మహేష్ విట్టా తెలుగువన్ ఫన్ బకెట్ వీడియోస్ తో మంచి పేరు సంపాదించుకున్నాడు ఇండస్ట్రీలో. ఆ తర్వాత బిగ్ బాస్ కి వెళ్ళాడు. అలాగే కొన్ని మూవీస్ లో కూడా నటించాడు. అలాంటి మహేష్ విట్టా ఒక ఇంటర్వ్యూలో బిగ్ బాస్ గురించి ఎన్నో విషయాలను చెప్పుకొచ్చాడు.

"బిగ్ బాస్ నాకు చాలా నేర్పించింది. ఒకణ్ణి నమ్మి ఒక ప్రాజెక్ట్ మొత్తం చేతిలో పెడితే.. హార్డ్ డిస్కులు ఎత్తుకుపోయి నాకు డబ్బులు ఇస్తేనే తిరిగి ఇస్తా అంటూ నన్నే రివర్స్ లో బ్లాక్ మెయిల్ చేసాడు. నేను కొట్టాలనుకుంటే కొట్టొచ్చు నేను వెళ్లి. కానీ అప్పటికే వాడి హార్ట్ కి స్టంట్ పడింది. వాడికి ఏమన్నా ఐతే వాడి పేరెంట్స్ ని తర్వాత నేనేం చెప్పుకోవాలి అని వాడిని వదిలేసి మళ్ళీ డబ్బులు పెట్టుకుని నేనే ప్రాజెక్ట్ పూర్తి చేసుకున్నా. ఈ తత్వం నాకు బిగ్ బాస్ నేర్పించింది.

బిఫోర్ బిగ్ బాస్ ఐతే నేను వెళ్లి వాడిని కుక్కను కొట్టినట్టు కొట్టేవాడిని. కానీ బిగ్ బాస్ తర్వాత నేను ఒకటి నేర్చుకున్నా. ఓకే కూల్ ఆ పెంటను ఇంట్లోకి తెచ్చుకోకూడదు అని తెలిసింది. బిగ్ బాస్ నాకు ప్లస్ అయ్యింది. అప్పటివరకు నేను కామెడీ రోల్స్ చేసుకుంటూ ఉండేవాడిని.. అప్పుడప్పుడే ఎదుగుతున్న. అదంతా వదిలేసి బిగ్ బాస్ వెళ్లాను. ఒకరకంగా అది సూసైడ్ అటెంప్ట్ లాంటిదే. నేను ఆడియన్స్ కి నచ్చుతాను అంటూ చాలామంది చెప్పారు. రెండు వారాలు ఉంటే చాలు అనుకున్నా. ఏది అనుకుంటే అది ఆ టైములో ఐపోవాలి అనే టైపులో ఉండేవాడిని బిగ్ బాస్ కి వెళ్ళకముందు వరకు. కానీ బిగ్ బాస్ కి వెళ్ళాక తెలిసింది ఆ టైం వచ్చే వరకు వెయిట్ చేయడమే అని.

బిగ్ బాస్ లో మర్చిపోలేని మెమరీ అంటే ఫినాలే టైంలో చిరంజీవి గారు నన్ను పొగడడమే. అప్పుడనిపించింది ఇండస్ట్రీకి దేవుడు అనుకునే వ్యక్తి నన్ను పొగిడారు అది చాలు అనిపించింది. ఇండస్ట్రీ మొత్తం ఒక సైడ్ నేనొక సైడ్ అన్నట్టు అనిపించింది. చిరంజీవి గారు మీ వీడియోస్ చూస్తూ ఉంటారు అని ఆయన సెక్యూరిటీ వాళ్ళు నాకు చెప్పేవాళ్ళు. అంటే చిరంజీవి గారి కంట్లో మా రిఫ్లెక్షన్ పడుతోంది అది చాలు అనిపించింది. కానీ ఆయన బిగ్ బాస్ కి వచ్చి మహేష్ యాంగ్రీ యంగ్ మ్యాన్ అనే సరికి చాలా హ్యాపీ అనిపించింది" అంటూ మహేష్ విట్టా చెప్పుకొచ్చాడు.