TeluguOne Services
Copyright © 2000 - , TeluguOne Sahityam - All rights reserved.
నాన్న
॥ నాన్న॥
మలిబడికి తొలిమెట్టు 'నాన్న'
బైటి ప్రపంచాన్ని చూపే దివ్య దృష్టి 'నాన్న'
కొడుకు బైక్ కోసం
తన సైకిల్ జీవితాన్ని పొడిగిస్తాడు 'నాన్న'
కూతురు చలువటద్దాల కోసం
పగిలిన అద్దాలలోనుంచే ఫైళ్ళు చూస్తాడు 'నాన్న'
మేఘంలా గర్జిస్తూ
కరుకుగా కనబడతాడు 'నాన్న'
తొలకరిజల్లు లాంటి ప్రేమను
మదిలో దాచుకుంటాడు 'నాన్న'
పండుగలకి పుట్టినరోజులకి
కొత్తబట్టలున్నాయంటాడు 'నాన్న'
పిల్లల సంబరాల అంబరంతో
మాసికల చొక్కాను కప్పేసుకుంటాడు 'నాన్న'
తాను ముళ్ళబాటలో నడిచినా
పిల్లలకి పూలబాటౌతాడు 'నాన్న'
అహర్నిశలూ కుటుంబశ్రేయస్సుకే
తన జీవితాన్ని అర్పిస్తాడు 'నాన్న' నాన్నంటే నిస్వార్ధానికి
మారుపేరని నమ్ముతాను
నాన్నంటే 'విశ్వరూపమని'
విశ్వానికి ఎలుగెత్తి చాటుతాను. ...
- @శ్రీ (rvss srinivas)
శత్రుసేనని చిత్తుచేసి విజయపు కుర్చీనెక్కేందుకు ఎన్నికల యుద్ధంలో కూటమిగా పోరాడదామని!
May 4, 2024
ప్రజల సమూహం సమాజం సైన్యం సమస్తం నేనే మహాద్భుతమైన పనులనెన్నో ప్రపంచంలో చేసిందీ నేనే!
May 2, 2024
మిమ్మల్నే కానివ్వండి మొదలెట్టండి మీరేం మాట్లాడాలని మదనపడేవారో మీకు ప్రసంగించే అవకాశమొచ్చింది గదిలో నిశ్శబ్దం రాజ్యమేలుతోంది!
May 1, 2024
క్రొత్త పాత కోరికల్ని కలబోసి మస్తిష్కపు బస్తాల్లో ఉబ్బేట్టుగా నింపి చిరుకోర్కెనైనా విడువనిష్టపడక బలమైన ఆశలబంధంతో కుట్లువేసి కాలం రథమ్మీద ప్రయాణిస్తూ శోభకృత్ పొలిమేర దాటుకుంటూ క్రోధి గ్రామం చేరుకుంటూ సగటు ఓటరు మహాశయులు!
Apr 8, 2024
శిశిరంలో చలిపులి గజదొంగగారు నిత్యంతనువంతా తీవ్రంగా తడిమేస్తూ సిరిసంపదలేం దోచుకోబోయారో దౌర్జన్యాల దాష్టికాలేంజేయబోయారో!
Apr 6, 2024
|
|