TeluguOne Health
● # Tweets

Download the TeluguOne App

Choose your platform to continue

political-news-img

వచ్చే ఎన్నికల్లో పోటీకి దూరం: కర్నాటక మాజీ సీఎం సిద్దరామయ్య.. రాజకీయ సన్యాసమేనా.?

కర్ణాటక మాజీ ముఖ్యమంత్రి, సీనియర్ కాంగ్రెస్ నేత సిద్ధరామయ్య సంచలన ప్రకటన చేశారు. వయోభారం కారణంగా వచ్చే అసెంబ్లీ ఎన్నికలలో తాను పోటీలో దిగనని పేర్కొన్నారు. గతంలో కూడా ఈ విషయాన్ని ఆయన చెప్పినప్పటికీ, ప్రస్తుత రాష్ట్ర రాజకీయ పరిస్థితుల నేపథ్యంలో ఆయన చేసిన తాజా ప్రకటన సంచలనంగా మారింది. మైసూరులో విలేకరుల సమవేశంలో మాట్లాడిన వచ్చే ఎన్నికల బరిలో తాను ఉండబోననీ, ఇది ఖాయమనీ కుండబద్దలు కొట్టారు. తన వయసు, ఆరోగ్య పరిస్థితుల దృష్ట్యా ఎన్నికల్లో పోటీ చేయడం సాధ్యం కాదన్నారు. మొత్తంగా సిద్దరామయ్య ఈ ప్రకటన రాజకీయ సన్యాసానికి సంకేతమా అన్న చర్చ రాజకీయవర్గాలలో జోరుగా సాగుతోంది. కాంగ్రెస్ హై కమాండ్ వద్ద పలుకుబడి తగ్గడం, ఇటీవల సోనియాగాంధీ ఆటోబయోగ్రఫి ది బిలాంగింగ్ ఆవిష్కరణ సభలో సిద్దరామయ్యకు ముందు వరుసలో చోటు దక్కకపోవడం తదితర అంశాలను ప్రస్తావిస్తూ పరిశీలకులు సిద్దరామయ్య తాజా ప్రకటన ఆయన రాజకీయ కెరీర్ ముగిసినట్లేనని విశ్లేషిస్తున్నారు. అయితే సోనియా పుస్కకావిష్కరణ కార్యక్రమంలో తాను వెనుక వరుసలో కూర్చున్న దృశ్యాలపై వస్తున్న విమర్శలు, ఊహాగానాలకు సిద్ధరామయ్య ఈ సందర్భంగా వివరణ ఇస్తూ, తాను వేదిక వద్దకు ఆలస్యంగా చేరుకోవడం వల్లే వెనుక సీటులో కూర్చోవాల్సి వచ్చిందని స్పష్టత ఇచ్చారు. పార్టీ నాయకత్వం తనను పక్కన పెట్టిందంటూ ప్రతిపక్షాలు చేస్తున్న ప్రచారంలో ఇసుమంతైనా వాస్తవం లేద పునరుద్ఘాటించారు. సీనియర్ నేతగా సుదీర్ఘ కాలం పాటు కర్ణాటక రాజకీయాల్లో కీలక పాత్ర పోషించిన సిద్ధరామయ్య, ఎన్నికల రాజకీయాల నుంచి తప్పుకుంటానని గతంలోనే సంకేతాలు ఇచ్చారు. వచ్చే ఎన్నికల నాటికి తన వయసు ఎనభై పైనే ఉంటుందని, గతంలో మాదిరిగా పూర్తి ఉత్సాహంతో ఎన్నికల ప్రచారం, పోటీ బాధ్యతలు నిర్వహించడం కష్టతరమని ఆయన తాజాగా కూడా మీడియా సమావేశంలో పునరుద్ఘాటించారు. మరోవైపు కర్ణాటక రాజకీయాల్లో అధికార మార్పిడి, నాయకత్వ మార్పు అనంతర పరిణామాల నేపథ్యంలో సిద్ధరామయ్య, ప్రస్తుత ముఖ్యమంత్రి డీకే శివకుమార్ మధ్య సంబంధాలు, పార్టీలో సిద్ధరామయ్య ప్రాధాన్యత వంటి అంశాలను ప్రస్తావిస్తూ పరిశీలకులు సిద్దరామయ్య పాలిటిక్స్ కు గుడ్ బై చెప్పేసినట్లేనని విశ్లేషిస్తున్నారు. ఇది కూడా చదవండి: బొటా బొటిగ గెలిచిన సిద్ద రామయ్య...​ ఎన్నికల్లో పోటీ చేయకపోయినప్పటికీ, ప్రజా సమస్యలపై తన గళం వినిపిస్తూ ప్రజా జీవితంలో కొనసాగుతారని ఆయన అభిమానులు చెబుతున్నప్పటికీ రాజకీయ సన్యాసం అన్న చర్చ కొనసాగుతూనే ఉంది. కర్ణాటకలో అసెంబ్లీ ఎన్నికలకు 2028లో జరుగుతాయి. అందుకుఇంకా చాలా సయమం ఉన్నప్పటికీ సిద్దరామయ్య ఎన్నికలలో పోటీ చేసే అంశంపై స్పష్టత ఇవ్వడంపై పలు సందేహాలు వ్యక్తమౌతున్నాయి. ఆయన ఈ నిర్ణయం రాష్ట్ర రాజకీయాలలో కాంగ్రెస్ సమీకరణాలపై ప్రభావం చూపుతుందని పరిశీలకులు విశ్లేషిస్తున్నారు. ఎన్నికల్లో పోటీకి దూరం అన్న సిద్దరామయ్య ప్రకటనతో.. రానున్న రోజుల్లో సిద్ధరామయ్య క్రియాశీల రాజకీయాల్లో ఏ విధంగా కొనసాగుతారు, పార్టీ కార్యక్రమాలలో ఆయన పాత్ర ఎలా ఉండబోతుందనే దానిపై కార్యకర్తలు, ప్రజల్లో చర్చోపచర్యలు జరుగుతున్నాయి. మొత్తానికి వచ్చే అసెంబ్లీ ఎన్నికల్లో పోటీ చేయబోనని పునరుద్ఘాటించడం ద్వారా చేయడం ద్వారా సిద్ధరామయ్య తన వైఖరిపై ఎలాంటి సందిగ్ధత కుండబద్దలు కొట్టేసినట్లైంది. మీకు నచ్చవచ్చు: కర్నాటకం.. సీఎం మార్పు ఖాయమేనా?​ రసకందాయంలో కర్నాటకం.. సీఎం సిద్దరామయ్య రాజీనామా? [Siddaramaiah, Karnataka, olitics, Election, Contest TeluguOne]

Published on: Thu Nov 19, 2026 1:56PM

political-news-img

దేశ గౌరవపతాక: జాతీయ జెండా: మోడీ చర్య పట్ల దేశం అందరూ ఫిదా.!

అంతర్జాతీయ వేదికలపై జాతీయ జెండాపై తనకున్న అపారమైన గౌరవాన్ని ప్రధాని నరేంద్ర మోదీ మరోసారి చాటుకున్నారు. ఇటీవల ఫిలిప్పీన్స్ రాజధాని మానిలాలో జరిగిన క్వాడ్ నేతల శిఖరాగ్ర సమావేశం సందర్భంగా చోటుచేసుకున్న ఒక చిన్న సంఘటన ప్రస్తుతం సోషల్ మీడియాలో విపరీతంగా వైరల్ అవుతోంది. సమావేశంలో భాగంగా ఏర్పాటు చేసిన గ్రూప్ ఫోటో సెషన్‌లో ప్రధాని మోదీ నిరాడంబరత, దేశభక్తి అందరినీ ఆకట్టుకుంది. ఆసియాన్ సదస్సు, క్వాడ్ సమావేశాల నేపథ్యంలో వివిధ దేశాల అధినేతలు పాల్గొనే ఫోటో సెషన్ కోసం నిర్వాహకులు ప్రత్యేక ఏర్పాట్లు చేశారు. నాయకులు ఎక్కడ నిలబడాలో సూచించేందుకు వీలుగా నేలపై వేర్వేరు దేశాల జాతీయ జెండాల గుర్తులు, నేమ్ కార్డ్స్‌ ఉంచారు. ఆ ప్రాంతానికి చేరుకున్న ప్రధాని నరేంద్ర మోదీ, తన స్థానానికి సమీపంలో నేలపై పడి ఉన్న భారత త్రివర్ణ పతాకపు గుర్తును గమనించారు. ఎలాంటి సంకోచం లేకుండా వెంటనే కిందకు వంగిన ప్రధాని మోదీ, ఆ త్రివర్ణ పతాక చిహ్నాన్ని చాలా జాగ్రత్తగా అపురూపంగా తీసుకున్నారు. జాతీయ జెండాను నేలపై ఉంచకూడదనే స్పృహతో దానిని తన జేబులో దాచుకున్నారు. పక్కనే నిలబడి ఉన్న అమెరికా అధ్యక్షుడు డొనాల్డ్ ట్రంప్ మోదీ చేసిన ఈ పనికి ముగ్ధులైన ట్రంప్, ఆ జెండా గుర్తును అలాగే భద్రపరుచుకోవాలని సూచించారు. ఇందుకు సంబంధించిన వీడియో సామాజిక మాధ్యమాలలో హల్చల్ చేస్తోంది. దేశంపై, జాతీయ జెండాపై ఒక దేశ ప్రధాని చూపించే గౌరవం ఏ స్థాయిలో ఉంటుందో ఈ సంఘటన నిరూపిస్తోందని నెటిజన్లు ప్రశంసల వర్షం కురిపిస్తున్నారు. సామాన్యుల నుంచి ప్రముఖుల వరకూ అందరూ మోడీ చర్యను అభినందిస్తూ సోషల్ మీడియా వేదికగా ప్రశంసలు గుప్పిస్తున్నారు. ఇది కూడా చదవండి: ప్రభుత్వాధినేతగా మోడీ పాతికేళ్ల ప్రస్థానం: అభివృద్ధి గణాంకాలు.. రాజకీయ వివాదాలు.!​ గతంలోనూ ఇలాంటి ఘటనే ఒకటి గుర్తు చేస్తున్నారు. సౌతాఫ్రికాలో జరిగిన బ్రిక్స్ సదస్సు సమయంలోనూ ప్రధాని మోదీ సరిగ్గా ఇలాగే వ్యవహరించారు. నేలపై పడి ఉన్న భారత జాతీయ జెండా గుర్తును కిందనుంచి తీసి భద్రపరచుకున్న సంగతిని ప్రస్తావిస్తున్నారు. దేశం పట్ల అంకితభావం కేవలం పెద్ద ప్రకటనలతోనే కాకుండా ఇలాంటి చిన్న చిన్న, బాధ్యతాయుతమైన పనుల ద్వారానే ప్రతిఫలిస్తుందని ప్రజలు అభిప్రాయపడుతున్నారు. ఒక దేశ ప్రధాని తన జాతీయ పతాకంపై చూపిన ఈ అపారమైన గౌరవం అంతర్జాతీయ వేదికలపై భారతదేశ కీర్తి ప్రతిష్టలను మరింత ఇనుమడింపజేసిందని చెప్పడంలో ఎలాంటి అతిశయోక్తి లేదు. మీకు నచ్చవచ్చు: సీఎం చంద్రబాబుకు పీఎం మోడీ ఫోన్: తుపాన్ల నష్టంపై ఆరా.!​ ప్రధాని మోదీకి ఇజ్రాయెల్ అరుదైన ఆహ్వానం.. స్మిత్ మచ్చర్‌తో కలిసి జ్యోతి ప్రజ్వలనం.! [NarendraModi, Nationalflag, Quad Summit, NationalFlagRespect, TeluguOne]

Published on: Thu Nov 19, 2026 10:37AM

political-news-img

గ్లోబల్ ఎకానమీలో ఇండియా టాప్: భారత్ వృద్ధి రేటి అంచనాలు పెంచిన ఐఎంఎఫ్.!

ప్రపంచ ఆర్థిక రంగంలో ఇండియా మరో హిస్టారికల్ మైల్ స్టోన్ దాటింది. గ్లోబల్ ఎకానమీకి సంబంధించి వెలువడిన తాజా నివేదికలలో భారత్ అమెరికా, చైనాలను తోసి రాజని కొత్త రికార్డ్ సృష్టించింది. గ్లోబల్ ఎకానమీలో అమెరికా, చైనా వంటి దేశాలను వెనక్కి నెట్టి భారత ఆర్థిక వ్యవస్థ సరికొత్త రికార్డులను సృష్టిస్తోంది. ఇన్ఫోఇన్‌డేటా నివేదిక ఈ విషయాన్ని విస్పష్టంగా పేర్కొంది. అంతర్జాతీయంగా నెలకొన్న బాహ్య ఆర్థిక సంక్షోభాలను సమర్థంగా ఎదుర్కొంటూ భారత్ తన సత్తాను చాటుకుంటోంది. కీలకమైన ఆర్థిక సూచీల పరంగా భారత్ ప్రపంచంలోనే అగ్రస్థానాన్ని కైవసం చేసుకుంది. ముఖ్యంగా వాస్తవ జీడీపీ వృద్ధి రేటు (రియల్ జీడీపీ గ్రోత్), తలసరి జీడీపీ వృద్ధి, అలాగే గ్రాస్ సేవింగ్స్ విభాగాలలోఇండియా ఇప్పుడు ప్రపంచంలోనే నంబర్ వన్ గా ఎదిగింది. గ్రాస్ క్యాపిటల్ ఫార్మేషన్, ఎగుమతుల వృద్ధిలో రెండో స్థానంలో నిలిచింది. డెట్-టు-జీడీపీ నిష్పత్తిలో మూడో స్థానాన్ని సొంతం చేసుకుంది. ఇదే సమయంలో చైనా 66 స్కోరుతో రెండో స్థానంలోనూ, జపాన్ మరియు రష్యా 60 స్కోరుతో సంయుక్తంగా మూడో స్థానంలోనూ నిలిచాయి, ఆ తర్వాత స్థానాల్లో వరుసగా జర్మనీ, ఇటలీ, బ్రెజిల్, బ్రిటన్, ఫ్రాన్స్ వంటి దేశాలు నిలిచాయి. అగ్రరాజ్యంగా ఉన్న అమెరికా 36 స్కోరుతో ఈ జాబితాలో అట్టడుగు స్థానంతో సరిపెట్టుకోవలసి వచ్చింది. దేశ ఆర్థిక వ్యవస్థ పటిష్టమైన స్థూల ఆర్థిక మూలాలపై ఆధారపడి ఉందని ఆర్బీఐ గతంలోనే స్పష్టం చేసింది. ప్రభుత్వం తీసుకున్న విధానపరమైన నిర్ణయాలు, సకాలంలో అమలు చేసిన ఆర్థిక సంస్కరణలు అంతర్జాతీయ సవాళ్ల నుంచి దేశాన్ని సురక్షితంగా కాపాడాయని ఆర్థిక నిపుణులు విశ్లేషిస్తున్నారు. ఇదికూడా చదవండి: భారత జిడిపి వృద్ధి 8% దాటేదే కానీ: ఆర్‌బిఐ సంచలన ప్రకటన!​ మరోవైపు వాణిజ్య రంగంలోనూ ఇండియా పురోగతి ప్రస్ఫుటంగా కనిపిస్తోంది. ప్రస్తుత ఆర్థిక సంవత్సరపు తొలి అర్ధభాగంలో వాణిజ్య ఎగుమతులు రెండంకెల వృద్ధిని నమోదు చేయడంతో దేశ వాణిజ్య లోటు భారీగా తగ్గింది. అదేవిధంగా విదేశీ ప్రత్యక్ష పెట్టుబడులు , ఈసీబీలు, విదేశీ రెమిటెన్స్ లూ కూడా పుంజుకున్నాయి. ఈ సానుకూల పరిణామాలను పరిగణలోకి తీసుకున్న అంతర్జాతీయ ద్రవ్య నిధి భారత వృద్ధి రేటు అంచనాను మరో 60 బేసిస్ పాయింట్లు పెంచి 7 శాతానికి సవరించింది. రాబోయే రోజుల్లో భారత ఆర్థిక వ్యవస్థ మరింత బలపడే అవకాశం ఉందని మార్కెట్ నిపుణులు అంచనా వేస్తున్నారు. ప్రపంచ దేశాలన్నీ ఆర్థిక మాంద్యం ఎదుర్కొంటున్న తరుణంలో, ఇండియ స్థిరమైన వృద్ధిని కనబరచడం అంతర్జాతీయ వేదికపై దేశ ఆర్థిక శక్తికి నిదర్శనంగా నిలుస్తోందని ఆర్థిక నిపుణులు పేర్కొంటున్నారు. మీకు నచ్చవచ్చు: గ్లోబల్ ఎకానమీ వృద్ది అంచనాలు: అగ్రస్థానంలో ఇండియా.!​ భారత పరిశ్రమల సంచలనం: ఆగస్టులో 8 శాతానికి చేరిన పారిశ్రామిక వృద్ధి!​ [Iindia GlobalEconomy, Record, China, USA, , IMF India, Growth Rate, TeluguOne]

Published on: Wed Nov 18, 2026 2:04PM

political-news-img

కుల్గాంలో భారీ ఎన్ కౌంటర్: సత్ఫలితాలనిస్తున్న కూంబింగ్.!

జమ్మూకశ్మీర్‌లోని కుల్గాం జిల్లాలో మరోసారి , భద్రతా బలగాలు ఉగ్రవాదుల మధ్య భారీ ఎన్ కౌంటర్ జరిగింది. ఉగ్రవాద కదలికలపై అందిన విశ్వసనీయ సమాచారంతో జమ్మూకశ్మీర్ పోలీసులు, భద్రతా బలగాలు సంయుక్తంగాచేపట్టిన కూంబింగ్ ఆపరేషన్ లో భాగంగా ఈ ఎన్ కౌంటర్ చోటు చేసుకుంది. కొద్ది రోజుల క్రితం కుల్గాం ప్రాంతంలో సీఆర్పీఎఫ్ సిబ్బందిని లక్ష్యంగా చేసుకుని ఉగ్రవాదులు జరిపిన కాల్పుల ఘటనకు కొనసాగింపుగా భద్రతా బలగాలు కూంబింగ్ చేపట్టారు. ఈ నేపథ్యంలోనే తారసపడిన ఉగ్రవాదులు బలగాలపై కాల్పులకు తెగబడటంతో, భద్రతా దళాలు దీటుగా స్పందించి ఎదురుకాల్పులు జరిపాయి. ఈ ఎన్ కౌంటర్ ను కశ్మీర్ జోన్ పోలీసులు అధికారిక ఎక్స్ (ట్విట్టర్) వేదిక ద్వారా ధ్రువీకరించారు. గతంలో సీఆర్పీఎఫ్ జవాన్లపై దాడికి పాల్పడిన వారిలో ఒక ప్రధాన ఉగ్రవాదిని ఇటీవల భద్రతా బలగాలు మట్టుబెట్టగా, ప్రస్తుతం మోస్ట్ వాంటెడ్ కమాండర్ లతీఫ్ భట్ కోసం భద్రతా బలగాలు తీవ్రంగా గాలింపు చర్యలు చేపట్టాయి. డీజీపీ, ఐజీపీ స్థాయి ఉన్నతాధికారులు స్వయంగా ఈ ఉగ్రవాద నిరోధక ఆపరేషన్‌ను పర్యవేక్షిస్తున్నారు. ఆ ప్రాంతాన్ని పూర్తిగా తమ అధీనంలోకి తీసుకున్న బలగాలు, తనిఖీలను ముమ్మరం చేశాయి. ఉగ్రవాదుల ఏరివేతే లక్ష్యంగా జరుపుతున్న ఈ ఆపరేషన్‌లో భద్రతా సిబ్బంది అప్రమత్తంగా వ్యవహరిస్తున్నారు. ఇది కూడా చదవండి: జమ్మూ కాశ్మీర్ లో ఎన్ కౌంటర్: లష్కరే తోయిబా మోస్ట్ వాంటెడ్ కమాండర్ హతం.!​ జమ్మూకశ్మీర్‌లో ఇటీవల కాలంలో శాంతిభద్రతలకు విఘాతం కలిపేందుకు ఉగ్రమూకలు మళ్లీ కుట్రలు పన్నుతున్నాయి. అయినప్పటికీ, భద్రతా బలగాలు సమర్థవంతంగా స్పందిస్తూ వాటిని తిప్పికొడుతున్నాయి. ఇటువంటి హింసాత్మక చర్యలకు పాల్పడే వారిని ఎట్టి పరిస్థితుల్లోనూ ఉపేక్షించేది లేదని భద్రతా వర్గాలు స్పష్టం చేస్తున్నాయి. కుల్గాం మరియు చుట్టుపక్కల జిల్లాల్లో హైఅలర్ట్ ప్రకటించడంతో పాటు అదనపు బలగాలను రంగంలోకి దించారు. ఉగ్రవాదుల ఆచూకీ కోసం డ్రోన్లు మరియు అత్యాధునిక సాంకేతిక పరిజ్ఞానాన్ని కూడా వినియోగిస్తున్నట్లు సమాచారం. ఈ ఎన్‌కౌంటర్‌కు సంబంధించిన పూర్తి వివరాలు తెలియాల్సి ఉంది. మీకు నచ్చవచ్చు: జవాన్ సాహసం: భారీ ఉగ్ర దాడి భగ్నం.! ఉగ్రదాడి బాధితులను పరామర్శించిన హోం మంత్రి అమిత్‌షా​ [JammuKashmir, Encounter, KulgamGunfight, CRPFAttack, TeluguOne]

Published on: Wed Nov 18, 2026 11:29AM

political-news-img

హమ్మయ్య హస్తినలో ఊపిరి పీల్చుకోవచ్చు: ఢిల్లీలో తగ్గిన వాయు కాలుష్యం.!

దేశ రాజధాని నగరం ఢిల్లీ, అలాగే నేషనల్ క్యాపిటల్ రీజియన్ లో వాయుకాలుష్యం తగ్గింది. దీంతో హస్తిన వాసులకు ఉపశమనం లభించింది. హాయిగా గాలి పీల్చుకోవచ్చంటూ ఆనందం వ్యక్తం చేస్తున్నారు దేశ రాజధాని ప్రజలు. ఇటీవల కొన్ని రోజులుగా హస్తిన వాసులను ఉక్కిరి బిక్కిరి చేసిన వాయుకాలుష్య స్థాయిలు తగ్గుముఖం పట్టాయి. అలాగే పొగమంచు బెడద కూడా గణనీయంగా తగ్గింది. తీవ్ర వాయు కాలుష్యం కారణంగా ఇన్ని రోజులుగా ఉన్న నిబంధనలను అధికారులు తగ్గించారు. కేంద్ర కాలుష్య నియంత్రణ మండలి, ఇతర పర్యవేక్షణ సంస్థల సమాచారం ప్రకారం, ఢిల్లీలో సగటు గాలి నాణ్యత సూచీ 204కు పడిపోయింది. కాలుష్య స్థాయిలు కొంతవరకు మెరుగై పేలవమైన కేటగిరీకి చేరడంతో, గ్రేడెడ్ రెస్పాన్స్ యాక్షన్ ప్లాన్ (జీఆర్ఏపీ) మూడో దశ నిబంధనలను సీఏ క్యూయం ఎత్తివేసింది. తాజా పరిస్థితిని సమీక్షించిన అనంతరం ఈ నిర్ణయం తీసుకుంది. ఈ ఆంక్షలు తొలగిపోవడంతో నిర్మాణ రంగ పనులు, వాహనాల రాకపోకలపై విధించిన నిషేధాలు తొలగిపోయాయి. అయితే, శీతాకాలం కొనసాగుతున్నందున కాలుష్య ముప్పు పూర్తిగా తొలగిపోలేదని ప్రజలు అప్రమత్తంగానే ఉండాలని అధికారులు సూచిస్తున్నారు. మోడో దశనిబంధనలు తొలగించినప్పటికీ జీఆర్ఏపీ తొలి రెండు దశల ఆంక్షలు, నిబంధనలూ కొనసాగుతున్నాయని పేర్కొన్నారు. గతంలో దీపావళి పండుగ సమయంతో పాటు ఆ తర్వాతి రోజుల్లో వాయు కాలుష్యం తారాస్థాయికి చేరింది. అనేక ప్రాంతాల్లో ఏక్యూఐ స్థాయిలు ప్రమాదకర మార్కును దాటిపోవడంతో నగరమంతా దట్టమైన విషపూరిత ధూమపటలం అలుముకుంది. ఆ సమయంలో ప్రజలు శ్వాస తీసుకోవడానికి తీవ్ర ఇబ్బందులు పడ్డారు. ఇప్పుడు ఇన్ని రోజుల తరువాత వాయుకాలుష్యం ఒకింత మెరుగుపడటంతో ప్రజలు హాయిగా ఊపిరి పీల్చుకుంటున్నారు. ఇది కూడా చదవండి: హస్తినను కమ్మేసిన వాయు కాలుష్యం ప్రస్తుతం వాతావరణంలో కనిపిస్తున్న ఈ స్వల్ప మెరుగుదల తాత్కాలికం మాత్రమే కావచ్చని పర్యావరణ నిపుణులు అంచనా వేస్తున్నారు. చలి తీవ్రత పెరిగే కొద్దీ గాలి వేగం మందగించి కాలుష్య కారకాలు మళ్లీ పేరుకుపోయే ప్రమాదం ఉందని హెచ్చరిస్తున్నారు. రాబోయే వారాల్లో వాతావరణ పరిస్థితులు ఎలా మారతాయనే దానిపై అధికారులు నిరంతరం నిఘా ఉంచారు.ప్రభుత్వాలు, నియంత్రణ సంస్థలు తీసుకుంటున్న చర్యలతో పాటు పౌరుల భాగస్వామ్యం కూడా కాలుష్య నియంత్రణకు ఎంతో అవసరమని నిపుణులు అభిప్రాయపడుతున్నారు. కాలుష్యాన్ని కట్టడి చేసేందుకు ప్రజలు బాధ్యతాయుతంగా వ్యవహరించాలని అధికారులు కోరుతున్నారు. మీకు నచ్చవచ్చు: Air Pollution: సరిగ్గా వాడితే ప్రాణవాయువు.. అతి చేస్తే కాలకూట విషం.! కాలుష్య భారతం: కాలుష్య నగరాల జాబితాలో ఇండియా టాప్.! [Delhi, Airpollution, GRAP, Stage3Lifted, AQI 20, DelhiNCR,TeluguOne]

Published on: Wed Nov 18, 2026 11:01AM

political-news-img

సోనియా ఆటోబయోగ్రఫీ: కొత్త రికార్డు సృష్టిస్తున్న విక్రయాలు.!

ఇండియన్ పాలిటిక్స్ లో దశాబ్దాలుగా కీలకంగా ఉన్న కాంగ్రెస్ పార్లమెంటరీ పార్టీ చైర్‌పర్సన్ సోనియా ఆత్మకథ దేశ పుస్తక ప్రచురణ రంగంలోనే ఓ కొత్త చరిత్ర సృష్టిస్తోంది. ప్రచురణ అయిన రెండు రోజులలోనే ఆమె ఆటో బయోగ్రఫీ బిలాంగింగ్: ఏ జర్నీ ఆఫ్ లవ్ ప్రచురణ రంగంలో అపూర్వ చరిత్ర సృష్టిస్తోంది. సోనియా జ్ఞాపకాల దొంతరకం పుస్తకం మార్కెట్‌లోకి విడుదలైన రెండు రోజుల్లోనే ఈ పుస్తకం విక్రయాలు కొత్త రికార్డులను నమోదు చేశాయి. ప్రముఖ ప్రచురణ సంస్థ హార్పర్‌కొలిన్స్ ఇండియా ఈ పుస్తకాన్ని మార్కెట్‌లోకి తీసుకువచ్చింది. సాధారణంగా రాజకీయ నాయకుల ఆత్మకథలకు ఉండే ఆదరణ కంటే చాలా చాలా ఎక్కువగా ఈ పుస్తకం ప్రజాదరణ పొందింది. సోనియా గాంధీ జీవితంలోని వ్యక్తిగత కోణాలు, తెలియని అనేక విషయాలు ఈ పుస్తకంలో ఉండటంతో పాఠకులు దీనిని కొనుగోలు చేయడానికి పోటీ పడుతున్నారు. పుస్తకం విడుదలైన రోజుల వ్యవధిలోనే లక్షల కాపీలు అమ్ముడుపోవడమే ఇందుకు నిదర్శనం. గాంధీ కుటుంబానికి సంబంధించిన కొన్ని ప్రత్యేక అంశాలు, ఎన్నడూ వెలుగులోకి రాని రహస్యాలు ఈ పుస్తకంలో ఉండటం వల్ల దీనిపై సర్వత్రా ఆసక్తి వ్యక్తమైంది. సోనియా తన ఆటోబయోగ్రఫీలో రాజకీయ విషయాలకే పరిమితం కాకుండా, ఒక సాధారణ మహిళగా ఆమె భారత్‌లో అడుగుపెట్టినప్పటి నుంచి ఎదుర్కొన్న సవాళ్లు, వ్యక్తిగత జీవితయానం, విషాదాలు, ఆనందాలను సోనియా తన ఆటోబయోగ్రఫీలో హృదయాలను హత్తుకునేలా ప్రజెంట్ చేశారు. అందుకే ఈ పుస్తకానికి విశేష పాఠకాదరణ లభిస్తోంది. ఇండియన్ పొలిటికల్ పర్సనాలిటీలకు సంబంధించి ఇప్పటివరకు వచ్చిన ఆటోబయోగ్రఫీలలో అత్యధికంగా అమ్ముడైన పుస్తకాల సరసన ఇది నిస్సందేహంగా నిలుస్తుందనీ, వాటిని దాటేయడం ఖాయమనీ పరిశీలకులు ఆ పుస్తకాల విక్రయం అవుతున్న వేగాన్ని బట్టి అంచనా వేస్తున్నారు. దేశవ్యాప్తంగా ఉన్న బుక్‌స్టోర్లు,యు ఆన్‌లైన్ వేదికలపై ఈ పుస్తకం కోసం పాఠకులు ఎగబడుతున్నారు. ఇది కూడా చదవండి: రాహుల్‌కు ముందే పుట్టిన మగబిడ్డ.. తొలి కాన్పుపై సోనియా భావోద్వేగ జ్ఞాపకాలు.! ఈ పుస్తకానికి లభిస్తున్న ఆదరణ చూస్తుంటే, రాబోయే రోజుల్లో ఇది భారతీయ ప్రచురణ చరిత్రలో సరికొత్త బెంచ్‌మార్క్‌లను సృష్టించే అవకాశం ఉంది. సోనియా గాంధీ రాసిన ఈ జ్ఞాపకాల దొంతర పుస్తకం దేశ రాజకీయాలలో అత్యంత చర్చనీయాంశగా మారిన పుస్తకంగా నిలుస్తుందనడంలో సందేహం లేదు. ఈ విజయం కేవలం పుస్తకాల విక్రయం ద్వారా వచ్చే వాణిజ్య విజయం మాత్రమే కాదనీ, సోనియా జీవనయానం పట్ల ప్రజలలో ఉన్న గౌరవానికి నిలువెత్తునిదర్శనమనీ పరిశీలకులు అభివర్ణిస్తున్నారు. రానున్న రోజులలో బిలాంగింగ్: ఏ జర్నీ ఆఫ్ లవ్ పుస్తక విక్రయాలు మరింత జోరందుకుంటాయని పరిశీలకులు అంచనా వేస్తున్నారు. అంతే కాకుండా కాంగ్రెస్ పార్టీ సోనియా ఆటోబయోగ్రఫీపై దేశ వ్యాప్తంగా ప్రధాన నగరాలలో చర్చాగోష్ఠులు నిర్వహించేందుకు సమాయత్తమౌతున్నట్లు తెలుస్తోంది. మీకు నచ్చవచ్చు: ఒత్తిడితో ఓకే చెప్పా: ఆ తరువాత నో అన్నా.. ప్రధాని పదవిపై సోనియాగాంధీ.! రాజీవ్‌ గాంధీకు నో.. రాహుల్‌కు ఓకేనా? సోనియా ఆత్మకథలో ఆసక్తికర విషయాలు.! [Sonia Gandhiautobiography, Belonging, Sonia Gandhibooksales, Newrecord, TeluguOne]

Published on: Wed Nov 18, 2026 8:59AM

political-news-img

కాలాపాని నుంచి హుస్సేనీవాలా సమాధి వరకూ.. చరిత్ర గుర్తించని యోధుడు బటుకేశ్వర్ దత్.!

బటుకేశ్వర్ దత్ జయంతి సందర్భంగా ప్రత్యేక వ్యాసం స్వాతంత్ర్య సంగ్రామ చరిత్రలో అసమాన ధైర్యసాహసాలతో చెరగని ముద్ర వేసిన విప్లవ వీరుడు బటుకేశ్వర్ దత్ జయంతిని నవంబర్ 18న దేశవ్యాప్తంగా జరుపుకుంటూ ఆయనను స్మరించుకుంటున్నారు. 1910 నవంబర్ 18న జన్మించిన బటుకేశ్వర్ దత్..షాహీద్ భగత్ సింగ్‌కు అత్యంత సన్నిహితుడు, పోరాట సహచరుడు. బ్రిటిష్ సామ్రాజ్యవాదుల గుండెల్లో వణుకు పుట్టించిన మహాయోధుడు కూడా. 1929 ఏప్రిల్ 8న బ్రిటిష్ పాలకులు తీసుకువచ్చిన ప్రజావ్యతిరేక చట్టాలకు నిరసనగా భగత్ సింగ్, బటుకేశ్వర్ దత్ కలిసి ఢిల్లీలోని సెంట్రల్ అసెంబ్లీలో బాంబులు విసిరారు. అయితే ఎవరికీ ఎలాంటి ప్రాణహాని కలగకూడదనే ఉద్దేశంతో ఖాళీ బెంచీల వద్దే వారు ఈ పేలుడుకు పాల్పడ్డారు. ఆ తరువాత అక్కడ నుంచి తప్పించుకుపోవడానికి ఉన్న అవకాశాన్ని కాదనుకుని ఇంక్విలాబ్ జిందాబాద్ నినాదాలు చేస్తూ.. విప్లవ కరపత్రాలను గాలిలోకి వెదజల్లారు. భారత స్వాతంత్ర్య కాంక్షను గుర్తించకుండా గుడ్డి దర్బార్ గా వ్యవహరిస్తున్న బ్రిటిష్ సామ్రాజ్యావాదుల కళ్లు తెరిపించడం, స్వాతంత్ర్య నినాదాలను వినకుండా చెవిటి దర్బార్ నడుపుతున్న బ్రిటిష్ పాలకుల చెవుళ్లో తుప్పు వదిలి దేశం గొంతు వినిపించాలన్న ఉద్దేశంతోనే బటుకేశ్వర్ దత్, భగత్ సింగ్ లు సెంట్రల్ అసెంబ్లీలో బాంబులు పేల్చారు. ప్రాణహాని కలిగించడం వారి ఉద్దేశం కాదు. బ్రిటిష్ పాలకులకు దేశ స్వాతంత్ర్య సంగ్రామ సింహనాదాన్ని వినిపించడమే వాలక్ష్యం. సరే సెంట్రల్ అసెంబ్లీలో బాబులు విసిరిన ఘటన తరువాత పోలీసులు బటుకేశ్వర్ దత్, భగత్ సింగ్ లను అదుపులోనికి తీసుకున్నారు. విచారణ తరువాత భగత్ సింగ్ కు ఉరి శిక్ష అమలు చేశారు. బటుకేశ్వర్ దత్ ను అండమాన్‌లోని సెల్యులార్ జైలుకు (కాలాపానీ) తరలించారు. అక్కడ దాదాపు పద్నాలుగేళ్ల పాటు ఆయన నరకయాతనను అనుభవించారు. దేశ స్వాతంత్ర్య సాధన లక్ష్యాన్ని మరచి క్షమాభిక్ష కోరడానికి మాత్రం అంగీకరించలేదు. పిన్న వయస్సులోనే మరణశిక్షకు గురైనందున భగత్ సింగ్ విప్లవ ప్రతీకగా జనం గుండెల్లో చిరస్థాయిగా నిలిచిపోయారు. అంతకు ఇసుమంతైనా తక్కువ కాని త్యాగం చేసిన బటుకేశ్వర్ సింగ్ కు మాత్రం చరిత్రలో తగినంత గుర్తింపు రాలేదు. ఇది కూడా చదవండి అండమాన్ జైలు శిక్ష పూర్తి చేసుకుని బయటకు వచ్చిన బటుకేశ్వర్ దత్ ను స్వాతంత్ర్యం సిద్ధించిన తరువాత కూడా నెహ్రూ ప్రభుత్వం నిర్లక్ష్యం చేసింది. ఉపాధి, ఆదరణ లేక ఆ మహావీరుడు ఎన్నో ఇబ్బందులు ఎదుర్కొన్నారు.చివరి రోజుల్లో క్షయవ్యాధితో బాధపడిన బటుకేశ్వర్ సింగ్.. 1965 జూలై 20న ఢిల్లీలో తుదిశ్వాస విడిచారు. మరణానికి ముందు తనను తన ప్రాణమిత్రుడు భగత్ సింగ్ సమాధి పక్కనే ఖననం చేయాలని చివరి కోరికగా అడిగారు. ఆయన చివరి కోరిక మేరకు పంజాబ్‌లోని హుస్సేనివాలాలో భగత్ సింగ్ సమాధి పక్కనే బటుకేశ్వర్ దత్ అంత్యక్రియలు నిర్వహించి స్మారకాన్ని నిర్మించారు. దేశ స్వాతంత్ర్యం కోసం సర్వస్వం త్యాగం చేసిన ఇలాంటి అజ్ఞాత వీరుల చరిత్రను నేటి తరానికి పరిచయం చేయాల్సిన అవసరం ఎంతైనా ఉంది. ఇప్పటికైనా పాఠ్యపుస్తకాల్లో ఆయన జీవిత చరిత్రను పాఠ్యాంశంగా చేర్సాల్సిన అవసరం ఎంతైనా ఉంది. అదే విధంగా ఆయన జయంతి, వర్ధంతులకు ప్రభుత్వం అధికారికంగా నిర్వహించి బటుకేశ్వర్ దత్ త్యాగాలను గుర్తించి, ఆయన అసమాన పోరాట చరిత్రను నేటి తరానికి పరిచయం చేయడమే ఆయనకు అర్పించే నిజమైన నివాళి. మీకు నచ్చవచ్చు: [Batukeshwar Dutt, Birth anniversary, Bhagat Singhassociate, Freedom fighter, Hussainiwala memorial, TeluguOne]

Published on: Wed Nov 18, 2026 8:34AM

political-news-img

ఈ తీర్పు దక్కిన న్యాయాన్ని దూరం చేసింది.. బల్కిస్ బానో ప్రకటన.!

2002 గుజరాత్ అల్లర్ల నాటి సామూహిక అత్యాచారం హత్య కేసులో సుప్రీంకోర్టు సంచలన నిర్ణయం వెలువరించింది. ఈ కేసులో జీవిత ఖైదు అనుభవిస్తున్న ఇద్దరు దోషుల శిక్షలను నిలిపివేస్తూ సర్వోన్నత న్యాయస్థానం వారికి బెయిల్ మంజూరు చేయడంపై బాధితురాలు బిల్కిస్ బానో తీవ్ర దిగ్భ్రాంతి వ్యక్తం చేశారు. కనీసం తనకు సమాచారం ఇవ్వకుండా, తన తరఫు వాదనలు వినకుండానే ఈ ఉత్తర్వులు వెలువడటం తనను విస్మయపరిచిందని ఆవేదన వ్యక్తం చేశారు. ఇంతకీ ఈ తీర్పుపై బల్కిస్ బానో ఎందుకు అసంతృప్తి వ్యక్తం చేశారంటే.. అప్పటి అల్లర్లలో అప్పటికి ఐదు నెలల గర్భిణిగా ఉన్న బిల్కిస్ బానోపై సామూహిక అత్యాచారం జరిగింది. ఈ ఘటనలో ఆమె మూడేళ్ల కుమార్తె సహా కుటుంబంలోని ఏడుగురిని దారుణ హత్యకు గురయ్యారు. తనకు జరిగిన అన్యాయంపై ఆమె అలుపెరుగని పోరటం చేశారు. ఈ నేపథ్యంలోనే తాజాగా ఆ కేసులో ఇద్దరు దోషులకు సుప్రం కోర్టు బెయిలు మంజూరు చేయడంపై తీవ్ర దిగ్భ్రాంతి, అసంతృప్తి వ్యక్తం చేశారు. ఈ మేరకు తన న్యాయవాది శోభా గుప్తా ద్వారా విడుదల చేసిన ప్రకటనలో బిల్కిస్ బానో.. తాను న్యాయం 24 ఏళ్లుగా సాగించి దక్కించుకున్న న్యాయం దూరమైపోయిందని ఆవేదన వ్యక్తం చేశారు. తనకు మీడియా ద్వారానే సుప్రీంకోర్టు బెయిల్ ఉత్తర్వుల విషయం తనకు తెలిసిందన్న ఆమె, తనకు ఎటువంటి సమాచారం ఇవ్వకుండా, నా వాదన వినకుండానే దేశ సర్వోన్నత న్యాయస్థానం నిర్ణయం తీసుకోవడం షాక్‌కు గురిచేసిందని పేర్కొన్నారు. ఎంతో కష్టపడి, పోరాడి గెలుచుకున్న న్యాయాన్ని సుప్రీం నిర్ణయంతో కోల్పోయినట్లు అయ్యిందని బాల్కిస్ బానో ఆ ప్రకటనలో పేర్కొన్నారు. ఇప్పుడు ఈ తీర్పుతో తన కుటుంబం, తన పిల్లల భద్రతపై భయాలు మళ్లీ చుట్టుముట్టాయనని పేర్కొన్నారు. ఈ కేసులో జీవిత ఖైదు అనుభవిస్తున్న బిపిన్ చంద్ర జోషి, ప్రదీప్ మోర్ధియా అనే ఇద్దరు దోషులు ఇప్పటికే 17 ఏళ్లకు పైగా జైలు శిక్ష పూర్తి చేసుకున్నారని, వారిలో ఒకరికి తీవ్రమైన వైకల్యం ఉందని పేర్కొంటూ సుప్రీంకోర్టు ధర్మాసనం సోమవారం (నవంబర్ 16) వారికి బెయిల్ మంజూరు చేసిన సంగతి తెలిసిందే. అంతకుముందు 2022లో గుజరాత్ ప్రభుత్వం ఈ దోషులతో సహా మొత్తం 11 మందికి క్షమాభిక్ష ప్రసాదించగా, 2024 జనవరి 8న సుప్రీంకోర్టు ఆ ఉత్తర్వులను రద్దు చేస్తూ వారందరినీ తిరిగి జైలుకు పంపిన సంగతి విదితమే. ఇది కూడా చదవండి: గుజరాత్‌ అల్లర్ల కేసులో మోడీకి ఊరట తాజా పరిణామంపై స్పందించిన బిల్కిస్ బానో, ఈ ఉత్తర్వులను తాను చట్టపరంగా సవాలు చేస్తానని స్పష్టం చేశారు. 2002 నాటి అల్లర్లలో ప్రాణాలు కోల్పోయిన తన మూడేళ్ల కుమార్తె సలేహా జ్ఞాపకార్థం, అలాగే తన పిల్లలు భవిష్యత్తులో ఎటువంటి భయం లేకుండా ప్రశాంతంగా బతకాలని కోరుకుంటూ తాను ఈ పోరాటాన్ని కొనసాగిస్తానని స్పష్టం చేశారు. న్యాయ వ్యవస్థపై తనకు ఇప్పటికీ అచంచలమైన విశ్వాసం ఉందని, అయితే ఈ ప్రక్రియలో తన గొంతును వినిపించే అవకాశం కోల్పోవడం బాధాకరమని బిల్కిస్ తెలిపారు. దోషుల విడుదలను సవాలు చేస్తూ త్వరలోనే కోర్టుకు వెడతామని ఆమె తరఫు న్యాయవాదులు వెల్లడించారు. మీకు నచ్చవచ్చు: హనీట్రాప్ వలలో మాజీ సైనికుడు: లిఫ్ట్ ఇచ్చిన పాపానికి బ్లాక్ మెయిల్.!​ జగన్ కంచుకోటలో కూటమి జెండా.. కడపలో వైసీపీకి భారీ షాక్.! [BilkisBanocase, SupremeCourt, Gujaratriotsconvicts, BilkisBanoreaction, TeluguOne]

Published on: Tue Nov 17, 2026 2:24PM

political-news-img

14 ఏళ్ల వైవాహిక బంధానికి వీడ్కోలు..భార్యతో విడాకులు ప్రకటించిన మంత్రి ఆధవ్‌ అర్జున.!

తమిళనాడు రాజకీయ వర్గాల్లో ఊహించని పరిణామం చోటుచేసుకుంది. రాష్ట్ర కేబినెట్‌లో కీలక బాధ్యతలు నిర్వర్తిస్తున్న ఓ ప్రముఖ మంత్రి వ్యక్తిగత జీవితంలో సంచలన నిర్ణయం తీసుకున్నారు. సుదీర్ఘకాలంగా కొనసాగుతున్న తన వైవాహిక బంధానికి స్వస్తి పలకాలని ఆయన నిర్ణయించుకున్నట్లు సమాచారం. తమిళనాడు ప్రభుత్వంలో పబ్లిక్ వర్క్స్ క్రీడాభివృద్ధి శాఖల మంత్రిగా బాధ్యతలు నిర్వహిస్తున్న ఆధవ్ అర్జున, ఆయన సతీమణి డైసీ మార్టిన్ తమ వివాహ బంధానికి అధికారికంగా ముగింపు పలికారు. లాటరీ వ్యాపార దిగ్గజంగా పేరుగాంచిన శాంటియాగో మార్టిన్ కుమార్తె అయిన డైసీ మార్టిన్ సోమవారం ఈ విషయాన్ని స్వయంగా సోషల్ మీడియా వేదికగా వెల్లడించారు. దాదాపు 14 సంవత్సరాల పాటు సాగిన తమ వైవాహిక జీవితం నుంచి విడిపోవాలని తామిద్దరం పరస్పర అంగీకారంతో నిర్ణయించుకున్నట్లు ఆమె స్పష్టం చేశారు. ఇన్నేళ్ల ప్రయాణంలో స్నేహితులుగా, జీవిత భాగస్వాములుగా, తల్లిదండ్రులుగా ఎన్నో మధుర జ్ఞాపకాలను పంచుకున్నామని తెలిపారు. తమ జీవితంలో ఎదురైన ఆటుపోట్లను, మలుపులను ప్రేమతో, అవగాహనతో ఎదుర్కొన్నామని పేర్కొన్నారు. భార్యాభర్తలుగా వేర్వేరు దారుల్లో పయనిస్తున్నప్పటికీ, తమ సంతానం పట్ల ఉన్న బాధ్యతను మాత్రం సంయుక్తంగా నిర్వర్తిస్తామని వారు స్పష్టం చేశారు. పిల్లల సంతోషం, వారి భవిష్యత్తు, బాగోగులే తమకు ఎప్పటికీ మొదటి ప్రాధాన్యమని డైసీ మార్టిన్ తన ప్రకటనలో పునరుద్ఘాటించారు. ఆధవ్ అర్జున రాజకీయ ప్రయాణంలోనూ, వ్యక్తిగత జీవితంలోనూ ఎదుగుదల కోసం తాను ఎప్పుడూ ఆకాంక్షిస్తానని ఆమె పేర్కొన్నారు. ఆయన భవిష్యత్తులో మరింత ప్రశాంతంగా, విజయవంతంగా ముందుకు సాగాలని మనస్పూర్తిగా కోరుకుంటున్నట్లు తెలిపారు. తమ వ్యక్తిగత నిర్ణయాన్ని గౌరవించి, ఈ మార్పు సమయంలో మీడియా ప్రతినిధులు, నెటిజన్లు తమ గోప్యతకు భంగం కలిగించవద్దని వారు విజ్ఞప్తి చేశారు. ప్రస్తుతం ఈ వార్త రాష్ట్ర రాజకీయ వర్గాల్లోనూ, సోషల్ మీడియాలోనూ తీవ్ర చర్చనీయాంశంగా మారింది. ప్రజా జీవితంలో బిజీగా ఉంటూనే, వ్యక్తిగత నిర్ణయాలను ఇరువర్గాలు పక్వతతో తీసుకున్న తీరుపై రకరకాల చర్చలు జరుగుతున్నాయి. ఏది ఏమైనప్పటికీ, ప్రముఖ రాజకీయ నేత కుటుంబంలో చోటుచేసుకున్న ఈ పరిణామం అందరినీ విస్మయానికి గురిచేసింది. ఇది కూడా చదవండి: భారత రక్షణ రంగానికి సరికొత్త డ్రోన్‌ ముప్పు: టర్కీతో పాకిస్థాన్‌ భారీ ఒప్పందం.! వీసీకే పార్టీకి చెందిన ఆధవ్ అర్జున ఆ తరువాత విజయ్ నేతృత్వంలోని టీవీకే పార్టీలో చేరారు. ఆధవ్ అర్జున.. అధికార టీవీకేలో నంబర్ 2 గా వ్యవహరిస్తోన్నారు. విజయ్ కు కుడిభుజంగా ఆయనకు గుర్తింపు ఉంది. ఈ ఏడాది మే లో జరిగిన శాసనసభ ఎన్నికల్లో విల్లివాక్కం నియోజకవర్గం నుంచి పోటీ చేసి ఎమ్మెల్యేగా ఘన విజయం సాధించారు.14 సంవత్సరాలుగా కొనసాగుతూ వచ్చిన వీరి వైవాహిక బంధానికి తెరపడినట్టయింది. దీనిపై డైసీ మార్టిన తన ఇన్ స్టాగ్రామ్ లో పోస్ట్ పెట్టారు. ఇద్దరూ పరస్పర అంగీకారంతోనే విడిపోవాలని నిర్ణయించుకున్నట్లు అధికారికంగా ప్రకటించారు. ఈ నిర్ణయం తమ జీవితాల్లో ఒక కొత్త అధ్యాయానికి నాంది పలుకుతుందని వ్యాఖ్యానించారు. తాము విడిపోయినప్పటికీ.. ఒకరిపట్ల ఒకరికి ఎప్పటికీ గౌరవం ఉంటుందని ఆమె స్పష్టం చేశారు. 14 సంవత్సరాలుగా స్నేహితులుగా, జీవిత భాగస్వామ్యులుగా, తల్లిదండ్రులుగా కలిసి సాగించిన ప్రయాణంలో ఎంతో ప్రేమ, అవగాహన, ఎత్తుపల్లాలను చూశామని ఆమె పేర్కొన్నారు. వేర్వేరుగా ఉన్నప్పటికీ.. ఆధవ్ అర్జున్ పట్ల తనకు ఎప్పటికీ గౌరవం తగ్గదని, అది చిరస్మరణీయంగా నిలిచి పోతుందని డైసీ అన్నారు. ఆయన ఎంచుకునే ప్రతి మార్గంలోనూ సంతోషం, మనశ్శాంతి, విజయం లభించాలని మనస్ఫూర్తిగా ఆశిస్తున్నానని అన్నారు. ఈ సమయంలో తమ పరిస్థితిని అర్థం చేసుకుని, కుటుంబానికి అవసరమైన ప్రైవసీని ఇవ్వాలని, అభిమానులు, మీడియా సంయమనంతో వ్యవహరించాలని ఆమె కోరారు. మీకు నచ్చవచ్చు: కోట్ల విలువైన నగలు కొట్టేశాడు..ఒక్క టాటూతో అడ్డంగా దొరికాడు.! మీకు నచ్చవచ్చు: హైదరాబాద్‌లో బిర్యానీ ప్రియులకు షాక్..భారీగా పెరిగిన ధరలు.! [ Aadhav Arjuna divorce, Daisy Martin husband, Tamil Nadu minister personal life, TVK party leaders news, Santiago Martin daughter ]

Published on: Mon Nov 16, 2026 3:28PM

political-news-img

ఐపీఎల్ నిధుల గోల్ మాల్ నిందితుడు లలిత్ మోడీ: ఇక యూకే సిటిజన్.!

ఇండియన్ ప్రీమియర్ లీగ్ (ఐపీఎల్) వ్యవస్థాపకుడు, మాజీ ఛైర్మన్ లలిత్ మోదీ తాను భారత పౌరుడిని కాదనీ, ఇక బ్రిటిష్ సిటిజన్ ను అని ప్రకటించారు. తాను అధికారికంగా బ్రిటన్ పౌరసత్వాన్ని పొందినట్లు వెల్లడించారు. ఆక్స్‌ఫర్డ్ యూనియన్ లో జరిగిన ఒక కార్యక్రమంలో మాట్లాడిన లలిత్ మోడీ, తాను గత 16 ఏళ్లుగా యునైటెడ్ కింగ్‌డమ్‌లోనే నివసిస్తున్నాననీ, ఇప్పుడు తనకు బ్రిటిష్ పౌరసత్వం లభించడం గర్వకారణమనీ చెప్పారు. ఈ ఏడాది సెప్టెంబర్ 15నే తన కుటుంబ సభ్యులు, సన్నిహితుల మధ్య బ్రిటన్ పౌరసత్వ వేడుకను ఘనంగా నిర్వహించుకున్నట్లు చెప్పిన లలిత్ మోడీ. బ్రిటన్ రాజు కింగ్ చార్లెస్ III జన్మదిన వేడుకల సందర్భాన్ని పురస్కరించుకుని ఈ విషయాన్ని అందరితో పంచుకోవడం సంతోషంగా ఉందన్నారు. గాడ్ సేవ్ ది కింగ్ అంటూ తన పౌరసత్వ విషయాన్ని సోషల్ మీడియా వేదికగా పంచుకున్నారు. బ్రిటన్ తనను ఎంతో ఆదరించిందని, అక్కడి సంప్రదాయాలు, విలువలు, సంస్థలు, ప్రజల జీవన విధానం తనకు ఎంతగానో నచ్చాయన్న గత 16 ఏళ్లుగా యునైటెడ్ కింగ్ డమ్ తన ఆవాసంగా మారిందన్నారు. ఇప్పుడు చట్టబద్ధంగా బ్రిటన్ పౌరుడిగా గుర్తింపు పొందడం ఒక అదృష్టంగానే కాకుండా ఎంతో బాధ్యతతో కూడుకున్న పవిత్రమైన విషయంగా భావిస్తున్నట్లు పేర్కొన్నారు. ఇది కూడా చదవండి: ఆర్థిక నేరగాడు లలిత్ మోడీపై చర్యలు అటకెక్కినట్లేనా? ఈ కొత్త అధ్యాయంలోకి ఉత్సాహంగా అడుగుపెడుతున్నానన్న లలిత్ మోడీ.. ఇక తన శేష జీవితమంతా బ్రిటన్ పౌరుడిగానే కొనసాగుతానని చెప్పుకొచ్చారు. కాగా, గతంలో ఐపీఎల్ టోర్నమెంట్‌ నిర్వహణ సమయంలో ఆర్థిక లావాదేవీలు, నిధుల దుర్వినియోగం వంటి ఆరోపణలు ఎదుర్కొన్న లలిత్ మోదీ, 2010లో భారత్‌ను వీడి బ్రిటన్‌కు ప్రవాసం వెళ్లిన సంగతి తెలిసిందే. అప్పట్నుంచి ఆయన లండన్ కేంద్రంగానే నివసిస్తున్న లలిత్ మోడీ భారత దర్యాప్తు సంస్థల విచారణలు ఎదుర్కొంటున్నారు. ఇటువంటి తరుణంలో ఆయనకు బ్రిటిష్ పౌరసత్వం లభించడం రాజకీయ, క్రీడా వర్గాల్లో హాట్ టాపిక్ గా మారింది. 16 ఏళ్లుగా ప్రవాస జీవితం గడిపిన లలిత్ మోదీ, ఇప్పుడు బ్రిటన్ దేశ పౌరసత్వాన్ని అధికారికంగా స్వీకరించడం ద్వారా ఇండియాకు తిరిగి రాననీ, దర్యాప్తు సంస్థలకు సహకరించే ఉద్దేశం లేదనీ విస్పష్టంగా ప్రకటించినట్లైంది. మీకు నచ్చవచ్చు: లలిత్ మోడీ షాకింగ్ కామెంట్స్: క్రికెట్‌లో రోజుకు రూ. 40వేల కోట్ల బెట్టింగ్! అంతర్జాతీయ క్రికెట్ బెట్టింగ్ ముఠా గుట్టురట్టు.. .10 మంది అరెస్టు [Lalit Modi, Oxford Union announcement, IPL founder,UK citizenship, TeluguOne]

Published on: Sun Nov 15, 2026 12:35PM