TeluguOne Services
Copyright © 2000 - , TeluguOne Sahityam - All rights reserved.
మనస్సు - మురళీ
మనస్సు
- మురళీ
కలల అలల-కడలి నీవు
ఆశనిరాశల-పడవనీవు
ఆనందాల-ఆర్జవమీవు
విషాదాల-నిశీధినీవు
వివాదాల-మసీదు నీవు
ఆలోచనల-అంబుధినీవు
అభ్యుదయపు-వారధినీవు
అనంతభావాల-సాగరమీవు
అనుభవాల-ఆకలినీవు
ఆవేశాల-కేకవి నీవు
స్నేహానికి-ప్రాణంనీవు
ప్రేమకు-ప్రతిరూపంనీవు
అనురాగపు-బానిసనీవు
పగకోసం-వగచేవీవు
అద్భుతాల-ఆమని నీవు
నీవే నా జీవన-తొలి ఉషన్సు
నీ కోసమే- నా ఈ తపస్సు
నువ్వదుపులో ఉంటే-మోదం
అదుపుతప్పితే-ఖేదం
ఇన్ని రూపాలున్న
ఓ నా మనస్సూ-నీకో నమస్సూ
తొలివలపు
తలపుల వీణియపై-వలపుల తేనేలూరగా
ఆ మధువుల మధువనిలో-సుధలొలికే సింధువుగా
నాజీవన అమనిలలో-సమ్మోహన కామినివై
నా ఆశల సుమవనంలో - కుసుమంలా విరబూయగ
రావా ఓ నా చెలియా-ప్రేమ బాసలే చేయ
మదిలో-సవ్వడిగా-నెమ్మదిగా
హరివిల్లులా-చిరుజల్లులా-సిరిమల్లెలా
తొలి ప్రేమలో-తడబాటులా-సరిబాటలా
యెద పొంగగా-మనసూగగా-మూగగా
ప్రశాంత కాంతి-యామినిలో
అనంత శాంతి-కౌముదిలా
వాలే ఆ నయనాలు-అదిరే ఆ అధరాలు
తెలుపకనే తెలిపెనులే-తొలి వలపు ప్రేమనే
క్రొత్త పాత కోరికల్ని కలబోసి మస్తిష్కపు బస్తాల్లో ఉబ్బేట్టుగా నింపి చిరుకోర్కెనైనా విడువనిష్టపడక బలమైన ఆశలబంధంతో కుట్లువేసి కాలం రథమ్మీద ప్రయాణిస్తూ శోభకృత్ పొలిమేర దాటుకుంటూ క్రోధి గ్రామం చేరుకుంటూ సగటు ఓటరు మహాశయులు!
Apr 8, 2024
శిశిరంలో చలిపులి గజదొంగగారు నిత్యంతనువంతా తీవ్రంగా తడిమేస్తూ సిరిసంపదలేం దోచుకోబోయారో దౌర్జన్యాల దాష్టికాలేంజేయబోయారో!
Apr 6, 2024
|
|