తెదేపాకు విజయ రామారావు గుడ్ బై!

తెలంగాణాలో తెదేపాకు మరో ఎదురు దెబ్బ తగిలింది. ఆ పార్టీకి చెందిన సీనియర్ నేత విజయరామారావు ఇవ్వాళ్ళ పార్టీకి రాజీనామా చేసారు. ఆయన తన రాజీనామా లేఖను ఫ్యాక్స్ ద్వారా పార్టీ జాతీయ అధ్యక్షుడు చంద్రబాబు నాయుడుకి పంపారు. ఆయన ఖైరతాబాద్ పార్టీ ఇంచార్జ్ గా వ్యవహరిస్తున్నప్పటికీ గత కొంత కాలంగా పార్టీ వ్యవహారాలకు దూరంగా ఉంటున్నారు. తెరాసలోకి మారే ఆలోచనతో ఉన్నట్లు తెలుస్తోంది. సరిగ్గా జి.హెచ్.ఎం.సి. ఎన్నికలలో ఎన్నికల ముందు హైదరాబాద్ జంట నగరాలలోని పార్టీ నేతలు వెళ్లిపోతుండటంతో పార్టీకి చాలా ఇబ్బందికర పరిస్థితులు ఏర్పడే సూచనలు కనిపిస్తున్నాయి.