ఇల్లే ఆమె - ఆమే ఇల్లు
.webp)
తెల్లవారకముందే లేచే తొలి దీపం ఆమె,
ఇంటిని నడిపే నిత్య ఇంజిన్ ఆమె!
వంటింట్లో అన్నపూర్ణ,
పిల్లల పలకలపై సరస్వతి,
ఇంటి గడపకు లక్ష్మీదేవి,
కష్టం వస్తే కాళికాదేవి!
అన్నీ తానై నడిపే
అనంత శక్తి రూపం - గృహిణి!
జీతం లేని ఉద్యోగం,
సెలవు లేని సేవ!
అయినా అలుపు లేని ప్రేమతో,
ఇంటిని గుడిగా మార్చే మంత్రం ఆమెది!
ఆమె చేతి ముగ్గులోనే ఇంటి అందం,
ఆమె నవ్వులోనే ఇంటి వెలుగు!
ఆమె లేని ఇల్లు - ఇల్లు కాదు,
గోడలు మాత్రమే!
ఆమె ఉన్న ఇల్లు - గుడి కాదు,
ప్రేమకు నిలయం!
ఇంటికి పునాది ఇటుక కాదు,
ఇల్లాలి ఓర్పు!
ఇంటికి పైకప్పు సిమెంట్ కాదు,
ఇల్లాలి ప్రేమ!
కాబట్టి,
గృహిణిని గౌరవించు - గృహం శాంతిస్తుంది!
గృహిణిని ప్రేమించు - గృహం వికసిస్తుంది!!!!
- డా. ఆళ్ళ నాగేశ్వరరావు (కమల శ్రీ)
నవంబర్ 3, జాతీయ గృహిణుల దినోత్సవం సందర్భంగా
మా ప్రణతులు గైకొనుమా మా వినతులు వినుమా మా వెతలను మాపుమా విశ్వేశ్వరా విరూపాక్షా వీరభద్రా!
Feb 14, 2026
మీ ఓట్ల కోసం వస్తున్నాం మీ ఓట్లతో రాజ్యాధికారంలోకి వస్తున్నాం. కంపెనీల పేరు చెప్పి మీ భూమిని లాగేస్తున్నాం అభివృద్ధి కావాలంటే? మీ భూములు మాకు ఇవ్వాలె ! ఉద్యోగాలు కావాలంటే? ఉన్నదంతా ఇచ్చేయాలి..!
Dec 17, 2025
ఆహరం లేక, ఆక్సిజన్ అందక చనిపోయేవాళ్లు కొందరు.. ఆహరం, ఆక్సిజన్ తో వ్యాపారం చేస్తూ బ్రతికేవాళ్లు కొందరు...
Nov 29, 2025
బ్రతుకుబండిని గమ్యంవైపుకు నడిపిస్తూ విశ్రాంతి లేక వడలిపోయి కొందరు వారసత్వ సంక్రమణ ఆరోగ్య అవలక్షణాలు వృత్తి వ్యవహార ఒత్తిళ్ళతో నలిగి నీరసించి మరికొందరు!
Nov 4, 2025
అప్పుడప్పుడు అనిపిస్తుంటుంది కాల ప్రవాహాన్ని ఎదురీది గడచిన మజిలీలకు మళ్ళీ చేరాలని
Sep 12, 2025
ఓ బొజ్జ గణపయ్య నీ భక్తులమ్మేమయ్య చవితి చంద్రున్ని చూస్తిమేమోనయ్య సతమతమవుతూ సాగుతుంటిమయ్య!
Aug 26, 2025
కృషీవలురకు శక్తినివ్వు కలల వయసుకు నింగినివ్వు బెరుకు సొగసుకు ధైర్యమివ్వు గడుసు మొరటుని బెదరనివ్వు!
Mar 29, 2025
 |