తెలుసునా మిత్రమా
మనమెందుకు ఒంటరైనామో
నడకకు జతలేక
పయనానికి దిక్కులేక!
కలల గమ్యం వేటలో
ఆశల రహదారిలో
సొగసైన సవారీతో
పరిగెత్తించిన కోర్కెల గుర్రాలు
హఠాత్తుగా అపరిచితులైనట్టు
తమదారి తాము చూచుకొని
ఒక్కటొక్కటిగా అదృశ్యమై
ఏ దూరాలకు పారిపోయాయో
ఎందుకో ఆలోచించావా ఇప్పటికైనా?
ఉచ్ఛ్వాస నిశ్వాసములకే ఉనికై
ఊపిరికే ఊపిరై ప్రాణములో ప్రాణమై
యదపొదరింట్లో కొలువై
అతిప్రీతిపాత్రమైన ప్రియకామన
ఉసురుదీసి జీవచ్ఛవాన్నిజేసి
ఎడంగా ఎందుకు వెళ్లిపోయిందో
ఎందుకో ఆలోచించావా ఇప్పటికైనా?
జీవితసాఫల్యతీరం దిశకు
భద్రంగా పయనించు జీవననావ
నడిసంద్రపు సంధ్యలో
తొట్రుపాటుతో ముందుకు సాగనంటూ
గమనమెటో తేల్చుకొమ్మంటూ
బ్రతుకునెందుకు
డోలాయమానస్థితికి లంగరేసిందో
ఎందుకో ఆలోచించావా ఇప్పటికైనా?
అంతటికీ కారణం
మస్తిష్కపు ఆలోచనా తరంగాల్లో
అమాసనిశానిరాశల వత్తిళ్ల ప్రభావమనీ
ప్రయత్నపు పోరాట పున్నమి వెలుగుల్ని
అలుపెరగక అధైర్యపడక ఆహ్వానిస్తే
వెన్నెల వెలుగుల ధైర్యమావహించి
కోరుకున్న ఆశల గమ్యానికి
నడకకు దశ దిశ తోడు దక్కేనని
ఇప్పటికైనా ఆలోచించావా??
— రవి కిషొర్ పెంట్రాల
కృషీవలురకు శక్తినివ్వు కలల వయసుకు నింగినివ్వు బెరుకు సొగసుకు ధైర్యమివ్వు గడుసు మొరటుని బెదరనివ్వు!
Mar 29, 2025
ఉగాది పాట రంజితమై లోక శోభితమై నేటి ఆమనిలో పలుకు పావనివై గాన కోకిలమ్మ!
Mar 29, 2025
మంచి నడతకు శక్తినివ్వు కలల వయసుకు నింగినివ్వు బెరుకు సొగసుకు ధైర్యమివ్వు గడుసు మొరటుని బెదరనివ్వు!
Mar 27, 2025
హరిదాసు హరినామ సంకీర్తనలతో జంగమదేవర శంఖపు రవళులతో మా ఊరి ఆస్థాన విద్వాంసులు
Jan 12, 2025
అమ్మడూ ఓయ్ వాట్సప్ మెసేజ్ అమ్మాయి అల్లుడూ పండక్కొస్తారంట బియ్యం పిండికి మిషనుకి పట్టకెళ్ళనా పట్నంనుండి స్వీట్స్ పట్టుకురానా! అహ్ ఏంటోనండి ఆరోజుల్లో అయితే...!
Jan 12, 2025
జీవన వాసంతంలో అరుదైన గమ్యందారిని రమ్యంగానే దొరకబుచ్చుకొని ప్రియంగానే ప్రయాణిస్తూ బాటసారి!
Nov 28, 2024
అఖిల తారలు నీ పదపద్మములనుజేరి అమితానురక్తితో కొల్చుటజూచి పూటపూటనా ఇలాగ మినుకుమినుకుమని మెరుస్తుంటి!
Nov 15, 2024
నిలువునా చీల్చిన పచ్చటి చెక్కలా ఆ రెండు మార్గాలు క్షమించండి.. నేను ఆ రెండు మార్గాల్లోనూ ప్రయాణించలేను ఒక్క మార్గంలోనే నేను నిరంతరం నిలబడే వున్నాను
Oct 11, 2024
ఫౌంటైన్‌లు నదిలో, నదులు సముద్రంలో కలిసిపోతాయి... గాలులు నిరంతరం ఒకదానితో మరొకటి కలసిపోతాయి... అది కూడా.. ఒక మధురమైన భావోద్వేగంతో...
Oct 7, 2024
 |