మాజీ డీజీపీ ఆత్మహత్య

అసోం రాష్ట్రానికి డైరెక్టర్ జనరల్ ఆఫ్ పోలీస్‌గా పనిచేసి పదవీ విరమణ చేసిన శంకర్ బారువా ఆత్మహత్యకు పాల్పడ్డారు. అసోం రాజధాని గౌహతిలోని తన స్వగ‌ృహంలో ఆయన ఆత్మహత్య చేసుకున్నారు. దేశవ్యాప్తంగా సంచలనం సృష్టిస్తున్న కోట్లాది రూపాయల శారదా కుంభకోణంలో శంకర్ బారువా కూడా నిందితుడు. ఇటీవలే ఆయనను కూడా ఈ స్కామ్‌కి సంబంధించి సీబీఐ అధికారులు ఆయనను విచారించారు. దీంతో మనస్తాపం చెందిన ఆయన ఆత్మహత్య చేసుకుని ఉంటారని తాము భావిస్తున్నట్టు పోలీసు వర్గాలు తెలిపాయి. శారదా స్కాంలో పలువురు నాయకులు, అధికారులు, సినీ నటుల పేర్లు వచ్చిన విషయం తెలిసిందే.