అమెరికాలో మరోసారి కాల్పుల కలకలం...

అమెరికాలో మరోసారి కాల్పుల కలకలం రేగింది. కాలిఫోర్నియాలోని శాన్‌బెర్నాడినో నగరంలో ఓ పాఠశాలలో దుండగుడు చొరబడి విచక్షణారహితంగా కాల్పులు జరిపాడు. అనంతరం తనని తాను కాల్చుకొని చనిపోయాడు. కాగా కాల్పుల్లో ఓ టీచర్ తో పాటు ఓ బాలుడు కూడా ప్రాణాలు కోల్పోయారు. మరో ఇద్దరు విద్యార్థులు తీవ్రంగా గాయపడ్డారు. గాయపడిన వారిని ఆస్పత్రికి తరలించి చికిత్స అందిస్తున్నారు. పోలీసులు ఘటనాస్థలానికి చేరుకొని దర్యాప్తు చేయగా.. నిందితుడు కాల్పుల్లో చనిపోయిన ఉపాధ్యాయురాలి మాజీ భర్త అని తెలిసింది. మాజీ భార్యపై పగ తీర్చుకోవడానికే ఈ ఘాతుకానికి పాల్పడినట్లు పోలీసులు తెలిపారు.