బిగ్‌బాస్ 13వ వారం ఎలిమినేష‌న్ కార‌ణంగా హౌస్ నుంచి బ‌య‌టికి వ‌చ్చిన కంటెస్టెంట్ ప్రియాంక సింగ్‌.. పింకీ.. గ‌త కొన్ని వారాలుగా పింకీ ఎలిమ‌నేట్ అవుతుందంటూ ప్ర‌చారం మొద‌లైంది. త‌న‌పై ఎంత ప్ర‌చారం జ‌రిగినా వార వారానికి పింకీ స్ట్రాంగ్ అవుతూ వ‌చ్చింది. త‌ను కూడా స్ట్రాంగ్ కంటెస్టెంట్‌నే అని ప్రూవ్ చేసుకోవ‌డ‌మే కాకుండా టాస్కుల్లోనూ త‌న స‌త్తా చాటుతూ ఔరా అనిపించింది. పింకీ గేమ్ స్ట్రాట‌జీని గ‌మ‌నించిన వారంతా త‌ను టాప్ ఫైవ్‌లో ఖ‌చ్చితంగా వుంటుందిని భావించారు.

కానీ అనూహ్యంగా పింకీ ఈ 13వ వారం ఎలిమినేట్ అయి ఇంటి నుంచి బ‌య‌టికి వెళ్లింది. ఆదివారం జ‌రిగిన ఎలిమినేష‌న్ రౌండ్‌లో పింకీ ఎలిమ‌నేట్ అయింది. అయితే తన‌కు హౌస్ నుంచి బ‌య‌టికి వెళుతున్నాననే బాధ‌కంటే మాన‌స్‌ని వీడి వెళుతున్నాన‌నే బాధే ఎక్కువ‌గా వున్న‌ట్టుగా క‌నిపించింది. త‌న మాట‌ల‌తో.. చేత‌ల‌తో ప్ర‌తీ ఇంటి స‌భ్యుల‌ని ఆక‌ట్టుకున్న పింకీ ఈ షో ద్వారా 13 వారాల‌కు గానూ ఎంత సొంతం చేసుకుందన్న‌ది ఆస‌క్తిక‌రంగా మారింది.

దీనిపై సోష‌ల్ మీడియాలో పెద్ద చ‌ర్చే న‌డుస్తోంది. పింకీ ఎలిమినేట్ అయినా భారీ మొత్తాన్నే ద‌క్కించుకుంద‌ని కొంత మంది.... భారీ మొత్తంతో పాటు మంచి పాపులారిటీని కూడా ద‌క్కించుకుంద‌ని మ‌రి కొంత మంది చెబుతున్నారు. పింకీకి బిగ్‌బాస్ వ‌ర్గాలు వారానికి 1.75 నుంచి 2 ల‌క్ష‌ల వ‌ర‌కు పారితోషికాన్ని అందించార‌ని తెలుస్తోంది. అలా చూస్తే 13 వారాల‌కు గానూ దాదాపుగా ఇర‌వై ఆరు ల‌క్ష‌ల వ‌ర‌కు పింకీకి అందిన‌ట్టుగా స‌మాచారం.