బిగ్ బాస్ తెలుగు 10 గ్రాంఢ్ గా స్టార్ట్ అయింది. నాగార్జున హోస్ట్ గా దశావతారం థీమ్ తో హౌస్ లోకి 16 మంది కంటెస్టెంట్స్ ఎంట్రీ ఇచ్చారు. అందులో జబర్దస్త్ నుంచి ఇద్దరు స్టార్ కమెడియన్స్ ఆటో రామ్ ప్రసాద్, పొట్టి నరేష్ కూడా ఉన్నారు. లాంఛ్ రోజే ఇద్దరి మధ్య ఫుల్ కామెడీ నడిచింది. అదే స్టేజ్ పై నరేష్ వయసు విషయంలో రామ్ ప్రసాద్ నోరు జారాడు.
బుల్లితెరపై చిన్న పిల్లాడిలా కనిపించే నరేష్ వయసు ఎప్పుడూ సస్పెన్స్ గానే ఉంటుంది. మూడు నాలుగు సంవత్సరాల క్రితం జబర్దస్త్ లో తన వయసు గురించి.. ఒక స్కిట్ లో 24 అని చెప్పాడని, దానికి రోజా కూడా 24 ఏళ్లు అని అందని టాక్. అయితే లేటెస్ట్ గా నరేష్ పుట్టింది జూన్ 18, 1999 అని చెప్తున్నారు. దీని ప్రకారం 2026 కి అతని వయసు 27 ఏళ్లు అవుతుంది. బిగ్ బాస్ స్టేజ్ పై నాగార్జున.. నరేష్, నీ వయసు ఎంత అని సరదాగా అడిగితే పక్కనే ఉన్న రామ్ ప్రసాద్ వెంటనే.. సర్.. వీడు చూడ్డానికి బుడ్డోడిలా ఉన్నా, వయసు 27 సర్.. మా జబర్దస్త్ లో మాస్టర్ నరేష్ అని పిలిచేవాళ్ళం.. ఇప్పుడు 26 దాటిందని చెప్పేసాడు. దీంతో నరేష్ సిగ్గుపడుతూ నవ్వేస్తాడు. నాగార్జున కూడా.. ఏంటి 27 ఏళ్లా? అస్సలు నమ్మలేమని షాక్ అయ్యాడు. ఈ వీడియో ఇప్పుడు సోషల్ మీడియాలో వైరల్ అవుతోంది.
నరేష్ గుంటూరుకు చెందినవాడు. 9వ తరగతిలోనే స్కూల్ మానేసి, అన్నపూర్ణ స్టూడియోస్ బయట తిరుగుతుంటే సుధాకర్ చూసి ఛాన్స్ ఇచ్చాడని, 2014 డిసెంబర్ 25న తొలి స్కిట్ చేశాడని తన ఇంటర్వ్యూల్లో చెప్పాడు. ఆ లెక్కన అప్పటికి 14 ఏళ్లు అని చెప్తారు. రంగస్థలం, ఉమా మహేశ్వర ఉగ్రరూపస్య సినిమాల్లో కూడా నటించాడు. ఇప్పుడు బిగ్ బాస్ హౌస్ లో రామ్ ప్రసాద్ తో కలిసి కామెడీ పండిస్తున్నాడు.
