పాదయాత్రలో పాల్గొనడం లేదు: బాలకృష్ణ

మహబూబ్ నగర్ జిల్లాలోని అమరావాయిలో చంద్రబాబును హీరో నందమూరి బాలకృష్ణ కలుసుకున్నారు. చంద్రబాబు ఆరోగ్య పరిస్థితిని అడిగి తెలుసుకున్నారు. చంద్రబాబు పాదయాత్రలో తాను పాల్గొనడం లేదని, భవిష్యత్తులో పాల్గొనే విషయం పై ఇంకా నిర్ణయం తీసుకోలేదని అన్నారు. బాబు పాదయాత్ర స్వలాభానికి కాదని, ప్రజల కోసమేనని అన్నారు. పాదయాత్రకు ప్రజల నుంచి మంచి స్పందన వస్తుందని చెప్పారు. చంద్రబాబు పాదయాత్ర విజయవంతం కావాలని, ఆయన ఆరోగ్యం బాగుండాలని బాలకృష్ణ స్థానికంగా ఉన్న శ్రీ లక్ష్మీ వేంకటేశ్వర స్వామి వారి ఆలయంలో ప్రత్యేక పూజలు చేశారు. చంద్రబాబు భారీ పాదయాత్ర చేస్తున్నప్పటికీ ఆరోగ్యంగానే ఉన్నారని, కాళ్ల నొప్పులు తదితర చిన్న నొప్పులు వచ్చినప్పటికీ యాత్రను సమర్థవంతంగా చేస్తున్నారన్నారు.