బుల్లితెరపై అత్యంత క్రేజ్ ఉన్న రియాలిటీ షో 'బిగ్బాస్'లో ఎప్పుడూ ఏదో ఒక వివాదం నడుస్తూనే ఉంటుంది. కానీ, ఈసారి ఏకంగా ఓ కంటెస్టెంట్ హౌస్ నుంచి పారిపోయేందుకు ప్రయత్నించడం తీవ్ర కలకలం రేపింది. తమిళ బిగ్బాస్ సీజన్ 10 ప్రారంభమైన రెండో రోజే ఈ ఊహించని పరిణామం చోటుచేసుకోవడంతో వీక్షకులు షాక్కు గురయ్యారు.
షోలో కంటెస్టెంట్గా అడుగుపెట్టిన ప్రముఖ మిమిక్రీ ఆర్టిస్ట్, కమెడియన్ మహ్మద్ అన్సార్ హౌస్ నుంచి ఎస్కేప్ అవ్వడానికి ప్రయత్నించాడు. ప్రధాన ద్వారం మూసి ఉండటంతో, అతను ఏకంగా సెట్లోని ఎత్తైన గోడను ఎక్కి బయటకు దూకేందుకు సిద్ధమయ్యాడు.
అన్సార్ ఉన్నట్టుండి గోడ పైకి ఎక్కడం చూసిన తోటి కంటెస్టెంట్లు తీవ్రంగా ఆందోళనకు గురయ్యారు. వెంటనే అతడి దగ్గరకు పరుగెత్తుకెళ్లి, కిందకు దిగాలంటూ రిక్వెస్ట్ చేశారు. అయినా వినకుండా అన్సార్ బయటకు వెళ్లిపోవాలనే పట్టుదలతో కనిపించడం గమనార్హం. ప్రస్తుతం ఈ డ్రామాకు సంబంధించిన క్లిప్స్ సోషల్ మీడియాలో విపరీతంగా వైరల్ అవుతున్నాయి.
కమెడియన్గా గుర్తింపు తెచ్చుకున్న అన్సార్ 'కలక్క పోవదు యారు', 'కుకు విత్ కోమాలి' వంటి పాపులర్ తమిళ షోలతో మంచి అభిమానులను సంపాదించుకున్నాడు. గొప్ప అంచనాలతో బిగ్బాస్ 10వ సీజన్లోని 19 మంది కంటెస్టెంట్లలో ఒకరిగా అడుగుపెట్టిన ఆయన, ఇంత తీవ్ర నిర్ణయం తీసుకోవడానికి గల కారణాలు ఇంకా తెలియరాలేదు.
హౌస్లోని కెప్టెన్సీ వివాదాలు, తోటి సభ్యులతో వచ్చిన విభేదాలు లేదా తీవ్రమైన మానసిక ఒత్తిడే దీనికి కారణమని గుసగుసలు వినిపిస్తున్నాయి. నెటిజన్లు కూడా ఈ వీడియోపై భిన్నంగా స్పందిస్తున్నారు. కొందరు ఇది కేవలం అటెన్షన్ పబ్లిసిటీ స్టంట్ అని వ్యాఖ్యానిస్తుంటే, మరికొందరేమో రూల్స్ అతిక్రమించినందుకు అతడిని వెంటనే ఎలిమినేట్ చేయాలని డిమాండ్ చేస్తున్నారు.
బిగ్బాస్ రూల్స్ ప్రకారం హౌస్ నిబంధనలు ఉల్లంఘిస్తే కఠిన చర్యలు ఉంటాయి. మరి అన్సార్ చేసిన ఈ హంగామాపై బిగ్బాస్ ఎలాంటి నిర్ణయం తీసుకుంటారు? అతడిని షో నుంచి పంపించేస్తారా లేదా హెచ్చరించి వదిలేస్తారా అనేది రాబోయే ఎపిసోడ్లలో చూడాల్సిందే.
[Bigg Boss Tamil Season 10, Mohamed Ansar Wall Climb, Bigg Boss Tamil Escape Video, Bigg Boss Viral News, TeluguOne TMDB News]
