నా పెళ్ళికి బిగ్ బాస్ ట్రోఫీ గిఫ్ట్ కావాలి... నువ్వు ఏడిస్తే అమ్మ ఏడుస్తుంది
బిగ్ బాస్ సీజన్-9 లో పదకొండవ వారం ఫ్యామిలీ వీక్ మొదలైంది. ఇక నిన్నటి ఎపిసోడ్ లో కంటెస్టెంట్స్ అందరిని వరుసగా నిల్చోబెట్టి బిగ్ బాస్ మాట్లాడాడు. అదే ఫ్యామిలీ వీక్ గురించి తన మాటల్లో చెప్పాడు బిగ్ బాస్.
బిగ్బాస్ ఇంట్లో మీ ప్రయాణం చివరి అంకానికి అతి చేరువలో ఉంది.. ఎన్నో ఒడిదొడుకులు ఎదుర్కొంటూ సాగిన మీ ప్రయాణం మిమ్మల్ని ఎన్నో భావోద్వేగాలకి గురి చేసింది.. పరిస్థితులు ఏమైనా కొన్ని బంధాలు మాత్రమే ఎప్పటికీ మీ తోడుని వదలవు.. అలాంటి బంధాల్ని మీ ప్రయాణం కోసం ఈ ఇంటి బయటే వదిలేసి మీ లక్ష్యం కోసం ఈ ఇంట్లో అడుగుపెట్టారు. కుటుంబం మీ తోడు ఉంటే ప్రపంచాన్ని గెలిచే శక్తి వచ్చినట్లే.. ఇది ఆ శక్తిని పొందే సమయం.. కానీ ఎవరు తమ ప్రియమైన వ్యక్తులతో ఎంత సమయం గడపాలో తద్వారా ట్రోఫీ వైపు ఎంత ఆత్మవిశ్వాసంతో దూసుకెళ్తారన్నది మీ కృషిపైనే ఆధారపడి ఉంటుంది.. ఇందుకోసం మీకు నేను పెడుతున్న పోటీ చిక్కుముడి అంటూ బిగ్బాస్ చెప్పాడు. ఇక ఈ పోటీలో ఎవరు ఏ స్థానంలో నిలుస్తారో దాన్ని బట్టి బోర్డ్ మీద ఉన్న టైమ్ ఫ్రైమ్ దక్కుతుంది. అత్యధికంగా అరవై నిమిషాల సమయం ఈ బోర్డు మీద ఉంటే.. అతి తక్కువ సమయం పదిహేను నిమిషాలుగా ఉంది. మీరు మీ కుటుంబంతో గడిపే ప్రతీ నిమిషం.. వారు మీకు తెలిపే ప్రతీ విషయం మిమ్మల్ని ట్రోఫీ వైపు ముందుకు తీసుకెళ్లడంలో ఎంతో సహాయపడుతుందన్ని విషయం మర్చిపోకండి అంటూ పోటీకి ముందు బిగ్బాస్ చెప్పాడు. ఇక ఇక్కడే దత్తపుత్రికకి ఫేవరెటిజం చూపించాడు బిగ్ బాస్. మీరు కెప్టెన్ అయినందున మీకు నచ్చిన బోర్డ్ ని తీసుకోవచ్చు తనూజ అని అనడంతో తను వెళ్ళి అరవై నిమిషాలు ఉన్న బోర్డ్ తీసుకుంది. ఇక ఆ తర్వాత తాళ్ళతో కూడిన గేమ్ మొదలైంది. ఇందులో డీమాన్ పవన్ కి ముప్పై నిమిషాలు, ఇమ్మాన్యుయల్ కి ఇరవై నిమిషాలు, దివ్యకి పదిహేను నిమిషాలు, భరణికి పదిహేను నిమిషాలు వచ్చాయి. అయితే కళ్యాణ్ ముందుగా వచ్చి ఇరవై నిమిషాలు ఉన్న బోర్డ్ ని పట్టుకొని సుమన్ శెట్టి రాగానే తనకి ఇచ్చేశాడు. అది చూసిన సంజన.. మీరు అలా స్వాప్ చేసుకోకూడదని వాదించింది. కానీ బిగ్ బాస్ అలా చెప్పలేదు కదా అని కళ్యాణ్ అన్నాడు. ఇక ఫైనల్ గా మీ నిర్ణయం చెప్పండి అని సంజనని బిగ్ బాస్ అడుగగా.. హౌస్ మేట్స్ ఏకాభిప్రాయంతో సుమన్ గారికి ఇరవై నిమిషాలు, కళ్యాణ్ కి పదిహేను నిమిషాలు గల బోర్డ్ లు ఇచ్చింది సంజన.
ఇక ఫ్యామిలీ వీక్ లో మొదటగా తనూజ వాళ్ళ అక్క పాప, తనూజ చెల్లి అనూజ హౌస్ లోకి వచ్చారు. వారిని చూసి తనూజ ఎమోషనల్ అయింది. ఇక అనూజ కొన్ని టిప్స్ ఇచ్చింది. ఎక్కువగా ఏడ్వకు.. చిరాకు పడకు.. నువ్వు ఏడిస్తే అమ్మ ఏడుస్తుంది. నువ్వు ఒక్కరోజు ఏడిస్తే అమ్మ ఇంట్లో రెండు రోజులు ఏడుస్తుంది. అర్థరాత్రి పన్నెండు గంటలకి అక్క, అమ్మ కాల్ చేసి లైవ్ చూసావా అని అడుగుతున్నారు. 24/7 వాళ్లు నిన్ను లైవ్ లో చూస్తున్నారు. నా పెళ్ళి ఉందనే విషయం మర్చిపోయి నీ గురించి ఆలోచిస్తున్నారు. వాళ్ళని హ్యాండిల్ చేయడం నాకు కష్టంగా ఉంది. నిజంగా నా పెళ్ళి పనులు ఓ వైపు, అమ్మ, అక్కని హ్యాండిల్ చేయడం మరోవైపు అవుతుందని అనూజ అంది. ఇక ఏడ్వనని తనూజ అంది. ఇక అనూజని పెళ్ళి కూతురు చేసింది తనూజ. ఆ తర్వాత నా పెళ్ళికి గిఫ్ట్ గా 'బిగ్ బాస్ ట్రోఫీ' తీసుకొని రా అని తనూజకి వెళ్ళేముందు చెప్పేసింది అనూజ.