బిగ్ బాస్ ప్రేక్షకులను హత్తుకున్న కంటెస్టెంట్స్ కోరికలు!
on Oct 7, 2022
ముప్పై రెండవ రోజు' లైలా ఓ లైల' పాటకి, కంటెస్టెంట్స్ అదిరిపోయే డ్యాన్స్ స్టెప్పులతో హుషారుగా మొదలైంది బిగ్ బాస్.
నిన్నటి దాకా 'బిగ్ బాస్ పుట్టిన రోజు' వేడుకలకు మంచి ఎంటర్టైన్మెంట్ ఇచ్చిన కంటెస్టెంట్స్ ను బిగ్ బాస్ అభినందించాడు. "హౌస్ మేట్స్ అందరు తమ కోరికలు ఏంటో ఒక పేపర్ మీద రాసి, గార్డెన్ ఏరియాలో ఉన్న బావిలో పడేయండి" అని బిగ్ బాస్ తెలియజేసాడు. మొదట శ్రీహాన్ వచ్చి సిరి గురించి ఎమోషనల్ అయ్యాడు. "నువ్వు షూట్స్ లో బిజీగా ఉంటావని తెలుసు కానీ మా అమ్మ నాన్నలకి రోజుకి ఒక్కసారైనా కాల్ చెయ్. నేను లేని లోటును తీర్చు" అని కంటతడి పెట్టుకున్నాడు శ్రీహాన్. ఆ తర్వాత సుదీప తన భర్త 'రంగనాథ్' టీ షర్ట్ మరియు ఫోటో కావాలని అడిగింది. తర్వాత రేవంత్ తన భార్యని బాగా చూసుకొమని వాళ్ళ అమ్మనాన్నకి చెప్పుకున్నాడు. "నేను ఇక్కడికి వచ్చే వారం ముందే పాప పుట్టింది. పాపకి మంచి పేరు పెట్టాలని ఉందని, నేను ముద్దుగా బుజ్జమ్మా అని పిలుచుకుంటున్నా" అని ఏడ్చేసాడు ఆదిత్య.
అర్జున్ వాళ్ళ నాన్నకి డయాబెటిస్. తనకి స్నేహితులు ఎవరు లేరని, నాన్నని జాగ్రత్తగా చూసుకోండని ఏడ్చేసాడు. ఆ తర్వాత సూర్య, "నా బుజ్జమ్మ గురించి, నాన్న గురించి, అమ్మ గురించి ఒక వీడియో చేయమని, వీడియోలో కాస్త ఎక్కువగా మా నాన్నని మాట్లాడమని చెప్పండి" అని ఏడ్చేసాడు.ఇనయా మాట్లాడుతూ, "మమ్మీ , నాన్న కన్నా ఎక్కువగా నేను నిన్ను చూసుకోలేను. కానీ ఇక్కడికి ఒక్కసారి రా అమ్మ" అంటూ ఏడుస్తూ చెప్పుకుంది ఇనయా. ఇలా ఒక్కొక్కరుగా వచ్చి తమ కోరికలను చెప్పుకొని బాగా ఎమోషనల్ అయ్యారు.
కెప్టెన్ కీర్తి భట్ ని, "కెప్టెన్ పోటీదారులు ఎవరు?" అని బిగ్ బాస్ అడుగగా, "ఫైమా, రేవంత్, సూర్య, గీతు, ఆదిత్య, రాజ్" అని చెప్పింది. "కెప్టెన్సీ పోటీ రెండు లెవల్స్ ఉంటుంది. మొదటి లెవల్ గెలిచిన వారికి రెండవ లెవల్ ఉంటుంది" అని వివరించాడు బిగ్ బాస్. కాగా ఈ పోటీలో సూర్య, ఆదిత్య, రేవంత్ గెలిచారు. అయితే ఈ ముగ్గురిలో ఎవరు? తర్వాత లెవల్ లో గెలిచి, కెప్టెన్ అవుతారో చూడాలి మరి.