Home  
Politics

రాజకీయాల్లోకి రాను... కోదండరాం క్లారిటీ

తెలంగాణ జేఏసీ అధ్యక్షుడు ప్రొఫెసర్ కోదండరాం పదవి విరమణ చేసిన సంగతి తెలిసిందే. ఈ సందర్భంగా ఆయన తన పొలిటికల్ ఎంట్రీపై ఒక క్లారిటీ ఇచ్చారు. తెలంగాణ ఉద్యమంలో చాలా ముఖ్య భూమిక పోషించిన కోదండరాం.. ఆతరువాత మళ్లీ తన వృత్తినే కొనసాగించారు కాని ఎలాంటి పదవి ఆశించలేదు. అప్పుడప్పుడు ప్రజాసమస్యలపై అధికారపార్టీని ప్రశ్నించేవారు అంతే. అయితే కోదండరాంని రాజకీయాల్లోకి తీసుకురావడానికి పలు రాజకీయపార్టీలు చాలా రకాలుగా ప్రయత్నించాయి. దీనిపై అప్పట్లో కోదండరాం కొత్తపార్టీ పెడుతున్నారని.. అధికార పార్టీ పని ఇక అయిపోయిందనే వార్తలు కూడా వచ్చాయి. కోదండరాం కూడా ఈవిషయంలో చర్చలు జరుగుతున్నాయని చెప్పారే కాని అప్పుడు క్లారిటీ ఇవ్వలేదు. అయితే ఈరోజు పదవీవిరమణ చేసిన నేపథ్యంలో ఆయన మాట్లాడుతూ తనకు పదవుల మీద వ్యామోహం లేదని.. తాను రాజకీయాల్లోకి వచ్చే అవకాశం లేదని.. రాజకీయాల్లోకి రానని స్పష్టం చేశారు. మీడియా వాళ్లు ఎన్నిసార్లు ఈ ప్రశ్న అడిగినా తన సమాధానం ఇదేనని చెప్పారు. మొత్తానికి కోదండరాం పొలిటికల్ ఎంట్రీ లేనట్టు అర్ధమయిపోయింది. ఇన్నీరోజులు కోదండం ఎంట్రీతో అధికార పార్టీకి గట్టిపోటీ ఇస్తారు అనుకుంటే ఇప్పుడు అలాంటిది ఏం లేదని చెప్పడంతో టీఆర్ఎస్ ప్రభుత్వానికి పోటీ లేనట్టే. ఒకరకంగా ఇది టీఆర్ఎస్ కు హ్యాపీ న్యూసే.

కేటీఆర్ పై అక్బరుద్దీన్ ఫైర్.. అక్బరుద్దీన్ అసలు ప్లాన్ అదా?

  తెలంగాణ అసెంబ్లీ సమావేశాల నేపథ్యంలో రైతు ఆత్మహత్యాలపై జరిగిన సమావేశంలో తెలంగాణ ఎంఐఎం పార్టీ అధ్యక్షుడు అక్బరుద్దీన్ ఒవైసీ అధికార పార్టీ దుమ్ము దులిపేశారు. మద్యలో కలుగజేసుకున్న కేటీఆర్ కు కూడా ఘాటుగానే సమధానం చెప్పి కేటీఆర్ ను సైతం ఏం మాట్లాడనీయకుండా చేశారు. అయితే తాను రైతుల ఆత్మహత్యలపై అంతలా రియాక్ట్ అవడానికి వేరే కారణం ఉందని వార్తలు వచ్చాయి. తాను కూడా చావు దాకా వెళ్లానని..ఆ బాధ నాకు తెలుసని అక్బరుద్దీన్ చెప్పినట్టు తెలిసింది. అయితే దానికి మరో కారణం కూడా ఉందని రాజకీయ విశ్లేషకులు చర్చించుకుంటున్నారు. అసలు గతంలో టీఆర్ఎస్ పార్టీ ఎంఐఎం పార్టీతో పొత్తు పెట్టుకోవాలని చూసిన సంగతి అందరికి తెలిసిందే. దీనిలో భాగంగానే వారితో మంతనాలు కూడా జరిపింది. గ్రేటర్ హైదరాబాద్ ఎన్నికల అనంతరం ఎంఐఎం పార్టీతో పొత్తు పెట్టుకోవాలని టీఆర్ఎస్ ప్రభుత్వం చూస్తున్న తరుణంలో టీఆర్ఎస్ కు షాక్ తగిలింది. అయితే అక్బరుద్దీన్ అంతలా విరుచుకుపడటానికి కారణం లేకపోలేదు. అసలే ప్రస్తుతం అధికార ప్రభుత్వం పరిస్థితి అంతంత మాత్రం ఉంది. రాష్ట్రం ఏర్పడినప్పుడు కేసీఆర్ ప్రభుత్వంపై ఉన్న నమ్మకం  ఇప్పుడు ప్రజల్లో లేదనే చెప్పాలి. ఈ నేపథ్యంలో అనవసరంగా టీఆర్ఎస్ పార్టీతో పొత్తు పెట్టుకొని పార్టీని కష్టాల్లో పడేయటం కంటే పొత్తు పెట్టుకోకుండా ఉండటమే మంచిదని ఆలోచించిన అక్బరుద్దీన్ ఈరకంగా అసెంబ్లీ సాక్షిగా అధికార పార్టీ పై ఉన్న వ్యతిరేకతను చూపించారని రాజకీయ వర్గాల వెల్లడి.  అందుకే రైతు ఆత్మహత్యల సమావేశంలో కేటీఆర్ ను టార్గెట్ చేశారని అనుకుంటున్నారు.

దసరా మాదిరి అమరావతి శంకుస్థాపన.. ప్రత్తిపాటి

  ఏపీ రాజధాని అమరావతి శంకుస్థాపన కార్యక్రమాన్ని దసరా రోజు అంటే అక్టోబర్ 22న నిర్వహించాలని నిర్ణయం తీసుకున్న సంగతి తెలిసిందే. ఏపీ ప్రభుత్వం.. ముఖ్యమంత్రి చంద్రబాబు ఈ  శంకుస్థాపన కార్యక్రమాన్ని అంగరంగ వైభవంగా చేయాలని నిర్ణయించుకున్నారు. ఇప్పుడు ఈ శంకుస్థాపనపై వ్యవసాయ శాఖ మంత్రి ప్రత్తిపాటి పుల్లారావు మాట్లాడుతూ దసరా రోజు జరిగే అమరావతి శంకుస్థాపన కార్యక్రమానికి లక్షమందిని ఆహ్వానిస్తున్నామని.. ప్రధాని నరేంద్ర మోడీతోపా టు సింగపూర్, జపాన్ ప్రధానులు కూడా విచ్చేస్తున్నారని.. ప్రధాని మోడీ చేతుల మీదుగా రాజధాని భూమిపూజ జరుగుతుందన్నారు. అంతేకాదు ఈ కార్యక్రమానికి పదివేల గ్రామాల నుండి రైతులను ఆహ్వానిస్తున్నామని.. దసరా పండుగకి నవరాత్రులు ఉన్న మాదిరిగా ఈ నెల 13నుంచి 22వ తేది వరకు ఈ శంకుస్థాపన కార్యక్రమాన్ని నిర్వహిస్తామని తెలిపారు.

వాళ్లకు క్షమాపణ చెప్పాల్సిందే.. హరీష్ రావు

తెలంగాణ మంత్రి హరీష్ రావు కాంగ్రెస్ నేత ప్రభాకర్ రావుపై తీవ్ర స్థాయిలో ధ్వజమెత్తారు. అసెంబ్లీ సమావేశాల నేపథ్యంలో శాసనమండలిలో జరిగిన ప్రశ్నోత్తరాలలో భాగంగా ప్రభాకర్ రావు పోలీసు వ్యవస్థపై విమర్శలు చేశారు. తెలంగాణ ప్రభుత్వంలో పోలీసు వ్యవస్థ బాలేదని.. పేకాటలు ఆడుతున్నారని వ్యాఖ్యానించారు. దీంతో ప్రభాకర్ రావు చేసిన వ్యాఖ్యలను హరీశ్ రావు తీవ్రంగా ఖండిస్తూ ప్రభాకర్ రావు పోలీసులను అవమానపరుస్తూ వ్యాఖ్యానించారని అన్నారు. అంతేకాదు పేకాట క్లబ్ లు నడిపింది కాంగ్రెస్ ప్రభుత్వమేనని.. క్లబ్‌లను మూయించిన ఏకైక ప్రభుత్వం టీఆర్‌ఎస్ మాత్రమే అని అన్నారు. కాంగ్రెస్ పార్టీ పోలీసు వ్యవస్థను కించపరిచే మాటలు మాట్లాడి వారి మనోభావాలు దెబ్బతీస్తున్నారని.. ఇలాంటి అవాంఛిత వ్యాఖ్యలు చేసిన ప్రభాకర్ రావు పోలీసులకు క్షమాపణ చెప్పి తీరాల్సిందే అని డిమాండ్ చేశారు. ప్రాణాలకు తెగించి పోలీసులు మీకు భద్రత కల్పిస్తుంటే వారిపై ఇలాంటి వ్యాఖ్యలు చేయడం సరికాదని అన్నారు.

చంద్రబాబు బాగా ఆలోచించి ఇచ్చినట్టున్నారు

టీడీపీ అధినేత చంద్రబాబు చాలా వ్యూహాత్మకంగా ఆలోచించి నేతలకు పదవులు కట్టిపెట్టినట్టు తెలుస్తోంది. బుధవారం చంద్రబాబు రాష్ట్ర, జాతీయ వర్కింగ్ కమిటీ సభ్యులను ప్రకటించిన నేపథ్యంలో పలువురుకి పదవులు ఇవ్వడంపై చాలా వ్యూహాత్మకంగా వ్యవహరించినట్టు తెలుస్తోంది. దీనిలో భాగంగానే నారా లోకేశ్ కు జాతీయ ప్రధాన కార్యదర్శిగా బాధ్యలు ఇచ్చారు. ఇక తెలంగాణ సంగతికి వచ్చేసరికి ఎన్నో అనుమానాలు.. ఎన్నో ట్విస్ట్ ల నేపథ్యంలోఈసారి కూడా పార్టీ అధ్యక్ష పదవి బాధ్యతలు ఎల్. రమణకే అప్పగించారు. దీని వెనుక కారణం లేకపోలేదు. ఎల్ రమణ బిసి వర్గానికి చెందిన నేత.. టీడీపీకి బిసిలలో మంచి పట్టు ఉంది.. కనుక ఈ వర్గాన్ని దూరం చేసుకోవద్దనే కారణంతో మళ్లీ పార్టీ పగ్గాలు ఎల్. రమణకే చెందాయి. మరోవైపు ఫైర్ బ్రాండ్ రేవంత్ రెడ్డికి వర్కింగ్ ప్రెసిండెంట్ ఇవ్వడంపై కూడా  పలు కారణాలు ఉన్నట్టు తెలుస్తోంది. అందులో ముఖ్యంగా కేసీఆర్ ను ఎదుర్కోవడం మొదటిది. దీనివల్ల అతి తక్కువ కాలంలోనే రేవంత్ రెడ్డికి వర్కింగ్ ప్రెసిడెంట్ పదవి వరించింది. ఇంకా ఎర్రబెల్లి.. ముందు అధ్యక్ష పదవి కోసం చూసినా అది మాత్రం రాలేదు.. ఎప్పిటిలాగే పోలిట్ బ్యూరోలోకి తీసుకున్నారు. బిసి నేత దేవేందర్ గౌడ్‌ను కూడా పొలిట్ బ్యూరోలోకి తీసుకున్నారుయ. అంతేకాదు గత సార్వత్రిక ఎన్నికల్లో కేసీఆర్ కు మంచి పోటీ ఇచ్చిన ఒంటేరు రైతు విభాగం అధ్యక్షునిగా.. శోభారాణిని తెలుగు మహిళా అధ్యక్షురాలిగా తీసుకున్నారు. మొత్తానికి చంద్రబాబు సభ్యల ఎన్నికల విషయంలో చాలా లోటుపాట్లు ఆలోచించి పదవులు కట్టబెట్టినట్టే కనిపిస్తుంది.

రోడ్లు ఊడుస్తూ బీజేపీ నేతల నిరసన

  తెలంగాణ అసెంబ్లీ సమావేశాల నేపథ్యంలో ఈరోజు తీవ్ర గందరగోళం నెలకొంది. ఈ రోజు సభ ప్రారంభంకాగానే అధికార పార్టీపై ప్రతిపక్ష పార్టీలు విరుచుకుపడ్డాయి. ఈ నేపథ్యంలోనే ప్రతిపక్షాలు తమ డిమాండ్లతో ఆందోళనకు దిగారు. కానీ స్పీకర్ మాత్రం వాటిని తిరస్కరించి ప్రశ్నోత్తరాలకు సమయాన్ని కేటాయించారు. దీంతో ప్రతిపక్ష నేతలు పెద్ద ఎత్తున ఆందోళన చేపట్టారు. ఒకపక్క ఆందోళన జరుగుతున్నా టీఆర్ఎస్ సభ్యురాలు కొండా సురేఖ అంగన్ వాడీ సమస్యలపై మంత్రి తుమ్మల నాగేశ్వర రావును ప్రశ్నలు వేయగా ఆయన సమాధానమిచ్చారు. అయినా కానీ ప్రతిపక్షాలు ఆందోళన విరమింపకపోవడంతో స్పీకర్ సభను సోమవారానికి వాయిదా వేశారు. ఇదిలా ఉండగా మరోవైపు బీజేపీ నేతలు అసెంబ్లీ ముందు వినూత్న రీతిలో నిరసన తెలిపారు. జీహెచ్ఎంసీలో తొలగించిన పారిశుధ్య కార్మికులను వెంటనే విధుల్లోకి తీసుకోవాలని.. జీతాలు పెంచాలని జీహెచ్ఎంసీ కార్మికుల బట్టలు ధరించి చీపుర్లతో రోడ్లు ఊడ్చారు.

గోడ మీద వార్తలు.. స్పెషల్ వీడియో

  నారా లోకేశ్ ను కలవడానికి వెళ్లిన జేసీ దివాకర్ రెడ్డికి ఎన్టీఆర్ భవన్ లో అవమానం జరిగిందంటా.. ఇంకా ఇలాంటి వార్తలెన్నో తెలుసుకోవాలనుకుంటున్నారా.. అయితే ఈ గోడమీద వార్తలు వీడియో క్లిక్ చేయండి మీకే తెలుస్తాయి.  

ముందు భోజనానికి వెళదాం పదండి.. జానాతో కేసీఆర్

తెలంగాణ అసెంబ్లీ సమావేశాల సందర్భంగా ముఖ్యమంత్రి కేసీఆర్.. కాంగ్రెస్ శాసనసభాపక్ష నేత జానారెడ్డి మధ్య జరిగిన సంభాషణ నవ్వులు పూయించింది. ప్రస్తుతం అసెంబ్లీ సమావేశాల్లో రైతు ఆత్మహత్యలపై చర్చ జరుగుతున్న సంగతి తెలిసిందే. ఈ సందర్బంగా కేసీఆర్ తన ప్రసంగాన్ని ముగించిన అనంతరం జానారెడ్డి మాట్లాడుతూ రైతు ఆత్మహత్యలపై అధికార పార్టీకి కొన్ని సూచనలు.. సలహాలు ఇవ్వాల్సి ఉందని.. అయితే దీనికి కొంచెం సమయం ఎక్కువ పడుతుంది.. ఇప్పుడు కొంచెం.. భోజనం తరువాత కొన్ని చెపుతానని అన్నారు. దానికి కేసీఆర్ దానిని అవును భోజనం చేస్తేనే బాగా మాట్లాడుకుంటాం.. బాగా చర్చించుకుంటాం అని అన్నారు. దీనికి వెంటనే జానారెడ్డి భోజనం తర్వాత మీరు సభలో ఉంటారా అని ప్రశ్నించగా దానికి కేసీఆర్ తప్పకుండా ఉంటాను ముందు భోజనానికి వెళదాం పదండి అని అందరిని నవ్వించారు. సాధారణంగా అసెంబ్లీలో ప్రతిపక్షాలు అధికార పక్షాలు కలిసి ఒకరి మీద ఒకరు మాటల యుద్ధాలు చేసుకుంటారు.. కలిసి చర్చించుకోవడం.. సలహాలు సూచనలు తీసుకోవడం అరుదు.. ఈ రోజుల్లో అది చాలా కష్టం. కాని జానారెడ్డి.. కేసీఆర్ సంయమనం చూస్తే ఎప్పుడూ ఇదే తీరు అవలంబిస్తే.. ఒకరికి ఒకరు మర్యాద ఇచ్చుకుంటూ చర్చించుకుంటే ప్రజలు సమస్యలు తీరడం పెద్ద కష్టమేమి కాదనిపిస్తుంది.

కేసీఆర్ కు చిరాకు తెప్పించిన మంత్రి..నీ పని నువ్వు చూసుకో

  తెలంగాణ అసెంబ్లీ సమావేశాల సందర్భంగా రైతు ఆత్మహత్యలపై.. వరంగల్ ఎన్ కౌంటర్ పై..ఇంకా పలు అంశాలపై చర్చ జరుగుతూ ప్రతిపక్షాల వాదనలు.. అధికార పక్షాల వాదనలతో అట్టడుకుతోంది. అయితే సాధారణంగా నేతలు ప్రత్యర్ధులపై కామెంట్లు..కౌంటర్లు ఇస్తుంటారు. కానీ ఇక్కడ మాత్రం ఓ మంత్రిగారు అత్యుత్సాహం చూపి తన రాజకీయ అభ్యర్ధిపైనే కామెడీగా మాట్లాడేసరికి ముఖ్యమంత్రి కేసీఆర్ గారితో చెప్పించుకోవాల్సి వచ్చింది. అసెంబ్లీ సమావేశాల సందర్భంగా స్పీకర్ మధుసూధనాచారి వ్యవసాయ మంత్రి పోచారం శ్రీనివాసరెడ్డి ప్రకటన చదవటం మొదలు పెట్టారు. స్పీకర్ మధుసూదనాచారి ఆయన్ను కూర్చోమని చెప్పినా వ్యవసాయ మంత్రి మాత్రం తన ప్రకటన చదువుకుంటూ వెళుతున్నారు. అయితే ఆ సమయంలో మంత్రి జగదీశ్ కల్పించుకొని కాస్త గట్టిగా ఓ అన్నా కూకో అన్నా అంటూ గట్టిగా వ్యాఖ్యనించారు. అయితే జగదీశ్ చేసిన వ్యాఖ్యలకు కేసీఆర్ అసహనం వ్యక్తం చేస్తూ నీకేం పని.. నీ పని నువ్వు చూసుకో అంటూ హెచ్చరించారు. మొత్తానికి ప్రత్యర్ధుల మీద దూకుడు చూపించే జగదీశ్ రెడ్డి పార్టీ అభ్యర్దులపై కూడా చూపిస్తే ఎలా ఉంటుందో మంత్రిగారికి తెలిసొచ్చుంటుంది.

పాలసముద్రంలో బెల్ కి శంకుస్థాపన

  రాష్ట్రంలో అత్యంత వెనుక బడిన జిల్లా అనంతపురం. ఎన్ని ప్రభుత్వాలు మారినా దాని పరిస్థితిలో మారలేదు. కానీ రాష్ట్ర విభజన పుణ్యమాని ఇప్పుడు ఆ జిల్లాలో చాల వేగంగా అభివృద్ధి కార్యక్రమాలు మొదలయ్యాయి. ఇప్పటికే అక్కడ సౌర విద్యుత్ ఉత్పత్తి కేంద్రాలు ఏర్పాటవుతున్నాయి. జిల్లాలో గోరంట్ల మండలంలో పాలసముద్రం వద్ద భారత్ ఎలెక్ట్రానిక్స్ లిమిటెడ్ (బెల్) అనే జాతీయ సంస్థ ఏర్పాటు కాబోతోంది. దానికి ఈరోజు ముఖ్యమంత్రి చంద్రబాబు నాయుడు, కేంద్రమంత్రులు వెంకయ్య నాయుడు, రక్షణ మంత్రి మనోహర్ పారికర్ శంఖుస్థాపన చేసారు.   చాలా భారీ వ్యయంతో నిర్మించబోతున్న బెల్ సంస్థలో రక్షణ రంగానికి చెందిన భారీ యంత్రాలు, రాడార్లు మొదలుకొని చిన్నచిన్న యంత్ర పరికారాలు వరకు తయారవుతాయి. ఈ సంస్థ ఎక్కడ ఏర్పాటు చేస్తే ఆ చుట్టుపక్కల ప్రాంతాలలోనే దాని అనుబంధ పరిశ్రమలు చిన్నవి, పెద్దవి వందల సంఖ్యలో ఏర్పాటు అవుతాయి. వాటి వలన ప్రత్యక్షంగా పరోక్షంగా కొన్ని వేలమందికి ఉపాధి లభిస్తుంది. కరువు పీడిత అనంతపురం జిల్లాలో వ్యవసాయాన్ని నమ్ముకోవడం కంటే పరిశ్రమలను నమ్ముకోవడమే మంచిది. కనుకనే అక్కడ పరిశ్రమలు స్థాపించడానికి కేంద్ర, రాష్ట్ర ప్రభుత్వాలు రెండూ చాలా శ్రద్ద, ఆసక్తి చూపిస్తున్నాయి. కనుక మున్ముందు జిల్లాకి మరిన్ని పరిశ్రమలు వచ్చే అవకాశాలున్నాయి.

పవన్ కంటే మహేశ్ కు ఎక్కువుండటం నచ్చలేదు... వర్మ కామెంట్స్

  ఎప్పుడూ వివాదాస్పద వ్యాఖ్యలు చేసే రాంగోపాల్ వర్మ ఈసారి మరో రకంగా వివాదాస్పద వ్యాఖ్యలు చేశాడు. హీరో మీదనో లేక హీరోయిన్ మీదనో వ్యాఖ్యలు చేసే వర్మ ఈసారి ఫ్యాన్స్ ను టార్గెట్ చేశాడు. ఒక హీరో ఫ్యాన్స్ కాదు ఏకంగా ఇద్దరు హీరోల ఫ్యాన్స్ ను పోలుస్తూ వివాదాస్పద వ్యాఖ్యలు చేశాడు. ఆ హీరోలు ఎవరోకాదు ఒకరు పవన్ కళ్యాణ్ ఇంకో హీరో మహేశ్ బాబు. ట్విట్టర్ మహేశ్ బాబుకు 15 లక్షల మంది ఫాలోవర్స్ ఉండగా పవన్ కళ్యాణ్ కు మాత్రం కేవలం ఆరు లక్షల మంది ఫాలోవర్స్ మాత్రమే ఉండటం ఆశ్చర్యంగా ఉందని అన్నారు. అంతటితో ఆగాడా అంటే లేదు..పవన్ కళ్యాణ్ ఫాన్య్ ఏమన్నా నిరక్ష్యారాసులా.. వాళ్లకు ట్విట్టర్ వాడకం తెలీదా అంటు.. పవన్ కళ్యాణ్ ఫాలోవర్స్ లేకుండా మహేశ్ బాబుకు అంత మంది ఫాలోవర్స్ ఉన్నందుకు ఫీల్ అవుతున్నాఅని అన్నాడు. అంతేకాదు తమ అభిమాన నటుడిని ఫాలోఅవుతున్నందుకు మహేశ్ బాబు ఫ్యాన్స్ ను గౌరవిస్తున్నానని.. పవన్ కళ్యాణ్ ఫ్యాన్స్ ను గౌరవించడం లేదని వ్యాఖ్యానించాడు. మరి వర్మ ట్వీట్లని ఇద్దరు హీరోల ఫ్యాన్స్ సీరియస్ గా తీసుకుంటారా లేక వర్మ ఎప్పుడూ ఏదో ఒక రకంగా కామెంట్లు చేస్తుంటాడు కాబట్టి లైట్ తీసుకుంటారా అని చూడాలి.

పవన్ కళ్యాణ్ ఎక్కడ? దీక్ష ఎక్కడ?

జనసేన పార్టీ అధినేత పవన్ కళ్యాణ్ ఎక్కడున్నాడు.. దీక్ష చేస్తానని చెప్పి ఏమయ్యాడు.. ఇప్పుడు ప్రతిఒక్కరులోనూ మొదలయ్యే ప్రశ్నలు ఇవి. నిర్భంద తమిళం చట్టం ద్వారా తమిళనాడులో తెలుగుబాషపై నిషేదం విధించిన సంగతి తెలిసిందే. దీనిని వ్యతిరేకిస్తూ పవన్ కళ్యాణ్ అమ్మకు వ్యతిరేకంగా దీక్ష చేయాలని నిర్ణయించుకున్నారు. అయితే ఈ దీక్షను సెప్టెంబర్ నెలఖారున చేపట్టాలని అప్పుడు తెలిపారు. పవన్ తీసుకున్న ఈనిర్ణయానికి తెలుగు ప్రజలంతా హర్షం వ్యక్తం చేశారు కూడా. కానీ ఇప్పుడు సెప్టెంబర్ ముగిసిపోయింది.. దీక్ష పరిస్థితి ఏంటి? అని పలువురు అనుమానం వ్యక్తం చేస్తున్నారు. అయితే ట్విట్టర్ ద్వారా ఏదో ఒకటి పోస్ట్ చేసే పవన్ కళ్యాణ్ కూడా గత కొద్ది రోజులుగా ట్విట్టర్ ద్వారా ఎలాంటి పోస్ట్ లు చేయడంలేదు. దీక్ష చేస్తానని చెప్పిన నెల అయిపోయింది.. మరి దీక్ష విరమించుకున్నారా? లేక దీక్షను వాయిదా వేసుకున్నారా? అని చెప్పేవాళ్లు కూడా లేరు. మరోవైపు దీక్ష విషయంలో పవన్ కళ్యాణ్ వెనక్కి తగ్గారా? లేక నిజంగానే సినిమాలతో బిజీగా ఉన్నారా అని పలువురు పలురకాలుగా చర్చించుకుంటున్నారు. మరి ఈ ప్రశ్నలకు సమాధానం దొరకాలంటే పవన్ కళ్యాణ్ ఏదో ఒకటి ప్రకటన చేయాలి.. లేకపోతే ట్విట్టర్ ద్వారా అయినా కూత వేయాల్సిందే.

ఆశాభోంస్లే తనయుడు హేమంత్ భోంస్లే మృతి

  ప్రముఖ బాలీవుడ్ గాయని ఆశాభోంస్లే తనయుడు.. బాలీవుడ్ సంగీత దర్శకుడు హేమంత్ భోంస్లే ఈ రోజు మరణించారు. గత మూడు సంవత్సరాలుగా క్యాన్సర్ వ్యాధితో బాధపడుతున్నహేమంత్ భోంస్లే స్కాట్లాండ్ లో మరణించారు. దీంతో ఆశా భోంస్లే కుటుంబ సభ్యులు శోక సంద్రంలో మునిపోయారు. హేమంత్ భోంస్లే  'నజరానా ప్యార్ కా', 'శ్రద్ధాంజలి' లాంటి బాలీవుడ్ సినిమాలకు సంగీతం అందించారు. కాగా బాధాకరమైన విషయం ఏంటంటే గతంలో అంటే 2012 లో ఆశాభోంస్లే కూతురు వర్షా భోంస్లే కూడా డిప్రెషన్ కు గురై ఆత్మహత్య చేసుకుంది. మరోవైపు హేమంత్ భోంస్లే మరణానంతరం లతా మంగేష్కర్ 86వ పుట్టిన రోజు వేడుకలను ఘనంగా నిర్వహించాలనుకున్న నేపథ్యంలో ఇప్పుడు ఆ వేడుకలను రద్దు చేశారు.

ఎన్‌కౌంటర్‌ కు అనుమతులు ఉన్నాయి.. హరగోపాల్

  వరంగల్ జిల్లా తాడ్వాయ్ లో జరిగిన ఎన్ కౌంటర్ ను నిరసిస్తూ వామపక్షాలు ఛలో అసెంబ్లీ కార్యక్రమం చేపడదామని నిర్ణయించుకున్నసంగతి తెలిసిందే. ఈనేపథ్యంలో వారు అసెంబ్లీ ముట్టడికి బయలుదేరిన నేపథ్యంలో పోలీసులు వారిని ఎక్కడికక్కడ కట్టడి చేశారు. అయితే ఈ వ్యవహారంపై ప్రొఫెసర్ హరగోపాల్ మాట్లాడుతూ అధికార పార్టీపై మండిపడ్డారు. ప్రజలను కట్టడి చేసి విధ్వంసాన్ని సృష్టించవద్దని.. అధికార పార్టీ చేసే ప్రతిఒక్క పని రికార్డు అవుతుందని అన్నారు. రాష్ట్రం విడిపోయిన తరువాత ఏర్పడిన మొదటి ప్రభుత్వం.. అలాంటిది ఒకవేళ తెలంగాణ చరిత్ర కనుక రాస్తే మొదటి తెలంగాణ ప్రభుత్వ అనుసరించిన విధానాలు గురించి కూడా తప్పనిసరిగా చర్చించాల్సి ఉంటుందని అన్నారు. అంతేకాదు ఎన్ కౌంటర్ గురించి మాట్లాడుతూ పైనుండి అనుమతులు లేనిదే పోలీసులు ఎన్ కౌంటర్ చేయరని వ్యాఖ్యానించారు. ఎన్ కౌంటర్ చేయకూడదని.. వీలుంటే వారిని అరెస్ట్ చేయాలని.. న్యాయవ్యవస్థ ద్వారా వారిని విచారణజరిపించాలి అంతేకాని ఎన్ కౌంటర్ చేయడమేంటని ప్రశ్నించారు. అయితే ఇప్పుడు హరగోపాల్ చేసిన వ్యాఖ్యలపై పలు అనుమానాలు రేకెత్తున్నాయి. ఎన్ కౌంటర్ కు ప్రభుత్వం అనుమతి ఉందని హరగోపాల్ మాటల ద్వారా స్పష్టం అవుతుందని అభిప్రాయపడుతున్నారు.

ఛలో అసెంబ్లీ.. ముట్టడి కట్టడి

వరంగల్ జిల్లా తాడ్వాయ్ లో జరిగిన ఎన్‌కౌంటర్‌ లో శృతి, విద్యాసాగర్ లు మరణించిన సంగతి తెలిసిందే. ఈ వ్యవహారంపై పలు సంఘాలు టీఆర్ఎస్ ప్రభుత్వ తీరుపై పలు విమర్శలు చేసింది. టీఆర్ఎస్ ప్రభుత్వం కావాలనే ఈ పని చేసిందని.. 350 సంఘాలతో చలో అసెంబ్లీ చేపడతామని వామపక్షాలు తెలిపారు. దీనిలోభాగంగానే ఈరోజు వామపక్షాలు శృతి, విద్యాసాగర్ ఎన్‌కౌంటర్‌పై నిరసన వ్యక్తం చేస్తూ ఛలో అసెంబ్లీ కార్యక్రమం చేపట్టారు. ఈ కార్యక్రమానికి పెద్ద ఎత్తున వామపక్షనేతలు.. కార్యకర్తలు.. ఇతర సంఘాల నేతలు పాల్గొననున్న నేపథ్యంలో పోలీసులు ముందే సమాచారం తెలుసుకొని అసెంబ్లీ వద్ద భారీ బందో బస్తు ఏర్పాటుచేశారు. అంతేకాదు నిరసనలో పాల్గోనే వారందరిని ఎక్కడికక్కడ అడ్డుకున్నారు.. ఓయూ ఆర్ట్స్‌ కాలేజీ నుంచి ర్యాలీగా బయలుదేరిన విద్యార్థినులను ఎన్‌సీసీ గేట్‌ వద్ద పోలీసులు అడ్డుకుని అరెస్టు చేశారు..కొంతమందిని గృహనిర్భందం కూడా చేశారు. దీంతో పలుచోట్ల తీవ్ర ఉద్రిక్త పరిస్థితులు నెలకొన్నాయి. కాగా ఇంత బందోబస్తు ఏర్పాటుచేసినప్పటికీ రాజ్ కుమార్ అనే యువకుడు ఆత్మహత్యాయత్నానికి పాల్పడటంతో అక్కడ కలకలం రేగింది.

తెలివితక్కువగా మాట్లాడొద్దు.. చంద్రబాబు

టీడీపీ యువనేత కార్యకర్తల సంక్షేమ నిధి సమన్వయకర్త నారా లోకేశ్ తమ ఆస్తి వివరాలు ప్రకటించిన సంగతి తెలిసిందే. దీనిపై విజయవాడ క్యాంపు కార్యలయంలో చంద్రబాబు మాట్లాడుతూ మా ఆస్తి వివరాలు ప్రకటించాం.. దమ్ముంటే ప్రతిపక్ష పార్టీల నేతలు తమ ఆస్తులను ప్రకటించాలని చంద్రబాబు సవాల్ విసిరారు. తమ ఆస్తి వివరాలకు సంబంధించి ఎలాంటి దాపరికం లేదని.. మాకు ఆస్తులు సంక్రమించిన సమయంలో ఉన్న విలువనే బ్యాలెన్స్ షీట్లో చూపిస్తామని అంతేకాని ఎప్పటికప్పుడు పెరిగే..తరిగే విలువలను బ్యాలెన్స్ షీట్లో ఉండదని అన్నారు. తాము ఆస్తివివరాలు తెలిపినట్టు ఇతర పార్టీలకు చిత్తశుద్ది ఉంటే వారి ఆస్తి వివరాలు కూడా ప్రకటించాలని అన్నారు. అంతేకాదు తమ ఆస్తుల గురించి వాస్తవాలు తెలియకుండా తెలివితక్కువగా మాట్లాడవద్దని చంద్రబాబు సూచించారు.

మోడీతో కరచాలనం.. చేతులు దులుపుకున్న సత్యనాదెళ్ల..

  భారత ప్రధానమంత్రి నరేంద్రమోడీ అమెరికా పర్యటన నేపథ్యంలో పలు సంస్థల అథిపతులను కలిసిన సంగతి తెలిసిందే. ఈ పర్యటనలో భాగంగానే ఆయన మైక్రోసాఫ్ట్ సీఈఓ సత్యనాదెళ్లను కూడా కలిశారు. అయితే ఇక్కడి వరకూ బానే ఉంది అయితే ఈ సందర్భంగా ఒక అంశంపై ఇప్పుడు వార్తలు చక్కర్లు కొడుతున్నాయి. అదేంటంటే మోడీని సత్యనాదేళ్ల కలిసిన నేపథ్యంలో అప్పుడు మోడీతో కరచాలనం చేసిన సత్యనాదెళ్ల తన రెండు చేతుల్ని దులిపేసుకుంటూ పక్కకు వెళ్లినట్టు వచ్చిన వీడియో ఇప్పుడు హల్ చల్ చేస్తుంది. ఇప్పుడు ఈ విషయంపై పలువురు పలురకాలుగా చర్చించుకుంటున్నారు. కొందరూ సత్యనాదెళ్ల ప్రధానిని అవమానించారని అనుకుంటుండగా.. కొంతమంది అది కావాలని చేసింది కాదు.. అలవాటు పూర్వకంగా చేసి ఉంటారని అనుకుంటున్నారు. దీనితో పాటు మోడీ ఫేస్ బుక్ అధినేత జుకెర్ బర్గ్ ను కలవడంపై కూడా వివాదాలు తలెత్తుతున్నాయి. మోడీ, జుకెర్ బర్గ్ ను కలిసిన నేపథ్యంలో గుజరాత్ లో సంభవించిన అల్లర్లకు కారణమైన మోడీతో చేయి కలిపిన జుకెర్ బర్గ్ చేతులకు రక్తపు మరకలు అంటుకున్నాయని.. ఆరక్తపు మరకలు కడుక్కునేందుకు శానిటైజర్ బాటిల్స్ పంపాలని వార్తలు వచ్చిన నేపథ్యంలో ఇప్పటికే జుకెర్ బర్గ్ కు 250 బాటిల్స్ పంపించారట.

రైతుల అలక దీక్షతో టీఆర్ఎస్ కు చెమటలు

  నిన్న మొన్నటి వరకూ టీఆర్ఎస్ పార్టీకి ఎదురులేదని.. విపక్షాలను ఎదుర్కోవడంలో టీఆర్ఎస్ పార్టీ.. కేసీఆర్ ఎప్పుడూ ముందుంటారు. కానీ ఇప్పుడు పరిస్థితి మారిపోయింది. ఇప్పుడు అధికార పార్టీ రైతుల ఆత్మహత్యల సమస్యతో సతమతమవుతుంది. ఇప్పటికే ఈ అంశంపై ప్రతిపక్షపార్టీలన్నీ కలిసి అధికార పార్టీని ఇరుకున పెడదామనే ప్లానింగ్ లో ఉన్నాయి. దీనిలో భాగంగానే నిన్న జరిగిన అసెంబ్లీ సమావేశంలో రైతు ఆత్మహత్యలపై అక్బరుద్దీన్ మాట్లాడి అధికార పార్టీకి చుక్కలు చూపించారు. ఇప్పుడు దీనికి తోడు వారికి మరో తలనొప్పి వచ్చిపడింది. తెలంగాణ ముఖ్యమంత్రి కేసీఆర్ కు వ్యతిరేకంగా రైతులు అలక దీక్ష చేపట్టారు. అది ఎవరో కాదు కేసీఆర్ ఫాంహౌస్ ఉన్న గ్రామ రైతులే దీక్షకు పూనుకున్నారు. ఇక్కడ ఇంకా ఆశ్చర్యకరమైన విషయం ఏంటంటే ఈ దీక్షకు నేతృత్వం వహించింది.. కేసీఆర్ నియోజకవర్గం అయిన గజ్వేల్ ప్రాంతం అభివృద్ధి కోసం గడ ఏర్పాటు చేసిన వ్యవసాయ శాఖ ఓఎస్డీ అశోక్ కుమార్. ఆయన రైతుల పక్షాన నిలిచి నిరసన వ్యక్తం చేయటంతో ప్రభుత్వానికి చెమటలు పడుతున్నాయి. దీంతో ఇప్పటికే ఈ వ్యవహారంలో సమస్యలు ఎదుర్కొంటున్నకారణంగా ఇప్పుడు ఈ విషయం ప్రచారం అయితే ఇంకా తలనొప్పులు తప్పవని గుర్తించిన ప్రభుత్వ అధికారులు ఉరుకులు పరుగులు తీసుకుంటూ అక్కడి వెళ్లి పరిస్థితిని తెలుసుకున్నారు. కాగా అక్కడికి వచ్చిన అధికారులకు అశోక్ కుమార్ రైతులు ఎందుకు ఆత్మహత్యలు చేసుకుంటున్నారో సరికొత్త కారణాలు చెప్పారు. రైతులకు న్యాయం జరిగే వరకూ తాను దీక్షను విరమించనని మొండికేశారు. అయితే ఆయన్ను ఎలాగొలా బుజ్జగించి దీక్షను విరమించే సరికి అధికారుల తల ప్రాణం తోకకి వచ్చినంత పనైంది. ఏది ఏమైనా రైతుల ఆత్మహత్యల అంశం టీఆర్ఎస్ ప్రభుత్వంతో ఆడుకుంటున్నట్టుంది.

ఏపీ.. రేపటి నుండి పెట్రోల్ బంక్ ల బంద్

డీజిల్, పెట్రోల్ పై రూ. 4 వ్యాట్ ను రద్దు చేయాలని డిమాండ్ చేస్తూ రేపు బంద్ నిర్వహించనున్నారు. ఆంధ్రరాష్ట్రంలో రేపటినుండి నిరవధిక బంద్ నిర్వహించాలని పేట్రోల్ బంక్ యాజమానుల సంఘం పిలుపు నిచ్చింది. వీరికి మద్ధతుగా పెట్రో ట్యాంకు లారీ యజమానులు కూడా బంద్ కు పిలుపునివ్వడంతో రేపటి నుండి పెట్రో ట్యాంకు లారీల రవాణా కూడా నిలుపువేయాలని నిర్ణయించుకున్నారు.