బిగ్ బాస్ లోకి ఎంట్రీ ఇవ్వనున్న హీరో శివాజీ!
హీరో శివాజీ.. ఈ పేరు అందరికి సుపరిచితమే. కొన్ని సినిమాలలో హీరోగా మారి కొన్ని సినిమాలలో సెకండ్ హీరో గా తన నటనతో అందరిని మెప్పించాడు శివాజీ. పాత్ర చిన్నదైన పెద్దదైన శివాజి తన పాత్రకి న్యాయం చేసి ప్రశంసలు పొందిన హీరో. శివాజీ గత కొంతకాలంగా తెర మీద కన్పించడం లేదు. ఇప్పుడు బిగ్ బాస్ ద్వారా తన సెకండ్ ఇన్నింగ్ మొదలు పెట్టానున్నట్లు వార్తలు వినిపిస్తున్నాయి.
శివాజి తన కెరీర్ నీ మొదటగా ప్రముఖ టీవీ ఛానల్ లో ఎడిటర్ గా మొదలుపెట్టి.. ఆ తర్వాత సినిమాల మీద ఆసక్తి తో చాలా సినిమాల్లో నటించాడు. శివాజీకి నటుడిగా గుర్తింపు తెచ్చిన సినిమా మాత్రం 'మిస్సమ్మ' అని చెప్పొచ్చు. లయ, భూమిక ఇద్దరు హీరోయిన్ ల కాంబినేషన్ లో వచ్చిన ఈ మూవీ ఆప్పట్లో హిట్ టాక్ ని తెచ్చుకుంది. ప్రియమైన నీకు, ఒట్టేసి చెప్తున్న, యువరాజ్, ఖుషి, ఇంద్ర, సందడే సందడి, ప్రియనేస్తం, ప్రేమంటే ఇదేరా, అమ్మాయి బాగుంది, కొంచెం టచ్ లో ఉంటే చెప్తా, అదిరింది అయ్యా చంద్రం.. ఇలా చెప్పుకుంటూ పోతే శివాజి నటించిన చిత్రాల జాబిత ఎక్కువే ఉంది. అయితే గత కొంత కాలంగా సినిమా ఇండస్ట్రీకి దూరంగా ఉంటు వస్తున్నాడు శివాజీ.
అమాయాక సాఫ్ట్ వేర్ ఎంప్లాయ్ గా 'జల్సా' సినిమాలో శివాజీ నటన ఇప్పటికీ గుర్తుండిపోతుంది. అయితే ఇప్పుడు తాజాగా బిగ్ బాస్ లోకి ఎంట్రీ ఇవ్వబోతున్నట్లు సమాచారం. ఈ సారి ఎంట్రీతో మళ్ళీ ఫామ్ లోకి రావాలనుకుంటున్నట్లు తెలుస్తుంది. అయితే శివాజీ బిగ్ బాస్ లోకి ఎంట్రీ ఇస్తాడా? లేదా అనేది తెలియాలంటే మరికొన్ని రోజులు ఆగాల్సిందే.