TeluguOne Services
Copyright © 2000 - , TeluguOne Sahityam - All rights reserved.
ఉగాది ప్రేమ సఖి
ఈ ఉగాది ప్రేమసఖీ !
నా ఊహల కంద వేమె !
కలలోనే వచ్చినావు
కలలానే కరగినావు !..ఈ ఉగాది ప్రేమ సఖీ !
మధు మాసపు తేరుపైన
మృదు గీతుల నాలపించి
నిదురవోవు యెద పూవున
మధువుగ్రోల వచ్చినావు
మురిపెము కలవరకేన?
విరులతేరు తరలివరావె !
ఓ ఉగాది ప్రేమసఖీ !
నాఊహకు రూప మీవె !
ఆరు రుచుల ఋతువుల రస
ఫల భారము లెగసి పడగ
కాలప్రగతి మేలి ముసుగు
కళకళ లాడెడి కాంతుల
కల నర్తన మాడ వచ్చి
నీ నీలను జూపి యంత
నిలువక కలవర పరచే
మురిపెము కలవరకేన ?
విరులతేరు తరలి రావె !
ఓ ఉగాది ప్రేమ సఖీ !
నాఊహల కందరావె !
చిత్రమైన దీ చైత్ర ప
విత్ర కిల ఋతురాగము
ఎలకోయిల కూజిత స్వర
విలసిత మోహార్ణవము
అనురాగాంబర చుంబిత
అంతరంగ విహ్వలము
ప్రకృతి సహజ ప్రేమబంధ
మున నొదిగే అద్వైతము !
ఈ ఉగాది ప్రెమసఖీ !
నాఊహల కందరావె !
స్నేహామృతమంద రావె !
- NCV Ranganath