Home  
Life Style

ఎప్పుడెలా ఉండాలి!

  అతనో రాజకుమారుడు. ఓ మహాసామ్రాజ్యానికి వారసుడు. అలాంటి రాజకుమారుడి పుట్టినరోజు వచ్చింది. వేడుకలు ఘనంగా జరిగాయి. రాజ్యంలోని పెద్దలంతా రాజకుమారుని స్థాయికి తగినట్లుగా తలా ఓ విలువైన కానుకా అందించారు. చివరగా రాజకుమారుడికి విద్యాబుద్ధులు నేర్పుతున్న గురువుగారి వంతు వచ్చింది. ఆయన నిదానంగా ఒక చిన్న పెట్టెను తన సంచిలోంచి బయటకు తీసి రాజకుమారుడి చేతిలో పెట్టాడు. ఆ పెట్టెలో ఏముంటుందా అని ఆశ్చర్యంగా ఎదురుచూసిన రాజకుమారుడికి మూడు మట్టి బొమ్మలు కనిపించాయి. గురువుగారు తమ కుటుంబాన్ని అవహేళన చేసేందుకే ఆ మట్టి బొమ్మలు ఇచ్చారనుకుని రాజుగారి మొహం ఎర్రబడిపోయింది. ‘ఈ బహుమతి ఇవ్వడం వెనుక మీ ఉద్దేశం తెలుసుకోవచ్చా!’ అని అడిగారు రాజుగారు.   ‘రాజా! ఈ మూడు బొమ్మలూ సామాన్యమైవి కావు. ఇవి మూడు స్వభావాలను ప్రతిబింబిస్తాయి. కావాలంటే చూడండి...’ అంటూ ఒక దారాన్ని తీసుకుని మొదటి బొమ్మ చెవిలోంచి పోనిచ్చాడు. అది నేరుగా రెండో చెవిలోంచి బయటకు వచ్చింది. ‘కొంతమంది అవతలివారు ఏం చెబుతున్నారో వినకుండా ఈ చెవి నుంచి విని, ఆ చెవిలో వదిలేస్తారు. అలాంటి స్వభావానికి ప్రతీక ఈ బొమ్మ!’ అన్నారు గురువుగారు.   ఇక రెండో బొమ్మ చెవిలోంచి కూడా ఒక దారాన్ని పోనిచ్చారు గురువుగారు. అది నోట్లోంచి బయటకు వచ్చింది. ‘కొంతమంది తాము విన్న విషయాన్ని మనసులో దాచుకోలేరు. దాన్ని పదిమందికీ చేరవేస్తే కానీ వారికి తృప్తిగా ఉండదు,’ అంటూ నవ్వారు గురువుగారు.   గురువుగారి చేష్టలను చూసిన రాజకుమారుడిలో ఆసక్తి పెరిగిపోయింది. ఆఖరుగా ఉన్న చివరి బొమ్మ ఎలాంటి స్వభావాన్ని సూచిస్తుందా అని అంతా ఉత్కంఠంగా ఎదురుచూడటం మొదలుపెట్టారు. కానీ ఆశ్చర్యం! మూడో బొమ్మ చెవిలోంచి వెళ్లిన దారం బయటకు రానేలేదు. ‘ఎట్టి పరిస్థితుల్లోనూ తనకు తెలిసిన విషయాన్ని బయటకు చెప్పని స్వభావానికి ప్రతీక ఈ బొమ్మ!’ అంటూ విడమరిచారు గురువుగారు.   ‘బాగుంది! ఇంతకీ ఈ బొమ్మలలో వేటి స్వభావాన్ని అనుసరించడం మంచింది!’ అని వినయంగా అడిగాడు రాజకుమారుడు. ‘మూడింటినీ అనుసరించాల్సిందే!’ అన్నారు గురువుగారు చిరునవ్వుతో. ‘పనికిరాని విషయాలను వినీవిననట్లు ఉండాలి. ఈ చెవి నుంచి విని ఆ చెవితో వదిలేయాలి. మంచి విషయాలు, నలుగురికీ మేలు చేసే విషయాలను పదిమందితోనూ పంచుకోవాలి. ఇక పాలనకు సంబంధించిన విషయాలు, ఇతరుల వ్యక్తిగత రహస్యాలు ఎప్పటికీ మన మనసులోనే ఉంచుకోవాలి. ఎప్పుడు ఎలా ప్రవర్తించాలి అన్న విచక్షణను అలవర్చుకోవడమే పాలకుడికి ఉండాల్సిన ముఖ్యమైన లక్షణం,’ అంటూ వివరించారు గురువుగారు. గురువుగారు ఇచ్చిన ఆ బహుమతి ముందు మిగతా విలువైన బహుమతులన్నీ వెలవెలబోయాయి. (ప్రచారంలో ఉన్న కథ ఆధారంగా)   ...Nirjara

For a perfect Resume

  Everybody loves to have a good job and Resume often acts like a passport for securing such position. People often treat the creation of Resume as a mere formality, but experts claim that Resume writing is a skill. Because, people who hire us come to know about us only through our Resume! Here are a few tried and tested tips in preparing a nice and perfect resume....   Highlight The busy HR managers won’t have much time to go through every Resume thoroughly. So try to highlight the important facts that you wish to attract them. Use wide margins and readable font size. Apply bold letters, Italics or underlines to create emphasis over certain factors.   Change your Resume People often continue to use the same Resume for different jobs on different occasions. It would always be better to change our Resume as per the job we are applying for. Further various job positions and various fields require varied capabilities. A little bit of Googling would give us some idea about the company we are applying for... and it’s better to alter our resume as per the working and requirement of that firm.   Achievement and Talents Mere description of qualifications and past experience might not help these days. People love to know your achievements and capabilities. So it’s better to list out or summarize your past achievements and success. It would also be interesting for an employer to know the extra talents you possess such as typing, expertise in hardware, proficiency in a foreign language etc. that can be of practical use at some point of your service.   Proofread We always tend to make some mistakes in typing and sentence formation. We as the first person who has compiled the resume might not be aware of such errors, but they would glare at those who read them. So it would always be better to read the resume once and again. It would be more helpful if you take the help of an elder in finding any faults in your Resume. Make sure that your Resume is free from childish errors.   Be Honest The best policy of being honest works for our Resumes as well. HR’s are often capable of finding the faults and fallacies hidden within the Resume. Further we have to face tough time at the interview to justify the claims laid in our Resume. So, let our Resume represent our true character and right statistics.   Finally, let’s beware that it’s not the length of the Resume that attracts the employer, but the information delivered through it... and that should be the key in forming a Resume.   - Nirjara.

ఎలా చూస్తే అలాగే!

  అనగనగా ఓ కొండదిగువు గ్రామం. ఆ గ్రామంలోని జనమంతా కలిసిమెలసి ఉండేవారు. ఆ గ్రామం చివర కట్టెలమ్మెకునే ఒక పేదరాలు ఉంది. చాలా ఏళ్ల క్రితమే ఆమె భర్త చనిపోయాడు. ఆయన జ్ఞాపకంగా మిగిలిన ఒక్కగానొక్క కొడుకుని కడుపున పెట్టుకొని పెంచుకుంటోంది! కానీ అదేం చిత్రమో ఆ కుర్రవాడికి ఎవరన్నా సరిపడేది కాదు. తల్లి ఉదయమంతా కట్టెలు కొట్టుకుని మధ్యాహ్నానికి అలసిపోయి వచ్చేసరికి, అతని దగ్గర బోల్డన్ని ఫిర్యాదులు సిద్ధంగా ఉండేవి. ‘ఆ ఇంట్లోవారు మంచివారు కాదు, ఈ పక్కింటి పిల్లవాడు పెంకివాడు, ఆ వీధి చివరామె చాలా మొండిది...’ ఇలా రకరకాల ఆరోపణలు చేస్తూ ఉండేవాడు.   పిల్లవాడిని తనతో పాటుగా ఊరిలోకి తీసుకువెళ్తే, అక్కడ అతని ఫిర్యాదులు తగ్గుతాయేమో అనుకుంది తల్లి. అందుకని కట్టెలు అమ్ముకునేందుకు వెళ్తూ పిల్లవాడిని కూడా తోడు తీసుకువెళ్లడం మొదలుపెట్టింది. కానీ పిల్లవాడి తీరు మారనే లేదు. అటు పక్క దుకాణం వాళ్లు, ఇటు పక్కనుంచి దుకాణం వాళ్లు... ఆఖరికి దారిన పోయేవాళ్లు కూడా అతనికి చెడ్డవారుగానే కనిపించసాగారు.   పిల్లవాడి ఫిర్యాదులతో తెగ విసిగిపోయింది తల్లి. ‘వీడికి అసలు మనుషుల పొడే గిడుతున్నట్లు లేదు’ అనుకుంది. అనుకుని వాడిని తనతో పాటు కట్టెలు కొట్టేందుకు అడవికి తీసుకువెళ్లడం మొదలుపెట్టింది. కానీ అదేం చిత్రమో! ఆ పిల్లవాడు చెట్టూపుట్టల్ని కూడా వదిలేవాడు కాదు. ‘ఆ చెట్టు ఎందుకూ పనికిరానిది, ఈ చెట్టుకి ముళ్లున్నాయి...’ అంటూ తిట్టేవాడు. చివరికి తల్లి వాడి ప్రవర్తనతో విసిగిపోయింది. వాడిలో ఎలాగైనా మార్పు తీసుకురావాలంటూ ఓ ఉపాయాన్ని ఆలోచించింది.   మర్నాడు వాడిని పక్కనే ఉన్న కొండమీదకు తీసుకుపోయింది. ఎప్పుడూ లేనిది తల్లి, తనను అంతెత్తు ఉన్న కొండ మీదకి తీసుకువెళ్లడం చూసి పిల్లవాడికి ఆశ్చర్యం వేసింది. అక్కడ ఒక చోట పిల్లవాడిని ఆపి తల్లి- ‘‘నువ్వు గమనించావో లేదో కానీ ఈ కొండకి ఓ ప్రత్యేకత ఉంది. నువ్వు ఒక మాట అంటే దాన్ని అది తిరిగి అంటుంది. ఆ కొండని తిట్టి చూడు, అది కూడా నిన్ను తిరిగి తిడుతుంది,’’ అని చెప్పింది.   పిల్లవాడికి తిట్టడం అంటే మహా సరదా కదా! అందుకని తల్లి అడిగిందే తడువు, తన నోటికి వచ్చిన తిట్లన్నీ తిట్టడం మొదలుపెట్టాడు. నిజంగానే అవన్నీ ఆ కొండకోనల్లో ప్రతిధ్వనించి, పిల్లవాడికి తిరిగి వినిపించాయి. మొదట్లో పిల్లవాడికి ఏదో సరదాగా ఉందికానీ, తన తిట్లు తనకే వినిపించడం మొదలుపెట్టేసరికి... కాసేపటికి అతని మొహం సిగ్గుతో కందగడ్డలా తయారైంది.   ‘‘ఇప్పుడు ఆ కొండకి కాస్త మంచి మాటలు చెప్పిచూడు. అవే మాటలు నీకు వినిపిస్తాయి!’’ అంది తల్లి. పిల్లవాడు నిదానంగా మాటలను కూడబలుక్కుంటూ ‘‘నువ్వు చాలా మంచివాడివి!’’ అని అరిచాడు. తిరిగి అతనికి అవే మాటలు వినిపించాయి. మరోసారి ‘‘నేను నీ స్నేహితుడిగా ఉండాలనుకుంటున్నాను!’’ అని అరిచాడు. అవే మాటలు అతనికి యథాతథంగా వినిపించాయి.   తల్లి, పిల్లవాడి తల మీద చేయి వేసి- ‘‘ప్రపంచం కూడా ఇంతేరా! అందులో మంచీచెడూ రెండూ ఉంటాయి. నువ్వు దేన్ని చూడాలనుకుంటే దాన్ని చూడగలుగుతావు. మనుషులలో ఉన్న చెడు ఎలాగూ బయటపడక తప్పదు. ఇక వెతికి మరీ నువ్వు వారిలో లోపాలను కనిపెట్టడం ఎందుకు. అందుకు బదులుగా వారిలో మంచి లక్షణాలను గమనించవచ్చు కదా! ముందుగానే వారితో శతృత్వాన్ని పెంచుకునే బదులు, మిత్రుడిగా వారి మనసుని గెలుచుకునే ప్రయత్నం చేయవచ్చు కదా!’’ అని చెప్పింది తల్లి. తల్లి మాటలతో పిల్లవాడికి ఏదో కొత్త విషయం బోధపడినట్లు అయ్యింది. (ప్రచారంలో ఉన్న కథ ఆధారంగా)   ..Nirjara

What kids can teach us!

  We as adults may be sure that we know a lot about life. But are always vexed to find ourselves in chaos, anger and frustration! We might go through some self development book or visit a psychiatrist for the resolution. As we wander here and there for some peace and stability of mind, we often overlook the solution that’s right in front of our eyes. Watching kids can teach us a lot of valuable lessons that are needed for life. Here are some of them...   Ever Active Right from the moment of their wakeup, kids seem to be bundled with lots of energy. The energy levels in them seem to be amazing. And that was not just that! They are eager to live their life fully and don’t wish to waste a second of time. They sleep like a log and pace like a dog. It’s rare to see them with small steps and sagged shoulders...which are the brand marks of our elders.   Nature Loving Kids have a special bonding with nature and it’s hard to understand the reason behind it. You often find them wandering among the trees or playing with sand. It’s hard to keep them away from the water. Probably they are so pure at heart that they could find the elements of nature as a part of their own existence. They teach us that nature is the best medicine to cure the pain in our heart.   Creative Kids are creative. They wish to find a solution to every problem they face in their own way. Sometimes the `out of the box thinking’ of the kids would even amaze the adults. Kids are curious to know everything in this world and creative to find every solution for this world. Being creative and curious can always lead us to a better life. A life filled with contention!   Fearless How often we see a child boldly singing on a stage. How often we see a child posing a difficult question without of the fear of being rebuked. That child has not yet moulded himself according to the social inhibitions. He hasn’t yet reserved his feelings and talents for the fear of being mocked. What he knows is to just express himself!   Have fun It’s hard to imagine a child without a smile on his face. They giggle, they smile and they explode with laughter! They don’t step back from having some fun in their lives. A research points that while an adult laughs for less than 20 times a day, a kid laughs for more than 300 times! And what could be the better medicine other than laughter, to soothe any disease within our mind and body   These are just a few lessons to point out. Children won’t worry about tomorrow; they are ready to forgive and forget; they don’t wish to leave a crisis unsolved... and they do a lot of things that could certainly show us a better way to live our life. We have to just watch them out!   - Nirjara.

లుకింగ్‌ గ్లాస్ థియరీ

  మనిషి మనస్తత్వం మనిషికే అంతుచిక్కదు. అందుకోసం వందలాది అధ్యయనాలు, వేలాది పరిశోధనలతో ఏకంగా మనస్తత్వ శాస్త్రాన్నే రూపొందించుకున్నాడు. వాటిలోని ప్రతి పుటా ఆసక్తికరమైనదే! ప్రతి అధ్యయనమూ ఏదో ఒక కొత్త విషయాన్ని నేర్పేదే! అలాంటి ఒక సిద్ధాంతమే ‘లుకింగ్‌ గ్లాస్ సెల్ఫ్‌’   వందేళ్లనాటిది Looking glass self సిద్ధాంతం ఈనాటిది కాదు. ఛార్లస్‌ కూలే అనే అమెరికన్ సామాజిక శాస్త్రవేత్త 1902లోనే ప్రతిపాదించిన సిద్ధాంతం ఇది. ఆయన తన Human Nature and the Social Order అనే పుస్తకంలో భాగంగా దీన్ని ప్రతిపాదించాడు. అంతకుముందు విలియమ్ జేమ్స్ అనే శాస్త్రవేత్త రూపొందించిన సిద్ధాంతానికి కాస్త పొడిగింపుగా ఈ లుకింగ్‌ గ్లాస్ సిద్ధాంతం సాగుతుంది.   ఇదీ విషయం సమాజంలో ఇతరులు మన గురించి ఏమనుకుంటున్నారని మనం భావిస్తామో, దానికి అనుగుణంగానే మన ప్రవర్తనను, వ్యక్తిత్వాన్ని మలుచుకుంటామన్నది ఈ సిద్ధాంతంలోని ముఖ్య విషయం. తన సిద్ధాంతాన్ని ఛార్లెస్‌ కూలే మూడు భాగాలుగా అందించాడు... 1- మనం అవతలివారికి ఎలా కనిపించాలని అనుకుంటున్నామో, ఓ అంచనా వేసుకుంటాం. 2- మన అవతలివారికి అలా కనిపించిన తరువాత, వారు ఎలా ప్రతిస్పందిస్తున్నారు అన్న విషయాన్ని గ్రహించేందుకు ప్రయత్నిస్తాం. 3- అవతలివారికి మన మీద ఏర్పడిన అభిప్రాయాల ఆధారంగా మన వ్యక్తిత్వాన్ని మలుచుకుంటాం.   పొరపాట్లు జరగవచ్చు మన మీద ఇతరుల అభిప్రాయాలకు అనుగుణంగా మనల్ని మనం తీర్చిదిద్దుకోవడం అనేది మానవ సహజం. మనం సంఘజీవులం కాబట్టి, ఎదుటివారి ప్రతిస్పందనల ఆధారంగానే మనల్ని మనం అంచనా వేసుకుంటాం. ఇందుకోసం మన బాల్యంలో కుటుంబసభ్యుల ప్రతిస్పందన మొదలుకొని, సమాజంలోకి వచ్చిన తరువాత చుట్టుపక్కలవారిని గమనించడం వరకూ ఈ పద్ధతి సాగుతూనే ఉంటుంది. అయితే ఒకోసారి ఈ అంచనాలో మనం ఘోరం విఫలం అయ్యే ప్రమాదమూ లేకపోలేదు. ఉదాహరణకు మనం తరగతి గదిలో ఒక లెక్కను తప్పు చెప్పాం అనుకోండి... మిగతా విద్యార్థులు ఆ విషయాన్ని పట్టించుకోకపోయినా, మనం వారి దృష్టిలో ఒక మొద్దుగా ముద్రపడిపోయామన్న భయం కలగవచ్చు. అలాగే ఇతరులు ఏదో ముఖస్తుతి కోసం మనల్ని పొగిడితే, ఆ పొగడ్తే నిజమనీ భ్రమించవచ్చు.   ఆత్మవిశ్వాసం! మన గురించి ఇతరుల ప్రతిస్పందనలని గమనించడం సహజమే అయినా, అది ఒకోసారి మనమీద మనకు ఉన్న నమ్మకాన్నే దెబ్బతీస్తుందని హెచ్చరిస్తున్నారు నిపుణులు. నిరంతరం అవతలివారు ఏమనుకుంటున్నారో అన్న ఆలోచనతో బతికితే ఆత్మన్యూనతలో క్రుంగిపోయే ప్రమాదం ఉందని తేల్చి చెబుతున్నారు. ఈ సమాజంలో భాగంగా ఇతరుల మనోభావాలను గమనించుకుంటూ, వారి ఇబ్బంది కలుగకుండా ప్రవర్తించడం అవసరమే! కానీ మనలోని విచక్షణ ఏది మంచి, ఏది చెడు అని బేరీజు వేసుకునే స్థాయికి వచ్చిన తరువాత... ఇతరుల ప్రతిస్పందనల గురించి అతిగా ఊహించుకోవడం, అనవసరమైన ప్రతిస్పందనలకి మన వ్యక్తిత్వాన్ని బలిచేసుకోవడం మంచిది కాదన్న సూచనను ఈ లుకింగ్ గ్లాస్‌ సెల్ఫ థియరీ అందిస్తోంది.   - నిర్జర.

బహుమతి

కవిత అనే పాపకి ముత్యాల హారం వేసుకోవాలని తెగ కోరికగా ఉండేది. కానీ వాళ్లదేమో చాలా సాధారణ కుటుంబమయ్యే! తల్లీదండ్రీ ఇద్దరూ కూడా రోజూ రెక్కాడితే కానీ డొక్కాడని పరిస్థితి. ఒక రోజు కవిత తన తల్లితో కలసి సరుకులు కొనడానికని బజారుకి వెళ్లింది. అక్కడ ఓ దుకాణంలోని అద్దాలలోంచి ఒక ముత్యాల హారం మెరుస్తూ కవితకి కనిపించింది. దాని కింద 300/- అన్న వెల కూడా రాసి ఉంది. ‘అమ్మా! నువ్వెలాగూ మంచి ముత్యాల హారాన్ని కొనలేవు. కనీసం ఈ నకిలీ హారాన్నైనా కొనిపెట్టు ప్లీజ్‌!’ అంటూ అడిగింది కవిత.   కవిత వాళ్లమ్మ కాసేపు ఆలోచించింది. తన కూతురికి ముత్యాల హారం వేసుకోవాలని ఎంత ముచ్చటో ఆమెకు తెలుసు. అందుకని చివరికి- ‘సరే! ఈ నెలంతా కనుక నువ్వు బుద్ధిగా ఉంటే, నాకు ఇంటిపనుల్లో సాయపడితే... వచ్చే నెలలో ఉన్న నీ పుట్టినరోజుకి ఆ హారాన్ని కొనిపెడతాను,’ అంటూ మాట ఇచ్చింది అమ్మ. కవిత మామూలుగానే బుద్ధిగా ఉండే పిల్ల. ఇక తల్లి మాట విన్నాక మరింత ఒద్దికగా తన పనులను చేసుకోవడం మొదలుపెట్టింది. ఇంటి పనుల్లో తల్లికి వీలైనంత సాయమూ చేసింది. అలా నెల గడిచేసరికి కవిత పుట్టినరోజు రానేవచ్చింది. తల్లి ఆమెకు మాట ఇచ్చినట్లుగానే, ఆ ముత్యాల హారాన్ని కొనిచ్చింది. ఆ రోజు నుంచి కవిత ఆ ముత్యాలహారాన్ని వదిలిపెట్టలేదు. నిరంతరం ఆ హారం ఆమె మెడలో ఉండాల్సిందే! పడుకునేటప్పుడు కూడా ఆ హారం ఆమె మెడలో లేకపోతే నిద్రపట్టేది కాదు.   రోజులు గడిచేకొద్దీ, ఆ హారం వెలిసిపోవడం మొదలుపెట్టింది. కానీ కవితకు మాత్రం దాని మీద మోజు ఏమాత్రం తగ్గలేదు. కవిత వాళ్ల నాన్న ఇదంతా గమనిస్తూనే ఉన్నాడు. ఆయన ఒక రోజు కవిత దగ్గరకు వెళ్లి- ‘చిట్టి తల్లీ! నీ మెడలోని ఆ హారం బాగా వెలిసిపోయింది కదా! దాన్ని అవతల పడేయరాదూ. నిదానంగా ఇంకొకటి కొనుక్కోవచ్చు,’ అని అడిగాడు. ‘లేదు నాన్నా! నాకు ఈ హారాన్ని వదిలిపెట్టడం ఇష్టం లేదు. నా దగ్గర ఉన్న ఏ వస్తువునైనా వదులుకోవడానికి సిద్ధపడతాను కానీ ఈ హారాన్ని మాత్రం వదులుకోలేను. ఇది విరిగి ముక్కలయ్యే దాకా నా దగ్గర ఉండాల్సిందే!’ అని తెగేసి చెప్పింది పిల్ల.   ‘చిట్టి తల్లీ అలా వెలిసిపోయిన హారం నీ మెడలో ఉంటే చూడటానికి బాగోలేదు. పైగా నీ ఒంటికి కూడా అంత మంచిది కాదు. కావాలంటే ఆ హారాన్ని నా దగ్గర భద్రంగా ఉంచుకుంటాను. దాన్ని నాకు ఇచ్చేయవూ...’ అని అడిగాడు తండ్రి. తండ్రి ఆ హారాన్ని తనకు ఇవ్వమని అడగగానే కవిత ఒక్క క్షణం కూడా ఆలోచించలేదు. వెంటనే తన మెడలోని హారాన్ని తీసుకుని ఆయన చేతిలో పెట్టేసింది. కవిత ఆ పాత హారాన్ని ఇలా పెట్టిందో లేదో, ఆమె తండ్రి తన జేబులోంచి నిదానంగా ఒక కొత్త ముత్యాల హారాన్ని బయటకు తీశాడు. ‘ఇది నకిలీది కాదు. నిజమైన ముత్యాలతో చేసిన హారం! ఇది ఎప్పటికీ మాసిపోదు,’ అంటూ తన కూతురు మెడలో వేశాడు.    జీవితంలో కోరికలు సహజమే! కానీ ఆ కోరికలకు పట్టువిడుపులు ఉండాలి. అప్పుడే ఒకదాన్ని మించి ఒకటిగా ఉన్నతమైనవి పొందగలుగుతాము. (ప్రచారంలో ఉన్న కథ ఆధారంగా)   ...Nirjara

క్షమాపణ చెప్పడం ఒక కళ

  ఇద్దరు మనుషుల మధ్య ఏర్పడే బంధం ఎల్లకాలం ఒకేలా ఉంటుందని అనుకోలేము. ఒక చిన్న మాటతోనో, అనుకోని చేతతోనో ఇద్దరి మధ్యా మనస్పర్థలు ఏర్పడవచ్చు. పట్టుదలకు పోయి ఆ స్పర్థను అలాగే వదిలేస్తే, విలువైన అనుబంధం కాస్తా చేజారిపోతుంది. తప్పు మనవైపు ఉంది అని మన విచక్షణ చెబుతున్నప్పుడు, మనం చెప్పే ఒక చిన్న క్షమాపణతో బంధాలు తిరిగి బలపడతాయి. అందుకే క్షమాపణ చెప్పడం కూడా ఒక కళ అంటున్నారు నిపుణులు. ఆ కళలోని కొన్ని మెలకువలు ఇవిగో...   వీలైనంత త్వరగా! తప్పు మనదే అని తేలిపోయినప్పుడు వీలైనంత త్వరగా క్షమాపణ చెప్పేయడం మంచిదంటున్నారు. ఎందుకంటే కాలం గడిచేకొద్దీ, ఇద్దరి మధ్యా దూరం మరింతగా పెరిగిపోయే ప్రమాదం ఉంది. పట్టుదలలు మరింత జటిలమయ్యే అవకాశం ఉంది. క్షమాపణకి ఎక్స్‌పైరీ డేట్ ఉండకపోవచ్చు. కానీ అప్పటికప్పుడు చెప్పే క్షమాపణలు మరిన్ని అపార్థాలకు దారితీయకుండా కాపాడతాయి.   మనస్ఫూర్తిగా చెప్పండి అవతలివాళ్లు ఏడ్చిపోతున్నారనో, తప్పు బయటపడిపోయిందనో.... మొక్కుబడిగా క్షమాపణ చెబుతారు కొందరు. ఇలాంటి క్షమాపణలు అవతలివారు తప్పక పసిగట్టేస్తారు. దానివల్ల తాత్కాలికంగా సమస్య దూరమైనట్లు కనిపించినా, మీ గురించి ఏర్పడిన అపనమ్మకం మాత్రం వారి మనసులో అలాగే ఉండిపోతుంది. అందుకే... మీ గుండె లోతుల్లోంచి క్షమాపణలను అందించండి.   మొహమాటంగా ఉంటే నేరుగా క్షమాపణ చెప్పేందుకు కొందరికి మొహమాటంగా ఉండవచ్చు. ఇలాంటప్పుడు ఉత్తరాలు రాయడమో, మెయిల్‌ చేయడమో చేస్తే సరి. అది కూడా కాదంటే, సెల్‌ఫోన్లు ఎలాగూ అందుబాటులో ఉన్నాయి కదా! మీ మనసులోని మాటను ఉన్నది ఉన్నట్లుగా అవతలివారికి మెసేజ్ చేయండి. అవతలి వారు జవాబు ఇవ్వరేమో అన్న సందేహం ఉంటే నేరుగా ఫోన్‌ చేసి మాట్లాడండి.   తప్పుని సరిదిద్దుకోండి అవతలి వ్యక్తికి మాట ఇచ్చి నిలబెట్టుకోలేదా? వారి వస్తువుని ఏదన్నా పాడుచేశారా? వాళ్లు కోరుకున్న అవకాశాన్ని దూరం చేశారా? ఇలాంటి సందర్భాలలో మీ తప్పుని సరిదిద్దుకునే అవకాశం ఉంటే కనుక తప్పక దాన్ని సరిదిద్దుకోండి. ఒకవేళ మాట జారడం వంటి సరిదిద్దుకోలేని తప్పు చేస్తే, మీరు చేసిన పని ఎంత పొరపాటో.... దాని వల్ల మీరు ఎంతగా బాధపడుతున్నారో తెలియచేయండి.   తీరులో తీవ్రత చేసిన పొరపాటుని బట్టి క్షమాపణ చెప్పే తీరులో కూడా మార్పు ఉంటే బాగుంటుంది. ఏదో చిన్నపాటి పొరపాటైతే ‘నన్ను క్షమించు!’ అనేస్తే సరిపోతుంది. కానీ అదే చేయరాని పొరపాటైతే, అనకూడని మాట ఏదో అనేసి ఉంటే.... మరింత ఉద్వేగభరితమైన క్షమాపణలు అవసరం. ‘చాలా పొరపాటు జరిగిపోయింది. ఇంకెప్పుడూ అలా అనను...’ లాంటి దీనాలాపనలు తప్పవు. మరి బంధాలను కాపాడుకోవాలంటే, ఆ మాత్రం త్యాగం చేయకపోతే ఎలా! ‘నేను ఎందుకు చెప్పాలి అన్న అహంకారానికి పోతే, మిగిలేది ఒంటరితనమే!’   - నిర్జర.

ఓల్డ్ ఈజ్ గోల్డ్ అన్నది అందుకే...

ఓల్డ్ ఈజ్ గోల్డ్ అని ఎందుకంటారనే విషయం మెల్లమెల్లగా జనానికి అర్థమవుతోంది. ఆ విషయం..ఈ విషయం అని కాకుండా అన్ని విషయాల్లోనూ మన పూర్వీకులు ఒక క్రమపద్ధతిలో నడిచారు కాబట్టే..వారు నిండు నూరేళ్లు హాయిగా బ్రతికారు. ఆధునికత ప్రభావమో లేక పాశ్చాత్య పోకడలో మనం సంప్రదాయాన్ని అనాగరికతగా భావిస్తూ జీవితాన్ని దుర్భరం చేసుకుంటున్నాం. అయితే ఇప్పుడిప్పుడే ఆధునిక జీవనశైలి మనల్ని ఎంత చిత్తు చేస్తుందో తెలుస్తోంది. డెబ్బయిల తర్వాత మన జీవన శైలిలో వచ్చిన వేగవంతమైన మార్పులతో వ్యాధుల్లోనూ అంతే మార్పులు వచ్చాయి.   మనం తిసుకునే ఆహారంలో పాశ్చాత్య పోకడలు పెరిగిపోయాయి. ఇందులో పోషకాల కంటే రుచి కోసం కొవ్వు, క్యాలరీలే ఎక్కువ. ఇక ఉరుకులు పరుగుల జీవితంలో అన్ని సమకూర్చుకోవడం కోసం భార్యాభర్తలిద్దరూ సంపాదిస్తున్నారు. మనసు విప్పి మాట్లాడుకోవడానికి, కంటి నిండా నిద్రపోవడానికి, ఒక్క క్షణం ఆలోచించడానికి, ఆఖరికి మనం పరిగెత్తడానికి అవసరమైన తిండి ప్రశాంతంగా తినడానికి కూడా టైమ్ లేదు. అంతా ఇన్‌స్టెంట్‌గా, రెడీమేడ్‌గా అప్పటికప్పుడు జరిగిపోవాలి. దీంతో మంచి పోషకాహారాలను ఇంట్లోనే తయారు చేసుకునే సమయం లేక టైంకి ఏదో ఒకటి కడుపులో పడేలా చూసుకుంటున్నారు. అంతే తప్ప..ఆరోగ్యకరమైన ఆహారానికి నోచుకోవడం లేదు.   ఇలాంటి వారందరిని మేల్కోలిపే అధ్యయనం ఒకటి తాజాగా బయటపడింది. పోటీ ప్రపంచంలో మనిషి వేగంగా అభివృద్ధి చెందాలన్న ఆశతో ఎన్నో రకాల పనులను చేస్తున్నాడు. ఈ క్రమంలో శారీరకంగానే కాకుండా మానసికంగానూ ఇబ్బందులు ఎదుర్కొంటున్నాడు. ప్రధానంగా జ్ఞాపకశక్తిని కోల్పోతున్నాడు. మానవాళిని ఇప్పుడు వేధిస్తున్న సమస్యల్లో మెమోరీ లాస్ ఒకటి..దీనినే అల్జిమర్స్ అని కూడా పిలుస్తున్నారు. ప్రపంచంలోని చాలా దేశాల్లో ఈ వ్యాధి కోరలు చాస్తోంది. అన్ని దేశాల్లో లాగే దీని ముప్పు భారతదేశానికి తప్పలేదు. మన దేశంలో ఒక మిలియన్ మంది ప్రజలు అల్జీమర్స్ వ్యాధితో బాధపడుతున్నారని అంచనా.   అయితే అమెరికన్ కాలేజ్ ఆఫ్ న్యూట్రిషన్ సంస్థ జరిపిన అధ్యయనం ప్రకారం భారతదేశపు సంప్రదాయ ఆహార అలవాట్లను పాటించే వారిలో అల్జీమర్స్ క్రమంగా తగ్గుముఖం పడుతున్నట్టు గుర్తించారు. పాశ్చాత్య దేశాలతో పోలిస్తే..మాంస పదార్థాలు తక్కువగా ఉండే భారత్, జపాన్, నైజీరియా వంటి దేశాల సంప్రదాయ ఆహారపదార్థాల నుంచి ఈ తరహా ప్రయోజనాలు అధికంగా ఉంటున్నట్టు తేలింది. అల్జీమర్స్‌ వ్యాధి శారీరకంగా వచ్చేదే అయినా..ఆహారంతో సంబంధమున్నట్లు పరిశోధనలో తేలింది. ముఖ్యంగా మాంసం, తీపిపదార్థాలు, కొవ్వు ఎక్కువగా ఉండే పాల ఉత్పత్తులు, వ్యాధుల ముప్పును పెంచడంలో కీలకపాత్ర పోషిస్తున్నట్టు తేల్చారు. ఇలాంటి ఆహార వినియోగాన్ని తగ్గించడం ద్వారా అల్జీమర్స్‌ వ్యాధితో పాటు పలురకాల క్యాన్సర్లు, టైప్-2 మధుమేహం, పక్షవాతం, మూత్రపిండాల వ్యాధుల ముప్పు కూడా గణనీయంగా తగ్గినట్టు అధ్యయనంలో తేలింది. సో ఇప్పటికైనా బద్దకాన్ని వదిలి ఓల్డ్ ఈజ్ గోల్డ్ అన్న సూక్తిని అన్ని విషయాల్లో అన్వయించుకోండి.

మాతృభాషకు ఎందుకంత ప్రాముఖ్యత!

  ప్రపంచీకరణ పుణ్యమా అని ఇప్పుడు ఇంగ్లీషుదే ఆధిపత్యంగా మారింది. చదువుకోవాలంటే ఇంగ్లీషు, ఉద్యోగం చేయాలంటే ఇంగ్లీషు, ఆఖరికి బయటకు వెళ్లి వ్యవహారాలు నడపాలంటే ఇంగ్లీషు... ఇలా ఎక్కడ చూసినా ఇంగ్లీషుదే పెత్తనం అయిపోయింది. ఈ పరిస్థితికి ఎదురొడ్డి మనం మనుగడ సాగించడం కష్టమే! అలాగని మన మాతృభాష అయిన తెలుగుని పూర్తిగా మర్చిపోయే పరిస్థితి రావడమే దురదృష్టకరం. ఇంట్లో తండ్రీకొడుకులు ఎదురుపడినా కూడా ఆంగ్లంలోనే మాట్లాడుకోవడం, తెలుగులో మాట్లాడటాన్ని అనాగరికతగా భావించడం బాధాకరం. నాలుగు రాళ్లు వెనకేయని మాతృభాషని మర్చిపోతే ఏం అని ప్రశ్నించేవారికి సమాధానాలు ఇవిగో...   భావవ్యక్తీకరణ! ఇంగ్లీషులో ఎంత దుమ్మురేపేవాడైనా కాలికి ముల్లు గుచ్చుకుంటే ‘అమ్మా!’ అని అరవాల్సిందే! ఈ ఉదాహరణ కాస్త అతిగా తోచినా, మన మనసులోని భావాలను స్పష్టంగా బయటపెట్టేందుకు మాతృభాషే అత్యుత్తమమైన సాధనం అంటున్నారు నిపుణులు. అవసరం లేని చోట కూడా, కావాలని ఆంగ్లంలో మాట్లాడేవారిని గమనించండి. ఆ మాటలు వారి గుండె లోతుల్లోంచి రావడం లేదనీ, అసలు విషయాన్ని చెప్పడానికి కూడా ఇబ్బంది పడుతున్నారనీ ఇట్టే తెలిసిపోతుంది.   చదువు సులభంగా! పిల్లవాడికి తెలిసిన భాషలో ఒక కొత్త విషయాన్ని నేర్చుకోవడం సులువా? లేకపోతే ఇంకా పూర్తిగా అవగాహన లేని భాషలోనే విజ్ఞానం పొందడం సులువా? అన్న ప్రశ్నకు జవాబు ఏమంత కష్టం కాదు. ఆంగ్లంలో చదువుని నేర్చుకోవడం అంటే, ముందుగా ఒకో పదానికీ అర్థం వెతుక్కోవడంతోనే సరిపోతుంది. పైగా చదువుకున్న విషయాన్ని వ్యక్తీకరించడానికీ, దాని మీద ఏదన్నా సందేహాలు అడగడానికీ కూడా... మాతృభాషలోనే తగిన స్వేచ్ఛ ఉంటుంది కదా! అందుకనే, ఉన్నతవిద్య సంగతి ఎలా ఉన్నా ప్రాథమిక విద్య మాత్రం మాతృభాషలోనే సాగాలంటూ ఉద్యమాలు ఊపందుకుంటున్నాయి. అంతేకాదు! మాతృభాషలో ప్రాథమిక విద్యను నేర్చుకునేవారు, జ్ఞాన సముపార్జనలో ఇతరుకంటే ముందుంటున్నారనే పరిశోధనలూ వెలువడుతున్నాయి.   ఆంగ్లం మరింత సులభంగా! తమ మాతృభాష మీద పట్టు సాధించినవారే, రెండో భాషను చాలా సులభంగా నేర్చుకుంటారనే పరిశీలనలు వెలువడుతున్నాయి. ఎందుకంటే భాషకి సంబంధించి మనలో ఒక బలమైన పునాది ఏర్పడినప్పుడు, మరో భాషని నేర్చుకోవడం పెద్ద కష్టంగా తోచదు. అలా కాకుండా మాతృభాషే పూర్తిగా నేర్వని సమయంలో, మరో భాష వైపు అడుగులు వేస్తే... రెంటికీ చెడ్డ రేవడిగా మారడం ఖాయం. అందుకనే ఇప్పటి తరం పిల్లలు ఇటు తెలుగూ, అటు ఆంగ్లంలో కూడా నైపుణ్యం సాధించలేకపోతున్నారన్నది ఒక అభియోగం. తెలిసిన విషయం నుంచి తెలియని విషయం వైపుగా సాగడం, నైపుణ్యాన్ని సాధించేందుకు కావల్సిన అర్హత. అలా కాకుండా తెలియని భాష మీదే మొదట మన సామర్థ్యాన్ని వినియోగిస్తే, ఫలితం తారుమారు కాక తప్పదు కదా!   భాష మన శ్వాస! భాషంటే కేవలం ఇద్దరు వ్యక్తుల మధ్య సాగే భావవ్యక్తీకరణ మాత్రమే కాదు. అది మన జీవనాడి. వేల సంవత్సరాల చరిత్రకు, సంస్కృతికి సజీవ సాక్ష్యం. మన సాహిత్యం, మన సంప్రదాయాలు, మన జానపదం... అన్నీ భాషలోనే ఇమిడి ఉంటాయి. అలాంటి భాషను దూరం చేసుకోవడం అంటే, మన పునాదులని మనం కూల్చివేసుకోవడమే కదా! అలాంటప్పుడు మనిషికి తనది అని చెప్పుకొనేందుకు ప్రత్యేకంగా ఏవీ మిగలవు. తను ఫలానా జాతివాడు అని చెప్పుకొనేందుకు ఆధారమూ ఉండదు. మాతృభాషకు దూరమైనవాడు.. గాలికి కొట్టుకుపోయే ఎండుటాకుతో సమానం. అందుకనే! మాతృభాష వినిపించనివారిలో క్రుంగుబాటు ధోరణులు ఎక్కువగా ఉంటాయనీ, అవి ఒకానొక సందర్భంలో ఆత్మహత్యకు సైతం దారితీస్తున్నాయనీ... కెనడాలో తేల్చిచెప్పిన ఒక పరిశోధనా ఫలితాలు ప్రపంచాన్నే విస్తుబోయేలా చేశాయి.   మాతృభాషలోనే ప్రతిమాటా పలకాలి, ప్రపంచానికి ఎదురొడ్డాలి అని ఎవ్వరూ సూచించడం లేదు. అలాంటి సూచనలు బహుశా అంత ఆచరణసాధ్యం కూడా కాకపోవచ్చు. కానీ అమ్మభాషను ఆదరంగా చూసుకోవాలి, పిల్లల్లో మాతృభాష పట్ల తగినంత అభినివేశాన్ని కలిగించాలి, వారితో కనీసం ఇంట్లో అయినా స్పష్టమైన తెలుగులో మాట్లాడాలి... అని కోరుకోవడం తప్పేమీ కాదుగా! (నేడు తెలుగుభాషా దినోత్సవం సందర్భంగా)   - నిర్జర.

రాతి పులుసు

  మనిషి తల్చుకుంటే సాధించలేనిది ఏదీలేదు. అలాంటిది, కొందరు మనుషులు కలిసికట్టుగా ఏదన్నా సాధించాలని అనుకుంటే... అసాధ్యమనేది ఉండదు కదా! మరి ఆ ఐక్యత గురించీ, ఆ ఐక్యతని సాధించిన ఓ యువకుడి ఉపాయం గురించిన కథే ఇది.   అనగనగా ఓ సైనికుడు. ఆ సైనికుడు ఏదో యుద్ధంలో పాల్గొని తన ఇంటికి తిరుగు ప్రయాణం కట్టాడు. దారి పొడవునా, ఎటుచూసినా అతనికి దుర్భరదారిద్ర్యమే కనిపిస్తోంది. అడుగడుగునా కరువు తాండవిస్తోంది. అలాంటి ప్రాంతాలెన్నింటినో దాటుకుంటూ సైనికుడు, రాత్రివేళకి ఓ గ్రామాన్ని చేరుకున్నాడు. మిగతా ప్రాంతాలతో పోలిస్తే ఆ గ్రామం పరిస్థితి కాస్త బాగానే ఉన్నట్లు కనిపించింది. కానీ కరువు వస్తుందేమో అన్న ముందు జాగ్రత్తతో అక్కడి గ్రామస్తులు తమ ఆహారపదార్థాలను నేలమాళిగల్లో దాచిపెట్టుకుని ఉన్నారు. సాటివారితో పంచుకునేందుకు కానీ, పదార్థాలను మార్పిడి చేసుకునేందుకు కానీ వాళ్లు సిద్ధంగా లేరు. ఆహారాన్ని దాచుకున్నవాడు తలుపులు మూసుకుని సుష్టుగా భోంచేస్తున్నాడు. లేనివాడు ఆకలితో అలమటిస్తున్నాడు.     పగలంతా నడిచీ నడిచీ ఆ గ్రామాన్ని చేరుకున్న సైనికుడికి కూడా విపరీతమైన ఆకలి వేస్తోంది. కానీ గ్రామంలో పరిస్థితి చూస్తే ఒక్క బియ్యపుగింజ కూడా దక్కేట్లు లేదు. రచ్చబండ దగ్గర మాత్రం ఓ పెద్ద కుండ కనిపించింది. దాన్ని చూసిన సైనికుడికి ఓ ఉపాయం తట్టింది. గబగబా నాలుగు కట్టె పుల్లలని పోగేసి, రాజేసాడు. ఆ మంట మీద ఆ పెద్ద కుండని ఉంచి, అందులో నీరు పోశాడు. చుట్టుపక్కలవారు చూస్తుండగానే అందులో ఒక గులకరాయి వేశాడు. సైనికుడు చేస్తున్న ఈ వింత పని చూసి చుట్టుపక్కలవారంతా విస్తుపోయారు. ‘‘ఏం చేస్తున్నావు నువ్వు! అందులో గులకరాయి ఎందుకు వేశావు?’’ అని అడిగాడు అక్కడే ఉన్న ఊరిపెద్ద.   ‘‘అది మామూలు గులకరాయి కాదు! పులుసు చేసే రాయి. దాన్ని కనుక నీళ్లలో వేసి కాసేపు కలియతిప్పామంటే నా సామిరంగా.... అద్భుతమైన పులుసు తయారవుతుంది. దాన్ని మీ గ్రామంలోవారందరికీ కూడా పంచుతాను చూడండి,’’ అని ఊరించాడు సైనికుడు. ‘గ్రామంలో అందరికీ పంచుతాను,’ అన్న మాట వినగానే ఊరి జనమంతా రచ్చబండ దగ్గరకు చేరుకున్నారు. సైనికుడు ఓ గరిటెతో కుండలోని నీటిని కలియతిప్పుతూ ‘ఆహా! ఓహో!’ అని అరవడం మొదలుపెట్టాడు. అతని హావభావాలను చూసి జనాలందరికీ నోరూరసాగింది.     కాసేపు అలా నీటిని కలియతిప్పిన తరువాత సైనికుడు ఆ నీటిని రుచి చూసి ‘‘పులుసు చాలా బాగుంది! కానీ ఇందులో కాస్త బియ్యపుపిండీ, కాసిన క్యాబేజీలు వేస్తేనా... ఇంకా అదిరిపోతుంది,’’ అన్నాడు. ఆ మాటలకు ఊరిపెద్ద గబగబా తన ఇంట్లోకి వెళ్లి అరబస్తా బియ్యపుపిండీ, ఓ మూడు క్యాబేజీలూ తీసుకువచ్చాడు. వాటిని నీటిలో వేసిన సైనికుడు మళ్లీ ఓసారి రుచి చూసి ‘‘పులుసంటే ఇలా ఉండాలి! కాకపోతే కాస్త పసుపూ, ఉప్పూ, కారం తగిలితే ఇంకా ఘుమఘుమలాడిపోతుంది,’’ అని ఊరించాడు. ఆ మాటలతో మరో పెద్ద మనిషి తన ఇంట్లోకి వెళ్లి సదరు సరుకులన్నీ తీసుకువచ్చాడు.   సైనికుడు చెప్పినట్లు నిజంగానే పులుసు ఘుమఘుమలాడటం మొదలుపెట్టింది. అయినా సైనికుడు ఒకోసారి రుచి చూస్తూ మరో పదార్థం చేరిస్తే ఇంకా బాగుంటుంది అని జనాల్ని రెచ్చగొట్టడం మొదలుపెట్టాడు. అలా క్యారెట్లు, ఉల్లిపాయలు, మాంసం, లవంగాలు.... ఒకదాని తరువాత ఒకటిగా పులుసులోకి చేరుకున్నాయి. ఎట్టకేలకు అద్భుతమైన పులుసు తయారైంది. దాన్ని తను కాస్త పుచ్చుకొని, ఊరివారికి తలాకాస్తా పంచి సైనికుడు గుర్రుపెట్టి నిద్రపోయాడు. జనం మాత్రం అతని దగ్గర ఉన్న మాయా గులకరాయి గురించి మాట్లాడుకుంటూ ఉండిపోయారు. మాయ ఆ రాయిలో లేదనీ, తమ ఐక్యతలోనే ఉందని వారికి అర్థమవుతుందో లేదో!   `The Stone Soup’ పేరుతో వినిపించే ఈ జానపద కథ ఫ్రాన్స్, హంగేరి, జర్మనీ, పోర్చుగల్‌ వంటి ఎన్నో పాశ్చాత్య దేశాలలో విస్తృత ప్రచారంలో ఉంది. ప్రాంతాన్ని బట్టి కథనాలు మారినా, కథలో మాత్రం పెద్దగా మార్పు కనిపించదు. ఈ కథ ఆధారంగా ఎన్నో పుస్తకాలు, నాటకాలు వెలువడ్డాయి. వనరులు ఏమీ లేని చోట, నలుగురూ నాలుగు చేతులు వేసినప్పుడు అద్భుతాలు జరుగుతాయనే ఈ సూత్రాన్ని ఆఖరికి అమెరికా సైన్యంలో కూడా అమలు చేసిన సందర్భాలూ ఉన్నాయి.   - నిర్జర.

4 steps to boost your confidence

Confidence is an X factor that might change our fate. A step moved or a decision taken with an act of confidence can lead us to a desired destiny. But we often feel that confidence is a trait that comes by birth, and people with low confidence would always remain low. Experts are now proving that confidence can certainly be improved at any point of time. These are the hints that are suggested by most of them...   Think positive This could be undoubtedly, the first and foremost suggestion to boost our confidence. Well! The suggestion seems to be tough, but experts say that it’s as easy as a cake walk.   - Identify your negative thoughts.   - Assure yourselves that you can achieve anything that a human being can achieve.   - Know your talents and traits that could lead you to success.   - Stay away from the people who try to provoke inferior feelings in you.   Look Positive - A glance at a person would often reveal his confidence levels. Because... normally our appearance is affected by our state of mind.   - Groom yourselves! A clean shave or a refreshing shower can make you feel good.   - Get dressed in a dignified manner.   - Sleep well so that you stay relaxed.   - Exercise regularly so that your body would stay fit and mind would stay focussed.   Act Positive - Our state of mind can influence our behaviour, and if you reverse this principle... you can influence your state of mind by the way you behave.   - No medicine could work better than a smile. It creates a healthy environment within and around you. So keep smiling often!   - Don’t sag down your shoulders. Stay tall with a straight chest.   - Breathe deeply and slowly to stay healthy and to stay composed in testing moments.   - Speak slowly so that you are aware of what you are speaking. And speak clearly so that the listeners are aware of your clarity.   Work Positive A person with high confidence levels can still be a failure if he doesn’t have a clear vision and ambition.   - Set your goals and create your own roadmap to reach them.   - Kick-start your victories by setting small goals and achieving them.   - Stay active and keep doing something that takes you a step further towards your goal. Be sure that `nothing works like work’.   - Be clear about your habits, daily routine, talents and drawbacks. Strive to alter them if needed.   - Nirjara.

శ్రీకృష్ణ లెసెన్స్

  రాముడు మంచి బాలుడు అంటారు. కాని, కృష్ణుడు మంచి బాలుడు అనరు! ఎందుకని? ఎందుకంటే, కృష్ణుడు మంచి బాలుడు కాదు గొప్ప బాలుడు! అంతే కాదు, కన్నయ్య గొప్ప కొడుకు, ప్రియుడు, స్నేహితుడు, తమ్ముడు, శిష్యుడు, గురువు, అన్నీ! అందుకే, మనకు నేర్చుకునే ఓపిక వుండాలేగాని నేర్పటానికి శ్రీకృష్ణ భగవానుడు తన విశ్వరూపంతో ఎల్లప్పుడూ సిద్ధంగా వుంటాడు! ఇంతకీ, ఆ జగద్గురువు మనకు నేర్పేదేంటి...    1.  గోవిందుడు అందరి వాడేలే... అవును, గోవిందుడు ఇటు జన్మనిచ్చిన దేవకీ, వసుదేవులకి, అటు పెంచి, పోషించిన యశోదా, నందులకి అందరికీ ప్రీతిపాత్రుడే! కొడుకంటే ఎలా వుండాలో, ఎంతగా తల్లిదండ్రుల్ని సేవించి, ప్రేమించాలో ఆ దేవకీ తనయుడు, యశోదా నందనుడు మనకు అద్భుతంగా నేర్పిస్తాడు!   2. ధర్మ సంస్థాపనార్థాయ... శ్రీకృష్ణుడంటే ధ్వజమెత్తిన ధర్మమే! ధర్మ రక్షణే ఆయన ధ్యేయం! అవతార లక్ష్యం! అందుకే, ధర్మం వైపున నిలిచిన పాండవుల వైపే ఆయన నిలిచాడు! వాళ్లు అడవులపాలైనా , ద్రౌపతి అవమానం పాలైనా వెంట వుండి రక్షించాడు! చివరకు, విజయాన్ని ప్రసాదించాడు...   3. దేశభక్తి కలిగిన దేవదేవుడు... ద్వారకాధిపతి అయిన శ్రీకృష్ణుని కంటే దేశభక్తి మరొకరికి ఎవరికీ వుండదు! ద్వారకలోని తన ప్రజల్ని ఎంతో మంది రాక్షసులు పదే పదే బాధిస్తుంటే... ఏకంగా సముద్రం మధ్యలో వారి కోసం దేదీప్యమానమైన ద్వారక కట్టించాడు! అందులో తన రాజ్యంలోని జనాన్ని అందర్నీ క్షేమంగా వుంచాడు! గోవర్ధనగిరిని ఎత్తి కూడా తనని నమ్మిన వార్ని చిటికెన వేలితో కాపాడాడు!   4. జగద్డురువైనా... గురువులకి శిష్యుడే! గీతాచార్యుడైన శ్రీకృష్ణ పరమాత్మ జగద్గురువు! కృష్ణం వందే జగద్గురుం అంటాం. అయినా ఆయన కుల గురువు సాందీపని ముని మొదలు ఎందరో మునులు, ఋషులకి పాదాభివందనాలు చేశాడు! వినమ్రంగా, వినయంగా కాళ్లు కడిగి నెత్తిన చల్లుకున్నాడు...   5. కృష్ణం ప్రణయ సఖి వందనం... కన్నయ్య అనగానే అందరికీ గుర్తొచ్చేది ఆయనలోని ప్రియుడేగా? అసలు కృష్ణుని వంటి ప్రియుడు లోకంలో ఇంతకు ముందు , ఇక ముందు వుంటాడా? వుండనే వుండడు! రాథా దేవిది ప్రేయసీ ప్రేమ! రుక్మిణీ వంటి అష్టభార్యలది అర్ధాంగి ప్రేమ! గోపెమ్మలది భక్తి ప్రేమ! కంసుని చెరలోని పదహారు వేల కన్యలది శరణార్థి ప్రమ! ప్రేమలెన్నైనా... ప్రియుడు వాసుదేవుడే!   6. ఫల్గుణ సఖుడికంటే గొప్ప స్నేహితుడెవరు? స్నేహానికి నిర్వచనం శ్రీకృష్ణ తత్వం! ఆ స్నేహితుడు అర్జునుడైతే తన కోసం సారథిగా మారతాడు! గీతని బోధిస్తాడు! అదే స్నేహితుడు సుధాముడైతే... పిడికెడు అటుకులు తీసుకుని... కుచేలుడ్ని కాస్తా కుబేరుడ్ని చేస్తాడు! ఏం చేసినా మైత్రి కోసమే...    7. బలరామానుజుడి కంటే బహుగుణవంతుడెవరు? సర్వ లోకాలకి అగ్రజుడు తానే అయినా నందునింట శ్రీకృష్ణుడు బలరాముని తమ్ముడై పెరుగుతాడు! అన్నకి ఎంత గౌరవం ఎప్పుడెప్పుడు ఇవ్వాలో ఎక్కడా తక్కువ కానీయక మసులుకుంటాడు! తమ్ముడెలా వుండాలో సూచిస్తాడు...    8. ఆర్తిగా పిలిస్తే అందరికంటే ముందుగా వచ్చే అన్నా! ద్రౌపతి అయిదుగురు భర్తలున్నా అవమాన భారం నిలువునా దహించి వేస్తున్నప్పుడు అన్నయ్య కన్నయ్యనే పిలిచింది! ఎప్పుడో ఒక్క గుడ్డ పీలిక ఆడపిల్ల సొమ్ము తీసుకున్నందుకు ఆమెకు ఎడతెగని చీరల్ని ఇచ్చి ఆదుకున్నాడు! అంతే కాదు, సుభద్ర కడుపున పాండవ వంశాంకురం అగ్నికి ఆహుతి కాబోతుంటే... ఈ అన్నయ్యే వచ్చి చెల్లెలి కడుపులోని కొడుకుని కాపాడాడు! చెల్లెళ్ల పట్ట బాద్యతలో ఎక్కడా చిల్లు రాకుండా చూసుకున్నాడు!  

విరిగిపోని పాత్రలు

  అది ఓ చిన్న పల్లెటూరు. ఆ ఊరి చివర ఓ పూరిగుడిసె. గుడిసె పేదదే కానీ, అందులో ఉండే తండ్రీకొడుకులు మాత్రం మహా సంతోషంగా ఉండేవారు. పొద్దన లేచిందగ్గర్నుంచీ పొద్దుగూకేదాకా ఊళ్లో ఏదో ఒక పని చేసుకుని వచ్చేవారు. వస్తూ వస్తూ ఇన్ని కట్టెలు కొట్టుకు వచ్చి పొయ్యి రాజేసుకునేవారు. ఉన్నదేదో వండుకుని తినేవారు. కొంతకాలానికి కొడుకు పెళ్లి చేసుకున్నాడు. కొత్తగా వచ్చిన కోడలుతో ఆ ఇంటి సంతోషం రెట్టింపయ్యింది. తండ్రీ కొడుకు ఎప్పటిలాగే నిత్యం ఏదో ఒక పని చేసుకు వచ్చేవారు.   కాలం గడుస్తున్న కొద్దీ తండ్రికి ఓపిక తగ్గిపోసాగింది. అతని చేతుల్లో మునుపటి పట్టు లేదు. అతని చేతల్లో మునుపటి దుడుకు లేదు. ఇప్పుడు ఇల్లు గడిచేందుకు కొడుకూ, కోడలూ కలిసి పనికి వెళ్తున్నారు. వారికి పుట్టిన బిడ్డ ఆలనాపాలనా కూడా ముసలాయనకి అప్పగించి ఊరిలోకి బయల్దేరుతున్నారు. కొంతకాలానికి మనవడు పరుగులెత్తే వయసుకి చేరుకున్నాడు. ముసలాయన మాత్రం మరింత నీరసించిపోయాడు. భోజనం చేసేటప్పుడు కూడా ఆయన చేతులు వణుకుతున్నాయి. తినే ప్రతిసారీ కాస్తో కూస్తో కిందా మీదా ఒలకాల్సిందే!   భోజనాల బల్ల దగ్గర తన తండ్రి చేసే పని చూసి కొడుకూ, కొడలుకి చిరాకెత్తిపోయేది. ప్రతిరోజూ ఏదో ఒక పదార్థంతో బల్లంతా తడిసిపోవడం, ఏదో ఒక పాత్ర విరిగిపోవడం చూసి వారి కోపం నషాళానికి అంటేది. దాంతో తండ్రి భోజనాన్ని ఓ మూల ఏర్పాటు చేశాడు కొడుకు. ఆయన చేతిలోంచి జారినా పగలకుండా ఉండేందకు చెక్క పాత్రలు చేశాడు. ఇక రోజూ ఈ మూల సంతోషంగా కొడుకూ, కోడలూ, మనవడూ భోజనం చేస్తూంటు... గుడిసెలో మరో మూల ముసలాయన వణుకుతున్న చేతులతోనే తింటూ ఉండేవాడు. మధ్యమధ్యలో ఆయన కంటి నుంచి జారే కన్నీటి చుక్కని కొడుకు పెద్దగా పట్టించుకునేవాడు కాదు!   ఒక రోజు కొడుకూ, కోడలూ ఊళ్లో పనంతా ముగించుకొని ఇంటికి చేరుకున్నారు. అదే సమయంలో పిల్లవాడు ఓ చెక్కముక్కతో ఆడుకోవడం కనిపించింది వాళ్లకి. ‘ఏం ఆడుకుంటున్నావు బాబూ!’ అంటూ బాబుని దగ్గరకు తీశాడు కొడుకు. ‘నేను చెక్క పాత్రల్ని తయారుచేస్తున్నాను నాన్నా!’ అంటూ బదులిచ్చాడు బాబు.  ‘మంచిది! మంచిది! పాత్రలు తయారుచేశాక వాటితో ఏం చేస్తావు?’ అని గారాబంగా అడిగాడు కొడుకు. ‘ఏముందీ! నీకు ఒకటీ, అమ్మకి ఒకటీ ఇస్తాను. మరి మీరు పెద్దవాళ్లయ్యాక మీకు చెక్క పాత్రల్లోనేగా భోజనం పెట్టాలిగా!’ అంటూ అమాయకంగా బదులిచ్చాడు బాబు.   బాబు మాటలకి కొడుకు దిమ్మ తిరిగిపోయింది. తనకి తెలియకుండానే ఒక కన్నీటి చుక్క చెంపల మీదకి జారింది. నెమ్మదిగా వెళ్లి తన తండ్రి కోసం ఉంచిన చెక్క పాత్రలని పొయ్యిలో పడేశాడు. ఆ రోజు నుంచి మళ్లీ నలుగురూ కలిసి ఒకే బల్ల ముందర తినడం మొదలుపెట్టారు. అడపాదడపా తండ్రి ఏదన్నా ఒలకబోసినా, దాన్ని పట్టించుకోవడం మానేశాడు కొడుకు. (ప్రచారంలో ఉన్న కథ ఆధారంగా)   ..Nirjara

Encourage Teenagers to sleep early

With the advent of mobiles and Social Media teenagers off late are seen spending more time texting, browsing and chatting till late nights . This is effecting their sleep patterns and in turn affecting their health. These normal sleep disturbances, combined with teenagers' natural tendency to stay up late, can make them excessively tired, irritable, impatient and depressed. All of which suggests that helping your teenager to get enough sleep is a good idea. A series of small Scottish studies found that 20% of teenagers fell asleep in class at least once over a two-week period. The lack of sleep affects the teenage brain in similar ways to the adult brain. Chronic sleep deprivation in adolescents diminishes the brain’s ability to learn new information, and can lead to emotional issues like depression and aggression. Researchers now see sleep problems as a cause, and not a side effect, of teenage depression. Solutions •    A regularity of bedtime and waking-up time every day  is a must . You could give them an off on Saturday  or  Sunday as it is  a holiday. •    Restrict the usage of Social Media and Television at night. Teenagers should be encouraged not to be available 24 hours a day on their mobiles, Facebook and Instagram accounts. Negotiating the limits of time spent using technology with a teenager is never easy and neither is encouraging them to go to bed. But you should probably try. •    Encourage them to play a game or sport regularly, getting stuck to the TV or whatsapping on the mobile isn’t helping them to physically tire their bodies. •    In one study by researchers at Columbia University, teens who went to bed at 10 p.m. or earlier were less likely to suffer from depression or suicidal thoughts than those who regularly stayed awake well after midnight.

Are you bored at Work?

      There are times when you might have experienced boredom at work. Reasons are many, like lack of work, repetitive work done for a long time or simply for the fact that you are not cut out for the job. Now if you feel that you are not suited for the job or the job does not give you the required satisfaction ,that becomes a totally different topic of discussion. For now we will discuss how to indulge in some kind of activity to relieve oneself from the boredom at work.   * First and foremost check with your company policy as to what you can do or not do within the organization. * If there is time and you have completed your task at hand go for a walk and get some fresh air and sunshine vitamin. Fresh air can lead to fresh thoughts away from the stagnant workstations. * If the organization is a large one where you have a gym at your work place you could workout and exercise. * Clean your Desk and Desktop: If papers, documents, and office stationery have been lying messily in your cubicle , the best way to spend your time will be to clear the clutter. The same thing can be done to your computer. Organize your folders and files  and streamline your files. * Call a friend or loved one: The best thing you could do is to call up your loved ones whom you have not called for a long time. You could make up for lost time and make sure you go to a quiet place and talk and not disturb your co-workers.    *  Reading: One of the best things to do. You could read a book or read online on various topics of interest. You could also read about things related to your work and improve your skills. Another best option could be to do online courses and upgrade your skills. *  If you have been thinking of starting your own blog, but could not do it because of lack of time, this is the best time to start a blog and post an article to do away with your boredom. Apart from these ideas, you can indulge in listening to music, watching a videos on the net, do some exercises, etc. The key is to get over the brief periods of boredom easily and healthily.

చెల్లికి రాఖీ గిఫ్ట్‌గా కిడ్నీ

అన్నా చెల్లెళ్లు..అక్కాతమ్ముళ్ల మధ్యన ప్రేమానురాగాలకు చిహ్నాంగా నిర్వహించుకునే రక్షాబంధనం పండుగను దేశవ్యాప్తంగా ఘనంగా నిర్వహించారు. జన్మనిచ్చిన తల్లిదండ్రుల తర్వాత అంతటి అప్యాయతను పంచే సోదరసోదరి బంధం ప్రతి ఒక్కరి జీవితంలో అంతే ప్రముఖ స్థానాన్ని ఆక్రమించింది. ఈ రోజున సోదరీ స్వయంగా సోదరుని ఇంటికి వచ్చి వారికి బలాన్ని, శక్తిని ప్రసాదించి, రక్షణనివ్వవలసిందిగా కోరుతూ వారి ముంజేతికి రక్షాకంకణాన్ని కడతుంది. అలా రాఖీ కట్టిన సోదరికి సోదరుడు ఏదైనా బహుమతి ఇవ్వడం ఆనవాయితీ. ఈ నేపధ్యంలో తనతో పాటు పుట్టి..చిన్నప్పటి నుంచి కలిసి పెరిగి ఇప్పుడు ప్రాణాపాయ స్థితిలో ఉన్న చెల్లెలి ప్రాణాన్ని నిలపడం కోసం తన కిడ్నీనే బహుమతిగా ఇచ్చాడు ఒక అన్న. ముంబైకి చెందిన ఒక వ్యక్తికి చెల్లెలంటే పంచప్రాణాలు. అలాంటి చెల్లెలు అనుకోకుండా ఒక రోజు తీవ్ర అస్వస్థతకు గురైంది. ఆమెను పరీక్షించిన వైద్యులు రెండు కిడ్నీలు పాడైపోయినట్లు నిర్థారించారు. ఆమెను చికిత్స నిమిత్తం ముంబైలోని గ్లోబల్ ఆసుపత్రికి తరలించారు. ఆమె బ్రతకాలంటే కిడ్నీ మార్పిడి జరిగి తీరాలి. అయితే అంతకు నెలరోజుల ముందు ముంబైలో కిడ్నీ రాకెట్ వ్యవహారం వెలుగుచూడటంతో పోలీసులు గట్టి నిఘా ఏర్పాటు చేశారు. అంతకంతకూ ఆమె పరిస్థితి విషమిస్తుండటంతో కుటుంబసభ్యులు తామే కిడ్నీ ఇవ్వడానికి ముందుకొచ్చారు. అయితే ఆమె తల్లిదండ్రులు షుగర్ వ్యాధిగ్రస్తులు కావడంతో వారి కిడ్నీ పనికిరాదు. అన్నను పరీక్షించిన వైద్యులు అతని కిడ్నీ, బాధితురాలికి సూట్ అవుతుందని తేల్చారు..అయితే ఇక్కడ మరో అవాంతరం ఏదురైంది. అవయవ మార్పిడి జరిగేటపుడు దాతతో పాటు గ్రహీత బ్లడ్ గ్రూప్ కూడా సరిపోవాలి లేదంటే విపరీత పరిణామాలు ఎదురవుతాయి. అదృష్టం కొద్దీ చెల్లి బ్లడ్ గ్రూప్ ఓ పాజిటీవ్, అన్న బ్లడ్ గ్రూప్ బి పాజిటివ్ కావడం ఇక్కడ కలిసొచ్చింది. వైద్యులు ఇక లేట్ చేయకుండా వెంటనే ఆపరేషన్‌కి ఏర్పాట్లు చేశారు. ప్రస్తుతం అన్నాచెల్లెల్లు ఇద్దరు బాగానే ఉన్నారు. పండక్కో..పబ్బానికో నగలు, చీరలు కొనిపెట్టి బాగుండాలని కోరుకోవడం అన్నాచెల్లెలు బంధానికి అసలు అర్థమివ్వదు. కష్టాల్లో, సుఖాల్లో తోడు నిలబడ్డప్పుడే ఆ బంధానికి నిజమైన సార్థకత. 

ఆఫీసులో స్ట్రెస్ ఫీల్ అవుతున్నారా

      ఆఫీసులో ఉన్నపుడు ఒత్తిడిని తొలగించుకొని తీరాలి,లేకుంటే పనికి ఆటంకం కలుగుతుంది. తరచూ బ్రేక్స్ తీసుకోండి. ప్రతి గంటకూ ఐదు నిముషాల చొప్పున కంప్యూటర్ స్క్రీన్ నుంచి బ్రేక్ తీసుకోవాలి. ఎక్కువ సేపు స్క్రీన్ వైపే తిప్పి పనిచేసుకోవటం వల్ల నిర్ణయాత్మక సామర్ధ్యం ప్రభావితం కావటమే కాకుండా,మెడ కూడా స్ట్రెయిన్ అవుతుంది.   ప్రతి రెండు గంటలకు ఒకసారి మెడను క్లాక్ వైజ్,యాంటి క్లాక్ వైజ్ లో రొటేట్ చేస్తుండాలి. నిరంతరం కంప్యూటర్ ముందు కూర్చోవటం వల్ల మేడలో స్టిఫ్ నెస్ పెరిగి,స్ట్రెయిన్ అవుతారు. దీనివల్ల ఒత్తిడి తప్పదు. భుజాల్ని ముందు వైపునకు,వెనక్కి మూడేసిసార్లు తిప్పాలి. డీప్ గా   గాలి పీల్చి భుజాలు పైకెత్తాలి. ఐదు లేక్కపెట్టేవరకు ఉండి,భుజాల్ని కిందకుదించి గాలి వదిలేయాలి. బలంగా గాలిపీల్చి,వదలటం థెరపటిక్ మాత్రమే కాదు,దీనివల్ల చాలా ప్రయోజనాలు ఉంటాయి. గాలి వదిలేసి,ఐదు లెక్కపెట్టి తిరిగి లోపలకు పీల్చాలి. మళ్ళి ఐదు లెక్కపెట్టి బయటకు వదిలేయాలి. ఇలా కొద్ది సేపు చేయాలి. ప్రతిరోజు డీప్ బ్రీతింగ్ చేస్తుంటే,దాని తాలూకు ఫలితాలు ఇట్టే తెలుస్తాయి.    సో ఈ చిన్న చిన్న టిప్స్ ఫాలో అవండి,ఒత్తిడిని అధిగమించండి.

ఉపస్యసించడం ఒక కళ

  నలుగురి ముందరా అనర్గళంగా ఉపన్యసించాలని ఎవరికి మాత్రం ఉండదు! కాకపోతే అంతమందిని చూడగానే భయపడిపోయేవారు కొందరైతే, ఏం మాట్లాడాలో ఎలా మాట్లాడాలో తెలియక తికమకపడిపోయేవారు కొందరు. ఉపస్యసించడం అనే కళ ఒక్క రోజులో అబ్బేదీ కాదు. అందరికీ సులువుగా చిక్కేదీ కాదు. అలాంటి సందర్భాలు ఎదురైనప్పుడు ఎలా మసులుకోవాలో తెలియచేసే కొన్ని సూచనలు మాత్రం తప్పకుండా ఉపయోగపడతాయి. అవేమిటంటే...   బెంబేలు పడిపోవద్దు! ఎదురుగుండా జనాలని చూసి ఒక్కసారిగా కంగారుపడిపోద్దు. వాళ్లు కూడా మనలాంటి మనుషులే కదా! ఇలాంటి సందర్భాలలో మైక్‌తో పాటుగా చిన్న పోడియం ఉండేలా జాగ్రత్తపడితే, మన ఉద్వేగాన్ని కప్పిపుచ్చుకొనే ఆసరాగా ఉంటుంది. పైగా జనం వంక నేరుగా కాకుండా వారి తలల మీదుగా చూడటం లేదా వారిలో మనకు పరిచయం ఉన్నవారిని చూస్తూ మాట్లాడటం వల్ల కూడా ఉపయోగం ఉంటుందంటారు.   బట్టీపట్టవద్దు చాలామంది ఓ పేద్ద ఉపన్యాస వ్యాసాన్ని బట్టీ పట్టుకుని వెళ్తారు. సహజంగానే ఆ కంగారులో మన మెదలోంచి సదరు వ్యాసం ఎగిరిపోతుంది. ఒకవేళ పోడియం దగ్గరే నిల్చొని దాన్ని చూస్తూ చదివినా కూడా శ్రోతలకు మీ ఉపన్యాసం కృత్రిమంగా తోస్తుంది. కాబట్టి ఏదో సన్మాన పత్రాలు, ఓట్‌ ఆఫ్‌ థాంక్స్ వంటి సందర్భాలలో తప్ప బట్టీపట్టుకుని అప్పచెప్పడం వల్ల ఉపయోగం ఉండదు. దానికంటే ఏఏ అంశం మీద మాట్లాడాలనుకుంటున్నారో ఒక జాబితా/ సినాప్సిస్ ఉంటే సరిపోతుంది.   విసిగించే ఉపన్యాసం ఆసక్తికరంగా సాగకపోతే ఏ అంశమైన శ్రోతలను విసిగిస్తుంది. అందుకే సరదాగా సాగుతూనే మీ అభిప్రాయాలు శ్రోతలకు అందించేలా మెలకువ పాటించండి. మీరు ఎంచుకున్న అంశం ఎలాంటిది, దాని మీద వీలైనంత పరిజ్ఞానాన్ని పెంచుకోవడం ఎలా, మీ ఉపన్యాసాన్ని వినేందుకు వచ్చే శ్రోతలు ఎవరు... వంటి విషయాల మీద మీ మాటలు ఆధారపడి ఉంటాయి.   స్పందన- ప్రతిస్పందన ఒక రోబోలా నిల్చొని గంభీరంగా ఉపన్యసిస్తే వాతావరణం కూడా అంతే బిగుసుకుని ఉండిపోతుంది. అందుకే మీ హావభావాలను ప్రదర్శించండి. ప్రేక్షకులను కూడా కదిలించే ప్రయత్నించండి. వారు మీ మాటలతో ఏకీభవిస్తున్నారో లేదో కనుక్కోవడం, నవ్వించడం, స్తబ్దుగా ఉన్నవారిని కూడా మాటలతో కదిలించడం... చేయండి.   సమయం- సందర్భం ఉపన్యసించే అవకాశం వచ్చింది కదా అని చాలామంది తమ గురించి గొప్పలు చెప్పుకోవడంలో మునిగిపోతారు. వినేవారు దొరికారు కదా అని ఏదేదో మాట్లాడేస్తూ ఉంటారు. మైక్‌ ఉంది కదా అని సమయాన్ని పట్టించుకోరు. శ్రోతల చిరాకునీ, తోటి ఉపన్యాసకుల అసహనాన్నీ గమనించరు. ఫలితం! మనసులో ఉన్నదంతా చెప్పేశామన్న తృప్తి వారికి ఉండవచ్చుగానీ.... వినేవారి దృష్టిలో ఒక విసిగించే వ్యక్తిగా మిగిలిపోతారు. అందుకే సమయాన్ని గమనించుకుంటూ శ్రోతలకు ఏది ఉపయోగమో, ఏది ఆసక్తికరమో దాన్ని చెప్పేందుకు ప్రయత్నించాలి. ఇంతేకాకుండా ఉపన్యసించే ముందు రోజుల్లో అద్దం ముందర నిల్చొని అభ్యాసం చేయడం, మైక్‌లో మన గొంతుక ఎలా వినిపిస్తుందో రికార్డు చేసుకొని వినడం... వంటి చిట్కాలు తప్పకుండా ఉపయోగపడతాయి.   - నిర్జర.

An accomplice to the suicide

            “You are going to suicide” John asked excitingly. “Yes I am” I've confirmed him, but why is he so excited! “Wow! That’s great, how would you do that? “By hanging” I said confused by his odd reaction, how can you be so excited at your friend’s suicide! “By hanging, cool! That’s the easiest way; I've even read that it isn’t much painful.’              I looked at him angrily, he’s supposed to console me and stop me from my attempt, give me some moral support as I'm in a desperate situation; no job, no money, no family and today even my girl friend has walked out of my life, John is the only person left in my life who could be of some comfort in my depression, but he too…   “What are you thinking man? Get ready before your mood changes, ok let me help” said John and began to make arrangements for my suicide!!!\   He took a blanket from the shelf and stretched to see whether it is thick enough to bear my weight, he then tied it to the ceiling fan and made a knot at the other end to fit my head, he then looked attentively around the room as if he is searching for something, his eyes twinkled as he looked at a stool which is in the corner, he alternatively looked at me and at the stool as if he’s making some calculations and finally seemed to be satisfied that it would serve the purpose, he then dragged the stool beneath the ceiling fan and said to me “Now everything’s ready for your suicide, I’ll be back in two minutes and then you can proceed with your suicide” and went out hurriedly.   God! What’s happening to me? Won’t you let me have some peace even before my death! As tears rolled down my eyes, I stood there shocked at the situation.   John came back within a few minutes carrying a bag with him, he sat in a corner of the room which would give him the best view and leisurely opened the bag which he brought with him – A chips packet and a coke bottle!   “You see” John said to my shocked mind “I've always heard of murders and suicides, but I've never seen one actually, now that you are going to suicide, I’d be thrilled to watch it” and began to open the chips packet in his hand.   My heart boiled as I watched his actions that mocked my misery, I moved swiftly towards and kicked hard in his ribs with the strength of my desperation, as he fell down in pain, I waited for him to wake up so that I could strike again.   “That’s what the life is, isn’t it!” John said slowly, still feeling the pain in his ribs. “It won’t care for your emotions, it won’t pamper your desires, it won’t pity your failures, worst of all it mocks you even at your death, but once when you start fighting back and dictate your own terms, it would kneel before you trying to convince you”   As the words of John slowly descended into me, I realised the whole purpose behind his peculiar acts, he made me to Fight Back.     K.l.Surya