టీడీపీ కూటమి ఆధిక్యం 62.. వైసీపీ 7

మంగళగిరిలో లోకేష్ ఆధిక్యం

దూసుకుపోతున్న తెలుగుదేశం కూటమి

ఆంధ్రప్రదేశ్ అసెంబ్లీ ఎన్నికలలో తెలుగుదేశం కూటమి భారీ ఆధిక్యతతో దూసుకుపోతున్నది.   కుప్పంలో తెదేపా అధినేత చంద్రబాబు, రాజమహేంద్రవరం రూరల్‌లో గోరంట్ల బుచ్చయ్యచౌదరి, మంగళగిరిలో నారా లోకేశ్‌, పూతలపట్టులో మురళీమోహన్‌ ముందంజలో ఉన్నారు.   పిఠాపురంలో పవన్ కల్యాణ్, జగ్గంపేటలో జ్యోతుల నెహ్రూ, రాజమండ్రి సిటీలో ఆదిరెడ్డి వాసు, చిత్తూరులో ధూళిపాళ్ల నరేంద్ర, విజయవాడ సెంట్రల్ లో బోండా ఉమ, బొబ్బిలిలో సుజయకృష్ణ రంగారావు, ఒంగోలులో దామచర్ల జనార్ధన్, గుడివాడలో వెనిగండ్ల రాము ఆధిక్యంలో కొనసాగుతున్నారు. 

టీడీపీ ఆధిక్యం 40.. వైసీపీ ఆధిక్యం 6

గుడివాడలో వెనిగండ్ల రాము ఆధిక్యం..

టీడీపీ 30 ఆధిక్యం... వైసీపీ 2 ఆధిక్యం

తొలి రౌండ్ లో బుచ్చయ్య చౌదరి ఆధిక్యం 5వేలుపైనే

రాజమండ్రి రూరల్ అభ్యర్థి గోరంట్ల బుచ్చయ్య చౌదరికి తొలి రౌండ్ పూర్తయ్యేసరికి 5 వేలకు పైగా ఓట్ల మెజారిటీ లభించింది. మొత్తం తూర్పుగోదావరి జిల్లాలో అన్ని అసెంబ్లీ నియోజకవర్గాలలోనూ తెలుగుదేశం అభ్యర్థులు ముందంజలో ఉన్నారు. 

9 గంటలకు దేశవ్యాప్తంగా ఆధిక్యం

ఎలక్షన్ కమిషన్ సైట్లో టీడీపీ బోణీ...

పిఠాపురంలో పవన్ కళ్యాణ్ ఆధిక్యం

పవన్, లోకేష్ ముందంజ

పిఠాపురం నియోజకవర్గంలో జనసేన అధినేత పవన్ కల్యాణ్ ముందంజలో ఉన్నారు. తిరువూరులో కొలికిపూడి శ్రీనివాస్ ముందంజలో ఉన్నారు. మంగళగిలో నారా లోకేష్ ముందంజలో ఉన్నారు. రాష్ట్రంలోని అన్ని ప్రాంతాలలోనూ తెలుగుదేశం హవా కొనసాగుతోంది. చీపురుపల్లిలో  మంత్రి బొత్స వెనుకంజలో ఉన్నారు. పలువురు మంత్రులు వెనుకంజలో ఉన్నారు. నగరి నియోజకవర్గంలో మంత్రి రోజా బాగా వెనుకబడ్డారు. ఇక్కడ తెలుగుదేశం అభ్యర్థి గాలి భాను ప్రకాశ్ ముందంజలో ఉన్నారు. పిఠాపురం నియోజకవర్గంలో జనసేన అధినేత పవన్ కల్యాణ్ ముందంజలో ఉన్నారు. నంద్యాలలో తెలుగుదేశం అభ్యర్థి శబరి ముందంజలో ఉన్నారు. 

ఏపీలో తెలుగుదేశం కూటమి ప్రభంజనం

ఆంధ్రప్రదేశ్ లో తెలుగుదేశం కూటమి ప్రభంజనం సృష్టించేలా దూసుకెడుతోంది. కౌంటింగ్ ప్రారంభమై ఆధిక్యతలు అందుబాటులోకి రావడం ప్రారంభమైంది. ఇప్పటి వరకూ  37 నియోజకవర్గాల ఆధిక్యతలు అందుబాటులోకి వచ్చాయి. ఆ 37 నియోజకవర్గాలలోనూ కూటమి అభ్యర్థులే ముందంజలో ఉన్నారు. వాటిలో తెలుగుదేశం అభ్యర్థులు 31 స్థానాలలో, జనసేన అభ్యర్థులు 5 స్థానాలలో , బీజేపీ అభ్యర్థి 1 స్థానంలో ఆధిక్యతలో ఉన్నారు. రాజమండ్రి రూరల్ నియోజకవర్గంలో అయితే తొలి రౌండ్ ముగిసే సరికి తెలుగుదేశం అభ్యర్థి గోరంట్ల బుచ్చయ్యచౌదరి 5వేల పైచిలుకు మెజారిటీతో ఉన్నారు. 

టీడీపీ ఆధిక్యం 21.. వైసీపీ ఆధిక్యం 00

రాజమండ్రి గ్రామీణం.. గోరంట్ల బుచ్చయ్య ఆధిక్యం

కుప్పంలో చంద్రబాబు ఆధిక్యం

8 గంటల 30 నిమిషాలకు దేశవ్యాప్తంగా ఆధిక్యం

దేశవ్యాప్తంగా కౌటింగ్ ప్రారంభం

దేశప్రజలందరూ సుదీర్ఘంగా నిరీక్షించిన సమయం రానే వచ్చింది. పార్లమెంటుతోపాటు, ఆంధ్రప్రదేశ్ తదితర రాష్ట్రాల ఓట్ల లెక్కింపు ప్రక్రియ ఈరోజు ఉదయం 8 గంటలకు ప్రారంభమైంది. మొదట పోస్టల్ బ్యాలెట్ ఓట్లను లెక్కిస్తారు. 8.30 గంటల తర్వాత ఈవీఎంలను తెరుస్తారు.

జగన్ భజనతో సరి పూర్ణానంద స్వామి

కాకినాడ శ్రీపీఠం స్వామి పరిపూర్ణానందకు రాజకీయ పురుగు కుట్టింది. ఆధ్యాత్మిక బోధనలకు ఫుల్ స్టాప్ పెట్టేసి రాజకీయ ఉపన్యాసాలకు తెరలేపారు. తాను వేసుకునే కాషాయమే పార్టీ రంగు అయిన బీజేపీ పంచన చేరడానికి శతథా ప్రయత్నించారు. స్వామి వేషం కారణంగా ఉన్న వెసులుబాటుతో బీజేపీ అగ్రనాయకత్వానికి తన మనసులో మాట చెప్పారు. కాషాయ వస్త్రధారణ ఉండటంతో ఆయనను పార్టీలోకి చేర్చుకోవడానికి కమలనాథులకు ఎలాంటి అభ్యంతరం ఉండదు. లేదు కూడా. కానీ పార్టీ చేరికతో ఆగకుండా ఆయన హిందూపురం నుంచి లోక్ సభకు పోటీ చేయాలన్న ఆయన కోరికను మాత్రం మన్నించలేదు.   దీంతో   శ్రీపీఠం స్వామి వారికి మనిషికి వచ్చినంత కోపం వచ్చింది. బీజేపీ అండ ఎందుకు అంటూ ఏకంగా ఇండిపెండెంట్ గా హిందుపురం లోక్ సభ స్థానం నుంచి బరిలోకి దిగారు. వేసింది కాషాయ వేషం. ఇక తిరుగేముంటుంది? అని భావించిన స్వామి వారికి తీరా ఎన్నికల బరిలోకి దిగిన తరువాత కానీ తత్వం బోధపడలేదు. సరే మరి కొద్ది గంటలలో కౌంటింగ్ మొదలు కానున్న తరుణంలో ఆయనకు జ్ణానోదయం అయ్యింది. ఆ జ్ణానాన్ని పామర జనానికి పంచకపోతే ఆయన స్వామి ఎలా అవుతారు. దీంతో వెంటనే మీడియా ముందుకు వచ్చి ఎన్నికలలో గెలిచి ఏపీలో అధికారంలోకి రాబోయేదెవరో తన దివ్యదృష్టితో కనిపెట్టేశానంటూ చెప్పుకొచ్చారు. ఎగ్జిట్ పోల్స్ ను నమ్మొద్దు, అవి వాస్తవాలు చెప్పడం లేదు. పరిపూర్ణానందమైన స్వామినైన తాను మాత్రమే కచ్చితమైన ఫలితాలను తన జ్ణాన దృష్టితో చూసి చెప్పగలను అని స్వొత్కర్షతో మొదలెట్టి చివరికి జగన్ భజనతో సరిపెట్టేశారు.  ఇంతకీ ఆయన చెప్పినదేమిటంటే.. ఈ ఎన్నికల్లో వైసీపీ 123 సీట్లు వస్తాయనీ, జగనే మళ్లీ ఏపీ ముఖ్యమంత్రి అవుతారనీ.  జగన్ పార్టీ విజయంపై ఇంతలా చెబుతున్న పరిపూర్ణానంద స్వామి హిందూపురం లోక్ సభ స్థానంలో తన విజయం లేదా పరాజయం గురించి మాత్రం ఒక్కటంటే ఒక్క మాట చెప్పలేదు. దీంతో నెటిజనులు ఆయనను ఓ రేంజ్ లో ఆటాడుకుంటున్నారు. జగన్ పార్టీ గెలుపు ఓటములపై చాలా ఎగ్జిట్ పోల్స్ వచ్చాయి. ముందు మీ సంగతి చెప్పండి స్వామీ అంటూ సెటైర్లు వేస్తున్నారు.

ఏపీలో కౌంటింగ్ మరికొద్ది సేపటిలో

ఏపీలో మరికొద్ది సేపట్లో కౌంటింగ్ ప్రారంభం మొత్తం 3.33 కోట్ల మంది తమ ఓటు హక్కు వినియోగించుకున్నారు  4.61 లక్షల మంది పోస్టల్ బ్యాలెట్ వినియోగించుకున్నారు అన్ని జిల్లాల్లో కౌంటింగ్  ఏర్పాట్లు పూర్తి  8 గంటలకు లెక్కింపు ప్రారంభం  పార్లమెంటు నియోజకవర్గాల కు 2443 ఈవీఎం టేబుళ్లు 443 పోస్టల్ బ్యాలెట్ టేబుళ్లు అసెంబ్లీ నియోజకవర్గాలకు 2446 ఈవీఎం టేబుల్లు  557 పోస్టల్ బ్యాలెట్ టేబుళ్లు రాష్ట్ర వ్యాప్తంగా 33 ప్రాంతాల్లో 401 కౌంటింగ్ హాల్స్ ఏర్పాటు కౌంటింగ్ కేంద్రాల వద్ద 144 సెక్షన్ అమలు