వృక్షో రక్షతి..

Publish Date:Jun 27, 2019

Advertisement

 

ఇది ఓ మనిషి కథ! అతను చాలా చిన్నపిల్లవాడిగా ఉన్నప్పుడు తన ఇంటికి దగ్గరలోనే ఉన్నా ఓ జామచెట్టు దగ్గరకి వెళ్లి ఆడుకునేవాడు. దాని కొమ్మలను ఎక్కి తెగ ఊగేవాడు. దానితో ఆటలాడీ ఆడీ అలసిపోయి.. ఆ చెట్టు నీడనే మధ్యాహ్నం వేళ నిద్రపోయేవాడు. ఓ మాటలో చెప్పాలంటే ఆ జామచెట్టు అతని నేస్తం. జామచెట్టుకి కూడా అతనంటే భలే ముచ్చటగా ఉండేది. తన ప్రాంగణంలో ఆడుకునే అతన్ని చూస్తే సంతోషం కలిగేది. అలాంటిది ఆ పిల్లవాడు కొన్నాళ్లపాటు జామచెట్టుకి కనిపించకుండా పోయాడు.

 

ఓ రోజు పిల్లవాడు తన పక్క నుంచీ వెళ్లడాన్ని జామచెట్టు గమనించింది. ‘మిత్రమా! ఎన్నాళ్లయ్యింది నిన్ను చూసి. రా కాసేపు నాతో ఆడుకో! నేను ఇచ్చే జామపళ్లు తిను!’ అని అడిగింది.

 

‘పళ్లా పాడా! పైగా ఆడుకోవడం కూడానా! నేను అంత చిన్నపిల్లవాడినేం కాదు. ఇప్పుడు సంపాదించే వయసు వచ్చేసింది’ అన్నాడు. అతను ఇప్పుడు పిల్లవాడు కాదు యువకుడు.

 

‘ఓస్‌ అంతేకదా! నా జామపళ్లన్నీ కోసుకుని వెళ్లి అమ్ముకో. నీకు బోలెడు డబ్బులు వచ్చేంతగా కాస్తాను,’ అన్నది జామచెట్టు.

 

జామచెట్టు ఉపాయం వినగానే యువకుడికి తెగ సంతోషం కలిగింది. క్షణం ఆలస్యం చేయకుండా జామకాయలన్నీ తెగ తెంపుకుని సంతకు బయల్దేరాడు. ఇలా కొన్నాళ్లు సాగిన తరువాత మళ్లీ అకస్మాత్తుగా పిల్లవాడు కనిపించకుండా పోయాడు.

 

జామచెట్టుకి మళ్లీ పిల్లవాడి మీద బెంగపట్టుకుంది. అతను ఎప్పుడెప్పుడు కనిపిస్తాడా అని ఎదురుచూడసాగింది. అనుకోకుండా ఓ రోజు మళ్లీ ఆ యువకుడా అటువైపుగా వస్తూ కనిపించాడు. ‘మిత్రమా! ఎన్నాళ్లయ్యింది నిన్ను చూసి. రా! వచ్చి నా జామ పళ్లు కోసుకువెళ్లి అమ్ముకో!’ అని అడిగింది.

 

‘పళ్లా పాడా! పైగా అమ్ముకోవడం కూడానా! నేను అంత పేదవాడినేం కాదు. చాలా వ్యాపారాలు చేస్తున్నాను. సొంత ఇల్లు కట్టుకునే ఆలోచనలో ఉన్నాను’ అన్నాడు. అతను ఇప్పుడు కేవలం యువకుడు కాదు... గృహస్థు.

 

‘ఓస్‌ అంతేకదా! నా కొమ్మలన్నీ విరుచుకుని వెళ్లు. నీకు తోచిన రీతిలో ఇల్లు కట్టుకో,’ అన్నది జామచెట్టు.

 

జామచెట్టు మాటలు విన్న గృహస్థు ప్రాణం లేచి వచ్చింది. రోజైనా గడవకుండా గొడ్డలిని తీసుకువచ్చి జామచెట్టు కొమ్మలన్నీ కొట్టివేసి పట్టుకుపోయాడు. ఇది జరిగిన మర్నాటి నుంచి గృహస్థు కనిపించకుండా పోయాడు.

 

జామచెట్టు ఎప్పటిలాగే పిల్లవాడి కోసం తపించిపోయింది. వేయి కళ్లతో అతను కనిపించకుండా పోతాడా అని పగలూరాత్రీ ఎదురుచూసింది. ఆ రోజు రానే వచ్చింది. గృహస్థు, జామచెట్టు పక్కనుంచీ వెళ్తూ కనిపించాడు. ‘మిత్రమా! ఎన్నేళ్లయ్యిందో నువ్వు కనిపించి. రా! వచ్చి కట్టెలు కొట్టుకుని వెళ్లు. దేనికన్నా ఉపయోగపడతాయేమో!’ అని ప్రాథేయపడింది.

 

‘నేనేమన్నా కట్టెలు కొట్టుకునేవాడిలా కనిపిస్తున్నానా! నేనిప్పుడు పెద్ద వ్యాపారస్తుడిని. త్వరలోనే విదేశాలకు వెళ్లి నా వ్యాపారాన్ని విస్తరించాలని అనుకుంటున్నాను,’ అని చిరాకుపడ్డాడు గృహస్థు... కాదు కాదు వ్యాపారస్తుడు.

 

‘ఓస్‌ అంతేకదా! నా వేళ్లు తప్ప మిగతా భాగాన్నంతా తొలిస్తే నీకు కావల్సినంత విశాలమైన కలప దొరుకుతుంది. దాంతో పడవను చేసుకుని వ్యాపారం చేసుకో!’ అన్నది చెట్టు.చెట్టు చెప్పిన మాట బాగానే అనిపించింది వ్యాపారస్తునికి. వెంటనే పనివాళ్లను వెంటపెట్టుకుని వచ్చాడు. జామచెట్టుని నిర్దాక్షిణ్యంగా నరకడం మొదలుపెట్టాడు. దాని వేళ్లు తప్ప మిగతా భాగాన్నంతా బండ్లకి ఎత్తుకుని వెళ్లిపోయాడు. ఆ రోజు నుంచి అతను కనిపించడం మానేశాడు.

 

జామచెట్టు మాత్రం మొండి వేళ్లతో, వ్యాపారస్తుని తిరిగిచూడానే మొండి ఆశతో కాలం గడుపుతూ ఉంది. కొన్నాళ్లకి ఆ వ్యాపారస్తుడే చెట్టు వైపు రావడం కనిపించింది. ‘రా మిత్రమా రా! ఎన్నాళ్లయ్యిందో నిన్ను చూసి. కానీ ఇప్పుడు నీ ఆకలి తీర్చడానికి పళ్లు లేవు. అవసరాలు తీర్చడానికి కట్టెలు లేవు. కాస్త సేద తీర్చడానికి నీడ కూడా లేదు. క్షమించు’ అంది జామచెట్టు దీనంగా.

 

జామచెట్టు మాటలు విన్న వ్యాపారస్తునికి దుఃఖం ఆగలేదు... ‘జామపళ్లు తినే శక్తి నాకిప్పుడు మిగల్లేదు. నేను కష్టపడి నిర్మించుకున్న వ్యాపారం కొడుకులు చూసుకుంటున్నారు. నేను కట్టుకున్న ఇంటిని కోడళ్లు చూసుకుంటున్నారు. నన్ను మాత్రం ఎవరూ చూసుకోవడం లేదు. చిన్నప్పటి నుంచి నువ్వే నాకు తోడుగా ఉన్నావు, అందుకని ఇప్పుడు నీ తోడు కోసమే ఇక్కడికి వచ్చాను,’ అంటూ మొండి చెట్టు దగ్గర కూలబడిపోయాడు.

 

వ్యాపారికి ఆ విచక్షణ మొదట్లోనే ఉండి ఉంటే... జామచెట్టు పచ్చగా ఉండేది. వ్యాపారి జీవితమూ అత్యాశకి దూరంగా తృప్తిగా సాగేది.

(ప్రచారంలో ఉన్న కథ ఆధారంగా)

 

- నిర్జర

By
en-us Political News

  
చైనాలో బరువు తగ్గడం కోసం తొలిసారిగా ఓరల్ జీఎల్పీ 1 మాత్ర ఓర్ఫోగ్లిప్రాన్ ఆమోదం పొందింది. ఎలి లిల్లీ సంస్థకు దక్కిన ఈ చారిత్రాత్మక మైలురాయి, క్లినికల్ ట్రయల్స్ విశేషాలు మరియు భవిష్యత్తు అంచనాల పూర్తి సమాచారం.
వ్యాయామం లేదా శారీరక శ్రమ తర్వాత రక్తంలో చక్కెర స్థాయిలు ఎందుకు పెరుగుతాయి? కాలేయం పాత్ర, హార్మోన్ల ప్రభావం మరియు మధుమేహం ఉన్నవారు తీసుకోవాల్సిన జాగ్రత్తల పూర్తి సమాచారం.
చలికాలంలో పచ్చి బఠానీలు తినడం వల్ల కలిగే ఆశ్చర్యకరమైన ఆరోగ్య ప్రయోజనాలు, ప్రోటీన్, ఫైబర్ లాభాలు మరియు రోగనిరోధక శక్తిని పెంచే రహస్యాల గురించి పూర్తి వివరాలు తెలుసుకోండి.
వారానికి ఒక్కసారైనా పార్కులకు వెళ్లడం వల్ల పిల్లల మానసిక ఆరోగ్యం ఎంతగా మెరుగుపడుతుందో తాజా పరిశోధనలు ఏం చెబుతున్నాయో తెలుసుకోండి.
క్యాన్సర్ చికిత్సలో వస్తున్న సరికొత్త వైద్య విప్లవాలు మరియు అత్యాధునిక ట్రీట్‌మెంట్ విధానాల గురించి పూర్తి వివరాలు తెలుసుకోండి.
గుండె జబ్బులు ఉన్నవారికి స్టెంట్‌లు లేదా బైపాస్ సర్జరీలు నిజంగా ప్రాణాలను కాపాడుతాయా? 25 ఏళ్ల సుదీర్ఘ పరిశోధనలో వెల్లడైన సంచలన విషయాలు మరియు వైద్య నిపుణుల హెచ్చరికల పూర్తి సమాచారం.
రోజూ ఒక గ్లాసు బార్లీ నీరు తాగడం వల్ల కలిగే ఆరోగ్య ప్రయోజనాలు, బరువు తగ్గడం, షుగర్ మరియు బీపీ నియంత్రణ, కిడ్నీల ఆరోగ్యం గురించి పూర్తి వివరాలు తెలుసుకోండి.
మానవ సంబంధాలలో ఒకరికొకరు సమయం కేటాయించడం ఎంత ముఖ్యమో, ఎవరి వ్యక్తిగత జీవితానికి వారు కొంత వ్యక్తిగత సమయం లేదా స్పేస్ తీసుకోవడం కూడా అంతే అవసరం.
మనం నిత్య జీవితంలో గమనిస్తే కొందరి దగ్గర డబ్బు బాగా ఉంటుంది కానీ నలుగురిలో వారికి ఎలాంటి గౌరవం దక్కదు.
చలికాలంలో క్యాప్సికమ్ తింటే ఆరోగ్యానికి కలిగే అద్భుతమైన ప్రయోజనాలు ఏమిటి? మలబద్ధకం నివారణ, బరువు నియంత్రణ మరియు ఇమ్యూనిటీ పెంచడంలో క్యాప్సికమ్ ఎలా పనిచేస్తుందో తెలుసుకోండి.
చలికాలంలో వేడివేడిగా నల్ల శెనగ గుగ్గిళ్లు తింటే కేజీ మటన్, పాలు తాగిన దానికంటే ఎక్కువ శక్తి లభిస్తుంది. నల్ల శెనగల్లోని పోషకాలు, కేలరీలు మరియు ఆరోగ్య లాభాల గురించి పూర్తిగా తెలుసుకోండి.
కంటిచూపును సహజంగా మెరుగుపరచుకోవడానికి, కళ్ళద్దాలను వదిలించుకోవడానికి మునగాకు మరియు ఆరోగ్యకరమైన జీవనశైలి ఎలా సహాయపడతాయో ఈ వెబ్ స్టోరీలో తెలుసుకోండి.
చలికాలంలో వేడివేడిగా తినుటకు అనువైన క్రిస్పీ క్యాప్సికం బజ్జీల తయారీ విధానం మరియు వాటి ఆరోగ్య ప్రయోజనాల పూర్తి సమాచారం.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.