అంశాలను నిర్ధారించుకునేందుకు దర్యాప్తు బృందాలు దర్యాప్తు చేస్తున్నాయి. మరోవైపు, ఈ స్టింగ్ వీడియోనుఎలా రికార్డు చేశారు, ఆ తర్వాత సోషల్ మీడియాలో దీన్ని ఎక్కడెక్కడ సర్క్యులేట్ చేశారనే కోణంలోనూ పోలీసులు విచారణను ముమ్మరం చేశారు. ఒరిజినల్ ఫుటేజ్‌ను రికార్డు చేయడానికి ఉపయోగించారనే అనుమానం ఉన్న మొబైల్ ఫోన్‌ను పోలీసులు ఇప్పటికే స్వాధీనం చేసుకుని, ఫోరెన్సిక్ పరీక్షల నిమిత్తం ల్యాబ్‌కు పంపారు. అలాగే.. ఈ వీడియోను ఆన్‌లైన్‌లో అప్‌లోడ్ చేయడానికి పూర్తిగా వేరొక ఫోన్‌ను ఉపయోగించినట్లు అధికారులు గుర్తించారు. ఈ కేసులో రానున్న రోజుల్లో మరిన్ని సంచలన నిజాలు వెలుగులోకి వచ్చే అవకాశం ఉందని పోలీసు వర్గాలు వెల్లడించాయి. [Karnataka Sting Operation Controversy, HD Kumaraswamy, Karnataka, Sting Video, Union Minister Kumaraswamy, Residence, Ritesh Pandey, Vinod Sharma, Telugu One]

Published on: Mon Nov 2, 2026 1:29PM