ఫ్రెంచ్‌ ఆర్థికవేత్త జీన్‌ టిరోల్‌ ఆర్థిక శాస్త్రంలో నోబెల్‌ బహుమతి విజేత అయ్యారు. పెట్టుబడి మార్కె ట్‌ శక్తి, నియంత్రణలపై చేసిన పరిశోధనలకుగాను ఆయనకు ఈ బహుమతి లభించింది. 1999 తర్వాత అమెరికా వెలుపలి వ్యక్తికి ఆర్థిక శాస్త్రంలో నోబెల్‌ బహుమతి రావడం ఇదే ప్రథమం. నోబెల్‌ బహుమతి వ్యవస్థాపకుడు ఆల్‌ఫ్రెడ్‌ నోబెల్‌ వర్థంతి సందర్భంగా డిసెంబర్‌ పదో తేదీన ఈ బహుమతులు అందచేస్తారు. నోబెల్‌ బహుమతికి ఎంపిక కావడం తనను ఎంతో కదలించి వేసిందని టిరోల్‌ అన్నారు. సమకాలీన ప్రపంచంలో  ప్రభావవంతులైన ఆర్థికవేత్తల్లో టిరోల్‌ ఒకరని, భిన్న రంగాల్లో ఆయన ఎంతో విస్తృతమైన పరిశోధనలు చేశారని రాయల్‌ స్వీడిష్‌ అకాడమీ ఒక ప్రకటనలో తెలిపింది. టిరోల్‌ (61) ప్రస్తుతం ఫ్రాన్స్‌లోని టోలోస్‌ స్కూల్‌ ఆఫ్‌ ఎకనామిక్స్‌లో ఆర్థికవేత్తగా విధులు నిర్వర్తిస్తున్నారు. ప్రపంచంలోనే ప్రతిష్ఠాత్మకమైన మెసాచుసెట్స్‌ ఇన్‌స్టిట్యూట్‌ ఆఫ్‌ టెక్నాలజీలో (మిట్‌) ఆయన పిహెచ్‌డి చేశారు.