Home  
Beauty Care

రోజూ ఈ ఆహారాలు తింటూ ఉంటే జుట్టు నడుము పొడవు పెరుగుతుంది..!

 రోజూ ఈ ఆహారాలు తింటూ ఉంటే జుట్టు నడుము పొడవు పెరుగుతుంది..!   జుట్టు పొడవుగా పెరగాలని కోరుకోని అమ్మాయిలు ఉండరు.  అబ్బాయిలు కూడా ఒత్తుగా జుట్టు పెంచుకోవాలని ట్రై చేస్తుంటారు. అలాంటిది అమ్మాయిలు ఈ విషయంలో నెగ్లెట్ గా ఉండటం అనేది జరగదు. అయితే జుట్టు పెరుగుదల ఈ కాలంలో చాలా కష్టంగా మారింది.   జుట్టు వేగంగా పెరగకపోవడానికి  శరీరంలో పోషకాల కొరత కూడా కారణమవుతుంది. . సాధారణంగా జుట్టు పెరుగుదలకు షాంపూలు,  నూనెలు,   మాత్రమే చాలా మంది ప్రయత్నిస్తారు. కానీ శరీరంలో లోపం  ఉంటే నూనెలు, షాంపూలు పెద్దగా ప్రభావం చూపవు. అందుకే ఆహారంలో పోషకాహారం తప్పనిసరిగా తీసుకోవాలి.  వెంట్రుకల పెరుగుదలకు సహాయపడే కొన్ని హెయిర్ గ్రోత్ ఫుడ్స్ తీసుకుంటే జుట్టు మందంగా మారడమే కాకుండా జుట్టు  నడుము పొడవు పెరగడం పక్కా.. గుడ్లు.. గుడ్లను సూపర్ ఫుడ్స్ అంటారు. గుడ్లు తినడం వల్ల శరీరానికి విటమిన్ ఎ, విటమిన్ డి,  జింక్ కూడా బాగా అందుతాయి. గుడ్లు బయోటిన్  గొప్ప మూలం. రోజూ గుడ్లను ఆహారంలో చేర్చుకుంటూ ఉంటే జుట్టు పెరుగుదల మెరుగుపడుతుంది. గుడ్లు ప్రతిరోజూ అల్పాహారంగా తినవచ్చు. విటమిన్ సి ఆహారాలు.. నారింజ, నిమ్మ,  ఉసిరికాయలలో విటమిన్ సి పుష్కలంగా ఉంటుంది. విటమిన్ సి తీసుకోవడం వల్ల హెయిర్ ఫోలికల్స్ బలపడతాయి.  జుట్టు పెరుగుదలకు సహాయపడుతుంది. విటమిన్ సి స్కాల్ప్‌పై కొల్లాజెన్‌ను పెంచడంలో  ప్రయోజనకరంగా ఉంటుందని  పరిశోధనలు చెబుతున్నాయి. విటమిన్-సి అధికంగా ఉన్న ఆహారాలు తీసుకుంటే జుట్టు పెరుగుదల బేషుగ్గా ఉంటుంది. ఆకు కూరలు.. ఫోలేట్, విటమిన్ ఎ, విటమిన్ సి, పొటాషియం,  ఐరన్ పుష్కలంగా ఉండే ఆకుకూరలు జుట్టు పెరుగుదలకు సహాయపడతాయి. బచ్చలికూర జుట్టుకు అద్భుతంగా  ఉపయోగపడుతుంది. ఇదే కాకుండా మునగ ఆకు కూడా మెరుగ్గా ఫలితాలు ఇస్తుంది.  వీటిని  ఆహారంలో భాగంగా చేసుకోవచ్చు. రోజూ కాకపోయినా, వారానికి కనీసం రెండు నుండి మూడు సార్లు పాలకూర,  మునగ ఆకు తినవచ్చు. విత్తనాలు,  ఎండిన పండ్లు.. గుమ్మడి గింజలు, వాల్‌నట్‌లు, బాదం,  అవిసె గింజలు తినడం ద్వారా జుట్టు పెరుగుదల మెరుగ్గా ఉంటుంది. వీటిలో ఒమేగా-3 ఫ్యాటీ యాసిడ్స్ పుష్కలంగా ఉంటాయి. వీటి నుండి శరీరానికి జింక్ కూడా మంచి పరిమాణంలో అందుతుంది. ఇది కాకుండా డ్రై ఫ్రూట్స్,  గింజలలో ఫాస్పరస్, మెగ్నీషియం, ఐరన్, కాపర్,  సెలీనియం  సమృద్దిగా ఉంటాయి.  ఇవి జుట్టు పెరుగుదలలో ప్రభావవంతంగా పనిచేస్తాయి. క్యారెట్.. విటమిన్ ఎ పుష్కలంగా ఉండే క్యారెట్లు జుట్టుకు అనేక విధాలుగా మేలు చేస్తాయి. క్యారెట్ తినడం వల్ల జుట్టు పెరుగుదల కణాలు పెరుగుతాయి. క్యారెట్ రక్త ప్రసరణను కూడా మెరుగుపరుస్తుంది. వీటి వల్ల జుట్టు అకాల బూడిద రంగులోకి మారదు,  జుట్టు చాలా సిల్కీగా, షైనింగ్ గా కూడా మారుతుంది.                                               *రూపశ్రీ.

బుగ్గల మీద గుంటలు కొంత మందికి మాత్రమే ఉంటాయి ఎందుకో తెలుసా...

బుగ్గల మీద గుంటలు కొంత మందికి మాత్రమే ఉంటాయి ఎందుకో తెలుసా... బుగ్గల మీద గుంటలు అనగానే చాలామంది డింపుల్స్ అంటు ఉంటారు. బుగ్గల మీద నవ్వినప్పుడు , మాట్లాడినప్పుడు అలా పడే గుంటలు ముఖానికి చాలా అందాన్ని తెచ్చిపెడతాయి.  అన్ని రంగాలలో ప్రముఖులకు ఈ డింపుల్స్ అదనపు  ఆకర్షణగా నిలుస్తాయి.  అయితే ఇలా డింపుల్స్ కొంతమందికి మాత్రమే ఎందుకు ఉంటాయి? అందరికీ ఎందుకు ఉండవు? ఈ విషయం గురించి తెలుసుకుంటే.. బుగ్గల మీద గుంటలు (dimples) కొంత మందికి మాత్రమే ఎందుకు ఉంటాయన్నది శాస్త్రపూర్వకంగా ఆసక్తికరమైన విషయం. ఇవి శరీర నిర్మాణం, జన్యువుల (genes) వల్ల వచ్చే ఒక రకమైన లక్షణం. ఇందుకు ముఖ్యమైన కారణాలు కొన్ని ఉన్నాయి. జన్యుపరమైన లక్షణం (Genetics).. బుగ్గల మీద గుంటలు వంశపారంపర్యంగా వచ్చే లక్షణం. ఇది ఆటోసోమల్ డామినంట్ ట్రైట్ (autosomal dominant trait) గా పరిగణించబడుతుంది. అంటే..  తల్లిదండ్రులలో ఒకరికి గుంటలు ఉంటే పిల్లలకు కూడా రావచ్చు. ఒకవేళ తల్లిదండ్రులకు ఇద్దరికీ డింపుల్స్  ఉంటే అవకాశాలు మరింత పెరుగుతాయి. అయితే, ఇది ఖచ్చితంగా అన్నిసార్లు  రాకపోవచ్చు. జన్యు పరమైన వ్యక్తిత్వంలో తేడాలు ఉండొచ్చు. ముఖంలోని కండరాల నిర్మాణం (Facial muscle structure).. ముఖ్యంగా జైగోమేటిక్ మేజర్ మసిల్ (zygomaticus major muscle) అనే బుగ్గల కండరానికి ప్రత్యేకమైన నిర్మాణం వల్ల గుంటలు ఏర్పడతాయి. సాధారణంగా ఈ కండరాలు ఒకటిగా ఉండాల్సింది.  కొంతమందిలో ఇది రెండు భాగాలుగా విడిపోయి ఉండే అవకాశం ఉంటుంది. అందువల్ల  ముక్కు పక్కల బుగ్గల ప్రాంతంలో చర్మం లోపలికి లాగబడుతుంది. ఇది నవ్వేటప్పుడు క్షుణ్ణంగా కనపడుతుంది . అదే గుంటలాగా కనిపిస్తుంది. కొందరికి మాత్రమే ఎందుకుంటుంది? ఇది జన్యుపరంగా వారికిచ్చిన ఒక ప్రత్యేక లక్షణం  అని చెప్పవచ్చు. అందరికీ ఇది ఉండదు ఎందుకంటే గుంటలకి అవసరమైన ఆ ప్రత్యేక కండర నిర్మాణం  చాలా మందిలో ఉండదు. ఇంకా ఇది ప్రపంచ జనాభాలో సుమారుగా 20-30% మందిలో మాత్రమే ఉంటుంది. కొన్ని ఆసక్తికర విషయాలు.. కొన్నిసార్లు పుట్టిన పిల్లలకు చిన్నతనంలో గుంటలు కనిపించొచ్చు. కానీ వయస్సు పెరిగేకొద్దీ మాయమవుతాయి. (muscle fat distribution మారిపోవడం వల్ల  ఇలా జరుగుతుంది. చాలామంది గుంటలని ఆకర్షణీయమైన లక్షణంగా భావిస్తారు. సెలబ్రిటీలు, సినీ తారలు సర్జీలతో ఈ గుంటలను కృత్రిమంగా ఏర్పాటు చేయించుకుంటారు కూడా.                                     *రూపశ్రీ.

ఈ ఫేస్ సీరమ్  వాడితే.. అద్భుతమే..!

ఈ ఫేస్ సీరమ్ వాడితే.. అద్భుతమే..! కాలంతో పాటు వయస్సు పెరుగుతుంది. ఇది ఒక సాధారణ సహజ ప్రక్రియ. అయితే ముడతలు మరియు సన్నని గీతలు వంటి సమస్యలు  వయస్సు కంటే ముందే వ్యక్తుల ముఖాల్లో కనిపిస్తాయి కొందరికి.  అమ్మాయిలు చాలామంది ఇలాంటి పరిస్థితిని ఎదుర్కొంటు ఉంటారు.  ఈ ముడతలు, గీతలు పోగొట్టుకోవడం కోసం  ఖరీదైన,  రసాయనిక యాంటీ ఏజింగ్ క్రీములను వాడుతూ ఉంటారు. కానీ అలాంటి క్రీములు,  చికిత్సలు లేకుండా  ముఖంపై వృద్ధాప్య సంకేతాలను తగ్గించుకోవచ్చు. దీనికోసం పేస్  టోనర్ మ్యాజిక్ లాగా పనిచేస్తుందట. ఇంతకు ఈ ఫేస్ టోనర్ ఇంట్లోనే ఎలా తయారు చేసుకోవాలి.  దీన్నెలా వాడాలి తెలుసుకుంటే.. టోనర్.. ఫేస్ టోనర్ వాడటం వల్ల ముఖం మీద ముడతలు, గీతలు తొలగించుకోవచ్చు.  దీనికోసం కావలసిన పదార్థాలు.. 1/2 గ్లాసు వేడినీరు గ్రీన్ టీ బ్యాగులు 2 స్పూన్ బియ్యం 1 టీస్పూన్ కలబంద జెల్ 1 స్పూన్ గ్లిజరిన్ తయారీ విధానం..  ముందుగా వేడినీటిని తీసుకోవాలి. గ్రీన్ టీ బ్యాగ్‌ను అందులో 6 నుండి 7 నిమిషాలు ఉంచాలి. ఇప్పుడు ఈ నీటిని చల్లబరచాలి.  2 చెంచాల బియ్యం తీసుకొని నీటిలో నానబెట్టాలి. వాటిని 2 గంటలు నీటిలో నానబెట్టాలి. దీని తరువాత బియ్యం నీటిని గ్రీన్ టీ నీటితో సమాన పరిమాణంలో కలపాలి. ఇప్పుడు దానికి ఒక చెంచా కలబంద జెల్,  ఒక చెంచా గ్లిజరిన్ జోడించాలి. ఈ వస్తువులన్నింటినీ బాగా కలిపి ఈ నీటిని స్ప్రే బాటిల్‌లో నింపాలి. ఎలా వాడాలి? ముఖం శుభ్రం చేసుకున్న తరువాత ఈ ఫేస్ టోనర్ ను ముఖం మీద స్ప్రే చేయాలి. ఇది ముఖం మీద ముడతలు,  గీతలు,  చర్మం మీద చాలా పెద్దగా తెరుచుకుని ఉన్న చర్మ రంధ్రాలు మొదలైనవి తగ్గేలా చేస్తుంది. దీన్ని క్రమం తప్పకుండా కనీసం రెండు వారాల పాటు వాడితే మంచి ఫలితాలు ఉంటాయి.                                     *రూపశ్రీ

వర్షంలో జుట్టు తడిస్తే ఈ జాగ్రత్తలు పాటించండి..!

వర్షంలో జుట్టు తడిస్తే ఈ జాగ్రత్తలు పాటించండి..!   వర్షాకాలం మొదలైంది.  ఒకవైపు ఎండలు ఉన్నా సరే.. చాలా ప్రాంతాలలో వర్షాలు తరచుగా పడుతూనే ఉంటున్నాయి. వర్షాలను చూసి పనులను ఎవరూ ఆపుకోరు.  అయితే వర్షంలో తడవకుండా ఎన్ని జాగ్రత్తలు తీసుకున్నా కొన్ని సార్లు తడవడం జరుగుతూ ఉంటుంది. వర్షంలో జుట్టు తడిస్తే వెంటనే శుభ్రపరచకపోతే జుట్టు సమస్యలు వస్తాయి. జుట్టు రాలిపోవడం, తేలికగా చిక్కుబడటం, డాండ్రఫ్, స్కాల్ప్ ఇన్ఫెక్షన్ వంటివి వస్తాయి.  కాబట్టి కొన్ని ముఖ్యమైన జాగ్రత్తలు తీసుకోవడం చాలా  అవసరం. వర్షంలో జుట్టు తడిస్తే  తీసుకోవలసిన జాగ్రత్తలు.. తడిచిన వెంటనే శుభ్రపరచాలి.. వర్షపు నీటిలో కలిసే ధూళి, మలినాలు జుట్టుకి హానికరం. అందుకే ఇంటికి వచ్చిన వెంటనే స్కాల్ప్ క్లెన్సింగ్ కోసం మైల్డ్ షాంపూ తో తల కడగాలి. కండిషనర్ తప్పనిసరి.. వర్షంలో తడిచిన జుట్టు అలాగే వదిలేస్తే జుట్టు రఫ్ అయ్యే అవకాశం ఎక్కువ. తల కడిగిన తర్వాత సల్ఫేట్ ఫ్రీ కండిషనర్ వాడితే మెత్తగా ఉంటుంది. జుట్టు పూర్తిగా ఆరనివ్వాలి.. తడి జుట్టు నెమ్మదిగా ఆరబెట్టుకోవాలి. జుట్టును స్వతహాగా ఆరనివ్వడం మంచిది.  ఒకవేళ హెయిర్ డ్రయర్ వాడుతుంటే తక్కువ హీట్ వెలువరించేవి ఉపయోగించి జుట్టు ఆరబెట్టాలి. వెంటనే ముడివేయకూడదు.. తడి జుట్టును జడ వేయడం లేదా జుట్టు ముడివేయడం వంటివి చేయకూడదు. ఇలా చేస్తే ఫంగస్ లేదా బ్యాక్టీరియా వృద్ధి చెందవచ్చు. జుట్టు పూర్తిగా ఆరిన తర్వాత మాత్రమే జడ లేదా హెయిర్ స్టైల్ చేసుకోవాలి. నెమ్మదిగా దువ్వాలి.. తడి జుట్టు బలహీనంగా ఉంటుంది. అందుకే వెడల్పాటి పళ్లు కలిగిన  దువ్వెన వాడాలి. ఇది జుట్టును సాఫీగా దువ్వడంలో సహాయపడుతుంది. చిక్కులు సులువుగా విడిపోతాయి. హెయిర్ ఆయిల్.. తల కడకముందు కొద్దిగా కోకనట్ ఆయిల్ లేదా ఆర్గాన్ ఆయిల్ ఉపయోగిస్తే జుట్టు రక్షితంగా ఉంటుంది. హెయిర్ మాస్క్ వాడవచ్చు.. వారం లో ఒకసారి హెయిర్ మాస్క్   వాడితే జుట్టు ఆరోగ్యంగా ఉంటుంది. ఇందుకోసం పెరుగు, మెంతులు,  కొబ్బరి నూనె వంటి సహజ పదార్థాలు వాడటం మంచిది. వర్షంలో తడవకుండా జాగ్రత్త పడాలి.. బయటకు వెళ్లే ముందు స్కార్ఫ్, వాటర్ ప్రూఫ్ హెడ్ కవర్ లేదా హుడ్ ఉన్న జాకెట్ వాడాలి. ఇది జుట్టు తడవకుండా కాపాడుతుంది. ఈ జాగ్రత్తలు మరవకండి.. తడిచిన జుట్టుతో నిద్ర పోకూడదు. ఎక్కువగా హీట్ స్టైలింగ్ చేయకూడదు. జుట్టుకు పోషకాహారం అవసరం. అందుకే ఆహారంలో ప్రొటీన్లు, ఐరన్, జింక్ ఉండాలి. వాటర్ ఫ్రూప్ హెయిర్ సిరమ్ వాడడం ద్వారా జుట్టు మృదువుగా ఉంటుంది.                                *రూపశ్రీ.  

గుడ్డును ఇలా ఉపయోగిస్తే.. టెంకాయ పీచులా ఉన్న జుట్టు కూడా పట్టుకుచ్చులా మారుతుంది.!

గుడ్డును ఇలా ఉపయోగిస్తే.. టెంకాయ పీచులా ఉన్న జుట్టు కూడా పట్టుకుచ్చులా మారుతుంది.!   జుట్టు ఆరోగ్యం విషయానికి వస్తే చాలా మంది అమ్మాయిలు బోలెడు షాంపూలు, కండీషనర్ లు వాడుతుంటారు.  ఇవి జుట్టుకు బలాన్ని, పోషణను ఇస్తాయని.. జుట్టు ఆరోగ్యంగా మెరుస్తూ కనిపించేలా చేస్తాయని అంటారు. అయితే ఈ వాణిజ్య ఉత్పత్తులు అన్నీ జుట్టుకు తాత్కాలికంగా మంచి ఫలితాలు ఇచ్చినా.. ఆ తరువాత జుట్టును డ్యామేజ్ చేస్తాయి.  కానీ ఇంట్లోనే సహజ పదార్థాలతో జుట్టును నేచురల్ గా సిల్కీగా మార్చుకోవచ్చు.  ఇందుకోసం గుడ్డు బాగా సహాయపడుతుంది.  సాధారణంగానే జుట్టు పెరుగుదల కోసం గుడ్డును ఉపయోగిస్తుంటారు చాలా మంది. కానీ టెంకాయ పీచులా రఫ్ గా ఉన్న జుట్టును కూడా పట్టు కుచ్చులా మార్చే శక్తి గుడ్డుకు ఉంది.  ఇందుకోసం గుడ్డును ఎలా ఉపయోగించాలంటే.. కోడి గుడ్లలో బయోటిన్, ప్రోటీన్, విటమిన్-ఎ,  విటమిన్-డి, విటమిన్-ఇ,  ఐరన్,  ఒమేగా-3 ఫ్యాటీ యాసిడ్ మొదలైన పోషకాలు ఉంటాయి. ఈ విటమిన్లు అన్నీ జుట్టును మృదువుగా చేసి జుట్టును పట్టు కుచ్చులా మారుస్తాయి. ఎగ్ హెయిర్ మాస్క్.. జుట్టు పట్టు కుచ్చులా మారాలంటే ఎగ్ హెయిర్ మాస్క్ ను ఉపయోగించాలి. గుడ్డు, పెరుగు.. గుడ్డు, పెరుగు కలిపి మాస్క్ తయారు చేసి ఉపయోగించవచ్చు. ఇందుకోసం గుడ్డు సొనలో పెరుగు కలిపి బాగా కలపాలి. తరువాత దీన్ని జుట్టుకు అప్లై చేయాలి.  తరువాత తలస్నానం చేయాలి. గుడ్డు వాసన కొందరిని ఇబ్బంది పెడుతుంది.  కానీ  గుడ్డుతో వేసే హెయిర్ ప్యాక్ మాత్రం జుట్టుకు మ్యాజిక్ ఫలితాలు ఇస్తుంది. ఇది జుట్టు పొడిబారకుండా  కాపాడుతుంది. గుడ్డు,  కొబ్బరినూనె.. గుడ్డు, కొబ్బరినూనె కలిపి మాస్క్ తయారు చేసుకుని ప్యాక్ వేసుకోవచ్చు.  ఒక గుడ్డు సొనలో రెండు స్పూన్ల కొబ్బరినూనె వేయాలి. దీన్ని బాగా బీట్ చేయాలి.  తరువాత తలకు,  జుట్టు పొడవునా అప్లై చేయాలి.  తరువాత తలస్నానం చేయాలి.  ఈ ప్యాక్ వేసుకోవడం వల్ల జుట్టు లోపలి నుండి బలపడుతుంది.   రఫ్ గా ఉన్న జుట్టు రిపేర్ అవుతుంది.  జుట్టు సిల్కీగా, మెరుస్తూ ఉంటుంది.   ఈ రెండు హెయిర్ మాస్క్ లను వారానికి ఒకసారి లేదా 10రోజులకు ఒకసారి అప్లై చేస్తుంటే జుట్టు పెరుగుదల కూడా చాలా మెరుగ్గా ఉంటుంది.                                                    *రూపశ్రీ.

మోచేతులు, మోకాళ్లు నల్లగా ఉన్నాయా..ఇలా చేస్తే నలుపు మాయం!

  మోచేతులు, మోకాళ్లు నల్లగా ఉన్నాయా..ఇలా చేస్తే నలుపు మాయం!   అందంగా కనిపించడం ప్రతి ఒక్కరికి ఇష్టం. ముఖ్యంగా అమ్మాయిలకు అందంగా కనిపించాలని చాలా కోరికగా ఉంటుంది. దీని కోసం ధరించే దుస్తుల నుండి రెగ్యులర్ గా వాడే బోలెడు ఉత్పత్తుల వరకు అన్ని విషయాలలో జాగ్రత్తలు తీసుకుంటారు. అయితే  దుస్తులు ఎంత అందంగా ఉన్నా,  వాడే ఉత్పత్తులు ఎంత ఖరీదైనవి అయినా శరీరంలో బయటకు ఎబ్బెట్టుగా కనిపించే కొన్ని విషయాలు ఇబ్బందికి గురిచేస్తాయి. అలాంటి వాటిలో మెడ నలుపు, మోకాళ్లు, మోచేతుల నలుపు కూడా ముఖ్యమైనది. వీటిని తొలగించుకోవడానికి బోలెడు ఇంటి చిట్కాల నుండి వాణిజ్య ఉత్పత్తుల వరకు చాలా వాడుతుంటారు. అయితే ఇంట్లోనే ఈ నలుపును వదిలించుకోవాలి అంటే ఈ టిప్స్ పాటించాలి. కొబ్బరినూనె.. తలకు రాసుకునే కొబ్బరినూనె మోచేతులు, మోకాళ్లపై నలుపు పోగొడుతుందా అనే అనుమానం వస్తుంది. కానీ కొబ్బరి నూనె ఈ సమస్యకు పరిష్కారంగా పనిచేస్తుంది.  కొబ్బరి నూనెను నల్లగా ఉన్న మోచేతులు, మోకాళ్ల చర్మం మీద మర్థనా చేస్తుంటే రఫ్ గా ఉన్న చర్మం సాధారణంగా మారుతుంది.  ఇది క్రమంగా చర్మం మీద నలుపును కూడా తొలగిస్తుంది. నిమ్మకాయ, పంచదార.. పంచదార, నిమ్మకాయ మిశ్రమంతో మోచేతులు, మోకాళ్ల నలుపు వదిలించుకోవచ్చు. నిమ్మకాయ చెక్కను పంచదారలో ముంచి మోకాళ్లు, మోచేతుల చర్మం పైన స్క్రబ్ చేయాలి. ఇది చర్మం నలుపును తొలగించడంలో సహాయపడుతుంది. శనగపిండి, టమాటా.. శనగపిండి చర్మ సంరక్షణలో చాలామంది వాడతారు. ఇది ఎంత శ్రేష్టమంటే సున్నితంగా ఉండే చిన్న పిల్లల చర్మానికి కూడా వాడతారు. టమాటాలో ఉండే సమ్మేళనాలు చర్మాన్ని క్లియర్ చేస్తాయి.  శనగపిండిలో టమాటా జ్యూస్ కలిపి నల్లగా చర్మం మీద రాయాలి. అనంతరం మర్దనా చేయాలి. దీన్ని ఒక అరగంట సేపు అలాగే ఉంచాలి. ఆ తరువాత చర్మాన్ని శుభ్రం చేసుకోవాలి.  ఇలా చేస్తే చర్మం నలుపు క్రమంగా తగ్గుతుంది. వోట్స్, పెరుగు.. ఓట్స్ కూడా ఈ మధ్యకాలంలో చర్మ సంరక్షణలో ఎక్కువగా వాడుతున్నారు. ముఖ్యంగా వోట్స్ బెస్ట్ స్క్రబ్ గా పనిచేస్తుంది.  ఓట్స్ లో పెరుగు కలపాలి.  ఈ మిశ్రమాన్ని చర్మం మీద అప్లై చేసి సుమారు 10 నుండి 15 నిమిషాలు మర్దనా చేయాలి. ఆ తరువాత శుభ్రం చేసుకోవాలి.                                                     *రూపశ్రీ.   

ముఖచర్మం మీద రంధ్రాలు పోవాలంటే ఇవి ఫాలో అవ్వండి!

ముఖచర్మం మీద రంధ్రాలు పోవాలంటే ఇవి ఫాలో అవ్వండి! ముఖం మీద ఎలాంటి మచ్చలు, రంధ్రాలు లేకుండా చర్మం యవ్వనంగా కనిపిస్తూ ఉండాలని అమ్మాయిలందరి ఆశ. కానీ మొటిమలు, మచ్చలు ఏర్పడటం, ముఖం మీద గుంటలు, రంధ్రాలు ఏర్పడటం చాలామంది విషయంలో జరుగుతుంది. ఓ హీరోయిన్ లానో, మోడల్ లానో ముఖం మెరిసిపోవాలని అనుకునేవారు అసలు ముఖం మీద మచ్చలు, రంధ్రాలు ఎందుకు వస్తున్నాయో తెలుసుకోవడం ముఖ్యం. సాధారణంగా ముఖం మీద, ముఖ్యంగా ముక్కు, నుదురు, బుగ్గలపై పెద్ద పెద్ద రంధ్రాలు కనిపిస్తాయి. వీటిని ఓపెన్ పోర్స్ అని అంటుంటారు. ఇలాంటివి ఉన్న వారి చర్మం కఠినంగా కాస్త ఎబ్బెట్టుగా అనిపిస్తూ ఉంటుంది. వీటిని పోగొట్టుకోవడానికి చాలా ప్రయత్నాలు చేసి విసిగిపోతుంటారు.  కొందరిలో ఇవి జన్యు పరమైన కారణాల వల్ల వస్తే.. మరికొందరిలో  వయస్సు పెరిగే కొద్దీ,  చర్మం స్థితిస్థాపకత, కొల్లాజెన్‌ను ఉత్పత్తి  కోల్పోతుంది, దీని వలన రంధ్రాలు పెద్దవిగా కనిపిస్తాయి. సూర్యరశ్మికి  ఎక్కువ గురికావడం కూడా చర్మానికి హాని కలిగిస్తుంది.  చర్మాన్ని సరిగ్గా శుభ్రపరచకపోవడం లేదా కఠినమైన ఉత్పత్తులను ఉపయోగించడం వంటి చర్యల వల్ల కూడా రంధ్రాలు ఏర్పడుతాయి. మహిళల  శరీరంలో హార్మోన్లలో హెచ్చుతగ్గులు ముఖం మీద నూనె  ఉత్పత్తి పెరగడానికి కారణం అవుతుంది. ఈ నూనెలే.. ముఖం మీద పెద్ద రంధ్రాలకు  దారితీస్తుంది. వీటిని పరిష్కరించుకోవాలంటే ఇలా చెయ్యాలి. ఉదయం సమయంలో.. సాలిసిలిక్ యాసిడ్ ఆధారిత ఫేస్ వాష్ ఉపయోగించాలి. ఇది  రంధ్రాలను తిరిగి చిన్నగా చేయడంలో సహాయపడుతుంది. ఫేస్ వాష్ తరువాత  AHA(ఆల్ఫా హైడ్రాక్సీ యాసిడ్) టోనర్‌ ఉపయోగించాలి. ఇందుకుగానూ నియాసినామైడ్ ఆధారిత సీరమ్ లేదా విటమిన్ సి ఆధారిత సీరమ్‌ని ఉపయోగించాలి. ఇవి రెండూ శక్తివంతమైన యాంటీఆక్సిడెంట్లు.   కొల్లాజెన్‌ను సమర్థవంతంగా ఉత్పత్తి చేసి చర్మరంధ్రాలను సాధారణంగా మార్చడంలో సహాయపడతాయి.  సీరమ్ అప్లై చేసిన తరువాత చివరగా  మాయిశ్చరైజర్,  సన్‌స్క్రీన్ ఉపయోగించాలి.  పడుకునే సమయంలో.. పడుకునే ముందు పైన చెప్పుకున్ననట్టు సాలిసిలిక్ యాసిడ్ ఫేస్ వాష్ తో  ముఖాన్ని శుభ్రం చేసుకోవాలి. పైన చెప్పుకున్నట్టు నియాసినామైడ్ ఆధారిత సీరమ్ లేదా విటమిన్ సి ఆధారిత సీరమ్‌ని ఉపయోగించాలి.  రాత్రి పూట ఉపయోగించకూడదు. దాని స్థానంలో  రెటినోల్ ఆధారిత సీరం ఉపయోగించాలి. సీరమ్ అప్లై చేసుకున్న తరువాత  మాయిశ్చరైజర్‌ని ఉపయోగించాలి. కొన్ని జాగ్రత్తలు.. సున్నితమైన క్లెన్సర్‌తో  ముఖాన్ని రోజుకు రెండుసార్లు కడగడం వల్ల మీ చర్మం నుండి అదనపు నూనె మరియు మురికిని తొలగించవచ్చు,  చర్మాన్ని వారానికి ఒకటి లేదా రెండుసార్లు ఎక్స్‌ఫోలియేట్ చేయడం వల్ల చర్మ రంధ్రాలను అన్‌లాగ్ చేయడం, చనిపోయిన చర్మ కణాలను తొలగించడం చేయచ్చు. ఇది  చర్మాన్ని ఆరోగ్యంగా ఉంచుకోవడంలో సహాయపడుతుంది. టోనర్  చర్మం  pHని సమతుల్యం చేయడానికి, రంధ్రాలను కుదించడానికి, చర్మం మీద నూనె లేదా ధూళిని తొలగించడానికి సహాయపడుతుంది. కాబట్టి టోనర్ వాడటం అలవాటు చేసుకోవాలి. మాయిశ్చరైజర్‌ను క్రమం తప్పకుండా ఉపయోగించడం వల్ల  చర్మాన్ని  హైడ్రేట్ గా ఉంచుకోవచ్చు, ఇది రంధ్రాల పరిమాణాన్ని తగ్గించడంలో సహాయపడుతుంది. క్లే మాస్క్‌లు  చర్మం నుండి అదనపు నూనె, దుమ్ము, ధూళితో  సహా మలినాలను బయటకు తీయడంలో సహాయపడతాయి. దీన్ని వారంలో రెండు సార్లు అయినా వాడుతుంటే చర్మరంధ్రాలు పరిమాణం తగ్గి చిన్నగా అవుతాయి.  చేతులతో పదే పదే ముఖాన్ని తాకడం వల్ల ఆయిల్ బ్యాక్టీరియాను వ్యాప్తి  చేస్తుంది. ఇది రంధ్రాలు మూసుకుపోయి మొటిమలు ఏర్పడటానికి,  పెద్ద రంధ్రాలు ఏర్పడటానికి దారితీస్తుంది. ప్రతిరోజూ సన్‌స్క్రీన్ రాసుకోవడం  వల్ల మీ చర్మాన్ని UV కిరణాల డ్యామేజ్ నుండి రక్షించుకోవచ్చు. ఆయిల్ ఫ్రీ స్కిన్‌కేర్ ఉత్పత్తులను ఉపయోగించడం వల్ల మీ చర్మంపై అదనపు నూనె పేరుకుపోకుండా నిరోధించుకోవచ్చు. ఇది ముఖరంధ్రాలు పెద్దగా మారకుండా ఉండేలా చేస్తుంది. ◆ నిశ్శబ్ద  

ముఖం మీద మచ్చలు, మొటిమలు,  పిగ్మెంటేషన్ కు అద్భుతమైన ఆయుర్వేద చిట్కాలు..!

ముఖం మీద మచ్చలు, మొటిమలు, పిగ్మెంటేషన్ కు అద్భుతమైన ఆయుర్వేద చిట్కాలు..!   ముఖం అందంగా కనిపించాలంటే ముందు చర్మం క్లియర్ గా ఉండాలి. కానీ చాలావరకు మహిళల ముఖం మీద మొటిమలు, మచ్చలు,  పిగ్మెంటేషన్ మొదలైనవి ఉంటాయి. వీటిని తగ్గించుకోవడం కోసం చాలా రకాల వాణిజ్య ఉత్పత్తులు వాడుతుంటారు. కానీ వీటి వల్ల ఎలాంటి ఫలితం ఉండదు. వీటి బదులు ఆయుర్వేదంలో అద్బుతమైన చిట్కాలు పాటించడం వల్ల మంచి ఫలితం ఉంటుంది.  ఇంకొక విషయం ఏమిటంటే.. ఇవి ఇంటిపట్టునే చక్కగా సులువుగా తయారుచేసుకుని వాడవచ్చు.  అవేంటో తెలుసుకుంటే.. మొటిమలుకు చిట్కాలు..  తులసి రసం.. తులసి ఆకుల రసం తీసుకుని ముఖానికి రాసి 10 నిమిషాల తర్వాత కడగాలి. ఇది యాంటీబాక్టీరియల్ గుణాలతో మొటిమలపై అద్భుతంగా పని చేస్తుంది. దీన్ని వారంలో ఒక సారి వాడవచ్చు. చందనం + పసుపు పేస్ట్.. చందనం పొడి + చిటికెడు పసుపు + తేనె కలిపి ముఖానికి రాసి 15 నిమిషాల తర్వాత కడగాలి.  ఇది చర్మాన్ని చల్లగా ఉంచుతుంది.   చర్మ రంధ్రాలు క్లీన్ అవుతాయి.  ముడతలుకి ఆయుర్వేద చిట్కాలు..  బాదం నూనె మర్దన ప్రతి రాత్రి నిద్రకు ముందు ముఖానికి 2–3 నిమిషాలు బాదం నూనెతో మర్దన చేయాలి.  ఇది చర్మాన్ని పోషిస్తుంది, ముడతలు తగ్గుతాయి. ఉసిరికాయ రసం.. రోజూ ఉదయం ఖాళీ కడుపుతో ఉసిరికాయ రసం తాగడం ద్వారా చర్మం బిగుతుగా ఉంటుంది. మొటిమల మచ్చలు, ముడతలు తగ్గుతాయి.  పిగ్మెంటేషన్ కి చిట్కాలు.. శెనగపిండి మాస్క్.. స్పూన్ శెనగపిండి + చిటికెడు పసుపు + 1 స్పూన్ పెరుగు + కొద్దిగా నిమ్మరసం. ఈ మిశ్రమాన్ని ముఖానికి ప్యాక్ లా వేసుకుని 15 నిమిషాల తర్వాత గోరువెచ్చని నీటితో కడగాలి.  ఇది స్కిన్ టోన్‌ను సమతుల్యం చేస్తుంది, మచ్చలు తగ్గుతాయి. పొటాటో ప్యాక్ .. బాగా తురిమిన ఆలుగడ్డ  + కొద్దిగా నిమ్మరసం కలిపి నల్లదనం ఉన్న చోట రాసి 15 నిమిషాల తర్వాత కడగాలి.  వారం 3 సార్లు చేస్తే మంచి ఫలితం.                                 *రూపశ్రీ.  

అందం పెరగడానికి శక్తివంతమైన ఆయుర్వేద చిట్కాలు..!

అందం పెరగడానికి శక్తివంతమైన ఆయుర్వేద చిట్కాలు..! అందంగా కనిపించాలని ప్రతి అమ్మాయి కోరుకుంటుంది.  అయితే అందం అంటే కేవలం చర్మ ప్రకాశమే కాదు, శరీరం, మానసిక ఆరోగ్యం, హార్మోన్ల సమతుల్యత అన్నీ కలిసిన సమపాళ్ళ సమ్మేళనం. ఆయుర్వేదం ప్రకారం అందం అంతర్గతంగా మొదలవుతుంది, అదే  బయటకు కూడా ప్రకాశిస్తుంది . అలా అందాన్ని లోపలి నుండి పొందగల ఆయుర్వేద చిట్కాలు కొన్ని ఉన్నాయి.  ఈ చిట్కాలు సహజమైనవి. ఇవి చర్మానికి చాలా సురక్షితంగా ఉంటాయి. పైగా తేలికగా ఇంటి వద్ద చేసుకోవచ్చు. ఆ చిట్కాలేంటో తెలుసుకుంటే.. అందం కోసం శక్తివంతమైన ఆయుర్వేద చిట్కాలు: ఉసిరికాయ (Amla) – సౌందర్య రహస్య రత్నంగా ఉసిరికాయను చెప్పవచ్చు.  రోజూ ఉదయం ఖాళీ కడుపుతో ఉసిరికాయ రసం లేదా పొడి తీసుకోవాలి. ఇది చర్మానికి గ్లో ఇస్తుంది, జుట్టు మందం చేస్తుంది, ముఖం మెరిసేలా చేస్తుంది. ఉసిరికాయ + తేనె కలిపి తీసుకోవడం వల్ల  చర్మ కాంతి పెరుగుతుంది. తేనె నిమ్మరసం.. తేనె + నిమ్మరసం – శక్తివంతమైన డిటాక్స్. ప్రతి ఉదయం గోరువెచ్చని నీటిలో నిమ్మరసం, తేనె కలిపి తాగడం మంచిది. ఇది శరీరాన్ని శుద్ధి చేసి, చర్మాన్ని తేలికపరుస్తుంది. ముడతలు, మొటిమలు తగ్గుతాయి. ఆయిల్ మసాజ్ లేదా అభ్యంగన..   వారానికి 2–3 సార్లు నెయ్యి, కొబ్బరినూనె, తాగర నూనెతో మర్దన చేయాలి. రక్త ప్రసరణ మెరుగవుతుంది, చర్మం మృదువుగా మెరుస్తుంది. తాగర నూనె + అశ్వగంధ పౌడర్ కలిపి ముఖానికి ప్యాక్ లా వాడవచ్చు. వ్యాయామం + యోగా.. శరీరాన్ని లోపలి నుండి అందంగా మార్చడంలో వ్యాయామం, యోగా బాగా సహాయపడతాయి. “సూర్య నమస్కారాలు”, “శిరసాసనం”, “ప్రాణాయామం” వంటివి చర్మ కాంతికి సహాయపడతాయి. వాపులు, బొబ్బలు, చర్మ మలినాలు తగ్గుతాయి. ఫేస్  ప్యాక్స్ .. పసుపు + చందనం + తేనె.. ఇది చాలా అద్బుతమైన పేస్ ప్యాక్. పసుపు – యాంటీసెప్టిక్ చందనం – చల్లదనం తేనె – మాయిశ్చరైజింగ్ గుణాలు కలిగి ఉంటుంది.  దీన్ని వారానికి 2 సార్లు వేసుకోవచ్చు. శెనగపిండి + పెరుగు + కొద్దిగా నిమ్మరసం.. స్కిన్ టోన్ ఈక్వలైజ్ చేయడానికి, మురికిని తొలగించడానికి ఇది చాలా బాగా సహాయపడుతుంది. పానీయాలు ... లోపలి అందం కోసం పానీయాలు తీసుకోవడం చాలా మంచి మార్గం. తులసి నీరు – రక్తాన్ని శుభ్రం చేస్తుంది. అశోకారిష్టం – మహిళల హార్మోన్లను సరిచేస్తుంది, స్కిన్ గ్లో పెరుగుతుంది. తాగరా కషాయం – టాక్సిన్లు తొలగించేందుకు సహాయపడుతుంది. నీరు – నిజమైన ఔషధం.  ఇది చర్మాన్ని ఆరోగ్యంగా ఉంచడంలో కీలక పాత్ర పోషిస్తుంది.  రోజుకు కనీసం 2.5 – 3 లీటర్లు నీరు తాగాలి. చర్మం శుభ్రంగా ఉండాలంటే ఇవి తప్పనిసరి.. ఎక్కువ రాత్రి మేల్కొనకూడదు — ఇది స్కిన్ బిగుదనాన్ని తగ్గిస్తుంది. హార్మోన్ డిస్టర్బెన్స్ ఉన్నట్లయితే  డాక్టర్ సలహా తీసుకోండి. మితమైన మేకప్ వాడితే  చర్మం చాలా సేఫ్ గా ఉంటుంది. ముఖ్యంగా రసాయనాలు ఎక్కువ లేని ఉత్పత్తులు మంచిది.                                  *రూపశ్రీ.

కొబ్బరి నూనెలో ఇవి మిక్స్ చేసి రాస్తే చాలు.. పొడవాటి జుట్టు మీ సొంతం..!

కొబ్బరి నూనెలో ఇవి మిక్స్ చేసి రాస్తే చాలు.. పొడవాటి జుట్టు మీ సొంతం..! జుట్టుకు ఉపయోగించే నూనెలలో కొబ్బరినూనె వాడే వారు అధికశాతం మంది ఉంటారు. కొబ్బరి నూనె మరీ చిక్కగా లేకుండా తేలికగా ఉంటుంది.  దీన్ని జుట్టుకు అప్లై చేసిన తరువాత జుట్టు ఆరోగ్యంగా,  మెరుస్తూ కనిపిస్తుంది.  సాధారణంగా కొబ్బరినూనెను తలకు పెట్టుకుని అలాగే ఉంచుకుంటారు.  మరుసటి రోజు లేదా రెండు రోజుల తరువాత తలస్నానం చేసేవారు కూడా ఉంటారు.  మరికొందరు మాత్రం కొబ్బరినూనెను తలకు పెట్టుకుని ఒక గంట ఆగి తలస్నానం చేస్తుంటారు.  పై పద్దతులలో ఎలా చేసినా జుట్టు ఆరోగ్యంగా పెరగడంలో ఇది సహాయపడుతుంది. అయితే సరైన కేశ సంరక్షణ లేకపోవడం, జుట్టు పలుచగా ఉండటం,  జుట్టు రాలిపోవడం వంటి సమస్యలు చాలా మంది ఎదుర్కొంటూ ఉంటారు.  ముఖ్యంగా జుట్టు పెరుగుదల సరిగా లేక నిరాశ పడేవారు కూడా ఉంటారు. ఇలాంటి వారు కొబ్బరినూనెలో కొన్ని పదార్థాలు మిక్స్ చేసి తలకు పెట్టుకుంటే మంచి ఫలితం ఉంటుంది.  ఎంతో మంది అమ్మాయిలు కలగనే పొడవాటి జుట్టు,  నడుము వరకు పెరిగే జుట్టు ఈ చిట్కాల వల్ల సాధ్యమవుతుంది.  ఇంతకీ ఇందుకోసం ఏం చేయాలంటే.. జుట్టుకు కొబ్బరినూనె.. కొబ్బరినూనెలో ఒమేగా-3 ఫ్యాటీ యాసిడ్లు,  విటమిన్-ఇ పుష్కలంగా ఉంటాయి.  ఇవి జుట్టును ఆరోగ్యవంతంగా ఉంచడంలో సహాయపడతాయి. జుట్టుకు పోషణ ఇస్తాయి.  కొబ్బరి నూనెలో కొన్ని పదార్థాలు మిక్స్  చేస్తే మరింత మంచి ఫలితాలు ఉంటాయి. వేప.. కొబ్బరినూనెలో వేప ఆకులను మిక్సీ వేసి కలపాలి.  ఈ నూనెను తలకు అప్లై చేసి మసాజ్ చేసుకోవాలి.  ఇలా చేస్తే జుట్టు పెరుగుదల అద్భుతంగా  ఉంటుంది. లేకపోతే కొబ్బరి నూనెలో వేప విత్తనాల నూనె కూడా కొద్దిగా కలిపి అప్లై చేసుకోవచ్చు. ఈ నూనె చాలా ప్రభావవంతంగా ఉంటుంది.  వారంలో రెండు సార్లు ఈ కాంబినేషన్ వాడుతుంటే జుట్టు పెరుగుదల చూసి ఆశ్చర్యపోతారు.  అంతేకాదు.. ఈ నూనె వాడటం వల్ల జుట్టు మందంగా కూడా మారుతుంది. దాల్చిన చెక్క .. కొబ్బరి నూనెలో దాల్చిన చెక్క పొడిని కలిపి జుట్టుకు రాసుకుంటే జుట్టు రాలడం తగ్గుతుంది.  జుట్టుకు మెరుపు వస్తుంది. అంతేకాదు జుట్టు రాలడం ఆగాక ఇది జుట్టు ఆరోగ్యంగా పెరగడంలో సహాయపడుతుంది.   కరివేపాకు.. జుట్టుకు కొబ్బరినూనె, కరివేపాకు కాంబినేషన్ ను చాలా ఏళ్ళ క్రితం నుండి వాడుతున్నారు.  కరివేపాకులో యాంటీ ఆక్సిడెంట్లు, బీటా కెరోటిన్, అమినో యాసిడ్స్ పుష్కలంగా ఉంటాయి.  ఇవి జుట్టు పొడవుగా పెరగడానికి సహాయపడతాయి.  కరివేపాకును కొబ్బరినూనెలో కలిపి వాడటమే కాకుండా ప్రతిరోజూ నాలుగైదు పచ్చి కరివేపాకులను ఉదయాన్నే ఖాళీ కడుపుతో తింటే జుట్టు పెరుగుదల అద్భుతంగా ఉంటుంది.                                                       *రూపశ్రీ.  

కళ్ళ కింద నల్లటి వలయాలను తొలగించే చిట్కాలు

  కళ్ళ కింద నల్లటి వలయాలను తొలగించే చిట్కాలు... పెరిగిపోతున్న ఒత్తిడి, తగ్గుతున్న నిద్రాసమయం ఫలితంగా కళ్ళ కింద నల్లటి వలయాలు. టీనేజ్ అమ్మాయిల నుంచి అన్ని వయసుల వారిని ఇబ్బంది పెట్టే ఈ నల్లటి వలయాలని కనిపించకుండా చేయడానికి చిన్న చిన్న జాగ్రత్తలు తీసుకుంటే చాలు. 1. మేకప్ వేసుకోవడానికి ముందు ఒక మంచి మాయిశ్చరైజర్ ని కళ్ళ కింద రాయండి. దాని వల్ల ఆ భాగంలో చర్మం తాజాదనాన్ని సంతరించుకుంటుంది. 2. సాధారణంగా మేకప్ వేసుకునే ముందు పౌండేషన్ అప్లై చేస్తారు. నల్లటి వలయాలు ఉన్నవాళ్లు ఫౌండేషన్ కంటే ముందు కంటి కింద ప్రైమర్ అప్లై చేస్తే చాలు. అది నలుపుదనం కనిపించకుండా చేస్తుంది. 3. ఇక నల్లటి వలయాలు ఎక్కువగా ఉన్నప్పుడు చాలా తక్కువ మేకప్ వేసుకోవాలి. ఎందుకంటే ఎంత ఎక్కువ మేకప్ వేసుకుంటే, కాసేపటికి అంత ఎక్కువగా ఆ నల్లటి వలయాలు బయటపడతాయి. 4. కన్సీలర్ వాడే అలవాటు ఉన్నవారు మరీ ముదురు రంగులో ఉన్న దానిని కాకుండా స్కిన్ టోన్ కు సరిపడే రంగుకి దగ్గరగా ఉండే బూడిద రంగులోది వాడటం మంచిది. ముదురు రంగు మరింతగా నల్లటి వలయాలు కనిపించేలా చేస్తుంది. ఇంకా చెప్పాలంటే మీరు వాడే ఫౌండేషన్ కంటే ఓ రెండు షేడ్లు లైట్ గా ఉండాలి మీ కన్సీలర్. అలాగే కళ్ళ కింద మేకప్ ప్యాచులాగా కనిపించ కూడదంటే క్రీమ్ లో ఉండే దానిని వాడండి. దానిని చాలా నెమ్మదిగా కళ్ళకింద వలయాలపై అద్దండి. 5. అలాగే మేకప్ తీసాకా చల్లటి నీటిలో ముంచిన మేత్తని వస్త్రాన్ని ఓ పదినిమిషాలు కళ్ళమీద పెట్టుకుంటే మంచిది.   -రమ

వారానికి రెండుసార్లు.. ఈ ఒక్క డ్రింక్ తాగితే జుట్టు ఎంత బాగా పెరుగుతుందంటే..!

  వారానికి రెండుసార్లు.. ఈ ఒక్క డ్రింక్ తాగితే జుట్టు ఎంత బాగా పెరుగుతుందంటే..!   మనిషి అందంగా కనిపించడంలో జుట్టు కీలక పాత్ర పోషిస్తుంది. ఒత్తుగా జుట్టు ఉండటం వల్ల చాలామంది ఎంతో ఆత్మివిశ్వాసంతో కూడా ఉంటారు. అయితే జుట్టు రాలే సమస్యలు పెరుగుతున్న ఈ కాలంలో నాణ్యమైన జుట్టు పెరుగుదల కలలా మారుతోంది.  చాలామంది అమ్మాయిల నుండి పురుషుల వరకు ప్రతి ఒక్కరు జుట్టు పెరుగుదల కోసం చాలా చిట్కాలు ట్రై చేసి నిరాశ చెందుతున్నారు. అయితే జుట్టును ఊహించని విధంగా పెంచి అందరినీ ఆశ్చర్యానికి గురిచేసే డ్రింక్ ఒకటుంది.   ఈ డ్రింక్ ను వారంలో కేవలం రెండు సార్లు తాగితే చాలు.. తొందరలోనే హెయిర్ గ్రోత్ ప్రారంభమవుతుంది. పలుచగా ఉన్న జుట్టు మందంగా కూడా మారుతుంది. అలాగే జుట్టు నల్లగా నిగనిగలాడుతుంది.  జుట్టుకు ఇన్ని రకాల ప్రయోజనాలు చేకూర్చే ఆ డ్రింక్ ఏంటో.. దాన్ని ఎలా తయారు చేయాలో తెలుసుకుంటే.. మునగాకు డ్రింక్.. మునగ ఆకు జుట్టుకు చాలా సహాయపడుతుంది.  చాలామంది మునగాకును లైట్ గా తీసుకుంటారు. కానీ ఇది షుగర్ పేషెంట్లకు,  అలాగే జుట్టు పెరుగుదలకు, కంటి ఆరోగ్యానికి, చర్మానికి.. ఇలా చాలా రకాలుగా మేలు చేస్తుంది. కావలసిన పదార్థాలు.. మునగ ఆకు.. ఒక గుప్పెడు క్యారెట్.. ఒకటి నిమ్మకాయ.. సగం నీరు.. ఒక గ్లాసు.. తయారు విధానం.. ఒక గుప్పెడు మునగ ఆకులను తీసుకుని మిక్సర్ జార్ లో వేయాలి. ఇందులో ఒక క్యారెట్ ను ముక్కలుగా కట్ చేసి వేయాలి. ఇందులో సగం కాయ  నిమ్మరసం పిండాలి.  తర్వాద దీంట్లో గ్లాసుడు నీరు పోసి బాగా గ్రైండ్ చేయాలి.  తర్వాత దీన్ని వడగట్టి తాగాలి. ఈ డ్రింక్ ను వారంలో రెండు సార్లు తాగాలి. మునగను వాడటం వల్ల  జుట్టుకు చాలా ప్రయోజనకరంగా ఉంటుంది . ఎందుకంటే ఇందులో విటమిన్లు ఎ, బి, సి,  ఇ వంటి అనేక పోషకాలతో పాటు ఐరన్  కూడా ఉంటుంది. ఇవన్నీ కలిసి జుట్టు రాలడాన్ని నివారించడంలో, జుట్టు పెరుగుదలను ప్రోత్సహించడంలో,  తల చర్మంతో సహా వాటిని ఆరోగ్యంగా ఉంచడంలో సహాయపడతాయి.                                                 *రూపశ్రీ.  

రోజూ ముఖానికి తేనె అప్లై చేస్తే ఎన్ని ప్రయోజనాలో మీకు తెలుసా!

  రోజూ ముఖానికి తేనె అప్లై చేస్తే ఎన్ని ప్రయోజనాలో మీకు తెలుసా!   తేనె ఆరోగ్యానికి అద్బుతమైన ఔషధం. తేనె శరీరానికి చేకూర్చే లాభాల గురించి చెప్పాలంటే పెద్ద లిస్టే తయారవుతుంది. రుచికి తియ్యగా, ఆహ్లాదంగా అనిపించే తేనె శరీరంలో ఏర్పడే అసౌకర్యాన్ని,  .. జబ్బులను తగ్గిస్తుంది. అయితే తేనెను ఇలా ఆహారంలోనే కాదు.. చర్మానికి కూడా ఉపయోగించవచ్చు.  తేనెను చర్మానికి ఉపయోగించడం వల్ల చాలా షాకింగ్ ఫలితాలు ఉంటాయి. ముఖ్యంగా ప్రతిరోజూ కొన్ని చుక్కల తేనెను ముఖానికి రాసుకుంటూ ఉంటే ఆశ్చర్యకరమైన ఫలితాలు ఉంటాయి. తేనె ఎలా పనిచేస్తుంది.. తేనెలో యాంటీ ఆక్సిడెంల్లు ఉంటాయి. ఇవి చర్మాన్ని ఫ్రీరాడికల్స్ నుండి కాపాడతాయి. తద్వారా చర్మం డ్యామేజ్ కావడం తగ్గుతుంది.  అంతేకాదు తేనెలో ఉండే సమ్మేళనాలు చర్మానికి బిగుతును ఇస్తాయి. ప్రతిరోజూ కొన్ని చుక్కల తేనెను ముఖానికి రాసుకుని 10 నిమిషాల తరువాత శుభ్రం చేసుకోవాలి.  ఇది చర్మాన్ని యవ్వనంగా ఉంచుతుంది. చర్మం మీద ముడతలు,  గీతలు తగ్గుతాయి.  ముఖాన్ని కాంతివంతంగా చేస్తుంది.  ఇది చర్మంలో కొల్లాజెన్ ఉత్పత్తిని పెంచడం ద్వారా చర్మానికి ఎలాస్టిక్ గుణాన్ని పెంచుతుంది. పొడి చర్మం ఉన్నవాళ్లకు తేనె భలే పనిచేస్తుంది. చర్మం పొడిబారడం తగ్గి చర్మం మృదువుగా మారుతుంది. చర్మంలో ఉండే డెడ్ స్కిన్ సెల్స్ తొలగిపోతాయి. తేనె చర్మాన్ని క్లియర్ చేస్తుంది.  తద్వారా కొత్త చర్మ కణాల ఉత్పత్తి ఆరోగ్యకరంగా ఉంటుంది.  ఇది చర్మాన్ని మెరిచేలా చేస్తుంది. మొటిమలు, చర్మ సంబంధ సమస్యలు, ర్యాషెస్ వంటి సమస్యలతో ఇబ్బంది పడేవారికి తేనె చక్కని మార్గం.  తేనెను రోజూ కొన్ని చుక్కలు ముఖానికి రాస్తుంటే ముఖం మీద మొటిమలు ఏర్పడటం తగ్గుతుంది. తరచుగా మొటిమల సమస్యతో ఇబ్బంది పడేవారికి ఈ చిట్కా ఎంతగానో సహాయపడుతుంది. మొటిమలకు కారణమయ్యే బ్యాక్టీరియా సులువుగా తొలగిపోతుంది.                                           *రూపశ్రీ.

పెడిక్యూర్ ఇంట్లోనే ఇలా ట్రై చేయండి.. బ్యూటీ పార్లర్ అక్కర్లేదు..!

  పెడిక్యూర్ ఇంట్లోనే ఇలా ట్రై చేయండి.. బ్యూటీ పార్లర్ అక్కర్లేదు..!   మగువలు శరీరంలో ప్రతి భాగం గురించి చాలా జాగ్రత్తలు తీసుకుంటారు. వెంట్రుకల నుండి పాదాల వరకు ప్రతీదీ వారి సౌందర్య సంరక్షణలో భాగమే.. ముఖ్యంగా పాదాలు చాలా తొందరగా ప్రభావానికి గురవుతూ ఉంటాయి.దుమ్ము,ధూళి,  కాలుష్యం,  ఎక్కువ తేమ తగలడం వంటి కారణాల వల్ల పాదాలు పగలడం,  గరుకుగా మారడం,  కళ కోల్పోవడం,  పాదాల చర్మం పొట్టులాగా లేవడం వంటివి జరుగుతూ ఉంటాయి.  ఈ కారణంగానే చాలామంది బ్యూటీ పార్లర్ కు వెళ్లి పాదాలకు పెడిక్యూర్ చేయించుకుంటూ ఉంటారు. కానీ కేవలం నిమ్మకాయ ఉంటే చాలు ఇంట్లోనే ఈజీగా పెడిక్యూర్ చేసుకోవచ్చు.   కావసిన పదార్థాలు.. ఇంట్లోనే పెడిక్యూర్ చేయడానికి  2, 3 నిమ్మ తొక్కలు 1 షాంపూ సాచెట్ ఆముదం బేబీ ఆయిల్ బేకింగ్ సోడా అవసరం అవుతాయి. పెడిక్యూర్ పేస్ట్.. 1 గ్లాసు నీటిని వేడి చేయాలి. మరుగుతున్న  నీటిలో  నిమ్మ తొక్కలు వేసి బాగా మరిగించాలి. ఇప్పుడు ఈ నీటిని ఒక పెద్ద పాత్రలో వేసి ఎక్కువ నీరు కలపాలి.  దీనివల్ల పాదాలకు సరిపడినంత నీరు సమకూరుతుంది.  ఇప్పుడు ఉడకబెట్టిన నిమ్మతొక్కకు  స్క్రబ్‌ మిశ్రమం వేసుకుని పాదాలను బాగా రబ్  చేసుకోవాలి. దీని తరువాత, నిమ్మ  తొక్కతో గోర్లు,  ముఖ్యంగా గోర్ల  మూలలను శుభ్రం చేయాలి. తర్వాత నీళ్లతో పాదాలను శుభ్రంగా కడగాలి. స్క్రబ్ ఎలా చేసుకోవాలంటే.. ఒక గిన్నెలో 1 టీస్పూన్ బేబీ ఆయిల్, 1 టీస్పూన్ ఆముదం,  1 టీస్పూన్ బేకింగ్ పౌడర్ మిక్స్ చేసి పేస్ట్ తయారు చేయాలి. ఈ పేస్టే ను పాదాలకు స్ర్కబ్ లాగా ఉపయోగించాలి.                                     *రూపశ్రీ.                  

అవాంఛిత రోమాలను శరీరంలో ఏ భాగం నుండి ఎలా తొలగించాలంటే..!

అవాంఛిత రోమాలను శరీరంలో ఏ భాగం నుండి ఎలా తొలగించాలంటే..!   అవాంఛిత రోమాలు సాధారణంగా అమ్మాయిలను చాలా ఇబ్బంది పెడుతూ ఉంటాయి. అందమైన దుస్తులు ధరించాలంటే కనీసం కాళ్లు చేతుల మీద కూడా వెంట్రుకలు లేకుండా జాగ్రత్త పడాల్సి ఉంటుంది. ఇక స్లీవ్ లెస్ దుస్తులు వేసుకోవాలంటే అండర్ ఆర్మ్ లో అవాంఛిత రోమాలు తొలగించుకోవాల్సిందే.. ముఖం మీద.. కొందరికి పెదవుల మీద.. మరికొందరు బికినీ ఏరియాలో అవాంఛిత రోమాలు తొలగిస్తుంటారు. ఇప్పట్లో అవాంఛిత రోమాలు తొలగించడానికి హెయిర్ రిమూవల్ క్రీములు,  రేజర్ లు అందుబాటులో ఉండటం వల్ల పెద్ద ఇబ్బంది ఏమీ లేకుండానే వాటిని తొలగిస్తుంటారు. కానీ ఏ ప్రాంతంలో అవాంఛిత రోమాలను ఎలా తొలగించాలో చాలామందికి తెలియదు. చర్మ సంరక్షణ నిపుణులు దీని గురించి ఏం చెప్పారో తెలుసుకుంటే.. చర్మవ్యాధి నిపుణుల అభిప్రాయం ప్రకారం ముఖంపై వెంట్రుకలను తొలగించడానికి సురక్షితమైన మార్గం షేవింగ్. ఇప్పట్లో మార్కెట్లో చాలా రేజర్ లు మాత్రమే కాకుండా చిన్నపాటి ఫేషియల్ హెయిర్ రిమూవర్ బ్లేడ్స్ కూడా అందుబాటులో ఉంటున్నాయి. పై పెదవులు,  కనుబొమ్మల దగ్గర  వెంట్రుకలను తొలగించడానికి థ్రెడింగ్ ఉత్తమ మార్గం.  ఇది చాలా కాలం పాటు  సురక్షితంగా ఉంటుంది. ఈ ప్రాంతాలలో షేపింగ్, వ్యాక్సింగ్ చేయరాదు. అండర్ ఆర్మ్ హెయిర్ తొలగించడానికి వాక్సింగ్ ఉత్తమ మార్గం. బికినీ ప్రాంతం కోసం కత్తెరతో హెయిర్ ను చిన్నగా కత్తిరించండి లేదా ట్రిమ్మర్‌ని ఉపయోగించండి. చేతులు,  కాళ్ళ నుండి అవాంఛిత రోమాలను తొలగించడానికి హెయిర్ రిమూవల్ క్రీమ్‌లను ఉపయోగించవచ్చు. మీరు చేతులు.  కాళ్ళపై వెంట్రుకలు చాలా వేగంగా  పెరిగే సమస్య ఉంటే, అప్పుడు ట్రిమ్మర్ ఉపయోగించవచ్చు. శరీరంలోని ఏ భాగానైనా అవాంఛిత రోమాలను శాశ్వతంగా తొలగించడానికి లేజర్ హెయిర్ రిమూవల్ చేయవచ్చు. సర్టిఫైడ్ డెర్మటాలజిస్ట్ మార్గదర్శకత్వంలో ఎల్లప్పుడూ లేజర్ హెయిర్ రిమూవల్ చేయించుకోవాలి.   హెయిర్ ను బట్టి  అనుగుణంగా లేజర్ శక్తిని వినియోగిస్తారు. డెర్మటాలజిస్టులు చెబుతున్న పద్ధతులు వేర్వేరు ప్రయోజనాలను కలిగి ఉంటాయి. షేవింగ్ గురించి మాట్లాడటం, షేవింగ్ చేయడం సులభం.   పార్టీకి వెళ్లవలసి వస్తే లేదా ఏదైనా పని ఉంటే చివరి నిమిషంలో దీన్ని చేయవచ్చు. అంతేకాదు షేవింగ్ చేయడం వల్ల నొప్పి ఉండదు. జాగ్రత్తగా షేవింగ్ చేయడం ముఖ్యం లేకపోతే చర్మంపై కోతలు ఏర్పడవచ్చు, లేదా  రేజర్ బర్న్ అయ్యే అవకాశం ఉంది. కొన్నిసార్లు షేవింగ్ చేయడం వల్ల ఇన్గ్రోన్ హెయిర్ సమస్య కూడా వస్తుంది. వ్యాక్సింగ్ చేస్తే  జుట్టు చాలా వారాల వరకు తిరిగి పెరగదు. వ్యాక్సింగ్ చేసేటప్పుడు ఖచ్చితంగా కొంత నొప్పి ఉంటుంది.  మైనం చాలా వేడిగా ఉంటే అది చర్మాన్ని కమిలిపోయేలా చేస్తుంది. అందుకే వ్యాక్సింగ్ చేసేటప్పుడు లేదా చేయించుకునేటప్పుడు జాగ్రత్తగా ఉండటం చాలా ముఖ్యం. హెయిర్ రిమూవల్  క్రీమ్‌తో హెయిర్ రిమూవ్ చేస్తుంటే ప్యాచ్ టెస్ట్ చేయించుకోవడం చాలా ముఖ్యం. ప్యాచ్ టెస్ట్ చేసిన తర్వాతే హెయిర్ రిమూవల్ క్రీమ్ వాడాలి.                                             *రూపశ్రీ.

సమ్మర్ లో మహిళలు తీస్కోవాల్సిన జాగ్రత్తలు

సమ్మర్ లో మహిళలు తీస్కోవాల్సిన జాగ్రత్తలు... సమ్మర్ హీట్ మోతెక్కిస్తోంది. బయటికి వెళ్లాలంటేనే భయం వేసేంతగా వాతావరణం మారిపోయింది. ఎక్కువగా బయట తిరిగే మహిళల చర్మం ఈ సమ్మర్ ఎఫెక్ట్ కు నల్లగా మారిపోవడం, మేని ఛాయ తగ్గిపోవడం లాంటి సమస్యలు ఎదురౌతుంటాయి. ముఖ్యంగా మధ్యాహ్నపు ఎండ చర్మానికి తీవ్రమైన హాని కలుగజేస్తుంది. మహిళల మృదువైన చర్మంలో ఉండే సాగే గుణాన్ని, సమ్మర్ హీట్ ధ్వంసం చేస్తుంది. అందుకే మరీ అవసరమైతే తప్ప, మహిళలు బయటికి వెళ్లకుండా ఉండటమే శ్రేయస్కరం. ఒక వేళ తప్పనిసరైతే మాత్రం, స్కార్ఫ్, గ్లోవ్స్ తో పాటు, సాక్స్ కూడా వేసుకోవడం తప్పనిసరి. ఉదయం ఏడింటి వరకూ వచ్చే ఎండ చాలా మంచిది. ఇది చర్మానికి అవసరమైన విటమిన్లను అందిస్తుంది. శరీరంలో హార్మోన్ల ఉత్పత్తితో పాటు, డి విటమిన్, కాల్షియం సమృద్ధిగా లభిస్తుంది. కానీ ఆ తర్వాతి నుంచి మాత్రం భానుడి భగభగలు మొదలవుతాయి. అందుకే సమ్మర్ లో బయటికి వెళ్లేప్పుడు మాయిశ్చరైజర్ కంపల్సరీ. రెండు మూడు గంటలకోసారి సన్ స్క్రీన్ లోషన్ రాసుకోవాలి. పెదాలు పొడిబారిపోయి, పగిలిపోకుండా లిప్ బాప్ వాడుతుండాలి. సన్ స్క్రీన్ రాసుకున్నంత మాత్రాన ఎండలో తిరగచ్చు అనుకుంటే పొరబాటే. ఎట్టి పరిస్థితుల్లోనూ వెంట గొడుగో లేక స్కార్ఫ్ తప్పనిసరిగా తీసుకెళ్లాలి. ఒక వేళ ఎండ వేడికి చర్మంపై రాష్ లు గానీ దురదలు గానీ వస్తుంటే, కలబందతో తయారైన జెల్ వాడితే తక్షణ ఉపశమనం లభిస్తుంది. కుటుంబ ఆరోగ్యచరిత్రలో చర్మకాన్సర్ ఉన్నవాళ్లు వీలైనంత వరకూ ఎండలో తిరగడాన్ని నివారించాలి. సమ్మర్ అంతా బి, సి, ఇ, విటమిన్లు, కెరోటిన్‌, సెలీనియం, యాంటీఆక్సిడెంట్లు ఎక్కువగా లభించే ఆహారాన్నే ఎంచుకోవాలి. ద్రాక్ష, చెర్రీ, బెర్రీలు, ఆపిల్‌, గ్రీన్‌టీ, ఉల్లిపాయ, బొప్పాయి, నిమ్మజాతిపండ్లు లాంటి ఫ్లేవనాయిడ్ల ఆధారిత ఆహారానికి ఎక్కువగా ప్రాధాన్యమివ్వాలి. వీటివల్ల శరీరంలో తేమ శాతం పెరుగి అలసట దూరమవుతుంది.

ముఖం పై బ్లీచ్ ను ఎంతసేపు ఉంచుకోవాలి!

ముఖం పై బ్లీచ్ ను ఎంతసేపు ఉంచుకోవాలి !   ముఖం గ్లో పెంచడానికి మహిళలు ఫేషియల్ తర్వాత బ్లీచింగ్ ట్రీట్‌మెంట్ మీకు ఎక్కువ ప్రాధాన్యత ఇస్తారు.  ఈ బ్యూటీ ట్రీట్‌మెంట్ తో  ముఖంపై అవాంఛిత రోమాలు కూడా తొలగిపోతాయి. బ్లీచింగ్ పద్ధతి చాలా సులభం అయినప్పటికీ కొన్నిసార్లు ఇది  సైడ్ ఎఫెక్ట్స్ ఇస్తుంది.  అందుకే బ్లీచ్ చేసుకునే ముందు లేదా చేయించుకునే ముందు   కొన్ని జాగ్రత్తలు తీసుకోవాలి. ముఖం మీద బ్లీచ్‌ను ఎంతకాలం ఉంచాలో.. ఇతర జాగ్రత్తలు ఏంటో తెలుసుకుంటే.. ఏం చేయాలి.. ముఖం మీద బ్లీచ్ ను 10 నిమిషాలు మాత్రమే ఉంచాలి. దీని కంటే ఎక్కువ సమయం ఉంచితే అది  చర్మానికి  హాని కలిగిస్తుంది, ఇది  చర్మానికి హాని కలిగించే క్లోరిన్ వినియోగాన్ని పెంచుతుంది.  అలెర్జీలు వచ్చే అవకాశాలను కూడా పెంచుతుంది. రాత్రిపూట బ్లీచ్ వేయడం ఉత్తమం. ఇది సహజ కాంతిని తిరిగి తీసుకురావడానికి సహాయపడుతుంది.  ముఖ్యమైన విషయం ఏమిటంటే బ్లీచ్ తొలగించిన తర్వాత ముఖంపై మరే ఇతర క్రీమ్ ఉపయోగించకూడదు. ఇది చర్మానికి హాని కలిగిస్తుంది. చర్మం నుండి అదనపు నూనె,  మురికిని తొలగించడానికి  మూసుకుపోయిన చర్మ రంధ్రాలను తెరవడానికి బ్లీచింగ్ చేయడానికి ముందు  ముఖాన్ని శుభ్రం చేయడం చాలా ముఖ్యం. ఏం చేయకూడదు.. బ్లీచింగ్ చేసిన వెంటనే ఎండలోకి వెళ్లకూడదు. బ్లీచింగ్  చర్మాన్ని సున్నితంగా చేస్తుంది.  ఎండలోకి వెళితే సూర్య కిరణాలు ఈ సున్నితత్వాన్ని పెంచుతాయి. కుదిరితే బ్లీచింగ్ తరువాత 48 గంటల పాటూ ఎండ తగలకుండా ఉండటం మంచిది. దద్దుర్లు లేదా చికాకును నివారించడానికి కళ్ళు లేదా పెదవుల వంటి సున్నితమైన ప్రదేశాలలో బ్లీచ్‌ను పూయడం మానుకోవాలి.                                         *రూపశ్రీ.

రైస్ పేపర్ ఫేస్ మాస్క్..మ్యాజిక్ చేసే ఈ మాస్క్ గురించి విన్నారా!

రైస్ పేపర్ ఫేస్ మాస్క్..మ్యాజిక్ చేసే ఈ మాస్క్ గురించి విన్నారా!     షీట్ మాస్క్‌లు ప్రపంచానికి పరిచయం అయినప్పటి నుండి చాలా ట్రెండ్ అవుతూనే ఉన్నాయి. షీట్ మాస్క్ లలో చాలా రకాలు ఉంటాయి. ప్రూట్స్ కాంబినేషన్ లో ఉన్న షీట్ మాస్క్ లు ముఖానికి తాజా మెరుపును,  కాంతిని ఇస్తాయి.  ఇకపోతే చాలామందికి బియ్యం అనేది ఆహార పదార్థం.  బియ్యం కడగగా లేదా బియ్యం ఉడికించగా అందులో మిగిలే నీటిని నిరభ్యరంతంగా సింకులో పోసేస్తుంటారు.  అయితే ఇది పొరపాటని చర్మ సంరక్షణ నిపుణులు చెబుతున్నారు.   బలమైన జుట్టుకు, ఆరోగ్యకరమైన చర్మానికి ఈ రైస్ వాటర్ లేదా బియ్యం ఉడికించిన నీటిని ఉపయోగించవచ్చు.  పెద్దగా ఖర్చు లేకుండానే  సన్నని బియ్యం కాగితపు షీట్లతో తయారు చేసిన మాస్క్ లను ఉపయోగించవచ్చు.  ఈ మాస్క్ చర్మాన్ని హైడ్రేట్ చేయడానికి, చర్మ కాంతిని  మెరుగుపరచడానికి సహాయపడుతుంది.  దీన్ని షాప్స్ లో అయినా  కొనుగోలు చేసి నేరుగా ఉపయోగించవచ్చు లేదా ఇంట్లో అయినా తయారు చేసుకోవచ్చు.  దీని గురించి వివరంగా తెలుసుకుంటే.. బియ్యం షీట్ ఫేస్ మాస్క్.. ఇది బియ్యంతో సన్నని షీట్లుగా  తయారు చేయబడిన ఒక రకమైన బ్యూటీ ట్రీట్మెంట్. ఇది చర్మానికి పోషకాలను  అందించడానికి సహాయపడుతుంది.  ఈ మాస్క్ సాధారణంగా హైడ్రేటింగ్ సీరమ్‌లు, విటమిన్లు, ఖనిజాలు,  యాంటీఆక్సిడెంట్లు వంటి వివిధ పోషక పదార్థాలతో నింపబడి ఉంటుంది. రైస్ పేపర్స్ అని మార్కెట్లో దొరుకుతాయి.  వాటిని కొనుగోలు చేసి అయినా వాడచ్చు. లేదంటే టిష్యూ పేపర్స్ ఉంటాయి.  వాటిని షీచ్ మాస్క్ షేప్ లో కట్ చేసి అన్నం ఉడికించిన చిక్కటి ద్రవంలో ఈ షీట్ ను నాన బెట్టి ఆ తరువాత జాగ్రత్తగా ముఖం మీద మాస్క్ లాగా వేసుకోవాలి.  ఈ షీట్ మాస్క్ చాలా ప్రయోజనాలను అందిస్తుంది. చర్మాన్ని హైడ్రేట్ చేస్తుంది.. ఈ షీట్ మాస్క్ చాలా మాయిశ్చరైజింగ్ గా ఉంటుంది. ఇది హైడ్రేటింగ్ సీరమ్స్ ఏజెంట్స్ ను కలిగి ఉంటుంది.  కాబట్టి ఇది చర్మం  పొడిబారకుండా నిరోధించి,  చర్మానికి  పోషణ ఇస్తుంది.  "ఇది ముఖ్యంగా పొడి చర్మం ఉన్నవారికి , అదనపు హైడ్రేషన్ అవసరమయ్యే వారికి ప్రయోజనకరంగా ఉంటుంది.  చర్మాన్ని కాంతివంతం చేస్తుంది.. బియ్యం కాగితం ఫేస్ మాస్క్‌లో సాధారణంగా విటమిన్ సి, బియ్యం సారం,  నియాసినమైడ్ వంటి పదార్థాలు ఉంటాయి. ఇవన్నీ చర్మాన్ని ప్రకాశవంతం చేస్తాయి. ఈ పదార్థాలు నల్ల మచ్చలు,  హైపర్‌పిగ్మెంటేషన్‌ను తగ్గించడంలో పనిచేస్తాయి.  విటమిన్ సి చర్మంలో వర్ణద్రవ్యం ఉత్పత్తిని నిరోధించడం ద్వారా నల్ల మచ్చలను తగ్గిస్తుంది. సన్ బర్న్ నుండి ఉపశమనం.. ముఖ్యంగా  సన్‌స్క్రీన్ ఉపయోగించకుండా బయటకు వస్తే ఎక్కువసేపు ఎండలో ఉండటం వల్ల చర్మం కందిపోతుంది. బియ్యం ఉత్పత్తులను ఉపయోగించడం వల్ల సూర్యుడి నుండి చర్మ నష్టాన్ని మెరుగుపరచడంలో సహాయపడుతుంది. రైస్ పేపర్‌తో తయారు చేసిన ఫేస్ మాస్క్‌లో చర్మానికి ఓదార్ఫు ఇచ్చే  లక్షణాలు ఉంటాయి. అవి సన్ బర్న్ ను  ఎదుర్కోవడంలో సహాయపడతాయి.  చర్మ ఆకృతి.. ఈ రకమైన ఫేస్ మాస్క్ చర్మ ఆకృతిని మెరుగుపరచడంలో సహాయపడుతుంది. ఎందుకంటే ఇది సున్నితమైన ఎక్స్‌ఫోలియేషన్‌కు సహాయపడుతుంది. ఇది చర్మంపై ఉన్న కఠినమైన మచ్చలను సున్నితంగా చేయడానికి సహాయపడుతుంది. ఇది చర్మ పునరుత్పత్తిని కూడా ప్రోత్సహిస్తుంది. ఇది కాలక్రమేణా చర్మ ఉపరితలం మృదువుగా అనిపించేలా చేస్తుంది. వృద్ధాప్యానికి చెక్ పెడుతుంది. రైస్ పేపర్ ఫేస్ మాస్క్ తరచుగా కొల్లాజెన్,  హైలురోనిక్ యాసిడ్ వంటి పదార్థాలతో నింపబడి ఉంటుంది, ఇవి యాంటీ ఏజింగ్ లక్షణాలకు ప్రసిద్ధి చెందాయి. ఈ పదార్థాలు చర్మ స్థితిస్థాపకతను మెరుగుపరచడం,   చర్మానికి లోతుగా తేమను  అందించడం ద్వారా చక్కటి గీతలు,  ముడతలను  తగ్గించడంలో సహాయపడతాయి.  సున్నితమైన చర్మానికి.. రైస్ షీట్ మాస్క్  మృదువైనది  రాపిడి లేకుండా ఉంటుంది. కాబట్టి సున్నితమైన చర్మం ఉన్నవారికి ఇది ఒక గొప్ప ఎంపిక. బియ్యం నుండి తీసుకోబడిన చర్మ సంరక్షణ ఉత్పత్తులు సురక్షితమైనవి.  చికాకు కలిగించవు. కఠినమైన ఫేస్ మాస్క్‌ల మాదిరిగా కాకుండా, బియ్యం కాగితం ఫేస్ మాస్క్ చర్మానికి సున్నితంగా అంటుకుంటుంది. చికాకు లేదా అసౌకర్యాన్ని కలిగించదు.                                    *రూపశ్రీ.

మామిడికాయను తినడానికే కాదు.. ముఖానికి కూడా వాడచ్చు ఇదిగో ఇలా..!

మామిడికాయను తినడానికే కాదు.. ముఖానికి కూడా వాడచ్చు ఇదిగో ఇలా..!     పండ్ల రారాజు మామిడి పండు.  వేసవి కోసం చాలా మంది ఎదురు చూసేది మామిడి పండ్ల కోసమే అంటే అతిశయోక్తి కాదు. కానీ మామిడి పండును కేవలం తినడానికే కాదు.. ముఖానికి కూడా ఉపయోగించ వచ్చు.  దీని వల్ల అందం పెరుగుతుంది.  మెరిసే చర్మం సొంతమవుతుంది.  దీని కోసం మామిడి పండును ముఖానికి ఎలా వాడాలో తెలుసుకుంటే.. మామిడికాయ గుజ్జు.. మామిడికాయ గుజ్జులో విటమిన్-సి,  బీటా కెరోటిన్ ఉంటాయి.  ఇవి సహజంగా చర్మాన్ని మెరిపించడంలోనూ, పొడి చర్మాన్ని మృదువుగా ఉంచడంలోనూ సహాయపడతాయి.  ముఖాన్ని కాంతివంతంగా మార్చుకోవడం కోసం మామిడికాయ గుజ్జును ముఖానికి అప్లై చేయవచ్చు. మామిడి కాయ, ముల్తానీ మట్టి ఫేస్ ప్యాక్.. ముఖం పై టానింగ్,  ముడతలను తగ్గించడానికి మామిడి, ముల్తానీ మట్టి ఫేస్ ప్యాస్ ను ఉపయోగించవచ్చు.  దీన్ని తయారు చేసుకోవడం కూడా సులభం. కావలసిన పదార్థాలు.. పండిన మామిడి పండు. ముల్తాని మట్టి.. పెరుగు.. తయారీ విధానం.. మామిడి పండు గుజ్జు తీయాలి.  ఈ గుజ్జులో పెరుగు వేయాలి.  ఇందులోనే ముల్తానీ మట్టి వేసి బాగా మిక్స్ చేయాలి.  ఈ పేస్ట్ ను ముఖానికి పట్టించి ఆరిన తరువాత చల్లని నీటితో కడిగేసుకోవాలి. లిప్ బామ్.. మామిడి పండుతో లిప్ బామ్ కూడా తయారు చేసుకోవచ్చు. ఇది మంచి ఫ్లేవర్ తో భలే ఉంటుంది.  పగిలిన పెదవులకు రెగ్యులర్ గా ఈ లిప్ బామ్ వాడుతూ ఉంటే పెదవులు ఆరోగ్యంగా ఉంటాయి. ఇందులో విటమిన్లు, ఖనిజాలు,  కొవ్వు ఆమ్లాలు పెదవులను మృదువుగా చేస్తాయి. మామిడి తొక్కల పేస్ట్.. ముఖం ప్రకాశవంతంగా ,  అందంగా కనిపించడానికి మామిడి తొక్కలను ఉపయోగించవచ్చు. ఇందుకోసం మామిడి తొక్కలను మిక్సీలో మెత్తగా గ్రైండ్ చేయాలి.  దీనికి రోజ్ వాటర్ జోడించాలి.  దీన్ని ముఖానికి అప్లై చేయాలి.  ఇది చర్మాన్ని ఎక్స్పోలియేట్ చేస్తుంది. మామిడి ఐస్ క్యూబ్స్.. ముఖం మీద వాపు,  నల్లటి మచ్చలు ఉంటే మామిడి రసం ను ఐస్ ట్రే లలో వేసి ఐస్ క్యూబ్స్ తయారు చేసుకోవాలి.  ఈ ఐస్ క్యూబ్స్ ను ముఖం మీద అప్లై చేయాలి.  ఇది ముఖాన్ని తాజాగా,  తేమగా ఉంచుతుంది.                                              *రూపశ్రీ.  

తెలిసి తెలియక చేసే ఈ తప్పుల వల్లే జుట్టు రాలిపోతుంది..!

తెలిసి తెలియక చేసే ఈ తప్పుల వల్లే జుట్టు రాలిపోతుంది..! ఈ రోజుల్లో ప్రతి ఇద్దరు వ్యక్తులలో ఒకరు  జుట్టు రాలడమనే సమస్యతో బాధపడుతున్నారు. జుట్టు రాలడానికి చాలా కారణాలు ఉంటాయి.  వాటిలో ప్రధాన కారణం విపరీతమైన వేడి, మారుతున్న వాతావరణం,  చెడు ఆహారపు అలవాట్లు అని ప్రజలు అనుకుంటారు. ఇది చాలా వరకు నిజం. కానీ జుట్టు రాలడానికి  ఆ వ్యక్తే ముఖ్యమైన  కారణం కావచ్చని చాలా మందికి తెలియదు.  నిజానికి తెలిసి లేదా తెలియకుండా చేసే కొన్ని తప్పులు కూడా జుట్టు రాలడానికి కారణమవుతాయి.  జుట్టు ఎక్కువగా రాలిపోతుంటే ఖరీదైన జుట్టు సంరక్షణ ఉత్పత్తులను ఉపయోగించడం చాలామంది చేసే మొదటి పని. ఇలా చేసిన తర్వాత కూడా జుట్టు రాలడం తగ్గకపోతే వారు తప్పుగా వెళుతున్నారనే అర్థం.  చాలా మంది చేసే తప్పుల గురించి తెలుసుకుంటే.. తలస్నానం.. ప్రతి ఒక్కరూ తమ జుట్టు రకాన్ని బట్టి జుట్టు కడుక్కోవాలి. కానీ చాలామందికి తమ  జుట్టు రకం తెలియదు. జుట్టు రకం ఏదో తెలియని వారు వారానికి మూడు సార్లు మాత్రమే  జుట్టును కడుక్కోవాలి. జుట్టును మూడు సార్లు కంటే ఎక్కువ వాష్ చేస్తుంటే అది బలహీనంగా మారడం ప్రారంభమవుతుంది. జుట్టు  ఒకసారి బలహీనంగా మారితే అది రాలిపోవడాన్ని  ఎవరూ ఆపలేరు. తల చర్మం.. తరచుగా ప్రజలు తమ జుట్టును క్రమం తప్పకుండా వాష్ చేసుకుంటారు.  కానీ తల చర్మాన్ని సరిగ్గా శుభ్రం చేయరు. దీని కోసం జుట్టుకు సరైన మొత్తంలో షాంపూ వేసి ఆపై శుభ్రం చేసి బాగా కడగాలి. తద్వారా తల చర్మం శుభ్రంగా మారుతుంది. తలపై చర్మం మురికిగా ఉండటం వల్ల జుట్టు బలహీనంగా మారుతుంది. తడి జుట్టును దువ్వడం.. ఉదయం జుట్టును పూర్తిగా ఆరబెట్టి తరువాత దువ్వుకోవడానికి ఎవరికీ తగినంత సమయం ఉండదు. కానీ తడి జుట్టును ఎప్పుడూ దువ్వకూడదని  గుర్తుంచుకోవాలి. తడి జుట్టును దువ్వడం వల్ల జుట్టు మూలాలు బలహీనపడతాయి. దీనివల్ల జుట్టు వేగంగా రాలిపోతుంది. జుట్టును గట్టిగా కట్టడం..  జుట్టును ఎప్పుడూ గట్టిగా కట్టకూడదు. తరచుగా మహిళలు వేడిని నివారించడానికి జుట్టును చాలా గట్టిగా కట్టుకుంటారు. దీనివల్ల జుట్టు మూలాలు స్వయంచాలకంగా బలహీనపడతాయి. అందువల్ల  జుట్టును గట్టిగా కట్టుకునే బదులు, కొంచెం వదులుగా కట్టుకోవాలి. కొప్పు పెట్టుకుంటున్నా జుట్టు వదులుగా ఉండాలి.  అలాగే చాలా టైట్ గా ఉండే రబ్బర్ బ్యాండ్ లను వాడటం ఆపేయాలి. వేడి చేసే ఉపకరణాలు.. ఈ రోజుల్లో పురుషులు,  మహిళలు ఇద్దరూ తమ జుట్టును స్టైల్ చేయడానికి వేడి చేసే సాధనాలను ఉపయోగిస్తున్నారు. స్ట్రెయిట్నర్లు, కర్లర్లు, బ్లో డ్రైయర్లు జుట్టును బలహీనపరుస్తాయి. కాబట్టి వీలైనంత తక్కువగా వాడాలి. వీలైనంత వరకు వాటికి దూరంగా ఉండండి.                               *రూపశ్రీ.