రిపబ్లిక్ డే.. భారతీయులు ఎంతో గొప్పగా జరుపుకునే జెండా పండుగ. గణతంత్య్ర దినోత్సవాన్ని భారతదేశం చాలా ఘనంగా జరుపుకుంటుంది. గణతంత్ర్య దినోత్సవంలో భాగంగా చాలా రకాల ఈవెంట్లు జరుగుతాయి.  త్రివర్ణ పతాకం రెపరెపలాడుతూ ఎగురుతూ ఉంటే దేశ పౌరుల గుండెలు దేశభక్తితో  ఉప్పొంగుతూ ఉంటాయి. 2025, జనవరి 26 వ తేదీన గణతంత్ర్య దినోత్సవ వేడుకకు భారతదేశం ఇప్పటికే చాలా సన్నద్ధం అయ్యింది. ముఖ్యంగా గణతంత్ర్య దినోత్సవం సందర్భంగా జరిగే పరేడ్ కు చాలా ప్రాముఖ్యత ఉంది.  గణతంత్ర్య దినోత్సవం వెనుక కారణం.. గణతంత్ర్య పరేడ్ గురించి చాలా మందికి తెలియని విషయాలు తెలుసుకుంటే..

1950, జనవరి 26 వ తేదీన రాజ్యాంగాన్ని అమోదించారు.  భారత ప్రజల జీవితాన్ని, వారి స్థితి గతులను మార్చేసే రాజ్యాంగం అమోదించబడిన సందర్భంలా దేశం ఒక గణతంత్ర్య రాజ్యంగా ప్రకటించబడింది.  ఇది భారతదేశంలో జాతీయ సెలవు దినం కూడా.  ఈరోజు దేశ ప్రజలు దేశం పట్ల బాధ్యత కలిగి  ఉండాలని, దేశం కోసం త్యాగాలు చేసిన వీరులను గుర్తు చేసుకోవడమే కాకుండా..  రాజ్యాంగ ప్రాముఖ్యతను అందరికీ అర్థమయ్యేలా చేయడం కూడా ముఖ్య అంశమే. గణతంత్ర్య దినోత్సవాన్ని పురస్కరించుకుని  గణతంత్ర్య దినోత్సవ పరేడ్ ను న్యూ ఢిల్లీ లోని కర్తవ్య మార్క్ లో జరుపుతారు.   76వ  గణతంత్ర్య దినోత్సవాన్ని జరుపుకోబోతున్న సందర్భంగా .. కర్తవ్య మార్క్ లో జరిగే పరేడ్ గురించి చాలామందికి తెలియని విషయాలు ఉన్నాయి.

 1930లో భారత జాతీయ కాంగ్రెస్ చేసిన పూర్ణ స్వరాజ్ ప్రకటన జ్ఞాపకార్థం జనవరి 26న రిపబ్లిక్ డే జరుపుకుంటారు. ఈ ప్రకటన బ్రిటిష్ పాలన నుండి సంపూర్ణ స్వాతంత్ర్యం లభించినట్టు దేశ పౌరులకు పిలుపు ఇచ్చింది.

అందరికీ రిపబ్లిక్ డే రోజు జరిగే పరేడ్ గురించి మాత్రమే తెలుసు. కానీ రిపబ్లిక్ డే పరేడ్ కోసం సన్నద్ధత ఒక సంవత్సరం ముందు జూలైలో ప్రారంభమవుతుంది. పాల్గొనేవారు తమ భాగస్వామ్యాన్ని అధికారికంగా తెలియజేస్తారు.  కవాతు రోజున వారు తెల్లవారుజామున 3 గంటలకు వేదిక వద్దకు చేరుకుంటారు. అప్పటికి దాదాపు 600 గంటల పాటు సాధన చేసి ఉంటారు.

ప్రతి సంవత్సరం, రిపబ్లిక్ డే పరేడ్‌కు ముఖ్య అతిథిగా ఒక దేశ ప్రధాని లేదా రాష్ట్రపతి లేదా పాలకులను ఆహ్వానిస్తారు. ఈ ఏడాది అంటే 2025 రిపబ్లిక్ డే కి అతిథిగా ఇండోనేషియా అధ్యక్షుడు ప్రబోవో సుబియాంటో విచ్చేయనున్నారు.

గన్ సెల్యూట్ ఫైరింగ్ జాతీయ గీతం సాగే  సమయానికి సరిపోతుంది. గీతం ప్రారంభంలో మొదటి గన్‌షాట్ పేలుతుంది.  తరువాత  52 సెకన్ల తర్వాత కాల్చబడుతుంది. షాట్లు తయారు చేయబడిన ఫిరంగులు 1941లో తయారు చేయబడ్డాయట.  సైన్యం  అన్ని అధికారిక కార్యక్రమాలలో పాల్గొంటాయి.

ప్రతి సంవత్సరం, రిపబ్లిక్ డే కోసం ఒక థీమ్ నిర్ణయించబడుతుంది. ఈ థీమ్ లో పేర్కొన్న లక్ష్యాలను చేరుకునే దిశగా..  దాన్ని సాధించే దిశగా దీనిని వివిధ రాష్ట్రాలు,  ప్రభుత్వ శాఖలు పనిచేస్తాయి.

గణతంత్ర దినోత్సవ పరేడ్ 2025లో టేబుల్‌యాక్స్ థీమ్‌ను స్వర్ణిమ్ భారత్ – విరాసత్ ఔర్ వికాస్ (బంగారు భారతదేశం – వారసత్వం,  అభివృద్ధి)గా నిర్ణయించారు. సాంకేతికత, మౌలిక సదుపాయాలు,  సాంస్కృతిక వారసత్వం వంటి వివిధ రంగాలలో భారతదేశ పురోగతిని వారు ప్రదర్శిస్తారు.

 రిపబ్లిక్ డే  కవాతు రాష్ట్రపతి భవన్ (ప్రెసిడెంట్ హౌస్) సమీపంలోని రైసినా హిల్ నుండి కర్తవ్య మార్గం వెంట, ఇండియా గేట్ దాటి, చారిత్రాత్మక ఎర్రకోట మీదుగా ప్రారంభమవుతుంది.

భారత రాజ్యాంగ ప్రధాన రూపశిల్పి డాక్టర్ బిఆర్ అంబేద్కర్ ఈ మైలురాయి పత్రాన్ని రూపొందించడంలో కీలక పాత్ర పోషించారు, ఇది భారత ప్రభుత్వ చట్టం 1935 స్థానంలో ఉంది.

1950లో న్యూ ఢిల్లీలోని ఇర్విన్ స్టేడియం (ప్రస్తుతం మేజర్ ధ్యాన్ చంద్ నేషనల్ స్టేడియం)లో మొదటి గణతంత్ర దినోత్సవ వేడుకలు జరిగాయి. ఈ కార్యక్రమంలో భారత సైన్యానికి చెందిన 100 కంటే ఎక్కువ విమానాలు మరియు 3,000 మంది సిబ్బంది పాల్గొన్నారు.

గణతంత్ర దినోత్సవం నాడు, ప్రాణాలను కాపాడటంలో లేదా అన్యాయాలకు వ్యతిరేకంగా నిలబడటంలో అసాధారణమైన ధైర్యాన్ని ప్రదర్శించిన పిల్లలను గౌరవించటానికి జాతీయ శౌర్య పురస్కారాలు ప్రకటించబడతాయి.

పద్మ అవార్డులు - భారతదేశ అత్యున్నత పౌర గౌరవాలలో ఒకటి.  దేశంపై గణనీయమైన ప్రభావాన్ని చూపిన వారిని గుర్తించి భారత రాష్ట్రపతి ఒక గొప్ప వేడుకలో పద్మ అవార్డులు అందజేస్తారు.

                                               *రూపశ్రీ.