ఆఫీసులో క్మిస్మస్ పార్టీ.. ఇదిగో సూపర్ ఔట్ ఫిట్ డిటైల్స్..! ప్రతి సంవత్సరం డిసెంబర్ 25న క్రిస్మస్ జరుపుకుంటారు. ఈ పండుగ కోసం  ఏడాది పొడవునా ఎదురు చూసేవారు ఉన్నారంటే ఆశ్చర్యం లేదు. ముఖ్యంగా కార్పోరేట్ కంపెనీలు విదేశాలకు చెందినవి కావడంతో చాలా కార్పోరేట్ ఆఫీసులలో క్రిస్మస్ సెలబ్రేషన్ చాలా గ్రాండ్ గా జరుగుతుంటుంది.  సీక్రెట్ శాంటా పేరుతో గిఫ్ట్ లు ఇచ్చుకోవడం నుండి కేక్ కటింగ్,  గేమ్స్, పార్టీ.. ఇలా చాలా జరుగుతుంది.   ఈ సందర్భంగా చాలా అందంగా కనిపించాలని ప్రతి అమ్మాయి కోరుకుంటుంది. ఇంటి దగ్గర పండుగ జరుపుకున్నట్టు కాకుండా ఆపీసులో పార్టీ కావడంతో  అటు అందం చెదరకూడదు, ఇటు హుందాగా కూడా ఉండాలి. ఇలాంటి ఔట్ పిట్ కోసం చాలా ఎదురు చూస్తారు.  సౌకర్యంగా ఉంటూ అందంగా, ఆకర్షణీయంగా అందరి దృష్టిని ఆకర్షించాలంటే కింద చెప్పుకునే ఔట్ ఫిట్ లు ట్రై చేయవచ్చు. అలాగే ఎంచుకునే రంగులు కూడా కీలక పాత్ర పోషిస్తాయి.  ఇంతకీ ఆ ఔట్ ఫిట్ లు ఏంటో తెలుసుకుంటే.. రెడ్-గ్రీన్ షేడ్స్.. క్రిస్మస్ పండుగకు కేటాయించిన  రంగులు ఎరుపు, ఆకుపచ్చ. ఈ రంగుల దుస్తులు, చొక్కాలు లేదా చీరలు ధరించవచ్చు.  క్యాజువల్ పార్టీకి అటెండ్ అవుతుంటే ఎరుపు రంగు స్వెటర్,  డెనిమ్‌తో కూల్‌గా కనిపించవచ్చు.  దుస్తులలో ఎరుపు, ఆకుపచ్చ లేదా తెలుపు రంగులు ఉండేలా చూసుకుంటే పార్టీకి న్యాయం చేసినట్టే. షైనింగ్ దుస్తులు..  పార్టీ కొంచెం గ్లామరస్ గా ఉంటే బంగారు లేదా వెండి గ్లిట్టర్ డ్రెస్  మంచి ఎంపిక అవుతుంది. ఇది పార్టీలో జిగేలు రాణి లాంటి లుక్ ఇస్తుంది. ఈ లుక్  పార్టీకి స్టార్ గా మార్చేస్తుంది. అయితే  ఆఫీసుకి గ్లిట్టర్ డ్రెస్ రెగ్యులర్ గా వేసుకునేవారు పార్టీలో కూడా అదే వేసుకుంటే ప్లాన్ బెడిసికొట్టే అవకాశం ఉంటుంది. కాబట్టి డైలీ వేర్ లో గ్లిట్టర్ వాడేవారు దీన్ని పార్టీలో అవాయిడ్ చేయాలి. చీర.. క్రిస్మస్ పార్టీకి సాంప్రదాయ లుక్ కావాలంటే ఎరుపు లేదా ఆకుపచ్చ చీర ధరించడం బెస్ట్. భారతీయ సంప్రదాయ దుస్తులలో చీర అగ్రస్థానంలో ఉంటుంది. అలాంటి దుస్తులను క్రిస్మస్ పార్టీకి జోడిస్తే మరింత ప్రత్యేకంగా కనిపిస్తారు. ఆల్-బ్లాక్ లుక్.. సింపుల్ గా గ్రాడ్ లుక్ కావాలి అంటే  మంచి నలుపు రంగు దుస్తులను ఎంచుకోవాలి. నల్లటి దుస్తులతో జత చేసిన రెట్రో-శైలి ఆభరణాలు చాలా  ఆకర్షణీయంగా కనిపిస్తాయి. పూర్తిగా నల్లటి లుక్ చాలా అందంగా, మెస్మరైజ్ చేస్తూ  క్లాసీగా కనిపిస్తుంది. యాక్ససరీస్..  క్రిస్మస్ పార్టీలో దుస్తులతో పాటు లుక్ మొత్తం సూపర్ గా కనిపించడానకి స్టైలిష్ బెల్ట్, నగలు లేదా  ట్రెండీ గా ఉండే   హ్యాండ్‌బ్యాగ్ వంటి కొన్ని మంచి  యాక్ససరిస్ ను  ఎంచుకోండి. వీటిని  ఎంచుకొనేటప్పుడు అవి ఓవర్ గా ఉండేలా చూసుకోవాలి. అప్పుడే సింపుల్ గా ఉంటూనే సూపర్ గా, పార్టీకి అట్రాక్షన్ గా కనిపిస్తారు.                               *రూపశ్రీ.

చలికాలంలో పార్టీస్.. ఈ డ్రెస్సులతో ధూమ్ ధామ్ లుక్ వచ్చేస్తుంది..! వేసవికాలంలో ఎండలు మండినట్టు చలికాలంలో చలి వణికిస్తుంది.  వద్దనుకున్నంత మాత్రాన ఇవన్నీ మాయమైపోవు. వాతావరణానికి తగ్గట్టు మనుషులే మారాలి.  ఆహారం,  వస్త్రధారణ అలవాట్లు మార్చుకోవాలి. అయితే ఇంట్లో ఉన్నప్పుడు ఎలాంటి డ్రస్సులు వేసుకున్నా  చెల్లుతుంది. కానీ పార్టీలు, ఫంక్షన్లకు చాలా అందంగా తయారై వెళ్లాలి. చలి కారణంగా అందంగా, అట్రాక్షన్ గా తయారవ్వడం కాసింత కష్టం అనిపిస్తుంది.  కానీ అమ్మాయిలు ఈ చలికాలంలో అందంగా, ఆకర్షణగా కనిపించడానికి కొన్ని డ్రస్సులు ఉన్నాయి.  వాటిని ధరిస్తే పార్టీలో సెంటరాప్ అట్రాక్షన్ గా ధూమ్ ధామ్ లుక్ లో కనిపిస్తారు. ఆ డ్రస్సులేంటో ఒక లుక్కేస్తే.. కో ఆర్డర్ సెట్.. పార్టీస్ లో అట్రాక్షన్ గా కనిపించడానికి కో ఆర్డర్ సెట్ చాలా బాగుంటుంది.  వెచ్చని క్రాప్ టాప్ తో అటాచ్ చేయాలి. పైన  బ్లేజర్ వేసుకోవడం వల్ల చాలా అట్రాక్షన్ వచ్చేస్తుంది.  క్యాజువల్ అమ్మయి అనే ట్యాగ్ పక్కన పెట్టి లేడీ బాస్ టైప్ ట్యాగ్ ఇచ్చేస్తారు.  ఈ డ్రెస్ వేసుకున్నప్పుడు పోనీ టైల్ వేస్తే ఇంకా అధిరిపోతుంది. లాంగ్ స్టైల్.. లేయరింగ్ ఇష్టపడే అమ్మాయిలు లాంగ్ డ్రెస్ లను నల్లటి స్కివ్వీస్ తో జత చేసి వేసుకోవచ్చు.  ఈ డ్రెస్ లో హీల్స్ ధరిస్తే క్లాసీ లుక్ వచ్చేస్తుంది.  దీనికి ఐ మేకప్ మరింత అట్రాక్షన్ తెస్తుంది. హెయిర్ ను అలా లూస్ గా వదిలేస్తే అదిరిపోతుంది. బాడీకాన్ తో భలే.. రంగు ఏదైనా సరే.. బాడీకాన్ డ్రెస్ లు చాలా బాగుంటాయి. అమ్మాయిలకు ఈ డ్రెస్ ఇచ్చే ఆకర్షణ అంతా ఇంతా కాదు. ఇలాంటి డ్రెస్ కు ఫ్లీస్ లెగ్గింగ్స్ జతచేయాలి. డ్రెస్ పైన స్టూల్ లేదా బ్లేజర్ ధరిస్తే కంప్లీట్ లుక్ సొంతమైనట్టే.  ఇది పార్టీకి బిగ్గెస్ట్ అట్రాక్షన్ అవుతుంది.  నార్మల్ లుక్ ను కూడా చాలా బాగా మెరుగుపరుస్తుంది. కంఫర్ట్ లుక్.. దుస్తులను వివిధ రకాలుగా ధరించడం వల్ల లుక్ అయితే బాగుంటుంది కానీ కొన్ని సార్లు అవి అసౌకర్యాన్ని కలిగిస్తుంటాయి. అలా కాకుండా కంఫర్ట్ గా ఉంటూ పార్టీస్ కు అటెండ్ అయ్యి  అట్రాక్షన్ గా నిలవాలంటే ఒక మంచి టాప్,  దానితో ఫిట్టెడ్ జీన్స్ ధరించాలి.  టాప్ పైన మంచి జాకెట్ ఒకటి ధరించాలి.  హెయిర్ ను లూస్ గా వదిలేసి తలకు  ఒక మంచి క్యాప్ ధరించాలి. ఈ డ్రెస్ కు హై లెంగ్త్ బూట్ లు వేసుకుంటే భలే కనిపిస్తారు.   ]పైన చెప్పుకున్నవే కాకుండా దుస్తుల పట్ల మంచి అభిరుచి ఉన్నవారు తమ దగ్గరున్న దుస్తులనే కాంబినేషన్ మారుస్తూ మంచి ఔట్ ఫిట్ ను రెఢీ చేసుకోవచ్చు. కొత్త ఫ్యాషన్ ను క్రియేట్ చేయవచ్చు.    *రూపశ్రీ. 

న్యూ ఇయర్, క్రిస్టమస్ హడావిడిలో మిమ్మల్ని తళుక్కున మెరిపించే చిట్కాలు..!   డిసెంబర్ నెలను పార్టీ సీజన్ అని చెప్పవచ్చు.  ఒకవైపు క్రిస్మస్ వేడకలు,  మరొకవైపు న్యూ ఇయర్ వేడుకలు.. ఈ పార్టీ సీజన్ దగ్గరకు వచ్చే కొద్దీ ప్రతి అమ్మాయి ప్రతి చోట చాలా ఆకర్షణీయంగా, అందంగా కనిపించాలని కోరుకుంటుంది.  అది ఫ్రెండ్  పార్టీ అయినా, ఆఫీస్ పార్టీ అయినా, లేదా ఫ్యామిలీ మీట్ అయినా ప్రతి ఒక్కరూ తమ ఎంట్రీ  స్టైలిష్‌గా,  రాయల్ గా  కనిపించాలని కోరుకుంటారు. అయితే వీటికి అటెండ్ అవ్వడానికి  ఖరీదైన మేకప్ ఉత్పత్తులు, బ్యూటీ ట్రీట్మెంట్ ఉండాలని  అనుకుంటూ ఉంటారు.  కానీ నిజమేంటంటే అలాంటివి అవసరం లేదు. స్మార్ట్ స్కిన్ కేర్, సరైన మేకప్ చిట్కాలు,  గ్లో ట్రిక్స్‌తో.. ఇంట్లోనే పర్పెక్ట్ పార్టీ లుక్స్ ను మీ సొంతం చేసుకోవచ్చు. ఇందుకోసం ఏం చేయాలో తెలుసుకుంటే.. అందాన్ని పెంచే సులభమైన గ్లో చిట్కాలు.. పార్టీకి ముందు..   ఏదైనా మేకప్‌కి బలమైన బేస్ అవసరం.  ఇందుకోసం  చర్మం ప్రిపేర్ కాకపోతే,  మేకప్ ఎంత బాగున్నప్పటికీ, అది అంత బాగా కనిపించదు. పార్టీకి ముందు  చర్మాన్ని పూర్తిగా శుభ్రం చేసుకోవాలి. చర్మ రంధ్రాలను క్లియర్ చేయడానికి,   చర్మాన్ని మృదువుగా చేయడానికి టోనర్‌ను అప్లై చేయాలి. దీని తర్వాత తేలికపాటి మాయిశ్చరైజర్‌ను వాడాలి. ఇది  చర్మాన్ని హైడ్రేట్ చేయడమే కాకుండా మేకప్ ఎక్కువసేపు ఉండటానికి కూడా సహాయపడుతుంది. బేస్ మేకప్..  బేస్ మేకప్‌లో ఫస్ట్ స్టెప్ ప్రైమర్ అప్లై చేయడం. ప్రైమర్  ఫౌండేషన్ సజావుగా కలపడానికి, క్రాక్స్   నివారించడానికి సహాయపడుతుంది. చర్మపు రంగుకు సరిపోయే ఫౌండేషన్‌ను ఎంచుకుని, దానిని పూర్తిగా బ్లెండ్ చేయాలి.  నల్లటి మచ్చలు లేదా పిగ్మెంటేషన్ ఉంటే వాటిని తేలికపాటి కన్సీలర్‌తో కప్పాలి. ఇది  ముఖాన్ని తాజాగా,  కంప్లీట్ గా  కనిపించేలా చేస్తుంది. ఐ మేకప్.. పార్టీ లుక్ కోసం ఐ మేకప్ చాలా ముఖ్యం.  కళ్ళకు మెరుపు,  కళ్ల సైజ్, కళ్లు అట్రాక్షన్ గా కనిపించడానికి  ఐషాడోను ఉపయోగించవచ్చు.  ఐలైనర్ అంచులుగా ఉండేలా చేసి,  హెవీ మస్కారాను అప్లై చేయడం  ద్వారా  కంటి మేకప్‌కు గ్లామర్‌ను జోడించవచ్చు. కావాలనుకుంటే లుక్‌ను డ్రామాటిక్ గా,  పార్టీకి తగ్గట్టు మరింత హైలెట్ చేయడానికి   ఐ లాషెస్ కూడా పెట్టుకోవచ్చు. మెరిసే లుక్ కోసం.. చర్మం సహజంగా,  తాజాగా మెరిసిపోవాలంటే హైలైటర్, బ్లష్,  డ్యూయ్ ఫినిష్ సెట్టింగ్ స్ప్రే చాలా ముఖ్యం.  చెంప ఎముకలు, ముక్కు,  గడ్డంపై తేలికపాటి హైలైటర్‌ను అప్లై చేయాలి. ఇది  ముఖాన్ని మెరిసేలా చేయడమే కాకుండా పార్టీ లైట్లలో షైనింగ్ ఇస్తుంది.  లుక్‌ను తాజాగా,  యవ్వనంగా ఉంచడానికి  బ్లష్‌ను లైట్ గా, నాచురల్ గా   ఉంచాలి.  మేకప్ ఎక్కువ సేపు ఉండాలంటే.. మేకప్ వేసుకున్న తర్వాత సెట్టింగ్ స్ప్రే వేయడం చాలా అవసరం. ఇది  లుక్‌ను తాజాగా ఉంచుతుంది,  అలాగే తొందరగా చెదిరిపోకుండా  ప్రొటెక్ట్ చేస్తుంది.  పార్టీ సమయంలో  ముఖాన్ని పదే పదే తాకకుండా ఉండటం చాలా ముఖ్యం.  ఇది  మేకప్‌ ఎక్కువసేపు  చెదిరిపోకుండా ఉండటంలో సహాయపడుతుంది.                            *రూపశ్రీ.

శీతాకాలంలో కూడా స్ట్రైలిష్ గా కనిపించాలంటే.. ఈ టిప్స్ ట్రై చేయండి..! చలికాలం వచ్చేసింది.  చలి అనగానే అమ్మాయిలు చర్మం గురించి చాలా భయపడతారు. ఒకవైపు చర్మాన్ని సంరక్షించుకుంటూనే మరొకవైపు స్టైలిష్ గా కూడా  కనిపించాలని అనుకుంటారు.  మరీ ముఖ్యంగా కాలేజ్,  ఆఫీస్ లకు వెళ్లే అమ్మాయిలు, మహిళలు, వ్యాపారం చేసే మహిళలు చాలా అందంగా కనిపించడం కూడా చాలా ముఖ్యం.  ఈ శీతాకాలంలో అటు చర్మాన్ని కాపాడుకుంటూ  ఇటు ఫ్యాషన్ గా, స్టైల్ గా కనిపించాలంటే కొన్ని చిట్కాలు పాటించాలి. అవేంటో తెలుసుకుంటే.. స్మార్ట్ లేయరింగ్.. శీతాకాలంలో స్టైలిష్ గా కనిపించడానికి మంచి మార్గం స్మార్ట్ లేయరింగ్. బాగా మందంగా ఉన్న దుస్తులకు బదులుగా తేలికైన, ఫిట్టెడ్ లేయర్‌లను ఎంచుకోవాలి. కింద చొక్కా లేదా టర్టిల్‌నెక్ ధరించి, దానిపై బ్లేజర్ లేదా లాంగ్ కోటు వేసుకోవాలి. ఇది  సూపర్ లుక్ క్రియేట్ చేస్తుంది. అలాగే  శరీరాన్ని వెచ్చగా ఉంచుతుంది.   రంగులు.. ఆఫీసులో ప్రొఫెషనల్ లుక్  కంటిన్యూ కావాలంటే లేత గోధుమరంగు, బూడిద రంగు, గోధుమ రంగు,  నలుపు వంటి  టోన్‌లను ఎంచుకోవాలి. ఈ రంగులు హైలేట్ గా  కనిపించడమే కాకుండా ఇతర ఏ కాంబినేషన్  రంగుకైనా సులభంగా సరిపోతాయి. ముఖ్యంగా  బ్లేజర్ కొంటుంటే పైన చెప్పుకున్న రంగులను ఎంచుకోవడం మేలు. స్కార్ఫ్ లు,  శాలువాలు.. స్కార్ఫ్‌లు,  శాలువాలు శీతాకాలంలో వెచ్చగా ఉండటానికి మాత్రమే కాదు..  మొత్తం లుక్‌కి సెంటరాఫ్ అట్రాక్షన్ గా కూడా ఉంటాయి.   దుస్తులకు స్టైల్ జోడించడానికి సిల్క్ లేదా ఉన్ని ఫాబ్రిక్‌తో ప్రింటెడ్ స్కార్ఫ్‌ను ఎంచుకోవాలి. శాలువాను మంచి ఫ్యాషన్ స్టైల్స్ లో ధరించడం వల్ల  మార్గాల్లో  ఫ్యాషన్ సెన్స్ పెరుగుతుంది. క్లాసిక్ పుట్ వేర్.. ఆఫీసు లుక్‌లో ఫుట్‌వేర్ ఒక ముఖ్యమైన భాగం. శీతాకాలంలో లెదర్ బూట్లు, లోఫర్‌లు లేదా క్లోజ్డ్ హీల్స్ స్టైలిష్‌గా ఉండటమే కాకుండా ట్రెండీగా  కూడా ఉంటాయి. నలుపు లేదా లేత గోధుమ రంగు ఫుట్‌వేర్ ప్రతి దుస్తులకు సరిపోతుంది.  లుక్‌ కంప్లీట్ గా సూపర్ గా కనిపించడానికి బూట్లు శుభ్రంగా,  పాలిష్ చేసుకుని ధరిస్తే సూపర్ గా కంప్లీట్ లుక్ సొంతమవుతుంది. మేకప్, జ్యువెలరీ.. ఆఫీసులో భారీ మేకప్ లేదా అతిగా జ్యువెలరీ  వేసుకోకూడదు. అతిగా వెళ్లే బదులు లైట్ గా  ఫౌండేషన్, న్యూడ్ లిప్‌స్టిక్,  కొద్దిగా మస్కారా సరిపోతుంది. జ్యువెలరీ అయితే  చిన్న స్టడ్‌లు, వాచ్ లేదా సన్నని గొలుసును ఎంచుకోవాలి. ఇది  లుక్‌ను ప్రొఫెషనల్‌గా,  అట్రాక్షన్ గా  ఉంచుతుంది.                                  *రూపశ్రీ.

ఎలాంటి పరికరాలు వాడకుండా రింగుల జుట్టు కావాలా...ఇదిగో ఇలా చేయండి..!   హెయిర్ స్టైల్స్ అంటే అమ్మాయిలకు చాలా క్రేజీ.. ఒక్కో శుభకార్యానికి ఒకో విధమైన హెయిర్ స్టైల్ లో,  డ్రస్సింగ్ ను బట్టి హెయిర్ స్టైల్స్ మారుస్తూ చాలా అట్రాక్షన్ గా కనపడాలి అనుకుంటారు.  ముఖ్యంగా కర్లింగ్ హెయిర్ కు చాలా డిమాండ్ ఉంది.  చాలామంది కర్లింగ్ హెయిర్ కోసం మార్కెట్ లో లభించే హెయిర్ స్ట్రైయిటర్,  హెయిర్ కర్లర్ వాడుతూ ఉంటారు.  ఇవి వేడి కారణంగా జుట్టును స్ట్రైయిట్ గా చేయడం లేదా జుట్టును రింగురింగులుగా మార్చడం చేస్తాయి. అయితే ఈ పరికరాలతో పని లేకుండా సాధారణంగానే హెయిర్ కర్లింగ్ చేసుకోవడం ఎలాగో తెలుసుకుంటే.. షాంపూ తర్వాత.. షాంపూతో తలస్నానం చేసిన తర్వాత జుట్టును కంప్లీట్ గా ఆరబెట్టకూడదు.  లైట్ గా ఆరబెట్టిన తర్వాత జుట్టుకు డ్యామేజ్ కాకుండా మెల్లిగా దువ్వాలి.  చిక్కులు లేకుండా జుట్టును దువ్విన తర్వాత చెవుల కింద నుండి మొదలు పెట్టి జుట్టును పాయలు తీసుకుంటూ తల చుట్టూ గట్టిగా చుట్టాలి. రోలర్స్ వాడటం.. రోలర్స్ ఉపయోగించి జుట్టును కర్ల్ చేయవచ్చు.  కొద్దిగా తడిగా ఉన్న జుట్టుకు లీవ్ ఇన్ కండిషనర్,  మూస్ ను అప్లై చేయాలి.  జుట్టును పెద్ద భాగాలుగా డివైడ్ చేసి వాటిపై వెల్క్రో రోలర్లను ఉంచాలి.  ఇవి జుట్టును కర్ల్ చేయడంలో సహాయపడతాయి. రబ్బర్ బ్యాండ్స్ తో.. తలస్నానం తర్వాత కొద్దిగా తడిగా ఉన్న జుట్టును చిక్కులు తీసి పోనీ టైల్ కట్టాలి.  పోనీ టైల్ పొడవునా మృదువైన హెయిర్ టైలు లేదా రబ్బరు బ్యాండ్ లను ఉంచాలి.  జుట్టు పూర్తీగా ఆరగానే జుట్టు కర్ల్స్ చూడొచ్చు.                                                 *రూపశ్రీ.

గోళ్లు అందంగా...పొడవుగా పెరగాలంటే ఈ టిప్స్ ఫాలో అవ్వండి! అందమైన వేళ్లు..వాటికి పొడవాటి గోళ్లు పెంచుకోవడం ప్రతి అమ్మాయి కల. వాటిని అందంగా కనిపించేలా నెయిల్ పాలిష్ లతో, నెయిల్ ఆర్ట్ వేసి...ఇంకా ఆకర్షణీయంగా రెడీ చేస్తారు. గోళ్లను పొడవుగా అందంగా పెంచండం ఒకరోజుల్లో అయ్యేది కాదు. వాటికోసం అతివలు..నెలల తరబడి శ్రమిస్తుంటారు. విరగకుండా జాగ్రత్త వహిస్తుంటారు. అయినా కూడా కాస్త పొడవు పెరిగిన తర్వాత విరిగిపోతుంటాయి. ఈ సమస్య నుంచి బయటపడాలంటే ఈ టిప్స్ ఫాలో అవ్వండి. స్టైలీష్ హెయిర్‌ కట్, గ్లోయింగ్ స్కిన్‌, ఎట్రాక్ట్ చేసే గోళ్లతో ఇలా అందంగా కనిపించాలని చాలా మంది అమ్మాయిలు కోరుకుంటారు.  జుట్టు సంరక్షణ, స్కిన్‌ కేర్ వీటి గురించి పక్కన పెడితే.. గోళ్లు పెంచడం అంత సులభం కాదు.  మనం రోజులో 90 శాతం పనులు చేతితోనే చేస్తుంటాం. ఈ సమయంలో గోళ్లు విరిగిపోయే ఛాన్స్ ఎక్కువగా ఉంటుంది. మరి అమ్మయిలకు అందమైన పొడవాటి గోళ్ల కల నెలవేరడం ఎలా?గోళ్లు పెంచడం గొప్ప విషయమేమీ కాదనుకోండి. కానీ కొన్ని టిప్స్ ఫాలో అయితే అందమైన గోళ్లు పెంచడం చాలా సులభం. ఈ టిప్స్ ఫాలో అయితే...అందంగా, బలంగా మారుతాయి. ఉప్పునీరు: గోర్లు పెరగడానికి ఉప్పునీరు వాడటం గురించి వినే ఉంటారు. అయితే ఇది ఎంత వరకు నిజమో తెలియదు. ఉప్పు నీరు నేరుగా గోళ్ల పెరుగుదలను ప్రోత్సహించదు కానీ అది మీ గోళ్ల ఆరోగ్యాన్ని మెరుగుపరుస్తుంది. కాబట్టి మీ గోళ్ల పెరుగుదలకు ఇది మంచిదని వైద్యనిపుణులు అంటున్నారు. ఉప్పు మీ గోళ్ల ఆరోగ్యానికి దోహదపడుతుంది, తద్వారా మీ గోర్లు నిరంతరం పెరగడానికి సహాయపడుతుంది. ఒక గోరు నెలలో ఎన్ని అంగుళాలు పెరుగుతుంది? వేలుగోళ్లు నెలకు 0.14 అంగుళాలు, కాలిగోళ్లు 0.063 అంగుళాలు పెరుగుతాయి. వేలుగోళ్లు పూర్తిగా తిరిగి పెరగడానికి 3 నుండి 6 నెలల సమయం పడుతుంది, అయితే గోళ్ళకు 12 నుండి 18 నెలల సమయం పడుతుంది. గోరు పెరుగుదల ఆహారం, ఆరోగ్య స్థితిపై ఆధారపడి ఉంటుంది. వయస్సు, లింగం, జన్యుపరమైన అంశాలు ఇందులో పాత్ర పోషిస్తాయి. గోళ్లపై పసుపు రంగును ఎలా తొలగించాలి? మీ గోళ్ళపై మరకలను వదిలించుకోవడానికి మీరు బేకింగ్ సోడా, నిమ్మరసంతో ఉప్పు నీటిని ఉపయోగించవచ్చు. ఒక గిన్నెలో 1.5 కప్పుల వెచ్చని నీరు, 1 టేబుల్ స్పూన్ ఉప్పు, 1 టేబుల్ స్పూన్ బేకింగ్ సోడా , 1 టేబుల్ స్పూన్ నిమ్మరసం కలపండి. కొద్దిగా పేస్ట్ చేసి, మిశ్రమాన్ని మీ గోళ్లపై అప్లై చేసి, 10 నిమిషాల తర్వాత మృదువైన బ్రష్‌తో మీ గోళ్లను సున్నితంగా స్క్రబ్ చేయండి.  మీ చేతులు, గోళ్లను నీటితో శుభ్రం చేసుకోండి.

పండుగల సమయంలో మీరు ప్రత్యేకంగా కనిపించాలంటే.. ఈ 5 రకాల దుస్తులు సిద్దం చేసుకుంటే సరి..! పండుగ సీజన్ సమీపిస్తున్న కొద్దీ అమ్మాయిలు అయినా.. కాస్త పెద్ద వయసు వారైనా సరే..  తాము సాధారణ రోజుల కంటే స్పెషల్ గా కనిపించాలని అనుకుంటారు. ఇంట్లో అయినా లేదా ఆఫీసులు లేదా కాలేజీలు.. ఇలా ఎక్కడైనా సరే..   ప్రత్యేకంగా,  స్టైలిష్‌గా ఉండాలని అనుకుంటారు. సాంప్రదాయ లుక్స్ ఎప్పుడూ ట్రెండ్‌లో ఉంటాయి. కానీ  ప్రతి సారి ఒకే విదంగా కాకుండా సంప్రదాయంలో కూడా మరికాస్త భిన్నంగా ఉండాలని కోరుకునే వారు ఉంటారు. అలాంటి వారు తప్పనిసరిగా ఈ కింద చెప్పుకునే దుస్తులను ట్రై చేయవచ్చు.  ఎలాగో నవరాత్రులు ప్రారంభం అయ్యాయి.  నవరాత్రులతో పాటు మళ్లీ దీపావళి హడావిడి కూడా ఉంటుంది. ప్రతి సంవత్సరం ఒకే రకమైన సూట్, చీర లేదా లెహంగా ధరించే బదులు, ఈసారి  కొన్ని కొత్త ట్రెండ్‌లను ఫాలో అవ్వడం ద్వారా  లుక్‌ను పూర్తిగా రాయల్‌గా,  ప్రత్యేకంగా మార్చుకోవచ్చు. ఎలాగంటే.. చీరల్లో విభిన్నత.. చీర కట్టుకోవడం  బోరింగ్ గా లేకపోతే, దానిని రెగ్యులర్ బ్లౌజ్ కు బదులుగా క్రాప్ టాప్ లేదా కార్సెట్ స్టైల్ బ్లౌజ్ తో జత చేయవచ్చు. ఈ స్టైల్ ఈ రోజుల్లో బాలీవుడ్ సెలబ్రిటీలలో కూడా బాగా ప్రాచుర్యం పొందింది. ఈ రకమైన దుస్తులు రాత్రి వేడుకలకు, ముఖ్యంగా  దీపావళి,   డిన్నర్  పార్టీలకు అనుకూలంగా ఉంటాయి. ధోతీ స్టైల్ చీర.. ఇది చాలా అందంగా కనిపిస్తుంది.  చీరను  ప్రత్యేకమైన స్టైల్ లో ధరించడం కోసం చూస్తున్నట్లయితే, ఇలాంటి ధోతీ-శైలి చీర మంచి ఎంపిక అవుతుంది. దీన్ని బెల్ట్ లేదా జాకెట్‌తో జత చేయడం వల్ల లుక్ మరింత పెరుగుతుంది. నవమి నుండి దీపావళి పార్టీలు, కుటుంబ ఫంక్షన్ల వరకు దేనికైనా ధోతీ-శైలి చీరను ధరించవచ్చు. హై హీల్స్,  స్టేట్‌మెంట్ చెవిపోగులతో దీన్ని ధరించవచ్చు. ఫ్యూజన్ లెహెంగా  లెహంగా ధరించడంలో ఏదైనా విసుగు ఉంటే.. దాన్ని సాంప్రదాయకమైన దానికి బదులుగా లాంగ్ ష్రగ్ లేదా ఇండో-వెస్ట్రన్ జాకెట్‌తో జత చేస్తే సూపర్ ఉంటుంది. ఇది ఒక ప్రత్యేకమైన  రాయల్ లుక్‌ను సృష్టిస్తుంది. ఈ రకమైన ఫ్యూజన్ లెహంగాను దుర్గా పూజ  లేదా రాత్రి పూజకు  ధరించవచ్చు.  జాకెట్ లేదా ష్రగ్ కోసం కాంట్రాస్టింగ్ రంగును ఎంచుకుని, దానికి సరిపోయే జ్యువెలరీ ధరిస్తే మరింత అధిరిపోతుంది. షరారా.. షరారా సూట్లు సర్వసాధారణం. కానీ వాటిని నెట్ లేదా సిల్క్ కేప్‌తో జత చేయడం వల్ల లుక్  ట్రెండీగా ఉంటుంది. కుర్తా ధరించడానికి బదులుగా  దానిని క్రాప్ టాప్‌తో జత చేయాలి. ఈ ఇండో-వెస్ట్రన్ లుక్ యూత్ చేసుకునే సెలబ్రేషన్స్ లో  అద్భుతంగా కనిపిస్తుంది. బ్లేజర్ తో ధోతీ.. ఈ లుక్ బాస్ లేడీ వైబ్ ని ఇస్తుంది. కాబట్టి ఈ స్టైల్ దుస్తులను కూడా ఎంచుకోవచ్చు. దీని కోసం, స్కర్ట్ లేదా రెడీమేడ్ ధోతీని బ్లేజర్ తో జత చేయాలి. ఈ దుస్తులు ఆఫీసు పూజలు, ఇంటి పూజలకు అద్భుతంగా కనిపిస్తాయి. స్టిలెట్టోస్,  వెండి ఆభరణాలతో లుక్ ఇంకా బాగుంటుంది.                            *రూపశ్రీ.

గో-సి ఫ్యాషన్ గురించి మీకు తెలుసా...     గో-సి ఫ్యాషన్ .. పేరు చదవగానే మన తెలుగోళ్లు పిచ్చగా నవ్వుకుని ఉంటారు.  మన పెద్దోళ్లు ఎప్పుడో గోచిలు పెట్టుకుని బ్రతికేశారు కదా.. ఇప్పుడు మళ్లీ అదే కొత్తగా ఫ్యాషన్ లా వచ్చిందా ఏంటి అని బుగ్గలు నొక్కుకోనక్కర్లేదు. అసలు దానికి దీనికి సంబంధమే లేదండోయ్.. ఇది పూర్తీగా వేరే వర్గానికి చెందినది. మరైతే అసలు ఈ గో-సి ఔట్ ఫిట్ అంటే ఏంటి? దీనికి ఫ్యాషన్ ట్రెండ్ కు సంబంధం ఏంటి? అనే సందేహం వచ్చిందా? అయితే ఇప్పుడే గో-సి ఔట్ ఫిట్ గురించి  తెలుసుకోండి. గో-సి ట్రెండ్..  గో-సీ అంటే ఏ సందర్భానికైనా సరిపోయే దుస్తులు. ఈ దుస్తులు చాలా ఫార్మల్ గా లేదా చాలా క్యాజువల్ గా ఉండవు. కంప్లీట్ బ్యాలెన్డ్ దుస్తులివి. గో-సీ ట్రెండ్ వాస్తవానికి మోడలింగ్,  నటన పరిశ్రమ నుండి వచ్చింది. ఇక్కడ యాక్టర్స్ లేదా మోడల్స్ ఏదైనా ఆడిషన్ లేదా సమావేశం కోసం గో-సీ లుక్ లో వెళ్తారు. మరో మాటలో చెప్పాలంటే వారు ధరించే దుస్తులు అటు ప్రొఫెషనల్ గానూ.. ఇటు క్యాజువల్ అనుకునే విధంగానూ ఉంటాయి. పైగా ఇవి చాలా కంఫర్ట్ గా కూడా ఉంటాయి.  ఇలా అన్ని విదాలుగా అనుకూలంగా ఉన్న దుస్తులు ధరించడాన్ని గో-సి ట్రెండ్ అంటారు. ఇప్పుడు ఈ గో-సి ట్రెండ్ సాధారణ మహిళలలో కూడా  కనిపిస్తోంది. ముఖ్యంగా బడ్జెట్‌లో సాధారణ లుక్‌తో ఉంటూ ట్రెండీగా కనిపించాలనుకునే మహిళల్లో.  మహిళలు సౌకర్యం,  శైలి రెండింటినీ సమతుల్యం చేసుకోవాలనుకున్నప్పుడు గో-సీ ఫ్యాషన్ సాధారణ మహిళలకు కూడా ఎంపిక అయ్యింది. గో-సి ట్రెండ్ కు కొన్ని కలర్స్, కొన్ని డిజైన్స్ చాలా బాగుంటాయి.  అవి - బేసిక్ న్యూట్రల్ కలర్ టాప్స్, రౌండ్ నెక్ వంటి నెక్ స్టైల్స్, V నెక్ లేదా టర్టిల్ నెక్ వెర్షన్, స్ట్రెయిట్ లేదా స్లిమ్ ఫిట్ ప్యాంట్లు, క్వాలిటీ బ్లేజర్ లేదా జాకెట్, కో-ఆర్డ్ సెట్లు, లినెన్ లేదా కాటన్‌లో స్ట్రక్చర్డ్ జాకెట్, న్యూట్రల్ స్నీకర్లు, లోఫర్లు లేదా స్లైడ్ చెప్పులు, యాక్సెసరీలలో సాలిడ్ బ్యాగులు, సింపుల్ గోల్డ్ లేదా సిల్వర్ జ్యువెలరీ,  వాచ్. లక్షణాలు ఇవే..  సింపుల్ గా ఉంటూ సౌకర్యవంతమైన డిజైన్లు గో-టు అవుట్‌ఫిట్‌లలో కీలకం. వాటిలో స్ట్రెయిట్ ప్యాంట్లు, బేసిక్ నెక్‌లైన్‌లు,  మోనోక్రోమ్ లేదా మైక్రో ప్రింట్లు ఉంటాయి. ఈ అవుట్‌ఫిట్‌లు ఆఫీసులో లేదా నైట్ పార్టీలో అయినా, రోజంతా ధరించడానికి బాగుంటాయి. యాక్సెసరీలు, జాకెట్లు లేదా ఫుట్‌వేర్‌తో వాటిని సులభంగా డిఫరెంట్ రూపాల్లోకి మార్చవచ్చు. ఇది వాటిని డిపరెంట్ గా కనిపించేలా చేస్తుంది. సింపుల్,  క్లాసిక్ స్టైల్స్ ఎక్కువ కాలం ఉంటాయి.  అవి అంత తొందరగా కనుమరుగయ్యేయి కూడా కాదు.  మళ్లీ మళ్లీ ధరించవచ్చు కూడా. ఇటువంటి దుస్తులు ట్రెండీగా ఉండటమే కాకుండా మన్నికగా కూడా ఉంటాయి. గో-సి ట్రెండ్ గురించి చెప్పుకున్నప్పుడు చాలా వరకు ఒత్తిడి కూడా దానికదే తగ్గిపోతుంది. దీనికి కారణం.. గో-సి ట్రెండ్ లో దుస్తులు ఎలాంటి సందర్భానికైనా సరిపోవడమే. అంటే ఈ గో-సి ఫ్యాషన్ లో ఉన్న దుస్తులు ఎప్పుడైనా వేటికైనా సరిపోతాయి.  ప్యాషన్ గురించి,  ట్రెండ్ గురించి,  అందంగా కనిపించడం గురించి ఆలోచించి కంగారు పడిపోవాల్సిన అవసరం అస్సలు ఉండదు.  కాబట్టి గో-సి ప్యాషన్ ను పాలో అవుతూ ఉంటే భిన్న రకాల ఈవెంట్లను గుర్తు తెచ్చుకుని టెన్షన్  పడాల్సిన అవసరమే ఉండదు.  అందుకే మీరూ ఓ లుక్కేయండి గో-సి ఫ్యాషన్ మీద.                                 *రూపశ్రీ.   

డీప్ నెక్ దుస్తుల గురించి ప్రతి అమ్మాయి తెలుసుకోవాల్సిన విషయాలివి..! మొదటిసారి డీప్ నెక్ డ్రెస్ లేదా బ్లౌజ్ ధరించాలని అనుకునేవారు  చాలా గందరగోళం ఫీలవుతారు. దీన్ని ధరించడానికి కొన్ని పద్దతులు,  చిట్కాలు ఉన్నాయి.  అవి తెలుసుకోకుండా డీప్ నెక్ దుస్తులు ధరిస్తే ఆ తరువాత అమ్మాయిలు బాధపడే పరిస్థితి కూడా రావచ్చు. అదే చిట్కాలతో డీప్ నెక్ డ్రెస్సులు ధరిస్తే చాలా ఆకర్షణీయంగా మారతారు. కొన్నిసార్లు డీప్ నెక్ డ్రెస్ ధరించడం వల్ల ఫ్యాషన్ సెలక్షన్  తప్పుగా ఉండటం లేదా ఫిట్టింగ్ చేయడం వల్ల అసౌకర్యంగా అనిపించడం వంటివి జరుగుతాయి. అందువల్ల కంఫర్ట్ గా  ఉండటానికి,   లుక్ కూడా సూపర్భ్ గా  కనిపించడానికి మొదట్లోనే  కొన్ని ముఖ్యమైన విషయాలను గుర్తుంచుకోవడం ముఖ్యం. మొదటిసారి డీప్ నెక్ డ్రెస్ లేదా బ్లౌజ్ ధరించే అమ్మాయిలకు చాలా హెల్ప్ అయ్యే కొన్ని చిట్కాలు తెలుసుకుంటే.. లో దుస్తుల ఎంపిక.. లో దుస్తుల ఎంపిక  చాలా ముఖ్యమైన అంశం.  లో నెక్ ధరించేటప్పుడు ఇన్నర్‌వేర్ పదే పదే బయటకు వచ్చి  ఇబ్బంది పెట్టకుండా ఉండాలి. ఇందుకోసం  డీప్ నెక్ బ్రా, ప్లంజ్ బ్రా లేదా సిలికాన్ బ్రాను ఉపయోగించాలి. తద్వారా స్ట్రాప్ బయటకు కనిపించదు.  లుక్ చక్కగా కనిపిస్తుంది. స్ట్రాప్ బయట కనిపించినప్పుడు, దాన్ని మళ్లీ మళ్లీ సరిచేయడంలో  గందరగోళానికి గురవుతారు. ఫిట్టింగ్.. లో నెక్ బాగా ఫిట్ అయినప్పుడు  మాత్రమే పర్ఫెక్ట్ గా కనిపిస్తుంది. తప్పుగా అమర్చిన డ్రెస్ లేదా బ్లౌజ్ చాలా  అసౌకర్యాన్ని కలిగిస్తాయి. ముఖ్యంగా ముందు వైపు  వదులుగా ఉంటే, అది లేవడానికి లేదా కూర్చోవడానికి కూడా  ఇబ్బంది కలిగిస్తుంది. కాబట్టి  సరైన ఫిట్టింగ్ గురించి జాగ్రత్త వహించాలి. ప్యాషన్ టేప్..  లో నెక్ డ్రెస్ ను పర్ఫెక్ట్ గా చేసుకోవడానికి ఫ్యాషన్ టేప్ ఉపయోగించవచ్చు. ఫ్యాషన్ టేప్ డ్రెస్ ను స్కిన్ పై సెట్ చేయడంలో చాలా బాగా పనిచేస్తుంది.  ఇది డ్రెస్ ను స్టేబుల్ గా  ఉంచుతుంది.  ఎప్పుడైనా డ్రస్ వల్ల నలుగురిలో ఇబ్బంది ఎదురైనప్పుడు అయ్యో అని ఫీలవ్వాల్సిన పని ఉండదు. స్కిన్ కేర్..  లో నెక్ బ్లౌజ్ లేదా డ్రెస్ వేసుకుంటే ముఖం లాగా మెడ,  ఛాతీ ప్రాంతాన్ని క్లీన్  చేసి మాయిశ్చరైజ్ రాసుకోవాలి. తద్వారా  డ్రెస్ తో మెరుస్తూ ఉంటారు.  చర్మం అస్సలు పొడిగా కనిపించకూడదని గుర్తు పెట్టుకోవాలి. ఇది  లుక్‌ను పాడు చేస్తుంది. కాన్పిడెంట్.. డీప్ నెక్ లాంటి  దుస్తులు ధరించేటప్పుడు బాడీ లాంగ్వేజ్,   ఆత్మవిశ్వాసం చాలా ముఖ్యమైనవి. ఆత్మవిశ్వాసం లేకపోతే  ఈ డ్రెస్ లు ధరించినప్పుడు ఏదో ఇబ్బంది ముఖంలో కొట్టొచ్చినట్టు కనబడుతుంది. దీని వల్ల నలుగురిలో సరదాగా ఉండలేరు.  పైగా కొన్నిసార్లు నవ్వులపాలయ్యే అవకాశం కూడా ఉండవచ్చు.                          *రూపశ్రీ.

చెవి పోగులలో ఉన్న ఈ రకాల గురించి ఎంత మందికి తెలుసు? చెవి పోగులు భారతీయుల ఆభరణాలలో ముఖ్యమైనవి. ఎక్కువ అలంకరణ చేసుకోకపోయినా సరే..  చెవికి చెవి పోగులు తప్పనిసరిగా ఉంటాయి. మెటల్ ఏదైనా సరే.. మహిళలు చెవిపోగులు ధరించడం భారతీయుల సంప్రదాయంలో భాగం అయిపోయింది. ఇక పార్టీలు, ఫంక్షన్లు,  ఇతర శుభకార్యాలలో ఒక్కో సందర్బంలో ఒక్కో రకమైన చెవి పోగులు పెట్టుకుంటూ చాలా అట్రాక్షన్ గా కనిపిస్తారు మగువలు. అయితే ఈ చెవి పోగులకు కూడా బోలెడు పేర్లు ఉన్నాయి.  ఒక్కో రకం చెవి పోగులకు ఒక్కో పేరు ఉంది.  ఈ పేర్ల గురించి చాలా మందికి అస్సలు తెలియదు. ఫ్యాషన్ గురించి ఎడా పెడా క్లాసులు ఇచ్చే వారికి కూడా చెవి పోగులలో ఉన్న రకాల గురించి, వాటి పేర్ల గురించి బహుశా పూర్తీగా తెలిసి ఉండకపోవచ్చు.  చాలామంది మహిళలు తాము ధరించే చెవి పోగుల పేర్ల గురించి తెలియకుండానే కంటికి నచ్చింది, పెట్టుకుంటే బాగుంటుంది అనే ఆలోచనతో పెట్టుకుంటూ ఉంటారు. అంతేకానీ వాటి పేర్లు కూడా తెలిసి ఉండవు.   ఈ చెవి పోగుల కహానీ ఇప్పుడెందుకు అనుకోకుండా.. చెవి పోగుల రకాలు ఏమిటి? వాటి పేర్లు ఏమిటి? పూర్తీగా తెలుసుకుంటే.. స్టడ్స్.. స్టడ్స్‌ రోజువారీ దుస్తులకు ఫర్ఫెక్ట్ గా సరిపోతాయి.  వీటిని చాలా చోట్ల టాప్స్ అని కూడా పిలుస్తారు. ఇవి చూడటానికి చాలా చిన్నవిగా ఉంటాయి.  వాటిని స్క్రూతో నొక్కి ఉంచడం లేదా వెనుక బటన్ తో ధరిస్తారు.  మార్కెట్లో బంగారం నుండి వజ్రం వరకు స్టడ్‌లు అందుబాటులో ఉంటాయి.  ఇవి సింపుల్ లుక్ ఇస్తూ హుందాగా కనిపించేలా చేస్తాయి. కాలేజ్, ఆఫీస్, స్కూల్స్.. ఇలాంటి చోట్లకు స్టడ్స్ బాగా ఉంటాయి. డ్రాప్స్.. చాలా మంది డ్రాప్స్ ను చూసి  స్టడ్స్ అని పొరపాటు పడతారు. కానీ స్టడ్స్ కు డ్రాప్స్ కు చాలా సారూప్యం ఉంటుంది. స్టడ్స్ టాప్స్ లాగా ఉన్నప్పటికీ, డ్రాప్ చెవిపోగులు స్టడ్స్ నుండి కొద్దిగా వేలాడుతూ ఉంటాయి. అయితే  ఇవి  పెద్దగా పొడవుగా ఉండవు. అందుకే  అవి డ్రాప్ లాగా కనిపిస్తాయి. డ్రాప్స్ కాస్త అట్రాక్షన్ గా ఉంటాయి.  రెగ్యులర్ గా పెట్టుకోవడానికి అనువుగా ఉంటాయి.  ట్రెడిషన్ దుస్తులైనా,  సాధారణ దుస్తులైనా బాగా నప్పుతాయి. హూప్స్.. ఈ రోజుల్లో ఇవి బాగా ప్రాచుర్యం పొందాయి.  హూప్స్ మన భారతీయ డిజైన్ కాదు.. ఇవి సింపుల్ గా రింగులను ఒకదానికి మరొకటి అటాచ్ చేసినట్టు ఉంటాయి.  పాశ్చాత్య,  ఇండో-వెస్ట్రన్ దుస్తులతో వీటిని ధరిస్తారు.  రోజ్ గోల్డ్, గోల్డ్,  సిల్వర్ రంగులలో హూప్‌లను సులభంగా కనుగొనవచ్చు. వీటిని పార్టీలలో ధరించవచ్చు. ఝుమ్కాలు.. ఝుమ్కాలు భారతీయుల అభిరుచికి పెద్ద నిదర్శనం. చాలా మంది ప్రతి చెవిపోగును ఝుమ్కా అని పిలుస్తారు. కానీ ఝుమ్కా చాలా భిన్నంగా ఉంటుంది. ఝుమ్కా  గంట ఆకారంలో ఉంటుంది. ఇవి మహిళలకు క్లాసిక్ లుక్ ఇస్తాయి. ఝుమ్కాలు  ధరించినప్పుడు  చాలా ముద్దుగా కనిపిస్తారు. ఝుమ్కాలు భారతీయ సంప్రదాయ దుస్తులతో చాలా బాగా నప్పుతాయి. చాంద్బలి.. యే తేరి చాంద్‌బలియాన్......  అనే వాక్యం విన్నారా?  ఇవి పాటల్లో ప్రస్తావించబడిన చాంద్‌బలియాన్ లాంటివే. ఇవి చంద్రుని ఆకారంలో ఉంటాయి. ఈ ఆకారం  వాటిని మరింత అద్భుతంగా కనిపించేలా చేస్తుంది.  వీటిని సాధారణంగా వివాహాలు,  పండుగలలో ధరిస్తారు. ఇవి సాధారణంగా పెద్ద సైజులో ఉంటాయి. ఇవి ముస్లిం రాజుల కాలంలో బాగా ప్రాచుర్యం పొందాయి.  ఇప్పటికీ ముస్లిం యువతులు ఎక్కువగా వీటిని ధరించడానికి ఇష్టపడతారు. డాంగ్లర్స్ డాంగ్లర్స్ అంటే ఎప్పుడూ క్రిందికి వేలాడే చెవిపోగులు.  కొద్దిగా కదిలినా అవి ఎప్పుడూ కదులుతూ ఉంటాయి. ఈ రకమైన చెవిపోగులు ముఖ్యంగా పార్టీలలో ధరిస్తారు ఎందుకంటే అవి అద్భుతంగా కనిపిస్తాయి.                              *రూపశ్రీ.  

ఇవి తెలుసుకోకుండా జీన్స్ కొనకండి..! ఈ రోజుల్లో అన్ని వయసుల వారు జీవితంలో జీన్స్ ఒక ముఖ్యమైన భాగంగా మారింది. ఆఫీసు నుండి టూర్స్,  పార్టీల వరకు, పురుషులు,  మహిళలు ఇద్దరూ జీన్స్ ధరించడానికి ఇష్టపడతారు. కొనడం కూడా సులభం.  సైజు ప్రకారం జీన్స్‌ను ఆఫ్‌లైన్‌లో లేదా ఆన్‌లైన్‌లో కొనడం పరిపాటి. కానీ జీన్స్ కూడా శరీర రకాన్ని బట్టి  ఎంపిక చేసుకోవాలి.  ఈ విషయం  వింతగా అనిపించినా ఇదే నిజం. నిజానికి ప్రతి ఒక్కరి శరీర ఆకృతి భిన్నంగా ఉంటుంది.  దానికి అనుగుణంగా జీన్స్ ఎంచుకోవడం ముఖ్యం. సరైన జీన్స్  కంఫర్ట్ గా ఉండటమే కాకుండా, బాడీ లాంగ్వేజ్ ను కూడా మెరుగ్గా ఉంచుతుంది.  శరీర రకాన్ని బట్టి  ఏ జీన్స్ ఉత్తమంగా ఉంటుందో తెలుసుకుంటే..  పియర్ షేప్ బాడీ పియర్ ఆకారంలో ఉన్నవారికి  తుంటి భాగం బరువుగా ఉంటుంది.,  నడుము,  పైభాగం సన్నగా ఉంటుంది. అలాంటి వారు ఎక్కువగా స్ట్రెయిట్ ఫిట్ జీన్స్, హై-వెయిస్ట్ జీన్స్, బూట్ కట్ జీన్స్ ధరించాలి. పియర్ ఆకారంలో ఉన్నవారికి ఇటువంటి జీన్స్ బాగా కనిపిస్తాయి. ఆపిల్ షేప్ బాడీ.. ఆపిల్ ఆకారంలో ఉన్నవారికి పొట్ట భాగం బరువైనది.  తుంటి భాగం సన్నగా ఉంటుంది. మిడ్-రైజ్ జీన్స్, ఫ్లేర్డ్ జీన్స్, రిలాక్స్డ్ ఫిట్ జీన్స్ అలాంటి వారికి  బాగుంటాయి. కాబట్టి ఆపిల్ ఆకారంలో ఉన్నవారు అలాంటి జీన్స్ మాత్రమే కొనాలి. అవర్ గ్లాస్ ఆకారం..  శరీరం  అవర్ గ్లాస్ ఆకారంలో ఉంటే వంపుతిరిగిన శరీరం ఉంటుంది, చిన్న నడుము, తుంటి,  బస్ట్ బ్యాలెన్స్‌డ్‌గా ఉంటాయి. స్కిన్నీ జీన్స్,  హై-వెయిస్ట్ స్ట్రెచ్ జీన్స్ అలాంటి వారికి బాగా కనిపిస్తాయి. అలాంటి వారు తెలివిగా జీన్స్ కొనాలి. లేకుంటే వారి లుక్ చెడిపోవచ్చు. ధీర్ఘచతురస్రాకార ఆకారం.. దీర్ఘచతురస్రాకార శరీర ఆకృతి ఉన్నవారికి నడుము, తుంటి,  బస్ట్ దాదాపు సమానంగా ఉంటాయి. అలాంటి వారు ఎల్లప్పుడూ తక్కువ ఎత్తు గల జీన్స్, డిస్ట్రెస్డ్ జీన్స్, బాయ్‌ఫ్రెండ్ జీన్స్‌లను కొనుగోలు చేయాలి. అలాంటి జీన్స్ వారి అందాన్ని పెంచుతాయి. రివర్స్ త్రిభుజం.. రివర్స్  త్రిభుజం శరీరం ఉన్నవారు విశాలమైన ఎగువ శరీరం,  సన్నని తుంటిని కలిగి ఉంటారు. అలాంటి వారు ఎల్లప్పుడూ ఫ్లేర్డ్ జీన్స్, వైడ్ లెగ్ జీన్స్,  అధిక-వాల్యూమ్ జీన్స్ ధరించాలి. ఇది వారి శరీర ఆకృతిని మరింత అందంగా కనిపించేలా చేస్తుంది.                                   *రూపశ్రీ.

కుర్తీ కుట్టేటప్పుడు ఇవి గుర్తుంచుకోవాలి.. లేకపోతే డిజైన్ పాడవుతుంది..! కుర్తీ కేవలం  దుస్తులు మాత్రమే కాదు, భారతీయ మహిళలకు  సౌకర్యాన్ని, స్టైల్ ను కూడా  ఫర్పెక్ట్ గా కంబైండ్ చేస్తుంది.  ఆఫీసు అయినా, కాలేజ్  అయినా లేదా ఏదైనా పండుగ అయినా, కుర్తీ ప్రతి సందర్భంలోనూ ధరించడానికి ఫర్పెక్ట్  ఎంపిక. కుర్తీ కుట్టేవాళ్లు మంచి ఎక్స్‌పీరియన్స్ కలిగి ఉంటారు.  కానీ సొంతంగా  కుర్తీని కుట్టుకునేవాళ్లు, పెద్దగా అనుభవం లేనివారు కొన్నిసార్లు తప్పులు చేస్తుంటారు.  ఇలా కుర్తీ స్టిచింగ్ చేసేటప్పుడు చిన్న తప్పులు  కూడా  మొత్తం లుక్‌ను పాడు చేస్తాయి.  సరైన ఫిట్టింగ్, ఫాబ్రిక్ ఎంపిక, మెడ,  స్లీవ్ డిజైన్ వంటి వాటిని జాగ్రత్తగా చూసుకోకపోతే, ఖరీదైన బట్టలు,  డిజైన్లు కూడా నిస్తేజంగా కనిపిస్తాయి. అందువల్ల కుర్తీ కుట్టేటప్పుడు కొన్ని ఫ్యాషన్ చిట్కాలను గుర్తుంచుకోవడం ముఖ్యం.  అవేంటో తెలుసుకుంటే.. డిజైన్.. ట్రెండ్ ని ఫాలో అవుతూ ఎప్పుడూ కుర్తీ డిజైన్ ని ఎంచుకోకూడదు. ప్రతి డిజైన్ ప్రతి శరీరానికి బాగా కనిపించదని గుర్తుంచుకోవాలి.  స్లిమ్ గా ఉంటే A-లైన్ లేదా స్ట్రెయిట్ కట్ కుర్తీ బాగుంటుంది. అయితే కర్వీ ఫిగర్ కి అనార్కలి లేదా ప్రిన్సెస్ కట్ బాగుంటుంది. కాబట్టి అందరినీ చూసి కాదు.. మీ శరీర తత్వాన్ని బట్టి డిజైన్ సెలెక్ట్ చేసుకోవాలి. ఫిట్టింగ్.. కుర్తీ ఫిట్టింగ్ ఎప్పుడూ పర్ఫెక్ట్ గా ఉండాలి.  చాలా టైట్ గా లేదా చాలా లూజ్ గా ఉన్న కుర్తీ  బాగా కనిపించదు. ఎందుకంటే కుర్తీ చాలా టైట్ గా లేదా చాలా లూజ్ గా ఉంటే స్టైల్ చెడిపోతుంది. కుర్తీ పర్ఫెక్ట్ గా ఉండేలా ప్రతిసారీ  కొలతలను చూసుకోవడం ముఖ్యం. ఫాబ్రిక్. వాతావరణాన్ని,  ప్రదేశాన్ని బట్టి ఎప్పుడూ కుర్తీ ఫాబ్రిక్‌ను ఎంచుకోవాలి. కాటన్ ఫాబ్రిక్ ఆఫీసుకు సరైనది. సిల్క్, చందేరి లేదా రేయాన్ పార్టీవేర్‌కు ఉత్తమమైనవి. వేసవిలో బరువైన ఫాబ్రిక్ అసౌకర్యంగా అనిపించవచ్చు. అయితే లినెన్ ఫాబ్రిక్ వర్షాకాలానికి తగినది కాదు. ఫాబ్రిక్ విషయంలో ఇలాంటి అవగాహన ఉండటం ముఖ్యం. ఫేస్ కట్ vs నెక్, స్లీవ్..  ముఖ ఆకారాన్ని బట్టి ఎప్పుడూ మెడ,  స్లీవ్ డిజైన్‌ను ఎంచుకోవాలి. ఉదాహరణకు రౌండ్ ఫేస్ ఉంటే, V-నెక్ లేదా బోట్ నెక్,  బాగుంటుంది.  కావాలంటే ఒకసారి ప్రయత్నించాలి.  మీకు ఏది బాగుంటుందో చూడాలి. ఆ తర్వాత నిర్థారించుకోవాలి. పొడవు,  సైడ్స్.. కుర్తీ పొడవు  పొట్టిగా లేదా పొడవుగా కనిపించేలా చేస్తుంది.  అలాగే కటింగ్స్  లేదా సైడ్ చీలికలతో కొత్తదనాన్ని  కూడా జోడించవచ్చు. కాబట్టి ఎల్లప్పుడూ  ఎత్తుకు అనుగుణంగా కుర్తీ పొడవును ఎంచుకోవాలి.                            *రూపశ్రీ

పాత బ్లౌజులకు ఈ డిజైన్ ఇచ్చి చూడండి..  కొత్త ట్రెండ్ సెట్ చేస్తాయ్..! దాదాపు ప్రతి భారతీయ మహిళ చీర కట్టుకోవడానికి ఇష్టపడుతుంది. ఈ రోజుల్లో ఫ్యాషన్ ట్రెండ్ మారుతున్న కొద్దీ కాలేజీకి వెళ్ళే అమ్మాయిలలో కూడా చీర కట్టుకోవడం అనేది చాలా ఇష్టంగా మారుతోంది. నిజానికి నేటి యువతులకు చీర కట్టుకోవడం   ప్రజాదరణ పొందిన ఎథ్నిక్ వేర్‌ అని చెప్పవచ్చు. ఈ ట్రెండ్ కు తగ్గట్టే చీరలు డిజైన్ చేయడం, వాటికి తగిన బ్రౌజులు డిజైన్ చేయించుకోవడం జరుగుతుంది.  అయితే  చీర ఎంత అందంగా ఉన్నా దాని అందాన్ని పెంచేది బ్లౌజ్ మాత్రమే. అయితే పాత చీరలు కొన్ని అందంగా ఉన్నా వాటి బ్లౌజులు మాత్రం అంత అట్రాక్షన్ గా ఉండవు. అలాంటి వారి కోసం సూపర్ టెక్నిక్ ఇది. పాత బ్రౌజులను కొత్తగా ట్రెండీగా మార్చే ఆ పద్దతి గురించి తెలుసుకుంటే.. బ్రౌజ్ లకు స్లీవ్స్.. ఈ రోజుల్లో వివిధ రకాల బ్లౌజ్ డిజైన్లు  ప్రాచుర్యం పొందుతున్నాయి. చాలా మంది మహిళలు తమ పాత బ్లౌజ్‌లకు కొన్ని మార్పులు చేయడం ద్వారా వాటిని మళ్లీ కొత్తగా ధరించడానికి ఏదో ఒక ప్రయోగం చేస్తుంటాారు. చాలా మంది   నెక్  లేదా స్లీవ్‌లకు కొన్ని మార్పులు చేయడం ద్వారా  పాత బ్లౌజ్‌లను ధరించడానికి ఇష్టపడతారు. అలా పాత బ్లౌజ్ లను మళ్లీ కొత్తగా మార్చే సూపర్ టిప్ ఇది. ముత్యాల డిజైన్.. ముత్యాల డిజైన్లతో ఉన్న బ్లౌజ్‌లకు చాలా డిమాండ్ ఉంది. ఈ  డిజైన్‌లు  యువరాణి లుక్‌ని ఇస్తాయి. ఈ డిజైన్‌లు చాలా మంది కాలేజీకి వెళ్లే అమ్మాయిలకు కూడా భలే నప్పుతాయి. బెలూన్ పఫ్ స్లీవ్స్..  బెలూన్ పఫ్ స్లీవ్ డిజైన్లతో కూడిన బ్లౌజ్‌లు బాగా ఆదరణ పొందాయి.  అలాంటి స్లీవ్‌లతో కూడిన బ్లౌజ్‌లను లైట్ వెయిట్ చీరలతో జత చేయవచ్చు. అయితే అలాంటి బ్లౌజ్‌లను హెవీ వర్క్ చీరలతో జత చేయకూడదు. లేకుంటే అది  లుక్‌ను పాడు చేస్తుంది. రఫుల్ స్లీవ్స్.. రఫుల్ స్లీవ్స్ ఉన్న బ్లౌజ్  చాలా ఏళ్ళ క్రితమే  వార్తల్లో నిలిచింది. చాలా మంది మహిళలకు ఇలాంటి డిజైన్లు ఉన్నాయి. ఓల్డ్ ఈజ్ గోల్డ్ అంటారు కదా..  రఫుల్ స్లీవ్స్‌ బ్లౌజ్ ను  స్కర్ట్ లేదా లెహంగాతో జత చేయవచ్చు. ఇది చాలా మంచి లుక్ ఇస్తుంది.                      *రూపశ్రీ.

ఫుట్ వేర్ నుండి జీన్స్ వరకు.. వర్షాకాలానికి పర్ఫెక్ట్ సెట్ అయ్యే ఫ్యాషన్ చిట్కాలు..!   వర్షాకాలం ఎంత ఆహ్లాదకరంగా ఉంటుందో,  ఫ్యాషన్ సెన్స్ కు కూడా అంతే సవాలు విసురుతుంది. రోడ్లపై నీరు, బురద,  తేమతో కూడిన వాతావరణం తరచుగా స్టైల్ గా తయారై వెళ్లడానికి చాలా ఇబ్బంది కలిగిస్తాయి.  అయితే ప్రతి సమస్యకు ఓ పరిష్కారం ఉంటుంది అన్నట్టు.. ఇలాంటి వర్షాభావ పరిస్థితులలో కూడా ఫ్యాషన్ గా కనిపించడానికి పర్పెక్ట్ చిట్కాలు ఉన్నాయి. అవేంటో తెలుసకుంటే.. ఫుట్ వేర్.. వర్షం పడినప్పుడు ముందుగా శ్రద్ధ వహించాల్సినది పాదరక్షల గురించి. వర్షానికి  ఫ్యాషన్ లెదర్ షూలు,  క్లాత్ చెప్పులు పాడైపోతాయి. అందుకే వీటిని వాడకూడదు. వీటిని జాగ్రత్తగా దాటి పెట్టాలి. వర్షాలు పడుతున్న సమయంలో  రబ్బరు లేదా PVC మెటీరియల్‌తో తయారు చేసిన చెప్పులు, ఫ్లోటర్లు లేదా క్రోక్‌లు మంచి ఎంపికలు. ఇవి త్వరగా ఆరిపోతాయి, పైగా జారిపోయే ప్రమాదం తక్కువగా ఉంటుంది. వర్షాకాలంలో జెల్లీ చెప్పులు,  బూట్లు చాలా ట్రెండీగా ఉన్నాయి. రంగురంగుల జెల్లీ బూట్లు లేదా చెప్పులు  దుస్తులకు అదనపు ఆకర్షణను ఇస్తాయి.   పాదాలు తడిసిపోకుండా కాపాడతాయి. ఒకవేళ ఎక్కువ నీరు ఉన్న ప్రదేశంలో ఉంటే, ట్రెండీ రబ్బరు లేదా ప్లాస్టిక్ బూట్లు ధరించడం మంచిది. ఇవి  పాదాలను సురక్షితంగా ఉంచడమే కాకుండా  స్టైలిష్ లుక్ కూడా ఇస్తాయి. దుస్తులు.. వర్షంలో బట్టల మెటీరియల్ చాలా ముఖ్యం. కాటన్, లినెన్, రేయాన్ లేదా త్వరగా ఆరిపోయే సింథటిక్స్ వంటి తేలికపాటి బట్టలను ఎంచుకోవాలి. డెనిమ్ లేదా మందపాటి కాటన్‌ను నివారించాలి. ఎందుకంటే ఇవి ఆరడానికి  ఎక్కువ సమయం పడుతుంది. ఇవి  తేమ కారణంగా అసౌకర్యాన్ని కలిగిస్తాయి. జీన్స్.. భారీ డెనిమ్ జీన్స్ వర్షంలో తడిసిన తర్వాత బరువుగా మారతాయి. ఇవి  ఆరడానికి చాలా సమయం పడుతుంది, ఇది చర్మంపై దద్దుర్లు కలిగిస్తుంది. బదులుగా క్రాప్ ప్యాంటు, ప్లాంజో, ట్రాక్ ప్యాంటు లేదా తేలికపాటి ఫాబ్రిక్‌తో తయారు చేసిన షార్ట్‌లను ధరించడం మేలు. ప్రస్తుత మార్కెట్లలో  రేయాన్ లేదా లైక్రా మిక్స్ మెటీరియల్‌తో తయారు చేసిన సన్నని జీన్స్ కూడా అందుబాటులో ఉన్నాయి.  ఇవి త్వరగా ఆరిపోతాయి. రంగులు.. ముదురు రంగు దుస్తులను ఎంచుకోవడం చాలా బాగుంటుంది. ఉదాహరణకు నేవీ బ్లూ, నలుపు, ముదురు ఆకుపచ్చ లేదా మెరూన్. లేత రంగు దుస్తులపై బురద లేదా నీటి మరకలు ఎక్కువగా కనిపిస్తాయి. పొడవాటి దుస్తులు లేదా ప్లాంజోలకు బదులుగా, మోకాలి పొడవు లేదా కొంచెం ఎత్తులో ఉండే దుస్తులు, స్కర్టులు లేదా జంప్‌సూట్‌లను ధరించడం మేలు. ఇవి బురద, వర్షపపు నీటి నుండి  రక్షిస్తాయి,  దాంతోపాటు స్టైలిష్‌గా కూడా కనిపిస్తాయి. రెయిన్ కోట్స్.. శైలికి అనుగుణంగా ట్రెండీ రెయిన్ కోట్స్ లేదా విండ్ చీటర్లను ఎంచుకోవాలి. ఈ రోజుల్లో అనేక డిజైనర్,  స్టైలిష్ రెయిన్ కోట్స్ అందుబాటులో ఉన్నాయి. ఇవి వర్షం నుండి  కాపాడుతూ  ఫ్యాషన్ లుక్ కూడా ఇస్తాయి. మేకప్..  మేకప్ వేసుకునే అలవాటు ఉన్నవారు వాటర్ ప్రూఫ్ కాజల్, లైనర్,  మస్కారా ఉపయోగించాలి. బరువైన బేస్ లేదా ఫౌండేషన్‌ను నివారించాలి. అలాగే మెటల్ ఆభరణాలను నివారించాలి.  ఎందుకంటే అవి తేమ కారణంగా దెబ్బతింటాయి లేదా స్కిన్ రియాక్షన్ కు అవకాశం ఉంటుంది. ప్లాస్టిక్, రబ్బరు లేదా నీటి నిరోధక పదార్థాలతో తయారు చేసిన ఉపకరణాలను ధరించండి. హెయిర్ కేర్.. వర్షంలో  జుట్టు తడిస్తే అది పొడిగా,  నిర్జీవంగా మారుతుంది. అటువంటి పరిస్థితిలో జుట్టును లూజ్ గా ఉంచే బదులు వాటిని పోనీటైల్, బన్ లేదా జడగా వేసుకోవాలి. ఇది  జుట్టు తడి కాకుండా కాపాడుతుంది  దానిని నిర్వహించడం సులభం అవుతుంది. తేమ కారణంగా జుట్టు తరచుగా చిట్లుతుంది. యాంటీ-ఫ్రిజ్ సీరం లేదా స్ప్రే ఉపయోగించాలి. వర్షాకాలాన్ని పూర్తిగా ఆస్వాదిస్తూ..  స్టైల్ విషయంలో ఏమాత్రం  రాజీ పడకూడదంటే.. ఈ  చిట్కాలను పాటిస్తే సరి.                                       *రూపశ్రీ.  

ప్రపంచంలో అత్యంత ఖరీదైన హీల్స్ గురించి తెలుసా...   ఒక జత బూట్లు లేదా హీల్స్ కొనడానికి  ఎంత డబ్బు ఖర్చు చేయవచ్చు? మహా అయితే 500, 1000, 10000 లేదా అంతకంటే కొంచెం ఎక్కువ కూడా. కానీ ప్రపంచంలోనే అత్యంత ఖరీదైన హీల్స్ ధర వేల లక్షల కంటే చాలా ఎక్కువ. ఇది విన్నవాళ్లు నమ్మడానికి సంశయిస్తారు.  కానీ ఈ హీల్స్ డిజైన్,  మెరుపు చూస్తే మాత్రం కళ్లు తిప్పుకోలేరు.  ప్రపంచంలోనే అత్యంత ఖరీదైన హీల్స్ తయారు చేయడానికి చాలా విలువైన మెటీరియల్ ఉపయోగించారట.  అసలు ఈ హీల్స్‌ను ఏ బ్రాండ్ తయారు చేసిందో,  దాని ధర ఏంటో తెలుసుకుంటే.. ప్రపంచంలో అత్యంత ఖరీదైన హీల్స్.. ప్రపంచంలోనే అత్యంత ఖరీదైన పాదరక్షలను తయారు చేసే బ్రాండ్ పేరు జాడా దుబాయ్. ఖరీదైన పాదరక్షలను తయారు చేయడంలో ఈ బ్రాండ్ ఒక్కసారి మాత్రమే కాదు, చాలాసార్లు వార్తల్లో నిలిచింది. వీరు తయారు చేసిన 'ప్యాషన్ డైమండ్ షూస్' ప్రపంచంలోని అత్యంత ఖరీదైన పాదరక్షలలో ఒకటిగా పరిగణించబడుతోంది. వీటి రంగు వీటిని ఇతన బ్రాండ్ లు, ఇతర హీల్స్ కంటే చాలా డిఫరెంట్ గా ఉంచుతోంది. వీటి సైజ్ ఎంతంటే.. ఈ హీల్స్ యూరోపియన్ సైజు 36. ఎవరైనా తమ సైజు  ఎంపిక ప్రకారం దీన్ని తయారు చేయించుకోవచ్చు. ఇది కేవలం ఒక షోపీస్ కోసం  మాత్రమే తయారు చేసినవి కాదు. వీటిని ధరించాలని అనుకునేవారు ఎంచక్క ఆర్డర్ ఇచ్చి వీటిని తయారుచేయించుకుని ధరించవచ్చు.   ఇది ఎవరినైనా రాయల్‌గా చూపిస్తుంది . కానీ ఒక జత హీల్స్ కోసం  కోట్ల రూపాయలు ఎవరు  ఖర్చు చేస్తారనేది ప్రశ్న. బంగారంతో.. సాధారణంగా  చాలా వస్తువులతో తయారు చేసిన హీల్స్ చూసి ఉంటారు. కానీ 'ప్యాషన్ డైమండ్ షూస్' బంగారంతో తయారు చేయబడతాయి. అందుకే వాటి రంగు స్వచ్ఛమైన బంగారంగా కనిపిస్తుంది. ఇది మెరుపుతో చాలా అందంగా కనిపిస్తుంది. హీల్స్ కోణాల కాలి శైలిని కలిగి ఉంటాయి. అలాగే హీల్స్ ఎత్తు కూడా చాలా ఎక్కువగా ఉంటుంది, ధరించే వారి లుక్‌ను పెంచుతుంది. వజ్రాలు జోడించారు.. 'ప్యాషన్ డైమండ్ షూస్' కు డైమండ్ డిటెయిలింగ్ జోడించబడింది. ముందుగా హీల్స్ మధ్యలో ఒక వజ్రం ఉంటుంది. దీని తరువాత హీల్స్ కు రెండు వైపులా చిన్న వజ్రాలను జోడించడం ద్వారా డిజైన్ చేయబడింది. బంగారు మెరుపుతో వజ్రం అందం మరింత మెరుగుపడుతోంది. అందుకే వాటి ధర కోట్లలో ఉంది. అసలు ధర ఎంతంటే.. ఈ హీల్స్ ధర 17 మిలియన్ డాలర్లు. ఇది భారత రూపాయిలలో దాదాపు 141 కోట్ల రూపాయలు.  దీనిని విని ఆశ్చర్యపోవచ్చు. కానీ దానిపై ఉన్న వివరాలు దాని పూర్తి ధరను సమర్థిస్తాయి. అయితే ఈ ధర సామాన్యులకు చాలా ఎక్కువ. కానీ ధనవంతులు వీటిని కొనడానికి ఎలాంటి భయం వ్యక్తం చేయరు. ఈ విషయం జగమెరిగిన సత్యం మరి.                                          *రూపశ్రీ.

పాతకాలపు చందేరి చీరలు మీ దగ్గర ఉన్నాయా...వాటిని జాగ్రత్తగా చూసుకోవడానికి 5 టిప్స్ ఇవిగో..!   చీరలు అంటే ఆడవారికి ఎంతో ఇష్టం. 13వ శతాబ్దంలో మధ్యప్రదేశ్‌లోని చారిత్రాత్మక పట్టణం చందేరి నుండి ఉద్భవించినవే చందేరి వస్త్రాలు. మధ్య భారతదేశం అంతటా క్రమంగా అభివృద్ధి చెందిన రాజరిక ఆకర్షణ,  నేత సంప్రదాయానికి ఇవి  ప్రసిద్ధి చెందాయి. గుజరాత్, మాల్వా,  మేవార్ వంటి అనేక ఇతర ప్రాంతాలను ప్రభావితం చేస్తూ ఈ పరిశ్రమ చాలా కాలంగా చక్కటి హ్యాండ్ వర్క్ తో ,  పూర్తి రాజరికంతో ముడిపడి ఉంటుంది. రాయల్ లుక్ ను గొప్పగా ప్రెజెంట్ చేసే చందేరి చీరలను జాగ్రత్తగా పెట్టుకోకపోతే అవి కళ కోల్పోవడం లేదా ధరించడానికి అనువుగా లేకుండా ఉండటం జరుగుతుంది.  అందుకే ఈ చందేరి వస్త్రాలను జాగ్రత్తగా ఉంచుకోవడానికి 5 అద్బుతమైన చిట్కాలు ఉన్నాయి. అవేంటో తెలుసుకుంటే.. వాషింగ్,  శుభ్రపరిచే పద్ధతులు.. జరీ,  ఎంబ్రాయిడరీ మొదలైనవి చందేరీ వస్త్రాలపై చాలా ఆకర్షణను ఇస్తాయి. ఇవి  చెక్కుచెదరకుండా ఉంచడానికి ఎల్లప్పుడూ డ్రై క్లీనింగ్ ను ఎంచుకోవాలి. ఇది అత్యంత సురక్షితమైన పద్ధతి. అలాగే  వింటేజ్ హెరిటేజ్ కట్స్ కూడా ఇందులో ఉంటాయి.  వీటిని ఎలా నిర్వహించాలో బాగా తెలిసిన ప్రొఫెషనల్ డ్రై క్లీనర్ల చేతుల్లో మాత్రమే ఈ వస్త్రాలను శుభ్రం చేయడానికి ఇవ్వడం మంచిది. అయితే చిన్న మరకలు ఉంటే, మొత్తం ఫాబ్రిక్‌ను ఉతకకుండా  స్పాట్ క్లీనింగ్‌ను ఎంచుకోవడం మేలు. తడిసిన ప్రదేశంలో చల్లటి నీటిలో ముంచిన కాటన్ ప్యాడ్‌ను అప్లై చేయడం ద్వారా అప్పటికప్పుడే మరకను వదిలించుకోవచ్చు. అవసరమైతే కొద్ది మొత్తంలో డిటర్జెంట్ కలపవచ్చు. కానీ ఫాబ్రిక్‌ను రుద్దకూడదు. ఎందుకంటే ఇది నేత పనితనాన్ని,  రంగును దెబ్బతీస్తుంది. క్లీన్ చేసేటప్పుడు, ఆరబెట్టేటప్పుడు..    ఫాబ్రిక్ మీద డిటర్జెంట్ వాడినట్లయితే, సబ్బు అవశేషాలను తొలగించడానికి చల్లటి నీటితో సున్నితంగా శుభ్రం చేసుకోవాలి. అంతేకానీ ఫాబ్రిక్‌ను మెలితిప్పడం చేయకూడదు. మరోవైపు చీరను ఆరబెడుతుంటే, ఎట్టి పరిస్థితుల్లోనూ డైరెక్ట్ సన్ లైట్ లో బట్టలను ఆరబెట్టకూడదు. ఎందుకంటే చాలా  ప్రభావవంతంగా ఉన్న కిరణాలు రంగులు మసకబారి, దారాలను బలహీనపరుస్తాయి. అందువల్ల నీడ ఉన్న లేదా బాగా వెంటిలేషన్ ఉన్న ప్రదేశంలో  చీరను గాలిలో ఆరబెట్టవచ్చు. అలాగే మడతలు పడకుండా ఉండటానికి ప్యాడెడ్ హ్యాంగర్‌ని ఉపయోగించి చీరను చదునుగా ఉండేలా జాగ్రత్త పడవచ్చు. చందేరి చీరను ఎలా ఇస్త్రీ చేయాలి? తక్కువ నుండి మధ్యస్థ వేడి సెట్టింగ్‌ని ఉపయోగించాలి.  ఇస్త్రీని నేరుగా ఫాబ్రిక్‌పై ఎప్పుడూ నొక్కకూడదు. చీరపై కాటన్ వస్త్రాన్ని ఉంచాలి.   దానిని ఇస్త్రీ చేయాలి. ఇది ముఖ్యంగా జరీ లేదా ఎంబ్రాయిడరీ భాగాల చుట్టూ రక్షణ పొరగా పనిచేస్తుంది. భారీ మోటిఫ్ లేదా మెటాలిక్ వర్క్ ఉన్న చీరల కోసం, ఆ విభాగాలను పూర్తిగా ఇస్త్రీ చేయడాన్ని నివారించాలి. చందేరి చీరను ఎలా మడతపెట్టాలి? చందేరి చీర  మృదువైన ఆకృతి కాలానుగుణ ఆకర్షణతో అందమైన ప్రవాహాన్ని సృష్టిస్తుంది. ఈ లక్షణాలను కాపాడుకోవడానికి, వాటిని జాగ్రత్తగా మడవాలి. ఇప్పుడు మడతలను చక్కగా సమలేఖనం చేసి, నెమ్మదిగా మడతపెట్టేటప్పుడు సహజ నేత లేదా డిజైన్ నమూనాను అనుసరించాలి. ఈ ప్రక్రియ మొండి ముడతలను నివారించడానికి సహాయపడుతుంది.  సున్నితమైన ఎంబ్రాయిడరీ లేదా జరీ పని చెదిరిపోకుండా కాపాడుతుంది.  చందేరి చీరను స్టోర్ చేయడానికి మార్గాలు..  మస్లిన్ లేదా కాటన్ వంటి గాలి పీల్చుకునే ఫాబ్రిక్ బ్యాగ్‌ను ఉపయోగించాలి. లోపల ప్లాస్టిక్ కవర్ ఉంటుంది. ఇది కనీస గాలి ప్రసరణను అనుమతిస్తుంది.  ఫాబ్రిక్‌ను తేమ,  పసుపు రంగులోకి మారకుండా కాపాడుతుంది. తేమ పేరుకుపోకుండా,  కీటకాల నష్టాన్ని నివారించడానికి నాఫ్తలీన్ బంతులను ఒక గుడ్డలో చుట్టిన సిలికా జెల్ సాచెట్‌లో ఉంచండి. ఒకే లైన్లలో పదే పదే మడతపెట్టకుండా ఉండాలి.   లోతైన లేదా  పర్మినెంట్ గా ముడతలు పడకుండా ఉండటానికి ప్రతి కొన్ని నెలలకు ఒకసారి  చీరను తిరిగి మడత పెడుతూ ఉండాలి. ప్రతి 6 నెలలకు గాలిని బయటకు పంపి మళ్ళీ సున్నితంగా విప్పి  దానిని నీడ లేదా వెంటిలేషన్ ఉన్న ప్రదేశంలో వేలాడదీయవచ్చు, ఇది దాని తాజాదనాన్ని కాపాడుతుంది.  అలాగే బూజు సమస్యలను నివారిస్తుంది.                                        *రూపశ్రీ.  

ఫ్యాషన్ ఐకాన్ లా అందంగా కనిపించాలంటే ఇలా చేయండి..!   ఫ్యాషన్ గా కనిపంచాలని నేటి కాలం అమ్మాయి నుండి పెద్దల వరకు చాలా తహతహలాడుతుంటారు.  దుస్తుల ఎంపిక నుండి జ్యువెలరీ,  చెప్పులు, హ్యాండ్ బ్యాగ్ లు ఇలా ఒకటనేమిటి.. అన్నీమ్యాచింగ్ ఉండాలని కోరుకుంటారు. అయితే ఎన్ని ఉన్నా కొందరు అస్సలు అందంగా కనిపించరు.  అందంగా కనిపించాలంటే కొన్ని విషయాలు తెలుసుకోవాలి.  కొన్ని చిట్కాలు ఫాలో అవ్వాలి. అవేంటంటే.. శరీర ఆకృతిని అర్థం చేసుకోవాలి.. పియర్ షేప్.. నడుము సన్నగా, తొడలు విస్తృతంగా ఉంటాయి. దీన్ని పియర్ షేప్ అంటారు. ఇలాంటి వారు టాప్ వైపు లైట్ కలర్స్, షోల్డర్ డీటైల్స్ ఉన్న బ్లౌజులు వేసుకుంటే బాగుంటుంది.  యాపిల్ షేప్ .. పొట్ట వద్ద వెడల్పుగా ఉన్న శరీరం కలవారు ఉంటారు. ఇలాంటి వారి శరీర అకృతిని యాపిల్ షేప్ అని అంటారు.   వీరు డీప్ నెక్‌లైన్ టాప్‌లు, ఫ్లోయింగ్ కుర్తాలు  ఎంపిక చేసుకుంటే మంచిది. అవర్ గ్లాస్: అవర్ గ్లాస్ అంటే ఇసుక గడియారం.  నడుము సన్నగా, పైకైనా, కిందకైనా సమానంగా ఉంటుంది. ఇలాంటి శరీరాకృతి అవర్ గ్లాస్ కు పోలికగా ఉంటుంది.  బాడీ కాంటూరింగ్ కుర్తాలు, బెల్ట్ వేసే డ్రెస్‌లు బాగా పర్ఫెక్ట్ గా చూపిస్తాయి. ఎలాంటి ఆకృతి అయినా దుస్తులు ఎంపిక చేసుకునే విధానం చాలా ముఖ్యం.  రంగు అనుసంధానం  అంటే.. 3 రంగుల నియమం  పాటించాలి. ఒక ప్రధాన రంగు (main) ఒక మద్దతు రంగు (support) ఒక హైలైట్/కాంట్రాస్ట్ రంగు (accent) ఉదాహరణకు.. వైట్ టాప్ + డెనిమ్ బ్లూ జీన్స్ + మెరూన్ బ్లేజర్ క్రిమ్ కుర్తా + బాటిల్ గ్రీన్ దుపట్టా + గోల్డ్ జ్యూవెలరీ రంగులు తేలికగా ఉండాలి, కానీ క్లాస్ గా కనిపించాలి. ఉపకరణాలు..  ఫ్యాషన్ సీక్రెట్ చాలామందికి పూర్తీగా తెలియవు.   దుస్తులకు తగిన ఇయర్‌రింగ్స్, చైన్, బ్యాగ్, బెల్ట్, వాచ్ లాంటివి  స్టైల్‌ను పూర్తిగా మార్చేస్తాయి. మినిమలిస్ట్.. ఒకసారి ఒక్క  ఆభరణం ఉంటే చాలు. ఉదా: ఒక నీలం plain dress ఉంటే — పెద్ద సిల్వర్ జుమ్కాలు + ఆక్సిడైజ్డ్ గాజులు ఉంటే చాలు. వెస్ట్రన్ టాప్ అయితే – చక్కటి హెయిర్‌స్టైల్ + హూప్స్ + క్లాచ్ బ్యాగ్ సరిపోతుంది. పాదరక్షలు – లుక్‌ని పూర్తిచేసే గేమ్‌చేంజర్ స్లిప్పర్లు, షూస్, హెయిల్స్ అన్నీ సందర్భానికి తగినట్టు ఎంచుకోవాలి. జీన్స్, ప్యాంట్లకి స్నీకర్స్ లేదా మ్యూల్స్. చీరలు, సాల్వార్‌లకు జూటీలు లేదా బ్లాక్ హెయిల్స్. హెయిర్ స్టైల్ + మేకప్..  "ఫ్యాషన్ లో హాఫ్ జాబ్"  ఫేస్ షేప్‌కు తగిన హెయిర్‌కట్ ఎంపిక చేసుకోవడమే. మేకప్ మితంగా, నేచురల్ గ్లో లా ఉండాలి. చక్కటి కాటుక + లిప్‌బామ్   వాడి కూడా చాలా అద్బుతంగా కనిపించవచ్చు. ఫైనల్ గా..   నడక, భంగిమ, ధైర్యమే అసలు ఫ్యాషన్. ఎంత స్టైలిష్ దుస్తులు వేసుకున్నా ఆత్మవిశ్వాసం లేకపోతే అసలు వర్క్ చేయదు. నడకలో గౌరవం, ముఖంలో చిరునవ్వు, భంగిమలో నిగుర్లు ఉంటే ఏం వేసుకున్నా మీరు ఫ్యాషన్ ఐకాన్ లా కనిపిస్తారు.                                               *రూపశ్రీ. 

జీన్స్ కొనేముందు తప్పనిసరిగా ఈ విషయాలు గుర్తుంచుకోవాలి!   ఇప్పటికాలం అమ్మాయిలు  వస్త్రాధరణ విషయంలో అబ్భాయిలకు ఏమీ తీసిపోవడం లేదు. అబ్బాయిలతో సమానంగా చక్కగా జీన్స్ ధరిస్తున్నారు. చాలామంది అమ్మాయిలు రెగులర్ గా ధరించడానికి జీన్స్ నే ఎంచుకుంటున్నారు. అయితే జీన్స్ కొనేముందు చాలా సందేహాలు వస్తాయి. వాటిలో జీన్స్ నాణ్యత నుండి కంఫర్ఠ్, ఫ్యాషన్ వరకు బోలెడు ఉంటాయి. ఇవి మాత్రమే కాకుండా జీన్స్ కొనుగోలు చేసేటప్పుడు ప్రతి ఒక్కరూ తప్పక గుర్తుపెట్టుకోవాల్సిన విషయాలివీ.. సైజ్..  జీన్స్ కొనుగోలు చేసినప్పుడు,  సైజ్ ను బట్టి జీన్స్ ఎంచుకోవడానికి ముఖ్యం.అయితే ఈ సైజ్ జీన్స్  బ్రాండ్‌లు,  శైలులను బట్టి మారుతుంటుంది, కాబట్టి మీ సైజ్  కొలవడానికి టేప్ కొలతను ఉపయోగించాలి. దీనికి  అనుగుణంగా జీన్స్‌ని ఎంచుకోవాలి. స్టైల్ స్టైల్ ఎప్పుడు ట్రెండ్ మీద ఆధారపడి ఉంటుంది. ప్రస్తుతం  మార్కెట్లో లభించే జీన్స్ వివిధ స్టైల్స్,  కటింగ్స్‌లో లభిస్తున్నాయి. మీ స్టైల్ ను బట్టి జీన్స్ ను ఎంచుకోవడం మరచిపోకండి.   క్వాలిటీ.. జీన్స్  కొనుగోలు చేసేటప్పుడు , దాని నాణ్యతపై ప్రత్యేక శ్రద్ధ వహించాలి. ఖరీదైన జీన్స్ ఎప్పుడూ మంచి నాణ్యతతో ఉండదనే విషయం గుర్తుంచుకోవాలి. అలాగే చవకగా దొరికే జీన్స్ ను తీసిపారేయాల్సిన అవసరం లేదు.  కాబట్టి డబ్బు,  నాణ్యత రెండింటినీ గుర్తుంచుకోవాలి. క్వాలిటీ జీన్స్ ధరించడం ద్వారా మాత్రమే మీరు సౌకర్యాన్ని పొందవచ్చు. కలర్స్ క్రష్.. మీరు జీన్స్ కు ఇచ్చే ప్రాధాన్యత, ఉపయోగించే విధానం  ప్రకారం ముదురు నీలం, లేత నీలం, నలుపు,  స్టోన్‌వాష్ వంటి జీన్స్ రంగులను ఎంచుకోవచ్చు. వాషింగ్ విధానం.. ప్రతి రకం వస్త్రానికి ఒకో విధమైన వాషింగ్ స్టైల్ ఉంటుంది. జీన్స్ కొనుగోలు చేసేటప్పుడు, వాటిని ఎలా వాష్ చేయాలో తెలుసుకోవాలి. కొన్ని జీన్స్‌ని చేతితో ఉతకవచ్చు, మరికొన్ని డ్రై క్లీన్‌ చెయ్యాల్సి ఉంటుంది. చాలా జీన్స్‌లో వాషింగ్ మెషీన్‌లో ఉతకడం సాధ్యం  కాదు. కాబట్టి కొనుగోలు చేయబోయే జీన్స్ ఎలా వాష్ చేయాలో ముందే తెలుసుకుని కొనుగోలు చేయడం మంచిది.                                                       *నిశ్శబ్ద.