Home  
Politics

తెలంగాణ హోంమంత్రి చంద్రబాబును బెదిరిస్తున్నారా?

  తెలంగాణ హోంమంత్రి నాయిని నరసింహారెడ్డి తాజాగా ఆంధ్రప్రదేశ్ ముఖ్యమంత్రి చంద్రబాబు నాయుడు పై చేసిన వ్యాఖ్యలు రాజకీయ వర్గాలలో చర్చనీయాంశంగా మారాయి. గ్రేటర్ హైదరాబాద్ మున్సిపల్ ఎన్నికల ప్లాన్ పైనే చంద్రబాబు మూడు నెలల తర్వాత  హైదరాబాద్ వచ్చారని, బాబు ఎన్నికల ప్రచారంలో పాల్గొంటే ఆయనకు ధన్యవాదాలు చెబుతామని అన్నారు. అలాగే ఓటుకు నోటు కేసు పెండింగులోనే వున్నదని, ఏమి చేయాలో తమకు తెలుసునని, చట్టం తన పని తాను చేసుకుపోతుందని ఆయన అన్నారు. అలాగే టిఆర్ఎస్ ప్రభుత్వం చట్టం విషయంలో జోక్యం చేసుకోదని చెప్పారు. నాయిని సడన్ ఇలాంటి ప్రకటన ఎందుకు చేశారు? గ్రేటర్ ఎన్నికల కోసం ముందుగానే బాబుని హెచ్చరిస్తున్నారా? అనే దానిపై జోరుగా చర్చలు సాగుతున్నాయి.

కడప జిల్లాలను వణికిస్తున్న గుంతలు

కడప జిల్లాలోని పలు గ్రామాలలో గత కొద్ది రోజులుగా భూమి కుంగి పెద్ద పెద్ద గుంతలు పడడంతో ఆ గ్రామాలలోని ప్రజలు తీవ్ర భయాందోళనలకు గురి అవుతున్నారు. అదేంటి గుంతలు పడితే భయపడాల్సిన అవసరం ఏముంది అనుకుంటున్నారా? అక్కడే ఉంది అసలు సమస్య..ఈ గుంతలు మాములు స్థాయిలో పడడటం లేదు. ఒక్కో గుంత ముప్పై నుంచి యాభై అడుగుల లోతు.. 20 నుంచి 25 అడుగుల వెడల్పు లో ఉండటం విశేషం. అయితే లేటెస్ట్ గా ఆదివారం చింతకొమ్మ దిన్నె మండలంలోని గూడవాడ్ల పల్లె.. బుగ్గలపల్లెల్లో ఇలాంటివే మూడు గోతులు ఏర్పడ్డాయి. దీంతో ఆ పల్లెలలోని జనాలు ఎందుకు ఇలా జరగుతుందో తెలియక భయపడుతున్నారు. అయితే భూమిలో సడన్ గా ఈ మార్పులు ఎందుకు వచ్చాయి? ఇంత పెద్ద ఎత్తున గోతులు పడటానికి కారణం ఏమిటి? అనేది అధికారులకు అంతుచిక్కని ప్రశ్నగా మారింది. అయితే ముందుముందు ఏం జరగబోతుందోనని ప్రజలు తీవ్ర భయాందోళనలకు గురి అవుతున్నారు.

ఏపీ మంత్రివర్గ సమావేశం ప్రారంభం

విజయవాడలోని ముఖ్యమంత్రి క్యాంపు కార్యాలయంలో ఆంధ్రప్రదేశ్ మంత్రివర్గ సమావేశం కొద్దిసేపటి క్రితం ప్రారంభమైంది.శని,ఆదివారాల్లో హైదరాబాద్‌లో ఉన్న ముఖ్యమంత్రి చంద్రబాబునాయుడు సోమవారం ఉదయం విజయవాడ చేరుకున్నారు.రాష్ట్రంలో ఇటీవల కురిసిన భారీవర్షాలు,వరదలు,రాజధాని నిర్మాణంలో ముందుకెళ్లడం,గృహనిర్మాణం ,రాష్ట్రంలో విద్యుత్ పరిస్థితి,నిత్యావసర వస్తువుల,ధరులు,ఇసుక విధానం ప్రభుత్వ శాఖల్లో ఈ -పరిపాలన పురోగతి తదితర అంశాల పై ఈ సమావేశంలో చర్చించనున్నారు.

అమీర్‌పై తెలంగాణ మహిళ విమర్శ

  తన భార్యకి దేశం వదిలి వెళ్ళిపోవాలని అనిపిస్తోందంటూ వ్యాఖ్యానించి విమర్శలు ఎదుర్కొంటున్న అమీర్‌ఖాన్‌ని ఓ తెలంగాణ మహిళ ఎలా ఘాటుగా విమర్శిస్తోందో చూడండి...  

మరో అమ్మ దారుణం

  మరో అమ్మ దారుణానికి ఒడిగట్టింది. అత్తింటి వేధింపులు తాళలేక ఒక మహిళ ఆదివారం ఉదయం తన 11 నెలల చిన్నారితో సహా కాలువలో దూకి ఆత్మహత్య చేసుకుంది. ఈ ఘటన తూర్పుగోదావరి జిల్లాలో జరిగింది. కండ్రిక శివారు అల్లపల్లివారి పాలెం గ్రామానికి చెందిన యువతి వెంకట రమణ (20)కి ఏడాదిన్నర క్రితం నక్కారాజుతో వివాహం జరిగింది. ఇటవలి కాలంలో ఆమె భర్త, అత్తమామలు వేధింపులకు గురి చేస్తున్నారు. ఈ నేపథ్యంలో కార్తీక పౌర్ణమి సందర్భంగా పుట్టింటికి వచ్చిన ఆమె శనివారం సాయంత్రం తన కుమార్తెతో సహా ఇంట్లోంచి బయటకి వెళ్ళిపోయింది. ఆమె కోసం వెతుకుతూ వుండగా బొబ్బర్లంక - ముక్కామల పంట కాలువలో పలివెల వంతెన సమీపం వద్ద తల్లీ కూతుళ్ళ మృతదేహాలు కనిపించాయి.

ఆత్మాహుతి దాడి: 17మంది మృతి

  మధ్య ఆఫ్రికాలోని కెమరూన్‌లో జరిగిన ఆత్మాహుతి దాడిలో 17 మంది మరణించారు. కెమరూన్‌కి ఉత్తర దిశగా వున్న దబంగా ప్రాంతంలో ఈ దాడి జరిగినట్టు తెలుస్తోంది. ఈ దాడి మృతుల్లో ఇద్దరు కెమరూన్ సైనికులు కూడా వున్నారని ఆర్మీ అధికారులు వెల్లడించారు. ఈ ఆత్మాహుతి దాడికి పాల్పడింది ఎవరన్నది ఇంకా వెల్లడి కాలేదు. మానవ బాంబుగా తనను తాను పేల్చివేసుకున్నది ఒక మహిళ అని తెలుస్తోంది.

బోరుబావిలో పడిన బాలుడి మృతి

  మెదక్ జిల్లా పుల్కల్ మండలం బొమ్మారెడ్డిగూడెం గ్రామంలో శనివారం నాడు బోరుబావిలో పడిన మూడేళ్ళ బాలుడు రాకేష్ మరణించాడు. శనివారం ఉదయం ఏడు గంటల సమయంలో తోటి చిన్నారులతో ఆడుకుంటున్న రాకేష్ ప్రమాదవశాత్తూ బోరుబావిలో పడిపోయాడు. బాలుడిని రక్షించడానికి అధికార యంత్రాంగం చేసిన ప్రయత్నాలు విఫలమయ్యాయి. బోరుబావిలో తలకిందులుగా 32 అడుగుల లోతులో బాలుడు వున్న విషయాన్ని గుర్తించిన అధికారులు ప్రొక్లెయినర్లతో బోరుబావికి సమాంతరంగా తవ్వడం ప్రారంభించారు. అయితేపెద్దపెద్ద బండలు అడ్డు పడటంతో తవ్వకం చాలా ఆలస్యమైంది. బాగా శ్రమించి తవ్వకాలు జరిపి బాలుడిని బయటకి తీయగా అప్పటికే బాలుడు మరణించాడు.

ఓటుకు నోటు.. సీబీఐ కి ఇవ్వం.. హైకోర్టు

ఓటుకు నోటు కేసులో సంబంధించి మరో పరిణామం చోటు చేసుకుంది. నోటుకు ఓటు కేసును కేంద్ర సీబీఐ దర్యాప్తు సంస్థకు ఇవ్వాలని న్యాయవాది పీవీ కృష్ణయ్య పిల్ దాఖలు చేసిన సంగతి తెలిసిందే. దీనిపై విచారణ చేసిన హైకోర్టు ఓటుకు నోటు కేసు దర్యాప్తును కేంద్ర దర్యాప్తు సంస్థ సీబీఐకి ఇవ్వలేమని తేల్చి చెప్పింది. సదరు న్యాయవాది దాఖలు చేసిన పిటిషన్లో ప్రజా ప్రయోజనం కనిపించలేదని.. అందుకే కేసును కేంద్ర సీబీఐ దర్యాప్తు సంస్థకు అప్పగించమని చెప్పింది. కాగా ఓటుకు నోటు కేసును తెలంగాణ అవినీతి నిరోధక శాఖ (ఎసిబి) దర్యాప్తు చేస్తున్న విషయం తెలిసిందే.

కొడుకులకు రాజకీయ పాఠాలు నేర్పుతున్న లాలూ

బీహార్ ఎన్నికల్లో మహాకూటమి గెలుపొందడంలో ఆర్జేడీ అధినేత లాలూ ప్రసాద్ యాదవ్ కీలక పాత్ర పోషించిన సంగతి తెలిసింది. జేడీయూ నేత నితీష్ కుమార్ తో జట్టుకట్టి మహాకూటమిని విజయతీరానికి చేర్చడంలో చాలా కృషిచేశారు. అంతేకాదు ఈ విజయంలో భాగంగా తన కొడుకులని రాజకీయ ఆరంగేట్రం చేయించి.. రాజకీయ ఎంట్రీ ఇచ్చిన ఆరంభంలోనే మంత్రుల పదవులు వచ్చేలా చేశారు. అంతేకాదు ఇప్పుడు కొడుకులిద్దరికీ రాజకీయ పాఠాలు నేర్పించడంలో లాలూ పూర్తి సమయం కేటాయించే పనిలో పడ్డట్టు తెలుస్తోంది. లాలూ ఇద్దరు కొడుకుల్లో పెద్ద కుమారుడు ఆరోగ్యశాఖ మంత్రిగా బాధ్యతలు చేపట్టగా.. చిన్న కుమారుడు ఉప ముఖ్యమంత్రిగా మరో రెండు శాఖలను నిర్వహిస్తున్నాడు. దీంతో ఇప్పుడు లాలూ వీరిద్దరిని తీర్చిదిద్దే ప్రయత్నం చేస్తున్నారు. లాలూనే కాదు కొడుకులు కూడా తండ్రి దగ్గర పాఠాలు నేర్చుకోవడానికి తెగ ఇంట్రస్ట్ చూపిస్తున్నారట. అందుకే మంత్రులుగా.. ప్రభుత్వం వారికి కట్టబెట్టే బంగ్లాలను సైతం కాదని లాలూ ఇంటి దగ్గరే ఉండి రాజకీయ ఓనమాలు నేర్చుకుంటున్నారు. దీనిలో భాగంగా ఇక లాలూ కూడా అధికారులను సైతం తనదైన శైలిలో మార్పులు చేయిస్తున్నట్టు తెలుస్తోంది. గతంలో తన హయాంలో నమ్మకస్తులుగా పనిచేసిన ఐఏఎస్ అధికారులను మళ్లీ ఇప్పుడు తీసుకుంటున్నారు. పబ్లిక్ వర్క్స్ డిపార్ట్ మెంట్ శాఖకు ప్రిన్సిపల్ సెక్రటరీగా ఉన్న అరుణ్ కుమార్ ని బదిలీ చేయించి తమకు అనుకూలంగా ఉండే సుధీర్ కుమార్ ను ప్రిన్సిపల్ సెక్రటరీగా నియమించారు. ఆరోగ్యశాఖను నిర్వహిస్తున్న తేజ్ ప్రతాప్ కు పాలనలో ఇబ్బందులు తలెత్తకుండా ఆర్.కె మహాజన్ ను ఆ శాఖకు బదిలీ చేయించుకున్నారు. మొత్తానికి లాలూ తన కొడుకుల రాజకీయ భవిష్యత్ గురించి మంచి శ్రద్ధ తీసుకుంటున్నట్టే కనిపిస్తుంది. మరి లాలూ రాజకీయాల్లో నెగ్గినట్టు ఇద్దరు కొడుకులు రాణిస్తారో లేదో చూడాలి.

నా దగ్గర రాజకీయాలు వద్దు.. ఎమ్మెల్యే పై బాలకృష్ణ ఫైర్

హిందూపురం ఎమ్మెల్యే బాలకృష్ణ తన నియోజక వర్గం అభివృద్ధిలో చాలా కష్టపడుతున్న సంగతి తెలిసిందే. అందుకే నియోజకవర్గం అభివృద్ధి చేసిన జాబితాలో స్థానం కూడా సంపాదించుకున్నారు. అయితే బాలకృష్ణకు ఉన్న కోపం గురించి కూడా తెలిసిందే. ముఖం మీదే తిట్టిపడేస్తారు. అలా ఇప్పుడు ఓ సంబంధిత ఎమ్మెల్యేకు వార్నింగ్ ఇచ్చి హాట్ టాపిక్ అయ్యారు. హిందూపురం ఎమ్మెల్యేగా ఉన్న బాలకృష్ణ తన నియోజవకర్గంలో తాగునీటి కోసం కల్యాణదుర్గం నియోజకవర్గం గుండా పైప్‌లైన్‌ ద్వారా నీటిని తీసుకు వెళ్తున్నారు. అయితే ఈ వాటర్ పైప్ లైన్లకు కొందరు చిల్లులు పెడుతున్నారని.. దానికి దీని వెనుక ఎమ్మెల్యే హనుమంతరాయచౌదరి హస్తం ఉందంటూ బాలకృష్ణకు కొంతమంది ఫిర్యాదులు చేశారంట. అంతే దీనికి బాలకృష్ణ రెచ్చిపోయి.. “ఇలాంటి రాజకీయాలు నా దగ్గర వద్దు అంటూ ఇప్పటికి రెండు మూడు సందర్భాల్లో హనుమంతరాయచౌదరిపై ఆగ్రహం వ్యక్తం చేశారు. దీంతో హనుమంత చౌదరి కూడా స్పందించి ఈ చర్యలకు నాకు ఎలాంటి సంబంధం లేదని తనని అనవసరంగా నిందించవద్దని వివరణ ఇచ్చారంట.  

ఆనం బ్రదర్స్ టీడీపీ ఎంట్రీ.. మంత్రి గారు నో హ్యాపీ

ఆనం బ్రదర్స్ కాంగ్రెస్ పార్టీని వీడి టీడీపీలోకి చేరడానికి అన్ని రకాలుగా రంగం సింద్దం చేసుకున్నట్టు కనిపిస్తుంది. వీరి రాకకు టీటీపీ అధినేత చంద్రబాబు సైతం ఎప్పుడో గ్రీన్ సిగ్నల్ ఇచ్చేశారు. అయితే ఇతర పార్టీలో ఉన్న నేతలు తమ పార్టీలోకి వస్తున్నప్పడు ఆ పార్టీలో ఉన్న కొంత మంది నేతలకు అసంతృప్తిగా ఉండటం సహజం. ఇప్పుడు కూడా ఆనం బ్రదర్స్ టీడీపీ లోకి రావడం చంద్రబాబు సన్నిహితుడైన నారాయణకు ఏమాత్రం ఇష్టంలేదని రాజకీయ వర్గాలు చర్చించుకుంటున్నాయి. నిజానికి రాజకీయాల్లో ఆనం బ్రదర్స్ కి ఉన్న పట్టు వేరు. వీరిద్దరూ రాజకీయాల్లో పండిపోయారనడంలో ఎలాంటి సందేహం లేదు. కానీ నారయణ పరిస్థితి వేరు. రాజకీయాల్లో అంత అనుభవం లేదనే చెప్పొచ్చు. అందుకే ఆనం బ్రదర్స్ ఎక్కడ పార్టీలోకి వస్తే తన ప్రభావం ఎక్కడ తగ్గిపోతుందో ఆని భయపడుతున్నారని అనుకుంటున్నారు. అంతేకాదు చంద్రబాబు కూడా జిల్లాలో వైసీపీకి హవా తగ్గించాలంటే దానికి ఆనం బ్రదర్స్ లాంటి ఉద్దండులే కరెక్ట్ అని.. అందుకే నారాయణ అభ్యంతరాలను సైతం పక్కనపెట్టి వారి ఎంట్రీకి స్వాగతం పలుకుతున్నట్టు తెలుస్తోంది. మరి ఆనం బ్రదర్స్ ను నారాయణ ఎలా ఎదుర్కొంటారో చూడాలి.

ఓడిపోయినందుకు హ్యాపీగా వివేక్..

వరంగల్ ఉపఎన్నికల్లో కాంగ్రెస్ పార్టీ ఘోర పరాజయాన్ని మూటగట్టుకున్న సంగతితెలిసిందే. టీ కాంగ్రెస్ అధ్యక్షుడు ఉత్తమ్ కుమార్ రెడ్డి అయితే ఈ ఎన్నికలను చాలా ప్రతిష్ఠాత్మకంగా తీసుకుని.. ఎన్నికలో ఓడిపోయినందుకు కనీసం బయటకి కూడా రాకుండా.. ఎలాంటి మీడియా సమావేశాల్లో కూడా పాల్గొనకుండా ఇంట్లోనే ఉంటున్నారు. అయితే వరంగల్ ఉపఎన్నికలో కాంగ్రెస్ పార్టీ అభ్యర్ధి సర్వే సత్యనారాయణ ఓడిపోయినందుకు ఒక్కరు మాత్రం చాలా హ్యాపీగా ఫీలవుతున్నారని రాజకీయ వర్గాలు చర్చించుకుంటున్నాయి. అది ఎవరో కాదు పెద్దపల్లి మాజీ ఎంపీ వివేక్.. అసలు వరంగల్ ఉపఎన్నికలో వివేక్ పోటీచేయాల్సి ఉంది.. కానీ మొదట వివేక్ పోటీ చేయడానికి నిరాకరించారు. ఆతరువాత కేంద్రం ఎలాగూ బుజ్జగించి ఆయన ఒప్పుకునే సరికి.. సరిగ్గా అదే సమయంలో సర్వే నారాయణ అడ్డుపుల్ల వేశారు. టీఆర్ఎస్ లోకి వెళదామనుకుంటున్న వివేక్ కు ఎలా టికెట్ ఇస్తారని కేంద్రాన్ని ప్రశ్నించడంతో కేంద్రం కూడా వివేక్ కు కాకుండా.. రాజయ్యకు టికెట్ కన్ఫామ్ చేసింది. ఆ తరువాత రాజయ్య కుటుంబంలో జరిగిన ఉందంతం అందరికి తెలసిందే. రాజయ్య కోడలు సారిక చనిపోవడం.. ఆతరువాత రాజయ్యను పోలీసులు అరెస్ట్ చేయడం.. రాజయ్యను పార్టీ నుండి సస్పెండ్ చేసి ఆ టికెట్ ను సర్వేకు  ఇవ్వడం జరిగాయి. అయితే పోటీలో దిగిన సర్వే కూడా ఓడిపోయారు. దీంతో పోటీలో తను లేకుండా ఉన్నందుకు.. అంతేకాదు తన టికెట్ కు అడ్డుపడినా సర్వే ఓడిపోవడంతో వివేక్ ఫుల్ కుష్ లో ఉన్నారంట. అంతేకాదు దీనికి సంబంధించి వివేక ఫ్యామిలీ ఓ పార్టీకూడా చేసుకున్నారంట. మొత్తానికి సొంత పార్టీ సభ్యుడు ఓడిపోయినా వివేక్ చాలా సంతోషంగా ఉన్నారంటే.. సర్వే మీద బానే కోపంగా ఉన్నట్టు తెలుస్తోంది.

జయలలితకు స్టాలిన్ సలహా..

రాజకీయాల్లో అన్ని రాష్ట్రాల్లో రాజకీయాలకంటే తమిళనాడు రాజకీయాలు కాస్త తేడాగా ఉంటాయి. చాలా భయంకరమైన పాలిటిక్స్ జరుగాతాయి ఇక్కడ. ఇక అన్నాడీఎంకే, డీఎంకే పార్టీల సంగతి గురించి ప్రత్యేకంగా చెప్పనవసరం లేదు. పచ్చగడ్డివేస్తేనే భగ్గుమనే పరిస్థితి. మరి అలాంటి నేపథ్యంలో ఒకరిమీద ఒకరు ఏ రకంగా విమర్శల బాణాలు సంధించుకుంటారో తెలియంది కాదు. అలాంటి వాతావరణం ఉన్న క్రమంలో జయలలితకు.. ఆమె ప్రత్యర్థి పార్టీ డీఎంకే అభ్యర్ధి అది కూడా స్టాలిన్ నుంచి ఓ సలహా రావడంతో అది ఇప్పుడు హాట్ టాపిక్ అయింది. అదేంటంటే.. బీహార్ ఎన్నికల్లో మహాకూటమి గెలుపొంది నితీశ్ కుమార్ ముఖ్యమంత్రి పదవిని చేపట్టిన సంగతి తెలిసిందే. ఈ నేపథ్యంలో ఆయన గతంలో ఇచ్చిన హామిని గుర్తుంచుకొని దానికి ఇప్పుడు శ్రీకారం చుడుతూ నిర్ణయం తీసుకున్నారు. వచ్చే ఏడాది ఏప్రిల్ 1 నుండి బీహార్లో పూర్తిగా మధ్యపానం నిషేదం చేస్తామని హామి ఇచ్చారు. ఇప్పుడు నితీశ్ తీసుకున్న నిర్ణయం లాగే తమిళనాడులో కూడా మధ్యపానం పై నిషేధం విధించాలని.. మధ్యపానం వల్ల తమిళనాడులో ఉన్న ఎన్నో కుటుంబాలు పాడైపోయాయి.. ప్రజల కోసం పనిచేయడం అంటే నితీశ్ లాంటి నిర్ణయం తీసుకోవడమే అని.. ఇది తన డిమాండ్ కాదని.. ప్రజల డిమాండ్ గా తీసుకోవాలని జయలలితకు సూచించారట. మరి స్టాలిన్ ఇచ్చిన సలహాకు జయలలిత ఎలా రియాక్ట్ అవుతారో చూడాలి.

చంద్రబాబు ఉన్నతస్థాయి సమీక్ష.. పోలవరం, పట్టిసీమ పై చర్చ

సచివాలయంలో ఏపీ సీఎం చంద్రబాబు ఉన్నతస్థాయి సమీక్ష నిర్వహించారు. ఈ సమావేశానికి మంత్రులు, ముఖ్య కార్యదర్శులు, అధికారులు హాజరయ్యారు. ఈ సందర్భంగా వారు ముఖ్యంగా పోలవరం, పట్టిసీమ పై చర్చ జరుపుతున్నట్టు తెలుస్తోంది. అంతేకాదు చంద్రబాబు మాట్లాడుతూ నదుల అనుసంధానం.. నీరు - చెట్టు కార్యక్రమం మంచి ఫలితాలనిచ్చాయని.. వచ్చే ఏడాది నాటికి రెండంకెల అభివృద్ధి సాధించాలని అధికారులకు సూచించినట్టు తెలుస్తోంది.

అమీర్ అసహనం రచ్చ..శివసేన చీఫ్ ను కొడితే 2లక్షలు

అమీర్ ఖాన్ అసహనం పై చేసిన వ్యాఖ్యలకు దేశ వ్యాప్తంగా విమర్శలు ఎదుర్కొంటున్నాడు. అందరూ విమర్శిస్తున్న నేపథ్యంలో.. ఎప్పుడూ సంచలన వ్యాఖ్యలు చేసే శివసేన కూడా స్పందించి అమీర్ ఖాన్ ను విమర్శించింది. అయితే అందరూ నోటితో విమర్శిస్తుంటే.. శివసేన మాత్రం దానికి భిన్నంగా అమీర్ ఖాన్ ను చెంపదెబ్బ కొడితే  లక్షరూపాయలు ఇస్తామని.. అతనిని దేశ భక్తుడిగా కీర్తిస్తామని ఆఫర్ ఇచ్చారు. ఇప్పుడు శివసేన ఇచ్చిన ఆఫర్ కు రివర్స్ లో తమిళనాడుకు చెందిన తవ్ హీద్ జమాత్ సంస్థ ఇంకో ఆఫర్ ఇచ్చింది. అదేంటంటే.. శివసేన చీఫ్ ఉద్ధవ్ ఠాక్రే ను చెంపదెబ్బ కొట్టినోళ్లకు రూ.2లక్షలు ఇస్తామని ఆ సంస్థ సహాయ కార్యదర్శి తవ్ బీక్ ప్రకటించారు. శివసేన చేస్తున్న ప్రకటనలకు తాము బెదిరిపోమని.. ధైర్యంగా ఎదుర్కొంటామని ఆయన వ్యాఖ్యానించారు. మొత్తానికి అమీర్ ఖాన్ ఏ పరిస్థితిలో ఉండి ఆ వ్యాఖ్యలు చేశారో తెలియదు కానీ దీనిని అడ్డంపెట్టుకొని కొంతమంది ఇంకా రాద్దాంతం చేస్తున్నారనడానికి ఈ ఘటనలే నిదర్శనం.

సారికది ఆత్మహత్యే.. మహిళా సంఘాల ఆందోళన

సిరిసిల్ల రాజయ్య కోడలు సారిక, ముగ్గురు మనవలు అతి దారుణంగా మరణించిన సంగతి తెలిసిందే. ఈ కేసులో నిందితులుగా రాజయ్యను, అతని భార్య మాధవి, కొడుకు అనిల్ ను పోలీసులు అరెస్ట్ చేశారు. అయితే పోలీసులు సేకరించిన ఆధారాలు, పోస్టుమార్టం నివేదిక పరిశీలించిన ఫోరెన్సిక్ నిపుణులు సారికది హత్య కాదు ఆత్మహత్యే అని తెలిపారు. అయితే ఇప్పుడు దీనిపై మహిళా సంఘాలు తీవ్ర ఆగ్రహం వ్యక్తం చేస్తున్నారు. పోలీసులు కేసును పక్కదారిని పట్టిస్తున్నారని ఆరోపిస్తున్నారు. అంతేకాదు ఫోరెన్సిక్ నివేదికకు వ్యతిరేకంగా మహిశా సంఘాలు ఆందోళన చేపట్టి.. రాజయ్యను, అతని కుటుంబసభ్యులను కఠినంగా శిక్షించాలని డిమాండ్ చేస్తున్నారు. 

మనవడి తలనీలాల కార్యక్రమంలో చంద్రబాబు

ఏపీ సీఎం చంద్రబాబు, హిందూపురం ఎమ్మెల్యే బాలకృష్ణల ముద్దల మనవడు దేవాన్ష్ తలనీలాలు ఈరోజు తీయనున్నారు. చిత్తూరు జిల్లాలోని నారావారి పల్లెలో లోకేశ్ దేవాన్ష్ తలనీలాలు సమర్పించనున్నారు. ఈ కార్యక్రమంలో చంద్రబాబు కుటుంబసభ్యులు, బాలకృష్ణ కుటుంబసభ్యులు పాల్గొన్నారు. నాగాలమ్మ గుడి దగ్గర ప్రత్యేక పూజలు నిర్వహించి.. చంద్రబాబు శ్రీనాగలమ్మతల్లికి మొక్కులు తీర్చుకుంటున్నారు. కాగా చిత్తూరు జిల్లా నారావారి పల్లెలో చంద్రబాబు రెండు రోజుల పర్యటనకు అధికారులు భారీ ఏర్పాట్లు చేశారు.

నేడు హైదరాబాద్ వెళుతున్న చంద్రబాబు నాయుడు

  ఆంధ్రప్రదేశ్ ముఖ్యమంత్రి చంద్రబాబు నాయుడు మూడు నెలలు తరువాత మళ్ళీ నేడు హైదరాబాద్ లో కాలుపెట్టబోతున్నారు. ఇక నుండి వారానికి రెండు రోజులు హైదరాబాద్ లో ఉంటానని ఆయనే స్వయంగా ప్రకటించారు. జనవరిలో జరుగబోయే గ్రేటర్ హైదరాబాద్ మునిసిపల్ కార్పోరేషన్ ఎన్నికలకు పార్టీని సంసిద్దం చేయడానికే చంద్రబాబు నాయుడు హైదరాబాద్ వెళ్లి రావాలనుకొంటున్నట్లు సమాచారం. ఇవ్వాళ్ళ ఆయన సచివాలయానికి కూడా వెళ్ళే అవకాశం ఉంది. ఇవ్వాళ సాయంత్రం లేదా రేపు ఉదయం జంటనగరాలలో పార్టీ నేతలతో ఆయన సమావేశం అవుతారని సమాచారం. డిశంబర్ నెలలో పార్టీ నేతలతో ఒక విస్తృత స్థాయి సమావేశం నిర్వహించి, జి.హెచ్.ఎం.సి. ఎన్నికలను ఎదుర్కోవడానికి వారికి దిశా నిర్దేశం చేస్తారని కుతుబుల్లా పూర్ తెదేపా ఎమ్మెల్యే కె.పి. వివేకానంద గౌడ్ తెలిపారు.

వైసీపీ పై సోమిరెడ్డి జోస్యం.. అలా అయితేనే మనుగడ..

వైసీపీ పార్టీ అధినేత జగన్ నెల్లూరు జిల్లాలో పర్యటించిన సంగతి తెలిసిందే. ఈ సందర్భంగా టీడీపీ ఎమ్మెల్సీ సోమిరెడ్డి జగన్ పై విమర్శల బాణాలు వదిలారు. నెల్లూరు జిల్లాలో జగన్ చేసిన పర్యటన ప్రజలను రెచ్చగొట్టేలా ఉందని అన్నారు. అంతేకాదు వైసీపీ పార్టీ గురించి జోస్యం కూడా చెప్పారు. వరంగల్ ఉపఎన్నికలో వైసీపీ ఘోర పరాభవం పొందిన నేపథ్యంలో ఏపీలో కూడా వైసీపీ పరిస్థితి అదే అంటూ విమర్శించారు. దేశంలో కొత్తగా పుట్టిన ప్రాంతీయ పార్టీలు తాము ఎదుర్కొన్న తొలి ఎన్నికల్లో గెలిచి అధికారం సాధిస్తేనే మనుగడ సాధించాయని... అలా గెలవలేని పార్టీలన్నీ గంగలో కలిసిపోయాయని ఎద్దేవ చేశారు. మరి వైసీపీ గురించి సోమిరెడ్డి చెప్పిన జోస్యం నిజమవుతుందో లేదో వచ్చే ఎన్నికల బట్టి తెలుస్తుంది.