అతిపెద్ద బాంబు ప్రయోగం.. ట్రంప్ పై ప్రశంసలు..

అగ్రరాజ్యమైన అమెరికా నిన్న రాత్రి ఆఫ్ఘనిస్థాన్ లో అతిపెద్ద అణ్వస్త్రేతర బాంబును ప్రయోగించిన సంగతి తెలిసిందే. అయితే ఈ ప్రయోగంపై అమెరికా అధ్యక్షుడు డొనాల్డ్ ట్రంప్ పై ప్రశంసలు కురిపిస్తున్నారు. ఈ దాడితో ఉగ్రవాదులకు స్పష్టమైన సందేశం ఇచ్చినట్టు అయిందని..ఆఫ్ఘనిస్థాన్ తో పాటు ఇతర ప్రాంతాల్లో ఉన్న ఐసిస్, ఇతర ఉగ్రవాద సంస్థలను నాశనం చేసేందుకు అమెరికా ఎంత పట్టుదలతో ఉందో అన్న విషయం ఈ దాడితో అర్థమవుతోందని సెనేటర్ జిమ్ ఇన్ హోఫే తెలిపారు.  ఉగ్రవాద నిర్మూలనకు ట్రంప్ కట్టుబడి ఉన్నారని కొనియాడారు. కాగా ఆఫ్ఘనిస్థాన్ లో అతి పెద్ద బాంబును ప్రయోగించి ఐఎస్ఐఎస్ స్థావరాలను నాశనం చేశారు.